#WorldHealth
Published 3 July 2022

အစားအစာတစ်ခုကို စပြီးမစားရသေးမှာပင် ခန္ဓာကိုယ်မှ အင်ဆူလင်များ ထုတ်လွှတ်ပေးကြောင်း လေ့လာမှုအသစ်မှာ တွေ့ရှိထားပါတယ်။

အစားအစာတစ်ခုကို အနံ့ရရုံ မြင်လိုက်ရရုံဖြင့် ဦးနှောက်အတွင်းပြောင်းလဲကာ ခန္ဓာကိုယ်ထဲ တုန့်ပြန်မှုများဖြစ်ပေါ်လာကြောင်း ဘေဆယ်လ်တက္ကသိုလ်ဆေးရုံက တွေ့ရှိထားတာဖြစ်ပါတယ်။

အစားမစားရသေးတဲ့အချိန်မှာ စားစရာတစ်ခုခုကိုမြင်ပြီး သရေကျတာမျိုးကြုံကြဖူးမှာပါ။

ဒါ့အပြင် ခန္ဓာကိုယ်ထဲမှာလည်း အပြောင်းအလဲတွေ ဖြစ်ပေါ်လာကြပါတယ်။

အဆိုပါ လေ့လာချက်ကို Cell Metabolism ဂျာနယ်မှာဖော်ပြခဲ့ရာမှာ စားစရာကိုပါးစပ်ထဲမထည့်ခင်မှာပင် အင်ဆူလင်ဟော်မုန်းများထွက်ရှိကြောင်း သိရှိရပါတယ်။

အင်ဆူလင်ဟာ သွေးတွင်းသကြားဓာတ်ကိုထိန်းပေးပြီး ရောဂါပိုးမွှားဝင်ရောက်တဲ့အခါ ကိုယ်ခံအားတုန့်ပြန်မှုမှာပါဝင်တဲ့ IL1B လည်းပါဝင်ပါတယ်။

ဆီးချိုရောဂါသည်တွေမှာ အင်ဆူလင်ထုတ်ပေးတဲ့ ပန်ကရိယဆဲလ်တွေ ပျက်စီးသွားပြီး အင်ဆူလင်မထုတ်နိုင်တော့တာဖြစ်ပါတယ်။

ဒါပေမဲ့ စားစရာမြင်ပြီးတော့ ထိုလူတွေမှာပါ အင်ဆူလင်အများအပြားထွက်လာတာကို တွေ့ရှိခဲ့ရပါတယ်။

စားစရာမြင်တဲ့အခါနဲ့ အနံ့ရမိတဲ့အခါ ဦးနှောက်ထဲမှာ microglia လို့ခေါ်တဲ့ ခုခံအားဆဲလ်တွေ ထွက်ပေါ်အောင် လှုံ့ဆော်ပေးပါတယ်။

ထိုဆဲလ်တွေက IL1B ကိုထွက်ရှိစေပြီး ဗေးဂတ်စ်နာ့ဗ်ကတစ်ဆင့် အလိုအလျောက်တုန့်ပြန်တဲ့ အာရုံကြောစနစ်ကို သက်ရောက်စေပါတယ်။

အဲဒီစနစ်ကနေ အင်ဆူလင်ထုတ်လွှတ်ပေးတဲ့ ပန်ကရိယသို့ အချက်ပေးသွားတာဖြစ်ပါတယ်။

ထိုလေ့လာမှုအရ IL1B က စားစရာကိုမြင်တွေ့အနံ့ရခြင်းကဲ့သို့ အာရုံခံသိရှိလာတဲ့အချက်အလက်တွေနဲ့ အာရုံကြောစနစ်ကနေ အင်ဆူလင်ထုတ်လွှတ်ခြင်းတို့ကြားဆက်စပ်မှုမှာ အရေးပါလျက်ရှိပြီး ထိုချိတ်ဆက်မှုကိုထိန်းညှိပေးပါတယ်။

အဝလွန်ရောဂါအခြေအနေလိုမျိုးမှာ အာရုံကြောစနစ်မှတဆင့် အင်ဆူလင်ထုတ်လွှတ်ခြင်းဖြစ်စဉ်ဟာ နှောင့်ယှက်ဖျက်ဆီးခြင်းကြုံတွေ့ရကြောင်း ဖော်ပြထားပါတယ်။

