Published 3 July 2022

အိန္ဒိယနိုင်ငံရဲ့ ရိုးရာရထားဆွဲပွဲတစ်ခုဖြစ်တဲ့ မာဟက်ရှ်၏ ရသာယာထရာပွဲဟာ အိန္ဒိယနိုင်ငံ ဆာရမ်ပူလမ်းများပေါ် ပြန်လည်ရောက်ရှိလို့လာခဲ့ပါပြီ။ ကိုဗစ်-၁၉ လော့ခ်ဒေါင်းကြောင့် (၂)နှစ်ကြာ ရပ်ဆိုင်းခဲ့ရပြီးမှ ယခုနှစ်မှာ ပြန်လည် ဆင်နွှဲကြတာဖြစ်ပါတယ်။ အဲဒီရိုးရာ ရထားဆွဲပွဲတော်ကို ၁၃၉၆ခုနှစ်ကတည်းက ကျင်းပလာကြတာဖြစ်ပြီး ရာစနှစ်ပေါင်းများစွာ ရှည်ကြာတည်ရှိနေတဲ့ ရိုးရာယဉ်ကျေးမှုပွဲတစ်ခုပါ။

အနောက်ဘင်္ဂလားပြည်နယ်က ကိုလ်ကာတားမြို့ကနေ ၂၀ ကီလိုမီတာ ဝေးကွာတဲ့နေရာမှာ ယုံကြည်ကိုးကွယ်ကြသူ တစ်သိန်းကျော်ဟာ  ပွဲတော်မှာ ဆင်နွှဲနေကြတာကို တွေ့ကြရပါတယ်။ သူတို့ဟာ ရထားရဲ့ကြိုးကိုဆွဲရဖို့အရေး အလုအယက်ကြိုးစားကြရပါတယ်။ အဲဒီရထားဟာ အရှင် ဂျာဂန်နတ်၊ဘာလာရာမနှင့်ဆူဘာဒရာတို့ရဲ့ နတ်ရထားဖြစ်ပြီး ဒီလိုကြိုးဆွဲခွင့်ရရင် ကံကောင်းတယ်၊ထူးမြတ်တယ်လို့ယူဆထားကြပါတယ်။

ကျွန်မ ဒီကိုနှစ်တိုင်းလာတယ်။ ဂျာဂန်နတ်က ကျွန်မရဲ့ သားအရင်းလိုပဲ။ အရှင့်ကို တစ်ကြိမ်ကိုးကွယ်လိုက်ရုံနှင့် ကောင်းချီးတွေရနိုင်ပါတယ်။ သူ့ကို အမြဲတမ်း အော်ခေါ်နေစရာမလိုပါဘူး။သူ့ရဲ့ ကောင်းချီးတွေဟာ အကြီးအကျယ်ပဲ ။သူက ကျွန်မတို့ကိုမေတ္တာထားပါတယ်လို့ ဘင်္ဂလားကလာတဲ့ အသက်၅၅နှစ်အရွယ် ခရစ်ရှနားဒေစီကပြောပါတယ်။

“ဒီပွဲမလုပ်ဖြစ်တာ (၂)နှစ်ရှိပြီ။ဒါပေမယ့် အခုကျွန်မအလွန်ဝမ်းသာတယ်။အရှင့်အပေါ် ကျွန်မရဲ့ မေတ္တတရားကို ဖော်ပြနိုင်တဲ့စကားလုံးတောင်မရှိတော့ပါဘူး”လို့ သူမက ဆက်ပြောပါတယ်။

ရထားဆွဲပွဲတော်သုံးခုရှိတယ်။ ကိုလ်ကာတားမှာ မာယာပူနှင့် အိုက်စ်ကွန်ရှိတယ်။ ဒါပေမယ့် မာဟက်ရှ်က အကောင်းဆုံးပဲ။  ပူရီ ရသာယာထရာပြီးရင် မာဟက်ရှ်က ဒုတိယအကြီးဆုံးရထားဆွဲပွဲပဲ။ (၂)နှစ်ကြာမှလုပ်ရတဲ့ပွဲဆိုတော့ အိန္ဒိယနိုင်ငံအနှံ့ကလူတွေ ဒီကို ထောင်နှင့်ချီပြီးလာကြတယ်။ဒီနေ့တစ်နေ့လုံးနှင့် ပွဲတော်က တစ်လလုံးလုပ်နေမှာဖြစ်တယ်။ လူတွေတော်တော်များများလာကြဦးမယ်။ သိပ်ကြီးတဲ့ပွဲပါ လို့လည်း အသက်၃၆နှစ်အရွယ် ဒီဘာဂျနီ ဘာဒူရီကပြောပါတယ်။

ကျွန်မတို့က မာဟက်ရှ်မှာ နေတော့ ဂုဏ်ယူစရာပါ။ ဒီပွဲဟာ အလွန်ကြီးမားတဲ့ပွဲဆိုတော့ အနှစ်သာရအများကြီးရှိပါတယ်။ (၂)နှစ်ကြာမှပြန်လုပ်တော့ ကျွန်မ အလွန်ပျော်ပါတယ်။ ပွဲက တစ်လလုံးလုံးရှိနေမှာ လို့ အသက် ၃၁နှစ်အရွယ် ဩရိသကချေသည် ဒီဘက်ရှရီ မူခါဂျီ ကပြောပါတယ်။

