#World_News
Published 21 May 2024

▪️ နိုင်ငံတကာ ရာဇဝတ်မှုတရားရုံး(ICC)ရဲ့ အစိုးရရှေ့နေက အစ္စရေးလ်ဝန်ကြီးချုပ် ဘင်ဂျမင်နေတန်ညာဟူ၊ ကာကွယ်ရေးဝန်ကြီးနဲ့ ဟားမတ်စ်ခေါင်းဆောင် ၃ ဦးတို့ကို စစ်ပွဲရာဇဝတ်မှုများအတွက် ဖမ်းဝရမ်းထုတ်ရန် တနင်္လာနေ့က တောင်းဆိုလိုက်ပါတယ်။

▪️ ထို ၅ ဦးဟာ စစ်ပွဲရာဇဝတ်မှုများနဲ့ လူသားများအပေါ် ရာဇဝတ်မှုများ ကျူးလွန်ခဲ့တဲ့အတွက် ပြစ်မှုတာဝန်ခံသင့်တယ်လို့ ယုံကြည်ကြောင်း ICC ရှေ့နေ ကာရင်ခန်းက ထုတ်ပြန်လိုက်ပါတယ်။

▪️ ယင်းဟာ အစ္စရေးလ်ကာကွယ်ရေးဝန်ကြီး ယော့ဗ်ဂဲလန့်နဲ့ နေတန်ညာဟူတို့ကို ဖမ်းဝရမ်းထုတ်ရန် လျှောက်ထားလိုက်ကြောင်း ပြောပါတယ်။

▪️ ထို ၂ ဦးဟာ အစ္စရေးလ်က ဂါဇာမှာ ဟားမတ်စ်တို့ကို တိုက်ခိုက်နေတဲ့အပေါ် ကြီးကြပ်နေတဲ့သူတွေ ဖြစ်ပါတယ်။

▪️ ဒါ့အပြင် ဟားမတ်စ်အကြီးအကဲ ယာဟာဆင်ဟွာ၊ ဟားမတ်စ်စစ်တပ်ဌာနခွဲ စစ်ဦးစီးချုပ် မိုဟာမက်အယ်မာဆရီ၊ ဟားမတ်စ်နိုင်ငံရေးဗျူရို အကြီးအကဲ အစ္စမေးလ်ဟာနီယက်တို့ကိုလည်း ခန်းက ဖမ်းဝရမ်းထုတ်ရန် လျှောက်ထားလိုက်ပါတယ်။

▪️ အမှုမမြောက်ခင်မှာ တရားသူကြီးများအဖွဲ့က ဖမ်းဝရမ်းထုတ်ရန် အထောက်အထား ခိုင်မာမှုရှိမရှိ ဆုံးဖြတ်သွားမှာဖြစ်ပြီး တရားရုံးအနေနဲ့ ဒီလိုမျိုးဝရမ်းထုတ်ဖို့ကိစ္စနဲ့ သိပ်ပြီးမသက်ဆိုင်သလို ဂါဇာအရေး စုံစမ်းစစ်ဆေးဖို့ကိုလည်း အမေရိကန်နဲ့ အစ္စရေးလ်တို့က ဆန့်ကျင်ထားပါတယ်။

▪️ အစ္စရေးလ်နဲ့ ပါလက်စ်တိုင်းခေါင်းဆောင်တို့က စစ်ပွဲရာဇဝတ်မှုစွပ်စွဲချက်များကို ငြင်းပယ်လိုက်ကာ ခန်းရဲ့ဆုံးဖြတ်ချက်ကို ဝေဖန်လိုက်ပါတယ်။

▪️ တရားရုံးတင်ဖို့ ဆုံးဖြတ်လိုက်တာဟာ လက်ခံနိုင်စရာမရှိဘူးလို့ အမေရိကန်သမ္မတ ဂျိုးဘိုင်ဒင်က ဆိုလိုက်ကာ နိုင်ငံခြားရေးဝန်ကြီး အန်တိုနီဘလင်ကန်က ဓားစာခံသဘောတူညီချက်နဲ့ အပစ်အခတ်ရပ်စဲရေး ညှိနှိုင်းချက်များ ပျက်စီးနိုင်တယ်လို့ ဆိုလိုက်ပါတယ်။

▪️ ICC ဟာ ၂၀၂၃ မတ်လတုန်းကလည်း ယူကရိန်းကို စစ်ရာဇဝတ်မှုကျူးလွန်တဲ့ ရုရှားသမ္မတပူတင်ကို ဖမ်းဝရမ်းထုတ်ခဲ့ပါသေးတယ်။

▪️ နိုင်ငံတိုင်းဟာ ခုခံပိုင်ခွင့်ရှိတယ်ဆိုပေမယ့် အစ္ရရေးလ်ရဲ့ လုပ်ရပ်က နိုင်ငံတကာ လူသားချင်းစာနာမှုဥပဒေကို ချိုးဖောက်ရာကျတယ်လို့ ခန်းက ဆိုလိုက်ပါတယ်။

▪️ ယင်းရဲ့အထောက်အထားတွေထဲမှာ အစ္စရေးလ်က ပါလက်စ်တိုင်းအရပ်သားများ အသက်ရှင်ရန်လိုအပ်တဲ့ အစားအစာ၊ ရေ၊ ဆေးဝါး၊ လောင်စာတို့ကို ပြတ်တောက်ဖို့ စနစ်တကျ ဆောင်ရွက်ခဲ့တယ်လို့ တွေ့ရှိထားကာ လူအများအပြား သေဆုံးဘေးဒုက္ခရောက်ခြင်းအတွက် စစ်ရာဇဝတ်မှု မြောက်တယ်လို့ တွေ့ရှိထားပါတယ်။

▪️ ဟားမတ်စ်ခေါင်းဆောင်တို့ကတော့ ဟားမတ်စ်တို့ ကျူးလွန်ခဲ့တဲ့ သတ်ဖြတ်မှုများ၊ ဓားစာခံခေါ်ဆောင်မှု၊ ညှင်းပန်းနှိပ်စက်မှု၊ မုဒိမ်းမှုနဲ့ အခြားလိင်ပိုင်းဆိုင်ရာ အကြမ်းဖက်မှုများ အပါအဝင် ပြစ်မှုများအတွက် တာဝန်ခံဖို့ စွပ်စွဲချက်များကို ရင်ဆိုင်နေရတာ ဖြစ်ပါတယ်။

