Published 12 February 2024

  ပဲခူးတိုင်းဒေသကြီး၊ အင်းတကော်မြို့၊ ရန်ကုန် မန္တလေးကားလမ်းဟောင်း၊  ထက်ဧကရီ ဆီဆိုင်ရှေ့အနီးတွင် ယာဉ်နှစ်စီး တိုက်မိမှု ဖြစ်ကာ မီးလောင်မှု ဖြစ်ပွားခဲ့ကြောင်း မီးသတ်တပ်ဖွဲ့ ထံ က သိရသည်။

ဖေဖေါ်ဝါရီ ၁၁ရက် ညပိုင်း ၇နာရီ ခွဲကျော်ကဖြစ်ပွားခဲ့ခြင်းဖြစ်ကာ ယာဉ် တိုက်မှု တွင် ဘိလပ်မြေဖျော်သည့် ယာဥ် မှ ရန်ကုန်ဘက်ကနေ ပဲခူးမြို့ကိုမောင်းနှင်လာစဉ် ကလပ်ဂျန့်ဖြစ်ရာမှ  လမ်းလယ်ကျွန်းကိုဝင်ရောက်တိုက်မိပြီး ပဲခူးဘက်ကနေ ရန်ကုန်ဘက်ကိုမောင်းနှင်လာသော၂၂ဘီးတွဲကားကို ဝင်တိုက်မိသဖြင့် တွဲကားယာဉ် တိမ်းမှောက်လဲပြီးမီးလောင်မှု ဖြစ်ပွားခဲ့ကြောင်း သိရသည်။

  မီးလောင်မှုဖြစ်ပွားကြောင်းသတင်းရရှိသဖြင့် ပဲခူးတိုင်းဒေသကြီးအတွင်းရှိ မီးသတ်စခန်းများမှ အုပ်ချုပ်မှုယာဉ်(၁)စီး၊ မီးငြှိမ်းသတ်ယာဉ်(၉)စီး၊ မီးသတ်ရေသယ်ယာဉ်(၁)စီးတို့ဖြင့် ထွက်ခွာငြှိမ်းသတ်ခဲ့ရာ ၈နာရီ တွင် မီးငြိမ်းခဲ့ကြောင်းသိရသည်။
Yangon Times/LW
#Local_News
#Published_ 12 February 2024
#YMG_News #Yangon_Times #Yangon_Media_Group

Published 12 February 2024

ကျားအင်္ဂါမထောင်မတ်နိုင်ခြင်း ပြဿနာအတွက် ဆေးဖြစ်တဲ့ Viagra ဟာ အယ်လ်ဇိုင်းမားရောဂါကို တိုက်ဖျက်ဖို့အတွက် လိုအပ်နေတဲ့ဆေး ဖြစ်နေနိုင်ပါတယ်။

Viagra နဲ့အလားတူဆေးမျိုး အသုံးပြုတဲ့ အမျိုးသားတွေဟာ အခြားလူတွေထက်စာရင် ဒီမန်ရှာရောဂါ ခံစားရနိုင်ခြေ ၁၈ ရာခိုင်နှုန်း ပိုမိုနည်းပါးကြောင်း သုတေသီများ သုံးသပ်ခဲ့ကြပါတယ်။

ထိုဆေးတွေကို အများဆုံးအသုံးပြုသူတွေဟာ ဆေးအာနိသင် အများဆုံးရထားကြပါတယ်။

Viagra နဲ့ အလားတူဆေးတွေကပဲ အယ်လ်ဇိုင်းမားဖြစ်နိုင်ခြေကို ကာကွယ်ပေးတာလား ဒါမှမဟုတ် ရောဂါဖြစ်နိုင်ခြေ နည်းတဲ့သူတွေကပဲ ဆေးကို အသုံးပြုမိကြတာလားဆိုတာ မသေချာသေးပါဘူး။

ထိုဆေးတွေကို အယ်လ်ဇိုင်းမားနဲ့ ပတ်သက်ပြီး အမျိုးသမီးတွေရော အမျိုးသားတွေမှာပါ လေ့လာဖို့ လိုအပ်နေတယ်လို့ ဂါးဒီးယန်းသတင်းစာက ဖော်ပြခဲ့ပါတယ်။