ကျွန်မဒီမှာ နေတာ ၁၅နှစ်ရှိပြီ။ ကပ်ဘေး(၂)နှစ်ပြီးတဲ့နောက် ကျွန်မ ရထားဆွဲပွဲတော်ကို ကြည့်ချင်လို့ ဒီကိုလာတာပါ။  လွန်ခဲ့တဲ့(၂)နှစ်က ကပ်ဘေးကြောင့် ပွဲမလုပ်ဖြစ်ခဲ့ဘူး။ ဒီနှစ်တော့ ကောင်းကောင်းကို ဆင်နွှဲခွင့်ရပြီ။ ဆာရာပူးရဲ့ ရထားဆွဲပွဲကို လုပ်လာတာ နှစ်ပေါင်း ၆၂၆ နှစ်ရှိပါပြီ။ ပူရီရထားဆွဲပွဲက အကြီးဆုံးလို့သိထားပါတယ်  ဒါပေမယ့် မာဟက်ရှ် ရသာယာထရာက ဒုတိယအကြီးဆုံးပါ လို့ အသက်၃၈နှစ်အရွယ် မာဟက်ရှ်ဒေသခံ  မိုဟာဂို့ရှ်က ပြောပါတယ်။

ယခုပွဲတော်ဟာ အိန္ဒိယနိုင်ငံရဲ့ ဒုတိယမြောက်ရှေးအကျဆုံး ရထားဆွဲပွဲတော်ဖြစ်ပြီး ဘင်္ဂလားပြည်နယ်မှာတော့ ရှေးအကျဆုံးဖြစ်ပါတယ်။

Source: AFP

#Local_News
Published_ 3 July 2022

မြန်မာနိုင်ငံ၊ ပုဂံမြို့တွင် ကျင်းပတဲ့ (၇)ကြိမ်မြောက် မဲခေါင်-လန်ချန်း နိုင်ငံခြားရေးဝန်ကြီးများ အစည်းအဝေးကာလအတွင်း နိုင်ငံခြားရေးဝန်ကြီးဌာနဝန်ကြီး၊ ဦးဝဏ္ဏမောင်လွင်နှင့် တရုတ်ပြည်သူ့သမ္မတနိုင်ငံ၊ နိုင်ငံတော်ကောင်စီဝင်နှင့် နိုင်ငံခြားရေးဝန်ကြီး မစ္စတာဝမ်ယိတို့ဟာ ဒီကနေ့ နံနက် ၁၁ နာရီတွင် ပုဂံမြို့၌ တွေ့ဆုံဆွေးနွေးခဲ့ကြပါတယ်။

နှစ်နိုင်ငံတွေ့ဆုံဆွေးနွေးပွဲ၌ နှစ်နိုင်ငံအကြား ရှိရင်းစွဲ ဆွေမျိုးပေါက်ဖော် ဆက်ဆံရေးကို ပိုမိုမြှင့်တင်သွားရေး၊ မြန်မာ-တရုတ် နှစ်နိုင်ငံအကြား ပူးပေါင်းဆောင်ရွက်လျက်ရှိတဲ့ စီမံကိန်းများကို ဆက်လက်အကောင်အထည်ဖော်သွားရေး၊ တရုတ်နိုင်ငံမှ ဓါတ်မြေဩဇာများ မြန်မာနိုင်ငံသို့ ပိုမိုတင်သွင်းနိုင်ရေး၊ မြန်မာနိုင်ငံမှ လယ်ယာနှင့် ရေထွက်ကုန်များ တရုတ်နိုင်ငံသို ပိုမိုတင်ပို့သွားနိုင်ရေး၊ မြန်မာပညာသင်များ တရုတ်နိုင်ငံသို့ ပြန်လည်ဝင်ရောက်ခွင့်ရရှိရေး ဆွေးနွေးခဲ့ကြပါတယ်။

ထို့ပြင် မြန်မာ-တရုတ် နှစ်နိုင်ငံ နယ်စပ်ဒေသတစ်လျှောက် ငြိမ်းချမ်းရေးနှင့် တည်ငြိမ်ရေးကို ထိန်းသိမ်းရေးနှင့် နှစ်နိုင်ငံနယ်စပ်ဂိတ်များ၌ ကုန်သွယ်မှုချောမွေ့စေရေး ဆက်လက်ပူးပေါင်းဆောင်ရွက်ရန် စသည့်ကိစ္စရပ်များကို ရင်းနှီးစွာ ဆွေးနွေးအမြင်ချင်းဖလှယ်ကြပါတယ်။

ထို့ပြင် ဒေသတွင်းနှင့် နိုင်ငံတကာရေးရာ ကိစ္စရပ်များအထူးသဖြင့် ကုလသမဂ္ဂနှင့် အာဆီယံတွင် နှစ်နိုင်ငံအကြား ပိုမိုနီးကပ်စွာ ပူးပေါင်းဆောင်ရွက်သွားရေးကိုလည်း ဆွေးနွေးကြကြပါတယ်။

နှစ်နိုင်ငံ၊ နိုင်ငံခြားရေးဝန်ကြီးများသည် အာဆီယံ၏ ပြည်တွင်းရေး ဝင်ရောက်စွက်ဖက်မှု မပြုရေးမူဝါဒနှင့် အာဆီယံပဋိညာဉ်၊ အခြေခံမူများကို အခြေခံကာ အာဆီယံတူညီဆန္ဒ (၅) ရပ်ကို အကောင်အထည်ဖော် ဆောင်ရွက်လျက်ရှိသည့် အခြေအနေများအပေါ် ဆွေးနွေးကြပါတယ်။

ယင်းနောက် ဝန်ကြီးက မြန်မာနိုင်ငံ၏ နောက်ဆုံးနိုင်ငံရေး ဖြစ်ပေါ်တိုးတက် မှုများနှင့် နိုင်ငံတော်စီမံအုပ်ချုပ်ရေးကောင်စီ၏ ရှေ့လုပ်ငန်းစဉ် (၅)ရပ် အောင်မြင်စွာ ဖော်ဆောင်နေမှုတိုကို တရုတ်နိုင်ငံ၊ နိုင်ငံတော်ကောင်စီနှင့် နိုင်ငံခြားရေးဝန်ကြီးအား ရှင်းလင်းပြောကြားခဲ့ပါတယ်။

