#Local_News
Published_30 August 2022

"နှစ်ကိုယ်တူချစ်သမျှ၊ ချစ်အာရုံ"စသည့် နာမည်ကြီးတေးများ ရေးစပ်သူမြို့မ ကိုပေါ ဈာပနက ယနေ့ သြဂုတ်လ ၃၀ ရက်က အေးရိပ်ငြိမ် သုဿာန်၌ ပြုလုပ်ခဲ့ကြောင်း သိရသည်။

ဆရာကြီးသည် သြဂုတ်လ ၂၈ ရက် ညပိုင်းတွင် မန္တလေးမြို့၊ ပုလင်းဝင်းရပ်ရှိ သူ၏နေအိမ်၌ ကွယ်လွန်ခဲ့ခြင်းဖြစ်ပြီး အသက် ၉၆ နှစ်အရွယ် ရှိပြီ ဖြစ်ကြောင်း၊ အမည်ရင်းမှာ ဦးကျော်စိုးဖြစ်ကြောင်း သိရသည်။

အသက်၂၄ နှစ်အရွယ်တွင် မန္တလေးမြို့ မြို့မတူရိယာအသင်း၌ ဆက်ဆိုဖုန်း မှုတ်သူအဖြစ် ဂီတလောကသို စတင်ဝင်ရောက်ခဲ့သူဖြစ်ပြီး တေးသီချင်းများ စတင်ရေးခဲ့သူဖြစ်ပြီး ၁၉၆၁ ခုနှစ်အတွက် ရုပ်ရှင်ဓာတ်ပုံ ထူးချွန်ဆု အကယ်ဒမီကို “ကိုယ်ပိုင်မေတ္တာ” ဇာတ်ကား၌ ဦးလူကလေးနှင့်အတူ ပူးတွဲရရှိခဲ့သူ ဖြစ်ကာ သင်္ကြန်မိုး ဇာတ်ကားတွင် ဂီတမှူးအဖြစ်ဆောင်ရွက်ခဲ့သည့်အပြင် ၁၉၉၁ နှစ်က ရုံတင်ခဲ့သော ဒဏ္ဍာရီဇာတ်ကားတွင် အသုံးပြုသည့် “အောင်စေမင်္ဂလာ” သီချင်းကိုလည်းကောင်း ရေးစပ်ပေးခဲ့သူ ဖြစ်ကြောင်း သိရသည်။

#ymg/mt
#Yangon_Media_Group

Published 30 Aug 2022

တောင်ကိုးရီးယားသရုပ်ဆောင်မင်းသမီး ယိုဂျုအန် Yoo Ju-eun ဟာ တနင်္လာနေ့က ကိုယ့်ကိုကိုယ်အဆုံးစီရင်ပြီး သေဆုံးသွားတယ်လို့ တောင်ကိုးရီးယားမီဒီယာတွေက ဖော်ပြကြပါတယ်။ မင်းသမီးဟာ ကွယ်လွန်ချိန်မှာ (၂၇)နှစ်ရှိပါပြီ။

ဩဂုတ် ၂၉ရက်က သူ့အစ်ကိုအကြီးဆုံးက သူမရဲ့ အင်စတာဂရမ်မှာ သူမသေဆုံးကြောင်းရေးသားခဲ့ပြီး အဲဒီတနင်္လာနေ့ မနက်မှာ ကိုယ့်ကိုကိုယ်အဆုံးစီရင်ခဲ့တာဖြစ်တယ်လို့လည်း‌ ဖော်ပြထားပါတယ်။ သူမရဲ့ ဈာပနအခမ်းအနားကို ဩဂုတ် ၃၁ ရက် ဗုဒ္ဓဟူးနေ့မှာကျင်းပမှာဖြစ်ပါတယ်။

သူမရဲ့ နောက်ဆုံးရေးခဲ့တဲ့စာတွေကိုလည်း သူမရဲ့ စိတ်ဆန္ဒအရအင်စတာဂရမ်မှာ တင်ပေးလိုက်ပါတယ်လို့လည်း အစ်ကိုကြီး ဖြစ်သူကပြောပါတယ်။

သူမစောစောထွက်ခွာသွားရတဲ့အတွက် အဖွား၊အဖေနှင့်အမေနှင့်အစ်ကိုကြီးကို တောင်းပန်ပါတယ်လို့ သူမက စာထဲမှာ ရေးထားပါတယ်။

“ ကျွန်မတကယ့်ကိုသရုပ်ဆောင်ချင်တာပါ” လို့ လည်းစာထဲမှာရေးထားပါတယ်။

“ သရုပ်ဆောင်ရတာဟာ ကျွန်မအတွက် အဓိပ္ပါယ်အပြည့် ဒါမှမဟုတ် အစိတ်အပိုင်းတစ်ခုဖြစ်ပါတယ်။ ဒါပေမယ့် အဲဒီဘဝမှာ နေထိုင်ရတာ သိပ်မလွယ်လှဘူး” လို့လည်း သူမကရေးပါတယ်။

သူမဟာ ကွယ်လွန်ပြီးဖြစ်တဲ့ အမေရိကန်ရက်ပါ မက်မီလာရဲ့ Circles (2020) သီချင်းကိုလည်း သူမရဲ့ အင်စတာဂရမ် စတိုရီ မှာ တနင်္ဂနွေညက တင်ထားပါတယ်။အဲဒီအထဲက  ကမ္ဘာကြီးလျောကျဆင်းလာတာကို ကြည့်နေတယ်"Watchin' the world falling down its decline". ဆိုတဲ့ သီချင်းစာသားအပိုင်းကလေးကိုဖြစ်ပါတယ်။

