#Local_News
Published_ 14 February 2024

ကိုရီးယားနိုင်ငံမှ ဝန်ဆောင်မှုလုပ်ငန်းများအတွက် မြန်မာလုပ်သားများကို တိုးချဲ့ခေါ်ယူနေပြီး အထက်တန်းအောင်မြန်မာအမျိုးသမီးများပါ ကိုရီးယားဘာသာအရည်အချင်းစစ်စာမေးပွဲ EPS ဝင်ခွင့်ဖြေဆိုခွင့်ရရှိကာ  ကိုရီးယား၌ အလုပ်လုပ်ကိုင်ရန်ခေါ်ယူသွားမည်ဖြစ်ကြောင်း အလုပ်သမားဝန်ကြီးဌာနမှ သိရသည်။

၂၀၂၄ ခုနှစ်အတွက် သတ္တမကြိမ်မြောက် အမှတ်ပေးစနစ်ဖြင့် အလုပ်ခန့်ထားမည့် စနစ် (၁၆)ကြိမ်မြောက် ကိုရီးယားဘာသာအရည်အချင်းစစ်စာမေးပွဲတွင် ဝန်ဆောင်မှုလုပ်ငန်းများအတွက် အမျိုးသားသာမက အမျိုးသမီးများကိုပါ ခေါ်ယူသွားမည်ဖြစ်သည်ဟု ဆိုသည်။

 
ပါဝင်ဖြေဆိုမည့် အမျိုးသမီးများအနေဖြင့် အွန်လိုင်းကနေ အထက်တန်းအောင်လက်မှတ်ကို ပေးပို့ရမည်ဖြစ်ကြောင်းသိရသည်။

ကိုရီးယား EPS ဝင်ခွင့်အတွက်  ပထမအဆင့် အွန်လိုင်းမှလျှောက်လွှာတင်ခြင်းကို မတ်လ(၄)ရက်မှ (၁၀)ရက်အထိလျှောက်ရမည်ဖြစ်ပြီး စာမေးပွဲကို ဧပြီလ(၁၇)ရက်တွင်ကျင်းပမည်ဖြစ်ကြောင်း၊ EPSစာမေးပွဲTOPIKကို ဧပြီ(၂၄)ရက်မှဇူလိုင်(၂၆)ရက်အထိ လုပ်ငန်းအလိုက်ဖြေဆိုရမည်ဖြစ်ကြောင်းနှင့် EPS TOPIK စာမေးပွဲအောင်စာရင်းကို မေလ(၁၇)ရက်နှင့် ဩဂုတ်(၈)ရက်အတွင်း ထုတ်ပြန်ကြေညာပေးမည်ဖြစ်ကြောင်း သိရသည်။

#Local_News #ကိုရီးယားEPSစာမေးပွဲ #tthl #Yangon_Times

#World_News
Published 14 February 2024

အင်ဒိုနီးရှားနိုင်ငံတဝှမ်း ဗုဒ္ဓဟူးနေ့မှာ သမ္မတ ဂျိုကိုဝီဒိုဒိုနေရာဆက်ဆံရန် ရွေးကောက်ပွဲအတွက် မဲဆန္ဒပေးကြမှာဖြစ်ပြီး သူ့ရဲ့လွှမ်းမိုးမှုကပဲ ဘယ်သူအနိုင်ရသွားလဲဆိုတာ ဆုံးဖြတ်သွားမှာ ဖြစ်ပါတယ်။

တစ်နေ့တည်းမှာပဲ ကျင်းပမယ့် ကမ္ဘာ့အကြီးဆုံးရွေးကောက်ပွဲမှာ ကျွန်းဆွယ်ပေါင်း ၁၇၀၀၀ တလျှောက် နေရာပေါင်း ၂၀၆၀၀ အတွက် ကိုယ်စားလှယ်ပေါင်း ၂၅၉၀၀၀ နီးပါး ပါဝင်ယှဥ်ပြိုင်နေပေမယ့် ဆယ်စုနှစ်တစ်ခုနီးပါး အုပ်ချုပ်လာတဲ့ ဝီဒိုဒိုရဲ့ သမ္မတနေရာကို ဆက်ခံမယ့်သူကိုပဲ အားလုံးက စိတ်ဝင်စားနေကြပါတယ်။

ဂျိုကိုဝီလို့လည်း လူသိများတဲ့ ဝီဒိုဒိုရဲ့နေရာအတွက် ယှဥ်ပြိုင်သူတွေထဲမှာ အုပ်ချုပ်ရေးမှူးဟောင်းများဖြစ်တဲ့ ဂန်ဂျာပရာနိုဝို၊ အန်နီစ်ဘတ်စ်ဝယ်ဒန်တို့နဲ့အတူ အထူးတပ်ဖွဲ့များဗိုလ်မှူးဟောင်း ပရာဘိုဝိုဆူဘီယန်တိုတို့က နာမည်ကြီးနေပါတယ်။

