#LocalNews
Published_1 September 2022

အမျိုးသားဒီမိုကရေစီအဖွဲ့ချုပ် NLD ပါတီ၏ ကရင်ပြည်နယ်အစိုးရအဖွဲ့ဝင် ဝန်ကြီး ၃ ဦး ဖားအံတောင်ကလေး အကျဉ်းထောင်က ပြန်လည်လွတ်မြောက်လာခဲ့ကြောင်း သိရသည်။

ယင်းတို့မှာ ကရင်ပြည်နယ် လူမှုရေးဝန်ကြီး ဦးဘိုဘိုဝေမောင်၊ ပအိုဝ်းတိုင်းရင်းသားရေးရာဝန်ကြီး ခွန်မျိုးတင့်၊ လူဝင်မှုကြီးကြပ်ရေး၊ပြည်သူ့အင်အားဌာနဝန်ကြီး ဦးမင်းကိုခိုင် တို့ဖြစ်ပြီး ၅၀၅ (ခ) နှင့် ထောင်ဒဏ်၂ နှစ် ကျခံနေရာမှ သတ်မှတ်လွတ်ရက်စေ့ပြီ ဖြစ်သောကြောင့် လွတ်မြောက်လာခဲ့ကြခြင်း ဖြစ်ကြောင်း သိရသည်။

ယင်းတို့ ၃ ဦးအနေဖြင့် ၂၀၂၁ခုနှစ် ၊ ဖေ‌ဖေါ်ဝါရီလ ၂၆ ရက် နံနက်တွင် ထိန်းသိမ်းခြင်း ခံခဲ့ရခြင်း ဖြစ်ကြောင်း သိရသည်။

ymg/mt
#Yangon_Media_Group

#World_Climate
Published 1 September 2022

အမေရိကန်အနောက်ပိုင်းမှာ အပူလှိုင်းဖြတ်နေတာကြောင့် ပြည်နယ်သားတွေကို လျှပ်စစ်ဓာတ်အားလျှော့သုံးဖို့ ကယ်လီဖိုးနီးယားအုပ်ချုပ်ရေးမှူးက ဗုဒ္ဓဟူးနေ့မှာ အရေးပေါ်ကြေညာချက် ထုတ်ပြန်လိုက်ပြီး အခြေအနေပိုဆိုးလာပါက ဓာတ်အားပြတ်တောက်မှုများ ရှိလာနိုင်ကြောင်း အရာရှိများက သတိပေးထားပါတယ်။

အုပ်ချုပ်ရေးမှူး'ဂေဗင်နယူဆမ်'ကြေညာပြီးနောက် ကယ်လီဖိုးနီးယားအော်ပရေတာတစ်ခုကနေ ကြာသပတေးနေ့အထိ ဆက်လက်ထိန်းသိမ်းသုံးစွဲဖို့ ညွှန်ကြားထားပါတယ်။

အပူလှိုင်းက ကယ်လီဖိုးနီးယားတောင်ပိုင်းနဲ့ စင်ထရယ်ဗယ်လီအထိ ဆက်လက်ဖြတ်သန်းနေကာ အပူချိန် ၃ ဆလောက်မြင့်တက်နေပါတယ်။

ကယ်လီဖိုးနီးယားမြောက်ပိုင်းအထိ ရောက်ရှိလာနိုင်ကာ နောက်အပတ်အထိ အပူလှိုင်းလွှမ်းခြုံလာနိုင်ပြီး အချို့နေရာတွေမှာ စံချိန်တင်အပူချိန်ရောက်ရှိနိုင်ပါတယ်။

အပူချိန်က ပုံမှန်ထက် ၁၀ ကနေ ၂၀ ဒီဂရီလောက်အထိ မြင့်တက်လာတာကြောင့် လေအေးပေးစက်များ ဖွင့်ထားကြမှာဖြစ်ပြီး လျှပ်စစ်ဓာတ်အားသုံးစွဲမှု အလွန်များလာနိုင်ပါတယ်။

'နယူဆမ်'က ဒီအချိန်မှာ စွမ်းအင်ပိုမိုတိုးမြှင့်ထုတ်လုပ်ရန်နဲ့ လေထုညစ်ညမ်းမှုမူဝါဒများကို ဖြေလျှော့ထားရန် ကြေညာလိုက်ပါတယ်။

"ကျွန်တော်တို့က သဘာဝပတ်ဝန်းကျင်ကို အံတုဖို့ကြိုးစားကြပေမယ့် မယှဉ်နိုင်ခဲ့ပါဘူး၊ တကယ်တမ်းတော့ အပူလွန်ကဲခြင်း၊ မိုးခေါင်ရေရှားခြင်း၊ ရေကြီးခြင်းစတဲ့ ပြဿနာတွေအမြဲကြုံတွေ့နေရပါတယ်" လို့ ပြောကြားခဲ့ပါတယ်။

