Published 11 June 2024

နံနက်စာဆိုတာက တစ်နေ့တာအတွက် အရေးကြီးဆုံး အစားအစာဖြစ်ပြီး အာဟာရထောက်ပံ့မှုကို မြှင့်တင်ပေးပါတယ်။

 ထိုကဲ့သို့ အာဟာရပေးစွမ်းတဲ့ နံနက်စာကို အချို့လူတွေ မစားဖြစ်ကြတဲ့ အကြောင်းအရင်းများစွာ ရှိနေပါတယ်။

နံနက်ခင်းမှာ သွေးတွင်းသကြားဓာတ် လျော့နည်းနေမယ်ဆိုရင် နွမ်းနယ်ခြင်း၊ ဦးနှောက်ထိုင်းမှိုင်းခြင်း၊ စိတ်ပိုင်းဆိုင်ရာ အထိမခံခြင်း စတဲ့လက္ခဏာများ ခံစားရနိုင်ပါတယ်။

တကယ်တမ်းတော့ စားချိန်အိပ်ချိန်ဟာ ခန္ဓာကိုယ်ရဲ့ သဘာဝစက်ဝန်းအတိုင်းသာ ဖြစ်သင့်ပါတယ်။

စားချိန်နဲ့ တစ်နေ့တာလှုပ်ရှားမှုတွေကို ခန္ဓာကိုယ် သဘာဝစက်ဝန်းအတိုင်း ပြုလုပ်ပါက ဝမ်းဗိုက်အဆီတွေကို လောင်ကျွမ်းစေပါတယ်။

ဇီဝကမ္မဖြစ်စဥ် စတင်ဖို့ရာ နံနက်ခင်းအိပ်ရာထပြီး ၁ နာရီအတွင်း စားသင့်ပါတယ်။

နံနက်ခင်းမှာ မစားဘူးဆိုရင် ဂလီလင်လို့ခေါ်တဲ့ ဆာလောင်မှုဟော်မုန်က နောက်ပိုင်းမှာ မြင့်တက်လာပြီး ခန္ဓာကိုယ်က ဒီလိုအပ်ချက်အတွက် လိုက်ပြီးဖြည့်ဆည်းရတယ်လို့ ဆီအာတယ်မှ ညွှန်ကြားရေးမှုး ဒေါက်တာ အမ်မလီကူးပါးက ပြောပြပါတယ်။

နံနက်စာ မစားခြင်းကြောင့် နောက်ပိုင်းမှာ မသင့်လျော်တဲ့ စားစရာများ ရွေးချယ်စားသောက်မိပြီး အဝလွန်လာနိုင်ခြေ ရှိပါတယ်။

အစားစားချိန် ကန့်သတ်တဲ့ အလေ့အထထက်စာရင် ဘာတွေစားလဲဆိုတာက ပိုပြီးအရေးကြီးတယ်လို့ အချို့ဆရာဝန်များက ဆိုပါတယ်။

အသီးအရွက်များ၊ အစိမ်းရောင်အရွက်များ၊ အိုမီဂါ-၃ ပါဝင်တဲ့ အစားအစာများက စိတ်ဓာတ်ကျခြင်း၊ လေဖြတ်ခြင်း၊ ဒီမန်ရှာရောဂါ ဖြစ်ခြင်းတို့မှ ကင်းဝေးစေနိုင်ပါတယ်။

ကိုယ့်ခန္ဓာကိုယ်ရဲ့ လိုအပ်ချက်အတိုင်း စားသောက်ဖို့ ဆုံးဖြတ်သင့်ပြီး တစ်ယောက်နဲ့ တစ်ယောက် လိုအပ်တာချင်း မတူပါဘူး။
Source: New York Post.
#World_Health
Published 12 June 2024
#ymg #Yangon_Times #Yangon_Media_Group

Published 12 June 2024

အသက် ၇၅ နှစ်အောက် ကျန်းမာတဲ့လူတွေဟာ ဗိုက်တာမင်-ဒီကို နေ့စဥ်လိုအပ်ချက်ထက်ပိုပြီး ဖြည့်စွက်စားသုံးမယ်ဆိုရင် အကျိုးအာနိသင် ပိုမိုမရရှိနိုင်ဘူးလို့ US Endocrine Society က လမ်းညွှန်ဖော်ပြလိုက်ပါတယ်။

ထိုအသက်အပိုင်းအခြားမှာ ဗိုက်တာမင်-ဒီ ပုံမှန်စစ်ဆေးခြင်းမျိုးလည်း မလိုအပ်ဘူးလို့ ဖော်ပြထားပါတယ်။

