" ခရီးသွားကဏ္ဍ အနာဂတ်အစီအစဉ်များရေးဆွဲရန် ခရီးသွားစစ်တမ်းကောက်ယူနေပါတယ်။ စစ်တမ်းကရတဲ့ ဒီအချက်အလက်လေးတွေရပြီဆိုရင် ကျွန်တော်တို့ဘယ်နေရာတွေမှာ ဘာတွေလိုအပ်နေသလဲ၊ ဘာတွေလဲ၊ ဒါဆိုရင် ကျွန်တော်တို့က ဘယ်နေရာမှာ ရင်နှီးမြှုပ်နှံမှု လုပ်ဖို့လိုပြီလဲ၊ ဒါတွေကို သိခြင်းအားဖြင့် ရင်းနှီးမြှုပ်နှံမယ့်သူတွေကိုလည်းပဲ ဖိတ်ခေါ်နိုင်တာပါတယ် "
Yangon Times/NN
#Local_News
#Published_ 13 January 2024
#YMG #Yangon_Times #Yangon_Media_Group #YMG_News

Published_ 13 January 2024

ဂျပန်ရိုးရာအငွေ့အသက်ဖြင့်နှစ်သစ်ကြိုဆိုပွဲနှင့် ဂျပန်မှာပညာတော်သင်‌သွားရောက်လိုသူများအတွက် Study in Japan Fair 2024ကျင်းပသွားမည်ဖြစ်ကြောင်း ဂျပန်ဖော‌င်ဒေးရှင်း(ရန်ကုန်)မှသိရသည်။

၂၀၂၄ ခုနှစ် ဇန်နဝါရီလ ၂၀ ရက်နေ့တွင် နှစ်သစ်တစ်ခုကူးပြောင်းသွားခြင်းကို ကြိုဆိုသည့်အနေဖြင့်ဂျပန်ရိုးရာနှစ်သစ်ကူးချိန် အပြင်အဆင်များနှင့်အတူ ရိုးရာကစားနည်းများ၊ဂျပန်ရိုးရာစာလုံးလှရေးသားခြင်းများ၊အထိမ်းအမှတ်တစ်ခုအဖြစ် အမြတ်တနိုးစားသုံးလေ့ရှိသည့်မိုချိမုန့်ပြုလုပ်ခြင်းကို သရုပ်ဖော်ပြသသွားမည် ဖြစ်သည်။

အဆိုပါ နှစ်သစ်ကူးကြိုဆိုပွဲကို ဇန်နဝါရီလ ၂၀ ရက်နေ့တွင် ဗဟန်းမြို့နယ်၊နတ်မောက်လမ်းသွယ် (၁)လမ်းရှိ ဂျပန်ဖောင်ဒေးရှင်း (ရန်ကုန် )၌ ကျင်းပသွားရန်ရှိပြီး အများပြည်သူပါဝင်ဆင်နွဲနိုင်သည်ဟုဆိုသည်။

ဂျပန်ရိုးရာနှစ်သစ်ကြိုဆိုပွဲ အပြင်ဂျပန်ပညာတော် သင်ဆုရရှိလိုသူများ၊ ဂျပန်တွင်ပညာသွားရောက်သင်ကြားလိုသူများအတွက် Study in Japan Fair 2024 for ASEANကိုအွန်လိုင်းကနေတစ်ဆင့် ကျင်းပသွားမည်ဖြစ်သည်။

Study in Japan Fair 2024 for ASEANတွင် ဂျပန်နိုင်ငံ၏ တက္ကသိုလ်၊ သက်မွေးပညာသင်ကောလိပ်နှင့်ဂျပန်ဘာသာစကားကျောင်းစသည့် ပညာရေးအဖွဲ့အစည်း (44)ခုမှ ပါဝင်သွားမည်ဖြစ်သည်ဟု ဆိုသည်။

 ဂျပန််တွင်ပညာသင်ကြားလိုသူများ အနေဖြင့် ဇန်နဝါရီလ 26, 27, 28 ရက်များတွင်  မိမိတို့စိတ်ဝင်စားသည့်ကျောင်း၏Zoom Group Consultation ကိုတက်ရောက်ပြီး သက်ဆိုင်ရာကျောင်း၏တာဝန်ရှိသူနှင့် အွန်လိုင်းကနေတစ်ဆင့် တိုက်ရိုက်ဆွေးနွေးနိုင်မည်ဖြစ်ပြီးအ‌သေးစိတ်ကို The Japan Foundation Yangon Pageတွင်  သွား‌ရောက်လေ့လာနိုင်ကြောင်းသိရသည်။
Yangon Times/tthl
#Local_News
#Published_ 13 January 2024
#YMG #Yangon_Times #Yangon_Media_Group #YMG_News

ဈေးကွက်အတွင်း ကုန်ဝင်ရောက်ပေါ်မူတည်ပြီး ဈေးနှုန်းအပြောင်းလဲမှာ မနက်ပိုင်းနဲ့ ညပိုင်းပင် ဈေးနှုန်းအပြောင်းလဲ ဖြစ်နေတယ်လို့ ဆိုပါတယ်။
Yangon Times/LW
#Local_News
#Published_ 13 January 2024
#YMG #Yangon_Times #Yangon_Media_Group #YMG_News