နှစ်နိုင်ငံ ဆွေးနွေးပွဲအပြီးတွင် နိုင်ငံခြားရေးဝန်ကြီးများ၏ ရှေ့မှောက်၌ လန်ချန်း-မဲခေါင် ပူးပေါင်းဆောင်ရွက်မှု အထူးရန်ပုံငွေ ၂၀၂၂ ခုနှစ် စီမံကိန်းရန်ပုံငွေ လွှဲပြောင်းလက်ခံလွှာ၊ စီးပွားရေးနှင့် နည်းပညာ ပူးပေါင်းဆောင်ရွက်ရေး သဘောတူညီချက်၊ တရုတ်နိုင်ငံ၏ အထောက်အပံ့ဖြင့် အမှတ်(၂) စက် မှုသင်တန်းကျောင်း (မန္တလေး) အဆင့်မြှင့်တင်ရေး စီမံကိန်း သဘောတူညီချက်၊ တိရစ္ဆာန်ရောဂါရှာဖွေရေး ဓါတ်ခွဲခန်း အဆင့်မြှင့်တင်ရေး စီမံကိန်းသဘောတူညီချက်၊ တရုတ်နိုင်ငံမှ မြန်မာနိုင်ငံ မြောက်ပိုင်းဒေသသို့ လှူဒါန်းသည့် ယွမ် (၁၀ ဒသမ ၅) သန်းတန်ဖိုးရှိ အရေးပေါ် ကူးစက်ရောဂါကာကွယ်ရေး အထောက်အပံ့များနှင့် မြန်မာနိုင်ငံသို့ လှူဒါန်းသည့် ယွမ် (၃၂) သန်းတန်ဖိုးရှိ အရေးပေါ် ကူးစက်ရောဂါကာကွယ်ရေး အထောက်အပံ့များဆိုင်ရာ လွှဲပြောင်းပေးအပ်/ လက်ခံလွှာ၊ တရုတ်နိုင်ငံမှ မြန်မာနိုင်ငံသို့ အလွယ်တကူ တပ်ဆင်နိုင်သည့် အိမ်အလုံးရေ (၁,၀၀၀) လွှဲပြောင်းပေးအပ်/လက်ခံလွှာတို့ကို မြန်မာဘက် မှ သက်ဆိုင်ရာဝန်ကြီးဌာနများမှ ကိုယ်စားလှယ်များနှင့် တရုတ်ဘက် မှ မြန်မာနိုင်ငံဆိုင်ရာ တရုတ်သံအမတ်ကြီးတို့က လွှဲပြောင်းလက်ခံ လဲလှယ်ခဲ့ကြကြောင်း သတင်းရရှိပါတယ်။

ymg_mnn
#Yangon_Media_Group

TV Yangon Times Matters အစီအစဉ်
Published - 3 July 2022

အစီအစဉ်တင်ဆင်သူ ဆရာဟိန်းလတ်က Orchid (အခမ်းအနားမှူး)နှင့်အတူ

-"ကမ္ဘာကျော်အမျိူးသမီးအစီအစဉ်တင်ဆက်သူ‌တွေရဲ့ ပြောဆိုပုံတွေကို ကြည့်ပြီး အတုယူဖြစ်တယ်ဆိုတဲ့အကြောင်း

-My Read ‌Page မှ အင်္ဂလိပ်စာအုပ်တင်မကဘူး မြန်မာစာအုပ်‌တွေပါ ဖတ်ပြီး အနှစ်ချုပ်ရေးပြီး တင်ဖြစ်တဲ့အကြောင်း

ပထမဆုံးထွက်ရှိလာတဲ့ စာအုပ်ဖြစ်တဲ့အတွက် အိမ်မက်လေးဖြစ်မြောက်လာတာကို တန်ဖိုးထားဝမ်းသာမိပါတယ်ဆိုတဲ့အကြောင်း" စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#Yangon_Media_Group

#LocalNews
Published - 3 July 2022

ထိုင်းနိုင်ငံသို့ နှစ်လအတွင်း MoU စနစ်ဖြင့် မြန်မာအလုပ်သမား ၉၃၂၈ ဦး စေလွှတ်ခဲ့ကြောင်း အလုပ်သမား သံအရာရှိရုံးမှ သိရသည်။

ကိုဗစ် - ၁၉ ကပ်ရောဂါကြောင့် ထိုင်းနိုင်ငံသို့ MoU စနစ်ဖြင့် အလုပ်သမားစေလွှတ်ခြင်းကို ယာယီရပ်နားထားခဲ့ရာမှ နှစ်နိုင်ငံ ညှိနှိုင်းမှုဖြင့် ၂၀၂၂ ခုနှစ် ၊ မေလ ၁၀ ရက်မှစ၍ ပြန်လည်စေလွှတ်ခဲ့ကြောင်း သိရသည်။

ယခုနှစ် မေလနှင့် ဇွန်လအတွင်း မြဝတီ - မဲဆောက် လမ်းကြောင်းမှ ၂၃ ကြိမ် စေလွှတ်ခဲ့ပြီး ပြည်ပအလုပ်အကိုင် အကျိုးဆောင်(ထိုင်း) လိုင်စင်ရအေဂျင်စီ ၂၅ ခုမှ ထိုင်းကုမ္ပဏီ ၇၂ ခုသို့ အလုပ်သမား ကျား ၅၂၅၂ ဦး ၊ မ ၄၀၇၆ ဦး စုစုပေါင်း ၉၃၂၈ ဦး စေလွှတ်ခဲ့ခြင်းဖြစ်ကြောင်း သိရသည်။

