Published 15 June 2022

တောင်ကိုးရီးယားရဲ့ ကမ္ဘာကျော် K-pop အဖွဲ့ဖြစ်တဲ့ BTS က တစ်ဦးချင်းစီရဲ့ ပရောဂျက်တွေကို အာရုံစိုက်လုပ်ကိုင်တော့မှာမို့ အဖွဲ့လိုက်ဖျော်ဖြေပွဲတွေကို ရပ်နားထားမယ်လို့ အဖွဲ့အဆိုတော်တွေက အင်္ဂါနေ့က ပြောပါတယ်။

အဖွဲ့တည်ထောင်ခြင်းအထိမ်းအမှတ် FESTA နှစ်ပတ်လည် ညစာစားပွဲမှာ အဖွဲ့သားတစ်ဦးဖြစ်တဲ့ RM က သူ့အနေနှင့် BTS အတွက် ပုံမှန်အသံသွင်းရတာ ဖျော်ဖြေတင်ဆက်တာတွေမပါဘဲနှင့် တစ်ဦးတည်းသီဆိုမှုတွေလုပ်ဆောင်ဖို့ လိုအပ်လာပြီလို့ ခံစားလာရတယ်လို့ ပြောခဲ့ပါတယ်။

“ ကေပေါ့နှင့် idol စနစ်ကြီးတစ်ခုလုံးရဲ့  ပြဿနာက ခင်ဗျားတို့ကို ရင့်ကျက်လာအောင် အချိန်မပေးနိုင်ဘူး။ သီချင်းတွေ ဆက်ထုတ်လုပ်၊တစ်ခုခုအမြဲတမ်းလုပ်ခိုင်းနေတော့တာပဲ” လို့ RM ကပြောပါတယ်။ သူက အခြားအဖွဲ့သားခြောက်ဦးနှင့်အတူ စားပွဲတစ်ခုထဲထိုင်နေပြီး ကိုရီးယားလိုပြောတာဖြစ်ပါတယ်။

အဲဒီလိုရပ်နားတာကို အဖွဲ့သားတစ်ဦးက ကြားပြတ်သွားတဲ့သဘော ပြောတယ်လို့ အင်္ဂလိပ်ဘာသာသို့ပြန်ဆိုမှုအရ နားလည် ရပါတယ်။ ဒီစကားလုံးနှင့်ပတ်သက်ပြီး  အငြင်းပွားခဲ့ကြတာကို သတင်းထုတ်ပြန်ချက်အရသိရပါတယ်။

“ ရှင်းလင်းအောင်ပြောရရင် ဒါဟာ ကြားအဆက်ပြတ်တဲ့သဘောမဟုတ်ပါဘူး။ ဒါပေမယ့် တစ်ကိုယ်တော်အစီအစဉ်အချို့ လုပ်စရာရှိလို့ အချိန်ယူကြမယ် ပြီးတော့ မတူတဲ့ ပုံစံအမျိုးမျိုးနှင့် ဆက်လှုပ်ရှားနေကြဦးမှာပါ” လို့ သတင်းထုတ်ပြန်ချက်က ဆိုပါတယ်။

BTS ဟာ ၂၀၁၃ခုနှစ်မှာ ပွဲဦးထွက်ဖျော်ဖြေခဲ့ပြီးနာက် တစ်ကမ္ဘာလုံးရဲ့ နှစ်ချိုက်အားပေးမှုကိုရရှိခဲ့ကြပါတယ်။ သောကြာနေ့က သူတို့ဟာ "Proof” ဆိုတဲ့ အယ်ဘမ်အသစ်ထွက်ခဲ့ပါသေးတယ်။

မနှစ်က သူတို့ဟာ အမေရိကန်တေးဂီတဆုပေးပွဲမှာ အာရှဂီတအဖွဲ့အနေနှင့် ပထမဆုံးဆုရခဲ့ပါတယ်။ ပြီးတော့ မေလကလည်း သူတို့ဟာ အမေရိကန်သမ္မတ ဂျိုးဘိုင်ဒင်နှင့် တွေ့ခဲ့ပြီး အာရှသားတွေကို ပစ်မှတ်ထားနေတဲ့ အမုန်းတရားမှုခင်းတွေကိစ္စဆွေးနွေးခဲ့ကြပါတယ်။

