#Local_News
Published 1 August 2024

▪️ ရက်ပိုင်းအတွင်း စက်သုံးဆီများ ပြန်လည်ချောမွေ့စွာ ဖြန့်ဖြူးပေးနိုင်‌တော့မည်ဖြစ်ကြောင်း မြန်မာနိုင်ငံစက်သုံးဆီတင်သွင်း ရောင်းချဖြန့်ဖြူးရေးအသင်းမှ ဩဂုတ် (၁)ရက်၌ ကြေညာချက် ထုတ်ပြန်လိုက်ကြောင်း သိရသည်။

▪️ မိုးကြီးသည့်ကာလဖြစ်သဖြင့် ဆီတင်ကား ဘေးအန္တရာယ် ကင်းရှင်းရန်အတွက် သတိထားမောင်းနှင်ကြသဖြင့် ပုံမှန်အချိန်ထက် ပိုကြန့်ကြာခဲ့ပေမည့် ယခုရက်ပိုင်းအတွင်း စက်သုံးဆီများ ပြန်လည်ချောမွေ့စွာ ဖြန့်ဖြူးပေးနိုင်‌တော့မည်ဖြစ်သည်ဟုဆိုသည်။

▪️ ထုတ်ပြန်ချက်တွင် 
(၁) စက်သုံးဆီများကို အများပြည်သူ အဆင်ပြေအောင်အချိန်နှင့် တစ်ပြေးညီ ဖြန့်ဖြူးပေးနေသည့်အပြင် စက်သုံးဆီများလည်း စဉ်ဆက်မပြတ် ဆီသင်္ဘောများ ရောက်ရှိနေကြပါသည်။

▪️ (၂) သို့သော် အခု လောလောဆယ်အချိန်ကာလတွင် ကောလဟာလသတင်းများနှင့် မီဒီယာ တစ်ချို့၏ သတင်းမှားများဖြင့် ဝါဒဖြန့်ချိမှုကြောင့် ရန်ကုန်မြို့အပါအဝင် မြို့ကြီးအချို့ရှိ စက်သုံးဆီအရောင်းဆိုင်များတွင် သာမာန်မဟုတ်ဘဲ ၀ယ်လိုအား အထူးမြင့်တက်ခဲ့ပါသည်။

▪️ ထို့အပြင် မိုးကြီးသည့်ကာလဖြစ်သဖြင့် ဆီတင်ကား ဘေးအန္တရာယ် ကင်းရှင်းရန်အတွက်  သတိထားမောင်းနှင်ကြသဖြင့် ပုံမှန်အချိန်ထက် ပိုကြန့်ကြာခဲ့ပါသည်။

▪️ (၃) ထိုအတွက်ကြောင့် စက်သုံးဆီအရောင်းဆိုင်များတွင် ယာယီ စက်သုံးဆီပြတ်လပ်မှုများကြုံတွေ့ခဲ့ရပါသည်။

(၄) ထိုသို့ယာယီ စက်သုံးဆီပြတ်လပ်ခြင်းကြောင့် လူထုစိုးရိမ်မှုက အနည်းငယ် ပိုမိုမြင့်တက်လာခြင်းတို့ကြောင့် ယနေ့ ဖြစ်ပျက်နေသည့် အခြေအနေဖြစ်ပေါ်လာခြင်း ဖြစ်ပါသည်။

▪️ (၅) ထို့အပြင် မတည်ငြိမ်သည့်ဒေသများမှ ပြောင်းရွှေ့လာသူအများစုသည် မြို့ကြီးများ‌သို့ရောက်ရှိလာသည့်အတွက်   စက်သုံးဆီလိုအပ်ချက်ကလည်း မြို့ကြီးများတွင် ပိုမိုခဲ့ပါသည်။

