Published_ 10 February 2024

အိန္ဒိယ-မြန်မာနှစ်နိုင်ငံကုန်သွယ်မှုတွင် ရူပီး၊ ကျပ်တိုက်ရိုက်ငွေပေးချေမှုလုပ်ငန်း စတင်ဆောင်ရွက်ခြင်းနှင့် ရှင်းလင်းပွဲအခမ်းအနားကို ဖေဖော်ဝါရီ ၉ ရက်တွင် ရန်ကုန်မြို ရွှေဘုံသာလမ်းနှင့် ကုန်သည်လမ်းထောင့်ရှိ အိန္ဒိယစင်တာ၌ ကျင်းပခဲ့ပါတယ်။

မြန်မာနိုင်ငံတော်ဗဟိုဘဏ်ဥက္ကဋ္ဌ ဒေါ်သန်းသန်းဆွေက အိန္ဒိယ-မြန်မာ နှစ်နိုင်ငံ ကုန်သွယ်မှုတွင် ရူပီး၊ ကျပ် တိုက်ရိုက်ပေးချေမှုကို အကောင်အထည်ဖော်ဆောင်ရွက်ရာ၌ နှစ်နိုင်ငံအကြား သံတမန်လမ်းကြောင်းမှတစ်ဆင့် အိန္ဒိယနိုင်ငံသံရုံးနှင့်လည်းကောင်း၊ အိန္ဒိယနိုင်ငံ ဗဟိုဘဏ် (RBI) နှင့်လည်းကောင်း ဆွေးနွေးညှိနှိင်းမှုများပြုလုပ်ခဲ့တယ်လို့ ဆိုပါတယ်။

အိန္ဒိယနိုင်ငံသည် မြန်မာနိုင်ငံ၏ အဓိကကုန်သွယ်ဖက်နိုင်ငံများ တွင်ပါဝင်ပြီး မြန်မာနိုင်ငံမှ စတုတ္ထမြောက်ပိုကုန် အများဆုံးတင်ပိုသည့်နိုင်ငံနှင့် ဆဋ္ဌမမြောက် သွင်းကုန်အများဆုံးတင်သွင်းသည့်နိုင်ငံဖြစ်ကြောင်း၊ အာရှဗဟိုဘဏ်များ စာရင်းရှင်းလင်း ရေးအဖွဲ(အေစီယူ) အဖွဲဝင်နိုင်ငံများအနက် မြန်မာနိုင်ငံသည် အိန္ဒိယနိုင်ငံနှင့် ကုန်သွယ်မှု အများဆုံးပြုလုပ်တာလည်း ဖြစ်ပါတယ်။

အိန္ဒိယ-မြန်မာ နှစ်နိုင်ငံကုန်သွယ်မှုတွင် Special Rupee Vostro Account (SRVA) ကိုအသုံးပြု၍ ငွေပေးချေမှုလုပ်ငန်းစဉ်များဆိုင်ရာ လမ်းညွှန်ချက် (Guideline) ကို ထုတ်ပြန်ပြီးဖြစ်တဲ့အတွက် ပေးချေမှုများ စတင်နိုင်ပြီဖြစ်ပါတယ်။

ထို့ကြောင့် ငွေပေးချေမှုများ အားကောင်းလာပြီး တိုင်းပြည်စီးပွားရေးကို အထောက်အကူပြုစေနိုင်မှာ ဖြစ်ပါတယ်။ နှစ်နိုင်ငံဆက်ဆံရေး ပိုမိုကောင်းမွန်လာစေခြင်း အကျိုးကျေးဇူးများရရှိစေမည်ဖြစ်ကာ ကုန်သည်ကြီးများအနေဖြင့် ငွေပေးချေမှုနှင့် စာရင်းရှင်းလင်းမှုအတွက် ရူပီးဖြင့် လိုင်စင်လျှောက်ထားပြီး ဘဏ်လမ်းကြောင်းမှတစ်ဆင့် တရားဝင်အသုံးပြုနိုင်မှာဖြစ်ပါတယ်။

အခမ်းအနားသို့ မြန်မာနိုင်ငံတော်ဗဟိုဘဏ်ဥက္ကဋ္ဌ ဒေါ်သန်းသန်းဆွေ၊ အိန္ဒိယနိုင်ငံ သံအမတ်ကြီး H.E Shri Vinay Kumar၊ ကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ်ဥက္ကဋ္ဌနှင့် အတွင်းရေးမှူး၊ မြန်မာနိုင်ငံတော်ဗဟိုဘဏ် ညွှန်ကြားရေးမှူး ချုပ်များ၊ အိန္ဒိယ-မြန်မာကုန်သည်များအသင်း ဒုတိယဥက္ကဋ္ဌ Mr. Rajeev Rawal နှင့် အသင်းဝင်များ၊ ရန်ကုန်တိုင်းဒေသကြီး ကုန်သွယ်မှုနှင့် ကုန်စည်စီးဆင်းမှုများ မှန်ကန်မြန်ဆန်စေရေးလုပ်ငန်းကော်မတီမှ တာဝန်ရှိသူများ တက်ရောက်ခဲ့ကြောင်း သတင်းရရှိပါတယ်။
Ymg_mnn
#Local_News
#Published_ 10 February 2024
#YMG_News #Yangon_Times #Yangon_Media_Group