Source: The Jerusalem Post
#Yangon_Media_Group

#LocalNews
Published_3 July 2022

MOU မြန်မာလုပ်သားများ မြဝတီ-မဲဆောက်၊ကော့သောင်း-ရနောင်းတို့မှ ထိုင်းနိုင်ငံသို့ထပ်မံထွက်ခွာနေကြကြောင်း ပြည်ပအလုပ်အကိုင်အေဂျင်စီများက သိရသည်။

ဇူလိုင်လ ၁ ရက်နှင့် နှစ်ရက်တို့တွင် ပွင့်ဖူးအောင်၊ ရွှေတော်ဝင်မန္တလေး၊ JMK၊ ထရိန်းဝင်း၊ Htay ကုမ္ပဏီများမှ ထပ်မံ ‌ပို့ဆောင်ပေးခဲ့ကြခြင်းဖြစ်ကြောင်း၊ယင်းအထဲတွင် ပွင့်ဖူးအောင် အေဂျင်စီမှ လုပ်သား(၁၆) ဦးကို ကော့သောင်း-ရနောင်း ရေးလမ်းကြောင်းမှ ဇူလိုင်လ ၁ ရက်တွင်လည်းကောင်း၊ဇူလိုင်လ ၂ ရက်တွင် လုပ်သား(၆၅) ဦးကိုလည်းကောင်း ပို့ဆောင်ခဲ့ကြောင်း သိရသည်။

"ကော့သောင်းမြို့က ထိုင်းကိုသွားမယ့် အလုပ်သမားတွေအတွက် ရန်ကုန်မြို့ မင်္ဂလာဒုံလေဆိပ်က ကော့သောင်းလေဆိပ်ကို ပို့ဆောင်‌ပြီးတော့ ကော့သောင်းမြို့ကနေ ရေလမ်းနဲ့ ထိုင်းနိုင်ငံရနောင်းမြို့ကို ထပ်သွားကြရတာပါ"ဟု ပြည်ပအလုပ်အကိုင်အေဂျင်စီတစ်ခု၏ တာဝန်ရှိသူကပြောသည်။

ထိုင်းနိုင်ငံသို့သွားရောက်အလုပ်လုပ်ကြမည့် မြန်မာနိုင်ငံသားများအနေဖြင့် ထိုင်းနိုင်ငံ၊ ဆူဖန်ဘူရီမြို့ရှိ ရေခဲစက်ရုံနှင့် နွန်ထဘူရီမြို့ရှိ သံထည် စက်ရုံ၊ ဘန်ကောက်မြို့ရှိ ဓါတ်အားပေးစက်ရုံ၊ဘန်ကောက်မြို့ရှိ ဆောက်လုပ်ရေးလုပ်ငန်းခွင် စသည်ဖြင့် အသီးသီးလုပ်ကိုင်ခွင့်ရကြမည် ဖြစ်ကြောင်း သိရသည်။

ပြည်တွင်းအလုပ်အကိုင်အကျိုးဆောင် အေဂျင်စီ ကုမ္ပဏီ ၂၅ ခုမှ ပြီးခဲ့သည့် ၂၀၂၂ ခုနှစ်၊ မေလ ၁၀ ရက်မှဇွန်လ ၃၀ ရက် ထိ ထိုင်းနိုင်ငံသို့ နှစ်နိုင်ငံသဘောတူစာချုပ် MOU စနစ်ဖြင့် စေလွှတ်ပေးခဲ့သည့် လုပ်သား အမျိုးသား ၅၂၅၂ ဦး၊ အမျိုးသမီး ၄၀၇၆ ဦး ရှိပြီဖြစ်ကြောင်း သိရသည်။

ymg/mt
#Yangon_Media_Group

#WorldHealth
Published 3 July 2022

အမျိုးသမီးတစ်ဦးရဲ့လုပ်ရပ်သဘောထားတွေဟာ ဟော်မုန်းထွက်ရှိမှုတွေနဲ့သက်ဆိုင်နေတယ်လို့ အယူအဆများ ရှိခဲ့ပါတယ်။

ဓမ္မတာစက်ဝန်းအတိုင်း အစီအစဉ်ကျအောင်နေထိုင်နိုင်မယ်ဆိုရင် ပိုမိုပျော်ရွှင်‌အောင် မြင်နိုင်သလားလို့ စဉ်းစားစရာရှိပါတယ်။

ဓမ္မတာလစဉ်တိုင်း ကိစ္စအရပ်ရပ်အတွက် ပြုလုပ်သင့်တဲ့အချိန်နဲ့ မပြုလုပ်သင့်တဲ့အချိန်တွေကို လိုက်လံခန့်မှန်းနိုင်ပါတယ်။