ထိုင်းနိုင်ငံသို့ သွားရောက် အလုပ်လုပ်ကိုင်သည့် မြန်မာအလုပ်သမားများကို မြန်မာအလုပ်သမားသံအရာရှိရုံး နှင့် ထိုင်းနိုင်ငံတာဝန်ရှိသူများမှ သက်ဆိုင်ရာလုပ်ငန်းခွင် ရောက်ရှိသည်အထိ စီစဉ်ချိတ်ဆက်ပေးထားကြောင်းလည်း သိရသည်။

ymg/sth
#Yangon_Media_Group

Published 3 July 2022

ဟောင်ကောင်ဟာ နိုင်ငံရပ်ခြားက လာအလုပ်လုပ်သူတွေအတွက် ကမ္ဘာပေါ်မှာ ဈေးအကြီးဆုံးမြို့တစ်မြို့ဖြစ်တယ်လို့ ဘလွန်းဘတ် မာဆာရဲ့ ၂၀၂၂ လူနေမှု စရိတ်စစ်တမ်း Mercer’s Cost of Living Survey 2022 ရဲ့ လေ့လာမှုအသစ်အရသိရပါတယ်။

မာဆာဟာ မြို့ပေါင်း ၄၀၀ကျော်က ကုန်ပစ္စည်းပေါင်း ၂၀၀ခန့်ရဲ့ ဈေးနှုန်းတွေကို နှိုင်းယှဉ်ပြီး စစ်တမ်းထုတ်ပြန်ခဲ့တာ ဖြစ်ပါတယ်။

ဟောင်ကောင်ပြီးရင် ဆွစ်ဇာလန်ဟာ ဒုတိယမြောက်ဈေးအကြီးဆုံးဖြစ်လာပါတယ်။ ဆွစ်ဇာလန်ရဲ့ မြို့ကြီးလေးမြို့ဖြစ်တဲ့ ဇူးရစ်၊ ဂျီနီဗာ၊ ဘာဆဲလ်နှင့်ဘန်းတို့ဟာ ဒုတိယနေရာကနေ ပဥ္စမမြောက်နေရာတွေ ယူထားကြပါတယ်။

အာရှသုံးမြို့ဖြစ်တဲ့ စင်္ကာပူ၊ တိုကျိုနှင့် ဘေဂျင်းတို့ကလည်းအဆင့်၈၊၉၊ ၁၀ ဆိုပြီး  ဈေးအကြီးဆုံး ၁၀မြို့ထဲ စာရင်းဝင်နေပါတယ်။ အာရှမြို့တော်တော်များများ စာရင်းမှာ ထိပ်ပိုင်းပါလာရတာဟာ ငွေကြေးဖောင်းပွမှုနှင့် ငွေကြေးတွေ ခိုင်လာမှုတွေကြောင့်ဖြစ်တယ်လို့ မာဆာ စီမံခန့်ခွဲရေးအကြံပေးကုမ္ပဏီက ပြောပါတယ်။

နိုင်ငံရပ်ခြားက အလုပ်လုပ်သူတွေအတွက်ဈေးအချိုဆုံးနေရာတွေကတော့ တူရကီနိုင်ငံက အန်ကာရာ၊ ကာဂျစ္စတန်က ဘစ်ရှ်ကက်နှင့် တာဂျစ္စတန်က ဒတ်ရှန်ဘီ တို့ဖြစ်ကြပါတယ်။

ယူကရိန်းစစ်ပွဲအပါအဝင် ကမ္ဘာလုံးဆိုင်ရာ ပြဿနာတွေကြောင့် ငွေကြေးလဲလှယ်နှုန်းတွေ မတည်မငြိမ်ဖြစ်ပြီး ငွေကြေး ဖောင်းပွမှုတွေ ကျယ်ပြန့်လာတာကြောင့် ဝန်ထမ်းတွေရဲ့ လစာတွေနှင့် စုဆောင်းမှုတွေအပေါ် ရိုက်ခတ်မှုတွေရှိခဲ့ကြတယ် လို့ အစီရင်ခံစာမှာ ဖော်ပြထားပါတယ်။ အာရှကို ပြန်လည်ရွှေ့ပြောင်းလာကြတဲ့ နိုင်ငံခြားပညာရှင် အရေအတွက်တွေဟာလည်း ပြီးခဲ့တဲ့ ၁၈လအတွင်းကျဆင်းသွားတယ်လို့ဆိုပါတယ်။

နိုင်ငံခြားလုပ်သားတွေကို အလွန်အမင်းမှီခိုနေရတဲ့ ဖွံ့ဖြိုးပြီးနိုင်ငံတွေမှာ ကျွန်းကျင်သူတွေ မလုံလောက်မှုဟာ လူနေမှုစရိတ်မြင့်မားမှုကြောင့် ပိုဆိုးရွားလာစေတယ်လို့ မာဆာရဲ့ဒေသဆိုင်ရာ ရွှေ့ပြောင်းမှုဆိုင်ရာ အာရှပစိဖိတ်ဒေသဌာနခေါင်းဆောင် ထရေစီမားက ပြောပါတယ်။

မာဆာရဲ့ ဈေးနှုန်းနှိုင်းယှဉ်ကြည့်တဲ့ ကုန်ပစ္စည်း ၂၀၀ ထဲမှာ အိမ်ရာ၊ သယ်ယူပို့ဆောင်ရေး၊အစားအစာ၊အဝတ်အထည်၊ အိမ်သုံးပစ္ဏည်းတွေနှင့် ဖျော်ဖြေရေးတွေ ပါဝင်တာဖြစ်ပါတယ်။