၁၀ ဖေဖော်ဝါရီ ၂၀၂၄

၂၀၂၄ခုနှစ် နွေဦးရာသီ တရုတ်နှစ်သစ်ကူးပွဲတော် ဖျော်ဖြေရေးအစီအစဉ်များကို  ဖေဖော်ဝါရီ (၉)ရက်ညက တရုတ်မီဒီယာ အုပ်စုမှ ဦးစီးပြီး ပင်မအဖြစ်ဘေဂျင်းမြို့တော်နှင့် အခွဲများအဖြစ် ရှိန်ယန်၊၊ရှိအန်၊ကာရှဂါးနှင့် ချင်ဆားတို့မှာ တင်ဆက်ပြီး ရုပ်သံထုတ်လွှင့်သွားခဲ့ပါတယ်။ တစ်နှစ်တစ်ခါကျင်းပတဲ့ အဆိုပါခမ်းနားကြီး ကျယ်တဲ့ နှစ်သစ်ကူးပွဲတော်ကို ကမ္ဘာ  တစ်လွှားသို့ထုတ်လွှင့်ခဲ့တာဖြစ်ပြီး အဆိုအကများ၊အော်ပရာများ၊ဟာဒယရွှင်ဆေးများ၊ ကိုယ်ခံပညာများနှင့် ကျွမ်းဘားအက များဖြင့်ဝေဝေဆာဆာတင်ဆက်သွားခဲ့ကြပါတယ်။

Source CCTV+

'အုန်းသီးအခြေခံထုတ်ကုန်ပစ္စည်းများ ပြပွဲ ပြိုင်ပွဲမှာ ပြခန်း (၃၀)ခန့် ပါဝင်ပြသဖို့ လျာထားပြီး ပြသထားတဲ့ အုန်းသီးအခြေခံ ထုတ်ကုန်ပစ္စည်းတွေထဲက ပြည်ပတင်ပိုနိုင်ဖို့ အလားအလာရှိတဲ့ ၊ သတ်မှတ်ချက်တွေနဲ့ ကိုက်ညီတဲ့ ထုတ်ကုန်တွေကို ရွေးချယ်အမှတ်ပေးကာ ဆုချီးမြှင့်တာ ၊ ပြည်ပဈေးကွက်ဝင်ရောက်နိုင်ဖို့ ချိတ်ဆက်ပေးတာ၊ ပြည်ပကုန်စည်ပြပွဲတွေမှာ ပါဝင်ပြသနိုင်ဖို့  ဆောင်ရွက်ပေးတာ တို့ကိုလည်း ဆက်လက်ဆောင်ရွက်သွားမယ်လို့ဆိုပါတယ်။
Yangon Times/NN
#Local_News
#Published_ 10 February 2024
#YMG_News #Yangon_Times #Yangon_Media_Group

တရုတ်နှစ်သစ်ကူးပွဲတော်မတိုင်ခင် ငါးရက်ခန့်ကတည်းက အရောင်းသွက်တာ သစ်သီးဈေးတွေကလည်း အကုန်မြင့်ပဲ အရင်က ကျွဲကောသီး အလုံး၂၀ကနေ၃၀ပါ တစ်အိပ်ကို ၆သောင်း ၇သောင်းကနေ အခု တစ်သိန်း၂သောင်းလောက်ပေးရတယ်၊ နဂါးမောက်သီးဆိုလည်း အရင်က ၇သောင်းလောက်ကနေ အခုတစ်သိန်းကျော်တယ် အခြားသစ်သီးတွေလဲ ဈေးတွေတတ်တယ်။
Yangon Times/LW
#Local_News
#Published_ 10 February 2024
#YMG_News #Yangon_Times #Yangon_Media_Group