ပြီးခဲ့တဲ့ ၁၀ နှစ်အတွင်း ကျင့်သုံးလာတဲ့ မူဝါဒတွေကိုပဲ ထိန်းသိမ်းသွားနိုင်မယ့် ကိုယ်စားလှယ်လောင်းကို အလိုရှိကြောင်း၊ အစကနေပြန်စမယ်ဆိုရင် အချိန်ယူရဦးမှာ ဖြစ်ကြောင်း ဂျာကာတာအလယ်ပိုင်းမှာ မဲဆန္ဒပေးခဲ့တဲ့ အသက် ၄၂ နှစ်အရွယ် စွန့်ဦးတီထွင်သူ နိုဗန်မာရာဒိုနာက ပြောပြပါတယ်။

မဲဆန္ဒပေးရန် သတ်မှတ်ချိန် ၃ ချိန်ဖြင့် အချိန်ကာလ ၆ နာရီပေးထားပြီး အရှေ့ပိုင်းမှ မဲရုံတွေကတော့ အခုကတည်းက ဖွင့်လှစ်နေပြီ ဖြစ်ပါတယ်။

ဂျာကာတာမှာ မိုးကြိုးမုန်တိုင်းများဖြင့် ရေကြီးနေတာကြောင့် အချို့နေရာတွေမှာ မဲပေးမှု အထနှေးနေပါတယ်။

နှောင့်နှေးမှုတွေက ဘယ်လောက်ကြာနိုင်ပြီး မဲပေးမှုကို သက်ရောက်နိုင်မလဲဆိုတာ မသိနိုင်ပေမယ့် ဂျာကာတာကပ်ဘေး ထိန်းချုပ်ရေးဌာနက ရေကြီးနေတဲ့ မဲရုံဓာတ်ပုံတွေနဲ့ မဲပေးစနစ်အတွက် ပစ္စည်းပစ္စယများကို ဘေးကင်းတဲ့နေရာသို့ ရွှေ့ပြောင်းနေတဲ့ဓာတ်ပုံတွေ ဖော်ပြထားပါတယ်။

ဂျာကာတာအလယ်ပိုင်းရှိ ရွာ ၁၀ ရွာမှာ မဲပေးမှုနှောင့်နှေးနိုင်တယ်လို့ ရွေးကောက်ပွဲကော်မရှင်က အစောပိုင်းက ပြောကြားထားပါတယ်။

ကာကွယ်ရေးဝန်ကြီး ပရာဘိုဝိုက ဂျိုကိုဝီကို နှစ်ကြိမ်တိုင် ရှုံးနိမ့်ခဲ့ပြီးနောက် တတိယအကြိမ်မြောက် ပါဝင်ယှဥ်ပြိုင်နေပါတယ်။

ပြီးခဲ့တဲ့ ၂ ပတ် စစ်တမ်းကောက်ယူချက်များအရ ပရာဘိုဝိုက ၅၁.၈ နဲ့ ၅၁.၉ ရာခိုင်နှုန်း ထောက်ခံမှုရရှိထားကာ ရွေးကောက်ခံတစ်ဦးအနေနဲ့ အနိုင်ရဖို့အတွက်ဆိုရင် မဲဆန္ဒပေါင်း ၅၀ ရာခိုင်နှုန်းအထက်နဲ့ ကျန်ပြည်နယ်များတဝက်ရှိ မဲရုံတွေမှာ ၂၀ ရာခိုင်နှုန်း ရရှိထားဖို့ လိုပါတယ်။

အနာဂတ်အတွက် ဆုံးဖြတ်ချက်ဖြစ်လာစေမယ့် မဲပေးခွင့်တွေကို အလကားမဖြစ်စေဘဲ မဲရုံသွားပြီး ဆန္ဒပြုကြဖို့ ဖိတ်ခေါ်ပါကြောင်း အန်နီစ်က ပြောကြားသွားပါတယ်။

သန့်ရှင်းတဲ့ ရွေးကောက်ပွဲဖြစ်စေရန်နဲ့ ရိုးသားတိကျမှသာ ရွေးကောက်ခံတွေ မဲရလဒ်ကို လက်ခံနိုင်မှာဖြစ်ကြောင်း စထရပ်ဂယ်လ် ဒီမိုကရက်တစ်ပါတီမှ ဂန်ဂျာက မှာကြားလိုက်ပါတယ်။

#World_News #အင်ဒိုနီးရှားသမ္မတသစ် #ရွေးကောက်ပွဲစတင်ကျင်းပ #Source: Reuters

#World_Health
Published 14 February 2024

ကိုဗစ်နောက်ဆက်တွဲဝေဒနာ ခံစားရသူတွေမှာ ဦးနှောက်ထိုင်းမှိုင်းခြင်းက အဖြစ်အများဆုံးနဲ့ အကြာရှည်ဆုံး လက္ခဏာတစ်မျိုး ဖြစ်နေပါတယ်။

ဒီလိုလက္ခဏာတွေဟာ ဦးနှောက်မှာ ဗိုင်းရပ်စ်ကြောင့်ဖြစ်တဲ့ ဒဏ်ရာကနေ စိတ်ပိုင်းဆိုင်ရာနဲ့ အသိဉာဏ်ပိုင်းဆိုင်ရာ ပြဿနာများ ဖြစ်စေနိုင်ဖွယ်ရှိကြောင်း လေ့လာချက်အသစ်မှာ တွေ့ရှိထားပါတယ်။