နိုင်ငံရပ်ခြားလုပ်သားတွေအတွက် ကမ္ဘာ့ဈေးအကြီးဆုံးမြို့(၅၀)စာရင်းကိုပူးတွဲဖော်ပြလိုက်ပါတယ်။

နိုင်ငံရပ်ခြား အလုပ်သမားများအတွက် ကမ္ဘာပေါ်တွင် ဈေးအကြီးဆုံး မြို့ကြီး(၅၀)

၁။  ဟောင်ကောင်၊တရုတ်

၂။ ဇူးရစ်၊ဆွစ်ဇာလန်

၃။ ဂျီနီဗာ၊ ဆွစ်ဇာလန်

၄။ ဘာဆဲလ် ၊ဆွစ်ဇာလန်

၅။ ဘန်း၊ ဆွစ်ဇာလန်

၆။ တဲလ် အဗစ်၊ အစ္စရေး

၇။ နယူးယောက်စီးတီး၊ အမေရိကန်

၈။ စင်္ကာပူ

၉။ တိုကျို၊ ဂျပန်

၁၀။ ဘေဂျင်း၊တရုတ်

၁၁။ ကိုပင်ဟေဂင်၊ ဒိန်းမတ်

၁၂။ ရှန်ဟိုင်း၊ တရုတ်

၁၃။ ရှန်ကျင့်၊ တရုတ်

၁၄။ ဆိုးလ်၊ တောင်ကိုးရီးယား

၁၅။ လန်ဒန်၊ ယူကေ

၁၆။ နာဆော၊ဘနားမား

၁၇။ လော့အင်ဂျလိ၊ အမေရိကန်

၁၈။ ကွမ်ကျိုး၊ တရုတ်

၁၉။ ဆန်ဖရန်စစ္စကို၊ အမေရိကန်

၂၀။ ဟိုနိုလူလူ၊ အမေရိကန်

၂၁။ ဗီယင်နာ၊ဩစတြီးယား

၂၂။ ချင်းဒေါင်၊ တရုတ်

၂၃။ ဘန်ဂူး၊ အလယ်အာဖရိကသမ္မတနိုင်ငံ

၂၄။ လစ်ဘရီဗီလီ၊ ဂါဘွန်

၂၅။ အမ်စတာဒမ်၊ နယ်သာလန်

၂၆။ နန်ကျင့်၊ တရုတ်

၂၇။ အော်စလို၊ နော်ဝေး

၂၈။ တိုင်ပေ၊ ထိုင်ဝမ်

၂၉။ ဝါရှင်တန်ဒီစီ၊ အမေရိကန်

၃၀။ ဘော်စတွန်၊ အမေရိကန်

၃၁။ ဒူဘိုင်း၊ ယူအေအီး

၃၂။ မီယာမီ၊ အမေရိကန်

၃၃။ မြူးနစ်၊ ဂျာမနီ

၃၄။ ဘူဆန်၊ တောင်ကိုးရီးယား

၃၅။ ပါရီ၊ ပြင်သစ်

၃၆။ ချီကာဂို၊ အမေရိကန်

၃၇။ အိုဆာကာ၊ ဂျပန်

၃၈။ ဗစ်တိုးရီးယား၊ ဆေးရှဲလ်

၃၉။ ဘရပ်ဆဲ၊ ဘယ်လ်ဂျီယမ်

၄၀။ ရှန်ယန်း၊ တရုတ်

၄၁။ ဂျဘူဒီ

၄၂။ အတ္တလန်တာ၊ အမေရိကန်

၄၃။ ဟယ်လ်စင်ကီ၊ ဖင်လန်

၄၄။ ချန်ဒူး၊ တရုတ်

၄၅။ ဆီတဲလ်၊ အမေရိကန်

၄၆။ ဘာလင်၊ ဂျာမနီ

၄၇။ သည်ဟေ့ဂ်၊ နယ်သာလန်

၄၈။ မီလန်၊ အီတလီ

၄၉။ ဒပ်ဗလင်၊ အိုင်ယာလန်

၅၀။ ယိုကိုဟားမား၊ ဂျပန်

Source Bloomberg

TV Yangon Times Matters အစီအစဉ်
Published - 3 July 2022

အစီအစဉ်တင်ဆင်သူ ဆရာဟိန်းလတ်က Orchid (အခမ်းအနားမှူး)နှင့်အတူ

-"ကမ္ဘာကျော်အမျိူးသမီးအစီအစဉ်တင်ဆက်သူ‌တွေရဲ့ ပြောဆိုပုံတွေကို ကြည့်ပြီး အတုယူဖြစ်တယ်ဆိုတဲ့အကြောင်း

-My Read ‌Page မှ အင်္ဂလိပ်စာအုပ်တင်မကဘူး မြန်မာစာအုပ်‌တွေပါ ဖတ်ပြီး အနှစ်ချုပ်ရေးပြီး တင်ဖြစ်တဲ့အကြောင်း

ပထမဆုံးထွက်ရှိလာတဲ့ စာအုပ်ဖြစ်တဲ့အတွက် အိမ်မက်လေးဖြစ်မြောက်လာတာကို တန်ဖိုးထားဝမ်းသာမိပါတယ်ဆိုတဲ့အကြောင်း" စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#Yangon_Media_Group