Source Reuters

#LocalNews
Published - 15 June 2022

မကွေးတိုင်းဒေသကြီး၊ ပခုက္ကူမြို့နယ်၊ တန့်ကြည်တောင်မှာတည်ထားတဲ့ တန့်ကြည်တောင်စေတီတော်ကို ဘုရားဖူးလာတဲ့ကား ပစ်ခတ်ခံရတဲ့ဖြစ်စဉ်ကြောင့် ပြည်တွင်းခရီးသွားလာမှုဟာ ကျဆင်းသွားနိုင်တယ်လို့ မြန်မာနိုင်ငံခရီးသွားလုပ်ငန်းရှင်များအသင်းကနေ သိရပါတယ်။

#Yangon_Media_Group

#LocalNews
Published - 15 June 2022

ဂျပန်နိုင်ငံရှိ မိတ်ဖက်ကုမ္ပဏီများနှင့် သီလဝါအကွက်-၂၈ တွင်ဆောင်ရွက်ရန်ရှိသည့် LNG to Power စီမံကိန်း၊ စင်္ကာပူနှင့် တရုတ်နိုင်ငံတိုမှ မိတ်ဖက်အဖွဲ့အစည်းများနဲ့ ဆောင်ရွက်နေသည့် လှည်းကူးစီမံကိန်းတို့အပြင် အခြားစီမံကိန်းများကို လက်ရှိအခြေအနေများကြောင့် လက်တလောတွင် ခေတ္တရပ်ဆိုင်းထားရကြောင်း မြန်မာနိုင်ငံလယ်ယာစီးပွားရေး အများပိုင်ကုမ္ပဏီလီမိတက်(MAPCO)၏ ၂၀၂၁-၂၀၂၂ နှစ်ပတ်လည်အစီရင်ခံစာတွင် ဖော်ပြထားသည်။

MAPCO အနေဖြင့် ဆောင်ရွက်ဆဲလုပ်ငန်းများကို တက်နိုင်သမျှ ကြိုးပမ်းဆောင်ရွက်လျက်ရှိပြီး ပိုကုန်မြှင့်တင်ရေး၊ သွင်းကုန်အစားထိုးရေးမူဝါဒများနှင့် လိုက်လျောညီထွေသော အလားအလာရှိသည့် လုပ်ငန်းများကို ရွေးချယ်လုပ်ကိုင်ရန် ဦးစားပေးဆောင်ရွက်နေကြောင်း သိရသည်။

၂၀၂၀ နှစ်ဆန်းပိုင်းတွင် စတင်ခဲ့သည့် ကိုဗစ်ကပ်ရောဂါကြောင့် စီးပွားရေးနှေးကွေးကျဆင်းမှုအခြေအနေများ၊ ၂၀၂၁ ခုနှစ်တွင် ဖြစ်ပေါ်ခဲ့သည့် နိုင်ငံရေးမတည်ငြိမ်မှုများ၊ စီးပွားရေး လူမှုရေးဆိုင်ရာ အခက်အခဲများအကြားမှာ MAPCO ကို ရှင်သန်ရပ်တည်နိုင်အောင် ဆောင်ရွက်ခဲ့ရကြောင်း အစီရင်ခံစာအရ သိရသည်။

ယင်းအပြင် ဆန်နှင့် လယ်ယာထွက်ကုန်တွေကို ထုတ်ပိုးသည့် အိတ်ခွံထုတ်စက်ရုံ တည်ဆောက်ရန် စီစဉ်နေကြောင်း၊ အဆိုပါစက်ရုံကို ရန်ကုန်တိုင်းဒေသကြီး၊ တွံတေးမြို့နယ်ရှိ MAPCO ပိုင်ဆိုင်သည့် မြေနေရာပေါ်တွင် တည်ဆောက်သွားမည်ဖြစ်ပြီး စက်ရုံကို အိန္ဒိယနိုင်ငံမှ မိတ်ဖတ်ရင်းနှီးမြှုပ်နှံသူနှင့် ပူးပေါင်းဆောင်ရွက်သွားမည်ဖြစ်ကြောင်း ဒါရိုက်တာအဖွဲ့၏ အစီရင်ခံတင်ပြစာတွင် ပါရှိသည်။

ymg/sth
#Yangon_Media_Group

#LocalNews
Published_15 June 2022

ရန်ကုန်မှာရှိတဲ့ စက်မှုဇုန်တွေမှာ ည ၁၁ နာရီကနေ မနက် ၄ နာရီထိ လျှပ်စစ်မီးပေးနေတယ်လို့ ရန်ကုန်လျှပ်စစ်ဓာတ်အားပေးရေး ကော်ပိုရေးရှင်း (YESC) က သိရပါတယ်။