အစောပိုင်းရက်တုန်းက အရေးပေါ်ကြေညာဖို့ မလိုအပ်သေးပေမယ့် ရုတ်တရက်ကြီး အပူချိန်အလွန်မြင့်တက်လာတာဖြစ်ပါတယ်။

ပစိဖိတ်အနောက်မြောက်မှ ဟိုက်ဒရိုစွမ်းအင်တင်သွင်းမှုနဲ့ အနောက်တောင်ကန္တာရမှ စွမ်းအင်တွေက ရာသီဥတုပူလာတဲ့အချိန်မှာ မလုံလောက်တော့ပါဘူး။

ဓာတ်အားပြတ်တောက်နိုင်ပေမယ့်လည်း လူတွေက သုံးစွဲမှုလျှော့ချရင်တော့ မဖြစ်လာနိုင်ပါဘူးလို့ 'အယ်လီယော့မိန်ဇာ'က ပြောပြပါတယ်။

လွန်ခဲ့တဲ့ ၂ နှစ်က ဓာတ်အားပြတ်တောက်ပြီးနောက်ပိုင်း ဓာတ်အားထောက်ပံ့ရန် စီမံကိန်း ၁၆၀ ကျော်နဲ့ ၄ ထောင်မက်ဂါဝပ်သိုလှောင်ထားပေမယ့် မိုးခေါင်ရေရှားမှုဒဏ်ကြောင့် ပြည်တွင်းဟိုက်ဒရိုစွမ်းအင်ထုတ်လုပ်မှု သိသိသာသာလျော့ကျနေပါတယ်။

ဓာတ်အားလိုအပ်ချက်အတွက် ဒီဇယ်စက်များမောင်းတဲ့အခါ လေထုညစ်ညမ်းနိုင်ပေမယ့် လျှပ်စစ်ဓာတ်အားရရှိဖိုက ပိုပြီးအရေးကြီးကြောင်း စွမ်းအင်အကြံပေးအရာရှိ'ကယ်ရင်ဒူးဂလပ်စ်'က ပြောပြပါတယ်။

အအေးပေးစနစ်အသုံးပြုနေတဲ့စင်တာများ ဖွင့်ခိုင်းထားပြီး ပြည်သူတွေအနေနဲ့ စာကြည့်တိုက်တို့ မီနီမားကတ်တို့လိုနေရာတွေမှာ သက်တောင့်သက်သာဖြစ်အောင်နေထိုင်ရန် အရာရှိများက အကြံပြုထားပါတယ်။

လုပ်အားပေးများက ရေခဲရေဗူးများကို လှည်းနဲ့တင်ပြီး လိုက်ဝေနေတာကို မြင်တွေ့ကြရပါတယ်။

နေရာဒေသများအလိုက် မီးသတ်သမားများကိုလည်း အဆင်သင့်နေရာချထားဖို့ ကယ်လီဖိုးနီးယားတောတောင်နဲ့ မီးဘေးကာကွယ်ရေးဌာနက စီစဉ်နေပါတယ်။

တနင်္လာနေ့က ကယ်လီဖိုးနီးယားမှာ ဓာတ်အားသုံးစွဲမှု ၄၈,၀၀၀ မက်ဂါဝပ်အထိ ရောက်ရှိသွားခဲ့ကာ ယခုနှစ်အတွင်း အများဆုံးဖြစ်သွားခဲ့ပြီး ဗုဒ္ဓဟူးနေ့မှာတော့ ဒီထက်ပိုများသွားခဲ့ပါတယ်။

မိုးလေဝသဌာနများက အပူချိန် ၃ ဆတက်လာနိုင်ကာ ညဘက်တွေမှာ အနည်းငယ်လျော့ကျနိုင်ပြီးတော့ အနောက်နိုင်ငံနေရာအများအပြားမှာ တောမီးလောင်ကျွမ်းမှုဖြစ်လာနိုင်ကြောင်း သတိပေးထားပါတယ်။

"ဒီတစ်ပတ်ကတော့ အမေရိကန်အနောက်ပိုင်းမှာ အပူလှိင်းက စံချိန်တင်ဖြတ်သန်းနေဦးမှာဖြစ်ပါတယ်" လို့ အမျိုးသားမိုးလေဝသဌာနက ကြေညာခဲ့ပါတယ်။

Source: AP News
#Yangon_Media_Group

#World_Science
Published 1 Sept 2022

အမျိုးသားတွေက အပေါင်းအဖော်တွေနဲ့အတူ လူပျိုပိုးပန်းသကဲ့သို့ ပင်လယ်သမုဒ္ဒရာတွေထဲက လင်းပိုင်တွေဟာလည်း ထိုကဲ့သို့ ပြုမူလေ့ရှိပါတယ်။