Published 3 July 2022

မြန်မာနိုင်ငံမှာ ရောက်ရှိနေတဲ့ အာဆီယံအလှည့်ကျဥက္ကဋ္ဌ၏ မြန်မာနိုင်ငံဆိုင်ရာ အထူးကိုယ်စားလှယ် ကမ္ဘောဒီးယားနိုင်ငံ ဒုတိယဝန်ကြီးချုပ် H.E Mr Prak Sokhonn နှင့်အဖွဲ့ဟာ  ယမန်နေ့ ဇူလိုင်(၂)ရက်နေ့ မွန်းလွဲပိုင်းက မြန်မာနိုင်ငံဆိုင်ရာ ပြင်သစ်သံအမတ်ကြီး၊ အမေရိကန်သံအမတ်ကြီး၊ဥရောပသမဂ္ဂသံအမတ်ကြီးနှင့် ဩစတြေလျံသံရုံး သံရုံးယာယီတာဝန်ခံတို့ကို တွေ့ဆုံဆွေးနွေးခဲ့တယ်လို့  ကမ္ဘောဒီးယားနိုင်ငံခြားရေးဝန်ကြီးဌာနရဲ့ သတင်းထုတ်ပြန်ချက်အရသိရပါတယ်။

အစည်းအဝေးမှာ မြန်မာပြည်သူတွေကို လူသားချင်းစာနာထောက်ထားမှု အကူအညီပေးရေး အပါအဝင် အာဆီယံရဲ့ အချက်(၅)ချက်ပါ ဘုံသဘောတူညီချက်ကို အမြင်ချင်းဖလှယ်ခဲ့ကြတယ်လို့ သတင်းထုတ်ပြန်ချက်မှာဖော်ပြထားပါတယ်။

အသေးစိတ်ကိုတော့ ထုတ်ပြန်ထားခြင်းမရှိပါဘူး။

#Local_News
Published_ 3 July 2022

အာဆီယံအလှည့်ကျဥက္ကဋ္ဌ၏ မြန်မာနိုင်ငံဆိုင်ရာ အထူးကိုယ်စားလှယ် ကမ္ဘောဒီးယားနိုင်ငံ ဒုတိယဝန်ကြီးချုပ် H.E Mr Prak Sokhonn နှင့်အဖွဲ့သည် ဒီကနေ့ ဇူလိုင် ၃ ရက် နံနက်ပိုင်း တွင် ရွှေတိဂုံစေတီတော်သို့ လာရောက်ဖူးမြော်ခဲ့ပြီး အလှူငွေများ လှူဒါန်းခဲ့ကြောင်း သိရပါတယ်။

အထူးကိုယ်စားလှယ်နှင့်အဖွဲ့သည် ရင်ပြင်တော်အင်္ဂါထောင့် ဗောဓိညောင်ပင်အား ကြည့်ရှုခြင်း၊ တောင်ဘက်ဧည့်ခံတန်ဆောင်း၌ ဧည့်သည်တော်မှတ်တမ်းတွင် အမှတ်တရ လက်မှတ်ရေးထိုးခြင်း၊ စေတီတော်ကြီးအား ပန်း၊ရေချမ်း၊ဆီမီးများ ကပ်လှူပူဇော်ခြင်း များပြုလုပ်ခဲ့ပြီး ဘဏ္ဍာတော်ထိန်းဂေါပကအဖွဲ့ကိုယ်စား အလှည့်ကျသဘာပတိနှင့် ဂေါပကအဖွဲ့ဝင် (၂) ဉီးတို့က ဧည့်သည်တော်နှင့်အဖွဲ့အား ရွှေတိဂုံစေတီတော် အမှတ်တရ ဓါတ်ပုံနှင့် သမိုင်းမှတ်တမ်းစာအုပ်ကို အမှတ်တရလက်ဆောင် ပေးအပ်ခဲ့ပါတယ်။

ထို့နောက် ရင်ပြင်တော်တစ်ပတ် လှည့်လည်ကြည်ညိုခဲ့ကြပြီး အမှတ်တရ ဓါတ်ပုံရိုက်ကူးခြင်း၊ စေတီတော်ကြီးသို့ အလှူတော်ငွေ အမေရိကန်ဒေါ်လာ ၅၀၀ ကို ပေးအပ်လှူဒါန်းခဲ့တယ်လို့ ရွှေတိဂုံစေတီတော်ဘဏ္ဍာတော်ထိန်းဂေါပကအဖွဲ့က သတင်းထုတ်ပြန်ထားပါတယ်။

ymg-mnn
#Yangon_Media_Group

Published 3 July 2022

လန်ချန်း-မဲခေါင် နိုင်ငံခြားရေးဝန်ကြီးများအစည်းအဝေး တက်ရောက်ရန် မြန်မာနိုင်ငံကို ရောက်ရှိ‌နေတဲ့ တရုတ်နိုင်ငံ နိုင်ငံတော်ကောင်စီဝင်နှင့် နိုင်ငံခြားရေးဝန်ကြီး မစ္စတာ ဝမ်ယိသည် ဇူလိုင်(၃)ရက် ဒီကနေ့မနက်ပိုင်းမှာ ပုဂံရွှေစည်းခုံဘုရားရှိ ချုအင်လိုင်းတန်ဆောင်း ပြန်လည်မွမ်းမံဖွင့်လှစ်ခြင်း အခမ်းအနားတက်ရောက်ခဲ့ကြောင်းသိရှရပါတယ်။

အဆိုပါအခမ်းအနားမှာ မြန်မာနိုင်ငံဆိုင်ရာ တရုတ်နိုင်ငံသံအမတ်ကြီး မစ္စတာချန်းဟိုင်နှင့် နစက နိုင်ငံခြားရေးဝန်ကြီးဌာ နဒုတိယဝန်ကြီး ဦးကျော်မျိုးထွဋ်တို့က အမှာစကားတွေအသီးသီးပြောကြားကြပြီးနောက် တရုတ်နိုင်ငံခြားရေးဝန်ကြီး မစ္စတာဝမ်ယိနှင့် မြန်မာနိုင်ငံခြားရေးဝန်ကြီး ဦးဝဏ္ဏမောင်လွင်တို့က ဖဲကြိုးဖြတ်ဖွင်လှစ်ပေးခဲ့ပါတယ်လို့ နစကရဲ့သတင်းထုတ်ပြန်ချက်မှာဖော်ပြထားပါတယ်။