#Yangon_Media_Group

#LocalNews
Published - 15 june 2022

ပျူ၊ ပါဠိ၊ သက္ကတဘာသာများဖြင့် ရေးထိုးထားသည့် ရှေးဟောင်းကျောက်စာများကို ဘာသာပြန်ဖတ်နိုင်အောင် သင်တန်းပေးနေကြောင်း ရှေးဟောင်းသုတေသနနှင့် အမျိုးသားပြတိုက်ဦးစီးဌာန၊ ရန်ကုန်ဌာနခွဲမှသိရသည်၊၊

ရှေးဟောင်းကမ္ပည်းကျောက်စာပညာရပ်ဆိုင်ရာ အထူးမွမ်းမံသင်တန်း (ပျူစာပေနှင့် ပါဠိ၊သက္ကတ) အဆင့်(၂) Level – II သင်တန်းကိုအဆိုပါဌာနတွင် ဇွန်လ(၁၃)ရက်မှဇူလိုင်လ(၁၅)ရက်အထိ ဖွင့်လှစ်ထားခြင်းဖြစ်သည်၊၊

ပျူခေတ်၊ ပုဂံခေတ်၊ ပင်းယခေတ်၊ အင်းဝခေတ်၊ တောင်ငူခေတ်၊ ညောင်ရမ်းခေတ်၊ကုန်းဘောင်ခေတ် စသည့်ခေတ်အဆက်ဆက်တွင် ပျူ၊ ပါဠိ၊ သက္ကတ၊ မွန်၊ မြန်မာဘာသာတို့ဖြင့်ကမ္ဗည်းတင်ကျောက်စာရေးထိုးလေ့ရှိကြပြီး အခုသင်တန်းတွင်ပျူ၊ ပါဠိ၊ သက္ကတ ဘာသာများဖြင့် ရေးထိုးထားသည့်ရှေးဟောင်းကျောက်စာများကို ဖတ်နိုင်အောင်သင်ကြားသွားမည် ဖြစ်သည်၊၊

အဆိုပါ သင်တန်းတွင် စစ်ကိုင်းပညာရေးတက္ကသိုလ်၊ မြန်မာစာဌာန၊ ပါမောက္ခ(ဌာနမှူး) ဒေါက်တာမောင်မောင်ဆွေ၊ ရန်ကုန်တက္ကသိုလ်မှမြန်မာစာပါမောက္ခ/ဌာနမှူး(ငြိမ်း) ဒေါက်တာညိမ်းညိမ်း၊ ရှေးဟောင်း သုတေသနနှင့် အမျိုးသားပြတိုက်ဦးစီးဌာန၊ ဒုတိယညွှန်ကြား ရေးမှူးချုပ်(ငြိမ်း) ဦးစိန်ဝင်း၊ ပျူကျောက်စာပညာရှင် မစ္စတာမစ်ကီဟတ်တိုက ပျူအက္ခရာ၊ ပျူသဒ္ဒါနှင့် ပျူစာကိုလည်းကောင်း၊ ဒဂုံတက္ကသိုလ် အရှေ့တိုင်းပညာဌာန ပါမောက္ခ/ဌာနမှူး(ငြိမ်း) ဦးအေးမင်းက ပါဠိဘာသာနှင့် သက္ကတ ဘာသာကိုလည်းကောင်း သင်ကြားပိုချသွားမည်ဖြစ် ကြောင်းသိရသည်၊၊

ymg/tthl
#Yangon_Media_Group

#LocalNews
Published - 15 June 2022

လတ်တလောမှာ မိုးရာသီကာလ ပြည်တွင်းခရီးသွားတွေနည်းပါးလာတဲ့အတွက် ပုဂံဒေသရှိခရီးသွားလုပ်ငန်းကို မှီခိုလုပ်ကိုင်နေရတဲ့ လက်မှုနဲ့အစားအသောက်လုပ်ငန်းတွေ ရပ်သလောက်ဖြစ်နေပြီး လာမယ့်ခရီးသွားရာသီမှာ လုပ်ငန်းတွေပြန်လည်လည်ပတ်နိုင်ဖို့ မျှော်မှန်းထားတယ်လို့ ပုဂံဒေသခံတွေထံမှ သိရပါတယ်၊၊

#Yangon_Media_Group

#DailyNews
Published - 15 June 2022

၁။ ခရီးသွားပါးနေ၍ ပုဂံဒေသရှိ ခရီးသွားကိုမှီခိုနေရသည့်လုပ်ငန်းအချို့ရပ်သလောက်ဖြစ်၊ လာမည့်ခရီးသွားရာသီတွင် လည်ပတ်နိုင်ရန်မျှော်မှန်း