ကိုဗစ်ရောဂါကို ပြင်းထန်စွာ ခံစားခဲ့ရသူတွေနဲ့ မပြင်းထန်ခဲ့တဲ့သူတွေကို နှိုင်းယှဥ်ကာ သွေးစစ်ဆေးမှုများ ပြုလုပ်လေ့လာခဲ့ကြပါတယ်။

ထိုအခါမှာ ဦးနှောက်ရဲ့ အချို့အပိုင်းတွေဟာ ထုထည်လျော့နည်းနေပြီး ဦးနှောက်သိရှိမှု နှေးကွေးသွားကာ စိတ်ကျန်းမာရေးပြဿနာ တစ်မျိုးမျိုး ခံစားနေကြရပါတယ်။

ထိုနေရာမှာ ဦးနှောက်ချို့ယွင်းသွားတာဟာ ဦးနှောက်နှစ် ၂၀ ကြာအိုမင်းသွားတာနဲ့ ညီမျှနေတာပါပဲ။

အသိဉာဏ်ပိုင်း ချို့ယွင်းတာကို သိထားကြပေမယ့် တသက်တာထိခိုက်စေတာလားဆိုတာ မသိရှိကြပါဘူး။

ကပ်ရောဂါကာလအတွင်း ကျန်းမာရေးပြဿနာ တစ်စုံတစ်ရာ ခံစားနေကြရတာကို ဆရာဝန်တွေက မယုံကြည်ကြဘူးလို့ အချို့လူနာတွေ ဆိုပါတယ်။

ဦးနှောက်မှာ ဒီလိုမျိုးဒဏ်ရာတွေ ဖြစ်ရတာဟာ ရောဂါကူးစက်စဥ် ဦးနှောက်မှာ အောက်ဆီဂျင်ပြတ်လပ်တာမျိုးကြောင့် ဖြစ်မယ်လို့ ယူဆနေကြပါတယ်။

ဆရာဝန်တွေအနေနဲ့လည်း လူနာတွေ ဦးနှောက်ဒဏ်ရာခံစားရနိုင်တာကို လက်ခံသိရှိပြီး သင့်လျော်စွာ ကုသပေးဖို့ လိုအပ်ပါတယ်။

ဦးနှောက်ထိုင်းမှိုင်းခြင်းလိုမျိုး လက္ခဏာတွေကို ကုသပေးခြင်းဖြင့် လူနာတွေ ပုံမှန်အတိုင်း ပြန်ရောက်နိုင်အောင် ကူညီပေးနိုင်မှာ ဖြစ်ပါတယ်။

ကိုဗစ်ပြင်းထန်စွာ ခံစားခဲ့ရသူတွေက ဦးနှောက်ထိခိုက်တာမျိုး ရှိပေမယ့် ရောဂါကိုသာမန်မျှ ခံစားခဲ့ရသူတွေမှာတော့ ဘယ်လိုသက်ရောက်မှုရှိလဲဆိုတာကို မသိကြသေးပါဘူး။

ကိုဗစ်ဗိုင်းရပ်စ်က ဆက်လက်ကူးစက်နေဦးမှာဖြစ်ကာ ဦးနှောက်ကို ရေရှည်ထိခိုက်နေဦးမယ်ဆိုရင်တော့ ရပ်တန့်မယ့်နည်းလမ်း ရှာဖွေသင့်ပါတယ်။

#World_Health #ဦးနှောက်ထိခိုက်ခြင်း #ကိုဗစ်နောက်ဆက်တွဲလက္ခဏာ #Source: Medscape

#Local_News
Published 14 February 2024

ရန်ကုန်တိုင်းဒေသကြီး၊ ရွှေပြည်သာမြို့နယ်၊ အမှတ်(၁၆)ရပ်ကွက်၊ အောင်မေတ္တာလမ်းထိပ်တွင် ယာဉ်(၂)စီး မီးလောင်မှုဖြစ်ပွားခဲ့ကြောင်း မီးသတ်တပ်ဖွဲ့မှ သိရသည်။

 ဖေဖေါ်ဝါရီ ၁၄ ရက် နံနက် ၅နာရီခန့်က လောင်ကျွမ်းခဲ့ခြင်းဖြစ်ပြီး ရွှေပြည်သာမြို့နယ်မီးသတ်စခန်းမှ မီးငြှိမ်းသတ်ယာဉ်(၁)စီး၊ လှော်ကားနယ်မြေမီးသတ်စခန်းမှ မီးငြှိမ်းသတ်ယာဉ်(၁)စီး  တို့ဖြင့် မီးငြှိမ်းသတ်ခဲ့ရာ ၅နာရီ ၁၁မိနစ် တွင် မီးငြှိမ်းခဲ့ကြောင်း သိရသည်။

မီးလောင်မှုဖြစ်စဉ်နှင့် ဆုံးရူံးမှုတန်ဖိုးများကို သက်ဆိုင်ရာကဘစစ်ဆေးလျက်ရှိကြောင်း သိရသည်။

#Local_News #ယာဉ်၂စီးမီးလောင်မှုဖြစ် #YMG/LW #Yangon_Times

#World_Health
Published 14 February 2024

အဆင့်ဆင့်ထုတ်လုပ် ထုပ်ပိုးထားတဲ့ အစားအစာတွေဟာ နှလုံးသွေးကြော ရောဂါများ၊ အဝလွန်ခြင်း၊ သွေးတိုးရောဂါ၊ ရင်သားနဲ့ အူမကြီးကင်ဆာ၊ အရွယ်မတိုင်ခင် သေဆုံးခြင်း စတာတွေ ဖြစ်နိုင်ခြေများတာနဲ့ ဆက်စပ်နေကြောင်း တွေ့ရှိထားကြပါတယ်။