ယိုဟာ Big Forest (2018) ဆိုတဲ့ ဒရာမာဇာတ်မြူးမှာသရုပ်ဆောင်ခဲ့ပါတယ်။ Joseon Survival Period (2019). ဆိုတဲ့ အချိန်ခရီးသွား စီးရီးမှာလည်း ဇာတ်ပို့တစ်ဦးအဖြစ်သရုပ်ဆောင်ခဲ့ပါတယ်။

Source: Straits Times

#Yoo Ju-eu

#Yoo Ju-eu_Sucide

#Korea_Drama_actress

#World_Politics
Published 30 August 2022

၂၀၂၀ ခုနှစ်ရွေးကောက်ပွဲမှာ 'ဂျိုးဘိုင်ဒန်'ကိုရှုံးနိမ့်ပြီးနောက် ၂ နှစ်အကြာကျမှ သမ္မတဟောင်း'ဒေါ်နယ်ထရမ့်'ဟာ သူ့ကို ၂၀၂၀ ရွေးကောက်ပွဲအနိုင်ရသူအဖြစ် ပြင်ဆင်ကြေညာပေးရန် သို့မဟုတ် ရွေးကောက်ပွဲအသစ် ကျင်းပပေးရန် တနင်္လာနေ့က အံ့အားသင့်ဖွယ်တောင်းဆိုလိုက်ပါတယ်။

အမေရိကန်ဥပဒေနဲ့ သမိုင်းကြောင်းအရ သမ္မတရွေးကောက်ပွဲပြန်လည်ကျင်းပတာမျိုး၊ ၂ နှစ်အကြာကျမှ ရွေးကောက်ပွဲမှာရှုံးနိမ့်ခဲ့သူကို အနိုင်ရသူအဖြစ် ကြေညာတာမျိုး ထုံးစံမရှိပါဘူး။

ဒါပေမဲ့ 'ထရမ့်'ကတော့ ဒီဥပဒေသမိုင်းကြောင်းတွေကို မျက်ကွယ်ပြုပြီး သူ့ရဲ့ Truth Social လူမှုကွန်ရက်မှာ တနင်္လာနေ့မနက်က အခုလိုမဖြစ်နိုင်တဲ့ တောင်းဆိုချက်ကို ကြေညာလိုက်တာဖြစ်ပါတယ်။

"ရွေးကောက်ပွဲမတိုင်ခင်က 'ဂျိုးဘိုင်ဒန်'ရဲ့သား 'ဟန်တာဘိုင်ဒန်'ရဲ့ လက်ပ်တော့အကြောင်းကို FBI က သိသိကြီးနဲ့ဖုံးကွယ်လိုက်ကြပါတယ်၊ သူတို့သာ မဖုံးကွယ်ဘူးဆိုရင် ၂၀၂၀ မှာ 'ထရမ့်'က အသာလေးအနိုင်ရသွားမှာပါ"လို့ ရေးသားခဲ့ပါတယ်။

'ထရမ့်'ဆိုလိုချင်တဲ့ အကြောင်းအရာက ပြီးခဲ့တဲ့ရွေးကောက်ပွဲတုန်းက 'ဟန်တာဘိုင်ဒန်'ကို စုံစမ်းစစ်ဆေးနေတဲ့ကိစ္စအား FBI က ထုတ်ဖော်ဖွင့်ဟခြင်း မရှိခဲ့တဲ့အပေါ် 'ထရမ့်'က မကျေနပ်ကြောင်း မကြာမကြာပြောကြားလေ့ရှိပါတယ်။

ယေးလ်တက္ကသိုလ်မှရှေ့နေဘွဲ့ရနဲ့ လော်ဘီဟောင်းတစ်ယောက်ဖြစ်သူ 'ဟန်တာဘိုင်ဒန်'ဟာ ၂၀၂၀ ဒီဇင်ဘာလတုန်းက နိုင်ငံခြားစီးပွားရေးလုပ်ငန်းများစွာကရရှိတဲ့ ဝင်ငွေများအပေါ် အခွန်ဆောင်ခြင်းရှိ/မရှိ FBI က စုံစမ်းစစ်ဆေးခဲ့တယ်လို့ ထုတ်ဖော်ဝန်ခံခဲ့ပါတယ်။

ကာလရှည်စွာရှိနေခဲ့တဲ့ တရားရေးဌာနမူဝါဒများအရ FBI က ထိုစုံစမ်းမှုများကို အသိအမှတ်မပြုခဲ့ဘဲ ယင်းမူဝါဒများအတိုင်းသာ ကျင့်ကြံလိုက်နာခဲ့ပါတယ်။

'ဘိုင်ဒန်'တို့သားအဖနှစ်ယောက်စလုံးဟာ ရာဇဝတ်မှုများအတွက် ဖမ်းဆီးတရားစွဲဆိုခံထိုက်ကြောင်း 'ထရမ့်'ဟာ မဲဆွယ်ကာလတုန်းကလည်း ခဏခဏထုတ်ဖော်ပြောနေခဲ့ပါတယ်။

FBI အနေနဲ့ အကြီးအကျယ်အကျင့်ပျက်ပြီးတော့ ရွေးကောက်ပွဲကိုနှောင့်ယှက်တဲ့ လုပ်ရပ်ဟာ တိုင်းပြည်မှာ တစ်ခါမှမမြင်ဖူးတဲ့လုပ်ရပ်ဖြစ်ကြောင်း၊ တကယ်သင့်တော်မှန်ကန်တဲ့သူကိုသာ ရွေးကောက်ပွဲအနိုင်ရသင့်ကြောင်း 'ထရမ့်'ကဆိုပါတယ်။