၂။ တန့်ကြည်တောင်ဖြစ်စဉ်ကြောင့် ပြည်တွင်းခရီးသွားလာမှုကျဆင်းသွားနိုင်သည်ဟု UMTA ဥက္ကဌပြော

၃။ နေ့စဉ်မိုးလေဝသသတင်း။

၄။ မက္ကဆီကိုတွင် ကြောင်ကြီးမျိုးနွယ်များအား ထိန်းသိမ်းမွေးစားမှုများရှိလာ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Local_News
Published_ 15 June 2022

ဘင်္ဂလားဒေ့ရှ်နိုင်ငံသို့ ရောက်ရှိနေသည့် နေရပ်စွန့်ခွာသူများ ပြန်လည်လက်ခံရေးဆိုင်ရာ မြန်မာ-ဘင်္ဂလားဒေ့ရှ် ပူးတွဲလုပ်ငန်းအဖွဲ့၏ ပဉ္စမအကြိမ်အစည်းအဝေးကို ဇွန် ၁၄ ရက်တွင် နိုင်ငံခြားရေးဝန်ကြီးဌာန၌ ဗီဒီယိုကွန်ဖရင့်ဖြင့် ကျင်းပခဲ့ကြောင်း သိရပါတယ်။

အဆိုပါ အစည်းအဝေးကို နှစ်နိုင်ငံပူးတွဲလုပ်ငန်းအဖွဲ့ အဖွဲ့ဝင်များ တက်ရောက်ခဲ့ကြပြီး နိုင်ငံခြားရေးဝန်ကြီးဌာန၊ အမြဲတမ်းအတွင်းဝန် ဦးချမ်းအေးနှင့် ဘင်္ဂလားဒေ့ရှ် နိုင်ငံခြားရေး ဝန်ကြီးဌာန၊ နိုင်ငံခြားရေးအတွင်းဝန် မစ္စတာ မာစွတ်ဘင်မိုမမ် (Mr. Masud Bin Momen) တို့က ပူးတွဲသဘာပတိအဖြစ် ဆောင်ရွက်ခဲ့ကြပါတယ်။

အစည်းအဝေးတွင် နေရပ်စွန့်ခွာသူများအား လူဝင်မှုကြီးကြပ်ရေးဆိုင်ရာ စိစစ်ဆောင်ရွက်နေမှု အခြေအနေနှင့် ကြုံတွေ့ရသည့် အခက်အခဲများဖြေရှင်းနိုင်ရေး၊ စိစစ်ပြီး နေရပ်စွန့်ခွာသူများအား ပြန်လည်လက်ခံရေးလုပ်ငန်း စတင်နိုင်ရန်အတွက် အစီအမံများ ပြင်ဆင်ဆောင်ရွက်နေမှုလုပ်ငန်းများအကြောင်း ဆွေးနွေးခဲ့ကြပါတယ်။

ပြန်လည်ဝင်ရောက်လာသူများအား ပြန်လည်နေရာချထားရေး အစီအမံများ၊ ပြန်လည်ဝင်ရောက်လာမည့်သူများ မိမိဆန္ဒအလျောက် နေရပ်ပြန်စေရေးအတွက် ယုံကြည်မှုတည်ဆောက်ရေးလုပ်ငန်းများ စသည့်ကိစ္စရပ်တို့ကို နှစ်ဖက်ပွင့်လင်းစွာ အမြင်ချင်းဖလှယ်ဆွေးနွေးခဲ့ကြပါတယ်။

မြန်မာကိုယ်စားလှယ်အဖွဲ့က ရခိုင်ပြည်နယ်၌ လုံခြုံရေးနှင့်တရားဥပဒေ စိုးမိုးရေးတို့အတွက် ဆောင်ရွက်ထားရှိမှု အခြေအနေများ၊ ပြန်လည်လက်ခံရေးစခန်းများ၊ ကြားစခန်းနှင့် နေရာချထားပေးမည့် ကျေးရွာများရှိ နေအိမ်များကို ပြန်လည်မွမ်းမံ ပြင်ဆင်နေမှု အခြေအနေများဆွေးနွေးခဲ့ကြပါတယ်။

