Published 26 May 2022

အမေရိကန်ပြည်ထောင်စုမှ ၁၉၉၉ခုနှစ်ကစပြီး ကျောင်းတွေမှာ သေနတ်နှင့်ပစ်ခတ်မှုတွေရဲ့ အနည်းဆုံး ၇၀ ရာခိုင်နှုန်းခန့်ကို အသက်၁၈နှစ်အောက်အရွယ် လူငယ်တွေ ကျူးလွန်ခဲ့ကြတာဖြစ်တယ်လို့ မှတ်တမ်းများအရ သိရကြောင်း ဝါရှင်တန်ပို့စ်က သတင်းရေးသားပါတယ်။

အဲဒီကျူးလွန်သူတွေထဲမှာ အသက်အငယ်ဆုံးက အသက်၆နှစ်အရွယ် ပထမတန်းကလေးငယ်ဖြစ်ပြီး ၂၀၀၀ပြည့်နှစ်တုန်းက သူ့ရဲ့ အတန်းဖော်တစ်ဦးကို .၃၂ကာလီဗာပစ္စတိုနှင့်ပစ်ခဲ့တာဖြစ်ပါတယ်။ အဲဒီအတန်းဖော်မိန်းကလေးကို သူမကြိုက်လို့ သေနတ်နှင့်ပစ်ခဲ့တာလို့ အဲဒီကလေးငယ်ယောကျ်ားလေးက ပြောပါတယ်။

၁၉၉၉ခုနှစ်ကနေ ယခုအထိ အခင်းဖြစ်မှုတွေကို အခြေခံပြီး ကြည့်တဲ့အခါ  အသက်အလယ်အလတ်ကလေးငယ်တွေဟာ ၁၆နှစ်အရွယ် ကေ-၁၂ အတန်းတက်နေသူတွေဖြစ်ပါတယ်။ ၈၆မှုထဲမှာပါဝင်တဲ့ ပစ်ခတ်သူတွေရဲ့ အသက်ကိုတော့ မသိရပါ  ဘူးလို့ ပို့စ်က ရေးသားပါတယ်။

ကျူးလွန်သူတွေ ကိုင်ဆောင်တဲ့ လက်နက်တွေထဲမှာ ၈၅ရာခိုင်နှုန်းကျော်ဟာ အိမ်ကယူလာတာ ဒါမှမဟုတ် သူငယ်ချင်းတွေ ဆွေမျိုးတွေဆီက ယူလာတာတွေဖြစ်တယ်လို့ ပို့စ်ကဆက်လက်ရေးသားပါတယ်။

ဒီအချက်အလက်တွေကိုကြည့်ခြင်းဖြင့် အသက်မပြည့်သေးတဲ့ ကလေးငယ်တွေ လူသတ်လက်နက်တွေ ကိုင်လို့ရနေတာဟာ လူကြီးတွေရဲ့ လျစ်လျူရှုမှုတွေကြောင့်ဖြစ်တယ်ဆိုတာကို ညွန်ပြနေပါတယ်။

အဲဒီကျောင်းတွင်းသေနတ်ပစ်မှုတွေထဲမှာ အဆိုးရွားဆုံးထဲက တစ်ခုဟာ အင်္ဂါနေ့တုန်းကဖြစ်ခဲ့တာပါ။ တက္ကဆပ်ပြည်နယ် ယူဗယ်လ်ဒီမြို့က ရော့ဘ်မူလတန်းကျောင်းမှာ ဖြစ်ခဲ့ပြီး ကလေးငယ်၁၉ဦးနှင့် လူကြီး(၂)ဦးသေဆုံးခဲ့ရပါတယ်။

သေနတ်သမားလို့သံသယဖြစ်ရသူမှာ အသက်၁၈နှစ်အရွယ်ဒေသခံလူငယ်ဖြစ်ပြီး သူ့ကို နယ်စပ်ပတ္တရောင်အရာရှိက သေနတ်နှင့်ပစ်သတ်ခဲ့ပါတယ်။ သူဟာ AR-15 ရိုင်ဖယ်သေနတ်နှစ်လက်ကို သူ့ရဲ့ ၁၈နှစ်ပြည့်မွေးနေ့အပြီး နောက်တစ်ရက်မှာ ဝယ်ယူခဲ့တာဖြစ်တယ်လို့ ဟောက်စတန်ခရိုနီကယ်လ်သတင်းစာက ရေးပါတယ်။