#Source: Reuters

၂၁ မေ ၂၀၂၄

အမေရိကန်နိုင်ငံသားတွေနှင့်ဗြိတိန်နိုင်ငံသားတစ်ဦးအပါအဝင် နိုင်ငံခြားသားအတော်များများပါဝင်တဲ့ အာဏာသိမ်းဖို့ကြံစည်တဲ့ အုပ်စုတစ်စုကို တနင်္ဂနွေနေ့ မနက်လင်းအားကြီးအချိန်မှာ ကွန်ဂိုဒီမိုကရက်တစ် သမ္မတနိုင်ငံမှာ  နှိမ်နှင်းလိုက်နိုင်တယ်လို့ ကွန်ဂိုအစိုးရကသတင်းထုတ်ပြန်ပါတယ်။

အဆိုပါအာဏာသိမ်းအုပ်စုကို ကွန်ဂိုလူမျိုး အမေရိကန်နိုင်ငံသားခံယူထားတဲ့ ခရစ်ရှန် မာလန်ဂါဆိုသူက ကြိုး ကိုင်ခဲ့တာဖြစ်ပြီး သူဟာ လုံခြုံရေးတပ်တွေနှင့် ထိပ်တိုက်ရင်ဆိုင်ပစ်ခတ်ကြစဉ်အတွင်း သေဆုံးသွား တယ်လို့ ကွန်ဂိုစစ်တပ်ပြောရေးဆိုခွင့်ရ ဗိုလ်ချုပ်ကြီး ဆိုင်ဗိန်းအက်ကင့်ရှ်က အတည်ပြုပြောကြားပါတယ်။

ပစ်ခတ်တိုက်ခိုက်မှုတွေဟာ မြို့တော် ကင်ရှာဆာ၊ ဂွမ်ဘီဧရိယာရှိ ကွန်ဂိုစီးပွားရေးဝန်ကြီး ဗစ်တဲလ်ကမာဟီ  ရဲ့ အိမ်အပြင်ဘက်မှာဖြစ်ပွားခဲ့တာပါ။အဲဒီအိမ်ဟာ သမ္မတ ဖီလစ် ရှီဆက်ကီဒီရဲ့ ရုံးတွေရှိတဲ့ နိုင်ငံတော် သမ္မတ အိမ်တော်ဝင်းအနီးမှာတည်ရှိပါတယ်။

လူ ၄၀ ဦးခန့်ပါဝင်တဲ့ အဆိုပါ တိုက်ခိုက်သူတွေကိုဖမ်းဆီးမိပြီး အဲဒီအထဲက မာလန်ဂါအပါအဝင် (၄)ဦးဟာ ပစ်ခတ်မှုတွေအတွင်း သေဆုံးသွားခဲ့ပါတယ်။

ဖမ်းဆီးမိသူတွေအထဲမှာ ဗြိတိန်နိုင်ငံသားတစ်ဦးပါဝင်ပြီး သူဟာ အဲဒီအာဏာသိမ်းအုပ်စုမှာ ဒုတိယ ခေါင်းဆောင်တစ်ဦးဖြစ်တယ်လို့သိရပါတယ်။မာလာဂါရဲ့သားဖြစ်သူ မာဆယ်မာလန်ဂါလည်း အာဏာသိမ်း ဖို့ကြံစည်တဲ့အုပ်စုထဲမှာ ပါဝင်တယ်လို့ ဗိုလ်ချုပ်ကြီးအက်ကင့်ရှ်ကပြောပါတယ်။

တိုက်ခိုက်မှုတွေမှာ ဝန်ကြီးကမာဟီနှင့်မိသားစု လွတ်မြောက်သွားခဲ့ပေမယ့် အစောင့်ရဲနှစ်ဦးကတော့ သေဆုံးသွားခဲ့ရပါတယ်လို့ ဝန်ကြီးရဲ့ အနီးကပ်သတင်းအရင်းအမြစ်တစ်ခုကပြောပါတယ်။

အာဏာသိမ်းရန်ကြံစည်သူတွေဟာ အသစ်ခန့်အပ်ခံထားရတဲ့ ဝန်ကြီးချုပ် ဂျူဒစ် ဆူမင်ဝါနှင့် ပြည်ထဲရေး      ဝန်ကြီး ယွန်းပီယဲဘမ်ဘာတို့ရဲ့အိမ်တွေကိုလည်း ပစ်မှတ်ထားတိုက်ခိုက်ဖို့ရည်ရွယ်ထားခဲ့ကြပါတယ်။ဒါပေ  မယ့် သူတို့ဟာ ဝန်ကြီးချုပ်အိမ်ဘယ်မှာရှိသလဲ ရှာမရခဲ့ဖြစ်ခဲ့ရပြီး ဘမ်ဘာကိုလည်း သူ့အိမ်မှာရှာမတွေ့ဖြစ် ခဲ့တယ်လို့ဆိုပါတယ်။

ဝန်ကြီးအိမ်မှာ တိုက်ခိုက်မှုမအောင်မြင်ဖြစ်ပြီးနောက် သူတို့ဟာ သမ္မတနန်းတော်ဖက်ကို ဇိုင်ယာအလံ ကိုင်ဆောင်ပြီးဆက်သွားခဲ့ကြပါတယ်။ ဇိုင်ယာဆိုတာ  ၁၉၉၇ခုနှစ်မှာ ရာထူးမှဖြုတ်ချခံရတဲ့ အာဏာရှင် မိုဘူတူးဆီဆီဆီကို အုပ်ချုပ်ခဲ့တုန်းက ကွန်ဂိုရဲ့ယခင်အမည်ဟောင်းဖြစ်ပါတယ်။