▪️ (၆) သီလဝါရှိ စက်သုံးဆီ သိုလှောင်ကန်များတွင်လည်း စက်သုံးဆီလုံလောက်စွာရှိသည့်အပြင် နိုင်ငံခြားမှ စက်သုံးဆီတင်သွင်းလာသည့် သင်္ဘောများလည်း စဥ်ဆက်မပြတ်ဝင်ရောက်လျှက်ရှိပါသည်။

▪️ (၇) ထိုကြောင့် မြန်မာနိုင်ငံစက်သုံးဆီတင်သွင်းရောင်းချဖြန့်ဖြူးရေးအသင်း အနေဖြင့် စက်သုံးဆီပိုမို လျင်မြန်စွာ ဖြန့်ဖြူးပေးနိုင်ရန် လိုအပ်ချက်များကို ပူးပေါင်းညှိနှိုင်းဆောင်ရွက်နေကြသဖြင့် ရက်ပိုင်းအတွင်း စက်သုံးဆီများ ပြန်လည်ချောမွေ့စွာ ဖြန့်ဖြူးပေးနိုင်မည်ဖြစ်ပါကြောင်း သတင်းပေးကြေငြာအပ်ကြောင်း ဖော်ပြထားသည်။

#YMG/tthl #Yangon_Times

ဩဂုတ်လထဲမှာ လေဖိအားနည်းရပ်ဝန်း (၂)ကြိမ်နဲ့မုန်တိုင်းငယ်တစ်ကြိမ်‌ဖြစ်နိုင်ပြီး စစ်ကိုင်း၊ကချင်မှာ မိုးပိုများနိုင်တယ်လို့ သိရပါတယ်။
#Local_News
Published 1 August 2024
#မုန်တိုင်းငယ်တစ်ကြိမ်‌ဖြစ်နိုင် #လေဖိအားနည်းရပ်ဝန်း(၂)ကြိမ်
#YMG/tthl #Yangon_Times

သမဝါယမနှင့် ကျေးလက်ဖွံ့ဖြိုးရေးဝန်ကြီးဌာန၊ အသေးစားစက်မှုလက်မှုလုပ်ငန်းဦးစီးဌာန ကြီးကြပ်မှုအောက်ရှိ ယွန်းပညာကောလိပ်(ပုဂံ)မှာ ယွန်းအတတ်ပညာဒီပလိုမာနှစ်နှစ်သင်တန်းအတွက် ဝင်ခွင့်လျှောက်လွှာတွေ စတင်လက်ခံနေပြီလို့ သိရပါတယ်။
#Local_News
Published 1 August 2024
#ယွန်းပညာကောလိပ် #အသေးစားစက်မှုလက်မှုလုပ်ငန်း
#YMG/NN #Yangon_Times

အမျိုးသားယဉ်ကျေးမှုနှင့်အနုပညာတက္ကသိုလ်(ရန်ကုန်) တွင် ၂၀၂၄-၂၀၂၅ ပညာသင်နှစ်အတွက် မဟာဝိဇ္ဇာဘွဲ့သင်တန်း ငါးခုကို အခုနှစ်အတွင်းဖွင့်လှစ်သွားမယ်လို့ သိရပါတယ်။
#Local_News
Published 1 August 2024
#အမျိုးသားယဉ်ကျေးမှု #အနုပညာတက္ကသိုလ်(ရန်ကုန်)
#YMG/NN #Yangon_Times

 ရန်ကုန်အိမ်ခြေမြံဈေးကွက်ထဲရင်းနှီးမြုပ်နှံချင်ကြပေမယ့်လည်း ပိုင်ဆိုင်မှုဆိုင်ရာ လွှဲပြောင်းရေးအခက်အခဲအချို့ကြောင့် ရင်းနှီးမြုပ်နှံသူ ထင်သလောက်မရှိသေးဘူးလို့ အိမ်ခြံမြေ အကျိုးတော်ဆောင်တွေထံမှ သိရပါတယ်။
#Local_News
Published 1 August 2024
#ရန်ကုန်အိမ်ခြံမြေဈေးကွက် #အငှားသာပိုများနေ
#YMG/tthl #Yangon_Times