လင်းပိုင်အထီးတွေက အခြားအထီးတွေနဲ့ ပူးပေါင်းပြီးကာ လင်းပိုင်အမတွေထံ ချဉ်းကပ်ခွင့်ရဖို့ အခြားလင်းပိုင်အဖွဲ့တွေနဲ့ ယှဉ်ကြပါတယ်။

ဘရစ္စတိုလ်တက္ကသိုလ်မှ ဦးဆောင်ပြီး အဏ္ဏဝါနို့တိုက်သတ္တဝါတွေကို လေ့လာခဲ့ရာမှာ လင်းပိုင်တွေက အခြားမျိုးစိတ်တွေထက် မိတ်ဖွဲ့မှုကိုပိုပြီး လိုလားပါတယ်။

လင်းပိုင်အထီးအဖွဲ့ပေါင်းစုံက ပူးပေါင်းသွားပြီးတော့ သူတို့လိုက်နေတဲ့ လင်းပိုင်အမတွေနဲ့ အချိန်ပိုမိုကြာရှည်စွာရှိနေကာ မျိုးပွားမှုနှုန်းကို ကောင်းကျိုးရစေတယ်လို့ တွေ့ရှိရပါတယ်။

လူသားတွေက စီးပွားရေး၊ စစ်ရေး၊ မိသားစုရေးနဲ့ အခြားအခြေအနေများအတွက် ဗျူဟာပိုင်းအရ ပူးပေါင်းမိတ်ဖွဲ့လေ့ရှိပါတယ်။

လူသားအသိုင်းအဝိုင်းမှာ ဒီလိုမျိုးပူးပေါင်းဆောင်ရွက်တဲ့အလေ့အထက လူသားတွေရဲ့ အောင်မြင်မှုမှတ်ကျောက်တစ်ခုလည်း ဖြစ်ပါတယ်။

ယူကေ၊ အမေရိကန်၊ ဆွစ်ဇာလန်တို့မှ သုတေသီများက ဩစတြေးလျအနောက်ဘက် ရှာ့ခ်ပင်လယ်အော်ရှိ အရွယ်ရောက်ပြီးသား အင်ဒိုပစိဖိတ်လင်းပိုင်အထီး ၁၂၁ ကောင်ကို လေ့လာခဲ့ကြပါတယ်။

လင်းပိုင်တွေက မိတ်ဖွဲ့ရာမှာ အဆင့် ၃ ဆင့်ဖြင့် ပူးပေါင်းဆောင်ရွက်ကြတာကို သိရှိလိုက်ရပါတယ်။

ပထမအဆင့်မဟာမိတ်အဖွဲ့တွေမှာ အထီးတစ်ကောင်နဲ့ အခြား ၂ ကောင် ၃ ကောင်ပါဝင်တတ်ပြီး လင်းပိုင်အမတွေကို အတူတကွ ပိုးပန်းကာ အခြားအဖွဲ့တွေထံမှ ခိုးယူခြင်း၊ ကာကွယ်ခြင်းများ ပြုလုပ်တတ်ကြပါတယ်။

ပထမအဆင့်အဖွဲ့တွေအချင်းချင်း ပူးပေါင်းသွားတဲ့အခါ ဒုတိယအဆင့်မဟာမိတ်အဖွဲ့ဖြစ်လာပြီး လင်းပိုင်အထီး ၄ ကောင်မှ ၁၄ ကောင်ခန့်အထိ ပါဝင်တတ်ပါတယ်။

လင်းပိုင်အမတွေကို ချဉ်းကပ်ဖို့ အခြားအဖွဲ့တွေနဲ့ ယှဉ်ပြိုင်ကြပြီး ဒုတိယအဆင့်အဖွဲ့တွေ ပူးပေါင်းလိုက်ရင် တတိယအဆင့် မဟာမိတ်အဖွဲ့ဖြစ်လာပါတယ်။

ဒီလိုအဖွဲ့တွေနဲ့ ပိုးပန်းခြင်းကပဲ လင်းပိုင်အမတွေနဲ့ အချိန်ပိုမိုကြာရှည်စွာရှိစေသလို အခြားအဖွဲ့တွေနဲ့ ယှဉ်ပြိုင်ရတဲ့အခါလည်း ရှိပါတယ်။

လူသားတွေအပြင် လင်းပိုင်အထီးတွေကလည်း ထပ်ဆင့်အဖွဲ့များ ဖွဲ့စည်းပြီး အထီးတွေက အမတွေနဲ့အတူရှိချိန်ပိုကြာကာ မျိုးပွားနှုန်းတိုးတက်လာစေကြောင်း ဒေါက်တာ'စတက်ဖာနီကင်း'က ပြောပြပါတယ်။

မဟာမိတ်အဖွဲ့ဝင်များအကြား ရင်းနှီးဆက်ဆံခြင်းက သူတို့အတွက် ပိုပြီးအကျိုးရှိစေပါတယ်လို့ ဘရစ္စတိုလ်ဇီဝသိပ္ပံတက္ကသိုလ်မှ ဒေါက်တာ'ဆိုင်မွန်အယ်လန်'က ဆိုပါတယ်။