စူဠာမဏိအပါအဝင်ပုဂံဘုရား(၅)ဆူတွင် မိုးကြိုးလွှဲဆက်တပ်မည်

"ရှေ့ဆက်ပြီး စူဠာမဏိ၊ပြဿကြီး၊ မဟာဗောဓိ၊သပိတ်မှောက်ဘုရား(ခေါ်) ပံ့သကူမဟာထေရ်ဂူဘုရား ၊သိကြားပုန်းဘုရားစတဲ့ ပုဂံဘုရား(၅)ဆူမှာ မိုးကြိုးလွှဲတွေထပ်မံတပ်ဆင်သွားမှာဖြစ်တယ်။ ထီးလိုမင်းလို၊ ဓမ္မရာဇိက၊ မြစေတီနဲ့ ဓမ္မာရံကြီးဘုရား(၄)ဆူမှာ ရာနှုန်းပြည့် ပြီးစီးပြီဖြစ်ပြီး ရွှေဆံတော်နဲ့ မနူဟာဘုရားမှာ (၈၀)ရာခိုင်နှုန်း‌ကျော် ပြီးစီးနေပြီ" ရှေးဟောင်းသုတေသနနှင့်အမျိုးသားပြတိုက်ဦးစီးဌာနပုဂံဌာနခွဲ ညွှန်ကြားရေးမှူး ဦးကျော်မျိုးဝင်း
Yangon Times/tthl
#Local_News
#Published_ 10 February 2024
#YMG_News #Yangon_Times #Yangon_Media_Group

Published_ 10 February 2024

ယခု၂၀၂၄ခုနှစ်အတွင်း EVကား ကုမ္ပဏီ ၅၀ ကျော်ကို တင်သွင်းခွင့် ထပ်မံခွင့်ပြုပေးထားကြောင်အမျိုးသားအဆင့် လျှပ်စစ်သုံးယာဉ်နှင့် ဆက်စပ်လုပ်ငန်းများ ဖွံ့ဖြိုးတိုးတက်ရေးကော်မတီမှ သိရသည်။

ထိုသို့ခွင့်ပြုရာတွင်  EV လျှပ်စစ်သုံးယာဉ်နှင့် ဆက်စပ်လုပ်ငန်းများ ဆောင်ရွက်နိုင်ရန်  ယခု ၂၀၂၄ ခုနှစ်တွင် ကုမ္ပဏီ ၅၁ ကို ထပ်မံခွင့်ပြုပေးလိုက်ခြင်းဖြစ်ကာပြီးခဲ့သည့် ၂၀၂၃ ခုနှစ်တွင်ကုမ္ပဏီ ၃၀ ကို ခွင့်ပြုပေးခဲ့ခြင်းဖြစ်သည်။

ထို့ကြောင့် ယခု၂၀၂၄ ခုနှစ်တွင် EV လျှပ်စစ်သုံးယာဉ်နှင့် ဆက်စပ်လုပ်ငန်းများ ဆောင်ရွက်နိုင်ရန် ကုမ္ပဏီ ၈၁ ခုကို တာဝန်ပေးထားပြီး  သတ်မှတ်ချက်နှင့် ကိုက်ညီသည့် ကုမ္ပဏီများကို သွင်းကုန်လိုင်စင် ထုတ်ပေးမည်ဖြစ် ကြောင်း သိရသည်။
Yangon_Times/NN
#Local_News
#Published_ 10 February 2024
#YMG_News #Yangon_Times #Yangon_Media_Group

Published_ 10 February 2024

ယာဉ်အန္တရာယ်ကင်းရှင်းအောင် လမ်းညွှန်း (၂၁၀၅၇)ခု၊လမ်းအမှတ်အသားနှင့်အချက်ပြအမှတ်အသားများကိုပြင်ဆင်ပေးခဲ့ကြောင်း သိရသည်။

၂၀၂၂ ခုနှစ် ဒီဇင်ဘာ ၅ ရက်မှ ၂၀၂၄ ခုနှစ် ဇန်နဝါရီ ၁၅ ရက်အထိ ပြည်ထောင်စုနယ်မြေ (နေပြည်တော်) အပါအဝင် တိုင်းဒေသကြီးနှင့်ပြည်နယ် ကြီးကြပ်ရေးအဖွဲ့များအလိုက် Road Safety Audit ဆောင်ရွက်မှု စုစုပေါင်း ၃၇၁၇ ကြိမ် ဆောင်ရွက်နိုင်ခဲ့ပြီး လမ်းညွှန်း ၂၁၀၅၇ ခု၊ အလျားလိုက်မျဉ်း အမှတ် အသား ၁၂၂၄ မိုင် ၃ ဒသမ ၄ ဖာလုံ ၄၄၄ ပေ၊ ကန့်လန့်ဖြတ်မျဉ်း အမှတ်အသား ၁၁၉၅ ခု၊ အခြားလမ်းအမှတ် အသား ၁၁၁၆၁ ခုနှင့် အချက်ပြ ၁၁၁၈ ခု ပြင်ဆင်ဆောင်ရွက်နိုင်ခဲ့ရာ တစ်နိုင်ငံလုံးအတိုင်းအတာဖြင့် ပြင်ဆင်ဆောင်ရွက်ရန်လိုအပ်မှု၏ ၈၀ ရာခိုင်နှုန်းခန့် ဆောင်ရွက်ပြီးစီးခဲ့သည်ကို စိစစ်တွေ့ရှိရသည်ဟုနည်းဥပဒေ၊ ညွှန်ကြားချက်များနှင့်အညီ လမ်းညွှန်းများ၊ လမ်းအမှတ်အသားများနှင့် အချက်ပြများ တစ်ပြေးညီဖြစ်စေရေးဗဟိုကြီးကြပ်ရေးအဖွဲ့ဥက္ကဋ္ဌ ပို့ဆောင်ရေးနှင့်ဆက်သွယ်ရေးဝန်ကြီးဌာန ဒုတိယဝန်ကြီး ဦးအောင်မြိုင်ကလုပ်ငန်းညှိနှိုင်း အစည်းအဝေးတွင်ထည့်သွင်းပြောကြားခဲ့သည်။