အသက် ၁ နှစ်မှ ၇၀ အထိ လူတွေအတွက် နေ့စဥ်ဗိုက်တာမင်-ဒီ လိုအပ်ချက်က ၆၀၀ IU ဖြစ်ပြီး အသက် ၇၀ ကျော်ရင်တော့ ၈၀၀ IU ဖြစ်လာပါတယ်။

ဗိုက်တာမင်-ဒီ ပိုမိုလိုအပ်သူတွေက ကလေးများ၊ ကိုယ်ဝန်ဆောင်များ၊ အသက် ၇၅ နှစ်အထက် လူကြီးများ၊ ဆီးချိုဖြစ်နိုင်ခြေရှိသူများ ဖြစ်ပါတယ်။

ဗိုက်တာမင်-ဒီက ကျန်းမာရေးအကျိုးကျေးဇူးများစွာနဲ့ ပတ်သက်နေပေမယ့် ဖြည့်စွက်စာတွေရဲ့ ထိရောက်မှုကတော့ ငြင်းခုံနေကြပါတယ်။

ဒါတွေနဲ့ ပတ်သက်ပြီး လေ့လာချက်များ ပြုလုပ်ပြီးနောက် အဓိကညွှန်ကြားထားတာတွေ ရှိပါတယ်။

အသက် ၇၅ နှစ်အောက် လူတွေမှာ နေ့စဥ်လိုအပ်ချက်ထက် ပိုပြီးမဖြည့်စွက်သင့်ပါဘူး။

အသက် ၁၈ နှစ်နဲ့အောက် ကလေးတွေမှာ များများဖြည့်စွက်ခြင်းဖြင့် အာဟာရ ချို့တဲ့မှုနဲ့ အသက်ရှူလမ်းကြောင်း ရောဂါကူးစက်ခြင်းတို့ကို ကာကွယ်နိုင်ဖွယ်ရှိပါတယ်။

အသက် ၇၅ နှစ်အထက် လူကြီးတွေမှာ များများဖြည့်စွက်ခြင်းဖြင့် အသက်အန္တရာယ် လျှော့ချပေးနိုင်ပါတယ်။

ကိုယ်ဝန်ဆောင်များ များများစားပေးပါက သန္ဓေသားအန္တရာယ် လျော့နည်းစေပါတယ်။

ဆီးချိုဖြစ်နိုင်ခြေရှိတဲ့သူတွေမှာ များများစားပေးခြင်းဖြင့် ဆီးချိုလက္ခဏာ လျော့ပါးသွားပါတယ်။

အသက် ၅၀ နဲ့အထက် ဗိုက်တာမင်-ဒီ လိုအပ်တဲ့လူတွေမှာ နေ့စဥ်ပမာဏနည်းနည်း လိုအပ်ပါတယ်။
Source: India Today.
#World_Health
Published 12 June 2024
#ymg #Yangon_Times #Yangon_Media_Group

နိုင်ငံတကာ ကြက်ခြေနီကော်မတီအဖွဲ့ (ICRC)က ဘက်တစ်ခုတွင်မရပ်ဘဲ အမြဲတမ်း ကြားနေအခြေအနေသာ တည်ရှိနေပြီး တစ်ခုတည်းသော ရည်ရွယ်ချက်က လူသားချင်းစာနာကူညီမှုများ ဆောင်ရွက်ရန်ဖြစ်တယ်လို့ ကော်မတီဥက္ကဌက ပြောပြလိုက်ပါတယ်။
#World_News
#Published_11 June 2024
#YMG #Yangon_Times #Yangon_Media_Group

#Daily_News
Published_11 June 2024

၁။ တညင်းကုန်းလက်ကားဈေးကြီးရှိ ဈေးသူဈေးသား၊ လုပ်သားများနှင့် ကယ်ရီသမားများ၏ သားသမီးများအတွက် ကျောင်းသုံးပစ္စည်း သိန်း၄၀၀ ကျော်ဖိုး  MAEX  မှ ထောက်ပံပေးအပ်

၂။ တက္ကသိုလ်ဝင်စာမေးပွဲအောင်မြင်သူ (၇)သောင်း (၄)ထောင်ကျော်ရှိ၊ (၆)ဘာသာဂုဏ်ထူး ထွက်သူများရှိ

၃။ ရက်ပိုင်းအတွင်း ရွှေဈေး ကျပ်တစ်သိန်းကျော်အထိ ကျဆင်း ၊သတ်မှတ်ဈေးဖြင့် မရောင်းချသောရွှေဆိုင်များအား တိုင်ကြားနိုင်