အဲဒီနောက် မစ္စတာဝမ်ယိနှင့် အဖွဲ့ဟာ ချုအင်လိုင်းတန်ဆောင်းအတွင်း လှည့်လည်ကြည့်ရှုခဲကြပါတယ်။ အခမ်းအနား အပြီးမှာ မစ္စတာဝမ်ယိဟာ  သဗ္ဗညုပုထိုးတော်ကြီးကို သွားရောက်ခဲ့ကြကြောင်းလည်းသတင်းရရှိပါတယ်။

Published 3 July 2022

အမည်မဖော်လိုတဲ့ ချီလီအလုပ်သမားတစ်ဦးဟာ လစာစာရင်း မှားယွင်းမှုကြောင့် သူ့လစာအမှန်ဖက် အဆပေါင်း ၃၃၀ဆနီးပါး ရရှိလိုက်ပြီးနောက် အလုပ်မှနှုတ်ထွက်သွားကာ ဆက်သွယ်လို့မရဖြစ်နေတယ်လို့ သတင်းတစ်ပုဒ်က ရေးသားပါတယ်။

အေးခဲအသားထုတ်လုပ်တဲ့ CIAL Alimentos ကုမ္ပဏီမှာ စာပို့လက်ထောက်အဖြစ်အလုပ်လုပ်တဲ့ ဝန်ထမ်းတစ်ဦးဟာ မေ၃၀ ရက်နေ့က လခထုတ်တဲ့အခါ ချီလီငွေ ၁၆၅,၃၉၈,၈၅၁ ပီဆို(ဒေါ်လာ၁၈၀,၄၁၈)ရရှိခဲ့တာဖြစ်တယ်လို့ ဆန်တီယာဂိုအခြေစိုက်  စီးပွားရေးသတင်းစာတစ်စောင် ဖြစ်တဲ့ Diario Financiero က သတင်းရေးသားခဲ့ပါတယ်။

သူတကယ်ရမယ့်လစာက ချီလီငွေ ၅၀၀,၀၀၀ ပီဆို(ဒေါ်လာ၅၄၅) ပဲဖြစ်ပါတယ်လို့ သတင်းစာကပြောပါတယ်။

အဲဒီဝန်ထမ်းက သူ့ရဲ့ ဖြန့်ချိရေးစင်တာက ဒုတိယမန်နေဂျာဆီသွားပြီး သူ့လစာ အဆ၃၃၀လောက်များပြီးရခဲ့တယ်လို့ အသိပေးခဲ့တယ်လို့ သတင်းစာကရေးပါတယ်။

ဒုတိယမန်နေဂျာက အဲဒီအကြောင်းကို လူသားအရင်းအမြစ်ဌာနထံ သတင်းပေးခဲ့ပါတယ်။အဲဒီနောက် အလုပ်သမားကို ဘဏ်သွားပြီး ပိုတဲ့ပိုက်ဆံပြန်လွှဲဖို့ ပြောခဲ့ပါတယ်။

သူက နောက်နေ့သွားလိုက်ပါမယ်လို့ ကတိပေးခဲ့ပါတယ်။ အဲဒီနောက် ပိုက်ဆံလည်းပြနမလွှဲတဲ့အပြင် ဖုန်းဆက်တော့လည်း ဖုန်းမကိုင်တော့ပါဘူး။ WhatsApp ကနေ မက်ဆေ့ပို့လည်း သုံးရက်ကြာတဲ့တိုင် အကြောင်းမပြန်ပါဘူး။

အဲဒီနောက် ဝန်ထမ်းဟာ သူ့ရဲ့ရှေ့နေက တစ်ဆင့် နှုတ်ထွက်စာကို ကုမ္ပဏီထံပို့ခဲ့ပါတယ်လို့ သတင်းစာကရေးပါတယ်။

ကုမ္ပဏီက ဝန်ထမ်းကို ရာဇဝတ်မှုနှင့် တိုင်တန်းထားပါတယ်။ အခုထက်ထိတော့ ဖမ်းဆီးခြင်းမလုပ်သေးပါဘူး။တိုင်တန်းရာမှာ ဝန်ထမ်းဟောင်းဟာ ငွေကြေးတွေကို အလွဲသုံးစားလုပ်တယ်လို့ စွပ်စွဲထားတာဖြစ်ပါတယ်။

Source Insider

#Published 3 July 2022

ရုရှားရဲ့သိမ်းပိုက်မှုအောက်မှာ မြို့ရွာပေါင်း ၂၆၁၀ခု ရှိနေတယ်လို့ ယူကရိန်းသမ္မတ ဗိုလိုဒီမာ ဇီလင်စကီးက ညစဉ်ပြောကြားနေတဲ့ ပုံမှန်မိန့်ခွန်းမှာ စနေနေ့ညကပြောကြားလိုက်ပါတယ်။ ဒီအချိန်အတွင်း ကျွန်တော်တို့ဟာ မြို့ရွာပေါင်း ၁၀၂၇ ခုကို ပြန်လည်လွတ်မြောက်ဖို့ စီမံနေတယ်၊ဒါပေမယ့် မြို့ရွာ ၂၆၁၀ခုဟာ အခုထက်ထိ ရုရှားတွေ သိမ်းပိုက်ထားတုန်းပဲလို့ သူကပြောပါတယ်။ အဲဒီထဲကရာပေါင်းများစွာကတော့ ရုရှားစစ်တပ်ကြောင့် လုံးဝပျက်စီးသွားပြီ။တကယ်တမ်းတော့ အဲဒါတွေကို အပျက်ပုံကနေ စပြီး ပြန်တည်ဆောက်ဖို့လိုတယ်လို့လည်းသူကပြောပါတယ်။ တနင်္လာနေ့ကနေ အင်္ဂါနေ့ထိ ဆွစ်ဇာလန်နိုင်ငံမှာပြုလပ်မယ့် လူဂါနိုကွန်ဖရင့်မှာ တိုင်းပြည်ဘယ်လိုတည်ဆောက်မလဲဆိုတာကို ဗဟိုပြုဆွေးနွေးမယ်လို့ ဇီလင်စကီးကပြောပါတယ်။