မထောင်မတ်နိုင်တဲ့ ပြဿနာရှိနေတဲ့ အမျိုးသား ၂၆၀၀၀၀ ကျော်ကို သုတေသီအဖွဲ့က ဆန်းစစ်ကာ တဝက်ကျော်ကို Viagraဆေး အမှတ်တံဆိပ်အမျိုးမျိုးဖြင့် စမ်းသပ်ခဲ့ကြပါတယ်။

ဒီနောက် ထိုလူတွေကို နောက်ထပ် ၅ နှစ်ကြာ လေ့လာပြီး အယ်လ်ဇိုင်းမားအခြေအနေ စောင့်ကြည့်ခဲ့ကြပါတယ်။

ဆေးတွေက ဦးနှောက်ထဲက ပရိုတိန်းအညစ်အကြေးတွေကို ဖယ်ရှားပြီး ရောဂါဖြစ်နိုင်ခြေကို လျှော့ချပေးတာ ဖြစ်ပါတယ်။

Viagra ဟာ မူလကတော့ နှလုံးအောင့်ခြင်းနဲ့ သွေးတိုးရောဂါကို ကုသရန် ထုတ်လုပ်ခဲ့ကြတာ ဖြစ်ပါတယ်။
Source: WION.
#World_Health
#Published_ 12 February 2024
#YMG_News #Yangon_Times #Yangon_Media_Group

 Published 12 February 2024

အမျိုးသမီးတွေဟာ အသက် ၅၀ ဝန်းကျင်မှာ ဓမ္မတာသွေးဆုံးတတ်ကြပြီး အားသာချက်တွေရော ဆိုးကျိုးတွေရော ရောထွေးနေတယ်လို့ လက်ခံထားကြပါတယ်။

အချို့တွေက ကိုယ်ဝန်နဲ့ပတ်သက်ပြီး စိုးရိမ်စရာမလိုတော့တာကို သဘောကျကြပြီး အချို့ကျတော့ နီရဲကွက်များ၊ စိတ်အခြေအနေ၊ အခြားလက္ခဏာများကို စိုးရိမ်ကြပါတယ်။

သွေးဆုံးခြင်းနဲ့ ပတ်သက်ပြီး သိပ္ပံပညာရှင်အချို့က အာရုံစိုက်လာကြပါတယ်။

ကျန်းမာတဲ့ အမျိုးသမီးတွေမှာ သွေးဆုံးခြင်းကို နှောင့်နှေးနိုင်မလားဆိုတာ အဓိကမေးစရာဖြစ်လာပါတယ်။

အမျိုးသမီးတွေမှာ သားဥအိမ်တစ်ရှူး အေးခဲပြီး သွေးဆုံးချိန် ရွှေ့ဆိုင်းနိုင်ဖို့အတွက် သားဥအိမ်ဇီဝပညာရှင် ဒေါက်တာကတ်လပ်ခ်အော့ခ်တေနဲ့ အဖွဲ့က သုတေသနပြုလုပ်နေကြပါတယ်။

သားဥအိမ်တစ်ရှူးထဲရှိ မျိုးဥထောင်သောင်းများစွာကို အေးခဲပြီး သွေးဆုံးခြင်းကို ဆယ်စုနှစ်များတိုင်အောင် အချိန်ဆွဲထားနိုင်ဖွယ်ရှိတယ်လို့ အော့ခ်တေက ခန့်မှန်းလိုက်ပါတယ်။

အော့ခ်တေက အေးခဲထိန်းသိမ်းထားတဲ့ တစ်ရှူးတွေမှာ အစားထိုးထည့်သွင်းမှုကို ပထမဆုံး အောင်မြင်ခဲ့ပြီးနောက် သားဥအိမ်တစ်ရှူး အေးခဲ ထိန်းသိမ်းနိုင်ခဲ့ပါတယ်။

သားဥအိမ်တစ်ရှူး ထိန်းသိမ်းခြင်းက အသက်အရွယ်အပါအဝင် အခြားအချက်အလက်များနဲ့ သက်ဆိုင်နေပါတယ်။