ဝင်ရောက်လာမည့်သူများအတွက် အသက်မွေးဝမ်းကြောင်း၊ ကျန်းမာရေးနှင့် ပညာရေးဝန်ဆောင်မှုပေးအပ်နိုင်ရန်အတွက် ပြင်ဆင်ဆောင်ရွက်ထားရှိမှု၊ ကောင်းမွန်သည့် ပတ်ဝန်းကျင် ဖန်တီးပေးရေးနှင့် ပြန်လည်နေရာချထားရေး လုပ်ငန်းစဉ်တွင် မိတ်ဖက်နိုင်ငံများ၊ အာဆီယံနှင့် ကုလသမဂ္ဂ လက်အောက်ခံအဖွဲအစည်းများနှင့် ပူးပေါင်းဆောင်ရွက်လျက်ရှိတဲ့ ကိစ္စရပ်များကို ရှင်းလင်းဆွေးနွေးခဲ့ကြောင်း သတင်းရရှိ ပါတယ်။

ymg-mnn
#Yangon_Media_Group

#LocalNews
Published _15 June 2022

နွားနို့ဝယ်လိုအားများနေသည့် ရန်ကုန်မြို့တွင် နွားနို့စျေးကွက်ပိုမိုကောင်းလာစေရန်နှင့် နို့ထွက် ပစ္စည်းအရည်အသွေးမြှင့်တင်နိုင်ရန် နိုင်ငံခြားမျိုးစပ်ထားသည့် နို့စားနွားများကို မွေးမြူသင့်ကြောင်း ရန်ကုန်တိုင်းဒေသကြီး မွေးမြူရေးနှင့်ကုသရေးဦးစီးဌာနမှ သိရသည်။

ရန်ကုန်မြို့တွင်းရှိ အင်းစိန်မြို့နယ်နှင့် တာမွေမြို့နယ်တို့တွင် နို့ထွက်ပစ္စည်းများကို အဓိကထားဖြန့်ဖြူးရောင်းချသူများသည် နယူးဇီလန်မှ friesian နွားမျိုးနှင့် Jersey မျိုးစပ်ထားသည့် Kiwi နွားမျိုးနှင့်အတူ နွားနို့ထုတ်လုပ်မှုစွမ်းဆောင်ရည်များအပြင် နို့ပေါင်းစပ်မှုအရည်အသွေးများပါ မြှင့်တင်ထားကြောင်း သိရသည်။

"နို့ထွက်ပစ္စည်းတွေကို အရည်အသွေးထက် အရေအတွက်ကို ဦးစားပေးမယ်ဆိုရင် နွားနို့အရည်အသွေးက ကျဆင်းလာမှာပါ။ ပြည်ပနိုင်ငံတော်တော်များများကတော့ နို့ထွက်ပစ္စည်း မွေးမြူရေးမှာ နို့အရည်အသွေးကို ထိန်းသိမ်းပြီး ထုတ်လုပ်နေတာတွေ့ရပါတယ်။ နို့စားနွားမွေးမြူရေးမှာ အစာကျွေးတဲ့ ပစ္စည်းတွေကတူကြပေမယ့် သားဖောက်တဲ့နေရာမှာ အမျိုးအစားကွာခြားချက်ရှိပါတယ်။ နွားနို့ရဲ့ အရည်အသွေးကောင်းခြင်း၊ မကောင်းခြင်းတွေဟာ သားဖောက်တဲ့ အမျိုးအစားနဲ့သက်ဆိုင်နေပါတယ်။ ဒါကြောင့် သားဖောက်စနစ်ကို စနစ်တကျကျင့်သုံးပြီး နို့ထုတ်ကုန်တွေကို အရည်အသွေးမြှင့်တင်ဖို့ကြိုးပမ်းနေပါတယ်" ဟု ရန်ကုန်တိုင်းဒေသကြီး မွေးမြူရေးနှင့် ကုသရေးဦးစီးဌာန ဒုတိယညွှန်ကြားရေးမှုး ဦးမင်းညွှန့်ဦးမှ ပြောသည်။

ရန်ကုန်တိုင်းဒေသကြီးတွင် နို့စားနွားပေါင်း ၁၆၀၀၀ခန့်ရှိပြီး ယင်းနို့စားနွားတစ်ကောင်ရဲ့ ပျမ်းမျှနို့တိုက်ချိန်ဟာ ရက် (၃၀၀)ရှိကာ တစ်ရက်လျှင် နွားနို့ ငါးပိသာမှ ခြောက်ပိသာအထိ ထွက်ရှိကြောင်း ဌာန၏ ခန့်မှန်းချက် များအရသိရသည်။