ဩဂုတ်လအတွက် ရည်ညွှန်းဆန်ဈေးနှုန်းတွေမှာ ဆန်ကြမ်းဈေး‌တွေ  ဈေးနှုန်းလျော့ချသတ်မှတ်လာတယ်လို့ စားသုံးသူရေးရာဦးစီးဌာနရဲ့ ထုတ်ပြန်ချက်အရ သိရပါတယ်။
#Local_News
Published 1 August 2024
#ရည်ညွှန်းဆန်ဈေးနှုန်း #ဆန်ကြမ်းဈေးလျော့ချသတ်မှတ်
#YMG/NN #Yangon_Times

#Local_News
Published 1 August 2024

▪️ ၂ဝ၂၄-၂၀၂၅ ဘဏ္ဍာနှစ်တွင်  မိုးစပါးသီးနှံဧက ၉ ဒသမ ၆ သိန်း ကိုနိုင်ငံ့စီးပွားမြှင့်တင်ရေးရန်ပုံငွေ ၁၉၂ ဒသမ ၇၁၀ ဘီလီယံနီးပါးကို အသုံးပြု၍  ဆောင်ရွက်သွားမည်ဖြစ်ကြောင်း  စိုက်ပျိုးရေး၊မွေးမြူရေးနှင့် ဆည်မြောင်းဝန်ကြီးဌာနမှ သိရသည်။

▪️ ပြီးခဲ့သည့်  ၂၀၂၂-၂၀၂၃ ဘဏ္ဍာနှစ်၌  နေပြည်တော်ကောင်စီနယ်မြေ၊ စစ်ကိုင်းတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ မန္တလေးတိုင်းဒေသကြီး၊ ရန်ကုန်တိုင်းဒေသကြီးနှင့် ဧရာဝတီတိုင်း ဒေသကြီးတို့တွင်စုစုပေါင်းငွေကျပ် ၁၇၄ ဒသမ ၁၈ ဘီလီယံသုံးစွဲနိုင်ပြီး ပဲတီစိမ်းနှင့် နွေစပါးစီမံကိန်းအား ဆောင်ရွက်ခဲ့ရာ ချေးငွေများအားလုံးလည်း ပြန်လည်ရရှိပြီး ဖြစ် ကြောင်း၊အဆိုပါချေးငွေ ပြန်လည်ကောက်ခံရရှိငွေဖြင့် ၂၀၂၃-၂၀၂၄ ဘဏ္ဍာနှစ်တွင် နေပြည်တော်ကောင်စီ နယ်မြေ၊ ကချင်ပြည်နယ်၊ မွန်ပြည်နယ်၊ ရခိုင်ပြည်နယ်၊ ရှမ်းပြည်နယ်များ၊ တနင်္သာရီတိုင်းဒေသကြီး၊ ပဲခူးတိုင်းဒေသကြီး၊ မကွေးတိုင်းဒေသကြီး၊ ရန်ကုန်ဒေသကြီးနှင့် ဧရာဝတီတိုင်းဒေသကြီး တို့တွင် မိုးစပါး စီမံကိန်းကို ငွေကျပ် ၁၃၄ ဒသမ ၂၁၃ ဘီလီယံ အသုံးပြုဆောင်ရွက်ခဲ့ပြီး နေပြည်တော်ကောင်စီနယ်မြေ၊ ပဲခူးတိုင်းဒေသကြီး၊ မကွေးတိုင်းဒေသကြီး၊ မန္တလေးတိုင်းဒေသကြီး၊ ရန်ကုန်တိုင်းဒေသကြီးနှင့် ဧရာဝတီတိုင်းဒေသကြီးတို့တွင် နွေစပါးစီမံကိန်းကို ငွေကျပ် ၁၄၇ ဒသမ ၈၉၇ ဘီလီယံ အသုံးပြု၍ ဆောင်ရွက်ခဲ့ကြောင်း သိရသည်။