ပုဂံငှက်ပစ်တောင်ရှိ ရှင်အရဟံရုပ်တုကျောင်းဆောင်နဲ့ ငှက်ရုပ်ကြီးတွေ ထိန်းသိမ်းမယ် ‘‘ရှင်အရဟံအုတ်ကျောင်းရှိ ရှင်အရဟံ ရုပ်တုထားရှိတဲ့ ကျောင်းဆောင်အတွင်းသို့ တိရစ္ဆာန်တွေ ဝင်ရောက်တာ မရှိနိုင်စေရေးအတွက် ဝင်ပေါက်တွေကို သံဇကာအစိပ်နဲ့ တံခါးပြုလုပ် တပ်ဆင်သွားဖို့နဲ့ အမြဲတမ်းသန့်ရှင်းစေရေး ဆောင်ရွက်ထားဖို့လိုတယ်။ ငှက်ကြီးရုပ်တုတွေ ဆေးရောင်တွေ မှေးမှိန်ယိုယွင်းနေတဲ့အတွက် ဆေးပြန်လည် သုတ်ဖို့လိုတယ်” သာသနာရေးနှင့်ယဉ်ကျေးမှုဝန်ကြီးဌာန၊ဒုတိယဝန်ကြီးဒေါ်နုမြဇံ
Yangon Times/tthl
#Local_News
#Published_ 13 January 2024
#YMG #Yangon_Times #Yangon_Media_Group #YMG_News

Published 13 January 2024

အယ်လ်နီညို ရာသီဥတုကြောင့် ယခုနှစ်ဟာ စံချိန်တင်ပူနွေးခဲ့တဲ့ ၂၀၂၃ ခုနှစ်ထက် ပိုမိုပူပြင်းနိုင်တယ်လို့ ကုလသမဂ္ဂက သောကြာနေ့မှာ သတိပေးလိုက်ပြီး ရာသီဥတု ဖောက်ပြန်မှုကို တိုက်ဖျက်ရန်အတွက် ဓာတ်ငွေ့ထုတ်လွှတ်မှု အများအပြားလျှော့ချကြရန် တိုက်တွန်းလိုက်ပါတယ်။

ပြီးခဲ့တဲ့ ဇူလိုင်လကနေ ဒီဇင်ဘာလအထိ လစဥ်စံချိန်တင်အပူချိန်ထွက်ပေါ်ခဲ့ပြီး ပူနွေးလာတဲ့ အယ်လ်နီညို ရာသီဥတုဖြစ်စဥ်ကြောင့် အလားတူပုံစံ ဆက်လက်ဖြစ်ပွားနိုင်တယ်လို့ ကုလသမဂ္ဂ ကမ္ဘာ့မိုးလေဝသအဖွဲ့အစည်း (UN WMO)က ပြောကြားလိုက်ပါတယ်။

အမေရိကန် အမျိုးသားသမုဒ္ဒရာနဲ့ လေထုစီမံကွပ်ကဲရေး (NOAA)ရဲ့ ခန့်မှန်းချက်အရ ၂၀၂၄ ခုနှစ်ဟာ ၂၀၂၃ ထက် ပိုမိုပူနွေးနိုင်ခြေ ၃ ပုံ ၁ ပုံရှိနေပြီး ၂၀၂၄ ခုနှစ်ဟာ အပူနွေးဆုံးနှစ် ၅ နှစ်ထဲမှာ ပါဝင်နိုင်ခြေကတော့ ၉၉ ရာခိုင်နှုန်း ရှိနေပါတယ်။

ယမန်နှစ်ရဲ့ ဇူလိုင်လနဲ့ ဩဂုတ်လတို့ဟာ အပူဆုံးလများအဖြစ် စံချိန်တင်ခဲ့ပြီး ၂၀၂၃ ခုနှစ်ဟာ အခြားနှစ်များထက် သိသိသာသာ ပူနွေးခဲ့တဲ့ အပူဆုံးနှစ်အဖြစ် တရားဝင်ဖော်ပြခဲ့ပါတယ်။

၂၀၂၃ ပျမ်းမျှကမ္ဘာ့အပူချိန်ဟာ စက်မှုခေတ်မတိုင်မီကာလကထက် ၁.၄၅ ဒီဂရီဆဲလ်စီးယပ်စ် ပိုများခဲ့ပါတယ်။

၂၀၂၃ နှစ်လယ်ပိုင်းက ထွက်ပေါ်လာတဲ့ အယ်လ်နီညိုဟာ ၂၀၂၄ မှာ ပိုမိုပူနွေးလာစေလိမ့်မယ်လို့ WMO မှ အထွေထွေအတွင်းရေးမှူးချုပ်အသစ် ဆဲလက်စ်တေဆော်လိုက သတိပေးလိုက်ပါတယ်။

အေးမြတဲ့ လာနီညာကနေ ပူနွေးတဲ့ အယ်လ်နီညိုသို့ ၂၀၂၃ နှစ်လယ်မှာ ပြောင်းလဲသွားခြင်းက ကမ္ဘာ့အပူချိန် မြင့်တက်လာစေတယ်လို့ ဆိုပါတယ်။