ဆက်လက်ပြီး တစ်နှစ်ကျော်ကာလအတွင်း ဗဟိုကြီးကြပ်ရေးအဖွဲ့အနေဖြင့် တိုင်းဒေသကြီးနှင့် ပြည်နယ်ရှစ်ခု၌ မြေပြင်ကွင်းဆင်းစစ်ဆေးမှု (၁၆) ကြိမ်ဆောင်ရွက်ခဲ့ပြီး လမ်းပိုင်းနေရာ ၆၀ ၌ Road Safety Audit ဆောင်ရွက်ခဲ့ပြီးဖြစ်ကြောင်း၊ ထို့ပြင် တစ်နိုင်ငံလုံးအတိုင်းအတာဖြင့် မြေပြင်တွင် အများစု လွဲမှားလေ့ရှိသည့်အချက် ၁၉ ချက်ကို အမြန်ဆုံးပြန်လည်ပြင်ဆင်ရမည့် အနိမ့်ဆုံးအခြေခံသတ်မှတ်ချက်များအဖြစ် ဖော်ထုတ်ဖြန့်ဝေထားပြီးဖြစ်ရာ ပြည်ထောင်စုနယ်မြေ (နေပြည်တော်)၊ တိုင်းဒေသကြီးနှင့် ပြည်နယ်ကြီးကြပ်ရေးအဖွဲ့များအနေဖြင့် အလေးထား အကောင်အထည်ဖော်ဆောင်ရွက်ကြရန်ဖြစ်ကြောင်းနှင့်

အသစ်ဆောင်ရွက်မှုအနေဖြင့် လမ်းညွှန်း ၂၃၄၆၂ ခု၊ အလျားလိုက်မျဉ်း အမှတ်အသား ၁၁၉၃ မိုင် သုည ဒသမ ၁၅ ဖာလုံ ၁၄၃ ပေ၊ ကန့်လန့်ဖြတ်မျဉ်း အမှတ်အသား ၂၀၆၉ ခု၊ အခြားလမ်းအမှတ်အသား ၈၆၅၀ နှင့် အချက်ပြ ၁၉၀ ထပ်မံဆောင်ရွက်နိုင်ခဲ့ပြီး အသစ်ဆောင်ရွက်ရန်လိုအပ်မှု၏ ၅၁ ရာခိုင်နှုန်းခန့် ဆောင်ရွက်ပြီးစီးခဲ့ကြောင်း ပြောကြားခဲ့သည်။ 

အစည်းအဝေးတွင် နိုင်ငံတော်အကြီးအကဲ၏ လမ်းညွှန်မှာကြားချက်နှင့်အညီ ရန်ကုန်- မန္တလေးအဝေးပြေးလမ်း (လမ်းဟောင်း) တစ်လျှောက် လမ်းလယ်မျဉ်းအမှတ်အသားများ တစ်ပြေးညီပြည့်စုံမှန်ကန်စွာ ဆောင်ရွက်ရေးနှင့် ပြည်ထောင်စုနယ်မြေ (နေပြည်တော်)၊ တိုင်း ဒေသကြီးနှင့် ပြည်နယ်များအလိုက် ယာဉ်အန္တရာယ်၊ လမ်းအန္တရာယ်ကင်းရှင်းရေးဆိုင်ရာ ကြီးကြပ်ကွပ်ကဲခြင်းများ ဆောင်ရွက်နိုင်ရေးကိစ္စရပ်များကို အဓိကထား ဆွေးနွေးခဲ့ကြောင်းသိရသည်။
Yangon_Times/tthl
#Local_News
#Published_ 10 February 2024
#YMG_News #Yangon_Times #Yangon_Media_Group