ကိုယ်ဝန်ဆောင်နေတဲ့ အမျိုးသမီးတွေအတွက် ပိုလို့တောင် အန္တရာယ်များပါတယ်။

ကိုယ်ဝန်ဆောင်အမျိုးသမီးတွေအတွက် အန္တရာယ်များစေတာက အစားအစာမဟုတ်ဘဲ တကယ်တမ်းက မစားခင်မှာထုပ်ပိုးထားတဲ့ ထုပ်ပိုးမှုကြောင့် ဖြစ်ပါတယ်။

အစားအစာတွေဟာလည်း ကျန်းမာရေးနဲ့ ပတ်သက်ပြီး သက်ရောက်မှုများစွာ ရှိနေပါတယ်။

ထုပ်ပိုးထားတဲ့ စားစရာတွေမှာ တာရှည်ခံစေရန်၊ အရောင်အသွေး ထိန်းသိမ်းရန်အတွက် အသုံးပြုကြတဲ့ သယ်လိတ်စ်ဓာတ်ပစ္စည်းတွေဟာ ရောဂါဖြစ်စေနိုင်တာပါ။

ပလတ်စတစ်နဲ့ သက်ဆိုင်တဲ့ ဓာတုပစ္စည်းတစ်မျိုးဖြစ်တဲ့ သယ်လိတ်စ်တွေဟာ ပလတ်စတစ်ထုပ်ပိုးမှုကနေ ကွာကျလာပြီး အစားအစာထဲ ဝင်ရောက်စေနိုင်ပါတယ်။

ဒါတွေကို ကိုယ်ဝန်ဆောင်စဥ် စားမိတဲ့အခါ သွေးကြောတွေထဲကနေ အချင်းသို့ရောက်ပြီး သန္ဓေသားရဲ့ သွေးလည်ပတ်မှုကို ဝင်ရောက်လာပါတယ်။

သန္ဓေသားရဲ့ ခန္ဓာကိုယ်ထဲမှာ ဓာတ်တိုးခြင်း၊ ရောင်ရမ်းခြင်းတွေ ဖြစ်ပေါ်လာတယ်လို့ သုတေသီများ မှတ်ချက်ပြုထားပါတယ်။

သန္ဓေသား ကိုယ်အလေးချိန်နည်းပါးခြင်း၊ လမစေ့ခင်မွေးဖွားခြင်း၊ ကလေးမှာ စိတ်ပိုင်းဆိုင်ရာ ကျန်းမာရေးပြဿနာများ ဖြစ်တတ်ခြင်းတို့ များစေပါတယ်။

အဆင့်ဆင့်ထုပ်ပိုးထားတဲ့ စားစရာတွေမှာ သယ်လိတ်စ်ဓာတ် ထိတွေ့မှုများတာကို ပထမဆုံးလေ့လာတွေ့ရှိခဲ့တာ ဖြစ်ပါတယ်။

ကိုယ်ဝန်ဆောင် ၃၈ ရာခိုင်နှုန်းလောက်ရဲ့ အစားအစာတွေမှာ ထုပ်ပိုးထားတဲ့ စားစရာများ ပါဝင်နေပြီး ဒိုင်သယ်လိတ်ပါဝင်မှု မြင့်မားတာကို တွေ့ရှိခဲ့ကြပါတယ်။

စားစရာကိုင်တွယ်သူတွေ ဝတ်ဆင်ထားတဲ့ လက်အိတ်တွေ၊ သိုလှောင်တဲ့နေရာတွေ၊ ပြင်ဆင်မှု၊ တည်ခင်းစားသုံးခြင်း၊ အသုံးအဆောင်ပစ္စည်းတွေကနေ အဓိကထိတွေ့နေပါတယ်။

စားစရာထုတ်လုပ်သူတွေနဲ့ အသိအမှတ်ပြုသူများကို အန္တရာယ်နည်းပါးစေတဲ့ အရာတွေနဲ့ အစားထိုးဖို့ တိုက်တွန်းရန် လိုအပ်ကြောင်း သုတေသနပြုစုသူ ဘရန်နန်ဘိတ်ကာက ပြောပြပါတယ်။

ဒါကြောင့် ကိုယ်ဝန်ဆောင်များအနေနဲ့ ထိုကဲ့သို့စားစရာများ စားမယ့်အစား အသီးအနှံ၊ ဟင်းသီးဟင်းရွက်၊ အသားသေးငါးသေးတို့ကို စားသုံးသင့်တယ်လို့ အကြံပြုလိုက်ပါတယ်။

#World_Health #အစားအစာများနှင့်လမ်းဘေးစာများ #ကိုယ်ဝန်ဆောင်များရှောင်ရှားသင့် #Source: The Jerusalem Post