အမေရိကန် အမျိုးသမီးဘောလုံးအသင်းတောင် သူတို့ဓမ္မတာနီးတဲ့အချိန်တဝိုက်မှာ လေ့ကျင့်ခန်းပြုလုပ်ဖို့ စီစဉ်ကြပါတယ်။

သိပ္ပံနည်းအရ ဓမ္မတာစက်ဝန်း ဒုတိယပိုင်းကာလတွေမှာ ထွက်လေ့ရှိတဲ့ ဟော်မုန်းတွေက အမျိုးသမီးတွေမှာ သူတို့နဲ့နီးစပ်သူတွေအပေါ် စိတ်အခြေအနေပိုမိုကောင်းမွန်လေ့ရှိကြောင်း ဂျာမနီနိုင်ငံ ဟိုင်းရစ်ချ်ဟိုင်းတက္ကသိုလ်က လေ့လာတွေ့ရှိထားပါတယ်။

'ဂေဘရီယယ်လ်လစ်ချ်တာမန်'က ဒီလိုနည်းလမ်းနဲ့ ဆယ်စုနှစ် ၂ ခုလောက် ကျင့်ကြံ နေထိုင်ခဲ့ပါတယ်။

သူနဲ့အခြားဟော်မုန်း ပညာရှင်တွေက ၂၈ ရက် ဓမ္မတာစက်ဝန်းပေါ် မူတည်ပြီး ဆောင်ရန်ရှောင်ရန်များ အချိန်ကိုက်ပြုမူတတ်ဖို့ ဖော်ပြခဲ့ပါတယ်။

*ဓမ္မတာစက်ဝန်း(၁)ရက်မြောက်နေ့ - အိပ်ရာထချိန်အတွက် နှိုးစက်အချိန်စောစော ပေးသင့်တဲ့နေ့။

