CI စာအုပ်ကိုင်ဆောင်ထားပြီး အလုပ်လုပ်ကိုင်နေသူတွေကို မဟာချိုင်မှာ ဖွင့်လှစ်ထားတဲ့  TDCC ရုံးခွဲမှာ နိုင်ငံကူးလက်မှတ်လာရောက်လျှောက်ထားဖို့ လုပ်ဆောင်ပေးလျက်ရှိရာမှ စက်ရုံ အလုပ်ရုံတွေရဲ့ တင်ပြချက်အရ အခုလို mobile team နဲ့ စက်ရုံတွေအထိ သွားရောက်လုပ်ပေးဖို့ ဆောင်ရွက်ရတာဖြစ်တယ်ဆိုပါတယ်။
#Local_News
Published_ 13 February 2024
#CI စာအုပ်ကိုင်ဆောင်ထား #Mouလုပ်သား
#YMG/LW #Yangon_Times

"ချောင်းသာမှာ ကားလက်မှတ်တွေကုန်၊ ဟိုတယ်၊ တည်းခိုခန်းတွေပြည့်လျှံလို့ ရွာထဲကညအိမ်တွေမှာ တည်းခိုရတဲ့အထိ အခုပိတ်ရက်မှာစည်ကားခဲ့တယ်။ သုံးရက်ဆက်ပိတ်လို့ အခုနည်းနည်းပြန်ကျနေပြီး ကလေးများ စာမေးပွဲပြီး လကုန်ပိုင်းနဲ့‌ နွေရာသီကျောင်းပိတ်ချိန်မှာ ပြန်စည်မယ်" ချောင်းသာခရီးသွားလမ်းညွှန်
#Local_News
Published_ 13 February 2024
#ချောင်းသာကမ်းခြေ #ခရီးသွားသောင်းချီဝင်
#tthl #Yangon_Times

#Local_News
Published 13 February 2024

ရန်ကုန်-မန္တလေးအမြန်လမ်းမကြီးမှာ ပြီးခဲ့သည့် ဇန်နဝါရီလအတွင်း ယာဉ်တိုက်မှု ၁၈ ကြိမ်ဖြစ်ပွားခဲ့ပြီး ၁၅ဦးသေဆုံးခဲ့ကြောင်း အမြန်လမ်းမကြီးရဲတပ်ဖွဲမှူးရုံးမှ သိရသည်။

အဆိုပါ ယာဉ်မတော်တဆမှုများ‌ကြောင့်  သေဆုံးသူ အမျိုးသား ၉ ယောက်၊ အမျိုးသမီး ၆ ယောက် စုစုပေါင်း ၁၅ ယောက်နှင့် ထိခိုက်ဒဏ်ရာရရှိသူ အမျိုးသား ၂၄ ယောက်၊ အမျိုးသမီး ၁၃ ယောက်  စုစုပေါင်း ၃၇ ယောက်ရှိခဲ့ကြောင်းသိရသည်။

ထိုယာဉ်မတော်တဆမှုများ‌မှာ အရှိန်ပြင်း၊ အိပ်ငိုက်၊ လမ်းကူးသူ ပေါ့ဆမှု၊ ဆိုင်ကယ်ပေါ့ဆမှုနှင့်  မဆင်မခြင်မောင်းနှင်မှု စုစုပေါင်း ၁၃ မှုနှင့် ဘီးပေါက်မှု ၅ မှုရှိခဲ့ပြီး ဆုံးရှုးမှုတန်ဖိုး ငွေကျပ် သိန်း ၅၀၀ ကျော် ရှိခဲ့‌ကြောင်း သိရသည်။

ရန်ကုန်-မန္တလေး အမြန်လမ်းမကြီးတွင် သတ်မှတ်အရှိန်နှုန်းထက် ပိုမိုမောင်းနှင်သည့်ယာဉ်များကို အမြန်လမ်းမကြီး ရဲတပ်ဖွဲ့မှ  အရေးယူမှုများ ပြုလုပ်နေကြောင်း သိရသည်။