သမ္မတသက်တမ်းကုန်ဆုံးပြီးနောက် ဖလော်ရီဒါရှိ ပမ်းလ်ကမ်းခြေနေအိမ်မှာ 'ထရမ့်'က ထိပ်သီးအချက်အလက်များပါဝင်တဲ့ သေတ္တာများထိန်းသိမ်းထားပြီး တရားဥပဒေကိုနှောင့်ယှက်မှု၊ နိုင်ငံတော်ကာကွယ်ရေးအချက်အလက်များ တရားမဝင်လက်ဝယ်ပိုင်ဆိုင်မှုတို့နဲ့ပတ်သက်ပြီး အမေရိကန်ဥပဒေများကို ချိုးဖောက်ခြင်းရှိ/မရှိ လတ်တလော FBI မှ အပြင်းအထန်စစ်ဆေးခြင်းကို ခံနေရပါတယ်။

ဩဂုတ် ၈ ရက်နေ့က ဝရမ်းထုတ်ပြီး FBI က ထရမ့်နေအိမ်ကိုဝင်ရောက်ရှာဖွေခဲ့ရာ အချက်အလက်စာတမ်းတွေပါဝင်တဲ့ သေတ္တာ ၁၅ လုံး တွေ့ရှိခဲ့ပါတယ်။

ပုဂ္ဂိုလ်ရေးဆိုင်ရာ အချက်အလက်စာတမ်း ၆၇ ခု၊ လျှို့ဝှက်ချက်အဖြစ် သတ်မှတ်ထားတဲ့စာတမ်း ၉၂ ခုနဲ့ ထိပ်သီးလျှို့ဝှက်ချက်အဖြစ် သတ်မှတ်ထားတဲ့ အချက်အလက်စာတမ်း ၂၅ ခုတို့ ပါဝင်ပါတယ်။

တွေ့ရှိခဲ့တဲ့ အချက်အလက်တွေသာ ပေါက်ကြားခဲ့မယ်ဆိုရင် နိုင်ငံတော် ထောက်လှမ်းရေးအဖွဲ့ကနေစပြီး တိုင်းပြည်ကိုပါ အန္တရာယ်ကျရောက်စေမှာဖြစ်တယ်လို့ အမေရိကန်ရှေ့နေ'ဟွမ်ဂွန်ဇာလက်စ်'က ရှင်းပြသွားပါတယ်။

Source: Independent
#Yangon_Media_Group

#World_Health
Published 30 August 2022

ဓမ္မတာစောပြီးလာတတ်တဲ့ အမျိုးသမီးတွေဟာ အခြားသူတွေထက် သွေးဆုံးချိန် ၂ နှစ်စောတတ်ပြီး ထိုမတိုင်ခင်မှာလည်း ဝေဒနာလက္ခဏာများ ခံစားရတတ်ကြောင်း တွေ့ရှိထားပါတယ်။

ဟားဗတ်ဒ်ဆေးဘက်ဆိုင်ရာ တက္ကသိုလ်မှ သုတေသီများက အသက် ၃၃ နှစ်မှ ၅၁ နှစ်ကြားအမျိုးသမီးများကို လေ့လာခဲ့ကြပြီး ဓမ္မတာလာခြင်းပြီးဆုံးသွားပြီးနောက် သွေးဆုံးချိန်မှာ ဖြစ်ပေါ်လာတဲ့ဝေဒနာများကို မေးမြန်းခဲ့ပါတယ်။

ဓမ္မတာစက်ဝန်းက ပုံမှန်ဆိုရင် ၂၆ ရက်မှ ၃၄ ရက်ကြားကြာတတ်ပြီး အသက် ၅၁ နှစ်ခန့်မှာ သွေးဆုံးကြပေမယ့် ၂၆ ရက်ထက် စောပြီးဓမ္မတာလာတတ်သူတွေဟာ ပျမ်းမျှအားဖြင့် အသက် ၄၉ နှစ်အရွယ်မှာ သွေးဆုံးကြကြောင်း တွေ့ရှိခဲ့ကြပါတယ်။

ဓမ္မတာစက်ဝန်းတိုတောင်းတဲ့ အမျိုးသမီးတွေက အိပ်ရေးမဝခြင်း၊ နှလုံးပြဿနာဖြစ်ခြင်း၊ စိတ်ဓာတ်ကျခြင်းများ ဖြစ်ပေါ်တတ်တာကို သုံးသပ်တွေ့ရှိခဲ့ပါတယ်။

ဘဝမှာ ဓမ္မတာစက်ဝန်းပြီးဆုံးပြီး သွေးဆုံးတဲ့အချိန်က ကျန်းမာရေးအခြေအနေ လေ့လာလိုအကောင်းဆုံးအချိန်ဖြစ်ပါတယ်။

စောစီးစွာ သွေးဆုံးခြင်းဖြင့် ဟော်မုန်းအပြောင်းအလဲဖြစ်ပေါ်ပြီး ရုတ်တရက်လျော့နည်းသွားကာ နှလုံးရောဂါ၊ လေဖြတ်ခြင်း၊ အဆစ်နာခြင်းစတဲ့ ဝေဒနာများအပြင် ဘဝသက်တမ်းကိုပါ တိုတောင်းစေနိုင်တယ်လို့ ဆရာဝန်တစ်ဦးက သတိပေးဖူးပါတယ်။

စမ်းသပ်မယ့်အမျိုးသမီးတွေကို အဖွဲ့ ၃ ဖွဲ့ခွဲပြီး နောက်ထပ် ၁၈ နှစ်ကြာတဲ့အချိန် သွေးဆုံးသွားချိန်မှာ ခံစားရတဲ့လက္ခဏာများအကြောင်း မေးမြန်းခဲ့ကြပါတယ်။

တွေ့ရှိတဲ့ရလာဒ်များမှာ ဓမ္မတာစက်ဝန်းစောပြီးလာတတ်တဲ့ အမျိုးသမီးတွေဟာ ပုံမှန်ဓမ္မတာလာသူတွေထက် စောစီးစွာသွေးဆုံးနိုင်ချေ ၆၇ ရာခိုင်နှုန်းပိုများကြောင်း သိရှိရပါတယ်။