Source  AFP

Published 3 July 2022

တက်စ်လာရဲ့ စီအီးအို အီလွန်မတ်စ်နှင့် အမေဇုန်တည်ထောင်သူ ဂျက်ဖ်ဘီဇော့အပါအဝင် ကမ္ဘာ့အချမ်းသာဆုံးပုဂ္ဂိုလ် (၁၀)ဦးဟာ ဒီနှစ်ထဲမှာ အမေရိကန်ဒေါ်လာ စုစုပေါင်း ဘီလျံ၂၅၀ ဆုံးရှုံးသွားခဲ့ကြရပါတယ်။

ဘလွမ်းဘတ် ဘီလျံနာ အညွှန်းကိန်းအရ ၂၀၂၂ခုနှစ်မှာ အမေရိကန်စတော့ဈေးကွက်ကျဆင်းမှုကြောင့် အဲဒီဘီလျံနာ ၁၀ဦး ဟာ ချမ်းသာကြွယ်ဝမှုတွေ  လျော့ကျခဲ့ကြတယ်လို့သိရပါတယ်။ သူတို့တည်ထောင်ထားတဲ့ ကုမ္ပဏီတွေမှာ သူတို့ရဲ့ အသားတင်ကြွယ်ဝမှုတွေဟာ အစိတ်အပိုင်းကြီးကြီးမားမား လျော့ကျသွားခဲ့ကြတာပါ။

၁၉၇၀ ခုနှစ်ကတည်းကဆိုရင် ယခုနှစ်ပထမနှစ်ဝက်မှာ စတော့ဈေးကွက် အဆိုးရွားဆုံး ခံစားခဲ့ကြရတာဖြစ်ပါတယ်။ အချမ်းသာဆုံးကုမ္ပဏီ၅၀၀ဟာ သူတို့ရဲ့တန်ဖိုးတွေရဲ့ ငါးပုံတစ်ပုံ လျော့ကျသွားခဲ့ကြရပါတယ်။

ဆိုလိုတာက မိုက်ခရိုဆော့ဖ်တွဲဖက်တည်ထောင်သူ ဘီလ်ဂိတ်နှင့်အတူ မတ်စ်၊ဘီဇော့ဗ်နှင့် လူးဝစ်ဗီတွန်ရဲ့ စီအီးအို ဘားနတ် အာနော့တို့ရဲ့ ချမ်းသာမှုတွေ အကြီးအကျယ်ထိခိုက်နေပါတယ်။ အထိခိုက်ဆုံးကတော့ မတ်စ်နှင့်ဘီဇော့တို့ဖြစ်ကြပါတယ်။ သူတို့နှစ်ဦးပေါင်းရဲ့ချမ်းသာမှုတွေထဲက ဒေါ်လာ ၁၂၀ဘီလျံလောက် ဒီနှစ်စကတည်းက ဖဲ့ပေးလိုက်ကြရပါပြီ။

တက်စ်လာရဲ့ ရှယ်ယာဈေးတွေဟာ ဒီနှစ်အတွင်း ၄၃ ရာခိုင်နှုန်းကျဆင်းသွားပါတယ်။ စီးပွားရေး မရေရာမှုတွေနှင့် မတ်စ်နှင့် တွစ်တာကိုဝယ်ဖို့ကြိုးစားမှုတွေကြောင့်ပါ။ အမေဇုန်ရဲ့ ရှယ်ယာကလည်း ၂၀၂၂နှစ်စကတည်းကဆိုရင် အခု ၃၅ ရာခိုင်နှုန်း ကျဆင်းသွားခဲ့ပါပြီ။

ဒါပေမယ့် စာရင်းထဲပါတဲ့ အိန္ဒိယနိုင်ငံသားနှစ်ဦးဖြစ်တဲ့ ဂေါတန်အက်ဒါနီနှင့် မူကက်ရှ်အာဘာနီတို့ကတော့ ဒေါ်လာ ၂၂.၁ ဘီလျံနှင့် ဒေါ်လာ ၃.၀၅ ဘီလျံ ပိုပြီးတောင်ချမ်းသာလာကြပါတယ်လို့ဆိုပါတယ်။

အက်ဒါနီဟာ ဆိပ်ကမ်းတွေနှင့် အိန္ဒိယရဲ့အကြီးဆုံး ကျောက်မီးသွေးသတ္တုတွင်းတွေကို လည်ပတ်နေပြီး ယူကရိန်းကို ရုရှားကျူးကျော်မှုကြောင့် ကုန်ဈေးနှုန်းတွေ တက်လာပြီး ထောက်ပို့ကွင်းဆက်တွေ ကျပ်တည်းလာတာတွေကနေ အမြတ်ထွက်သွားတာပါ။

အာဘာနီက စက်မှုလုပ်ငန်းရှင်တစ်ဦးဖြစ်ပြီး ကမ္ဘာ့အကြီးဆုံး ရေနံချက်စက်ရုံတွဲတွေပိုင်ဆိုင်ပါတယ်။ ဒါဟာလည်း ယူကရိန်း ကိစ္စကြောင့် လောင်စာဆီဈေးတွေတက်လာတာကနေ စီးပွားဖြစ်သွားတဲ့အကြောင်း Insider ကရေးသားထားပါတယ်။

Source Insider