အထူးသဖြင့် အာတိတ်၊ မြောက်အမေရိကမြောက်ပိုင်း၊ အာရှအလယ်ပိုင်း၊ မြောက်အတ္တလန်တိတ်၊ အရှေ့ဘက်ပစိဖိတ်သမပိုင်းတို့ဟာ ပိုမိုပူပြင်းလာပြီး အခုအချိန်မှာ လူသားတွေ ရင်ဆိုင်နေရတဲ့ အကြီးမားဆုံးပြဿနာက ရာသီဥတု ဖောက်ပြန်ခြင်း ဖြစ်တယ်လို့ ပြောပြလိုက်ပါတယ်။

လူသားတွေရဲ့ လုပ်ရပ်ကြောင့် ကာဗွန်ဒိုင်အောက်ဆိုဒ်၊ မီသိန်း၊ နိုက်ထရပ်စ်အောက်ဆိုဒ်တို့ ၂၀၂၂ မှာ စံချိန်တင် ထုတ်လွှတ်ခဲ့ပြီး ရာသီဥတု ဖောက်ပြန်ရတာ ဖြစ်ပါတယ်။

၁၉၈၀ ခုနှစ်ကတည်းက ဆယ်စုနှစ်တစ်ခုပြီးတစ်ခု ပိုမိုပူနွေးလာပြီး ပြီးခဲ့တဲ့ ၉ နှစ်ကတော့ အပူဆုံးဖြစ်ခဲ့ကြောင်း WMO က ဆိုပါတယ်။
Source: WION
#World_Climate
#Published_ 13 January 2024
#YMG #Yangon_Times #Yangon_Media_Group #YMG_News

Published 13 January 2024

ပြည်ပမှ မြန်မာနိုင်ငံသို့ ငွေကြေးကို Hundi ဖြင့် ပေးပို့ခြင်းနှင့် ပြည်တွင်းတွင် ငွေကြေးကို Hundi ဖြင့်ထုတ်ပေးနေမှုများအား ဖော်ထုတ်အရေးယူဆောင်ရွက်လျက်ရှိကြောင်း မြန်မာနိုင်ငံတော်ဗဟိုဘဏ်၏ သတင်း ထုတ်ပြန်ချက် အရ သိရသည်။

မြန်မာနိုင်ငံတော်ဗဟိုဘဏ်အနေဖြင့် တရားမဝင် Hundi လုပ်ငန်းလုပ်ကိုင်သူများ လျော့နည်းပပျောက်ရေးအတွက် ဆောင်ရွက်လျက်ရှိသော်လည်း တရားမဝင် ငွေလွှဲလုပ်ငန်း ဆက်လက်ဆောင်ရွက်နေကြောင်း စိစစ်တွေ့ရှိရပါက ဥပဒေပြဋ္ဌာန်းချက်များနှင့် အညီ အရေးယူပေးပါရန် ပြည်ထဲရေးဝန်ကြီးဌာနနှင့် တရားဥပဒေစိုးမိုးရေးအဖွဲ့အစည်းများထံသို့ အချိန်နှင့်တစ်ပြေးညီ ပေးပို့အကြောင်းကြား လျက်ရှိကြောင်း သိရသည်။

ထို့ကြောင့် တရားမဝင် Hundi လုပ်ငန်းဆောင်ရွက်နေမှုများကို အထွေထွေအုပ်ချုပ်ရေးဦးစီးဌာန၊ အထူးစုံစမ်းစစ်ဆေးရေးဦးစီးဌာနနှင့် ငွေကြေး ဆိုင်ရာစုံစမ်းထောက်လှမ်းရေးအဖွဲ့တို့နှင့် ပူးပေါင်းဆောင်ရွက်ပြီး စုံစမ်းစစ်ဆေးဖော်ထုတ်ခြင်းနှင့် သက်ဆိုင်ရာဥပဒေများနှင့်အညီ တရားစွဲဆို အရေးယူဆောင်ရွက်လျက်ရှိရာ သံသယဖြစ်ဖွယ်ငွေလွှဲ/ငွေလဲလှယ်သည့်လုပ်ငန်းလုပ်ကိုင်သူ (၉၉)ဦးနှင့်ပတ်သက်၍ စိစစ်ဆောင်ရွက် ခဲ့ရာ မြန်မာနိုင်ငံရဲတပ်ဖွဲ့က လူပုဂ္ဂိုလ်(၂၀)ဦးကို အမှုဖွင့် အရေးယူထားပြီးဖြစ်သကဲ့သို့ တရားမဝင်ငွေလွှဲ/ ငွေလဲလှယ်သည့်လုပ်ငန်းလုပ်ကိုင်သူ (၂၀)ဦးအား သက်ဆိုင်ရာဥပဒေများနှင့်အညီ သက်ဆိုင်ရာမြို့နယ်တရားရုံးများသို့တရားစွဲဆို တင်ပို့ထားပြီး ဆက်လက်အရေးယူ ဆောင်ရွက် လျက်ရှိကြောင်း သိရသည်။