ပုံမှန်ဓမ္မတာစက်ဝန်းရှိသူတွေရဲ့ သွေးဆုံးချိန်ကတော့ ပျမ်းမျှအားဖြင့် အသက် ၅၂ နှစ်အရွယ်ဖြစ်ပါတယ်။

သွေးဆုံးကိုင်ဝေဒနာတွေနဲ့ ပတ်သက်ရာမှာလည်း ဓမ္မတာစောတတ်သူတွေက အိပ်ရေးမဝတဲ့ပြဿနာ ၉၂ ရာခိုင်နှုန်း၊ စိတ်ဓာတ်ကျဝေဒနာဖြစ်နိုင်ချေ ၈၅ ရာခိုင်နှုန်း၊ နှလုံးပြဿနာဖြစ်နိုင်ချေ ၆၈ ရာခိုင်နှုန်းပိုများခဲ့ပါတယ်။

ဓမ္မတာစောလာတဲ့သူအများစုဟာ လူဖြူများဖြစ်ပြီး များသောအားဖြင့် ဘွဲရပုဂ္ဂိုလ်များဖြစ်ကြောင်း ထူးထူးဆန်းဆန်းတွေ့ရှိထားပါတယ်။

ဓမ္မတာစက်ဝန်းပုံစံကိုကြည့်ပြီး ရုပ်ပိုင်းဆိုင်ရာနဲ့ စိတ်ပိုင်းဆိုင်ရာ ကျန်းမာရေးများကို အကဲဖြတ်နိုင်မှာဖြစ်ပါတယ်။

သွေးဆုံးခြင်းဆိုတာက အသက်အရွယ်အရ သဘာဝအတိုင်းဖြစ်ပျက်တာဖြစ်ပြီး ဓမ္မတာမဆုံးခင် ၁၀ နှစ်လောက်အထိ ဝေဒနာများပေါ်ပေါက်တတ်ပါတယ်။

ဒီလက္ခဏာတွေသက်သာစေရန် အိပ်ရေးဝအောင်အိပ်ခြင်း၊ ကယ်လ်စီယမ်ဓာတ်ပါဝင်တဲ့ အစားအစာစားသုံးခြင်း၊ လေ့ကျင့်ခန်းပုံမှန်လုပ်ခြင်းတို့ ပြုလုပ်နိုင်ပါတယ်။

သွေးဆုံးချိန်ကာလအတွင်း ဟော်မုန်းများမထုတ်လုပ်နိုင်တာကြောင့် ဟော်မုန်းဖြည့်စွက်စာများ သုံးစွဲနိုင်ပါတယ်။

Source: Daily Mail
#Yangon_Media_Group

#Local_News
Published - 30 August 2022

ပြည်တွင်းစက်သုံးဆီဈေးနှုန်းမှာဓါတ်ဆီ ၁ လီတာ ၇၅ ကျပ်၊ ဒီဇယ် ၁ လီတာ ၆၀ ကျပ် အသီးသီး မြင့်တက်လာကြောင်း စက်သုံးဆီအရောင်းဆိုင်များ၏ ဈေးနှုန်းများအရ သိရသည်။

ယနေ့( သြဂုတ် 30) ရက် စက်သုံးဆီဈေးနှုန်းမှာ 92 တစ်လီတာကို ၂၅၇၀ ကျပ်၊ 95 တစ်လီတာကို ၂၆၃၅ ကျပ်၊ 97 တစ်လီတာကို ၃၂၅၅ ကျပ်၊ ဒီဇယ်နှင့် ပရီမီယံဒီဇယ်တစ်လီတာကို ၃၃၃၅ ကျပ်ဖြစ်ကြောင်း သိရသည်။

ယမန်နေ့(သြဂုတ် ၂၉) စက်သုံးဆီဈေးနှုန်းမှာ 92 တစ်လီတာကို ၂၄၉၅ ကျပ်၊ 95 တစ်လီတာကို ၂၅၆၀ ကျပ်၊ ဒီဇယ်တစ်လီတာကို ၃၁၉၅ ကျပ်နှင့်ပရီမီယံဒီဇယ်တစ်လီတာကို ၃၂၇၅ ကျပ်ဖြစ်ကြောင်း သိရသည်။

"ဆီဈေးတွေက ဆက်တိုက်တတ်နေတော့ ကားလည်းဆွဲရတာ အဆင်မပြေဘူး။ ဆီဈေးတတ်လို့ ကားခကို တိုးတောင်းရင်လည်း ခရီးသည်တွေက အဆင်မပြေတော့ဘူး။ ကိုယ်ပိုင်ကားလည်းမဟုတ်ဘူး။ သူများကားကို ယူမောင်းနေရတော့ အုံနာခတောင် မနည်းရှာနေရတယ်"လို့ အငှားယာဉ်မောင်း ကိုအောင်ကျော်ကျော်ဦးက ပြောသည်။

ရန်ကုန် ၊ မန္တလေး အပါအဝင် နေပြည်တော်၊ တိုင်းဒေသကြီးနှင့် ပြည်နယ်များတွင် ရည်ညွှန်းလက်လီဈေးနှုန်းဖြင့် ရောင်းချပေးနေကြောင်း စက်သုံးဆီတင်သွင်း သိုလှောင်ဖြန့်ဖြူးခြင်း လုပ်ငန်းကြီးကြပ်မှု ကော်မတီမှ သိရသည်။