*ဓမ္မတာစက်ဝန်း(၂)ရက်မြောက်နေ့ - ပင်လယ်စာနှင့် အသားများ စားသုံးသင့်တဲ့နေ့။

*ဓမ္မတာစက်ဝန်း(၃)ရက်မြောက်နေ့ - နေရာလမ်းညွှန်မမေးသင့်တဲ့အချိန်။

*ဓမ္မတာစက်ဝန်း(၄)ရက်မြောက်နေ့ - အသုံးအဖြုန်းများချိန်။

*ဓမ္မတာစက်ဝန်း(၅)ရက်မြောက်နေ့ - လေ့ကျင့်ခန်းများပြုလုပ်သင့်တဲ့နေ့။

*ဓမ္မတာစက်ဝန်း(၆)ရက်မြောက်နေ့ - အသစ်အဆန်းချက်ပြုတ်သင့်တဲ့နေ့။

*ဓမ္မတာစက်ဝန်း(၇)ရက်မြောက်နေ့ - ရင်သားများကို ဆန်းစစ်သင့်တဲ့အချိန်။

*ဓမ္မတာစက်ဝန်း(၈)ရက်မြောက်နေ့ - မိတ်ဆွေအသစ်များရှာဖွေသင့်ချိန်။

*ဓမ္မတာစက်ဝန်း(၉)ရက်မြောက်နေ့ - ကော်ဖီရှောင်သင့်ချိန်။

*ဓမ္မတာစက်ဝန်း(၁၀)ရက်မြောက်နေ့ - နာကျင်မှုကို အခံနိုင်ဆုံးအချိန်။

*ဓမ္မတာစက်ဝန်း(၁၁)ရက်မြောက်နေ့ - ကြွက်သားများ အရွတ်များ နာကျင်ရတတ်တဲ့နေ့။

*ဓမ္မတာစက်ဝန်း(၁၂)ရက်မြောက်နေ့ - အကဲဖြတ်နိုင်စွမ်းအရှိဆုံးအချိန်။

*ဓမ္မတာစက်ဝန်း(၁၃)ရက်မြောက်နေ့ - ကိုယ်ဝန်ရနိုင်ဆုံးအချိန်။

*ဓမ္မတာစက်ဝန်း(၁၄)ရက်မြောက်နေ့ - လိင်စိတ်ကျေနပ်မှုအရနိုင်ဆုံးအချိန်။

*ဓမ္မတာစက်ဝန်း(၁၅)ရက်မြောက်နေ့ - လေ့ကျင့်ခန်းလှုပ်ရှားမှုပြုလုပ်သင့်ချိန်။

*ဓမ္မတာစက်ဝန်း(၁၆)ရက်မြောက်နေ့ - သတိအရှိဆုံးအချိန်။

*ဓမ္မတာစက်ဝန်း(၁၇)ရက်မြောက်နေ့ - အိမ်ပြုပြင်မွမ်းမံ ချင်စိတ်ရှိတဲ့နေ့။

*ဓမ္မတာစက်ဝန်း(၁၈)ရက်မြောက်နေ့ - ပေးကမ်းချင်စိတ်ရှိတဲ့အချိန်။

*ဓမ္မတာစက်ဝန်း(၁၉)ရက်မြောက်နေ့ - ရာသီဥတုအပြောင်းအလဲ ဒဏ်ခံစားရနိုင်တဲ့နေ့။

*ဓမ္မတာစက်ဝန်း(၂၀)ရက်မြောက်နေ့ - စေ့စပ်တိကျတဲ့နေ့။

*ဓမ္မတာစက်ဝန်း(၂၁)ရက်မြောက်နေ့ - အရောင်းအဝယ်ကိစ္စဆုံးဖြတ်သင့်တဲ့နေ့။

*ဓမ္မတာစက်ဝန်း(၂၂)ရက်မြောက်နေ့ - အိပ်ရေးဝအောင် အိပ်ထားသင့်တဲ့နောက်ဆုံးနေ့။

*ဓမ္မတာစက်ဝန်း(၂၃)ရက်မြောက်နေ့ - ကျန်းမာရေးမညီညွတ်တဲ့အစာများ စားချင်စိတ်ရှိတဲ့အချိန်။

*ဓမ္မတာစက်ဝန်း(၂၄)ရက်မြောက်နေ့ - စိတ်ထိခိုက်လွယ်၊ ဒေါသအလျောက်တုန့်ပြန်တတ်တဲ့အချိန်။

*ဓမ္မတာစက်ဝန်း(၂၅)ရက်မြောက်နေ့ - ယောဂကျင့်သင့်တဲ့နေ့။

*ဓမ္မတာစက်ဝန်း(၂၆)ရက်မြောက်နေ့ - အဟာရသတ္တုဓာတ်အစားအစာများ စားသင့်တဲ့နေ့။

*ဓမ္မတာစက်ဝန်း(၂၇)ရက်မြောက်နေ့ - ခံတွင်းအနံ့ဆိုးတတ်တဲ့အချိန်။

*ဓမ္မတာစက်ဝန်း(၂၈)ရက်မြောက်နေ့ - အမွှေးနံ့သာများနှင့်ဓာတ်မတည့်တဲ့နေ့။

Source: DailyMail
#Yangon_Media_Group

#Local_News
Published_ 3 July 2022

အောင်ဆန်းအားကစားပြိုင်ဝင်း အဆင့်မြှင်တင်တည်ဆောက်မည်ဖြစ်ရာ ပြီးစီးပါက အဓိက အားကစားကွင်းကြီးတွင် ပရိသတ်ဦးရေ ၃ သောင်းကျော်ခန့်အထိနှင့် မိုးလုံလေလုံ အားကစားရုံမှာ ပရိသတ် ၃၀၀၀ ဦး ဝင်ဆန့်နိုင်မှာဖြစ်ကြောင်း သိရပါတယ်။

နစကဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်သည် ဇူလိုင် ၂ ရက် နံနက်ပိုင်းတွင် မင်္ဂလာတောင်ညွန့်မြိုနယ်ရှိ အောင်ဆန်းအားကစားပြိုင်ဝင်း အဆင့်မြှင့်တင်တည်ဆောက်နိုင်မယ့် အခြေအနေများကို သွားရောက်ကြည့်ရှုစစ်ဆေးခဲ့ပါတယ်။

လက်ရှိတွင် အဆင့်မြှင့်တင်ရန်လုပ်ဆောင်နေသော အောင်ဆန်းအားကစားပြိုင်ကွင်းတွင် အားကစားပရိတ်သတ်များ အားကစားကွင်းအတွင်း ဝင်၊ ထွက်သွားလာမှု အဆင်ပြေစေရန်အတွက် Under Pass နှင့် Over Pass များ တည်ဆောက်ရန်၊ ပရိသတ် ၃၀၀၀ ဆန့် မိုးလုံလေလုံ အားကစားရုံတည်ဆောက်ရန်တို့လည်း ပါဝင်မည်ဖြစ်ကြောင်း သိရပါတယ်။