#Local_News #ယာဉ်တိုက်မှုပေါင်း၁၈ ကြိမ် #၁၅ဦးသေဆုံး #YMG/ NN #Yangon-Times

မိုးနှမ်းက ရာသီကုန်ချိန်လွန်နေပြီ ဒါပေမယ့်အရှေ့လတွေမှာက နှမ်းဈေးကမရတော့ ကုန်သိုလှောင်နိုင်တဲ့ တောင်သူကြီးတွေက ထုတ်မရောင်းကျဘူး အခုနှမ်းဈေးက ပြန်တတ်လာတော့ မိုးနှမ်းရာသီကုန်ချိန် ဖြစ်ပေမယ့် တစ်နေ့ကို တင်း ၅၀၀ ကနေ ၁၀၀၀ကြား လာရောင်းကျတယ်။
#Local_News
Published_ 13 February 2024
#မိုးနှမ်းရာသီကုန်ချိန် #နှမ်းဈေးပြန်မြင့်လာ
#YMG/LW #Yangon_Times

#Local_News
Published-13 February 2024

၁၀လတာအတွင်း တရုတ်နိုင်ငံသို့ မြန်မာ့  တစ်သျှူးငှက်ပျော တန်ချိန် ၄ သိန်းကျော်  တင်ပို့ထားကြောင်း ကချင်ပြည်နယ် စိုက်ပျိုးရေးဦးစီးဌာနမှ သိရသည်။

၂၀၂၃-၂၀၂၄ ဘဏ္ဍာနှစ်၊ ဧပြီလမှ ဇန်နဝါရီလကုန်အထိ ကံပိုင်တည်နဲ့ လွယ်ဂျယ်နယ်စပ် ကုန်သွယ်ရေးဂိတ်တွေကနေ တရုတ်နိုင်ငံထံ တစ်သျှူးငှက်ပျောတန်ချိန် ၄၀၂,၁၉၁ နီးပါး တင်ပို့ထားခြင်းဖြစ်ကြောင်း သိရသည်။

ယခုဘဏ္ဍာနှစ် ၁၀ လအတွင်း ကုန်တင်ယာဉ် ၁၂၃၄၈ စီးဖြင့် တန်ချိန် ၄၀၂,၁၉၁ တင်ပို့ထားရာယခင်နှစ်ကထက်ပိုမိုတင်ပို့နိုင်ခဲ့ကြောင်း၊ ကချင်ပြည်နယ်စိုက်ပျိုးရေးဦးစီးဌာန၌ လက်တလောတွင်   တရုတ်နိုင်ငံသို့  တစ်သျှူးငှက်ပျောတင်ပို့ရန်  မှတ်ပုံတင်ထားသည့်  ကုမ္ပဏီ ၃၂ ခုရှိနေပြီး ဧက ၅၀,၀၀၀ ကျော် စိုက်ပျိုးထားကြောင်း သိရသည်။

မြန်မာနိုင်ငံတွင်  တစ်သျှူးငှက်ပျောကို ပြည်တွင်းစားသုံးမှုမရှိဘဲ ပြည်ပကို တင်ပို့ရောင်းချရန်အတွက်သာ ရည်ရွယ်စိုက်ပျိုးကြပြီးပြည်တွင်း၌ ကြိုက်နှစ်သက်မှုနည်းပါးကြောင်း သိရသည်။

တစ်သျှူးငှက်ပျောကို ကချင်ပြည်နယ်၌  မိုးမောက်၊ မံစီ၊ ရွှေကူနှင့်  စစ်ကိုင်းတိုင်းဒေသကြီးရှိ  ငါးအိုးမြို့နယ်တို့မှာ အများဆုံးစိုက်ပျိုးကြကြောင်း သိရသည်။

#Local_News #မြန်မာ့တစ်သျှူးငှက်ပျော #တရုတ်နိုင်ငံသို့တန်ချိန်၄သိန်းကျော်တင်ပို့ #YMG/ NN #Yangon-Times

စိုက်တဲ့အချိန်စက်သုံးဆီစျေးကသိကအောက်ဖြစ်လို့ အများကြီးမတိုးဘူး၊ ဒါပေမယ့် စပါးဈေးကောင်းခဲ့တော့အထွက်တိုးစပါး‌တွေစိုက်လာကြပြီး လုံ့လစိုက်ကြတယ်၊ ဂရုစိုက်တဲ့ကွင်းတွေဆိုရင် မနှစ်ကထဲကမှော်ဘီ၃ တို့ GW11တို့စပါးမျိုးတွေဆိုရင် တစ်ဧကတင်း(၂၀၀) ဝန်းကျင်ထွက်တဲ့ ကွင်းတွေတောင်ရှိခဲ့တယ်။
#Local_News
Published_ 13 February 2024
#နွေစပါးစိုက်ရာသီ #အထွက်တိုးစပါး
#YMG/NN #Yangon_Times