အမှုဖွင့်အရေးယူထားခြင်းခံရသူများတွင် တရားဝင်လုပ်ငန်းလိုင်စင်ရယူထားခြင်းမရှိဘဲ ထိုင်းနိုင်ငံ၊ တရုတ်နိုင်ငံနှင့် မလေးရှားနိုင်ငံများရှိ မြန်မာအလုပ်သမားလစာငွေများအား တရားမဝင်လွှဲပြောင်းထုတ်ပေးသူ (၉) ဦး၊ ကုန်ပစ္စည်း ဝယ်ယူခြင်းများအတွက် တရားမဝင်ငွေလွှဲပြောင်းပေးချေပေးသူ (၃) ဦးနှင့် နိုင်ငံခြားငွေမှ မြန်မာကျပ်ငွေသို့ လဲလှယ်ပြီး ပြည်တွင်း၌ ငွေလွှဲ ပြောင်းထုတ်ပေးသူ (၈) ဦးတို့ပါဝင်ပြီး ယင်းတို့အား သက်ဆိုင်ရာဥပဒေပြဋ္ဌာန်းချက်များနှင့်အညီ ထောင်ဒဏ်နှင့် ငွေဒဏ်များ အမိန့်ချမှတ် အရေးယူ ဆောင်ရွက်လျက်ရှိကြောင်း သိရသည်။
Yangon Times/LW
#Local_News
#Published_ 13 January 2024
#YMG #Yangon_Times #Yangon_Media_Group #YMG_News

Published_ 13 January 2024

ရုပ်ရှင်ရုံအတွင်း ဖုန်းဖြင့်ဇာတ်ကားများခိုးကူးခြင်းနှင့် ခိုးကူးရုပ်ရှင်များကိုဖြန့်ချိပြသနေမှုကို ရုပ်ရှင်ရုံများ၊ အနုပညာဖန်တီးသူများနှင့် ကာကွယ်တားဆီးရေးအဖွဲ့များမှပူးပေါင်းကာကွယ်သွားကြမည်ဖြစ်ကြောင်း ပြန်ကြားရေးဝန်ကြီးဌာနမှသိရသည်။

ယင်းကဲ့သို့ဆောင်ရွက်ရန်ရှိကြောင်းကို အနုပညာဖန်တီးမှုများအား တရားမဝင်ခိုးယူဖြန့်ချိခြင်းဆိုင်ရာ ကာကွယ်တားဆီးရေးအဖွဲ၏ တတိယအကြိမ်အစည်းအဝေးနှင့် ၂၀၂၃ ခုနှစ်အတွက် မြန်မာ့ရုပ်ရှင် ထူးချွန်ဆုချီးမြှင့်ပွဲ အခမ်းအနားကျင်းပရေး လုပ်ငန်းကော်မတီ ပထမအကြိမ်အစည်းအဝေးမှ သိရသည်။

အစည်းအဝေးတွင် ပြန်ကြားရေးဝန်ကြီးဌာန ဒုတိယဝန်ကြီး ဦးရဲတင့်က ‘‘ ရုပ်ရှင်ရုံအတွင်း ဖုန်းဖြင့်ဇာတ်ကားများခိုးကူးမှုတွင် စောင့်ကြည့်မှုနှင့်အတူ ရုပ်ရှင်ရုံများမှတာဝန်ရှိသူများနှင့် အနုပညာကို ပုံဖော်ဖန်တီးကြသည့် မူလပိုင်ရှင်များကလည်း ပူးပေါင်းကာကွယ်သွားရမည်ဖြစ်ကြောင်း၊ ထိုအပြင် ရုပ်ရှင်ရုံအတွင်းမှ မြန်မာ့ရုပ်ရှင်များ ခိုးကူးနေမှုကို အများပြည်သူသိရှိနိုင်ရန် ရုပ်ရှင်ရုံအတွင်း အသိပညာပေးပြသခြင်းဖြင့် ပူးပေါင်းဆောင်ရွက်သွားရမည်ဖြစ်ကြောင်း၊ ခိုးကူးရုပ်ရှင်များ ဖြန့်ချိပြသနေမှု ထိန်းသိမ်းနိုင်ရေး ပူးပေါင်းဆောင်ရွက်မှုအတွက် သက်ဆိုင်ရာအဖွဲအစည်းများကို ကျေးဇူးတင်ရှိကြောင်း၊ တရားမဝင်ခိုးယူဖြန့်ချိမှုပပျောက်ရန် မတရားမှုများကို ဝိုင်းဝန်းတိုက်ဖျက်သွားရမည်ဖြစ်ပြီး ပပျောက်သွားရန် မည်သိုကာကွယ်သွားမည်ကို တက်ရောက်သူများက အကြံပြုဆွေးနွေးသွားစေလိုကြောင်း’’ပြောသည်။

ဆက်လက်ပြီး ဒုတိယဝန်ကြီးက ‘‘အနုပညာဆိုင်ရာ ဆောင်ရွက်မှုတွင် အခြေအနေနှင့်ကိုက်ညီစွာ ထိန်းသိမ်း ဆောင်ရွက်လျက်ရှိပြီး အွန်လိုင်းပလက်ဖောင်းတွင် ခိုးယူပြသနေသည့် မြန်မာ့ရုပ်ရှင်ဇာတ်ကားများကို ဥပဒေအရဖော်ထုတ်အရေးယူ‌ဆောင်ရွက်နိုင်မှုတွင်လည်း ထိရောက်အောင်မြင်မှုကို တွေ့ရှိရကြောင်း၊ ပြန်ကြားရေးဝန်ကြီးဌာနအနေဖြင့် ရုပ်ရှင်ဇာတ်ကားများကို ဆင်ဆာမူဝါဒနှင့်အညီ စိစစ်ဆောင်ရွက်လျက်ရှိပြီး တရားမဝင်ခိုးကူး ဖြန့်ချိခြင်းဆိုင်ရာ ကာကွယ်တားဆီးရေးကို ထိထိရောက်ရောက် ဆောင်ရွက်နိုင်ရန် သက်ဆိုင်ရာဌာနများမှ ကိုယ်စားလှယ်များ ပါဝင်ဖွဲစည်း ဆောင်ရွက်ခဲ့ကြောင်း’’ ပြောကြားခဲ့သည်။