၁၉၉၉ခုနှစ် ကိုလမ်ဘိုင်းအထက်တန်းကျောင်း သေနတ်ပစ်မှုကတည်းက ယခုအထိဆိုရင် ကျောင်းပေါင်း ၃၃၁ကျောင်းက ကလေးသူယ် ၃၁၁.၀၀၀ ခန့်ဟာ သေနတ်ဖြင့် အကြမ်းဖက်မှုကို မျက်မြင်ကြုံတွေ့ခဲ့ကြရတယ်လို့ ဝါရှင်တန်ပို့စ်က ရေးပါတယ်။

Source: Insider

#WorldHealth
Published 26 May 2022

နော်ဝစ်ခ်ျမြို့ ဂျွန်အင်နက်စ်စင်တာမှ သိပ္ပံပညာရှင်များဦးဆောင်တဲ့ သုတေသနအဖွဲ့ဟာ ခရမ်းချဉ်သီးတွေကို ဗိုက်တာမင်-ဒီကြွယ်ဝလာအောင် မျိုးရိုးဗီဇပြောင်းလဲထုတ်လုပ်လာကြပါတယ်။

ဗိုက်တာမင်-ဒီဟာ အရိုးများ၊ သွားများ၊ ကြွက်သားများသန်မာအောင်ပြုလုပ်ရာမှာ အရေးကြီးတဲ့ ကယ်လ်စီယမ်ဓာတ်ကို ထုတ်လုပ်ပေးပါတယ်။

ဗြိတိန်သိပ္ပံပညာရှင်တွေသာ ထုတ်လုပ်နိုင်မယ်ဆိုပါက အဆိုပါခရမ်းချဉ်သီး ၂ လုံးနေ့စဉ်စားသုံးခြင်းဖြင့် ကျန်းမာသန်စွမ်းနေစေမှာ ဖြစ်ပါတယ်။

နေရောင်နဲ့ထိတွေ့တဲ့အခါ ကျွန်ုပ်တိုခန္ဓာကိုယ်ကနေ ဗိုက်တာမင်-ဒီထွက်ရှိပေမယ့် အဓိကကရရှိတာကတော့ အစားအစာကဖြစ်ပြီး နို့ထွက်ပစ္စည်းနဲ့ အသားတွေကနေ အများဆုံးရရှိပါတယ်။

ဗိုက်တာမင်-ဒီ နည်းပါးလာပါက ကင်ဆာရောဂါကနေ နှလုံးသွေးကြောဆိုင်ရာ ရောဂါလို့ မလို လားအပ်တဲ့ရောဂါတွေ ဖြစ်လာနိုင်ပြီး နှစ်စဉ်လူပေါင်း ၁ ဘီလီယံခန့်ဟာ ဗိုက်တာမင်-ဒီ ချို့တဲ့မှုဖြစ်ပွားနေကြပါတယ်။

ခရမ်းချဉ်သီးအရွက်တွေမှာ 7-DHC လို့ခေါ်တဲ့ ဗိုက်တာမင်-ဒီ၃ များ သဘာဝအတိုင်းများစွာပါဝင်ပါတယ်။

ဗိုက်တာမင်-ဒီ၃ က ခန္ဓာကိုယ်ထဲမှာ ဗိုက်တာမင်-ဒီပမာဏ များပြားစေကြောင်း သိရှိထားကြပါတယ်။

သိပ္ပံပညာရှင်တွေက အပင်ရဲ့မျိုးရိုးဗီဇကို ပြောင်းလဲပစ်လိုက်ကာ အရွက်မှာသာမက အသီးမှာပါ 7-DHC ပမာဏသိသိသာသာများလာအောင် ပြုလုပ်ခဲ့ကြပါတယ်။