အသက်ပိုငယ်လေ မျိုးဥတွေ ပိုများလေဖြစ်ပြီး အရည်အသွေးပိုကောင်းတယ်လို့ ဆိုပါတယ်။

ဒီလုပ်ငန်းစဥ်အတွက် အသက် ၂၁ နှစ်မှ ၄၀ အတွင်းက အကောင်းဆုံးဖြစ်တယ်လို့ ဆိုပါတယ်။

လုပ်ငန်းစဥ်အရ အသက် ၄၀ အောက် အမျိုးသမီးအများစုက သွေးဆုံးခြင်းကို ရွှေ့ဆိုင်းနိုင်ပြီး အသက် ၃၀ အောက်ဆိုရင်တော့ ရပ်တန့်ဖို့အထိပါ ဖြစ်နိုင်ပါတယ်။

အသက်အရွယ်ကြီးမှ သွေးဆုံးတဲ့အမျိုးသမီးတွေမှာ အသက်ရှည်ခြင်း၊ ရောဂါအမျိုးမျိုး ဖြစ်နိုင်ခြေ နည်းခြင်းတို့ပါ အကျိုးရှိစေပါတယ်။

သားဥအိမ်တစ်ရှူး အေးခဲထိန်းသိမ်းခြင်းဖြင့် သွေးဆုံးခြင်းကို နှောင့်နှေးထားသူတွေမှာ နာတာရှည်ရောဂါများ ဖြစ်နိုင်ခြေကို လျှော့ချနိုင်တာဟာ အကျိုးကျေးဇူးများစွာ ရှိနိုင်ပေမယ့် ရေရှည်မှာ အကျိုးရှိမရှိ နောက်ထပ်သုတေသန ပြုလုပ်ရဦးမှာ ဖြစ်ပါတယ်။
Source: The Jerusalem Post.
#YMG #Yangon_Media_Group #Yangon_Times

၁၁ ဖေဖော်ဝါရီ ၂၀၂၄

ပြည်သူ့စစ်မှုထမ်းဥပဒေနှင့်ပတ်သက်၍ အမျိုးမျိုးပြောဆိုသုံးသပ်နေမှုများရှိနေပြီး ယင်းနှင့်ပတ်သက်၍ ပြည်သူ    လူထုပိုမိုသိရှိစေရန်အတွက်နစက သတင်းထုတ်ပြန်ရေးအဖွဲ့ ခေါင်းဆောင်ဗိုလ်ချုပ်ဇော်မင်းထွန်းက ယနေ့ ဖေဖော်ဝါရီ (၁၁)ရက်နေ့တွင် ထပ်မံ၍ ရှင်းလင်းပြောကြားခဲ့ပါတယ်။

အဆိုပါပြောကြားချက်အပြည့်အစုံကို ဖော်ပြပေးပါတယ်။

@ymg/knl

တညင်းကုန်းလက်ကားဈေးကြီးဝန်းအတွင်း ညအိပ်လာရောက် ရပ်နားတဲ့ကားတွေ ပိုမိုများလာတယ်၊ ဈေးဝန်းအတွင်း ညအိပ်ကားကြီးများကို ၂၄နာရီ လုံခြုံမှုအပြည့်နဲ့ တစ်နေကုန်ကားရပ်ထားနိုင်ပြီး ဝန်ဆောင်ခ အဖြစ် ၃၀၀၀ ကျပ် ကောက်ယူပါတယ်။ နေ့စဉ်အစီးရေ၅၀၀ကျော်ရပ်နားပါတယ်။
Yangon Times/LW
#Local_News
#Published_ 10 February 2024
#YMG_News #Yangon_Times #Yangon_Media_Group

Published 11 February 2024

  ရန်ကုန်တိုင်းဒေသကြီး၊ မရမ်းကုန်းမြို့နယ်၊ အမှတ် (၁၀)ရပ်ကွက်၊ ကမ္ဘာအေး ဘုရားလမ်းနှင့် ကန်ရိပ်သာလမ်းထောင့်တွင် ယာဉ်တို-က်မှု ဖြစ်ပွားတစ်ခု ဖြစ်ပွားပြီး အမျိုးသား (၂) ဦး ထိခိုက်ဒဏ်ရာ ရရှိခဲ့ကြောင်း မီးသတ်တပ်ဖွဲ့ထံ မှ သိရသည်။