Published 10 February 2024

ထိုင်းနိုင်ငံသို့ ရောက်ရှိနေသည့်  မြန်မာနိုင်ငံသားများထဲမှ လာရောက်အခွန်ထမ်းဆောင်သူဦးရေ ၃၆၀၀၀ ဦးခန့် ရှိပြီဖြစ်ပြီး အခွန်ပေးသွင်းမှု အထောက်အထား (ငွေရပြေစာ) ကို နေ့ချင်းပြီး ထုတ်ပေးနေကြောင်း ဘန်ကောက်မြို့ရှိ မြန်မာသံရုံး၏ ထုတ်ပြန်ချက်အရသိရသည်။

အခွန်စတင်ကောက်ခံသည့် ၂၀၂၃ ခုနှစ် ဒီဇင်ဘာ (၁၃)ရက်မှ ၂၀၂၃ ခုနှစ်ဖေဖော်ဝါရီ (၈) ရက်အထိ ၃၅၉၁၉ ဦး လာရောက်အခွန်ထမ်းဆောင်ခဲ့ပြီးဖြစ်ကြောင်း သိရသည်။

၎င်းအပြင် စက်ရုံ၊ အလုပ်ရုံနှင့် လုပ်ငန်းခွင်များတွင် စုစည်းအလုပ်လုပ်ကိုင်နေသူများအနေဖြင့် တစ်ဦးချင်း လာရောက်အခွန်ထမ်းဆောင်ရန် မလိုအပ်ဘဲ စက်ရုံအစီအစဉ်ဖြင့် ကိုယ်စားလှယ် တစ်ဦး အား အခွန်ထမ်းဆောင်မည့်သူများကိုယ်စား မြန်မာသံရုံးသို့ စေလွှတ်၍ ဆောင်ရွက်နိုင်ကြောင်း သိရသည်။

အဆိုပါ ကိုယ်စားလှယ်သည် နိုင်ငံကူးလက်မှတ်၌ ရေးသွင်းထားသောအမည် (Name of Passport)၊ ကျား/ မ (Gender)၊ နိုင်ငံကူးလက်မှတ်အမှတ် (Passport Number)၊ မွေးသက္ကရာဇ် (Date of Birth)၊ နိုင်ငံကူးလက်မှတ်ထုတ်ပေးရက်စွဲ (Date of Issue)၊ နိုင်ငံကူးလက်မှတ် ကုန်ဆုံးမည့်ရက် စွဲ (Date of Expire)၊ အခွန်ထမ်းဆောင်ထားသော မြန်မာလုပ်သားများအနေဖြင့် မြန်မာသံရုံး (ဗန်ကောက်) နှင့် ကောင်စစ်ဝန်ချုပ်ရုံး (ချင်းမိုင်) သို့ အကြောင်းကိစ္စရှိ၍ လာရောက် ပါက အခွန်ပေးသွင်းမှုအထောက်အထား (ငွေရပြေစာ) ကို ယူဆောင်လာကြရန် အသိပေးထားကြောင်းသိရသည်။

ထို့အပြင် အခွန်ထမ်းဆောင်လိုသည့် မြန်မာနိုင်ငံသားများ အနေဖြင့် မြန်မာသံရုံးသို့ ရုံးဖွင့်ရက်များ၌ နေ့စဉ်လာရောက်အခွန်ထမ်းဆောင်လျက်ရှိပြီး မြန်မာသံရုံးအနေဖြင့် အခွန်ပေးသွင်းမှု အထောက်အထား (ငွေရပြေစာ) ကို နေ့ချင်းပြီး ထုတ်ပေးလျက်ရှိကြောင်းသိရသည်။

အဆိုပါ အခွန်ထမ်းပြည်သူများသည် အခွန်ပေးသွင်းမှုအထောက်အထား (ငွေရပြေစာ) များကို စနစ်တကျသိမ်းဆည်းကြရန် လိုအပ်ပြီး မြန်မာနိုင်ငံသို့ ပြန်ရောက်ချိန်တွင် မြို့နယ်ပြည်တွင်းအခွန်ဦးစီးဌာန၌ ဤငွေရပြေစာကို ပြသ၍ ငွေဖြူ (အခွန်ကင်းလွတ်ခွင့်ငွေ) တွက်ချက်ပြီး မြေကွက်၊ နေအိမ်၊ တိုက်ခန်း၊ မော်တော်ယာဉ် စသည်တို့ ဝယ်ယူရာတွင် ဝင်ငွေခွန်ကင်းလွတ်ခွင့် ရရှိရေးအတွက် အသုံးပြုနိုင်မည်ဖြစ်ကြောင်းလည်း သိရသည်။
Yangon_Times/NN
#Local_News
#Published_ 10 February 2024
#YMG_News #Yangon_Times #Yangon_Media_Group