ဒါပေမယ့် သူတို့အဖွဲ့ကို လုံခြံရေးတပ်ဖွဲ့တွေက ဟန့်တားနှိမ်နှင်းနိုင်ခဲ့ပါတယ်။

ကွန်ဂိုနိုင်ငံဆိုင်ရာ အမေရိကန်သံအမတ်ကြီးက သူမအနေနှင့် သတင်းကြားရတာ အတော်တုန်လှုပ်သွားတယ်လို့ပြောပြီး အာဖရိက သမဂ္ဂကတော့ အာဏာသိမ်းရန် ကြံ့စည်မှုကိုရှုတ်ချထားပါတယ်။

အာဏာပိုင်တွေက အာဏာသိမ်းမှုနှင့်ပတ်သက်လို့ အသေးစိတ်နားလည်အောင် အချက်အလက်တွေ ကြိုးစား     ရှာဖွေနေဆဲဖြစ်ကြောင်းသိရပါတယ်။

Source: Hindustan Times

@ymg/knl

Published 21 May 2024

နေ့စဥ်တရားထိုင်ခြင်း အလေ့အထဟာ စိုးရိမ်ပူပန်မှု လျှော့ချပေးခြင်း၊ အလုံးစုံကျန်းမာရေး တိုးတက်စေခြင်း၊ လူမှုဆက်ဆံရေး ကောင်းမွန်စေခြင်း အပါအဝင် အကျိုးကျေးဇူးများစွာ ရရှိစေတယ်လို့ သုတေသနတွေမှာ တွေ့ရှိထားပါတယ်။

သတိပြုစရာကတော့ ပထမဆုံး အတားအဆီးကို ကျော်ဖြတ်ဖို့ပါပဲ။

အယူအဆလွဲမှားချက်တွေကို ဖယ်ထုတ်လိုက်မှ တရားထိုင်လို့ ရစေမှာဖြစ်ပါတယ်။

အတွေးတွေကို ရပ်တန့်ဖို့မကြိုးစားဘဲ ဒီအတွေးကို ပိုမိုသိရှိကျယ်ပြန့်အောင် ကျင့်ကြံနိုင်ရမယ်လို့ စိတ်ကျန်းမာရေးပညာဘွဲ့ရ တယ်ရာဘရက်ခ်က ပြောပြသွားပါတယ်။

စပြီးတရားထိုင်မယ်ဆိုရင် အဓိကအချက်က စိတ်ဖြေလျှော့ထားပြီး လက်ရှိအခြေအနေကို အာရုံစိုက်ထားဖို့ ဖြစ်ပါတယ်။

စတင်တရားထိုင်ရာမှာ အချိန်ဘယ်လောက် သတ်မှတ်ရမယ်ဆိုတာ မရှိပေမယ့် တစ်မျိုးမျိုးတော့ သတ်မှတ်သင့်ပါတယ်။

အချိန်ဘယ်လောက် ထိုင်နိုင်တယ်ဆိုတာထက် ထိုင်တဲ့အခါ ဘယ်လောက်အထိ ထိရောက်မှုရှိလဲ ဆိုတာကို ဂရုပြုရမှာ ဖြစ်ပါတယ်။

တစ်စုံတစ်ခုကြောင့် အာရုံပျက်ပြားစရာ ကြုံတွေ့တဲ့အခါ အာရုံကို ပြန်လည်တည်ငြိမ်အောင် ကြိုးစားရပါမယ်။

ပြောင်းရွှေ့ချင်တယ်ဆိုရင် မတ်တပ်ရပ်၊ အကြောဆန့်၊ အသက်ပြင်းပြင်းရှူပြီး ပြန်ထိုင်သင့်ပါတယ်။

အချိန်ကြာလာတာနဲ့အမျှ ကဏာမငြိမ်တာတွေ လျော့နည်းသွားတာကို သတိထားမိလာပါလိမ့်မယ်။

အကျိုးကျေးဇူး ခံစားလိုရင်တော့ တရားထိုင်ခြင်းကို အမြဲတည်ငြိမ်စွာ ကျင့်ကြံဖို့ လိုအပ်ပါတယ်။

ကိုယ့်ခန္ဓာကိုယ်၊ စိတ်အတွက် သင့်လျော်တဲ့ တရားထိုင်နည်းလမ်းတွေကို ကိုယ်တိုင်စမ်းသပ် ရှာဖွေရမှာ ဖြစ်ပါတယ်။
Source: New York Post
#World_Health
#Published_ 21 May 2024
#Yangon_Times #YMG_News #Yangon_Media_Group

Published 21 May 2024

ဆေးရုံခွဲစိတ်ခန်းတွေမှာ တွေ့ရတဲ့ အမျိုးသမီးဆေးဘက်ဆိုင်ရာ ဝန်ထမ်းတွေ အရေအတွက်က ဆယ်စုနှစ်တွေ ကြာလာတာတောင် နည်းပါးနေဆဲ ဖြစ်ပြီး နိုင်ငံအများစုမှာ အမျိုးသမီး မေ့ဆေးဆရာဝန်များနဲ့ ခွဲစိတ်ဆရာဝန် အရေအတွက်က ဆယ်နှစ်အတွင်း ၅ ရာခိုင်နှုန်းသာ မြင့်တက်လာပါတယ်။

ခွဲစိတ်ရေးအဖွဲ့တွေမှာ ကျားမကွဲပြားစွာ ပါဝင်ခြင်းက လူနာတွေ ခွဲစိတ်ပြီးနောက်ပိုင်း ရလဒ်ပိုမိုကောင်းမွန်စေတာနဲ့ ဆက်စပ်နေတယ်လို့ အောက်စ်ဖို့ဒ်တက္ကသိုလ်မှ သုတေသီများ ဖော်ပြလာကြပါတယ်။

ဒါ့အပြင် အခြားလုပ်ငန်းကဏ္ဍ အမျိုးမျိုးမှာလည်း အမျိုးသားရော အမျိုးသမီးတွေပါ ပါဝင်လာခြင်းက ကျားမတန်းတူညီမျှရေးအတွက် အရေးကြီးသလို ကွဲပြားသော အတွေ့အကြုံတွေနဲ့ အမြင်တွေ ထွက်ပေါ်လာစေပါတယ်။