#Local_News
Published 13 February 2024

ရန်ကုန်တိုင်းဒေသကြီး၊ မင်္ဂလာတောင်ညွန့်မြို့နယ် ဦးအောင်မြတ်လမ်းနှင့် ကန်ရိပ်သာလမ်းထောင့်၊ အမှတ် ၂၃ ESPERADO ဟိုတယ် ပိုင်ရှင်၏ဇနီးဖြစ်သူအသတ်ခံရမှုဖြစ်ပွားခဲ့ကြောင်း လုံခြုံရေးအဖွဲ့နင့်နီးစပ်သူထံက သိရသည်။

အဆိုပါ ဟိုတယ်၏ သုံးလွှာရှိအခန်းအမှတ် ၃၀၀၃ တွင် ဖေဖော်ဝါရီလ ၁၃ ရက်နံနက် ၈း၃၀ နာရီအချိန်၌ ဟိုတယ်ပိုင်ရှင် ဦးအောင်ဇော်ဝင်း၏ဇနီးဖြစ်သူဒေါ်သန်းသန်းဦး (ခေါ်) မာရီယမ်သည် အခန်းအတွင်းကျောပြင်တွင် ဓါးဒဏ်ရာငါးချက်ဖြင့် သေဆုံးနေကြောင်း သိရသည်။

"CCTV မှတ်တမ်းကိုစစ်ဆေးပြီးတဲ့ရလာဒ်အရ လွန်ခဲ့တဲ့ ၃ လ ကျော်က အလုပ်ထုတ်လိုက်တဲ့ တစ်ယောက် မကျေနပ်လို့ လုပ်သွားတယ်လို့ ကောက်ချက်ချထားကြပါတယ်" ဟု လုံခြုံရေးအဖွဲ့နှင့်နီးစပ်သူက YMG ကို ပြောသည်။

သေဆုံးသူ၏သားမှ မိခင်ဖြစ်သူအခန်းတွင်းမှ ထွက်မလာသဖြင့် သားဖြစ်သူကောင်းမြတ် ဇော်ကဖုန်းခေါ်ရာ မကိုင်သဖြင့် မာစတာကီးဖြင့် အခန်းကိုဖွင့်ရာအခန်းအတွင်း မိခင်ဖြစ်သူမှာဓါးဒဏ်ရာများဖြ င့်ကြမ်းပြင်တွင် လဲကျသေဆုံးနေသည်ကိုတွေ့ရခြင်းဖြစ်ကြောင်း သိရသည်။

#Local_News ##ESPERADOဟိုတယ် #ဇနီးဖြစ်သူအသတ်ခံရ #YMG/PP #Yangon_Times

"မွန်ဘိုင်းရုပ်ရှင်ပွဲတော်"တွင် ပါဝင်ပြသပြီး မြန်မာဇာတ်ကားများနိုင်ငံတကာရုပ်ရှင်ဈေး ကွက်ထိုးဖောက်နိုင်

အိန္ဒိယမှာကျင်းပမယ့်'မွန်ဘိုင်းအပြည်ပြည်ဆိုင်ရာရုပ်ရှင်ပွဲတော်'ဟာကြီးကျယ်ခမ်းနားပြီး ပြပွဲအပြင်ပြိုင်ပွဲ‌တွေ၊Short Filmတွေပါပါဝင်ပြီး ဇွန်လ(၁၅)ရက်မှ(၂၁)ရက်အထိ ကျင်းပပြုလုပ်သွားမှာဖြစ်ပါတယ်။
#Local_News
Published_ 13 February 2024
#မွန်ဘိုင်းရုပ်ရှင်ပွဲတော် #နိုင်ငံတကာရုပ်ရှင်ဈေးကွက်ထိုးဖောက်နိုင်
#tthl #Yangon_Times