Published 10 February 2024

အမေရိကန်သမ္မတ ဂျိုးဘိုင်ဒင်ဟာ မှတ်ဉာဏ်လစ်ဟင်းမှုတွေကို ခံစားနေရတယ်လို့ ဆိုခဲ့တဲ့ တရားစီရင်ရေးဌာနမှ ဝတ်လုံတော်ရ အထူးရှေ့နေတစ်ဦးရဲ့ အစီရင်ခံစာကို အိမ်ဖြူတော်က သောကြာနေ့မှာ ဝေဖန်လိုက်ပြီး ဒါဟာ နိုင်ငံရေးလှုံ့ဆော်သွေးထိုးမှု ဖြစ်တယ်ဆိုတာ ထင်ရှားကြောင်း ဒုသမ္မတ ကာမယ်လာအဲရစ်ကလည်း ပြောလိုက်ပါတယ်။

အထူးတရားရုံးချုပ်ရှေ့နေ ရောဘတ်ဟားဆိုတာက ရီပတ်ဘလစ်ကန် သမ္မတဟောင်း ဒေါ်နယ်ထရမ့် လက်ထက်က မယ်ရီလန်းမှာ အမေရိကန်အစိုးရရှေ့နေအဖြစ် ထမ်းဆောင်ခဲ့သူဖြစ်ပြီး သူ့ရဲ့အစီရင်ခံစာက ရွေးကောက်ပွဲနှစ်မှာ အငြင်းအခုံ ဖြစ်လာနိုင်စေပြီး ဘိုင်ဒင်အသက်ကြီးလာတာကို မေးခွန်းတွေထုတ်လာတဲ့ သဘောဖြစ်ပါတယ်။

ယခုတစ်ပတ်မှာ ဘိုင်ဒင်ဟာ ၈၁ နှစ်ရှိပြီဖြစ်ပြီး ကမ္ဘာ့ခေါင်းဆောင်တွေရဲ့ နာမည်တွေကို ရောထွေးနေခဲ့ပါတယ်။

အိမ်ဖြူတော်မှ တရားရေးရှေ့နေချုပ်ရုံးမှ ပြောရေးဆိုခွင့်ရှိသူ အီယန်ဆမ်စ်က အိမ်ဖြူတော်စာနယ်ဇင်း အတွင်းရေးမှူး ကာရင်ရှောင်ပီယာနဲ့အတူ ဟားရဲ့ဖော်ပြချက်ကို ဝေဖန်လိုက်ကာ သူ့ရဲ့လှုံ့ဆော်ရည်ရွယ်ချက်ကို မေးခွန်းထုတ်လိုက်ကြပါတယ်။

ကြာသပတေးနေ့က ဖော်ပြခဲ့တဲ့ ဟားရဲ့အစီရင်ခံစာထဲမှာ ဥပဒေရေးရာ စာရွက်စာတမ်းနဲ့ ပတ်သက်ပြီး ဘိုင်ဒင်ရဲ့ ကိုင်တွယ်ပုံကို ၁၅ လကြာစုံစမ်းစစ်ဆေးခဲ့ရာမှာ သမ္မတက ပူးပေါင်းပါဝင်ခဲ့တဲ့အတွက် ရာဇဝတ်မှု မစွပ်စွဲရန် ဆုံးဖြတ်လိုက်ကြောင်း ဆိုပါတယ်။

ဘိုင်ဒင်ကို အပြစ်ရှိကြောင်းစွပ်စွဲဖို့က ခက်ခဲပြီး ကိုယ့်ရဲ့သားဖြစ်သူ ကွယ်လွန်ခဲ့စဥ်က စုံစမ်းရေးမှူးတွေကို မမှတ်မိတဲ့ မှတ်ဉာဏ်မကောင်းတော့တဲ့ အသက်ကြီးကြီး လူတစ်ယောက်လို့ ဖော်ပြခဲ့တာ ဖြစ်ပါတယ်။

စာရွက်စာတမ်း လွဲမှားကိုင်တွယ်တာနဲ့ ပတ်သက်ပြီး စုံစမ်းစစ်ဆေးဖို့အတွက် အထူးရှေ့နေတော်တွေကို တာဝန်ပေးအပ်သင့်တယ်လို့ ယုံကြည်နေဆဲဖြစ်ကြောင်း ဘိုင်ဒင်က ပြောကြားလိုက်ပါတယ်။

ရီပတ်ဘလစ်ကန်တစ်ဦးဖြစ်တဲ့ ဟားက နိုင်ငံရေးလွှမ်းမိုးမှု ခံနေရတာဖြစ်နိုင်တယ်လို့ ဆမ်က ဆိုလိုက်ပါတယ်။

ဘိုင်ဒင်က သူ့သားကွယ်လွန်တဲ့နေ့ကို မမှတ်မိဘူးလို့ အထူးရှေ့နေတော် ပြောကြားခဲ့တာဟာ အခြေအမြစ်မရှိဘူးလို့ ဆမ်ကဆိုလိုက်ကာ ဘိုင်ဒင်ကလည်း ဒေါသတကြီး တုန့်ပြန်လိုက်ပါတယ်။