ကျန်းမာရေး စောင့်ရှောက်မှုအဖွဲ့တွေနဲ့ ရလဒ်ပိုင်းတွေနဲ့ ပတ်သက်ပြီး ကျားမပါဝင်လာြခင်း ကဏ္ဍမှာတော့ အထောက်အထား အနည်းအကျဥ်းသာ တွေ့ရှိထားပါသေးတယ်။

အလုပ်ခွင်မှာရှိနေတဲ့ အမျိုးသားနဲ့ အမျိုးသမီး ဆရာဝန်တွေထံမှ ကွဲပြားမှုတွေကနေ လူနာရဲ့ ကျန်းမာရေးအခြေအနေကို သက်ရောက်နေပြီး မတူညီတဲ့ အရည်အသွေးတွေ၊ အသိပညာ ဗဟုသုတတွေ၊ ယုံကြည်ချက်တွေ၊ တန်ဖိုးထားမှုတွေ၊ ခေါင်းဆောင်မှုပိုင်းတွေ မြင်တွေ့ရမှာ ဖြစ်ပါတယ်။

ရက် ၉၀ အတွင်း ဆေးရုံ ၈၈ ခုမှ ခွဲစိတ်မှုပေါင်း ၇ သိန်းကျော်ကို လေ့လာခဲ့ကြပါတယ်။

ထိုထဲမှာမှ ပျမ်းမျှအားဖြင့် အမျိုးသမီးခွဲစိတ်ဆရာဝန်တွေက ခွဲစိတ်မှုပေါင်း ၆.၇ ရာခိုင်နှုန်းပြုလုပ်ခဲ့ပြီး အမျိုးသမီး မေ့ဆေးဆရာဝန်တွေကတော့ ခွဲစိတ်မှုပေါင်း ၂၇ ရာခိုင်နှုန်းမှာ ပါဝင်ခဲ့ပါတယ်။

လေ့လာချက်များအရ အမျိုးသမီး ခွဲစိတ်ဆရာဝန်တွေနဲ့ မေ့ဆေးဆရာဝန်တွေ ၃၅ ရာခိုင်နှုန်းကျော်ပါတဲ့ ဆေးရုံတွေမှာ ခွဲစိတ်မှုပြုလုပ်ပြီးနောက် ရလဒ်တွေ ပိုမိုကောင်းမွန်ကြောင်း တွေ့ရှိခဲ့ကြပါတယ်။

ဒီလိုတွေ့ရှိချက်တွေကြောင့် ခွဲစိတ်မှုပိုင်းနဲ့ ပတ်သက်ပြီး ကျားမနှစ်မျိုးစလုံး ပါဝင်ခြင်းက ပိုမိုကောင်းမွန်တဲ့ ရလဒ်များ ရရှိစေတယ်ဆိုတာကို နားလည်လာစေမှာ ဖြစ်တယ်လို့ ကနေဒါနိုင်ငံ တိုရွန်တိုတက္ကသိုလ်မှ ပရော်ဖက်ဆာ ဂျူလီဟန်ဒရစ်ဟောလက်က ပြောပြသွားပါတယ်။
Source: The Jerusalem Post.
#World_Research
#Published_ 20 May 2024
#Yangon_Times #YMG_News #Yangon_Media_Group

၂၀ မေ ၂၀၂၄

မြန်မာနိုင်ငံသည် တိုင်ဝမ်နှင့်သံတမန်ဆက်သွယ်မှုမရှိသလို နိုင်ငံတစ်ခုအဖြစ်အသိအမှတ်လည်းမပြုဟု နစက သတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ်ဇော်မင်းထွန်းက ပြောကြားပါတယ်။

ယနေ့ကျင်းပခဲ့တဲ့ တိုင်ဝမ်သမ္မတသစ် ကျမ်းသစ္စာကျိန်ဆိုမှုအပေါ် မြန်မာနိုင်ငံရဲ့သဘောထားရပ်တည်ချက်ကို ဗိုလ်ချုပ်ဇော်မင်းထွန်းကရှင်းလင်းပြောကြားရာမှာ ထည့်သွင်းပြောကြားခဲ့တာဖြစ်ပါတယ်။

မြန်မာနိုင်ငံ၏သဘောထားရပ်တည်ချက်ကို နစက သတင်းထုတ်ပြန်ရေးအဖွဲ့က ထုတ်ပြန်ခဲ့ရာ အောက်ပါအတိုင်း ဖြစ်ပါတယ်။

တိုင်ဝမ်သမ္မတသစ် ကျမ်းသစ္စာကျိန်ဆိုမှုနှင့် မြန်မာနိုင်ငံ၏သဘောထားရပ်တည်ချက်

၁။မြန်မာနိုင်ငံသည် တရုတ်ပြည်သူ့သမ္မတနိုင်ငံ People's Republic of China(PRC) စတင် တည်ထောင်ကတည်းက အစောဆုံး အသိအမှတ်ပြုထောက်ခံအားပေးခဲ့သော နိုင်ငံများ၌ ပါဝင် ခဲ့သော နိုင်ငံဖြစ်သည်။

၂။ မဟာဗျူဟာမိတ်ဖက်နိုင်ငံများဖြစ်ပြီး ဆွေမျိုးပေါက်ဖော်ဆက်ဆံရေးအား အစဉ်အဆက် ထိန်းသိမ်းခဲ့သည့် အိမ်နီးချင်းမိတ်ဆွေကောင်းနိုင်ငံများဖြစ်သည်။

၃။ တရုတ်နိုင်ငံမှ စစ်ရှုံးပြီး မြန်မာနိုင်ငံအတွင်း ကျူးကျော်ဝင်ရောက်၍ တရုတ်နိုင်ငံအား ပြန်လည် တိုက်ခိုက်ရန်လုပ်ဆောင်ခဲ့သော ကူမင်တန်တပ်များအား မြန်မာ့တပ်မတော်က စစ်ဆင် ရေးကြီး ၁၁ ခုဖြင့် ချေမှုန်း ခဲ့ရသည်။ မြန်မာ့တပ်မတော်နှင့် မြန်မာပြည်သူများ အသက်၊ သွေး၊ ချွေး ပေးဆပ်ခဲ့ရသည်။