၁၃ ဖေဖော်ဝါရီ ၂၀၂၄

ပြည်သူ့စစ်မှုထမ်းဥပဒေပြဋ္ဌာန်းရခြင်းသည် ပြည်တွင်းပြည်ပဘေးအန္တရာယ်ဆိုတာထက် တို့တာဝန်အရေး(၃)ပါးကို  စောင့်ထိန်းရတာဝန်ရှိတဲ့အတွက်  နိုင်ငံသားတိုင်း စစ်ပညာသင်ကြားဖို့ နိုင်ငံတော်ကာကွယ်ရေးတာဝန်ထမ်းဆောင်ဖို့  ရည်ရွယ်ခြင်းဖြစ်တယ် လို့ နစက သတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ်ဇော်မင်းထွန်းက ပြောပါတယ်။

ယင်းဥပဒေနှင့်ပတ်သက်၍ ပြောဆိုဝေဖန်မှုများရှိနေသည့်အတွက် ဗိုလ်ချုပ်ဇော်မင်းထွန်းက ယနေ့ ဖေဖော်ဝါရီ ၁၃ ရက်တွင် ထပ်မံရှင်းလင်းပြောဆိုရာတွင် ယင်းကဲ့သို့အသိပေးခဲ့တာဖြစ်ပါတယ်။

ဗိုလ်ချုပ်ဇော်မင်းထွန်းရဲ့ ရှင်းလင်းတင်ပြချက်အပြည့်အစုံကို ဖော်ပြပေးအပ်ပါတယ်။

@ymg/knl

၁၃ ဖေဖော်ဝါရီ ၂၀၂၄

စစ်မှုထမ်းဟောင်းတစ်ဦးအား  စစ်မှုထမ်းရန် ဆင့်ခေါ်နိုင်တဲ့ အရန်တပ်ဖွဲ့ဥပဒေကို ၂၀၂၄ ခုနှစ်၊ ဖေဖော်ဝါရီလ ၁၃ ရက်နေ့ မှ  စတင် အာဏာတည်ကြောင်း နစက ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်က ယနေ့(ဖေဖော်ဝါရီ၁၃)ရက်တွင် အမိန့်တစ်ရပ်ကို လက်မှတ်ရေးထိုးထုတ်ပြန်လိုက်ပါတယ်။

အဆိုပါ ဥပဒေကို ၂၀၁၀ပြည့်နှစ် နိုဝင်ဘာ (၄)ရက်တွင် နိုင်ငံတော်အေးချမ်းသာယာရေးနှင့်ဖွံ့ဖြိုးရေးကောင်စီ ဥက္ကဋ္ဌ ဗိုလ်ချုပ်    မှုးကြီးသန်းရွှေ လက်မှတ်ရေးထိုးအတည်ပြုခဲ့တာဖြစ်ပါတယ်။

သို့သော် အဆိုပါဥပဒေ ပုဒ်မ(၁)၊ ပုဒ်မခွဲ(ခ)တွင် ဥပဒေအာဏာတည်သည့်ရက်ကို အမိန့်ကြော်ငြာစာထုတ်ပြန်သတ်မှတ် ရမည်  ဟုပါရှိသော်လည်း ယခင်အစိုးရအဆက်ဆက်တွင် အာဏာတည်သည့်အမိန့်ထုတ်ပြန်ခဲ့ခြင်းမရှိခဲဘဲ ယခု နစကလက်ထက်  တွင် အာဏာတည်သည့်အမိန့်ကို ယခုကဲ့သို့ထုတ်ပြန်ခဲ့ခြင်းဖြစ်ပါတယ်။

အရန်တပ်ဖွဲ့ဥပဒေအရ စစ်မှုထမ်းတစ်ဦးသည် စစ်မှုထမ်းခြင်းမှနုတ်ထွက်ခွင့် သို့မဟုတ် အငြိမ်းစားယူခွင့်ရရှိသည့် နေ့ရက်မှ စ၍ ငါးနှစ်အထိ အရန်တပ်ဖွဲ့တွင် စစ်မှုထမ်းဆောင်ရန် တာဝန်ရှိပါတယ်။

ယင်းအပြင် တပ်မတော်ကာကွယ်ရေးဦးစီးချုပ်သည် စစ်မှုထမ်းခြင်းမှ မိမိဆန္ဒအလျောက်နုတ်ထွက်သော သို့မဟုတ် အငြိမ်းစားယူသော စစ်မှုထမ်းတစ်ဦးအား အရန်တပ်ဖွဲ့ဝင်အဖြစ် ခန့်အပ်နိုင်ပါတယ်။

တပ်မတော်ကာကွယ်ရေးဦးစီးချုပ်သည် လေ့ကျင့်ရေးအတွက်ဖြစ်စေ၊ အရေးပေါ်အခြေအနေများအတွက် ဖြစ်စေ၊ စစ်မှု ထမ်းဆောင်ရန် ဆင့်ခေါ်ခြင်းခံရသူအား တပ်မတော်၌ တာဝန်ထမ်းဆောင်စဉ်က ခွင့်ပြုခဲ့သောနောက်ဆုံးအဆင့်နှင့် စစ်ဝတ်စုံ တို့ကို သုံးစွဲ ခွင့်ပြုနိုင်ကြောင်းသိရပါတယ်။