#Ymg/STH
#Yangon_Media_Group

#Local_News
Published _ 30 August 2022

ပြီးခဲ့သည့် ၂၀၂၂ ခုနှစ် တက္ကသိုလ်ဝင်စာမေးပွဲအောင်မြင်ခဲ့ကြသူများအနေနှင့် ကျန်းမာရေးဝန်ကြီးဌာနလက်အောက်ရှိ ဆေးတက္ကသိုလ်နှင့် ဆေးဘက်ဆိုင်ရာ တက္ကသိုလ်များ၊ သွားဘက်ဆိုင်ရာတက္ကသိုလ်များကိုဝင်ခွင့်လျှောက်ထားနိုင်ကြောင်း ထုတ်ပြန်ထားရာ ဝင်ခွင့်လျှောက်ထားလိုသူများအနေဖြင့် စိတ်ပိုင်ဆိုင်ရာ စမ်းသပ်သည့် စာမေးပွဲကိုပါ ထည့်သွင်းဖြေဆိုပေးရမည်ဟု သိရသည်။

ဆေးတက္ကသိုလ်တွေကို ဝင်ခွင့်လျှောက်ထားသူများဟာ ၂၀၂၂ခုနှစ်တက္ကသိုလ်ဝင်ခွင့် စာမေးပွဲမှာ ၆ဘာသာရမှတ်ပေါင်းအခြေခံမည့် အမှတ်စာရင်းနှင့် အင်္ဂလိပ်စာ၊ ဓာတုဗေဒ၊ ဇီဝဗေဒစသည့် ၃ ဘာသာရမှတ်အနည်းအများကို ကြည့်ကာ ပမာဏရွေးချယ်သွားမယ်ဖြစ်ကြောင်း သိရသည်။

ဝင်ခွင့်ရွေးချယ်ခံရသူများဟာ ရေးဖြေ နှုတ်ဖြေ စာမေးပွဲတွေကို ဖြေဆိုရမှာဖြစ်သလို နှုတ်ဖြေစာမေးပွဲမှာ စိတ်ပိုင်ဆိုင်ရာဆန်းစစ်မှုကိုပါထည့်သွင်းပြီး စာမေးပွဲစစ်ဆေးသွားမည်ဟု ကျန်းမာရေးဝန်ကြီးဌာနက ထုတ်ပြန်ထားသည်။

#ymg/NN
#Yangon_Media_Group

#Local_News
Published_30 August 2022

မလေးရှားနိုင်ငံ ထိန်းသိမ်းရေးစခန်းများမှ သြဂုတ်လအတွင်းတွင် မြန်မာနိုင်ငံသား ၄၈၀ ကျော် ပြည်တော်ပြန်နိုင်ခဲ့ကြောင်း မလေးရှားနိုင်ငံဆိုင်ရာ မြန်မာသံရုံးက သိရသည်။

အဆိုပါ ပြည်တော်ပြန်များမှာ မလေးရှားနိုင်ငံတွင် အကြောင်းအမျိုးမျိုးကြောင့် ပြစ်ဒဏ်ကျခံပြီးနောက် ထိန်းသိမ်းရေးစခန်းများတွင် နေထိုင်နေသူများဖြစ်ပြီး ယင်းတို့ကို မြန်မာ့အပြည်ပြည်ဆိုင်ရာ လေကြောင်းလိုင်း (MAI) ကယ်ဆယ်ရေးလေယာဉ်ဖြင့် ပြန်လည် ပို့ဆောင်ပေးခဲ့ခြင်း ဖြစ်ကြောင်း သိရသည်။

ပြည်တော်ပြန်ပြီး အရေအတွက်မှာ သြဂုတ်လ ၄ ရက်တွင် လင်ကင်းကန့်၊ KLIA ထိန်းသိမ်းရေးစခန်းနှင့် BELANTIK ထိန်းသိမ်းရေးစခန်းများတွင် ရောက်ရှိနေသူများအနက်မှ မြန်မာနိုင်ငံသားဖြစ်ကြောင်း စိစစ်မှန်ကန်သူ ၉၈ ဦး၊ သြဂုတ်လ ၁၁ ရက်တွင် Bidor ကန့်၊ Perlis ထိန်းသိမ်းရေးစခန်းနှင့် Juru ထိန်းသိမ်းရေးစခန်းများတွင် ရောက်ရှိနေသူများအနက်မှ မြန်မာနိုင်ငံသားဖြစ်ကြောင်း စိစစ်မှန်ကန်သူ ၆၄ဦး၊ သြဂုတ်လ ၁၈ ရက်တွင် Belantik ကန့်၊ Tanah Merah ထိန်းသိမ်းရေးစခန်းများတွင် ရောက်ရှိနေသူများအနက်မှ မြန်မာနိုင်ငံသား ဖြစ်ကြောင်း စိစစ်မှန်ကန်သူ ၁၅၅ဦး၊ သြဂုတ်လ ၂၅ ရက်တွင် Semenyih camp၊ Malaka camp၊ Paranang camp၊ Tanah Metah camp၊ Pekan Nenas camp တို့မှ မြန်မာနိုင်ငံသား ဖြစ်ကြောင်း စိစစ်မှန်ကန်သူ စုစုပေါင်း( ၁၆၆) ဦး ဖြစ်ကြောင်း သိရသည်။

ယခုအခါ ကွာလာလမ်ပူမြို့ရှိ မြန်မာသံရုံးမှ တတိယအတွင်းဝန်နှင့် တာဝန်ရှိသူများက မလေးရှားနိုင်ငံ KLIA ထိန်းသိမ်းရေးစခန်းရှိ မြန်မာနိုင်ငံသား အမျိုးသား (၂၁) ဦး၊ အမျိုးသမီး (၂၃)ဦး စုစုပေါင်း (၄၃)ဦး အား သွားရောက်တွေ့ဆုံကာ အထောက်အထားပြည့်စုံသည့် မြန်မာနိုင်ငံသားများဖြစ်ပါက မြန်မာနိုင်ငံသို့ အမြန်ဆုံးပြန်ပို့ပေးနိုင်ရန် သြဂုတ်လ ၂၉ ရက်တွင် သွားရောက်တွေ့ဆုံခဲ့သေးကြောင်းလည်း သိရသည်။