၄။ တိုင်ဝမ်နှင့်သံတမန်ဆက်သွယ်မှုမရှိသလို နိုင်ငံတစ်ခုအဖြစ် အသိအမှတ်ပြုခြင်းမရှိ။

၅။ မြန်မာနိုင်ငံသည် တရုတ်ပြည်သူ့သမ္မတနိုင်ငံ စတင်ပေါ်ပေါက်လာကတည်းက ယနေ့ အထိ တရုတ်တစ်နိုင်ငံတည်းမူဝါဒ(One China Policy)အပေါ် ခိုင်မာစွာရပ်တည်၍ ထောက်ခံ ခဲ့သောနိုင်ငံဖြစ်ပြီး ဆက်လက်ခိုင်မြဲစွာရပ်တည်သွားမည်ဖြစ်သည်။ . နှစ်နိုင်ငံကဏ္ဍပေါင်းစုံ ချစ်ကြည်ရင်းနှီးမှုကို အမြဲအလေးထား ဆောင်ရွက်သွားမည်ဖြစ်သည်။

@ymg/knl

ဂါဇာဒေသမှာ အစ္စရေးလ်စစ်ဆင်ရေး ဆင်နွှဲနေတာကို ရပ်ဆိုင်းရန် တောင်အာဖရိကရဲ့ တောင်းဆိုချက်နဲ့ ပတ်သက်လို့ ကြာသပတေးနေ့မှာ နိုင်ငံတကာတရားရုံး ICJက နှစ်ရက်တာကြားနာမှု စတင်ဖွင့်လှစ်ခဲ့ပါတယ်။
ဂါဇာတောင်ပိုင်းမြို့ ရာဖာမှာ အစ္စရေးလ်တိုက်ခိုက်နေတာတွေက လူမျိုးသုဥ်းသတ်ဖြတ်မှု ကာကွယ်ရေးနဲ့ ပြစ်ဒဏ်ပေးခြင်းပြစ်မှုဥပဒေကို ပြင်းပြင်းထန်ထန် ချိုးဖောက်ရာကျပြီး ICJ အနေဖြင့် ထိုလုပ်ရပ်တွေ ချက်ချင်းရပ်တန့်သွားအောင် လုပ်ဆောင်သင့်ကြောင်း နယ်သာလန်ဆိုင်ရာ တောင်အာဖရိကသံအမတ် ဗူဆီမူဇီမာဒုံဆယ်လာက တရားရုံးကြားနာမှုမှာ ပြောကြားသွားပါတယ်။
#World_News
#Published_ 20 May 2024
#Yangon_Times #YMG_News #Yangon_Media_Group

#Daily_News
Published_ 20 May 2024

၁။ ကဆုန်လပြည့်နေ့တွင် ဒံပေါက်စတုဒိသာနှင့် နိဗ္ဗာန်ဈေးလှူမည်

၂။ ပြည်တွင်းဝယ်လိုအားများသည့်အတွက် အုန်းသီး‌‌ဈေး အမြင့်ဆုံးသို့ရောက်ရှိနေ

၃။ ရွှေဈေးကွက်အတွင်း အ‌ရောင်းအဝယ်မသမာမှု‌များ ပပျောက်သွားနိုင်သည့် ရွှေရောင်းဝယ်မှုကို အရေးကြီးဝန်ဆောင်မှုလုပ်ငန်းအဖြစ် ဥပဒေရေးဆွဲနေ

၄။ ဂါဇာတွင်စစ်ပွဲဆင်နွှဲနေသည့် အစ္စရေးလ်အား တောင်အာဖရိကတရားစွဲဆိုသော အမှုကိစ္စ နိုင်ငံတကာတရားရုံးတွင် ကြားနာမှုစတင် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

Published_ 20 May 2024

           နေပြည်တော်တွင် ပြေးဆွဲရန် စီစဉ်နေသော လျှပ်စစ်သုံး EV Bus များဖြင့်  မာရဝိဇယဗုဒ္ဓရုပ်ပွားတော်မြတ်ကြီးကို ဘုရားဖူးပြည်သူများ  အလွယ်တကူလာရောက် ဖူးမျှော်နိုင်သည်အထိ လျာထားဆောင်ရွက်လျက်ရှိကြောင်း နေပြည်တော် စည်ပင်သာယာရေး ကော်မတီမှ သိရသည်။

အဆိုပါလျှပ်စစ်သုံး EV Bus လမ်းကြောင်းများကို စီစဉ်ရာတွင်နိုင်ငံတော်ဝန်ကြီးချုပ်၏ လမ်းညွှန်ချက်အရ မာရဝိဇယဗုဒ္ဓရုပ်ပွားတော်မြတ်ကြီးကို ဘုရားဖူးပြည်သူများ EV ယာဉ်လိုင်းများဖြင့် အလွယ်တကူလာရောက် ဖူးမျှော်နိုင်သည်အထိ လျာထားဆောင်ရွက်လျက်ရှိကြောင်း၊ တပ်ကုန်း၊ ပျဉ်းမနား၊ လယ်ဝေး စသည့် မြို့နယ်များဘက်သို့ ချိတ်ဆက်ပြေးဆွဲပေးသွားရန် စီစဉ်ထားပြီး အဓိကအားဖြင့် ဘုရားလာဖူးမည့်သူများအတွက် အလွယ်တကူစီးနင်းနိုင်ရန် လျာထားကြခြင်းလည်းဖြစ်ကြောင်းသိရသည်။

အဆိုပါ ပြေးဆွဲမည့် လျှပ်စစ်သုံး EV Bus များကို ပြည်ပမှ ဝယ်ယူတင်သွင်း၍ အသုံးပြုသွားမည်ဖြစ်ပြီး နေပြည်တော်ကောင်စီ နယ်မြေအတွင်း Public Transportation အတွက် Electric Vehicle များဖြင့် မြို့တွင်းယာဉ်လိုင်းများ ပြေးဆွဲနိုင်ရေးလုပ်ငန်းညှိနှိုင်းအစည်းအဝေးကိုလည်း ပြီးခဲ့သော ရက်ပိုင်းအတွင်းက ပြုလုပ်ကာ ယင်းကဲ့သို့လျာထားကြောင်း အဆိုပါအစည်းအဝေး၌ ဆိုထားကြခြင်းလည်းဖြစ်သည်။