  ဖေဖော်ဝါရီ (၁၀)ရက် ည(၇)နာရီခွဲ အချိန်ခန့်က ဖြစ်ပွားခဲ့ခြင်းဖြစ်ပြီး မရမ်းကုန်းမြို့နယ် မီးသတ်စခန်းမှ မီးငြှိမ်းသတ်ယာဉ်(၁)စီး၊ ရန်ကင်းမြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ သန္ဓေမီးသတ် တပ်ဖွဲ့ဝင်များ က ရှာဖွေကယ်ဆယ်ရေးလုပ်ငန်းများဆောင်ရွက်ခဲ့ကြောင်း သိရသည်။

   အဆိုပါ ဖြစ်စဉ်ကြောင့် ထိခိုက်ဒဏ်ရာရ အမျိုးသား (၂)ဦး မစိုးရိမ်ရအား ရွှေရုပ်လွှာပရဟိတအသင်း လူနာတင် ယာဉ်ဖြင့် ရန်ကုန်ဆေးရုံကြီးသို့ ပို့ဆောင်ကူညီပေးခဲ့ကြောင်း သိရသည်။
Yangon_Times/NN
#Local_News
#Published_ 11 February 2024
#YMG #Yangon_Media_Group #Yangon_Times

Published 11 February 2024

   တနင်္သာရီတိုင်းဒေသကြီး၊ မြိတ်မြို့နယ်၊ ဇေယျာသီရိ (၄)ရပ်ကွက်ရှိ လူမှုကူညီရေးရုံးနှင်​ြမော်တော်ယာဉ်အချို့ မီးလောင်မှု ဖြစ်ပွားခဲ့ကြောင်း ဒေသခံများထံ က သိရသည်။

  ဖေဖေါ်ဝါရီ ၁၁ရက် နံနက်၂နာရီခွဲခန့်က ဖြစ်ပွားခဲ့ ခြင်း ဖြစ်ပြီး မြိတ်မြို့နယ်မီးသတ်စခန်းမှ အုပ်ချုပ်မှုယာဉ်(၁)စီး၊ မီးငြှိမ်းသတ်ယာဉ်(၃)စီး၊ မီးသတ်ရေသယ်ယာဉ်(၃)စီး၊ သန္ဓေမီးသတ်တပ်ဖွဲ့ဝင်များဖြင့် သွားရောက်ငြှိမ်းသတ်ခဲ့ရာနံနက် ၃ နာရီ၃၅ မိနစ် အချိန်တွင် မီးငြိမ်းခဲ့ကြောင်း သိရသည်။

  အဆိုပါ မီးလောင်မှု မှာမြိတ်မြို့ ရှိ ဂရုဏနာရေးကူညီ မှုအသင်းရုံး ဖြစ်ပြီး အသင်းမှ မော်တော်ယာဉ် အချို့လဲ မီးလောင်ကျွမ်းခဲ့ကြောင်း သိရသည်။

  မီးလောင်မှု ဖြစ်စဉ်နှင့်ဆုံးရှုံးမှု တန်ဖိုးများကို သက်ဆိုင်ရာက စစ်ဆေးလျက်ရှိကြောင်း သိရသည်။
Yangon_Times/NN
#Local_News
#Published_ 11 February 2024
#YMG #Yangon_Media_Group #Yangon_Times

Published 11 February 2024

ပြည်သူ့ရင်ပြင်၌ပြုလုပ်နေသည့် MSME ထုတ်ကုန်ပစ္စည်းများရောင်း ချပွဲ၌ မြန်မာ့လက်မှုစင်တာမှလက်မှုပစ္စည်းများထည့်သွင်း ရောင်းချနေကြောင်းယင်းစင်တာမှ သိရသည်။