#Local_News
Published_ 13 February 2024

ယခုအပတ်တွင် စားအုန်းဆီရည်ညွှန်းဈေး ကျပ် ၅၁၄၀သတ်မှတ်ထားကြောင်း စားသုံးသူရေးရာဦးစီးဌာနမှ သိရသည်။

ပြီးခဲ့သည့် အပတ်တုန်းက(၅၂၇၅)ကျပ်သတ်မှတ်ခဲ့ခြင်းဖြစ်ပြီး  ယခုအပတ်တွင် စားအုန်းဆီရည်ညွှန်းဈေး ကျပ် ၅၁၄၀သတ်မှတ်လိုက်ခြင်းဖြစ်၍ ဈေးနှုနှုန်းရာဂဏာန်းထပ်ကျခဲ့ခြင်းဖြစ်သည်။

ကမ္ဘာ့စားအုန်းဆီ ထုတ်လုပ်တင်ပို့သည့် နိုင်ငံများတွင် ဈေးကွက်နှင့် ဈေးနှုန်းဖြစ်ပေါ်မှုများအရ ၂၀၂၄ ခုနှစ်၊ ဖေဖော်ဝါရီလ ၁၃ ရက်နေ့မှ ၁၈ အထိ ရန်ကုန်အထိုင်ဈေး အခြေခံလက်ကား ရည်ညွှန်းဈေးနှုန်းမှာ စားအုန်းဆီ တစ်ပိဿာ လျှင် ၅,၁၄၀ ကျပ် ဖြစ်ကြောင်း ထုတ်ပြန်ကြေညာထားသည်။

ဈေးကစားရန် ရည်ရွယ်ချက်ဖြင့် သိုလှောင်ခြင်းနှင့် မသမာသည့် လုပ်ဆောင်မှုများပြုလုပ်ပါက အရေးကြီး ကုန်စည်နှင့် ဝန်ဆောင်မှုဥပဒေအရ အရေးယူဆောင်ရွက်သွားမည်ဖြစ်ကြောင်း အသိပေး ထုတ်ပြန်ထားကြောင်း သိရသည်။

#Local_News #စားအုန်းဆီရည်ညွှန်းဈေး #အရင်အပတ်ထက်ရာဂဏာန်းထပ်ကျ #tthl #Yangon_Times

၁၃ ဖေဖော်ဝါရီ ၂၀၂၄

ကာတာအခြေစိုက် အယ်ဂျားဇီးယားသတင်းဌာနကို ဂါဇာကနေ ပုံမှန်သတင်းပေးပို့နေတဲ့ အထင်ကရ သတင်းထောက်ဟာ    ဟားမာ့စ်ရဲ့ တပ်မှူးတစ်ဦးဖြစ်နေတယ်လို့ အစ္စရေးကာကွယ်ရေးတပ်ဖွဲ့က စွပ်စွဲပြောဆိုလိုက်ပါတယ်။ အစ္စရေးစစ်တပ်ရဲ့  ပြောရေးဆိုခွင့်ရသူ  အေဗီချေး အန်ဒရီက အဆိုပါ သတင်းထောက် မူဟာမက် ဝါရှားပိုင်ဆိုင်တဲ့ လက်ပ်တော့ကွန်ပျူတာကို  ဂါဇာကမ်းမြောင်ဒေသမှာ အစ္စရေးစစ်တပ်က ပြန်လည်ဖော်ထုတ်ထားတယ်လို့ပြောပါတယ်။

အန်ဒရီရဲ့အဆိုအရ အဲဒီလက်ပ်တော့ထဲမှ ဝါရှားအနေနှင့် အကီဲးတန်းစစ်ဆင်ရေးမှူးတစ်ဦးအဖြစ် ပါဝင်ပတ်သက်နေတာကို သက်သေပြနေတယ်လို့လည်း စွပ်စွဲပြောဆိုထားပါတယ်။