ယင်းနောက် ကာကွယ်တားဆီးရေးအဖွဲ့ခွဲများ ဖြစ်ကြသည့် ဆက်သွယ်တိုင်ကြားနိုင်ရေးအဖွဲ့ခွဲ၊ စောင့်ကြည့်စိစစ် လေ့လာရေးအဖွဲ့ခွဲ၊ နည်းပညာပိုင်းဆိုင်ရာအကူအညီပေးရေးအဖွဲ့ခွဲ၊ အရေးယူဆောင်ရွက်ရေးအဖွဲ့ခွဲ၊ အသိပညာပေးရေးအဖွဲ့ခွဲနှင့် စာပေ၊ ရုပ်ရှင်၊ ဂီတ၊ သဘင်တိုမှ တာဝန်ရှိသူများ၊ အွန်လိုင်းမှတက်ရောက်သူများက ဆောင်ရွက်ရန်ရှိသည့်အကြောင်းအရာများကိုဆွေးနွေးတင်ပြခဲ့ကြကြောင်း သိရသည်။
Yangon Times/tthl
#Local_News
#Published_ 13 January 2024
#YMG #Yangon_Times #Yangon_Media_Group #YMG_News

Published 13 January 2024

ယောက်ျားတွေ ဝှေးစေ့အကန်ခံရခြင်းနဲ့ အမျိုးသမီးတွေ ကလေးမွေးခြင်းတို့မှာ ဘယ်ဟာက ပိုနာသလဲဆိုတာနဲ့ ပတ်သက်ပြီး သုတေသီများက နာကျင်မှုအတိုင်းအတာကို စမ်းသပ်ခဲ့ကြပါတယ်။

နာကျင်မှုဆိုတာက တစ်ယောက်ချင်းစီရဲ့ ခံနိုင်ရည်အပေါ်လည်း မူတည်နေပါသေးတယ်။

ဝှေးစေ့ကို ထိခိုက်တာဟာ အခြားဘယ်နေရာမဆို ထိခိုက်တာထက် ပိုမိုနာကျင်ရပြီး မူးဝေခြင်း၊ အော့အန်ခြင်းတို့အပြင် အပြင်းအထန် ထိခိုက်ပါက ဆေးရုံအထိ ရောက်တတ်ပါတယ်။

ဝှေးစေ့တွေရဲ့ မူလအစက ဝမ်းဗိုက်ကဖြစ်တာကြောင့် ဗိုက်ကနေပါ အောင့်တက်လာတတ်ပါတယ်။

ဒါ့အပြင် လိင်ပိုင်းဆိုင်ရာနဲ့ မျိုးပွားကိစ္စမှာလည်း ပတ်သက်နေတာကြောင့် အာရုံကြောအမျှင်များစွာ ရှိနေပါတယ်။

ဝှေးစေ့ထိခိုက်တာဟာ ယောက်ျားတွေအတွက် အနာကျင်ရဆုံးခံစားချက် ဖြစ်ပေမယ့် များသောအားဖြင့် အချိန်ခဏကြာတဲ့အခါ သက်သာသွားကြပြီး အဆိုးဆုံးအနေဖြင့် ဆေးရုံသို့ ထမ်းခေါ်ရတာမျိုး ရှိတတ်ပါတယ်။

ကလေးတစ်ယောက်ကို ၃ လက်မလောက်ရှိတဲ့ အပေါက်ငယ်လေးကနေ မွေးထုတ်ရတာ မနာဘဲဘယ်နေပါ့မလဲ။

လူသားတွေ မွေးဖွားတာဟာ အခြားသတ္တဝါတွေနဲ့ ကွဲပြားနေတတ်ပါတယ်။

အမျိုးသမီးတွေ ပထမဆုံးကလေးမွေးတဲ့အခါ အချိန် ၉ နာရီလောက်ကြာမြင့်တတ်ပါတယ်။

အဆင့်မြင့်နည်းပညာတွေ သန့်ရှင်းရေးစနစ်တွေ ရှိနေတာတောင် မိခင်နဲ့ ကလေးသေဆုံးမှုနှုန်းက အခြားသတ္တဝါတွေထက် မြင့်မားနေပါသေးတယ်။

နာရီနဲ့ချီကြာအောင် ကလေးမွေးနေတဲ့အချိန်မှာ သားအိမ်ခေါင်းနဲ့ ယောနိတို့က အဆုံးစွန်အထိ ချဲ့ထွင်ရပြီး ကလေးထွက်လာဖို့ အရိုးတွေ ဆန့်ထုတ်ရပါတယ်။

သန္ဓေသားကို မွေးလမ်းကြောင်းဆီရောက်ဖို့ သားအိမ်ကြွက်သားများ ကျုံ့ခြင်းက မခံမရပ်နိုင်အောင် နာကျင်ရပါတယ်။