#ymg/mt
#Yangon_Media_Group

#World_Health
Published 30 August 2022

ညဘက် အိပ်ရေးဝအောင် မအိပ်မိတဲ့အခါ နောက်နေ့တစ်နေ့လုံး အားအင်ချည့်နဲ့ နေတတ်ပါတယ်။

ဒါ့အပြင် အခြားလူများကို ကိုယ်ချင်းစာကူညီပေးတတ်တဲ့စိတ်တွေပါ လျော့ပါးကုန်ကြောင်း ကယ်လီဖိုးနီးယားတက္ကသိုလ်မှ ရှာဖွေတွေ့ရှိခဲ့ပါတယ်။

လူသားတွေရဲ့ ဖွံ့ဖြိုးတိုးတက်လာတဲ့ လူနေထိုင်မှုစရိုက်အရ အခြားလူများကို ကူညီပေးတာကလည်း လူသားဆန်တဲ့အပြုအမူဖြစ်ပါတယ်။

ဒါပေမဲ့အိပ်ရေးပျက်ရင်တော့ ဒီလိုအခြေခံအပြုအမူ စရိုက်တွေကိုပါ ထိပါးလာစေပါတယ်။

သက်လတ်ပိုင်းလူတွေနဲ့ ဆယ်ကျော်သက်အများစုဟာ အခုဆိုရင် ဆိုရှယ်မီဒီယာများ၊ ဗီဒီယိုများ၊ ကျောင်းသင်ခန်းစာများ၊ အိမ်အလုပ်များနဲ့ အခြားအကြောင်းအရာများကြောင့် အိပ်ချိန် ၇ နာရီအောက်သာ ရှိကြပါတော့တယ်။

အိပ်ရေးမဝတဲ့အခါ နှလုံးသွေးကြောရောဂါများ၊ စိတ်ကျဝေဒနာ၊ ဆီးချို၊ သွေးတိုးနဲ့ အရွယ်မတိုင်ခင် စောစီးစွာအသက်ဆုံးပါးရခြင်းများ အဖြစ်များတတ်ပါတယ်။

အခုတွေ့ရှိချက်အရ ကျွန်ုပ်တို့ရဲ့ လူမှုဆက်ဆံရေးအခြေအနေနဲ့ စာနာကူညီစိတ်ကိုပါ ပျက်စီးလာစေပါတယ်။

စမ်းသပ်ချက်ပြုလုပ်ရာမှာ စမ်းသပ်ခံတဲ့လူတွေကို တစ်နေ့ကို တစ်နာရီလျှော့အိပ်ခိုင်းခဲ့ပါတယ်။

ထိုအခါ အိပ်ရေးမဝတဲ့လူတွေက စိတ်ပိုင်းဆိုင်ရာနဲ့ ရုပ်ပိုင်းဆိုင်ရာကျန်းမာရေးတွေမှာ ထိခိုက်လာရုံမက လူတစ်ဦးနဲ့တစ်ဦးကြား မေတ္တာထားစိတ်များ လျော့နည်းလာတာကို တွေ့ရှိရပါတယ်။

"လွန်ခဲ့တဲ့ နှစ် ၂၀ အတွင်း အိပ်စက်ခြင်းနဲ့ စိတ်ပိုင်းဆိုင်ရာ ကျန်းမာရေးတို့ကြား ဆက်စပ်မှုတွေတွေ့ရှိခဲ့ပါတယ်၊ ဒါပေမဲ့ အဲဒီတုန်းက အိပ်ချိန်ပုံမှန်သာရှိခဲ့ကြတာကြောင့် အဓိကစိတ်ပိုင်းဆိုင်ရာ ပြဿနာကို မမြင်ခဲ့ကြပါဘူး၊ လူတွေရဲ့ပေါင်းသင်းဆက်ဆံရေးက အိပ်ချိန်ဘယ်လောက်ကျေနပ်မှုရှိသလဲအပေါ် အတော်လေးမူတည်နေပါတယ်" လို့ ယူစီဘာကလေမှ စိတ်ကျန်းမာရေးပရော်ဖက်ဆာ'မက်သယူးဝေါလ်ကာ'က ရှင်းပြခဲ့ပါတယ်။

"အိပ်ရေးမဝရင် ကိုယ့်ကိုယ်ကို ထိခိုက်စေရုံမက ပတ်ဝန်းကျင်အပေါင်းအသင်းနဲ့ သူစိမ်းလူတွေကိုပါ သက်ရောက်နေပါတယ်"

ကျွန်ုပ်တို့ရဲ့ဘဝတွေမှာ အိပ်စက်ခြင်းက မရှိမဖြစ်အရေးကြီးနေပါတယ်။

လူ့အသိုင်းအဝိုင်းမှာ အိပ်စက်ခြင်းကို အလေးမထားရင် တစ်ယောက်နဲ့တစ်ယောက် သဘောထားမတိုက်ဆိုက်တာတွေ၊ ကြင်နာစိတ်ကင်းမဲ့တာတွေ ကြုံတွေ့လာရမှာပါ။

အိပ်စက်ခြင်းကို အကျိုးမရှိဘူးလို့ ယူဆတာတွေကို ရပ်တန့်သင့်ပြီး အိပ်စက်ခြင်းကပဲ ကြင်နာစိတ်ပြည့်ဝတဲ့ လူ့ဘဝတွေကို ပေးစွမ်းနိုင်မှာဖြစ်ပါတယ်။