အောင်ဆန်းအားကစားပြိုင်ဝင်းကြီးသည် မြန်မာ့အားကစားအောင်မြင်မှု စတင်ခဲ့သည့် နေရာတစ်ခုလည်းဖြစ်သောကြောင့် နိုင်ငံတကာအဆင့်မီ အဆင့်မြှင်တင်ဆောင်ရွက်၍ နောင်တွင် အိုလံပစ်အားကစားပြိုင်ပွဲများ လက်ခံကျင်းပနိုင်သည်အထိ ရည်ရွယ်တည်ဆောက်သွာမည်ဖြစ်ကြောင်းလည်း သိရပါတယ်။

အဆိုပါ အောင်ဆန်းအားကစားဝင်းအား ၁၉၀၆ ခုနှစ်တွင် စတင်ဆောက်လုပ်ခဲ့ခြင်းဖြစ်ပြီး မူလအမည်မှာ BBA (Burma Athletic Association Ground) ဖြစ်ကြောင်း၊ လူစည်ကားသော ပြည်တွင်းအားကစားပြိုင်ပွဲများနှင့် နိုင်ငံတကာဆိုင်ရာ အားကစားပြိုင်ပွဲများအပြင် အထူးတလည်အမှတ်တရဖြစ်စေသော ပြပွဲဖြစ်သည့် ရေခဲပေါ်မှ အားလပ်ရက်နေ့ (Holiday on Ice) ခေါ် ရေခဲပြင်ပြပွဲကြီးအား ကျင်းပပြုလုပ်ခဲ့ပါတယ်။

၁၉၅၃ ခုနှစ်၊ အောက်တိုဘာ ၁၇ ရက်တွင် မူလအမည် BBA (Burma Athletic Association Ground) အမည်မှ အောင်ဆန်းအားကစားပြိုင်ဝင်းအဖြစ် ပြောင်းလဲသတ်မှတ်ခဲ့ပါတယ်။
သမိုင်းအစဉ်အလာရှိတဲ့ အားကစားကွင်းကြီးဖြစ်တဲ့အတွက် ယခင်ကကဲ့သို့ နိုင်ငံတော်အဆင့် အားကစားပြိုင်ပွဲများနှင့် နိုင်ငံတကာအဆင့် အားကစားပြိုင်ပွဲများကို အဆင့်အတန်းမီစွာ လက်ခံကျင်းပပြုလုပ်နိုင်ရေး နိုင်ငံတကာအဆင့်မီ အားကစားပြိုင်ကွင်းကြီးအဖြစ် အဆင့်မြှင့်တင် ဆောင်ရွက်နေခြင်းဖြစ်ကြောင်း သတင်းရရှိပါတယ်။

ymg/mt/mnn
#Yangon_Media_Group

Published_ 2 July 2022

ဒလသင်္ဘောကျင်းမှာ နှစ်ပေါင်း ၁၅၀ ခန့် သက်တမ်းရှိ သမိုင်းဝင်သင်္ဘောကျင်း ဖြစ်သဖြင့် များစွာအတွေ့အကြုံရှိပြီးဖြစ်သဖြင့် နိုင်ငံ၏သင်္ဘောတည်ဆောက်ရေး လုပ်ငန်း များတွင် ဦးဆောင်နိုင်ရန် နစကဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်က ဒီကနေ့ နံနက်ပိုင်းတွင် ဒလသင်္ဘောကျင်းသို့ သွားရောက်ကြည့်ရှုစစ်ဆေးစဉ် မှာကြားခဲ့ပါတယ်။

ထို့ပြင် နစကဥက္ကဋ္ဌက ပြည်သူများ ရေကြောင်းပိုဆောင်ရေးလုပ်ငန်းများအပေါ် ယုံကြည်မှုများရှိလာအောင် ကြိုးပမ်းဆောင်ရွက်ရမှာဖြစ်ပြီး ကုန်ကျစရိတ်သက်သာသည့် ရေကြောင်းပို့ဆောင်ရေးစနစ်ကို ကောင်းမွန်တိုးတက်အောင် အကောင်အထည်ဖော် နိုင်မည်ဆိုပါက နိုင်ငံတော်အတွက် များစွာအကျိုးရှိမှာ ဖြစ်တယ်လို့ ဆိုပါတယ်။

ပြည်တွင်း ပိုဆောင်ရေးလုပ်ငန်းများသည် ယခင်က အောင်မြင်မှုရှိခဲ့သော်လည်း ဘဏ္ဍာရေးဆိုင်ရာ အခက်အခဲများနှင့် မှောင်ခိုလုပ်ငန်းများ ဆောင်ရွက်မှုများကြောင့် နိုင်ငံပိုင်ပိုဆောင်ရေးလုပ်ငန်းကို များစွာထိခိုက်စေခဲ့ပါတယ်။