မမွေးခင် ၉ လကြာအောင်လည်း စိတ်မောရပြီး မွေးတဲ့အခါ အသက်အန္တရာယ်ဖြစ်မှာကိုလည်း မိခင်များ ကြိုတင်တွေးတော ပူပန်တတ်ကြပါတယ်။

မွေးပြီးသွားချိန်မှာလည်း သွေးထွက်မလွန်စေရန်နဲ့ သားအိမ်ပုံမှန်အနေအထား ပြန်ရောက်စေရန် ကြွက်သားတွေ ကျုံ့နေတာကြောင့် ဆက်လက်နာကျင်ရပြန်ပါတယ်။

အဆိုပါ နာကျင်မှု ၂ မျိုးအပြင် အနာကျင်ရဆုံး အခြေအနေတစ်မျိုးကတော့ ကျောက်ကပ်ကျောက်တည်ခြင်းပါ။

ကျောက်ကပ်ထဲမှာ ကျောက်ဖြစ်တဲ့အခါ မနာကျင်ရပေမယ့် ဆီးသွားချင်လို့ ဆီးလမ်းကြောင်းထဲမှာ ပိတ်ဆို့သွားပြီဆိုရင် ကြွက်သားတွေကပါ ကျောက်ကိုညှစ်ထုတ်ရတာကြောင့် စတင်နာကျင်လာပြီး ကျောက်က အလွန်ကြီးပြီး ဆီးလမ်းကိုပိတ်သွားပြီဆိုရင် ကျောက်ကပ်ဖူးရောင်လာပါတယ်။

ကျောက်တည်ခြင်းခံစားဖူးတဲ့ ကလေးမိခင်တွေကတော့ ကျောက်ကပ်ကျောက်တည်ခြင်းဟာ ကလေးမွေးတာထက် ပိုနာကျင်ရတယ်လို့ ဖွင့်ဟထားကြပါတယ်။
Source: The Jerusalem Post
#Published_ 13 January 2024
#YMG #Yangon_Times #Yangon_Media_Group #YMG_News

Published 13 January 2024

ရေ ၁ လီတာခန့်ပါတဲ့ ပလတ်စတစ်ဗူးတစ်ဗူးမှာ အလွန်သေးငယ်တဲ့ နာနိုပလတ်စတစ် အပိုင်းအစပေါင်း ၂၄၀,၀၀၀ ကျော်ပါဝင်တယ်လို့ ပထမဆုံးအကြိမ် တွေ့ရှိခဲ့ပါတယ်။

အဏုဇီဝပလတ်စတစ်တွေ ရေသန့်ဗူးမှာ ပါဝင်တာကို မသိခဲ့ကြတာ မဟုတ်ပေမယ့် ထိုဗူးထဲကရေကို သောက်လိုက်တိုင်းမှာ နာနိုပလတ်စတစ်အမှုန့် ဘယ်လောက်ပါဝင်သလဲဆိုတာကိုတော့ ယခုသုတေသနမှာ တွေ့ရှိလာတာ ဖြစ်ပါတယ်။

ကိုလံဘီယာတက္ကသိုလ်မှ သုတေသီများ လေ့လာရာမှာ ပလတ်စတစ်အမှုန်ပေါင်း ၁၁၀,၀၀၀ မှ ၃၇၀,၀၀၀ ခန့်ပါဝင်တဲ့ ရေတစ်လီတာမှာ ၉၀ ရာခိုင်နှုန်းလောက်က နာနိုပလတ်စတစ်တွေ ဖြစ်ကြပါတယ်။

သုတေသနပြုစုသူ ဝေမင်းဖန်တီးလိုက်တဲ့ နည်းပညာအသစ်ဖြင့် ရေသန့်ဗူးတစ်လီတာမှာ ပလတ်စတစ်အမှုန်ပေါင်း ၂၄၀,၀၀၀ ကျော်ပါဝင်တာကို တွေ့ရှိခဲ့ပါတယ်။

နာနိုပလတ်စတစ်တွေဟာ အစာခြေစနစ်၊ အသက်ရှူစနစ်များသို့ ဝင်ရောက်နိုင်ကာ သွေးကြောထဲအထိ ရောက်ရှိနိုင်ပါတယ်။

ဆက်လက်ပြီး အရေးကြီးအင်္ဂါများမှာပါ စုပြုံလာကာ ဦးနှောက်သို့ ရောက်ရှိနိုင်ပြီး မမွေးရသေးတဲ့ သန္ဓေသားဆီကိုပါ ကူးစက်လာနိုင်ပါတယ်။

ပိုလီအီသိုင်လင်း ထရပ်သယ်လိတ်(PET)ဟာ ပလတ်စတစ်ဗူး ထုတ်လုပ်ရေးတွေမှာ အသုံးအများဆုံး နာနိုပလတ်စတစ် ဖြစ်ပါတယ်။

ပလတ်စတစ်ဗူး ထုတ်လုပ်စဥ်၊ အဖုံးအဖွင့်အပိတ် လုပ်စဥ်တို့မှာ အမှုန်တွေက ရေထဲရောက်သွားနိုင်ပါတယ်။