၄။ ဘက်တစ်ခုတွင်မရပ်ဘဲ လူသားချင်းစာနာထောက်ထားကူညီမှုကိုသာ အစဥ်ရည်ရွယ်ကြောင်း နိုင်ငံတကာကြက်ခြေနီကော်မတီဥက္ကဌပြော ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Daily_News #Yangon_Times #Yangon_Media_Group #TV Yangon Times

ရန်ကုန်၊ ပဲခူး၊ ရှမ်း(အရှေ့ပိုင်း) ကရင်နှင့် မွန်တို့တွင် ရွာသွန်းမြဲထက်ပိုနိုင်တယ်။ ဧရာဝတီမြစ်ရေဟာ (၅)ပေမှ (၉)ပေအထိ၊ ချင်းတွင်းမြစ်ဟာ (၇)ပေကနေ (၁၀)ပေခန့်နဲ့ ကျန်မြစ်တွေ‌လည်း မြစ်ရေတိုးနိုင်တယ်။ ပြီးခဲ့တဲ့ရက်က သောင်ရင်းမြစ်‌ကြောင့် မြဝတီမြို့ ရေကြီးရေလျှံခဲ့တယ်။

Yangon_Times/tthl
#Local_News
#Published_11 June 2024
#YMG #Yangon_Times #Yangon_Media_Group

ရန်ကုန်ဘတ်စ်ကားအများနှင့် သက်ဆိုင်သော ကုမ္ပဏီလီမိတက် (YBPC) မှာ  အစုရှယ်ယာတွေ ဝယ်ယူထားတဲ့  ရှယ်ယာရှင် တွေထံကနေ အစုရှယ်ယာတစ်စုကို ကျပ်တစ်သိန်းနှုန်းနဲ့  ကုမ္ပဏီကနေ ပြန်လည်ဝယ်ယူမယ်လို့  ကုမ္ပဏီရဲ့  ကြေညာထားချက်အရ သိရပါတယ်။
Yangon_Times/NN
#Local_News
#Published_11 June 2024
#YMG #Yangon_Times #Yangon_Media_Group

အခုရက်ပိုင်းအတွင်း ရွှေဈေးတစ်ကျပ်သားကို ကျပ်တစ်သိန်းကျော်အထိ ကျဆင်းလာပြီး ၊ သတ်မှတ်ဈေးနဲ့ မရောင်းချတဲ့ ရွှေဆိုင် တွေကို တိုင်ကြားနိုင်တယ်လို့ မြန်မာနိုင်ငံရွှေလုပ်ငန်ရှင်များအဖွဲ့ချုပ်က သိရပါတယ်။
Yangon_Times/NN
#Local_News
#Published_11 June 2024
#YMG #Yangon_Times #Yangon_Media_Group

တက္ကသိုလ်ဝင်စာမေးပွဲအောင်မြင်သူ (၇၄၅၉၂)ဦး‌ အောင်မြင်တယ်။ ရန်ကုန်တိုင်း၊ ဗိုလ်တထောင်မြို့နယ်အတွင်းမှာ ဂုဏ်ထူး(၆)ဘာသာဖြင့် အောင်မြင်သူ(၂)ဦး၊ ဂုဏ်ထူး(၅)ဘာသာဖြင့် အောင်မြင်သူ(၂)ဦး ရှိခဲ့ပါတယ်။
Yangon_Times/tthl
#Local_News
#Published_11 June 2024
#YMG #Yangon_Times #Yangon_Media_Group

တညင်းကုန်းလက်ကားဈေးကြီးရှိ ဈေးသူဈေးသားများ၊ ဝန်ထမ်းများ၊ ကုန်တင်ကုန်ချလုပ်သားများ နဲ့ကယ်ရီသမားများရဲ့ ကျောင်းနေအရွယ် သားသမီးများ အတွက် မြန်မာအက်ဂရို အိတ်(စ်)ချိန်းအများနှင့် သက်ဆိုင်သော ကုမ္ပဏီလိမိတက် (MAEX) က
သိန်း၄၀၀ကျော်ဖိုး ကျောင်းသုံးပစ္စည်းနဲ့ထောက်ပံငွေတို့ကို ဇွန်လ ၉ရက်နေ့မှာ အခမ်းအနားနဲ့တကွ ထောက်ပံပေးအပ်ခဲ့တယ်လို့ သိရပါတယ်။
Yangon_Times/LW
#Local_News
#Published_11 June 2024