ခရမ်းချဉ်သီးအရွက်နဲ့ လှီးထားတဲ့အသီးကို ခရမ်းလွန်ရောင်ခြည်နဲ့ တစ်နာရီလောက်ထိတွေ့စေတဲ့အခါ ခရမ်းချဉ်သီးတစ်လုံးမှာပါဝင်တဲ့ ဗိုက်တာမင်-ဒီပမာဏက ကြက်ဥ ၂ လုံးစာ ဒါမှမဟုတ် တူနာငါးတစ်အောင်စလောက်ရဲ့ပမာဏနဲ့ တူညီနေကြောင်း သုတေသီတွေက Nature Plants ဂျာနယ်မှာ ဖော်ပြထားပါတယ်။

ခရမ်းလွန်ရောင်ခြည်အစား နေရောင်နဲ့ထိတွေ့အသုံးပြုလို့ရမလားဆိုတာကိုတော့ လေ့လာတွက်ချက်နေကြပါတယ်။

သိပ္ပံပညာရှင်တွေရဲ့ လေ့လာချက်ကို ဗြိတိန်မှာတရားဝင်ခွင့်ပြုလိုက်ပြီဖြစ်ပေမယ့် ဈေးကွက်ကိုရောက်ဖို့တော့ အချိန်ယူရဦးမှာဖြစ်ပါတယ်။

စားစရာတွေကနေ ဗိုက်တာမင်-ဒီရရှိမှုနည်းပါးလာတာကိုဖြေရှင်းဖို့ ဗီဇပြောင်းလဲထားတဲ့ခရမ်းချဉ်သီး ၂ လုံးစားရုံနဲ့လုံလောက်မှုရှိပြီး သာမန်ခရမ်းချဉ်သီးနဲ့ ခွဲခြားသိရှိဖို့တော့ ခက်ခဲကြောင်း ဦးဆောင်လေ့လာသူ’ဂျီလီ’က ပြောပြခဲ့ပါတယ်။

Source: Reuters
#Yangon_Media_Group

#WorldHealth
Published 26 May 2022

ကိုရိုနာဗိုင်းရပ်စ်ရဲ့ အိုမီခရွန်မျိုးဗီဇကွဲကူးစက်ခြင်းဟာ ကိုဗစ်ကာကွယ်ဆေးထိုးထားတဲ့လူငယ်တွေမှာ နှလုံးသွေးကြောဆိုင်ရာကျန်းမာရေးကို မထိခိုက်စေကြောင်း လေ့လာတွေ့ရှိထားပါတယ်။

အရင်ကိုရိုနာဗိုင်းရပ်စ်မျိုးဗီဇကွဲတွေက ရောဂါကူးစက်ခံရသူရဲ့နှလုံးနဲ့ သွေးကြောများကို ဆိုးကျိုးများဖြစ်ပေါ်စေကြောင်း တွေ့ရှိခဲ့ရပါတယ်။

ဒါကြောင့် အဆိုပါဘေးအန္တရာယ်မျိုး လူငယ်တွေမှာလည်း ဖြစ်နိုင်လားဆိုတာကိုသိရဖို့ သုတေသီများ စမ်းသပ်မှုပြုလုပ်ခဲ့ပါတယ်။

နှလုံးနဲ့ သွေးလည်ပတ်စီးဆင်းခြင်းဆိုင်ရာ ဇီဝကမ္မသဘောတရားအတိုင်း နှလုံးသွေးကြောလည်ပတ်စနစ်မှာ သွေးကြောလုပ်ဆောင်ချက်၊ တုန့်ပြန်လှုပ်ရှားမှု၊ သွေးလွှတ်ကြောမာတောင့်ခြင်း၊ နှလုံးခုန်နှုန်းအ‌ပြောင်းအလဲ၊ သွေးပေါင်ချိန်အပြောင်းအလဲအတွင်း နှလုံးတုန့်ပြန်မှု စတာတွေကိုလေ့လာရာမှာ ထင်ထားတာနဲ့ဆန့်ကျင်ဘက်ဖြစ်နေခဲ့ကြောင်း ဇီဝကမ္မအမေရိကန်ဂျာနယ်မှာ ဖော်ပြထားပါတယ်။