ဒလသင်္ဘောကျင်းသည် သမိုင်းရှိသည့် သင်္ဘောကျင်းတစ်ခုဖြစ်သည့်အတွက် လိုအပ်သည့် အင်ဂျင်နီယာများ ဖြည့်ဆည်းဆောင်ရွက်ရန်၊ သင်္ဘောများကို ခေတ်နှင့် လျော်ညီစွာ တည်ဆောက်နိုင်ရန်၊ သင်္ဘောတည်ဆောက်ရေးနှင့်ပတ်သက်၍ မိတ်ဖက် သင်္ဘောကျင်းများတွင်လည်း လေ့လာလို့ရတယ်လို့ ဆိုပါတယ်။

သင်္ဘောကျင်းအဆင့် မြှင့်တင်ရေးအတွက် ခေတ်မီတည်ဆောက်ရေး လုပ်ငန်း များကို ဆောင်ရွက်ရန်နှင့် ပြည်သူများအနေဖြင့် ရေကြောင်းပိုဆောင်ရေးကို ယုံကြည် စွာ အသုံးပြုလာမည်ဆိုပါက တစ်နိုင်ငံလုံး ခရီးသွားလာမှုနှင့် ကုန်စည်စီးဆင်းမှုများ ပိုမိုကောင်းမွန်လာနိုင်မည်ဖြစ်သဖြင့် တစ်နိုင်ငံလုံး ဆောင်ရွက်နိုင်သည့် စီးပွားရေးစနစ် တစ်ခုဖြစ်လာမှာ ဖြစ်တယ်လို့ ပြောကြားခဲ့ပါတယ်။

ထို့ပြင် နစကဥက္ကဋ္ဌသည် ဗိုလ်တထောင်မြိုနယ်ရှိ စွမ်းအင်ဝန်ကြီးဌာန၊ မြန်မာ့ရေနံ ဓာတုဗေဒလုပ်ငန်း ပင်မသိုလှောင်ဖြန့်ဖြူးရေးဌာနကြီး၊ ရန်ကုန်(ဓနိတော)သို သွားရောက် စစ်ဆေးခဲ့ကြောင်း သတင်းရရှိပါတယ်။

ymg-mnn

#Yangon_Media_Group

#WorldDevelopment
Published 2 July 2022

ရှုပ်ထွေးဆူပူလှတဲ့ အီဂျစ်မြို့တော်ကြီးမှာ နိုင်းမြစ်ကမ်းနားတလျှောက် ရေပေါ်လူနေအိမ်တွေ ဒါဇင်နဲ့ချီကာ ဆယ်စုနှစ်တွေတိုင်အောင် တည်ရှိနေခဲ့ပြီး သစ်ပင်ပန်းမန်များနဲ့ ရှားရှားပါးပါးဆိတ်ငြိမ်လျက်ရှိတဲ့နေရာတွေ ဖြစ်ပါတယ်။

#Yangon_Media_Group

#Health_Matters
Published - 2 July 2022

-ကျန်းမာရေးဌာနဆိုရင် ဆေးရုံဆေးခန်းတွေပဲပြေးမြင်ကြတာဆိုတော့ One Health က အဲဒီအမြင်ကို ပြောင်းဖိုလွယ်ပါ့မလား??

#Yangon_Media_Group

#Health_Matters
Published - 2 July 2022

-ရောဂါကပ်ဘေးတွေရှောင်ရှားနိုင်အောင် One Health က ဘယ်လိုစွမ်းဆောင်ပေးနိုင်မလဲ??

#Yangon_Media_Group

Published 2 June 2022

အစာအဆိပ်သင့်စေတဲ့ ဆာမိုနီလာပိုးကို တွေ့ရှိရတဲ့အတွက် ဘယ်လ်ဂျီယမ်နိုင်ငံ ဝီဇီမြို့က ကမ္ဘာ့အကြီးဆုံး ချောကလက်စက်ရုံဖြစ်တဲ့ ဆွစ်ဇာလန်ပိုင် Barry Callebaut ဘယ်ရီ ကာလီဘောက် ချောကလက်ကို ထုတ်လုပ်မှုရပ်ဆိုင်းပစ်ခဲ့ရတယ်လို့ ကုမ္ပဏီက ဇွန် ၃၀ရက် ကြာသပတေးနေ့တုန်းကပြောပါတယ်။