နွားနို့စျေးကွက်တည်ငြိမ်မှုသည် အစာကျွေးစရိတ်နှင့် တိုက်ရိုက်အချိုးကျနေပြီး ယင်းဝန်ကြီးဌာနမှ နို့စားနွားမွေးမြူရေးတောင်သူများအတွက် စားကျက်(မြက်နှင့်ပြောင်းဖူး)၊ ထုတ်လုပ်ပြီးသား ကောက်ညှင်းစားကျက်များကို တောင်သူများထံတိုက်ရိုက်ဖြန့်ဝေနိုင်ရေးအား ကြိုးပမ်းနေကြောင်းလည်း သိရသည်။

ymg/NN
#Yangon_Media_Group

#LocalNews
Published - 15 June 2022

နယ်စပ်ဂိတ်များမှ ဝင်ရောက်လာမည့် ခရီးသွားများအနေဖြင့် RTD ဖြင့် ကိုဗစ်စစ်ဆေးမှုခံယူရမည်ဖြစ်ကြောင်း ကျန်းမာရေးဝန်ကြီးဌာနမှ ထုတ်ပြန်ထားသည်။

ကျန်းမာရေးဝန်ကြီးဌာနမှ အသိအမှတ်ပြုထားသည့် ကိုဗစ်-၁၉ ကာကွယ်ဆေးများအနက် တမျိုးမျိုးကို မြန်မာနိုင်ငံသို့ဆိုက်ရောက်သည့် နေ့ရက်မတိုင်မီ လွန်ခဲ့သော ၁၄ ရက်ကျော်တွင် အကြိမ်ပြည့်ထိုးနှံပြီးကြောင်း သက်သေခံလက်မှတ်ပါရှိရမည်ဖြစ်ကြောင်း ကျန်းမာရေးဝန်ကြီးဌာနမှ ထုတ်ပြန်ထားသည်။

ကိုဗစ်-၁၉ RDT ဓာတ်ခွဲအဖြေတွင် ရောဂါပိုးမတွေ့ရှိပါက ကိုဗစ်-၁၉ ကာကွယ်ဆေးအကြိမ်ပြည့် ထိုးနှံထားသည့် ခရီးသွားများအနေဖြင့် မိမိတို့ခရီးစဥ်အတိုင်း ဆက်လက်ဆောင်ရွက်နိုင်ကြောင်း၊ ယင်းအပြင် ကိုဗစ်ကာကွယ်ဆေးအကြိမ်ပြည့် မထိုးနှံထားသည့်သူများနှင့် ကာကွယ်ဆေးထိုးလက်မှတ်အထောက်အထားမတင်ပြနိုင်သူများအနေဖြင့် အသွားအလာကန့်သတ်ခြင်းဆောင်ရွက်မည်ဖြစ်ပြီး RT-PCR ဖြင့် ကိုဗစ်-၁၉ စစ်ဆေးခြင်းအား သုံးရက်မြောက်နေ့တွင် ဆောင်ရွက်၍ ပိုးမတွေ့ပါက မိမိတို့လာရောက်သည့် ကိစ္စများဆက်လက်ဆောင်ရွက်နိုင်ကြောင်း ဖော်ပြထားသည်။

ယင်းအပြင် နိုင်ငံခြားသားခရီးသည်များအနေဖြင့် ကိုဗစ်ရောဂါစစ်ဆေးရာတွင် ဓာတ်ခွဲစစ်ဆေးမှုကုန်ကျစရိတ်များကို ခရီးသည်မှ ကျခံရမည်ဖြစ်ကြောင်း၊ သံတမန်များ၊ ကုလသမဂ္ဂအဖွဲ့အစည်းများတွင် တာဝန်ထမ်းဆောင်နေသည့် နိုင်ငံတကာဝန်ထမ်းများနှင့် မိသားစုဝင်များအား Home Quarantine ခွင့်ပြုဆောင်ရွက်သွားမည်ဖြစ်ကြောင်း သိရသည်။

ကိုဗစ်-၁၉ စစ်ဆေးရာတွင် ရောဂါပိုးမတွေ့ရှိရသော်လည်း မြန်မာနိုင်ငံတွင် နေထိုင်စဥ်အတွင်း ရောဂါလက္ခဏာများ ပေါ်ပေါက်လာပါက ခရီးသွားများအနေဖြင့် မိမိတို့ရောက်ရှိရာဒေသရှိ ကျန်းမာရေးဌာနသို့ သတင်းပေးပို့ရမည်ဖြစ်ကြောင်း သိရသည်။

ymg/sth
#Yangon_Media_Group

#Ukraine_Crisis
Published 15 June 2022

ယူကရိန်းအရှေ့ပိုင်းကို ထိန်းချုပ်နိုင်ဖို့ ရုရှားတို့က အရှိန်အဟုန်ဖြင့် တိုက်ခိုက်နေရာခဲ့ရာ တိုက်ပွဲဖြစ်ပွားနေတဲ့ ဆီဗီရိုဒိုနက်မြို့မှ ဓာတုစက်ရုံတစ်ခုမှာ ပုန်းခိုနေတဲ့ယူကရိန်းတပ်သားတွေကိုလက်နက်ချရန် ဗုဒ္ဓဟူးနေ့အစောပိုင်းက အသိပေးလိုက်ပါတယ်။