ရန်ကုန်မြို့ရှိ  ပြည်သူ့ရင်ပြင်တွင်(၇၇)နှစ်မြောက် ပြည်ထောင်စုနေ့အထိမ်းအမှတ်အဖြစ် MSME ထုတ်ကုန်ပစ္စည်းဆိုင်ခန်း ၃၅၆ ခန်းဖြင့်   ဖေဖော်ဝါရီ ၁၀ ရက်မှစတင်ပြီး ပြသရောင်းချနေခြင်းဖြစ်ကာ ယင်း ဈေးရောင်းပွဲတော်တွင် မြန်မာ့လက်မှုစင်တာမှ လက်မှုထည်ပစ္စည်းများ၊ စက်မှုဇုန် ၂၉ ဇုန်၊ အသေးစားစက်မှုလက်မှုလုပ်ငန်း၊ သမဝါယမအသင်းများနှင့်  ပုဂ္ဂလိက အသေးစား လုပ်ငန်းများမှ  ထုတ်လုပ်သည့်  MSME ထုတ်ကုန်များ ကို ပြသရောင်းချနေခြင်းဖြစ်ကြောင်းသိရသည်။

'ပြည်သူ့ရင်ပြင်မှာ ၁၀ ရက်နေ့ကနေ ၁၂ ရက်နေ့အထိ ကျင်းပပြုလုပ်မယ့်  ပြည်ထောင်စုနေ့ အထိမ်းအမှတ် စျေးရောင်းပွဲတော်မှာ မြန်မာ့လက်မှုအနုပညာစင်တာ(ရန်ကုန်) ရဲ့ အရောင်းပြခန်းလေး ဖွင့်လှစ်ထားပါတယ်။ လာရောက် လေ့လာဝယ်ယူအားပေးကြဖို့ ဖိတ်ခေါ်ပါတယ်'မြန်မာ့လက်မှုအနုပညာစင်တာမှတာဝန်ရှိသူတစ်ဦးက ဆိုသည်။

MSME ထုတ်ကုန်ပစ္စည်း ဈေးရောင်းပွဲတော်ကို ဖေဖော်ဝါရီ ၁၀ ရက်မှ  ၁၂ ရက်အထိ သုံးရက်တာ ကျင်းပသွားမည် ဖြစ်ပြီး ဖျော်ဖြေရေး အစီအစဉ်များ၊ မီးရှူးမီးပန်းပစ်ဖောက်ခြင်းနှင့် အတူ လုံခြုံရေးအစီအစဉ် များကိုလည်း စီစဉ်ထားကြောင်း သိရသည် ။ MSME ဈေးရောင်းပွဲတော်တွင်  စားသောက်ကုန် ၊ ဖိနပ်နှင့် လူသုံးကုန်ဆိုင်ခန်း များ  ပြသရောင်းချနေပြီး အဆိုပါ MSME ထုတ်ကုန်များ ပြသရောင်းချခြင်းသည်  ပြည်ပသွင်းကုန်အစားထိုးထုတ်လုပ်ရန်၊ MSME ထုတ်ကုန်များ ဈေးကွက်ရရှိရန်နှင့်  အများပြည်သူ ဈေးနှုန်းသက်သာစွာ သုံးစွဲနိုင်ရန် ရည်ရွယ်ကြောင်း သိရသည်။

အဆိုပါ ဈေးရောင်းပွဲတော်ကို လာရောက်မည့်  ပြည်သူများ  သွားရေးလာရေး အဆင်ပြေနိုင်စေရန်  YBS ကားများ စီစဉ်ပေးထားပြီး လာရောက်မည့်  ပြည်သူများအတွက်လည်း နေ့စဉ် စတုဒိသာ ဒန်ပေါက်ပေးဝေ လှူဒါန်းခြင်းများလည်း ပြုလုပ်နေကြောင်းသိရသည် ။
Yangon_Times/NN
#Local_News
#Published_ 11 February 2024
#YMG #Yangon_Media_Group #Yangon_Times

Published 11 February 2024

တိုက်ကြီးခရိုင်၌ ၂၀၂၃-၂၀၂၄ ခုနှစ် နွေစပါးရာသီအတွက်  မျိုးစေ့ချကိရိယာ (Seeder) အလက် ၅၁၀  ဖြန့်ဝေထားကြောင်းတိုက်ကြီးခရိုင်စီမံအုပ်ချုပ်ရေးအဖွဲ့ မှသိရသည်။