အဲဒီလက်ပ်တော့ထဲမှာ အသက် ၃၂နှစ်အရွယ် သတင်းထောက်ဝါရှားဟာ လက်နက်အမျိုးမျိုးကို ကိုင်ဆောင်ထားတဲ့ပုံတွေ တွေ့ရှိရပါတယ်။ အဲဒီလက်နက်တွေထဲမှာအောက်တိုဘာ ၇ ရက်စစ်ဆင်ရေးအတွင်း ဟားမာ့စ်တွေသုံးခဲ့တဲ့ ဒုံးတပ် လက်ပစ်ဗုံးတွေ ၊လက်နက်တပ်ဆင်ထားတဲ့ဒရုန်းတွေနှင့် အလားတူလက်နက်တွေပါဝင်ပါတယ်။နောက်ပုံတွေမှာတော့ သူဟာပါလက်စတိုင်းအုပ်စုအတွက် လေကြောင်းလက်နက်တွေတပ်ဆင်ပေးတာမှာ ပါဝင်ဆောင်ရွက်နေတာတွေ ပါဝင်နေ ပါတယ်။

“ အယ်ဂျာဇီးယား သတင်းထောက် မူဟာမက်ဝါးရှားပိုင်ဆိုင်တဲ့ လက်ပ်တော့တစ်ခုကို ဂါဇာကမ်းမြောင်ဒေသ မြောက်ပိုင်းမှာ အစ္စရေးစစ်တပ်က တွေ့ရှိဖော်ထုတ်ခဲ့ပါတယ်။ သူဟာ တင့်ကားဖျက်အခင်းအကျင်းတွေမှာ ဟားမာ့စ်ရဲ့ စစ်ဆင်ရေး   အကြီး  တန်းရာထူးအဆင့်ရှိခဲ့တယ်ဆိုတာ သက်သေပြနေတဲ့ ပုံတွေ လက်ပ်တော့ထဲရှိနေပါတယ်။ ၂၀၀၂ခုနှစ်နှောင်းပိုင်းမှာ သူဟာ အဖွဲ့ရဲ့ ကောင်းကင်လက်နက် သုတေသနနှင့်ဖွံ့ဖြိုးရေးလုပ်ငန်းကို ပြောင်းရွှေ့အလုပ်လုပ်ခဲ့တယ်” လို့ အန်ဒရီက ပြောပါတယ်။

အစ္စရေးစစ်တပ်က သိမ်းဆည်းရမိတဲ့ အဲဒီလက်ပ်တော့ထဲမှာ ဝါရှားနှင့် ဟားမာ့စ်လှုပ်ရှားမှုတွေဆက်စပ်နေတာကို တွေ့ရှိ ဖော်ထုတ်နိုင်ခဲ့တယ်လို့ အန်ဒရီကပြောပါတယ်။

“ ဟေး အယ်ဂျာဇီးယား။ ကျုပ်တို့က ခင်ဗျားတို့ရဲ့ သတင်းထောက်တွေဟာ ရှေ့တန်းမှာ ဟားမာ့စ် အကြမ်းထက်တွေအနေနှင့် မပါဝင်ဘဲ  အခြေအနေတွေကို ဘက်လိုက်မှုမရှိ သတင်းပေးပို့နေတယ်လို့ ထင်ထားခဲ့တာ” လို့ အန်ဒရီးက ဆိုရှယ်မီဒီယာကနေ အယ်ဂျာဇီးယားကို တိုက်ရိုက်ဝေဖန်ထားပါတယ်။

ဂါဇာဒေသခံ ဝါရှားဟာ ပြီးခဲ့တဲ့လများအတွင်း အယ်ဂျာဇီးယားရုပ်မြင်သံကြားမှာ သတင်းထောက်တစ်ဦးအဖြစ်  သတင်းများ စွာထုတ်လွှင့်ခဲ့ပါတယ်။ ၂၀၂၃ နိုဝင်ဘာလမှာ သူဟာ “ အယ်ဂျာဇီးယား၏ မိုဟာမက်ဝါရှား- နူဆီရက်ဒုက္ခသည်စခန်း အစ္စရေး စစ်ဆင်ရေးမြင်ကွင်းများမှ သတင်းပေးပို့သည်” လို့ အထူးပြုပြီး သတင်းဆောင်းပါးတစ်ခု ရေးသားခဲ့ပါတယ်။

ယခုထက်ထိတော့ အယ်ဂျာဇီးယားရော၊ ကာတာအစိုးရကပါ အစ္စရေးရဲ့ အပြင်းအထန်စွပ်စွဲထားတာတွေကို ပြန်လည် မတုန့်ပြန်သေးပါဘူး။