စမ်းသပ်ခဲ့သူတွေဟာ ပျှမ်းမျှအရွယ်စရောက်သူတွေကနေ ၂၅ နှစ်ကြား ပါဝင်ခဲ့ကာ ကိုဗစ်ကာကွယ်ဆေးထိုးထားပြီး အိုမီခရွန်ကူးစက်ခဲ့တဲ့လူငယ် ၂၃ ဦးနဲ့ ကာကွယ်ဆေးထိုးထားပြီး ရောဂါမကူးစက်ဖူးတဲ့လူငယ် ၁၃ ဦးတို့ကို နှိင်းယှဉ်ကြည့်ခဲ့ရာမှာ ကွာခြားမှုမရှိတာကို တွေ့ခဲ့ရပါတယ်။

ကိုရိုနာဗိုင်းရပ်စ်မျိုးဗီဇကွဲတိုင်းကတော့ လူငယ်တွေမှာ နှလုံးသွေးကြောဆိုင်ရာပြဿနာများ ဖြစ်စေနိုင်တာမဟုတ်ကြောင်း၊ ဒါပေမဲ့လဲ ရေရှည်မှာတော့ ထိခိုက်စေနိုင်တဲ့အထောက်အထားမျိုးတွေ့ရကြောင်း၊ နောက်ထပ်လေ့လာစစ်ဆေးမှုတွေ ပြုလုပ်သွားဖို့လိုအပ်ကြောင်း ဖော်ပြထားကြပါတယ်။

Source: Reuters.
#Yangon_Media_Group

#LocalNews
Published_26 May 2022

ပိုင်ရှင်မှစွန့်လွှတ်သည့် မော်တော်ယာဉ် ၂၈ စီး ကို သီလဝါကုန်သေတ္တာစစ်ဆေးရေးစခန်းမှသိမ်းဆည်းရမိကြောင်း ပြန်ကြားရေးဝန်ကြီးဌာနက သတင်းထုတ်ပြန်ထားသည်။

မေလ ၂၄ ရက်က အကောက်ခွန်ဦးစီးဌာန၏ စီမံခန့်ခွဲမှုဖြင့် မြန်မာအပြည်ပြည်ဆိုင်ရာ ဆိပ်ကမ်း(သီလဝါ) ကုန်သေတ္တာစစ်ဆေးရေးစခန်း၌ တာဝန်ကျအကောက်ခွန်စစ်ဆေးရေးအဖွဲ့က စစ်ဆေးမှုများဆောင်ရွက်ခဲ့ရာ သွင်းကုန်ကြေညာလွှာ (ID)သက်တမ်းကျော်လွန်ပြီး လာရောက်ထုတ်ယူခြင်းမရှိဘဲ ပိုင်ရှင်မှစွန့်လွှတ်သည့် မော်တော်ယာဉ် ၂၈ စီး (ခန့်မှန်းတန်ဖိုးငွေကျပ် ၄၂၃၁၁၀၃၈၃) ကို သိမ်းဆည်းရမိခဲ့သောကြောင့် အကောက်ခွန်လုပ်ထုံးလုပ်နည်းနှင့်အညီ အရေးယူဆောင်ရွက်လျက်ရှိကြောင်း အဆိုပါ သတင်းထုတ်ပြန်ချက်တွင် ဖော်ပြထားသည်။

မေလ ၂၃ ရက်ကလည်း ထီးတန်းဆိပ်ကမ်း ကုန်သေတ္တာစစ်ဆေးရေးစခန်း၌ တာဝန်ကျအကောက်ခွန်အဖွဲ့က စစ်ဆေးမှုများဆောင်ရွက်ခဲ့ရာ သွင်းကုန်ကြေညာလွှာ (ID)သက်တမ်းကျော်လွန်ပြီး လာရောက်ထုတ်ယူခြင်းမရှိဘဲ ပိုင်ရှင်မှစွန့်လွှတ်သည့် Light Truck (RHD) အမျိုးအစား မော်တော်ယာဉ်တစ်စီး (ခန့်မှန်းတန်ဖိုး ငွေကျပ် ၉၀၁၄၆၈၈)ကို သိမ်းဆည်းရမိခဲ့သောကြောင့် အကောက်ခွန်လုပ်ထုံးလုပ်နည်းနှင့်အညီ အရေးယူထားကြောင်းသိရသည်။

ymg/mt
#Yangon_Media_Group

#WorldInnovation
Published 25 May 2022

ထိုင်ဝမ်ကျွန်း ထိုင်ချွန်မြို့မှ ‘ဂျယ်ရီဟွမ်’ဆိုတဲ့လူဟာ လက်တွန်းလှည်းပေါ်မှာ တင်သွားလို့ရတဲ့ငါးကန်ကို တီထွင်ခဲ့ပါတယ်။