ဥပဒေအရ အရန်တပ်ဖွဲ့ဝင်တစ်ဦးသည် တပ်မတော်မှရရှိသော အငြိမ်းစားလစာအပြင် တပ်မတော်ကာကွယ်ရေး ဦးစီးချုပ်က သတ်မှတ်  သော အကျိုးခံစားခွင့်များကိုလည်း ခံစားနိုင်မှာဖြစ်ပါတယ်။

(မူရင်းဥပဒေအပြည့်အစုံကို လေ့လာနိုင်ရန် သီးခြားဖော်ပြပေးထားပါတယ်)

@ymg/knl

၁၃ ဖေဖော်ဝါရီ ၂၀၂၄

ပြည်သူ့စစ်မှုထမ်းဥပဒေအရ သင့်တင့်လျောက်ပတ်သည့် အင်အားသာ တာဝန်ထမ်းဆောင်ရန်နှင့် ရှဉ့်လည်း လျှောက်သာ ပျားလည်းစွဲသာသည့် အခြေအနေဖြစ်အောင် ဆောင်ရွက်သွားမယ်လို့ နစက ဥက္ကဋ္ဌ၊ နိုင်ငံတော်  ဝန်ကြီး ချုပ် ဗိုလ်ချုပ်မှူးကြီးမင်းအောင်လှိုင်ကပြောပါတယ်။

ဗိုလ်ချုပ်မှူးကြီး မင်းအောင်လှိုင်သည် ယနေ့ ဖေဖော်ဝါရီ ၁၃ရက်က မှတ်ပုံတင်ခွင့်ပြုပြီး နိုင်ငံရေးပါတီများမှ တာဝန်ရှိသူများနှင့် နေပြည်တော်ရှိ ဘုရင့်နောင်ရိပ်သာ ဧည့်ခန်းမဆောင်၌ တွေ့ဆုံ ဆွေးနွေးရာမှာ ယခုလို ထည့်သွင်း ပြောကြားခဲ့တာဖြစ်ပါတယ်။

ယင်းဥပဒေသည် နိုင်ငံတော်အနေဖြင့် နိုင်ငံတော် ကာကွယ်ရေး၊ အထူးသဖြင့်ဒို့တာဝန်အရေးသုံးပါးကို ကာကွယ်စောင့်ရှောက်ရန် အတွက် ယခင်ကတည်းကပင် ပြဋ္ဌာန်းခဲ့သည့်ဥပဒေဖြစ်ကြောင်း၊ ယင်းဥပဒေနှင့် ပတ်သက်   ၍ တွက်ချက်ချင့်ချိန်ဆောင်ရွက်သွားမည်ဖြစ်ပြီး နိုင်ငံအတွက်လည်း ဝန် ထုပ်ဝန်ပိုးမဖြစ်ရန်လိုတယ်လို့လည်း ဗိုလ်ချုပ် မှူးကြီးကပြောတယ်လို့ နစကရဲ့သတင်းထုတ်ပြန်ချက်မှာဖော်ပြထားပါတယ်။

အရန်တပ်ဖွဲ့ဥပဒေ အာဏာတည်သည့်အမိန့်ကိုလည်း ယနေ့တွင် စတင် ထုတ်ပြန်မည်ဖြစ်တယ်လို့ ဗိုလ်ချုပ်မှူးကြီးက ပြောကြားခဲ့ပြီး စစ်မှုထမ်းဟောင်းများအနေဖြင့်နိုင်ငံတော်၏ ကာကွယ်ရေး အင်အားတွင် ပြန်လည်ထမ်းဆောင်ရန် တောင်းဆိုမှုများပြားလာသဖြင့် ယခုကဲ့သို့ ဆောင်ရွက်ရခြင်းဖြစ်တယ်လို့ ဆက်လက်ပြောဆို ပါတယ်။

သို့သော် စစ်မှုထမ်းဟောင်းအားလုံးကို ပြန်လည်ခေါ်ယူမည်ဟု မဆိုလိုဘဲ ခေါ်သင့်ခေါ်ထိုက်သူများကိုသာ ပြန်လည်ခေါ်ယူတာဝန်ပေးအပ်သွားမှာဖြစ်တယ်လို့လည်း ဗိုလ်ချုပ်မှူးကြီးကပြောပါတယ်။

ယင်းဥပဒေနှစ်ရပ်ကိုအကောင်အထည်ဖော် ဆောင်ရွက်ခြင်းဖြင့် ကာကွယ်ရေးအင်အားကို တိုးမြှင့်လာစေ  မည်ဖြစ်ကြောင်း၊ ထိုသို့ဆောင်ရွက်နိုင်ရန်တွက် နိုင်ငံ၏စီးပွားရေးမောင်းနှင်အားသည် မဖြစ်မနေကောင်းမွန်နေရန်  လိုတယ်လို့လည်း နစကဥက္ကဋ္ဌက ဆက်လက်ပြောဆိုတဲ့အကြောင်း သတင်းမှာဖော်ပြထားပါတယ်။

ထို့အပြင် နိုင်ငံရေးနည်းလမ်းအရ ဆောင်ရွက်ခြင်းမပြုဘဲလက်နက်ကိုင်၍ တောင်း ဆိုခြင်းကို တပ်မတော်  အနေဖြင့် လုံးဝလက်ခံမည်မဟုတ်လို့လည်း ဗိုလ်ချုပ်မှူးကြီးက ထပ်မံအသိပေးပြောကြားပါတယ်။