ယမန်နှစ်က ဘိုင်ဒင်ကို ဆေးစစ်ပေးတဲ့ ဆရာဝန်က သမ္မတဟာ သူ့လုပ်ငန်းတွေကို ထမ်းဆောင်နိုင်တဲ့အတွက် ဦးနှောက်မှတ်ဉာဏ်စစ်ဆေးမှု မပြုလုပ်ခဲ့ပါဘူး။
Source: Reuters
#World_News
#Published_ 10 February 2024
#YMG_News #Yangon_Times #Yangon_Media_Group

Published 10 February 2024

လာမည့် ဖေဖော်ဝါရီ ၂၈ရက်မှ မတ် ၁၇ရက်အထိ ဥဇဘတ်ကစ္စတန်နိုင်ငံတွင် အိမ်ရှင်အဖြစ် လက်ခံကျင်းပမည့် အာရှအမျိုးသမီး ယူ-၂၀ AFC U20 Women’s Asian Cup Uzbekistan 2024 ပြိုင်ပွဲအတွက် မြန်မာအမျိုးသမီး အကူဒိုင်လူကြီး ဖြစ်သူ ဒေါ်ဝင့်ဝါထွန်း တာဝန်ပေးအပ်ခံရကြောင်းမြန်မာနိုင်ငံဘောလုံး အဖွဲ့ ချုပ်မှ သိရသည်။

  အဆိုပါ အသက် ၂၉နှစ် အရွယ် ဒေါ်ဝင့်ဝါထွန်းသည် ၂၀၁၇ခုနှစ်တွင် အကူဒိုင်လူကြီးအဖြစ် စတင်ဆောင်ရွက်ခဲ့ပြီး ၂၀၂၀ပြည့်နှစ်တွင် ဖီဖာအဆင့် အကူဒိုင်လူကြီးဖြစ်လာခဲ့ကြောင်း သိရသည်။

 မြန်မာနိုင်ငံကိုယ်စားပြု အမျိုးသမီး အကူဒိုင်လူကြီးအဖြစ် အာဆီယံအဆင့် AFF ပြိုင်ပွဲ ၂ကြိမ်နှင့် အာရှအဆင့် AFC ပြိုင်ပွဲ ၃ကြိမ် အောင်မြင်စွာ ဆောင်ရွက်နိုင်ခဲ့သည်။

   ယခု ပြိုင်ပွဲသည် သူမအတွက် ၄ကြိမ်မြောက် AFC ပြိုင်ပွဲဖြစ်လာမည်ဖြစ်ကြောင်း သိရသည်။
Yangon_Times/LW
#Local_News
#Published_ 10 February 2024
#YMG_News #Yangon_Times #Yangon_Media_Group

Published 10 February 2024

စိတ်ဓာတ်ကျဝေဒနာ ခံစားရသူတွေဟာ ကိုယ်အပူချိန် မြင့်မားတယ်လို့ တွေ့ရှိထားပြီး ဒီပြဿနာကို ဖြေရှင်းနိုင်မယ့် နည်းလမ်းအသစ်တွေ ထွက်ပေါ်လာနိုင်ပါတယ်။

စိတ်ဓာတ်ကျခြင်းကြောင့် ကိုယ်အပူချိန် မြင့်တာလား၊ ဒါမှမဟုတ် ပြောင်းပြန်သဘောလား ဆိုတာကိုတော့ မသဲကွဲသေးပေမယ့် ကိုယ်အပူချိန် လျော့ကျအောင် ပြုလုပ်ပြီး စိတ်ကျန်းမာရေးအတွက် အကျိုးရှိလာစေနိုင်တယ်လို့ ယူဆနေကြပါတယ်။

UC ဆန်ဒီယေဂိုနဲ့ UC ဆန်ဖရန်ဆစ္စကိုတို့မှ သုတေသီတို့က စမ်းသပ်ပါဝင်သူ  ၂ သောင်းကို ကိုယ်အပူချိန်တိုင်းတာတဲ့ လက်စွပ်ဝတ်စေပြီး လေ့လာခဲ့ကြပါတယ်။

ထိုအခါမှာ စိတ်ကျဝေဒနာ ပြင်းထန်လာတာနဲ့အမျှ ကိုယ်အပူချိန်မြင့်မားနေတာကို တွေ့ရှိခဲ့ကြပါတယ်။

ထိုလူတွေမှာ အပူချိန်မြင့်မားရတာဟာ ကိုယ်တိုင်အပူချိန်ကို မချနိုင်လို့လား၊ ဒါမှမဟုတ် ဇီဝကမ္မဖြစ်စဥ်တွေကနေ အပူထုတ်လုပ်မှု များတာကြောင့်လားဆိုတာကို မသိရသေးပါဘူး။