#Yangon_Media_Group

Published 25 May 2022

ကမ္ဘာ့ဒုတိယအကြီးဆုံး စားအုန်းဆီထုတ်လုပ်တဲ့ မလေးရှားနိုင်ငံဟာ  စားအုန်းဆီစိုက်ခင်းတွေမှာ နိုင်ငံခြားအလုပ်သမား မလုံလောက်မှုတွေရှိနေတဲ့အတွက် ကမ္ဘာလုံးဆိုင်ရာ စားအုံးဆီလိုအပ်ချက်တွေ မြင့်တက်လာနေတဲ့အပေါ် အကျိုးအမြတ်ရရှိဖို့ မလွယ်ဖြစ်နေပါတယ်။

မလေးရှားနိုင်ငံရဲ့ စားအုန်းဆီစိုက်ခင်းမှာ အလုပ်လုပ်ကြတဲ့ အလုပ်သမားတွေရဲ့ ၈၄ ရာခိုင်နှုန်းဟာ နိုင်ငံခြားသားတွေဖြစ်ကြပါတယ်။ စားအုန်းဆီဈေးတွေတက်လာတာနှင့် အင်ဒိုနီးရှားက ပြည်ပတင်ပို့မှုပိတ်လိုက်တဲ့အပေါ်မှာ အဲဒီအလုပ်သမားတွေရှားပါးနေလို့ တကယ့်လက်တွေ့မှာ အကျိုးအမြတ်ထုတ်ယူဖို့ ခက်ခဲနေတာဖြစ်ပါတယ်။

Source CCTV+

#LocalNews
Published_25 May 2022

လာမယ့် ပွင့်လင်းရာသီမှာ ပြည်ပခရီးသွားအရေအတွက်ဟာ သိန်းဂဏန်းထိ ဝင်ရောက်နိုင်မယ်လို့ မြန်မာနိုင်ငံခရီးသွားလုပ်ငန်းရှင်များအသင်းက ခန့်မှန်းထားပါတယ်။

#Yangon_Media_Group

#LocalNews
Published -25 May 2022

မျိုးသုဥ်းမပျောက်ကွယ်အောင်နဲ့ ထိုင်းနဲ့တရုတ်မှောင်ခိုဈေးကွက်ထဲမရောက်အောင် မော်လမြိုင်၊မြိုင်သာယာအောင်ဆန်းလမ်းမှာ ဖမ်းမိတဲ့(၂)ပိဿာရှိတဲ့ သင်းခွေချပ်ကို ဝယ်ယူပြီး ဘေးမဲ့တောထဲကိုဘေးမဲ့ပြန်လွှတ်ခဲ့တယ်လို ကိုဇင်မိုးက YMG ကို ပြောပါတယ်၊၊

သဘာဝကို မပျက်စီးစေချင်လို့ အဲဒီ့သင်းခွေချပ်ကို ဖမ်းမိတဲ့သူထံမှ ကိုဇင်မိုးနဲ့ကိုသားကြီးတို့ကျပ် (၅)သောင်းနဲ့ ဝယ်ယူပြီး ဘေးမဲ့ပြန်လွှတ်ခဲ့တာ ဖြစ်ပါတယ်၊၊

"သင်းခွေချပ်ဆိုတာ ရှားပါးပြီးတော့ မျိုးသုဥ်းတော့မယ့် သတ္တဝါထဲမှာပါတယ်၊၊ သူက လူကိုအန္တရာယ် မပြုဘူး၊၊ ဒီကောင်ကျတော့ မှောင်ခိုဈေးကွက်ရှိတယ်၊၊