Source: The Jerusalem Post
#Yangon_Media_Group

Published_29 August 2022

ရန်ကုန်တိုင်းဒေသကြီး အင်းစိန်ဗဟိုအကျဉ်းထောင်ကို ဩဂုတ်လ ၂၂ ရက်တွင် ၆၀ မမ စိန်ပြောင်းဖြင့် ပစ်ခတ်ခဲ့သည့် ထွန်းထွန်းဟန်(ခ)ဝသုန် အား ၆၀ မမ စိန်ပြောင်း ၁ လက်နှင့်အတူ ဩဂုတ်လ ၂၃ ရက်တွင် မော်လမြိုင်မြို့၊ လှိုင်ရပ်ကွက်၊ မြို့ရှောင်လမ်း၊ ဘိုကလိုလမ်းသွယ်ရှိ STAR FAMILY တည်းခိုခန်း၌ ဖမ်းဆီးရမိခဲ့ကြောင်း နစက အနေဖြင့် ထုတ်ပြန်လိုက်သည်။

ယင်း၏ထွက်ဆိုချက်အရ ဩဂုတ်လ ၂၄ ရက် နံနက်ပိုင်းတွင် ကျိုက်မရောမြို့နယ်၊ ပိန္နဲကုန်းကျေးရွာ၊ ကင်းစုရပ်ကွက်၌ ပြည့်ဖြိုးပိုင်နှင့် မျိုးဇော်လင်း တို့အားလည်းကောင်း၊ ယင်းနေ့ညနေပိုင်းတွင် မြောက်ဥက္ကလာပမြို့နယ်၊ ဝေဘာဂီလမ်းအနီးရှိ (ဌ)ဈေး၌ အောင်ဇော်မြင့်(ခ)စစ်နိုင်နှင့် သန့်စင်တို့အား လည်းကောင်း၊ ဩဂုတ်လ ၂၅ ရက် နံနက်ပိုင်းတွင် အင်းစိန်မြို့နယ်၊ မြို့သစ်(ဂ)ရပ်ကွက်၊ သရဖီလမ်း၌ မျိုးမင်းဇော်(ခ)ပါကျဲ အားလည်းကောင်း ထပ်မံဖမ်းဆီးရမိခဲ့ကြောင်း သိရသည်။

ထို့အပြင် ဩဂုတ်လ ၂၆ ရက် နံနက်ပိုင်းတွင် အင်းစိန်မြို့နယ်၊ ရွာမအနောက်ရပ်ကွက်၊ ဖန်ချက်စက်လမ်း၌ နေထိုင်သည့် ဆက်စပ်တရားခံ ထိန်လင်း၏နေအိမ်ကို သွားရောက်ရှာဖွေခဲ့ရာ ထိန်လင်းမှာ ထွက်ပြေးတိမ်းရှောင်နေပြီး သံသယတရားခံများဖြစ်သည့် သူဇာသင်းနှင့် ဉာဏ်ထက်ဇံ တို့အား ထပ်မံဖမ်းဆီးရမိခဲ့ကြောင်း၊ယင်းကြောင့် စုစုပေါင်း အမျိုးသားကျား ၇ ဦး၊ အမျိုးသမီး ၁ ဦးတို့ကို ဖမ်းဆီးရမိခဲ့ကြောင်း သိရသည်။

ယင်းတို့အဖွဲ့အနေဖြင့် ရန်ကုန်တိုင်း ဒေသကြီးအတွင်း ဧပြီလ ၁၀ ရက်တွင် ကမာရွတ်မြို့နယ်၊ အင်းလျားလမ်းပေါ်ရှိ ဇော်ဂျီလမ်း လုံခြုံရေးဂိတ်ကို လက်နက်ငယ်ဖြင့် ပစ်ခတ်တိုက်ခိုက်ခဲ့ခြင်း၊ဇူလိုင်လ ၁၉ ရက်တွင် လှိုင်မြို့နယ်၊ ဘူတာရုံအနီးရှိ ရထားလမ်းလွှဲပြုလုပ်သော Control Box ကို လက်လုပ်မိုင်း ၂ လုံးဖြင့် ပစ်ခတ် ဖောက်ခွဲဖျက်ဆီးခြင်းတို့ကိုလည်း ကျူးလွန်ခဲ့ကြကြောင်း ထွက်ဆိုထားကြောင်း သတင်းထုတ်ပြန်ချက်တွင် ဖော်ပြထားသည်။

ymg/mt
#Yangon_Media_Group

Published_ 29 Aug 2022
နစကဥက္ကဋ္ဌ ဗိုလ်ချုပ်မှူးကြီး မင်းအောင်လှိုင်သည် သျှမ်းပြည် ပြန်လည်ထူထောင် ရေးကောင်စီ(RCSS) အဖွဲ့ဥက္ကဋ္ဌ ဗိုလ်ချုပ်ကြီး ယွက်ဆစ် ဦးဆောင်တဲ့ ငြိမ်းချမ်းရေး ကိုယ်စားလှယ် အဖွဲ့အား ဒီကနေ့နံနက်ပိုင်းတွင် နေပြည်တော်၌ တွေ့ဆုံ၍ ငြိမ်းချမ်းရေး ဆိုင်ရာကိစ္စရပ်များ ဆွေးနွေးခဲ့ကြောင်း သိရပါတယ်။
တွေ့ဆုံရာ၌နစကဥက္ကဌက စည်းကမ်းပြည့်ဝတဲ့ပါတီစုံဒီမိုကရေစီစနစ်ကျင့်သုံးရေး၊ ဒီမိုကရေစီနှင့် ဖက်ဒရယ်စနစ်ကိုအခြေခံတဲ့ ပြည်ထောင်စုတည်ဆောက်ရေးကို နိုင်ငံရေး မျှော်မှန်းချက်အဖြစ် ကြိုးပမ်းဆောင်ရွက်လျက်ရှိသည့် အခြေအနေများ၊ ဖွဲ့စည်းပုံအခြေခံ ဥပဒေ (၂၀၀၈ ခုနှစ်) နှင့် တစ်နိုင်ငံလုံးပစ်ခတ် တိုက်ခိုက်မှုရပ်စဲရေး သဘောတူစာချုပ် (NCA) တို့ကိုအခြေခံ၍ ငြိမ်းချမ်းရေးလမ်းကြောင်းကို ဆက်လက်ဖော်ဆောင်သွားမယ့် အခြေအနေများကို ရှင်းလင်းဆွေးနွေးခဲ့ပါတယ်။