▪️ ထို့အပြင် လက်ရှိ  ဘဏ္ဍာနှစ်အတွင်း၌ မိုးစပါးသီးနှံကို နေပြည်တော်ကောင်စီနယ်မြေ၊ ကချင်ပြည်နယ်၊ ပဲခူးတိုင်းဒေသကြီး၊ မကွေးတိုင်းဒေသကြီး၊ မန္တလေးတိုင်းဒေသကြီး၊ မွန်ပြည်နယ်၊ ရခိုင်ပြည်နယ်၊ ရန်ကုန် တိုင်းဒေသကြီး၊ ရှမ်းပြည်နယ်၊ ဧရာဝတီတိုင်းဒေသကြီး စသည့် ဒေသများတွင်  ဆောင်ရွက်သွားမည် ဖြစ်ပြီး မိုးမြေပဲ သီးနှံစိုက်ပျိုးခြင်းကို နေပြည်တော်ကောင်စီနယ်မြေ၊ ပဲခူးတိုင်းဒေသကြီး၊ မကွေးတိုင်းဒေသကြီး၊ မန္တလေး တိုင်းဒေသကြီး၊ ရှမ်းပြည်နယ်နှင့် ဧရာဝတီတိုင်းဒေသကြီး စသည့် နေရာဒေသများတွင် နိုင်ငံ့စီးပွားမြှင့်တင်ရေး ရန်ပုံငွေဖြင့် စုစုပေါင်းစိုက်ပျိုးဧက ၁ ဒသမ ၀၈ သိန်းကို စိုက်ပျိုးဆောင်ရွက်သွားမည် ဖြစ်ကြောင်း သိရသည်။

#YMG/NN #Yangon_Times

#World_News
Published 01 August 2024

▪️ ဟားမတ်စ်ခေါင်းဆောင် အစ္စမေးလ်ဟာနီယာဟာ ဗုဒ္ဓဟူးနေ့နံနက်အစောပိုင်းက အီရန်မြို့တော်တာရန်မှာ အသတ်ခံခဲ့ရသဖြင့် အစ္စရေးလ်အပေါ် လက်တုန့်ပြန်မှုများ ခြိမ်းခြောက်လာနိုင်ကာ အရှေ့အလယ်ပိုင်းစစ်ပွဲ ပိုမိုကျယ်ပြန့်လာမှာကို စိုးရိမ်လာရပါတယ်။

▪️ ပါလက်စ်တိုင်းအစ္စလာမ် စစ်သွေးကြွအဖွဲ့နဲ့ အီရန်တော်လှန်ရေးအစောင့်အဖွဲ့တို့က ဟာနီယာသေဆုံးမှုကို အတည်ပြုခဲ့ပြီး အီရန်သမ္မတသစ် ကျမ်းသစ္စာကြိမ်ပွဲအခမ်းအနားကို တက်ရောက်ပြီး နာရီပိုင်းအကြာမှာပဲ အသတ်ခံခဲ့ရတယ်လို့ ဆိုပါတယ်။

▪️ ဟာနီယာသေစေခဲ့တဲ့ တိုက်ခိုက်မှုကို အစ္စရေးလ်တို့ ပြုလုပ်တယ်လို့ ယူဆရပေမယ့် ဝန်ကြီးချုပ် ဘင်ဂျမင်နေတန်ညာဟူ အစိုးရအဖွဲ့ကတော့ ဒီတိုက်ခိုက်မှုကို ပြုလုပ်တယ်လို့ မပြောထားသလို ဘာမှတ်ချက်မှ မပြောထားပါဘူး။