အဓိကက ထိုင်းတိုတရုတ်တို့ကိုတင်ပိုတာများတယ်၊၊ ဈေးတွေကတော့သိန်းနဲ့ချီပေးဝယ်ကြတာများတယ်၊၊ သင်းခွေချပ်အသားကလည်း စားလို့ကောင်းတယ်လို့ပြောတယ်၊၊ သူ့ရဲ့အကြေးခွံတွေဘာတွေကလည်း ဆေးဘက်ဝင်တယ်ဆိုတဲ့အယူအဆကြောင့်ပေါ့လေ"လို့ ကိုဇင်မိုးကပြောပါတယ်၊၊

သင်းခွေချပ်ဟာ ၁၉၉၄ ခုနှစ်၊ တောရိုင်းတိရစ္ဆာန်နှင့် သဘာ၀အပင်များကာကွယ်ရေးနှင့်သဘာ၀နယ်မြေများ ထိန်းသိမ်းရေးဥပဒေအရ လုံး၀ကာကွယ်ထားတဲ့ တောရိုင်းတိရစ္ဆာန်တွေစာရင်းမှာ ပါ၀င်ကာ မျိုးသုဉ်းရန်အန္တရာယ်ရှိတဲ့ မျိုးစိတ်လည်းဖြစ်ပါတယ်၊၊

မော်လမြိုင်မှာတော့ သင်းခွေချပ်တွေကို မကြာခဏ ဖမ်းမိပြီး မျိုးသုဥ်းပျောက်ကွယ်မှုမရှိအောင် ဖမ်းမိသမျှသင်းခွေချပ်တွေကို သတ်မှတ်ဘေးမဲ့တောထဲပြန်လွှတ်ပြီး ဘေးမဲ့လွှတ်ပေးကာ သစ်တောဦးစီးဌာနက တည်ဆဲဥပဒေအရကာကွယ်ပေးထားတယ်လို့ သိရပါတယ်၊၊

ymg/tthl
#Yangon_Media_Group

#LocalNews
Published_25 May 2022

မလေးရှားထိန်းသိမ်းရေးစခန်းများတွင် ရောက်ရှိနေသော မြန်မာနိုင်ငံသား ၄၀ ဦးအား မြန်မာနိုင်ငံသို့ ယနေ့ မေလ ၂၅ ရက်တွင် ပြန်လည်ပို့ဆောင်ခဲ့ကြောင်း မြန်မာနိုင်ငံဆိုင်ရာ မလေးရှားသံရုံးက သိရသည်။

ယင်းတို့မှ မလေးရှားနိုင်ငံတွင် အကြောင်းအမျိုးမျိုးကြောင့် ပြစ်ဒဏ်ကျခံခဲ့ရသူများဖြစ်ပြီး ထိန်းသိမ်းရေးစခန်းများတွင် သွားရောက်တွေ့ဆုံ၍ ၎င်းတို့ မြန်မာနိုင်ငံသို့ အမြန်ဆုံးပြန်နိုင်ရေး သံရုံးတာဝန်ရှိသူများက စီစဉ်ဆောင်ရွက်ပေးခဲ့ခြင်းဖြစ်ကြောင်းသိရသည်။

အဆိုပါ မြန်မာနိုင်ငံသားများမှာ BELANTIK ထိန်းသိမ်းရေးစခန်းတွင် ထိန်းသိမ်းခံခဲ့ရခြင်းဖြစ်ကြောင်းလည်း သိရသည်။

ymg/mt
#Yangon_Media_Group

#LocalNews
Published_25 May 2022

မြန်မာနိုင်ငံမှ တရုတ်နိုင်ငံသို့တင်ပို့သည့်ရွှေကဏန်းနှင့် ကျောက်ပုစွန်တို့တွင် Virus ပိုးတွေ့ရှိ၍ တင်ပို့မှုကို ယာယီရပ်ဆိုင်းထားကြောင်း ငါးလုပ်ငန်းဦးစီးဌာနမှ သိရသည်။

Virus ပိုးတွေ့ရှိကြောင်း တရုတ်နိုင်ငံဘက်မှ သတိပေးခဲ့သည့်အတွက် ဧရာဝတီတိုင်းဒေသကြီးနှင့် ရခိုင်ပြည်နယ်တို့မှ ပို့ကုန်များကိုစစ်ဆေးရာ ရခိုင်ပြည်နယ်မှ ရွံ့ဂဏန်းနှင့် ကျောက်ပုစွန်တို့တွင် ပိုးတွေ့ရှိခဲ့ခြင်းဖြစ်ကြောင်း ရခိုင်ပြည်နယ်ငါးလုပ်ငန်းဦးစီးဌာနမှ သိရသည်။