ပြေးဆွဲမည့် ခရီးစဉ်လမ်းကြောင်းများနှင့် မှတ်တိုင်များ သတ်မှတ်သွားရန်လည်း စီစဉ်နေပြီး လတ်တလောတွင် လုပ်ငန်းများ လျင်မြန်စေရန် ဦးဆောင်ကော်မတီနှင့် သက်ဆိုင်ရာကော်မတီများ အသီးသီးကို ဖွဲ့စည်းလုပ်ဆောင်နေခြင်းလည်းဖြစ်ကြောင်း သိရသည်။

ထို့အပြင် နိုင်ငံဖွံ့ဖြိုးတိုးတက်အဆင့်မြင့်အောင်ဆောင်ရွက်ရာတွင် သယ်ယူပို့ဆောင်ရေးလုပ်ငန်းအတွက် နိုင်ငံခြားမှဝယ်ယူတင်သွင်းနေရသည့် လောင်စာဆီများ လျော့နည်းသက်သာစေရန်နှင့် သဘာဝ ပတ်ဝန်းကျင်ညစ်ညမ်းမှုကို ထိန်းသိမ်းကာကွယ်နိုင်ရန်၊ လျှပ်စစ်ကိုအခြေခံသည့် ပို့ဆောင်ရေးစနစ်များ အကောင်အထည်ဖော်ဆောင်နိုင်ရေးအတွက် လျှပ်စစ်ရထားနှင့် လျှပ်စစ် Bus Car များ ပြေးဆွဲနိုင်ရန် စီစဉ်ဆောင်ရွက်လျက်ရှိကြောင်းသိရသည်။
Yangon_Times/NN
#Local_News
#Published_ 20 May 2024
#Yangon_Times #YMG_News #Yangon_Media_Group

Published_ 20 May 2024

ပြည့်ဝစွာဓာတ်အားပို့လွှတ်နိုင်မည့်  ၅၀၀ကေဗွီကံကောင်းဓာတ်အားခွဲရုံစီမံကိန်း ၇၉ ရာခိုင်နှုန်း ပြီးစီးနေပြီဖြစ်ပြီး လာမည့်ဒီဇင်ဘာလတွင်ရာနှုန်း ပြည့်ပြီး‌စီးတော့မည်ဖြစ်ကြောင်း လျှပ်စစ်စွမ်းအားဝန်ကြီးဌာနမှသိရသည်။

မြန်မာနိုင်ငံတွင် ပထမဆုံးအကောင်အထည်ဖော်ဆောင်ရွက်လျက်ရှိသည့် ၅၀၀ ကေဗွီဓာတ်အားခွဲရုံ စီမံကိန်းဖြစ်ပြီး စီမံကိန်းပြီးစီးသွားသည်နှင့် နိုင်ငံမြောက်ပိုင်းတွင်တည်ရှိနေသော လျှပ်စစ်ဓာတ်အားပေးစက်ရုံများမှ ထုတ်လုပ်လျက်ရှိသည့် လျှပ်စစ်ဓာတ်အားများကို နိုင်ငံ၏တောင်ပိုင်းသို့ ၅၀၀ ကေဗွီဓာတ်အားလိုင်းစနစ်ဖြင့် ပြည့်ဝစွာဓာတ်အားပို့လွှတ်ပေးနိုင်မည်ဟုဆိုသည်။

လက်ရှိတွင် တည်ဆောက်လျက်ရှိသည့် ၅၀၀ ကေဗွီ ကံကောင်းဓာတ်အားခွဲရုံစီမံကိန်းသည် စီမံကိန်းတစ်ခုလုံးအနေဖြင့် ၇၉ ရာခိုင်နှုန်း ပြီးစီးနေပြီဖြစ်ပြီး ၂၀၂၄ ခုနှစ် ဒီဇင်ဘာလတွင် ရာနှုန်းပြည့်ပြီးစီးမည်ဖြစ်ကြောင်း  လျှပ်စစ်စွမ်းအားဝန်ကြီးဌာနပြည်ထောင်စုဝန်ကြီး၏ပြောကြားချက်အရသိရသည်။

လျှပ်စစ်စွမ်းအားဝန်ကြီးဌာနပြည်ထောင်စုဝန်ကြီးနှင့်အဖွဲ့သည် သာစည်မြို့နယ်ရှိ သပြေဝ-၃ (၃၀) မဂ္ဂါဝပ်နှင့် သာစည် (၃၀) မဂ္ဂါဝပ် နေရောင်ခြည်စွမ်းအင်သုံး ဓာတ်အားပေးစက်ရုံ စီမံကိန်းများသို့ ကြည့်ရူစစ်ဆေးခဲ့ကြသည်။

စက်ရုံမှတာဝန်ရှိသူများက  ဓာတ်အားပေးစက်ရုံဆိုင်ရာ အချက်အလက်များ၊ မြို့ပြပိုင်းဆိုင်ရာလုပ်ငန်း ဆောင်ရွက်ခဲ့မှုအခြေအနေ၊ Tracking System အသုံးပြုပြီး Solar Panel များ တပ်ဆင်ခြင်းလုပ်ငန်းဆောင်ရွက်ခဲ့မှု၊ ပင်မဓာတ်အားခွဲရုံများသို့ ဓာတ်အားပို့လွှတ်နိုင်ရန် ဓာတ်အားလိုင်းများ တည်ဆောက်ခဲ့မှုနှင့် စက်ရုံဝန်းကျင်ရှိ ကျေးရွာများကို လူမှုရေးတာဝန်သိတတ်မှု (CSR) လုပ်ငန်းများ ဆောင်ရွက်ပေးခဲ့မှု အခြေအနေတို့ကို ရှင်းလင်းတင်ပြခဲ့ကြသည်။