▪️ ဟာနီယာဟာ တည်းခိုခန်းတစ်ခုမှာ နေထိုင်နေရင်း ဒုံးကျည်တစ်စင်း တိုက်ရိုက်ထိမှန်ကာ သေဆုံးခဲ့တာဖြစ်တယ်လို့ ဟားမတ်စ်အကြီးတန်းအရာရှိ ခါလီအယ်ဟေယာက ပြောကြားခဲ့ပါတယ်။

▪️ ဟာနီယာဟာ ပုံမှန်အားဖြင့် ကာတာမှာ အခြေချနေထိုင်ပြီး ဟားမတ်စ်ဘက်မှ နိုင်ငံတကာသံတမန်ရေးကိစ္စတွေရဲ့ မျက်နှာဖုံးရှင် ဖြစ်ပြီး ဂါဇာစစ်ပွဲ အပစ်အခတ် ရပ်စဲရေးရရှိဖို့ ကြားဝင်ညှိနှိုင်းရာမှာ ပါဝင်ခဲ့ပါတယ်။

▪️ အစ္စရေးလ်ကတော့ အီရန်ဘက်ကို တိုက်ခိုက်နေပြီး ရန်လိုတိုက်ခိုက်မှုမှန်သမျှ တုန့်ပြန်သွားမယ်လို့ နေတန်ညာဟူက ပြောထားပါတယ်။

▪️ ယခု အဖြစ်အပျက်ကြောင့် ဂါဇာစစ်ပွဲ အပစ်အခတ်ရပ်စဲရေး သဘောတူညီချက် ကြိုးပမ်းရေးကို ထိခိုက်ဖွယ်ရှိနိုင်ပြီး ဟားမတ်စ် လက်နက်ကိုင်တပ်ခွဲက တိုက်ပွဲပုံစံအသစ် ဖြစ်ပေါ်လာနိုင်တယ်လို့ ကြေညာလိုက်ပါတယ်။

▪️ အီရန်က လက်စားချေဖို့ ကြုံးဝါးလိုက်ကာ ၃ ရက်တိုင် တစ်နိုင်ငံလုံး ပူဆွေးဝမ်းနည်းခြင်းနေ့အဖြစ် ကြေညာခဲ့ပြီး အစ္စရေးလ်ကို ထောက်ပံ့တဲ့ အမေရိကန်အနေဖြင့် တာဝန်ယူရမယ်လို့ ဆိုလိုက်ပါတယ်။

▪️ တူရကီနိုင်ငံ အစ္စတန်ဘူလ်မြို့မှာ ပါလက်စ်တိုင်း လိုလားသူတွေက လမ်းပေါ်မှာ ဆန္ဒပြနေကြပါတယ်။

▪️ အမေရိကန်ကတော့ ဒီဖြစ်ရပ်ကြောင့် တင်းမာမှုထပ်မံမြင့်တက်လာမှာ စိုးရိမ်ကြောင်း၊ ဒီလိုမဖြစ်အောင် လုပ်ဆောင်နေကြောင်း အိမ်ဖြူတော်လုံခြုံရေး ပြောရေးဆိုခွင့်ရှိသူ ဂျွန်ကာဘီက ပြောပါတယ်။

▪️ အမေရိကန်က နိုင်ငံသားတွေကို လက်ဘနွန်သို့ မသွားရန် အကြံပြုထားပြီး တဲလ်အေဗစ်ကိုသွားမယ့် အမေရိကန်လေကြောင်းလိုင်း ၂ ခုဖြစ်တဲ့ ယူနိုက်တက်နဲ့ ဒယ်လ်တာတို့ရဲ့ ခရီးစဉ်များကို ရပ်ဆိုင်းထားပါတယ်။

▪️ အစ္စရေးလ်တို့က ဟက်ဇ်ဘိုလာရဲ့ စီနီယာအကျဆုံး စစ်ရေးတပ်မှူးကွန်မန်ဒါကို သတ်ခဲ့ပြီး ၂၄ နာရီမပြည့်မီမှာပဲ ဟာနီယာသေဆုံးတဲ့ သတင်းထွက်ပေါ်ခဲ့တာ ဖြစ်ပါတယ်။