ဒါပေမဲ့ ဒီစမ်းသပ်ချက်တွေကြောင့် စိတ်ဓာတ်ကျဝေဒနာကို ဘယ်လိုကုသရမလဲဆိုတာ အကြံဉာဏ်တွေ ရလာနိုင်တယ်လို့ စိတ်ရောဂါအထူးကု မေဆန်က ပြောပြသွားပါတယ်။

ရေနွေးဖြင့်ရေချိုးခြင်း၊ ချွေးထုတ်ခန်းထဲနေခြင်းတို့ကလည်း ချွေးထွက်စေကာ ကိုယ်အပူချိန် ကျဆင်းစေတာကြောင့် စိတ်ကျဝေဒနာ သက်သာစေနိုင်မယ့် အလားအလာ ရှိနေပါတယ်။
Source: New York Post.
#World_Health
#Published_ 10 February 2024
#YMG_News #Yangon_Times #Yangon_Media_Group

Published_ 10 February 2024

ဖေဖော်ဝါရီ ၁၀ ရက်နေ့  နံနက်အစောပိုင်းက  ရန်ကုန်-နေပြည်တော်အမြန်လမ်းမကြီး၊ မိုင်တိုင်အမှတ် (၁၅၈/၅)ဖာလုံအနီးတွင် သစ်ဆန်း ခရီးသည်ကား ၊ ခိုင်မန္တလေး ခရီးသည်ကား ၊ Toyota RAV 4(အဖြူရောင်) ကား၊ Super Custom(အဖြူရောင်) နှင့် Toyota Caldina (လိမ္မော်ရောင်) ကားတို့ တိုက်မိမှုဖြစ်ခဲ့ကြောင်း အမြန်လမ်းမီးသတ်တပ်ဖွဲ့ထံကသိရသည်။

   အဆိုပါယာဉ် ၅ စီးဆင့်တိုက်မှုဖြစ်ပွားခဲ့ခြင်းကြောင့် ၂ ဦး ​ေ-သဆုံးကာ၈ ဦး ထိခိုက်ဒဏ်ရာရရှိခဲ့ကြောင်း သိရသည်။

 ယာဉ်တိုက်မှုကြောင့် သစ်ဆန်း ခရီးသည်ယာဉ်နှင့် ခိုင်မန္တလေး ခရီးသည်ယာဉ်ပေါ်ပါ ခရီးသည်များ ထိခိုက်ဒဏ်ရာရရှိမှုမရှိခဲ့ကြောင်းသိရသည်။

Toyota RAV 4(အဖြူရောင်)ယာဉ်ပေါ်ပါ အမျိုးသား  (၃)ဦး၊ အမျိုးသမီး  (၃)ဦး၊ စုစုပေါင်း(၆)ဦး အနက် အမျိုးသား (၁)ဦး (သေဆုံး)၊ အမျိုးသား (၂)ဦး ထိခိုက်ဒဏ်ရာ(မစိုးရိမ်ရ)၊ အမျိုးသမီး (၂)ဦး ထိခိုက်ဒဏ်ရာ(စိုးရိမ်ရ)၊ အမျိုးသမီး(၁)ဦး ထိခိုက်ဒဏ်ရာ(မစိုးရိမ်ရ)ရရှိခဲ့သည်။

 Super Custom(အဖြူရောင်)ယာဉ်ပေါ်ရှိ အမျိုးသား (၁)ဦး၊ အမျိုးသမီး(၂)ဦး စုစုပေါင်း (၃)ဦး အနက်၊ အမျိုးသား (၁)ဦး (သေဆုံး)၊ အမျိုးသမီး (၂)ဦး ထိခိုက်ဒဏ်ရာ (မစိုးရိမ်ရ) ရရှိခဲ့ကြောင်းသိရသည်။

Toyota Caldina (လိမ္မော်ရောင်)ယာဉ် ပေါ်ရှိ အမျိုးသား (၁)ဦး ထိခိုက်ဒဏ်ရာ (မစိုးရိမ်ရ)တို့အား သာဂရအမြန်လမ်းမီးသတ်မှ ကယ်ဆယ်ရေးလုပ်ငန်းတွေ လုပ်ဆောင်ပေးခဲ့ပြီး ဆွာလူမှုကူညီရေးအသင်းနှင့် မြို့သစ်လူမှုကူညီရေးအသင်းမှ သူနာတင်ယာဉ်များဖြင့် တောင်ငူပြည်သူ့ဆေးရုံသို့ ပို့ဆောင်ပေးခဲ့ကြောင်း သိရသည်။
Yangon_Times/LW
#Local_News
#Published_ 10 February 2024
#YMG_News #Yangon_Times #Yangon_Media_Group