Source: Daily Mail
#Yangon_Media_Group

#Local_News
Published-1 Setember 2022

ယနေ့(စက်တင်ဘာလ ၁ ရက်) စက်သုံးဆီဈေးနှုန်းမှာ ဓာတ်ဆီတစ်လီတာ ကျပ် ၂၃၀ နှင့် ဒီဇယ်မျိုးစုံတစ်လီတာ ၁၀၅ ကျပ်အထိ ဈေးနှုန်းကျဆင်းလာကြောင်း စက်သုံးဆီအရောင်းဆိုင်များ၏ ဈေးနှုန်းများအရ သိရသည်။

သြဂုတ် ၃၁ ရက်နေ့စက်သုံးဆီဈေးနှုန်းမှာ 92 တစ်လီတာကို ၂၅၇၀ ကျပ်၊ ၉၅ တစ်လီတာကို ၂၆၇၀ ကျပ်၊ ၉၇ တစ်လီတာကို ၃၂၄၅ ကျပ် ၊ ဒီဇယ်နှင့်ပရီမီယံဒီဇယ်တစ်လီတာကို ၃၃၃၀ ကျပ်ရှိခဲ့ရာမှ ယနေ့တွင် 92 တစ်လီတာကို၂၃၇၅ ကျပ်၊ ၉၅ တစ်လီတာ ၂၄၄၀ ကျပ်၊ ၉၇ တစ်လီတာဈေး ၃၁၄၀ ကျပ်၊ ၊ ဒီဇယ်နှင့် ပရီမီယံဒီဇယ်တစ်လီတာ ၃၂၂၅ ကျပ်အထိကျဆင်းခဲ့ကြောင်း သိရသည်။

ရန်ကုန်မြို့နှင့် မန္တလေးမြို့တို့တွင် ရည်ညွှန်းလက်ကားဈေးနှုန်းများနှင့် နေပြည်တော်၊ တိုင်းဒေသကြီးနှင့် ပြည်နယ်များတွင် ရည်ညွှန်းလက်လီဈေးနှုန်းများဖြင့်လည်း ရောင်းချပေးနေကြောင်း စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်းကြီးကြပ်မှုကော်မတီမှ သိရသည်။

ယင်းအပြင် စက်သုံးဆီဈေးနှုန်းကြီးမြင့်လာခြင်းကြောင့် ကုန်ဈေးနှုန်းမြင့်တက်လာမှုကို သက်သာစေရန် ဗဟိုဘဏ်က ဈေးကွက်ထဲ ကန်ဒေါ်လာ သန်း၂၀၀ ထောက်ပံ့သွားမည်ဖြစ်ကြောင်း သြဂုတ်လ ၃၁ ရက်ရက်စွဲဖြင့် ထုတ်ပြန်ကြေညာထားသည်။

#Ymg/STH
#Yangon_Media_Group

#Local_News
Published _ 1 September 2022

တောင်ကိုရီးယားနိုင်ငံတွင် အလုပ်လုပ်မည့် မြန်မာလုပ်သား ၁၃၅ ဦး ယနေ့ စက်တင်ဘာလ ၁ ရက်က ရောက်ရှိလာကြောင်း ဆိုးလ်မြို့ရှိ မြန်မာသံရုံးမှ သတင်းထုတ်ပြန်ထားသည်။

ကုန်ထုတ်လုပ်သားအဖြစ် အသစ်ဝင်ရောက် လုပ်ကိုင်မည့် လုပ်သားသစ် ၄၃ ဦးနှင့် Re-entry လုပ်သား ၉၂ ဦးဟာ အင်ချွန်းအပြည်ပြည်ဆိုင်ရာ လေဆိပ်သို့ ရောက်ရှိလာကြောင်း ထုတ်ပြန်ချက်၌ ဖော်ပြထားသည်။

ရောက်ရှိလာသည့် မြန်မာလုပ်သားများကို အလုပ်သမားသံအရာရှိမှ ကြိုဆိုပြီး အလုပ်သမားများသိရှိလိုက် နာသင့်သည့် အချက်များကို မှာကြားခဲ့ပြီး လိုအပ်တာများ ကူညီပံ့ပိုးပေးခဲ့ကြောင်း သိရသည်။

တောင်ကိုရီးယားအစိုးရမှ မြန်မာလုပ်သားတွေကို တရားဝင်ပြန်လက်ခံနေပြီးဩ ဂုတ်လအတွင်းမှာ မြန်မာလုပ်သား ၁,၂၉၃ ဦးကို တရားဝင်ဝင်ခွင့်ပြုခဲ့သည်။