▪️ အဖွဲ့အစည်းတစ်ခုက ရန်သူဘက်မှ ငြိမ်းချမ်းရေးညှိနှိုင်းသူကို လုပ်ကြံလိုက်တဲ့အတွက် ညှိနှိုင်းရေးက ဘယ်လိုအထမြောက်တော့မှာလဲလို့ ကာတာဝန်ကြီးချုပ် ရှိတ်ခ်မိုဟာမက်ဘင် အက်ဘ်ဒူရာမန်အယ်ထနီက X ဆိုရှယ်မီဒီယာမှာ ဖော်ပြလိုက်ပါတယ်။

#Source: Reuters

၁ ဩဂုတ် ၂၀၂၄

နစက ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်ရဲ့ အထူးကိုယ်စားလှယ်အဖြစ် ကမ္ဘောဒီးယားသို့ ရောက်ရှိနေတဲ့ နစက ဥက္ကဋ္ဌရုံးဝန်ကြီးဌာန(၂)ပြည်ထောင်စုဝန်ကြီး ဦးကိုကိုလှိုင်ဟာ ဒီကနေ့မနက်ပိုင်း မှာ  ကမ္ဘောဒီးယားဝန်ကြီးချုပ် မစ္စတာ ဟွန်မန်နက်နှင့်တွေ့ဆုံပါတယ်။ မွန်းလွဲပိုင်းမှာ  ဟွန်မန်နက်၏ ဖခင်ဖြစ်တဲ့ ကမ္ဘောဒီးယား ဆီးနိတ် ဥက္ကဋ္ဌ ဟွန်ဆန်နှင့်လည်းဆက်လက်တွေ့ဆုံခဲ့ပါတယ်။

တွေ့ဆုံမှုအသေးစိတ်ကိုတော့ သတင်းမရရှိသေးပါဘူး။

ဝန်ကြီးဦးကိုကိုလှိုင်ဟာ ယမန်နေ့က ကမ္ဘောဒီးယားနိုင်ငံသို့ထွက်ခွာသွားခဲ့တာဖြစ်ပါတယ်။

@ymg/knl

#World_Science
Published 1 August 2024

▪️ ဦးနှောက်ထိခိုက်ခြင်း၊ ဦးနှောက်လေဖြတ်ခြင်း၊ ဘေးထွက်အာရုံကြောချို့ယွင်းခြင်း (ALS)စတဲ့ ရောဂါတွေကြောင့် အကြောသေပြီး စကားမပြောနိုင်သူတွေအတွက် အတွေးနဲ့တင် AIစနစ်ဖြင့် ပြောဆိုနိုင်မယ့် နည်းပညာကို အစ္စရေးလ် တဲလ်အေဗစ်တက္ကသိုလ်မှ သုတေသီများ စမ်းသပ်နေကြပါတယ်။

▪️ စမ်းသပ်မှုတစ်ခုပြုလုပ်ရာမှာ လူနာက အသံထွက်စာလုံးနှစ်လုံးထဲက တစ်လုံးကို ပြောတယ်ဆိုပြီး ပုံဖော်ခိုင်းပါတယ်။

▪️ ဦးနှောက်ထဲမှာ ထည့်သွင်းထားတဲ့ လျှပ်တိုင်တွေက လျှပ်စစ်အချက်ပြချက်တွေကို ကွန်ပျူတာသို့ ကူးပြောင်းပေးကာ အသံထွက်စေတာ ဖြစ်ပါတယ်။

▪️ စကားပြောပေးတဲ့ ဦးနှောက်ကွန်ပျူတာ လုပ်ဆောင်ချက်ဟာ ဦးနှောက်ထဲက ကြိမ်နှုန်းမြင့်လှုပ်ရှားမှုအပေါ် အခြေခံကာ စကားအရာတွေကို ဉာဏ်ရည်တု တည်ဆောက်တာ ဖြစ်ပါတယ်။