 Source: NDTV

#Local_News
Published-13 February 2024

မြန်မာနိုင်ငံအလယ်ပိုင်းဒေသများမှ တစ်နှစ်လျှင်ပျားရည် တန်ချိန် ၃၀၀ ခန့်ထွက်ရှိနေပြီး တန်ချိန် ၁၀၀ ခန့်သာပြည်တွင်းသုံးစွဲနေကြောင်း မွေးမြူရေးနှင့် ကုသရေးဦးစီးဌာန ပျားမွေးမြူမှု ဖွံ့ဖြိုးရေးဌာနခွဲ(နေပြည်တော်)မှ  သိရသည်။

ဇီပျားရည်၊ နေကြာပျားရည်၊ နှမ်းပျားရည်နှင့် ပန်းပေါင်းစုံပျားရည်များဖြစ်ကာ မကွေးတိုင်းဒေသကြီးမှ အဓိကထွက်ရှိကြောင်း သိရသည်။

မြန်မာနိုင်ငံ အလယ်ပိုင်းဒေသဖြစ်သော ပျားမွေးမြူမှု အဓိက ဒေသဖြစ်တဲ့ မကွေးတိုင်းဒေသကြီးအတွင်း အစိုးရပိုင်ပျားမွေးမြူရေး စခန်းခြောက်ခုနှင့် ပုဂ္ဂလိက ပျားမွေးမြူသူ ၇၈ ဦးရှိပြီး ပျားအုံပေါင်း ၁၃,၀၀၀ ကျော် ရှိကာ ပျားရည်များကို နှစ်စဉ်ထုတ်လုပ်လျက်ရှိကြောင်း၊ ထုတ်လုပ်မှုအနေဖြင့် နှမ်း ပျားရည်နှင့် ဇီးပျားရည်သည် ၆၀ ရာခိုင်နှုန်း၊ ပန်းပေါင်းစုံပျားရည်သည် ၁၀ ရာခိုင်နှုန်း ထွက်ရှိကြောင်း သိရသည်။

နှစ်စဉ် တန်ချိန် ၁၀၀ ခန့်ကိုသာပြည်တွင်း၌ စားသုံးလေ့ပြီး ဂျပန် အပါအဝင် တရုတ်၊ ကိုရီးယားနှင့် ထိုင်းနိုင်ငံသို့ နှစ်စဉ် ပျားရည်တန်ချိန် ၂၀၀ ခန့် တင်ပို့နေရကြောင်း၊ ပြည်ပတင်ပို့မှုတွင် နေကြာပျားရည်သည် ဈေးနှုန်းအများဆုံးရရှိလျှက်ရှိကြောင်း သိရသည်။

#Local_News #ပျားရည်တန်ချိန်၃၀၀ခန့်ထွက်ရှိ #YMG/NN #Yangon_Times

#Local_News
Published 13 February 2024

ရန်ကုန်တိုင်းဒေသကြီး၊ ဗဟန်းမြို့နယ်၊ ရွှေဂုံတိုင်တံတားပေါ်တွင် ယာဉ်နှစ်စီးအရှိန်လွန်ပြီး တိုက်မိမှုတစ်ခုဖြစ်ပွားကြောင်း  လူမှုကူညီရေးအသင်းများထံမှ  သိရသည်။

  
ဖေဖော်ဝါရီ (၁၂) ရက် ည (၇)နာရီကျော် အချိန်ခန့်က ဗဟန်းမြို့နယ်၊ ရွှေဂုံတိုင်တံတားပေါ်တွင် Toyota Hiace အံစာတုံးယာဉ်နှင့် Toyota Corolla Van ကားနှစ်စီး အရှိန်လွန်ပြီး တိုက်မိခဲ့ခြင်းဖြစ်ကြောင်း သိရသည်။

အဆိုပါ ယာဉ်တိုက်မှုဖြစ်စဉ်ကြောင့်ယာဉ်ပေါ်ပါလာသူများ ထိခိုက်ဒဏ်ရာရရှိမှုမရှိသော်လည်း ယာဉ်နှစ်စီးမှာ ထိခိုက်ပျက်စီးမှုအချို့ရှိခဲ့ကြောင်း သိရသည်။ 

#Local_News #ယာဉ်နှစ်စီးအရှိန်လွန်ပြီးတိုက်မိမှုဖြစ် #YMG/LW #Yangon_Times