ယင်းဖြစ်စဉ်ကြောင့် ပိုးပါသည့် ဒေသကိုအတိအကျသိရှိစေရန်နှင့် ပိုးတွေ့ဒေသမှ ထွက်ကုန်ကို ယာယီပိတ်ထားနိုင်ရန် ရခိုင်ပြည်နယ်ရှိ မြို့နယ်အလိုက်မှထွက်သောရွှေကဏန်းနှင့် ကျောက်ပုစွန်များကို ရန်ကုန်ရှိဓာတ်ခွဲခန်းသို့ ပေးပို့၍ စစ်ဆေးနေကြောင်းသိရသည်။

"မေလ ၂၃ ရက်နေ့က တရုတ်ကိုတင်ပို့တာတွေ ယာယီရပ်ထားတယ်။အခု ဓာတ်ခွဲခန်းမှာ စစ်ဆေးနေပြီ၊ ပြီးခဲ့တဲ့နှစ်ကလည်း ဂုံးတစ်မျိုးမှာရောဂါပိုးတွေ့တာကို ထပ်ပြီးပို့ခဲ့တာကြောင့် ခုထက်ထိ တင်သွင်းခွင့်မရတော့ဘူး။စစ်ဆေးနေချိန်၊စစ်ဆေးနေချိန်မှာ ခိုးပြီးတော့ တင်သွင်းတာမလုပ်ဖို့ အားလုံးမှာတာဝန်ရှိပါတယ်။ပူးပေါင်းဆောင်ရွက်ကြစေချင်ပါတယ်"ဟု ငါးလုပ်ငန်းဦးစီးဌာန တာဝန်ရှိသူကပြောသည်။

ပြီးခဲ့သည့်ဘဏ္ဍာနှစ်က ရခိုင်ပြည်နယ်မှ တရုတ်ပြည်သူ့သမ္မတနိုင်ငံသို့ ကျောက်ပုစွန်တန်ချိန် ၁၀၀ ကျော် ၊ ရွှကဏန်းတန်ချိန် ၄၀၀ ကျော်ခန့်တင်ပို့နိုင်ခဲ့ကြောင်း ငါးလုပ်ငန်းဦးစီးဌာန၏ စာရင်းများအရ သိရသည်။

ymg/mt
#Yangon_Media_Group

#LocalNews
Published -25 May 2022

ကိုဗစ်ကာလမှာဆောင်ရွက်ဖို့ ခက်ခဲခဲ့တဲ့ပုံမှန်ကာကွယ်ဆေးထိုးလုပ်ငန်းတွေကို ပြန်လည်ဆောင်ရွက်နေပြီဖြစ်ပြီး လုံခြုံရေးအရအဆင်ပြေတဲ့နေရာတော်တော်များများမှာ ထိုးနှံပေးနိုင်ပြီဖြစ်တယ်လို့ ကျန်းမာရေးဝန်ကြီးဌာန၊ ကျန်းမာရေးအသိပညာမြှင့်တင်ရေးဌာနခွဲ၊ ညွှန်ကြားရေးမှူးဒေါက်တာသန်းနိုင်စိုးက ပြောပါတယ်၊၊

#Yangon_Media_Group

#LocalNews
Published_25 May 2022

ရှမ်းပြည်နယ် (အရှေ့ပိုင်း)တာချီလိတ်မြို့မှာရှိတဲ့ မြန်မာ-ထိုင်း ချစ်ကြည်ရေး တံတားအမှတ်( ၁)ကို ပြန်လည်ဖွင့်လှစ်ရေးနှင့် ပတ်သက်လို့ နှစ်နိုင်ငံတာဝန်ရှိသူတွေ မနေ့က မနက် ၁၀ နာရီခွဲအချိန် ထိုင်းနိုင်ငံ မယ်ဆိုင်ဖက်ကမ်း ချက်ပွိုင့်မှာ တွေ့ဆုံဆွေးနွေးခဲ့ကြပါတယ်။

#Yangon_Media_Group