▪️ ဒီနည်းလမ်းဖြင့် လုံးဝအကြောသေထားသူတွေအတွက် ပြန်လည်ပြောဆိုနိုင်စွမ်း ရလာဖို့ မျှော်လင့်နိုင်ပါတယ်။

▪️ ၃၇ နှစ်ရှိ လူနာတစ်ဦးကို ဆေးရုံတင်ပြီး ဦးနှောက်ထဲမှာ လျှပ်တိုင်တွေကို ထည့်သွင်းခဲ့ကာ ပထမစမ်းသပ်မှုများအတွင်း စကားသံအမျိုးမျိုးကို ဉာဏ်ရည်တုစနစ်ဖြင့် ၈၅ ရာခိုင်နှုန်းတိကျအောင် အသံထွက်နိုင်ခဲ့ပါတယ်။

▪️ လူနာကို 'အေ'နဲ့ 'အီး' အသံနှစ်မျိုးကို အသံထွက်ခိုင်းခဲ့ပြီးနောက် ထိုအသံတွေကို လူနာက ပုံဖော်တဲ့အချိန်မှာ ဦးနှောက်လှုပ်ရှားမှုကို မှတ်သားခဲ့ပါတယ်။

▪️ ဉာဏ်ရည်တုမှတ်သားစနစ်ဖြင့် ပြောချင်တဲ့ စကားလုံးအသံထွက်အတိုင်း လှုပ်ရှားတဲ့ ဦးနှောက်ဆဲလ်တွေကို ရှာတွေ့နိုင်အောင် ဖန်တီးခဲ့ကြပါတယ်။

▪️ လူနာဦးနှောက်ထဲမှာ အသံထွက်စကားလုံး ၂ ခုနဲ့ပတ်သက်တဲ့ လှုပ်ရှားမှုပုံစံကို ကွန်ပျူတာက မှတ်သားပြီးနောက် 'အေ'နဲ့ 'အီး' ကို ပြောတယ်လို့ ပုံဖော်ခိုင်းပါတယ်။

▪️ ကွန်ပျူတာက ထိုလှုပ်ရှားမှုတွေကို ဘာသာပြန်ပြီး ကြိုတင်အသံထည့်ထားတဲ့ စကားလုံးအသံထွက်အတိုင်း ထွက်ပေါ်စေပါတယ်။

▪️ 'အေ'နဲ့ 'အီး' အသံတွေကို ကိုယ်စားပြုတဲ့ လျှပ်စီးအချက်ပြမှုတွေကို ခွဲခြားသိရှိနိုင်ခဲ့ပြီး ယင်းတို့ရဲ့ ရည်မှန်းချက်က စကားအပြည့်အစုံ ပြောနိုင်ရန် ဖြစ်ပေမယ့် အခုလိုအသံထွက်နိုင်လျှင်ပင် လူနာအနေနဲ့ ဟုတ်တယ် မဟုတ်ဘူးဆိုတာကို ပြောနိုင်မှာဖြစ်ပါတယ်။

▪️ အနာဂတ်မှာဆိုရင်တော့ ထိုကဲ့သို့ ရောဂါလက္ခဏာ အစောပိုင်းအဆင့် ရောက်နေသူတွေ စကားပြောနေနိုင်သေးတဲ့ အခြေအနေမှာ ကွန်ပျူတာကို မှတ်သားခိုင်းဖို့ ဖြစ်လာနိုင်ပါတယ်။

▪️ ဒါမှ လူနာဦးနှောက်ထဲက လှုပ်ရှားမှုတွေကို ကွန်ပျူတာက မှတ်သားပြီး လူနာက အကြောသေသွားတဲ့အခါ ဘာသာပြန်နိုင်မှာ ဖြစ်ပါတယ်။