#ymg/NN
#Yangon_Media_Group

#Local_News
Published_1 Sept 2022

ကချင်ပြည်နယ်ရှိ ကန်ပိုက်တီနယ်စပ်ဂိတ်နှင့် လွယ်ဂျယ်နယ်စပ်ဂိတ်များမှတစ်သျှူးငှက်ပျောနှင့် အခြားသီးနှံများတင်ပို့မှု စတော့မည်ဟု ပြည်နယ်ဝန်ကြီးချုပ် ဦးခက်ထိန်နန်က သြဂုတ်လ ၃၁ ရက်တွင် ပြောသည်။

ကန်ပိုက်တီနယ်စပ်ဂိတ်နှင့် လွယ်ဂျယ်နယ်စပ်ဂိတ်များမှတစ်ဆင့် မြန်မာ-တရုတ် ကုန်စည်စီးဆင်းရာတွင် သီးနှံတင်မော်တော်ယာဉ်များကို စနစ်တကျ စိစစ်ဆောင်ရွက်နိုင်ရေးအတွက် ပြည်နယ်မြန်မာ-တရုတ် ကုန်စည်ပြန်လည်စီးဆင်းနိုင်ရေး လုပ်ငန်းကော်မတီ အဖွဲဝင်များ၏ လုပ်ငန်းညှိနှိုင်း အစည်းအဝေးအတွင်း ယင်းက အထက်ပါအတိုင်း ပြောကြားခြင်း ဖြစ်သည်။

ယင်းသို့စတင်ရာတွင် ကုန်စည်တင်ပို့မည့် ယာဉ်များကို စနစ်တကျစိစစ်ဆောင်ရွက်သွားရေး၊ ဒေသခံလုပ်ငန်းရှင်များ နစ်နာမှုမရှိစေရေး၊ ကိုဗစ်-၁၉ ကာကွယ် ထိန်းချုပ်ရေး စည်းကမ်းများနှင့်အညီ စည်းကမ်းတကျ လိုက်နာဆောင်ရွက်ရေး၊ ကြိုတင်ပြင်ဆင် ညှိနှိုင်းဆောင်ရွက်ရမည့်ကိစ္စရပ်များအပေါ် ဝိုင်းဝန်းဖြေရှင်း ဆောင်ရွက်ကြရေး၊ နိုင်ငံတော်အခွန်ငွေ အပြည့်အဝရရှိရေးတိုအတွက် အားလုံးက ဝိုင်းဝန်းကြိုးပမ်း ဆောင်ရွက်ရန် တိုက်တွန်းခဲ့ကြောင်းလည်း သိရသည်။

အဆိုပါ အစည်းအဝေးအတွင်း မြစ်ကြီးနားပြည်သူ့ဆေးရုံ၌ လက်နက်ငယ်ဖြင့် ပစ်ခတ်ခံရမှုကြောင့် လက်မောင်းသေနတ်မှန် ဒဏ်ရာဖြင့် ဆေးဝါးကုသမှုခံယူနေသော ပြည်နယ်ရသုံးမှန်းခြေငွေစာရင်းဦးစီးဌာနမှ ယာဉ်မောင်းဝန်ထမ်းအား ပြည်နယ်အစိုးရအဖွဲ့၏ ထောက်ပံ့ငွေကျပ် ငါးသိန်း၊ ပြည်နယ်ဝန်ကြီးများက တစ်ဦးလျှင် တစ်သိန်းနှုန်းဖြင့် စုစုပေါင်း ငွေကျပ် ရှစ်သိန်းနှင့် ခတ်ချိုကျေးရွာမှ မိုင်းထိဒဏ်ရာရရှိသော အမျိုးသမီးအား ပြည်နယ်ဝန်ကြီးများက စုစုပေါင်း ထောက်ပံ့ငွေကျပ် လေးသိန်းကို ထောက်ပံ့ပေးအပ်ခဲ့ကြောင်းလည်း သိရသည်။

#ymg/mt
#Yangon_Media_Group

#Local_News
Published_31 August 2022

ကိုရီးယား-မြန်မာ စီးပွားရေးပူးပေါင်းမှု စက်မှုဇုန် (KMIC) စီမံကိန်းကို အပိုင်း နှစ်ပိုင်းဖြင့် ဆောင်ရွက်မည်ဖြစ်ရာ အခြေခံအဆောက်အအုံ တည်ဆောက်ခြင်းလုပ်ငန်းများကို ၂၀၂၃ ခုနှစ်အတွင်းအပြီးသတ်နိုင်ရန် လျာထားကြောင်း သိရသည်။

အဆိုပါ စီမံကိန်းကို တောင်ကိုရီးယားအစိုးရပိုင် Land and Housing Corporation (LH) နှင့် ဆောက်လုပ်ရေးဝန်ကြီးဌာန (MOC) တို ပူးပေါင်းဆောင်ရွက်နေခြင်းဖြစ်ပြီး ရင်းနှီးမြှုပ်နှံမှု ပမာဏ အမေရိကန်ဒေါ်လာ သန်း ၁၁၀ ရှိကြောင်းလည်း သိရသည်။