ဖွဲ့စည်းပုံအခြေခံ ဥပဒေပြင်ဆင်ရေးနှင့် ပတ်သက်၍လည်း တပ်မတော်အနေဖြင့် သဘောတူညီ ထားပြီးဖြစ်ပြီး ပြင်ဆင်သင့်သည်ဥပဒေများကို လွှတ်တော်လမ်းကြောင်းပေါ်၌ ပြင်ဆင်သွားမယ်လို့လည်း ပြောပါတယ်။  

လွှတ်တော်မတိုင်မီ ဥပဒေမထုတ်ပြန်နိုင်သေးပါက ပြည်ထောင်စုမှ ဥပဒေကဲ့သို့ အာဏာတည်သောအမိန့်နှင့် ညွှန်ကြားချက်များထုတ်ပြန်၍ တိုင်း ဒေသကြီးနှင့် ပြည်နယ်များအတွက် လုပ်ဆောင်ပေး၍ရကြောင်းနှင့်ထိုသို့ဆောင်   ရွက်ပေး မည်ဆိုပါက တိုင်းဒေသကြီးနှင့် ပြည်နယ်များကလည်း ဖက်ဒရယ်စနစ်အပေါ်တွင် ယုံကြည်မှုပိုမိုရှိလာမယ်လို့ ဗိုလ်ချုပ်မှူးကြီးက ထုတ်ဖော်ပြောကြားပါတယ်။

တက်ရောက်လာကြတဲ့ မှတ်ပုံတင်ခွင့်ပြုပြီးဖြစ်သည့် နိုင်ငံရေးပါတီ များမှ ဥက္ကဋ္ဌများ၊ ဒုတိယဥက္ကဋ္ဌ များနှင့် တာဝန်ရှိသူများက ပါတီတစ်ခုချင်းစီအလိုက် လိုအပ်ချက်များ၊ နိုင်ငံ့ကောင်းရာကောင်းကျိုးအတွက် အကြံပြုချက်များ ကို ရင်းနှီးပွင့်လင်းစွာ ဆွေးနွေးတင်ပြခဲ့ကြတယ်လို့သိရပါတယ်။

ယင်းနောက် ပြည်ထောင်စုရွေးကောက်ပွဲကော်မရှင်ဥက္ကဋ္ဌ ဦးကိုကို၊ဥပဒေရေးရာ ဝန်ကြီး ဌာန ပြည်ထောင်စု   ဝန်ကြီးဒေါက်တာသီတာဦး၊ နစကဥက္ကဋ္ဌရုံး ဝန်ကြီးဌာန(၁) ပြည် ထောင်စုဝန်ကြီး ဦးကိုကိုလှိုင်၊ အဂတိလိုက်စားမှု   တိုက်ဖျက်ရေးကော်မရှင်ဥက္ကဋ္ဌဦးစစ်အေးတို့က သက်ဆိုင်ရာကဏ္ဍများအလိုက်ဆွေးနွေးခဲ့ကြတယ် လို့ နစကရဲ့သတင်း  ထုတ်ပြန်ချက်မှာဖော်ပြထားပါတယ်။

ယင်းနောက် သက်ဆိုင်ရာ ပြည်ထောင်စုဝန်ကြီးများ၊ တာဝန်ရှိသူများနှင့်တွေ့ဆုံဆွေးနွေးနိုင်ရေး  အတွက်  လည်း စီစဉ်ဆောင်ရွက်ပေးသွားမယ်လို့ ဗိုလ်ချုပ်မှူးကြီးက နိဂုံးချုပ်စကားပြောကြားရာမှာ ထည့်သွင်းပြောကြား   ခဲ့ပါ တယ်။

 လက်ရှိအချိန်သည် လာမည့် ရွေးကောက်ပွဲအတွက် ပြင်ဆင်ဆောင်ရွက်နေသည့်ကာလဖြစ်ပြီး လွတ်လပ်၍    တရားမျှတသည့်ရွေးကောက်ပွဲ၊ သိက္ခာရှိသည့် ရွေးကောက်ပွဲကျင်းပနိုင်ရေး ဆောင်ရွက်လျက်ရှိတယ်လို့လည်း နိုင်ငံရေးပါတီများကို ဗိုလ်ချုပ်မှူးကြီးက အသိပေးပြောကြားခဲ့ကြောင်းသတင်းရရှိပါတယ်။