ပြည်ထောင်စုဝန်ကြီးနှင့်အဖွဲ့သည် ဓာတ်အားထိန်းချုပ်ခန်းအတွင်း နေရောင်ခြည်စွမ်းအင်မှ လျှပ်စစ်ဓာတ်အားများထုတ်လုပ်ပြီး နိုင်ငံတော်ဓာတ်အားစနစ် (National Grid System) သို့ ချိတ်ဆက်ပို့လွှတ်ပေးနေမှုနှင့် စက်ရုံဧရိယာအတွင်း Tracking System အသုံးပြုပြီး Solar Panal များ တပ်ဆင်ထားမှုအခြေအနေတို့ကို လှည့်လည်ကြည့်ရှုစစ်ဆေးခဲ့သည်။

သပြေဝ-၃နှင့် သာစည်နေရောင်ခြည်စွမ်းအင်သုံး ဓာတ်အားပေးစက်ရုံတို့သည် မန္တလေးတိုင်းဒေသကြီး သာစည်မြို့နယ်တွင်တည်ရှိပြီး စက်တပ်ဆင်အင်အားမှာ သပြေဝ-၃ ဆိုလာစီမံကိန်းတွင် (၃၀) မဂ္ဂါဝပ်ဖြစ်ပြီး ၎င်းမှ လျှပ်စစ်ဓာတ်အားများကို ၂၀၂၄ ခုနှစ် မတ် ၃၀ ရက်တွင်လည်းကောင်း၊ သာစည်ဆိုလာ စီမံကိန်းမှာ (၃၀) မဂ္ဂါဝပ်ဖြစ်ပြီး ၎င်းမှ လျှပ်စစ်ဓာတ်အားများကို ၂၀၂၄ ခုနှစ် ဧပြီ ၃၀ ရက်တွင်လည်းကောင်း နိုင်ငံတော်ဓာတ်အားစနစ်သို့ချိတ်ဆက်၍ လျှပ်စစ်ဓာတ်အားများ စမ်းသပ်ပို့လွှတ်ပေးလျက်ရှိကြောင်းသိရသည်။
Yangon_Times/tthl
#Local_News
#Published_ 20 May 2024
#Yangon_Times #YMG_News #Yangon_Media_Group

Published 20 May 2024

မန္တလေးမြို့၊အောင်မြေသာစံမြို့နယ်၊ဥပုသ်တော်ရပ်ကွက်၊ ၁၂ လမ်း၊ ၇၃ လမ်း x ၇၄ လမ်းကြား၊ ကျုံးမြောက်ပေါက်တံတားအနီး တွင် စိတ်ဝေဒနာရှင်အမျိုးသားတစ်ဦး ကျုံးထဲပြုတ်ကျပြီး ရေနစ်‌ေ-သဆုံးခဲ့ကြောင်း မီးသတ်တပ်ဖွဲ့၏ သတင်းထုတ်ပြန်ချက်အရ သိရသည်။

မေလ၂၀ ရက် မနက် ၈နာရီ၄၅မိနစ် ခန့်က ဖြစ်ပွားခဲ့ ခြင်း ဖြစ်ပြီး အောင်မြေသာစံမြို့နယ် မီးသတ်စခန်းမှ မီးငြှိမ်းသတ်ယာဉ်တစ်စီး ဖြင့် ရှာဖွေကယ်ဆယ်ရေး လုပ်ငန်းများ ထွက်ခွာဆောင်ရွက်ခဲ့ရာ မနက် ၉နာရီ ၁၄မိနစ် တွင် ရေနစ်‌ေ_သဆုံးသူ အမျိုးသား၏ရုပ် အလောင်းကို ရှာဖွေတွေ့ရှိခဲ့ကြောင်းသိရသည်။

အဆိုပါ ရုပ်အလောင်းကို စေတနာ မေတ္တာ ဂရုဏာ လူမှုကူညီရေးအသင်းမှ ယာဉ်ဖြင့်မန္တလေးပြည်သူ့ဆေးရုံကြီးသို့ ပို့ဆောင်ပေးခဲ့ကြောင်း သိရသည်။
Yangon_Times/LW
#Local_News
#Published_ 20 May 2024
#Yangon_Times #YMG_News #Yangon_Media_Group

Published 20 May 2024

ရန်ကုန်တိုင်းဒေသကြီး သာကေတမြို့နယ်နှင့် သန်လျင်မြို့နယ်တို့ကို ဆက်သွယ်တည်ဆောက်နေသည့်  ပဲခူးမြစ်ကူးတံတား သန်လျင်တံတားအမှတ်(၃) တည်ဆောက်မှုပြီးစီးပါက  ဖြတ်သန်းခကို QR Code အသုံးပြု၍ Mobile Pay စနစ်ဖြင့် ပါ လုပ်ဆောင်သွားမည်ဖြစ်ကြောင်းဆောက်လုပ်ရေးဝန်ကြီးဌာနမှ သိရသည်။

အဆိုပါတံတားကို သံမဏိကြိုးထိန်းတိုင် (Pylon) များတွင် လေကြောင်း အချက်ပြမီး (Aviation Light) များ တပ်ဆင်ရန်၊ မိုးကြိုးလွှဲများတပ်ဆင်ရန်နှင့် ခုခံအုမ်း (Ohm) များ သတ်မှတ်ထားသည့်အတိုင်း ရှိ/ မရှိ စစ်ဆေးဆောင်ရွက်ရန်၊ ညအချိန် သင်္ဘောများ အန္တရာယ်ကင်းရှင်း စွာသွားလာနိုင်ရန် အတွက် ရေကြောင်းလမ်းပြမီး (Navigation Light) များကို သတ်မှတ်ချက်အတိုင်း တပ်ဆင်ဆောင်ရွက်ရန်လုပ်ဆောင်နေကြောင်းသိရသည်။

ထို့အပြင်  တံတား၏ အချောသပ်လုပ်ငန်းများ ဆောင်ရွက်ရာတွင် သတ်မှတ်ထားသည့် စံချိန်စံနှုန်းအတိုင်း ကိုက်ညီအောင် ကြပ်မတ်ဆောင်ရွက်ရန်၊ တံတားတိုင် (Pier) များ ယာဉ်များကြောင့် ထိခိုက်ပျက်စီးမှုမှ ကြိုတင်ကာကွယ်ရန်တို့ကို လုပ်ဆောင်နေ ကြောင်းသိရသည် ။