ကိတ်မုန့်လုပ်တဲ့ ဖောက်သည် ၇၃ ဦးအတွက် လက်ကားပေးပို့တဲ့ ချောကလက်အရည်တွေကိုထုတ်လုပ်တာကို စက်ရုံက ကာကွယ်မှုရှိစွာနှင့် ရပ်ဆိုင်းလိုက်တာဖြစ်တယ်လို့ ကုမ္ပဏီပြောရေးဆိုခွင့်ရသူက အေအက်ဖ်ပီကို ပြောပါတယ်။

အစာအဆိပ်သင့်ပိုးကူးစက်ခံရတယ်ဆိုတဲ့ သတင်းတွေတော့ တစ်ခုမှမရှိသေးဘူးလို့လည်း ပြောရေးဆိုခွင့်ရှိိသူ ကောနီလ် ဝါလော့ပ်က ပြောပါတယ်။ အဲဒီဆာမိုနီလာပိုးဟာ ဝမ်းပျက်ဖျားနာခြင်းတွေကို ဖြစ်စေတတ်ပြီး အလွန်အကျွံကိစ္စတွေမှာ သာ စိုးရိမ်ရတာမျိုးရှိပါတယ်လို့ သူကပြောပါတယ်။

စစ်ဆေးတွေ့ရှိပြီးကတည်းက ထုတ်လုပ်ထားပြီးဖြစ်တာတွေအားလုံးကို တားဆီးပိတ်ပင်လိုက်ပါတယ်” လို့လည်း သူကပြောပါတယ်။

ဘယ်ရီကာလီဘောက်ဟာ  မသန့်ရှင်းတဲ့ ထုတ်ကုန်တွေကို ဝယ်ယူထားသူများဖြစ်နိုင်တဲ့ ဖောက်သည်တွေအားလုံးကို ဆက်သွယ်ထားပါတယ်။ ဝီဇီရဲ့ ချောကလက်ထုတ်လုပ်ရေးတွေကိုလည်း နောက်ထပ်တစ်စုံတစ်ရာ ကြေညာတာ မလုပ်မချင်း ရပ်ဆိုင်းထားလိုက်ပါတယ်။

ထုတ်လုပ်ထားတဲ့ ချောကလက်အရည်တော်တော်အများစုဟာ လုပ်ငန်းခွင်ထဲမှာပဲရှိနေဆဲပါလို့လည်း သူကပြောပါတယ်။

ဒါပေမယ့် ကုမ္ပဏီအနေနှင့် ဖောက်သည်တွေအားလုံးကို ဆက်သွယ်ပြီး  ဇွန်၂၅ ရက်ကတည်းက ဝီဇီစက်ရုံကထုတ်လုပ်တဲ့ ချောကလက်နှင့်လုပ်ထားတဲ့ သူတို့ မုန့်တွေကို သင်္ဘောတင်ပို့တာတွေ မလုပ်ကြဖို့ မေတ္တာရပ်ခံထားပါတယ်။

အစားအစာ အန္တရာယ်ကင်းရှင်းရေးဟာ ဘာရီကာလီဘောက်အတွက် အရေးအကြီးဆုံးဖြစ်တယ်။ ဒီလိုဖြစ်ရပ်မျိုးက ဖြစ်တောင့်ဖြစ်ခဲတစ်ခုပါ။ ကျွန်တော်တို့ဆီမှာ အစားအစာ အန္တရာယ်ကင်းရှင်းရေးအတွက် ကောင်းမွန်တဲ့လမ်းညွှန်ချက်တွေနှင့် လုပ်ငန်းစဉ်တွေရှိပြီးသားပါ လို့ ကုမ္ပဏီက သတင်းထုတ်ပြန်ထားပါတယ်။

Source AFP

#Health_Matters
Published - 2 July 2022

-ရောဂါကပ်ဘေးတွေဖြစ်နေတာ One Health အားနည်းနေတာက အဓိကကျသလား??