တွေ့ဆုံပွဲသို့နစက ဒုတိယဥက္ကဋ္ဌ ဒုတိယ ဝန်ကြီးချုပ် ဒုတိယဗိုလ်ချုပ်မှူးကြီး စိုးဝင်း၊ ကောင်စီတွဲဖက်အတွင်း   ရေးမှူး ဒုတိယ ဗိုလ်ချုပ်ကြီး ရဲဝင်းဦး၊ ကောင်စီအဖွဲ့ဝင်များဖြစ်ကြသည့် ဗိုလ်ချုပ်ကြီး တင်အောင်စန်း၊ ဒုတိယ  ဗိုလ်ချုပ်ကြီး ရာပြည့်၊ ပြည်ထောင်စုရွေးကောက်ပွဲကော်မရှင် ဥက္ကဋ္ဌ ဦးကိုကို၊ ပြည်ထောင်စုဝန်ကြီးများဖြစ်ကြသည့် ဦးကိုကိုလှိုင်၊ ဒုတိယဗိုလ်ချုပ်ကြီး ထွန်းထွန်းနောင်၊ ဒေါက်တာ သီတာဦး၊ အဂတိလိုက်စားမှုတိုက်ဖျက်ရေးကော်မရှင် ဥက္ကဋ္ဌ ဦးစစ်အေး၊ ဥပဒေဆိုင်ရာအကြံပေးအဖွဲ့ဝင်များ၊ ကော်မရှင်အဖွဲ့ဝင်များ၊ မှတ်ပုံတင်ခွင့်ပြုပြီး နိုင်ငံရေးပါတီ ၄၂ ပါတီမှ ဥက္ကဋ္ဌများ၊ ဒုတိယဥက္ကဋ္ဌများနှင့် တာဝန်ရှိသူများ တက်ရောက်ခဲ့ကြပါတယ်။

@ymg/knl

ဂါဇာကမ်းမြောင်မြောက်ပိုင်းမှာ အစာရေစာ ပြတ်လပ်မှု ပိုမိုဆိုးရွားနေပြီး ထိုနေရာမှလူတွေဟာ ငတ်မွတ်ခြင်းကို ခံစားနေရကြောင်း CGTN သတင်းထောက်က စနေနေ့မှာ ပြောကြားလိုက်ပါတယ်။
#World_Crisis
Published_ 13 February 2024
#ပါလက်စ်တိုင်းလူမျိုး #အစာရေစာငတ်မွတ်ခေါင်းပါးမှုကြုံတွေ့နေရ
#YMG_News #Yangon_Times #Yangon_Media_Group

၁၃ ဖေဖော်ဝါရီ ၂၀၂၄

ဆီးရီးယားအနေဖြင့် နိုင်ငံထဲမှ မည်သည့် တရားမဝင်နိုင်ငံခြားတပ်များကိုမဆို ခုခံကာကွယ်ဖို့အရေးက ထိပ်တန်းဦးစားပေး   ဖြစ်တဲ့အတွက် အစ္စရေးနှင့် စစ်ပွဲအသစ်တစ်ခုစတင်ဖို့ အဆင်သင့်ဖြစ်နေပြီလို့ ဆီရီးယားနိုင်ငံခြားရေးဝန်ကြီး ဖိုင်ဆဲလ် မက်ဒက် က ထပ်မံပြောကြားလိုက်ပါတယ်။

Source CCTV+

#Daily_News
Published_ 13 February 2024

၁။ "မွန်ဘိုင်းရုပ်ရှင်ပွဲတော်"တွင် မြန်မာဇာတ်ကားများပါဝင်ပြသပြီး နိုင်ငံတကာရုပ်ရှင်ဈေးကွက်ထိုးဖောက်နိုင်

၂။ စပါးဈေးကောင်းခဲ့သည့်အတွက် နွေစပါးစိုက်ရာသီ၌ အထွက်တိုးစပါးများ စိုက်ပျိုးလာကြဟုဆို

၃။ မိုးနှမ်းရာသီကုန်ချိန်ကျော် လွန်နေသော်လည်း နှမ်းဈေး ထိုးမြင့်လာတာကြောင့် တောင်သူတွေရောင်းချမှုများနေ

၄။ ဂါဇာကမ်းမြောင်မြောက်ပိုင်းမှ ပါလက်စ်တိုင်းလူမျိုးများ အစာရေစာငတ်မွတ်ခေါင်းပါးမှုကြုံတွေ့နေရ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

၁၃ ဖေဖော်ဝါရီ ၂၀၂၄
ပြည်သူ့စစ်မှုထမ်းဥပဒေဆိုင်ရာ သိသင့်သိထိုက်သည့် အချက်အချို့ကို လေ့လာနိုင်ရန် ဖော်ပြပေးအပ်ပါတယ်။ ယင်းအထဲမှကောက်နှုတ်ချက်တစ်ခုမှာ-

စိုးရိမ်ရန်မလို

-ပြည်သူ့စစ်မှုထမ်းဥပဒေ ပြဋ္ဌာန်းလိုက်သည်နှင့် ချက်ချင်း စစ်မှု ထမ်းရန် ခေါ်ယူမည်မဟုတ်။

-ပြည်သူ့စစ်မှုထမ်း နည်းဥပဒေများ စနစ်တကျရေးဆွဲပြီးချိန်မှသာ စစ်မှုထမ်းစနစ် စတင်ပါမည်။

-ပြည်သူ့စစ်မှုထမ်းရန် အသက်အရွယ်အကျုံးဝင်သူများကို အတင်း အဓမ္မခေါ်ယူ တာဝန်ထမ်းဆောင်စေမည် မဟုတ်ဘဲ ပညာသင်ကြား နေသူများ၊ နိုင်ငံ့ဝန်ထမ်းများ၊ မိအိုဖအိုပြုစုလုပ်ကျွေးနေသူများ၊ ဆေးကုသမှုခံယူနေသူ များကို ယာယီရွှေ့ဆိုင်းပေးထားပါမည်။
@ymg/knl