Published-11 June 2024

၂၀၂၄-၂၀၂၅ ဘဏ္ဍာနှစ်အတွင်း‌ ဟံသာဝတီ လေဆိပ်အပါအဝင် ပြည်တွင်းလေဆိပ် ခုနှစ်ခုကို အဆင့်မြှင့်တင်မည်ဖြစ်‌ကြောင်း ပို့ဆောင်ရေးနှင့် ဆက်သွယ်ရေးဝန်ကြီးဌာနမှ သိရသည်။

အဆိုပါ  အဆင့်မြှင့်တင်မည့် လေဆိပ် ခုနစ်ခုမှာ တာချီလိတ်၊ဟံသာဝတီ၊ မော်လမြိုင်၊ သံတွဲ၊ ပူတာအို၊   မြိတ်နှင့် ကော့သောင်းလေဆိပ်များဖြစ်ကြောင်း ၊ ထိုသို့အဆင့်မြှင့်တင်ရာတွင် အရှည်ပေ ၈၀၀၀နှင့် အကျယ်ပေ ၁၅၀ ရှိသည့် ပြေးလမ်းများကို အရှည်ပေ ၉၀၀၀ နှင့် အကျယ်ပေ ၁၅၀ သို့ အဆင့်မြှင့်တင်မည် ဖြစ်ကြောင်း၊ တိုးချဲ့လိုက်သည့် ပြေးလမ်း၏ ပေ ၁၀၀၀ ရှည်သောအပိုင်းကို ကတ္တရာကွန်ကရစ်အလွှာဖြင့် အဆင့်မြှင့်မည်ဖြစ် ကြောင်းသိရသည်။

ပဲခူးတိုင်းဒေသကြီးရှိ ဟံသာဝတီ အပြည်ပြည်ဆိုင်ရာ လေဆိပ်ကိုလည်း မြေဧက ၉၆၉၀ ဒသမ ၄ ဧကပေါ် အကောင်အထည်ဖော်နေကာ လုံခြုံရေး ခြံစည်းရိုးခတ်ခြင်း ဆောင်ရွက်လျက်ရှိပြီး အရှည်ပေ ၃၄၀၀ ခြံစည်းရိုးကို ၁၀ ပေ အမြင့်ရှိသည့် အုတ်နံရံများခတ်ကာ ကာရံသွားမည်ဖြစ်ကြောင်း သိရသည်။

မော်လမြိုင်လေဆိပ်ကို အလျား ၁၅၄၅၀ ပေနှင့် အမြင့် ၆ ပေရှိသည့် နံရံများဖြင့် အဆင့်မြှင်တင်သွားမည်ဖြစ်ကြောင်း သိရသည်။

ကချင်ပြည်နယ်၊ ပူတာအိုလေဆိပ်တွင် အရှည်ပေ ၈၅၀၀နှင့် အကျယ်ပေ ၁၀၀ ရှိသော ပြေးလမ်းကို ကတ္တရာအလွှာဖြင့် ထပ်မံအဆင့်မြှင်တင်မည်ဖြစ်ပြီး ရှမ်းပြည်နယ်၊ တာချီလိတ်လေဆိပ်၏ ပျက်စီးနေသော ခြံစည်းရိုးအား အုတ်တံတိုင်းများဖြင့် ပြန်လည်ပြုပြင်ကာ လုံခြုံရေးအထောက်အပံ့များဖြင့် ကာရံမည်ဖြစ် ကြောင်းသိရသည်။

မြိတ်လေဆိပ်ကိုမူ  ပြေးလမ်း အရှည်ပေ ၉၀၀၀နှင့် အကျယ် ပေ ၂၀၀ တွင် ကတ္တရာကွန်ကရစ်အလွှာခင်းခြင်းဖြင့် အဆင့်မြှင်တင်
ဆောင်ရွက်မည်ဖြစ်ပြီး  ပြေးလမ်းအရှည် ပေ ၆၀၀၀နှင့် ပေ ၁၅၀ ကျယ်ဝန်းသည့် ကော့သောင်းလေဆိပ် ပြေးလမ်းကိုလည်း AC အလွှာခင်းခြင်းဖြင့် အဆင့်မြှင်တင်ဆောင်ရွက်မည်ဖြစ်ကြောင်း သိရသည်။