အရှေ့ဘက်ဒွန်ဘတ်စ်ဒေသမှာ ရုရှားတို့က အင်တိုက်အားတိုက် ပစ်ခတ်တိုက်ခိုက်ခဲ့ပြီးနောက် ယူကရိန်းက အနောက်နိုင်ငံများထံမှ လက်နက်ကြီးများထောက်ပံ့ပေးဖို့ တောင်းဆိုထားပြီး ဒီကိစ္စက ဗုဒ္ဓဟူးနေ့ ဘရူဆဲလ်မှာပြုလုပ်မယ့် နေတိုး(NATO)ကာကွယ်ရေးဝန်ကြီးများအစည်းအဝေးပွဲမှာ အရေးကြီးခေါင်းစဉ်တစ်ခု ဖြစ်လာနိုင်ပါတယ်။

ရုရှားဗုံးကျဲတိုက်ခိုက်မှုတွေကြား ယူကရိန်းတပ်ဖွဲ့တွေ ခုခံနေခဲ့တဲ့ ဓာတုစက်ရုံ Azot ထဲမှာ အရပ်သား ၅၀၀ ကျော်ပိတ်မိနေပြီး တိုက်ခိုက်မှုများကြောင့် ဆီဗီရိုဒိုနက်စ်မြို့နေရာအတော်များများလည်း ပျက်စီးကြေမွကုန်ကြောင်း ယူကရိန်းဘက်က ပြောကြားလိုက်ပါတယ်။

ယူကရိန်းတပ်ဖွဲ့တွေအနေနဲ့ အဓိပ္ပာယ်မဲ့ ခုခံနေခြင်းကိုရပ်တန့်ပြီး မော်စကိုစံတော်ချိန်နံနက် ၈ နာရီမှာ လက်နက်ချသင့်တယ်လို့ ရုရှားနိုင်ငံတော်ကာကွယ်ရေးစီမံခန့်ခွဲမှုဗဟိုဌာနမှအကြီးအကဲ'မီခေးလ်မီဇင့်ဆက်ဗ်'က အင်တာဖက်စ်နယူးစ်အေဂျင်စီကို ပြောပြခဲ့ပါတယ်။

လူသားချင်း စာနာထောက်ထားမှုအရ အရပ်သားတွေကိုထွက်ခွာခွင့်ပေးမယ်လို့ အသိပေးခဲ့ပါတယ်။

မာရီယူပိုလ်မြို့ကသံမဏိမှာလည်း ယူကရိန်းတိုက်ခိုက်ရေးသမားတွေနဲ့ အရပ်သားတွေပုန်းခိုနေခဲ့ရပြီး မေလလယ်လောက်က အညံ့ခံခဲ့ကာ ရုရှားတိုကထိန်းသိမ်းခေါ်ဆောင်သွားခဲ့ပါတယ်။

ဗုံးကျဲတိုက်ခိုက်မှုတွေက ပြင်းထန်လွန်းလို့ ပုန်းနေတဲ့သူတွေတောင်မခံနိုင်တော့ဘူးလို့ လူဟန့်စ်ဒေသဆိုင်ရာ အုပ်ချုပ်ရေးမှူး'ဆာဟေဂေဒိုင်'က ပြောပြပါတယ်။

စစ်ပွဲပဋိပက္ခဖြစ်ရာကနေ ချေမှုန်းရေးအသွင်ဖြင့်လာပြီး စစ်ပွဲမတိုင်ခင်က လူဦးရေ ၁ သိန်းကျော်သာရှိတဲ့ ဆီဗီရိုဒိုနက်စ်မြို့ဟာ တိုက်ပွဲအပြင်းထန်ဆုံး နေရာဖြစ်လာပါတယ်။

မြို့ကိုဆက်သွယ်ထားတဲ့ နောက်ဆုံးတံတားကို ရုရှားတပ်များ ဖျက်ဆီးပစ်ပြီးနောက် ယူကရိန်းဘက်က အရပ်သားတွေကို ကယ်ထုတ်ဖို့ ကြိုးစားနေဆဲဖြစ်ပါတယ်။