ပလတ်စတစ်ထုတ်လုပ်ရာမှာ အသုံးပြုတဲ့ ဘိုင်စဖီနောလ်၊ သယ်လိတ်စ်၊ ဒိုင်အောက်ဆင်၊ အော်ဂဲနစ်ပစ္စည်းများနဲ့ သတ္တုများဟာ ပမာဏများလာတဲ့အခါ ကင်ဆာဖြစ်နိုင်ခြေ များစေပြီး ကျောက်ကပ်၊ အသည်း၊ နှလုံး၊ မျိုးပွားစနစ်၊ အာရုံကြောစနစ်တို့ကို ထိခိုက်စေပါတယ်။

နာနိုပလတ်စတစ်တွေအကြောင်းကို သုတေသီများက ပိုမိုလေ့လာသွားမှာဖြစ်ပြီး အမှုန်ပိုမိုသေးငယ်ပါက ခန္ဓာကိုယ်တွင်းဝင်ရောက်ရန် လွယ်ကူကြောင်း ပြောပြသွားပါတယ်။
Source: India Today
#World_Health
#Published_ 13 January 2024
#YMG #Yangon_Times #Yangon_Media_Group #YMG_News

Date: January 13, 2024

Nay Pyi Taw: Senior General Min Aung Hlaing, the Chairman of Myanmar's State Administration Council and Commander-in-Chief of Defence Services, engaged in discussions with General Songwit Noonpackdee, Chief of Defense Forces for the Royal Thai Army, to explore collaborative efforts in combating online gambling and financial fraud in the vicinity of the border town of Myawaddy.

Senior General Min Aung Hlaing and General Songwit Noonpackdee discussed this matter in a video conferencing on the evening of January 12.

Senior General Min Aung Hlaing and General Songwit Noonpackdee expressed their concerns for stability and peace in the border areas of the two countries. They discussed the need for cooperation in the fight against online gambling and financial fraud, particularly given the identified instances of these activities near the border town of Myawaddy. The leaders emphasized the necessity for the two countries to work together to combat this situation.

Discussions centered on conditions aimed at bolstering relations, friendship, and cooperation between Myanmar and Thailand, including their respective armies. The primary focus was on ensuring the security and efficiency of border trade, with considerations for both political and security aspects between the two countries and their armed forces. The leaders underscored efforts in drug prevention and counter-terrorism. Additionally, combating illegal trade and information exchange were key points of discussion, as reported by state media.

Furthermore, the military leaders of both countries have committed to enhancing cooperation in humanitarian and assistance efforts, extending beyond collaboration solely between the two armies to encompass ministries of both nations. Additionally, they engaged in a cordial exchange of perspectives concerning the joint prevention of forest fires and cross-border smog pollution in the border regions spanning Myanmar, Laos, and Thailand. The discussions also touched upon the conditions necessary for the comprehensive and ongoing collaboration between the two governments and their respective armies across all fields, as reported.

The meeting was attended by Lieutenant General Ye Win Oo and officials from the Office of the Commander-in-Chief of Defense, along with Air Chief Marshal Chakorn Tawanjang and officials from the Royal Thai Army.

-ymg/knl

၁၂ ဇန်နဝါရီ ၂၀၂၃

နစက ဥက္ကဋ္ဌ၊တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင်သည် ထိုင်းဘုရင့်တပ်မတော်ကာကွယ်ရေး  ဦးစီးချုပ် ဗိုလ်ချုပ်ကြီး Songwit Noonpackdee နှင့် နှစ်နိုင်ငံနယ်စပ် မြဝတီမြို့အနီး၌ အွန်လိုင်းလောင်းကစားမှုနှင့် ငွေကြေးလိမ်လည်မှုများ ကို နှစ်နိုင်ငံ ပူးပေါင်းတိုက်ဖျက်ဆောင်ရွက်သွားရမည့်အခြေအနေများကို ဆွေးနွေးခဲ့တယ်လို့ နစက သတင်းထုတ်ပြန်ချက်အရသိရပါတယ်။

ဗိုလ်ချုပ်မှူးကြီးမင်းအောင်လှိုင်နှင့်ဗိုလ်ချုပ်ကြီး Songwit Noonpackdee တို့ဟာ ယနေ့ ဇန်နဝါရီ ၁၂ရက် ညနေပိုင်းက ် Video Conferencing ဖြင့် ဆွေးနွေးကြရာမှာ အဆိုပါအချက်ကိုထည့်သွင်းဆွေးနွေးခဲ့တာဖြစ်ပါတယ်။

ဗိုလ်ချုပ်မှူးကြီးနှင့် ဗိုလ်ချုပ်ကြီး Songwit Noonpackdee တို့သည် နှစ်နိုင်ငံနယ်စပ်ဒေသများ၌ တည်ငြိမ်အေးချမ်းရေး၊ အွန်လိုင်း လောင်းကစားမှုနှင့် ငွေကြေးလိမ်လည်မှုများ တိုက်ဖျက်ရေးတို့တွင် ပူးပေါင်းဆောင် ရွက်လျက်ရှိသည့် အခြေအနေများကိုဆွေးနွေးခဲ့ပြီး အထူးသဖြင့် နှစ်နိုင်ငံနယ်စပ် မြဝတီမြို့အနီး၌ အွန်လိုင်းလောင်းကစားမှုနှင့် ငွေကြေးလိမ်လည်မှုများ လုပ်ဆောင်လျက်ရှိကြောင်း စုံစမ်းသိရှိရသည့်အတွက် နှစ်နိုင်ငံ ပူးပေါင်းတိုက်ဖျက်ဆောင်ရွက်သွားရမည့် အခြေအနေများကို‌ဆွေးနွေးခဲ့ကြတာဖြစ်ပါတယ်။