အဆိုပါ မျိုးစေ့ချကိရိယာ (Seeder)အလက် ၅၁၀ ကို တိုင်းဒေသကြီးအစိုးရအဖွဲ့မှ ယခု  နွေစပါးရာသီအတွက်   ခရိုင်အတွင်းရှိ ရပ်ကွက်/ကျေးရွာများသို့ ဖြန့်ဝေထားခြင်းဖြစ်ကြောင်းသိရသည်။

မျိုးစေ့ချကိရိယာ (Seeder) များဖြင့် စပါး တိုက်ရိုက်အစေ့ချစိုက်ပျိုးနိုင်ပြီး Seeder အသုံးပြုခြင်းသည်  အချိန်ကုန် သက်သာစေပြီး ကုန်ကျစရိတ် ကို လျှော့ချနိုင်ကာ တစ်ဧက အထွက်နှုန်းတိုး၍  တောင်သူများ ဝင်ငွေရလမ်း ပိုမိုရရှိနိုင်လာမည့် အကျိုးကျေးဇူးများပြားနိုင်ကြောင်းသိရသည်။
YMG/ NN
Yangon-Times
Yangon_Times/NN
#Local_News
#Published_ 11 February 2024
#YMG #Yangon_Media_Group #Yangon_Times

Published 11 February 2024

ကမ္ဘာ့ငြိမ်းချမ်းမှု ဖော်ဆောင်ရေးကိုယ်ကျင့်သီလ ဗဟုသုတပြိုင်ပွဲ (၂၀၂၃) ဆုချီး မြှင့်ပွဲကို ၂၀၂၄ခုနှစ်မတ်လ၌  ထိုင်းနိုင်ငံ၌ ကျင်းပသွားမည်ဖြစ်ကြောင်း သိရသည်။

အဆိုပါ ပဉ္စမအကြိမ်‌ မြောက် ကမ္ဘာ့ငြိမ်းချမ်းမှု ဖော်ဆောင်ရေး ကိုယ်ကျင့်သီလ ဗဟုသုတပြိုင်ပွဲ (၂၀၂၃) (The 5th Myanmar World Peace Ethic Contest 2023)ကို မြန်မာနိုင်ငံလုံးဆိုင်ရာ  ထေရဝါဒဗုဒ္ဓဘာသာအဖွဲ့ချုပ်၊  နယ်စပ်တောင်တန်းဒေသ၊ ရန်ကုန်တိုင်း သာသနာ့နုဂ္ဂဟ အသင်းကြီးနှင့် ထိုင်းနိုင်ငံဓမ္မ ကာယကျောင်းတော်ကြီးတို့က ကျင်းပခြင်းဖြစ်သည်။

ယင်းပြိုင်ပွဲတွင်  ရန်ကုန်တိုင်းဒေသကြီး၊ ကမာရွတ်မြို့နယ် အမှတ် (၅) အခြေခံပညာအထက်တန်း ကျောင်းမှ မောင်ဘုန်းမော်ရွှေ က ပထမဆုကို ဆွတ်ခူးရရှိခြင်းဖြစ်ကြောင်းသိရသည်။

အဆိုပါ‌ ကမ္ဘာ့ငြိမ်းချမ်းမှု ဖော်ဆောင်ရေး ကိုယ်ကျင့်သီလ ဗဟုသုတပြိုင်ပွဲ (၂၀၂၃) တွင် ပထမဆုရ‌ မောင်ဘုန်း‌မော်ရွှေ နှင့် နှစ်သိမ့်ဆုရ‌ကျောင်းသား၊ ကျောင်းသူများအား ဂုဏ်ပြု ဆုချီးမြှင့်ပွဲကို ပြီးခဲ့သည့်ရက်ပိုင်းက  လည်း အ.ထ.က (၅) ကမာရွတ် (သပြေခန်းမဆောင်) ၌ ကျင်းပရာ G-10 to G-12 Level တန်းတွင် ပထမဆုရ မောင်ဘုန်းမော်ရွှေနှင့် ဆုရ ကျောင်းသား၊ ကျောင်းသူများ အား မြန်မာနိုင်ငံလုံးဆိုင်ရာ  ထေရဝါဒဗုဒ္ဓဘာသာအဖွဲ့ချုပ်၊  နယ်စပ်တောင်တန်းဒေသ၊ ရန်ကုန်တိုင်းသာသနာ့နုဂ္ဂဟ အသင်းဥက္ကဋ္ဌ သဒ္ဓမ္မ‌ဇောတိက ဓဇ၊ သုဓမ္မမဏိ‌ဇောတဓရ ဦးတင်မိုး‌အောင်၊ အမှတ် (၅) အခြေခံပညာ အထက်တန်း ကျောင်း ကျောင်းအုပ်ဆရာမ ကြီးနှင့် တာဝန်ရှိသူများက ဂုဏ်ပြုမှတ်တမ်းနှင့် ဂုဏ်ပြု ဆုငွေများ ပေးအပ်ချီးမြှင့်ခဲ့ကြကြောင်းသိရသည်။
Yangon_Times/NN
#Local_News
#Published_ 11 February 2024
#YMG #Yangon_Media_Group #Yangon_Times