အဆိုပါ အဆင့်မြှင့်တင်မည့် လေဆိပ် ၇ ခုမှာ လေကြာင်းပို့ဆောင်ရေးညွန်ကြားမှုဦးစီးဌာန အောက်တွင်ရှိကြောင်း သိရသည်။
Yangon_Times/NN
#Local_News
#Published_11 June 2024
#YMG #Yangon_Times #Yangon_Media_Group

Published_11 June 2024

ယခုဘဏ္ဍာနှစ်စဖြစ်သည့် နှစ်လတာကာလအတွင်း မြဝတီကုန်သွယ်မှု မှ ကန်ဒေါ်လာသန်း၅၀၀ခန့် ရရှိ ထားကြောင်း စီးပွားရေးနှင့် ကူးသန်းရောင်းဝယ်ရေးဝန်ကြီး ဌာနမှသိရသည်။

၂၀၂၄-၂၀၂၅ ဘဏ္ဍာနှစ် ဧပြီ ၁ ရက်မှ မေလ ၃၁ ရက်အထိ နှစ်လအတွင်း မြဝတီနယ်စပ်ကုန်သွယ်မှု မှ စုစုပေါင်း ကန်ဒေါ်လာ ၄၉၅ ဒသမ ၀၀၄ သန်းရရှိ ကြောင်းသိရသည်။

ယခင် ကာလတူက စုစုပေါင်းကုန်သွယ်မှုပမာဏ  ဒေါ်လာ ၈၂၉ ဒသမ ၆၂၂ သန်း အထိရှိခဲ့ရာ   ယခင်နှစ်ကာလတူအောက်လျော့ကျနေကြောင်း သိရသည်။

ယခုဘဏ္ဍာနှစ် နှစ်လတွင် ယခင်နှစ်ကာလတူထက် သွင်းကုန်တင်သွင်းမှု ဒေါ်လာသန်း ၂၉၀ ကျော်အထိ လျော့ကျခဲ့ပြီး ပို့ကုန်တင်ပို့မှု ဒေါ်လာ ၄၄ သန်းကျော် စုစုပေါင်း ကုန်သွယ်မှုပမာဏ ဒေါ်လာ ၃၃၄ ဒသမ ၆၁၈ သန်း လျော့ကျခဲ့ ကြောင်းသိရသည်။
Yangon_Times/NN
#Local_News
#Published_11 June 2024
#YMG #Yangon_Times #Yangon_Media_Group

Published 11 June 2024

၂၀၂၃ - ၂၀၂၄ ခုနှစ်တက္ကသိုလ်ဝင်စာမေးပွဲတွင် အင်းစိန်ဗဟိုအကျဥ်းထောင်မှ ဝင်ရောက် ဖြေဆိုသူအားလုံး အောင်မြင်ကြောင်း အကျဥ်းဦးစီးဌာနနဲ့နီးစပ်သူတွေထံ မှ သိရသည်။

မတ်လကကျင်းပခဲ့သည့် ၂၀၂၃ - ၂၀၂၄ ခုနှစ်တက္ကသိုလ်ဝင်စာမေးပွဲတွင် အင်းစိန်ဗဟိုအကျဥ်းထောင်မှ ဝင်ရောက်ဖြေဆိုသူ (၇) ဦးရှိခဲ့ပြီး ဖြေဆိုသူအားလုံး ရာနှုန်းပြည့်အောင်မြင်ကြောင်း သိရသည်။

အဆိုပါ အောင်မြင်သည့် ၇ဦး တွင် တစ်ဦး မှာ ဝိဇ္ဇာ တွဲ ဖြင့် တစ်နိုင်ငံ လုံးတွင် တတိယ အမှတ် အများဆုံး ဖြစ်ကြောင်းသိရသည်။

ထို့ပြင် ၂၀၂၄ ခုနှစ် တက္ကသိုလ်ဝင်စာမေးပွဲကို အင်းစိန်ဗဟိုအကျဥ်းထောင်မှ အကျဥ်းသား၊ အကျဉ်းသူ (၇) ဦး ဝင်ရောက်ဖြေဆိုခဲ့ရာ (၄) ဘာသာ ဂုဏ်ထူးဖြင့် (၁) ဦး၊ (၃)ဘာသာဂုဏ်ထူးဖြင့် (၄) ဦး၊ (၂) ဘာသာဂုဏ်ထူးဖြင့် (၂) ဦး စုစုပေါင်း ၇ ဦးလုံး (၁၀၀% ) ဖြေဆိုအောင်မြင်ခဲ့ကြောင်း သိရသည်။
Yangon_Times/LW
#Local_News
#Published_11 June 2024
#YMG #Yangon_Times #Yangon_Media_Group