#Yangon_Media_Group

Published -2 July 2022

အင်ဒိုနီးရှား နိုင်ငံမှာ ဒီကနေ့ကျင်းပတဲ့ အာဆီယံ ယူ ၁၉ အဖွင့်ပွဲစဉ်မှာ မြန်မာ ယူ ၁၉ အသင်းဟာ ဘရူနိုင်း အသင်းကို ၇ ဂိုး ဂိုးမရှိဖြင့် အနိုင်ရရှိခဲ့ပါတယ်။

ပွဲပြီးရလဒ်

မြန်မာ 🇲🇲 ၇ - ၀ 🇧🇳 ဘရူနိုင်း

⚽️ မိုးဆွေ
⚽️ ဇော်ဝင်းသိန်း
⚽️ လမင်းထွေး
⚽️ ချစ်အေး
⚽️ သာယာဝင်းထက်
⚽️ ဥက္ကာကျော်
⚽️ သန်းဇော်သီဟ

#Local_News
Published _ 2 June 2022

ပြည်ထဲရေးဝန်ကြီးဌာန၊ ရန်ကုန်တိုင်းဒေသကြီး အထွေထွေအုပ်ချုပ်ရေးဦးစီးဌာန ဝန်ထမ်းသားသမီးများ၏ ၂၀၂၁-၂၀၂၂ ခုနှစ် ပညာသင်နှစ် တက္ကသိုလ်ဝင်တန်းစာမေးပွဲတွင် ဂုဏ်ထူးဖြင့် အောင်မြင်ခဲ့သူများအား ဂုဏ်ပြုပွဲနှင့် ပညာသင်ထောက်ပံ့ငွေပေးအပ်ပွဲ အခမ်းအနားကို ယနေ့ ဇူလိုင်လ ၂ရက်မှာ ရန်ကုန်တိုင်းဒေသကြီးအထွေထွေအုပ်ချုပ် ရေးဦးစီးဌာနရုံး၊ မင်္ဂလာခန်းမ တွင် ကျင်းပခဲ့ကြောင်း သိရသည်။

ကျောင်းသား၊ ကျောင်းသူများသည် ကျောင်းစာများ သင်ကြားရာတွင် စည်းကမ်းတကျဖြင့် မိဘဆရာသမားများ၏ သွန်သင်ဆုံးမမှုကို အလေးထားလိုက်နာပြီး ကြိုးစားကာ စာမေးပွဲများတွင် ဂုဏ်ထူးများဖြင့် အောင်မြင်အောင်ကြိုးစားစေလိုကြောင်းနှင့် မိဘများကလည်း မိမိ၏ သားသမီးများအတွက် စံနမူနာပြဖြစ်သည့် မိခင်၊ ဖခင်များ အဖြစ်ပြုမူနေထိုင်ကြရန် တိုင်းဒေသကြီးအစိုးရအဖွဲ့၊လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီးဝင်းတင့်က ပြောကြားခဲ့သည်။

ယခုနှစ် တက္ကသိုလ်ဝင်တန်းစာမေးပွဲတွင် လေးဘာသာဂုဏ်ထူးရှင်တစ်ဦး၊ တစ်ဘာ သာဂုဏ်ထူးရှင်တစ်ဦးနှင့် ရိုးရိုးအောင်မြင်သူ နှစ်ဦးတို့ကို ဂုဏ်ပြုချီးမြှင့်ငွေများအား လည်းကောင်း၊ တက္ကသိုလ်အဆင့်တွင် ပညာသင်ယူလျက်ရှိသော ကျောင်းသား၊ ကျောင်းပညာသင် ၂၂ ဦး ကိုယ်စားကျောင်းသူတစ်ဦး အားလည်းကောင်း၊ အခြေခံပညာ အထက်တန်း အဆင့်တွင် ပညာသင်ယူလျက်ရှိသော ကျောင်းသား၊ ကျောင်းသူ ၁၃ ဦး ကိုယ်စား ကျောင်းသူတစ်ဦးအားလည်းကောင်း၊အခြေခံပညာအလယ်တန်းအဆင့်တွင် ပညာသင်ယူလျက်ရှိသော ကျောင်းသား၊ ကျောင်းသူ ၂၀ ဦးကိုယ်စား၊ ကျောင်းသူ တစ်ဦးအားလည်း ကောင်း၊ အခြေခံပညာ မူလတန်းအဆင့်တွင် ပညာသင်ယူလျက်ရှိသော ကျောင်းသား၊ ကျောင်းသူ ၃၉ ဦးနှင့် မူကြို အဆင့်တက်ရောက်မည့်သူ ၁၂ ဦးတို့ကိုယ်စား၊ ကျောင်းသူတစ်ဦး အားလည်းကောင်း၊ စုစုပေါင်း ကျောင်းသား၊ ကျောင်းသူ ၁၀၆ ဦး တိုအား ထောက်ပံ့ငွေများပေးအပ်ခဲ့ကြောင်း သိရသည်။

ymg/NN
#Yangon_Media_Group