ထို့နောက် RCSS အဖွဲ့ဥက္ကဋ္ဌနှင့် အဖွဲ့ဝင်များက ဒီမိုကရေစီနှင့်ဖက်ဒရယ်စနစ်ကို အခြေခံသော ပြည်ထောင်စုတည်ဆောက်ရေး၊ ငြိမ်းချမ်းရေးလုပ်ငန်းစဉ်၊ ဒေသဖွံ့ဖြိုး တိုးတက်ရေး၊ ဖက်ဒရယ်စနစ်ကျင့်သုံး ဆောင်ရွက်ရေး၊ နိုင်ငံရေးပြဿနာများကို နိုင်ငံရေး နည်းဖြင့် ဖြေရှင်းရေး၊ ပြည်သူလူထုတို့၏ လူနေမှုဘဝမြှင့်တင်ရေး၊ လက်နက်ကိုင် ပဋိပက္ခ နှင့် အကြမ်းဖက်မှုများပပျောက်ရေး၊ ရှေ့ဆက်လက်ဆောင်ရွက်သွားမယ့် လုပ်ငန်းစဉ်များ နှင့် ပတ်သက်၍ သဘောထားအမြင်များကို တင်ပြဆွေးနွေးကြပါတယ်။
ဆွေးနွေးတင်ပြမှုများနှင့်ပတ်သက်၍ နစကဉက္ကဌက နိုင်ငံတော်ရဲ့ ပထဝီဝင် အနေ အထားအရ အရေးပါမှုနှင့် မိမိတို့နိုင်ငံနှင့်ကိုက်ညီသည့် နိုင်ငံခြားရေးမူဝါဒကို ကျင့်သုံး ဆောင်ရွက်နေတဲ့ အခြေအနေများ၊ ကမ္ဘာပေါ်တွင် ဒီမိုကရေစီနှင့် ဖက်ဒရယ်စနစ်ကို ကျင့်သုံးဆောင်ရွက်တဲ့နိုင်ငံ အများအပြားရှိကြပြီး မိမိတို့နိုင်ငံ၏ ပထဝီဝင်အနေအထား၊ အမျိုးသားရေး စရိုက်လက္ခဏာ၊ ယဉ်ကျေးမှုတို့နှင့် ကိုက်ညီသည့် ဖက်ဒရယ်စနစ်ကိုသာ ဖော်ဆောင်ကျင့်သုံးဆောင်ရွက်ရန်လိုအပ်တဲ့ အခြေအနေများ၊ စစ်မှန်စည်းကမ်းပြည့်ဝတဲ့ ဒီမိုကရေစီစနစ်ကို ကျင့်သုံးရာတွင် အသိပညာ၊ အတတ်ပညာနှင့် ပြည့်စုံသည့် လူသား အရင်းအမြစ်များ ပြည့်စုံရန် မဖြစ်မနေလိုအပ်မည်ဖြစ်ပြီး ပညာတတ်များ ပေါကြွယ်ဝမှ သာလျင် နိုင်ငံဖွံ့ဖြိုးတိုးတက်ရေးကို အရှိန်အဟုန်ဖြင့် ဆောင်ရွက်နိုင်မှာ ဖြစ်တဲ့အတွက် ပညာရေးကို မြှင့်တင်ဆောင်ရွက်ပေးလျက်ရှိတဲ့ အခြေအနေများ၊ တိုင်းရင်းသား ဒေသများ ဖွံ့ဖြိုးတိုးတက်ရေးအတွက်လည်း လက်တွေ့အကောင်အထည်ဖော် ဆောင်ရွက်ပေးလျက် ရှိတဲ့ အခြေအနေများနှင့်ပတ်သက်၍ ပြန်လည်ဆွေးနွေးပြောကြားပြီး ငြိမ်းချမ်းရေး ဆိုင်ရာ ကိစ္စရပ်များ၊ ဒေသဖွံ့ဖြိုးရေးဆိုင်ရာ ကိစ္စရပ်များနှင့် ပတ်သက်၍ နှစ်ဖက်အမြင်များကို ရင်းနှီးပွင့်လင်းစွာ အပြန်အလှန် ဆွေးနွေးခဲ့ကြကြောင်း သတင်းရရှိပါတယ်။
ygm_mnn
#Yangon_Media_Group

#Local_News
Published_29 August 2022

ယာဉ်အန္တရာယ်ကြုံနိုင်တဲ့ယာဉ်မောင်းတိုင်း၊ စက်ရုံ၊ အလုပ်ရုံတွေက အလုပ်သမားကြီးကြပ်ရေးမှူးတိုင်း ရှေးဦးပြုစုနည်းများ မဖြစ်မနေတတ်မြောက်ထားဖို့လိုတယ်လို့ မြန်မာနိုင်ငံကြက်ခြေနီအသင်း၊အထွေထွေအတွင်းရေးမှူး ပါမောက္ခဒေါက်တာထင်ဇော်စိုးက ပြောပါတယ်၊၊

#Yangon_Media_Group

#World_Miss
Published 29 August 2022

ယခုတစ်ပတ် ထရဲလီအလှမယ်ပြိုင်ပွဲပြီးဆုံးသွားခဲ့ပြီး ပြိုင်ပွဲဝင်အလှမယ်တွေက ရောင်စုံဂါဝန်များနဲ့ ပိုးသားခါးပန်းများဝတ်ဆင်ကာ ၁၉ ရာစုသရုပ်ဖော်မှုကို သီဆိုသွားကြပါတယ်။

#Yangon_Media_Group