KMIC စီမံကိန်းတည်နေရာမှာ ရန်ကုန်တိုင်းဒေသကြီး လှည်းကူးမြို့နယ်၊ ညောင်နှစ်ပင်စခန်းရှိ မြေ ၅၅၆ ဧကပေါ်တွင် ဖော်ဆောင်နေခြင်းဖြစ်ပြီး လွန်ခဲ့သည့်၂၀၁၉ စက်တင်ဘာလအတွင်းက မြန်မာနိုင်ငံကို လာရောက်ခဲ့သည့် ကိုရီးယားသမ္မတ မွန်ဂျေအင်၏ ခရီးစဉ်အတွင်း သဘောတူညီခဲ့ခြင်းလည်း ဖြစ်ကာ ၂၀၂ဝပြည့်နှစ် ဒီဇင်ဘာလ ၂၄ ရက်က ပန္နက်တင်အခမ်းအနား ပြုလုပ်ခဲ့ခြင်း ဖြစ်သည်။

စီမံကိန်း ပထမပိုင်း မြေ ၃၁၅ ဧကပေါ်တွင် အထည်ချုပ်လုပ်ငန်း၊ အစားအသောက်ထုတ်လုပ်သောလုပ်ငန်း၊ ကုန်စည်သိုလှောင် သယ်ယူပို့ဆောင်ရေး လုပ်ငန်းများနှင့် Logistic Facilities များ ပါဝင်မည်ဖြစ်ကြောင်းနှင့် ဒုတိယပိုင်းအတွက် ကျန်မြေဧရိယာပေါ်မှာ ဖွံ့ဖြိုးတိုးတက်မှုအပေါ် အခြေခံကာ အကောင်အထည်ဖော် မည် ဖြစ်ကြောင်း ၊ ကိုယ်ပိုင်ဓာတ်အားခွဲရုံ၊ ရေသန့်စင်ခြင်းနှင့်ရေဆိုးစက်ရုံ၊ ရန်ကုန်-မန္တလေးအဝေးပြေးလမ်းမကြီးနှင့် တိုက်ရိုက်ချိတ်ဆက်ထားသော အထူး ၄ လမ်းသွား ဆက်သွယ်ရေးလမ်းတစ်ခု ပါဝင်မည် ဖြစ်ကြောင်းလည်း KMIC က ထုတ်ပြန်ထားခဲ့သည်။

စီမံကိန်းအတွင်း ဆေးခန်း၊ စာကြည့်တိုက်၊ စတိုးဆိုင်၊ စီးပွားရေးစင်တာ၊ စားသောက်ဆိုင်၊ ဈေးဆိုင်များ ၊ ဘဏ်များ ပါဝင်မည် ဖြစ်ပြီး နိုင်ငံတကာကုမ္ပဏီ ၁၃၅ ခုထိ လာရောက် ရင်းနှီးမြှုပ်နှံကြမည် ဖြစ်သောကြောင့် အလုပ်အကိုင် အခွင့်အလမ်း တစ်သိန်းကျော် ဖန်တီးပေးနိုင်မည်ဖြစ်ကြောင်း အဆိုပါ ထုတ်ပြန်ချက်တွင် ဖော်ပြခဲ့ဖူးသည်။

#ymg/mt
#Yangon_Media_Group

#World_Health
Published 1 Sept 2022

တစ်နေ့ကို ဗြိတိန်လက်ဖက်ရည်ကြမ်းများများ သောက်သုံးသူတွေဟာ သောက်လေ့မရှိတဲ့ လူတွေထက်စာရင် အသက်သေဆုံးနိုင်ချေနည်းပါးကြောင်း ဩဂုတ် ၂၉ ရက်နေ့က ရှာဖွေတွေ့ရှိခဲ့ပါတယ်။

ပြီးခဲ့တဲ့ ၁၄ နှစ်အတွင်း ယူကေမှ လူသန်းတဝက်ခန့်ကို စောင့်ကြည့်လေ့လာခဲ့ရာ လက်ဖက်ရည်ကြမ်း ၂ ဖန်ခွက်နဲ့အထက် သောက်သုံးသူတွေက အသက်ဆုံးပါးနိုင်ချေ ပိုနည်းတယ်လို့ တွေ့ရပါတယ်။
များများသောက်တဲ့အခါ နှလုံးသွေးကြောရောဂါနဲ့ လေဖြတ်ခြင်းအန္တရာယ် လျော့နည်းစေနိုင်ကြောင်း အမျိုးသားကင်ဆာတက္ကသိုလ်ဆေးရုံမှ ထောက်ပံ့တဲ့ လေ့လာချက်မှာ သိရှိရပါတယ်။