မြန်မာနှင့်ထိုင်း နှစ်နိုင်ငံနှင့် နှစ်နိုင်ငံ တပ်မတော်နှစ်ရပ်အကြား ဆက်ဆံရေးနှင့် ချစ်ကြည်ရင်းနှီးမှုနှင့် ပူးပေါင်းဆောင်ရွက်မှုများကို တိုးမြှင့်ဆောင်ရွက် သွားနိုင်မည့် အခြေအနေများ၊ နယ်စပ်ကုန်သွယ်မှုများ လုံခြုံချောမွေ့ အဆင်ပြေစေရေး အတွက် နှစ်နိုင်ငံအကြား နိုင်ငံရေးအရ၊ တပ်မတော်နှစ်ရပ်အကြား လုံခြုံရေးအရ ပူးပေါင်းဆောင်ရွက်သွားမည့်အခြေအနေများ မူးယစ်ဆေးဝါးတားဆီး နှိမ်နင်းရေးနှင့် အကြမ်းဖက်မှုတိုက်ဖျက်ရေး၊ တရားမဝင်ကုန်သွယ်မှုတိုက်ဖျက်ရေးနှင့်သတင်းအချက် အလက်ဖလှယ်ရေးကိုလည်း နှစ်နိုင်ငံတပ်ခေါင်းဆောင်နှစ်ဦး ဆွေးနွေးခဲ့ကြတယ်   လို့သတင်းထုတ်ပြန်ချက်မှာဖော်ပြထားပါတယ်။

ယင်းအပြင် နှစ်နိုင်ငံတပ်မတော်ခေါင်းဆောင်နှစ်ဦးသည် လူသားချင်းစာနာထောက်ထားမှုနှင့် အကူအညီပေးရေးဆိုင်ရာများတွင် ပူးပေါင်းဆောင်ရွက်မှုများကို နှစ်နိုင်ငံတပ်မတော်နှစ်ရပ်အကြားသာမက နှစ်နိုင်ငံ ဝန်ကြီးဌာနများ အချင်းချင်းလည်း တိုးမြှင့်ဆောင်ရွက်သွားမည့် အခြေအနေများ၊ မြန်မာ-လာအို-ထိုင်း သုံးနိုင်ငံ နယ်စပ်ဒေသများ၌ တောမီးလောင်ခြင်းနှင့် နယ်စပ် ဖြတ်ကျော် မီးခိုးမြူငွေ့ ညစ်ညမ်းမှုဆိုင်ရာ ပူးပေါင်းကာကွယ် တားဆီးရေးဆိုင်ရာများနှင့် နှစ်နိုင်ငံအစိုးရနှင့် တပ်မတော်နှစ်ရပ်အကြား နယ်ပယ်ကဏ္ဍပေါင်းစုံတွင် ပူးပေါင်း ဆောင်ရွက်မှုများကို ကျယ်ကျယ်ပြန့်ပြန့် ဆက်လက်ဆောင်ရွက်သွားမည့် အခြေအနေများနှင့် ပတ်သက်၍ ခင်မင်ရင်းနှီးစွာ အမြင်ချင်း ဖလှယ်ဆွေးနွေးခဲ့ကြတယ်လို့သိရှိရပါတယ်။

အဆိုပါဆွေးနွေးပွဲသို့ ဗိုလ်ချုပ်မှူးကြီးနှင့်အတူ ကာကွယ်ရေးဦးစီးချုပ်ရုံးမှ ဒုတိယဗိုလ်ချုပ်ကြီး ရဲဝင်းဦးနှင့် တာဝန်ရှိသူများ တက်ရောက်ကြပြီး ထိုင်းဘုရင့်တပ်မတော်ကာကွယ်ရေး ဦးစီးချုပ်နှင့်အတူ ထိုင်းဘုရင့်တပ်မတော်မှ Air Chief Marshal Chakorn Tawanjang နှင့် တာဝန်ရှိသူများ တက်ရောက်ခဲ့ကြကြောင်းသတင်းထုတ်ပြန်ထားပါတယ်။

-ymg/knl

အဖွဲ့ဝင်အသစ် ၅ နိုင်ငံပါဝင်လာတာဟာ BRICS အဖွဲ့အတွက် စီးပွားရေးနဲ့ ပထဝီနိုင်ငံရေးအင်အား သိသိသာသာ တိုးလာကြောင်း ကျွမ်းကျင်သူများက ဆိုလိုက်ပါတယ်။
ဆော်ဒီအာရေးဗီးယား၊ အီဂျစ်၊ ယူအေအီး၊ အီရန်နဲ့ အီသိုယိုးပီးယားနိုင်ငံတို့ ဇန်နဝါရီ ၁ ရက်နေ့က BRICS အဖွဲ့ဝင်ဖြစ်လာရာ အဖွဲ့ဝင်အင်အား ၁၀ နိုင်ငံအထိ ဖြစ်လာပါတယ်။
#World_Economy
#Published_ 12 January 2024
#YMG #Yangon_Times #Yangon_Media_Group #YMG_News