ပြီးခဲ့တဲ့ရက်သတ္တပတ်များအတွင်း အပြန်အလှန်အသာရနေခဲ့ကြပြီး ယူကရိန်းအရာရှိတွေဘက်က နောက်ဆုတ်မယ့်အရိပ်အယောင်အနည်းငယ်ပြသခဲ့ပါတယ်။

"ကျွန်တော်တိုကြံ့ကြံ့ခံထားရပါမယ်၊ ရန်သူဘက်က အကျအဆုံးများရင် သူတို့ရှေ့ဆက်ဖို့အင်အားရှိတော့မှာမဟုတ်ပါဘူး" လို့ ယူကရိန်းသမ္မတ'ဇယ်လန်စကီ'က မိန့်ခွန်းပြောကြားခဲ့ပါတယ်။

Source: Reuters
#Yangon_Media_Group

#LocalNews
Published_15 June 2022

တရုတ်နှင့် အိန္ဒိယအခြေစိုက် ကုမ္ပဏီ ၅ ခုမှ ဧရာဝတီတိုင်းဒေသကြီး မြောင်းမြမြို့နယ်တွင် ဖွဲနုဆီစက်ရုံစီမံကိန်းတည်ဆောက်ရန် အဆိုပြုလွှာတောင်းခံထားကြောင်း မြန်မာနိုင်ငံလယ်ယာစီးပွားရေး အများပိုင်ကုမ္ပဏီလီမိတက် (MAPCO) က သိရသည်။

ခန့်မှန်း မြန်မာငွေ ကျပ် ၆ ဒသမ ၅ ဘီလီယံခန့် ရင်းနှီးမြှုပ်နှံမည့် အဆိုပါ စက်ရုံစီမံကိန်းအတွက် အိန္ဒိယမှ အတွေ့အကြုံရှိ ကုမ္ပဏီ ၃ ခု၊ တရုတ်ပြည်သူ့သမ္မတနိုင်ငံမှ ကုမ္ပဏီ ၂ ခုတို့အနေဖြင့် ဈေးနှုန်းအဆိုပြုပေးထားသည်ကို လက်ခံရရှိထားကြောင်း၊ ယခုအခါ စီမံကိန်းအတွင်းတပ်ဆင်မယ့် စက်ဒီဇိုင်းကို သက်ဆိုင်ရာကုမ္ပဏီများနှင့် ညှိနှိုင်းနေကြောင်း ၂၀၂၁-၂၀၂၂ နှစ်ပတ်လည်အစီရင်ခံစာကို ကိုးကား၍ MAPCO ၏ တာဝန်ရှိသူကပြောသည်။

အဆိုပါ ဖွဲနုဆီစက်ရုံကို ဧရာဝတီတိုင်းဒေသကြီး၊ မြောင်းမြမြို့နယ်ရှိ တစ်နေ့လျှင် တန် ၂၀၀ ထွက်ရှိသော မြောင်းမြစက်ရုံ (ယခင်ဂုန်နီစက်ရုံ)မှ ဖွဲနုမှ ဖွဲနုဆီကြမ်းထုတ်လုပ်သည့် စက်ရုံကို တိုးချဲ့တည်ဆောက်ရန် MAPCO အနေဖြင့် ၂၀၁၈ ခုနှစ်ကတည်းက စတင် စီစဉ်ခဲ့ခြင်းဖြစ်ကြောင်း သိရသည်။

ယင်းကို စိုက်ပျိုးရေးဦးစီးဌာနထံမှ နှစ်ရှည်ငှားရမ်းထားခြင်းဖြစ်ကြောင်းနှင့် စီမံကိန်းအကျယ်အဝန်းမှာ ၁၀ ဧကခန့်ရှိကာ စက်ရုံဝင်းအတွင်းရှိ သိုလှောင်ရုံ ၆ လုံးကိုလည်း ပြန်လည်ပြုပြင် အသုံးပြုသွားမည်ဖြစ်ကြောင်း၊ စီမံကိန်းမှ ထွက်သည့် ဆီကြမ်း (Crude Rice Bran Oil) များကို ဂျပန်၊ အိန္ဒိယ၊ ထိုင်း စသည့်ပြည်ပနိုင်ငံများသို့ တင်ပို့ရောင်းချမှာဖြစ်ပြီး ဆီထုတ်ပြီး ဖွဲနုများကို ပြည်တွင်းရှိ တိရစ္ဆာန်အစာစပ်လုပ်ငန်း၊ မွေးမြူရေးလုပ်ငန်းများသို့ ရောင်းချပေးမည် ဖြစ်ကြောင်းလည်း သိရသည်။

photo-MAPCO
ymg/mt
#Yangon_Media_Group