#Source: The Jerusalem Post

#World_Health
Published 1 August 2024

▪️ သန့်စင်ထားတဲ့ ဂီးထောပတ်ကို အိန္ဒိယဟင်းလျာတွေမှာ အသုံးပြုလာတာ နှစ်ပေါင်းထောင်ချီ ကြာလာပါပြီ။

▪️ အာယုဗေဒဆေးပညာမှာဆိုရင် ဂီးထောပတ်က အစာကြေစေခြင်း၊ ကြံ့ခိုင်စေခြင်း၊ သက်ရှည်ခြင်းစတဲ့ အကျိုးကျေးဇူးများ ရှိပါတယ်။

▪️ အဆီပါဝင်မှု များတာကြောင့် ကျန်းမာရေးနဲ့ မညီညွတ်ဘူးလို့လည်း ငြင်းခုံသူများရှိနေပေမယ့် အာဟာရပညာရှင် အန်မာမီအေဂါဝယ်လ်ကတော့ ဂီးထောပတ်ကို အစာမရှိတဲ့အချိန် စားပေးဖို့ အကြံပြုလိုက်ပြီး နံနက်တိုင်း စားပေးခြင်းရဲ့ အကျိုးကျေးဇူးတွေကို ဖော်ပြလိုက်ပါတယ်။

▪️ (၁) အစာအိမ်အက်ဆစ်ကို လှုံ့ဆော်ပေးကာ အစာခြေခြင်းကို မြှင့်တင်ပေးပါတယ်။
အာဟာရဓာတ်တွေကို ကောင်းစွာစုပ်ယူပြီး အလုံးစုံကျန်းမာရေးကို ကောင်းမွန်စေပါတယ်။

▪️ (၂) အဆိပ်အတောက် ဖယ်ရှားပေးခြင်းနဲ့ အူလမ်းကြောင်း ကျန်းမာရေးတို့ကို ထောက်ပံ့ပေးပါတယ်။

▪️ အူလမ်းကြောင်းနံရံတွေကို သန့်စင်ပေးပြီး အာဟာရဓာတ်စုပ်ယူမှု ကောင်းမွန်စေကာ ကိုယ်ခံအားစနစ် မြှင့်တင်ပေးပါတယ်။

▪️ (၃) အူလမ်းကြောင်းထဲက ရောင်ရမ်းခြင်းကို ဆန့်ကျင်ပေးကာ အူလမ်းကြောင်းနဲ့ ပတ်သက်တဲ့ လက္ခဏာများကို သက်သာစေပါတယ်။

▪️ (၄) သူ့မှာပါတဲ့ ထူးကဲတဲ့ ဖက်တီးအက်ဆစ်က ဇီဝကမ္မဖြစ်စဉ်ကို ကူညီပေးကာ ကိုယ်အလေးချိန် လျှော့ချဖို့ အသုံးဝင်ပေမယ့် ကယ်လိုရီများတာကိုလည်း ထည့်သွင်းသတိပြုသင့်ပါတယ်။

▪️ ဂီးထောပတ်စားပြီးနောက် နေထိုင်လို့မကောင်းဘူးဆိုရင်တော့ ချင့်ချိန်စားသုံးတာမျိုး၊ ဆရာဝန်နဲ့ တိုင်ပင်တာမျိုး ပြုလုပ်သင့်ပါတယ်။

#Source: DoctorNDTV

NAY PYI TAW, July 31— Myanmar’s State Administration Council  Chairman Senior General Min Aung Hlaing stated that elections will initially be held in areas with stable security conditions.

He emphasized the necessity of enhancing security in unstable areas before elections can take place. This remark was made during today's National Defence and Security Council meeting at the SAC Chairman’s office.

The entrenchment of multi-party democracy and necessary reform tasks can only be speedily implemented if stability is ensured; therefore, any measures related to security matters should be continued and accelerated, he told NDSC members, according to SAC’s press release

SAC said earlier that the national census is scheduled for October, with the national election to follow next year.

@ymg/knl