အရင်ကလေ့လာမှုတွေမှာတော့ တရုတ်နဲ့ဂျပန်တို့လို အာရှနိုင်ငံများမှာ အဓိကသောက်သုံးတဲ့ လက်ဖက်စိမ်းရည်သောက်သုံးခြင်းနဲ့ ကျန်းမာရေး ကောင်းကျိုးရရှိစေခြင်းတို့ရဲ့ ဆက်စပ်မှုတွေကို တွေ့ရှိခဲ့ကြပါတယ်။

လက်ဖက်ရည်ကြမ်းများများ သောက်သုံးခြင်းက သေဆုံးနိုင်ချေလျော့နည်းစေတယ်ဆိုတဲ့ ပတ်သက်မှုဟာ လက်ဖက်ရည်ထဲ နို့၊ သကြားများထည့်သောက်တဲ့ လူတွေအတွက်တော့ မသက်ဆိုင်သလို ဘယ်လောက်ပဲ ကဖင်းဓာတ်ကို ချေဖျက်နိုင်စွမ်းရှိရှိ အကျိုးမသက်ရောက်စေပါဘူး။

သင့်တင့်မျှတတဲ့ လက်ဖက်ရည်ကြမ်းပမာဏသာ သောက်သုံးသူတွေက အများအပြား သောက်သုံးသူတွေထက် ပိုပြီးကျန်းမာစေတယ်လို့ ထင်မှတ်ရပါတယ်။

သင့်တင်စွာသောက်တဲ့ သူတွေက ဆေးလိပ်မသောက်၊ အသားအနည်းငယ်သာ စားသုံးသူတွေဖြစ်ပြီး လက်ဖက်ရည်ကြမ်းကို အပူလျော့တဲ့အချိန်မှာ သောက်တတ်ကြပါတယ်။

စမ်းသပ်တဲ့လူတွေအများစုက လူဖြူတွေဖြစ်တာကြောင့် မျိုးရိုးဗီဇ အနေအထိုင်စရိုက်မတူတဲ့ အခြားလူတွေကိုတော့ ဘယ်လောက်အထိ သက်ရောက်မှုရှိသလဲဆိုတာ သိပ်ပြီးမသိရသေးပါဘူး။

အခြားလေ့လာသုံးသပ်ချက်တွေလိုပဲ လက်ဖက်ရည်ကြမ်းသောက်ခြင်းက သေဆုံးနိုင်ချေနည်းပါးတယ်ဆိုတာကို အသေအချာကြီးထောက်ခံနေတာတော့ မဟုတ်ကြောင်း မက်ဒရစ်တက္ကသိုလ်မှ ကျန်းမာရေးနှင့်ကာကွယ်ရေးပရော်ဖက်ဆာ'ဖာနန်ဒိုရိုဒရီဂွက်ဇ်အာတေးလ်ဟို'က ပြောပြသွားပါတယ်။

အသက်ဆုံးပါးနိုင်ချေနည်းတယ်ဆိုတာ လက်ဖက်ရည်ကြမ်းသောက်ခြင်းကြောင့် ရလာတဲ့အခြားအကျိုးကျေးဇူးများကြောင့်လည်း ဖြစ်နိုင်ပါတယ်။

လက်ဖက်ရည်ကြမ်း ပုံမှန်သောက်လေ့မရှိသူက အခုမှစသောက်ပြီး ကျန်းမာရေးကောင်းမွန်လာစေလားဆိုတာကိုလည်း မဖော်ပြခဲ့ပါဘူး။

Source: The Straits Times
#Yangon_Media_Group

#Local_News
Published_31 August 2022

ရခိုင်ပြည်နယ်မှာရှိတဲ့ စိုက်ပျိုးမွေးမြူရေးလုပ်ငန်းတွေကို ကျပ် ၁၀ ဘီလီယံ ထုတ်ချေးဖို့ ရခိုင်ပြည်နယ် အစိုးရအဖွဲ့က စီစဉ်နေပါတယ်။

#Yangon_Media_Group

Published 31 Aug 2022

တရုတ်နိုင်ငံ အရှေ့ပိုင်းက သားသတ်ရုံတစ်ခုမှာ ကြောင်ကလေးတွေ အကောင် ၁၅၀ခန့်ကို  တရုတ်ရဲတွေက ကယ်ဆယ်လိုက်ရတယ်လို့ နိုင်ငံတကာတိရိစ္ဆာန်စောင့်ရှောက်ရေးအဖွဲ့တစ်ခုက ပြောပါတယ်။

တရုတ်နိုင်ငံ ရှန်ဒေါင်းပြည်နယ် အရှေ့ပိုင်းမြို့ဖြစ်တဲ့ ကျင်းနန်မြို့မှာ အဲဒီကြောင်ကလေးတွေကို သံချေးတွေတက်နေတဲ့ လှောင်အိမ်တွေထဲ သိပ်ထည့်ထားတာကို ရဲတွေက တွေ့ရှိခဲ့ကြပါတယ်လို့ Humane Society International (ဟူမိန်း ဆိုဆိုင်းတီးအင်တာနေရှင်နယ်) အဖွဲ့က သတင်းထုတ်ပြန်ချက်ထဲမှာ ပြောထားပါတယ်။