  ၄င်းအပြင် တံတားအဟောင်းနှင့် တံတားအသစ်တို့ဆုံသည့် နေရာဖြစ်သဖြင့် ယာဉ်ကြောကြပ်တည်းမှု မရှိစေရေးနှင့် ယာဉ်အန္တရာယ်ကင်းရှင်းရေးတို့အတွက် မီးပွိုင့်များ၏ ယာဉ်လွှတ်ချိန်များကို ရန်ကုန်တိုင်းဒေသကြီး အစိုးရအဖွဲ့၊ ရန်ကုန်မြို့တော်စည်ပင်သာယာရေးကော်မတီတို့နှင့် ညှိနှိုင်းဆောင်ရွက်ရန်လည်း ဆောက်လုပ်ရေးဝန်ကြီးဌာန ပြည်ထောင်စုဝန်ကြီး ဦးမျိုးသန့် က မေ ၁၈ ရက်တွင်  တည်ဆောက်ရေးလုပ်ငန်းများ ကြည့်ရှုစစ်ဆေးစဉ် မှာကြားခဲ့ကြောင်း သိရသည်။

အဆိုပါ  သန်လျင်တံတား အမှတ်- ၃သည်  တံတားအရှည် ၂၆၃၃ မီတာ (၈၆၃၈ ပေ) ရှိသော ယာဉ်သွားလမ်း လေးလမ်းသွား သံမဏိကြိုးဆိုင်းတံတားအမျိုးအစားဖြစ်ပြီး တံတား၏ ရေလမ်းကင်းလွတ်အမြင့် ၁၃ ဒသမ၂၅ မီတာ (၄၃ ပေ) ရှိသဖြင့် ရေယာဉ်များ လွတ်လပ်စွာ ဝင်/ထွက်သွားလာနိုင်ကြောင်း သိရသည် ။
Yangon_Times/NN
#Local_News
#Published_ 20 May 2024
#Yangon_Times #YMG_News #Yangon_Media_Group

Published_ 20 May 2024

လာမည့်(၂)ရက်အတွင်း အနောက်တောင်မုတ်သုံလေသည် မြန်မာနိုင်ငံတောင်ပိုင်းဒေသများသို့ စတင်ဝင်ရောက်မည်ဖြစ်ကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာနမှသိရသည်။

အနောက်တောင်မုတ်သုံလေဝင်‌ရောက်လာမည်ဖြစ်၍မွန်၊ကရင်၊တနင်္သာရီဒေသများ နေရာကွက် ကျားမိုးထစ်ချုန်းရွာမည်ဖြစ်သည်ဟုဆိုသည်။

မေလ(၂၁)ရက်နံနက်အထိခန့်မှန်းချက်အရ တနင်္သာရီတိုင်းဒေသကြီး၊ ကရင်ပြည်နယ်နှင့် မွန်ပြည်နယ်တို့တွင် နေရာစိပ်စိပ်၊ နေပြည်တော်၊ စစ်ကိုင်းတိုင်းဒေသကြီးအထက်ပိုင်း၊ မန္တလေးတိုင်းဒေသကြီး၊ ကချင်ပြည်နယ်၊ ရှမ်းပြည်နယ်(တောင်ပိုင်း)နှင့် ချင်းပြည်နယ်တို့တွင် နေရာကျဲကျဲနှင့် ကျန်တိုင်းဒေသကြီးနှင့် ပြည်နယ်တို့တွင် နေရာကွက်ကျား မိုးထစ်ချုန်းရွာမည်ဖြစ်သည်။

မိုးတိမ်တောင်ဖြစ်ပေါ်မှုအခြေအနေ အဖြစ် ဧရာဝတီတိုင်းဒေသကြီး၊ တနင်္သာရီတိုင်းဒေသကြီး၊ ကချင်ပြည်နယ်၊ ရှမ်းပြည်နယ်၊ ကရင်ပြည်နယ်နှင့် မွန်ပြည်နယ်တို့တွင် မိုးတိမ် တောင်များ ဖြစ်ထွန်းလျက်ရှိပြီး အဆိုပါ မိုးတိမ်တောင်များ ရွေ့လျားရာ နေရာတစ်လျှောက်တွင် မိုးရွာသွန်းခြင်းနှင့်အတူ လေပြင်းတိုက်ခတ်ခြင်း၊ မိုးထစ်ချုန်းခြင်း၊ မိုးကြိုး ပစ်ခြင်း၊ လျှပ်စီးလက်ခြင်းနှင့် မိုးသီးကြွေခြင်းစသည့် မိုးလေဝသဖြစ်စဉ်များ ဖြစ်ပေါ်နိုင်ပါသဖြင့် ကြိုတင်သတိပြုနိုင်ပါရန် အကြံပြုထားသည်။

မေလ(၂၁)ရက်(၂၂)ရက်တို့တွင် ဘင်္ဂလားပင်လယ် အော်၌ လေဖိအားနည်းရပ်ဝန်းစတင်ပေါ်လာပြီး  မေလ(၂၅)ရက်မှာ အိန္ဒိယကမ်းရိုးတန်းနှင့် မြန်မာမြစ်ဝကျွန်းပေါ်ဒေသသို့ဦးတည်နေသည်ဟု မြန်မာနှင့်နိုင်ငံတကာ မိုးဇလတိုင်းတာရေးစက်များ၏တိုင်းတာချက်များအရသိရပြီး ယခုအခါ မေလ(၁၉)ရက်တိုင်းတာချက်အရအိန္ဒိယကမ်းရိုး တန်းနှင့် ဘင်္ဂလားဒေ့ရှ်ကမ်းရိုးတန်းဘက်သို့ ဦးတည်ချက်ပြောင်းသွားကြောင်း  မိုးလေဝသနှင့် ဇလဗေဒညွှန်ကြားမှုဦးစီးဌာန၏ထုတ်ပြန် ဖော်ပြချက်များအရ သိရသည်။
Yangon_Times/tthl
#Local_News
#Published_ 20 May 2024
#Yangon_Times #YMG_News #Yangon_Media_Group