Published 11 February 2024

ဆီလီကွန်ဗယ်လီဒေသမှာ အထီးကျန်ဆန်ခြင်းကို ပြည်သူ့အရေးပေါ် ကျန်းမာရေးပြဿနာအဖြစ် ကြေညာလိုက်ပါတယ်။

ကယ်လီဖိုးနီးယား ဆန်ဖရန်ဆစ္စကို ပင်လယ်အော်မှာရှိတဲ့ ဆန်မက်တီယိုကောင်တီမှာ အထီးကျန်ဆန်ခြင်းကို ကျန်းမာရေးပြဿနာအဖြစ် ဇန်နဝါရီ ၃၀ ရက်နေ့မှာ တရားဝင်ကြေညာ ထုတ်ပြန်လိုက်ပါတယ်။

ကြီးကြပ်သူများအဖွဲ့က ထိုဆုံးဖြတ်ချက်ကို တညီတညွတ်တည်း မဲပေးခဲ့ကြပါတယ်။

အထီးကျန်ခြင်းက ကျန်းမာရေးကို သက်ရောက်နေပြီး တစ်နေ့ကို စီးကရက်တစ်ဗူးနဲ့ နှိုင်းယှဥ်လို့ရတယ်လို့ ကြီးကြပ်ရေးမှူး ဒေးဗစ်ကာနီပါက ဆိုပါတယ်။

ဆန်မက်တီယိုကောင်တီက အထီးကျန်ခြင်းကို အရေးပေါ်ပြည်သူ့ကျန်းမာရေးအဖြစ် ပထမဆုံးသတ်မှတ်ခဲ့တဲ့ အမေရိကပြည်နယ်ဖြစ်လာတဲ့အတွက် ကျေးဇူးတင်ရှိကြောင်း အမေရိကန် ခွဲစိတ်ဆရာဝန်ကြီး ဒေါက်တာ ဗီဗက်မာသီက ဖော်ပြသွားပါတယ်။

အထီးကျန်ခြင်းကြောင့် နှလုံးဖောက်ခြင်း၊ စိတ်ဓာတ်ကျခြင်း၊ စောစီးစွာ သေဆုံးနိုင်ခြေတို့ ဖြစ်လာနိုင်တယ်လို့ ဖော်ပြထားပါတယ်။

စိတ်ပိုင်းဆိုင်ရာရော ရုပ်ပိုင်းဆိုင်ရာမှာပါ နောက်ဆက်တွဲဆိုးကျိုးတွေ ရှိလာနိုင်ပါတယ်။

ဒီဂျစ်တယ်ကာလမှာ အထီးကျန်ခြင်းကို တိုက်ဖျက်ဖို့အတွက် ဆိုရှယ်မီဒီယာတွေကို ပြန်လည်သုံးသပ်သင့်ပြီး လူမှုထောက်ပံ့ရေးတွေ သုံးသပ်ဖို့ တောင်းဆိုလိုက်ပါတယ်။

ပြည်သူတွေအနေနဲ့ လူမှုအသိုင်းအဝိုင်း လှုပ်ရှားမှုတွေမှာ ပိုမိုပါဝင်သင့်တယ်လို့ ဒေါက်တာဒေးဗစ်ကမ်းဘဲလ်က ဆိုပါတယ်။
Source: New York Post.
#World_Health
#Published_ 11 February 2024
#YMG #Yangon_Media_Group #Yangon_Times