အဲဒီဂိုဏ်းဟာ စာကလေးတွေကို လှောင်အိမ်တွေထဲ ထောင်ချောင်အဖြစ်ထည့်ထားပြီး ကြောင်ကလေးတွေဝင်လာတာနှင့်  အဝေးထိန်းခလုတ်နှင့် လှောင်အိမ်တံခါးတွေကို ပိတ်ပစ်ကြတာဖြစ်တယ်လို့ ပြည်တွင်းက တိရိစ္ဆာန်အခွင့်အရေးအဖွဲ့ ဗွီရှိုင်းက ပြောပါတယ်။

“သူတို့ အခြေအနေက တုန်လှုပ်စရာပါ။ ကြောင်ကလေးတွေအများစုဟာ ပိန်ချုံးချည့်နဲ့နေပြီး အော်မြည်နေကြရှတယ်” လို့ ဟွမ်လို့ခေါ်တဲ့ လှုပ်ရှားတက်ကြွသူတစ်ဦးက အိတ်ချ်အက်စ်အမ်အဖွဲ့ကို ပြောထားပါတယ်။

“ ကြောင်တွေကို မျှားပြီး ထောင်ချောက်ဆင်ထားတဲ့ စာကလေးအရှင် ဒါဇင်တော်တော်များများ ကျွန်တော်တို့တွေ့ရတာလည်း တုန်လှုပ်စရာပဲ” လို့ သတင်းထုတ်ပြန်ချက်မှာရေးသားထားပါတယ်။

ကယ်တင်လိုက်ရတဲ့ ကြောင်ကလေးတွေထဲက အများစုဟာ အိမ်မွေးကြောင်ကလေးတွေဖြစ်ပြီး သူတို့ကို တိရိစ္ဆာန်ဂေဟာကို ပို့ပေးလိုက်တယ်လို့ သတင်းထုတ်ပြန်ချက်ကဆိုပါတယ်။

ကြောင်ကလေးတွေနှင့်အတူတွေ့ရတဲ့ စာကလေး ၃၁ကောင်ကိုလည်း လွှတ်ပေးခဲ့ကြပါတယ်။

တရုတ်နိုင်ငံမှာ နှစ်စဉ် ခွေးအကောင်ရေး၁၀သန်းနှင့် ကြောင်အကောင်ရေ ၄သန်းခန့်ဟာ လူတွေစားသုံးဖို့ နှစ်စဉ် အသတ်ခံနေကြရတယ်လို့ HIS ရဲ့ သတင်းအချက်များအရသိရပါတယ်။

ခွေးသားနှင့်ကြောင်သားတွေကို တရုတ်နိုင်ငံ အချို့အစိတ်အပိုင်းတွေမှာ အရသာရှိတဲ့ ဟင်းလျာအဖြစ် စားသုံးကြပါတယ်။ ဒါပေမယ့် အိမ်မွေးတိရိစ္ဆာန်မွေးသူတွေ များလာတဲ့အတွက်အဲဒီအလေ့အထဟာ တဖြည်းဖြည်းချင်းတော့ လျော့ပါးလာနေပါတယ်။

တရုတ်နိုင်ငံဟာ ၂၀၂၀ပြည့်နှစ်မှာ သားရိုင်းတိရစ္ဆာန်တွေကို စားသုံးခြင်းနှင့် ရောင်းဝယ်ဖောက်ကားခြင်းတားမြစ်ထားပါတယ်။

ဒီနှစ် ဧပြီလမှာ ကွမ်တုံပြည်နယ်က ရှန်ဇင်းနှင့် ဇူဟိုင်းမြို့တွေမှာ ခွေးသားနှင့်ကြောင်သားတွေ စားသုံးခြင်းကို တားမြစ်လိုက်ပြီး တရုတ်နိုင်ငံမှာ ဒါဟာ ပထမဆုံးတားမြစ်လိုက်ခြင်းပဲဖြစ်ပါတယ်။

Source AFP

#Cat_dog_meat

#China_cat_meat

#China_rescue_cats

#World_Industry
Published 31 August 2022

ဂျပန်နိုင်ငံက သက်ကြီးပိုင်းလူကြီးတွေဟာ တိုကျိုမြို့ရဲ့ နောက်ဆုံးကျန်နေတဲ့ ခေတ်ဟောင်းရေချိုးခန်းတွေအပြင်ဘက်မှာ သဘက်တွေ၊ ဆပ်ပြာတွေကိုင်ထားရင်း စောင့်ဆိုင်းလျက်ရှိပါတယ်။

#Yangon_Media_Group