#WorldHealth
Published 27 May 2022

အဝလွန်တဲ့အမျိုးသားများ ကိုယ်အလေးချိန်လျော့ကျလာတဲ့အခါ သုတ်ပိုးကောင်ရေနှစ်ဆမျှများပြားလာကြောင်း သုတေသီများတွေ့ရှိခဲ့ပါတယ်။

ဒိန်းမတ်သိပ္ပံပညာရှင်တွေက အမျိုးသား ၅၆ ယောက်ကို လေ့လာခဲ့ရာမှာ အခုလိုအံ့ဩဖွယ်ရာရလာဒ်တွေ့ရှိခဲ့တာဖြစ်ပါတယ်။

စမ်းသပ်ခံသူအားလုံးကို အချိန် ၈ ပတ်ကြာ အစားအသောက်ထိန်းသိမ်းကျွေးမွေးခဲ့ပြီး တစ်နေ့ကို ၈၀၀ ကယ်လိုရီလောက်သာ စားသုံးစေခဲ့ပါတယ်။

စမ်းသပ်မှုမပြုလုပ်ခင် BMI အတိုင်းအတာအနည်းဆုံး ၃၂ ရှိတဲ့အမျိုးသားတွေဟာ ပျမ်းမျှ ၈ ပေါင်ခန့်အလေးချိန်လျော့ကျခဲ့ပြီး သူတို့ရဲ့သုတ်ပိုးကောင်ရေ ၄၁ ရာခိုင်နှုန်းပိုများလာခဲ့ပါတယ်။

တစ်နှစ်တာလောက်အထိ ကိုယ်အလေးချိန်လျော့ကျအောင် ထိန်းသိမ်းတဲ့လူတွေမှာ သုတ်ကောင်ရေနှစ်ဆနီးပါး များပြားလာပြီး ရေကူးသမားတွေဆီက ပမာဏလောက်အထိ ရှိနေတာဖြစ်ပါတယ်။

ဒါပေမဲ့ ဝမ်းဗိုက်အဆီပြန်ထွက်လာသူတွေကတော့ သုတ်ရည်အရည်အသွေးတိုးတက်မှု မရှိတော့ပါဘူး။

သုတ်ကောင်ရေထွက်ရှိမှုက အသက်အရွယ်ကြီးတာနဲ့အမျှကျဆင်းလာပြီး အသက် ၁၇ နှစ်ကစလို့ အသက် ၄၀ အတွင်း အမြင့်ဆုံးရှိတတ်ပါတယ်။

ပုံမှန်သုတ်ပိုးအရေအတွက်က သုတ်ရည် ၁ မီလီလီတာမှာ သုတ်ကောင်ရေ ၁၅ သန်းနဲ့အထက်ပါဝင်တာကို ဆိုလိုပါတယ်။

၁၉၇၀ နောက်ပိုင်း အမျိုးသားတွေမှာ သုတ်ပိုးအရေအတွက် ကျဆင်းလာကြကြောင်း ဥရောပ၊ မြောက်အမေရိက၊ ဩစတြေးလျတို့မှာ လေ့လာခဲ့ကြပါတယ်။

ခါးဗိုက်တုတ်ခြင်း၊ အစားအသောက်အဟာရဓာတ်မညီမျှခြင်း၊ ပတ်ဝန်းကျင်ညစ်ညမ်းလာခြင်းတို့က အဓိကစိုးရိမ်စရာ ဖြစ်လာပါတယ်။

အခုစမ်းသပ်မှုမှ စမ်းသပ်ခံသူတွေကို ကယ်လိုရီနည်းတဲ့အစားအသောက်တွေထုတ်လုပ်တဲ့ ကိမ်းဘရစ်ချ်မှ ကိုယ်အလေးချိန်လျှော့ချတဲ့အစီအစဉ်အတိုင်း စားသုံးစေခဲ့ပါတယ်။

ဦးဆောင်လေ့လာတဲ့ ပရော်ဖက်ဆာ'ဆစ်ဂ်နီတိုရီကော့ဗ်'က ဝိတ်ကျလာတဲ့အခါ သုတ်ပိုးအရည်အသွေး တိုးတက်လာတာက အံ့ဩစရာကောင်းတဲ့ တိုးတက်မှုဖြစ်တယ်လို့ ဆိုပါတယ်။

၂၀၁၉ ခုနှစ်က NHS ရဲ့အချက်အလက်တွေအရ အင်္ဂလန်မှာ ကိုယ်အလေးချိန်များသူ ၄၁ ရာခိုင်နှုန်းရှိပြီး အဝလွန်သူ ၂၇ ရာခိုင်နှုန်းရှိခဲ့ကာ အမေရိကန်နဲ့တူညီနေပါတယ်။

ယူကေမှာ ကိုယ်ဝန်မရတဲ့စုံတွဲတွေ ၃ ပုံ ၁ ပုံလောက်မှာ သုတ်ပိုးအကောင်ရေနည်းခြင်းက အဓိကပြဿနာ ဖြစ်နေပါတယ်။

အဝလွန်သူတွေမှာ ကျားဟော်မုန်းဖြစ်တဲ့ တက်စ်တိုစတီရုန်းပမာဏနည်းပါးခြင်းကြောင့် သုတ်ပိုးထုတ်လုပ်နိုင်စွမ်းလျော့နည်းသွားတာ ဖြစ်ပါတယ်။

အစောပိုင်းက အူတာတက္ကသိုလ်မှသိပ္ပံပညာရှင်များ လေ့လာရာမှာ အသက် ၆၀ ဝန်းကျင်ရှိ ကိုယ်အလေးချိန်များတဲ့ အမျိုးသားတွေဟာ ထိုအသက်အရွယ်တွေထဲက ကိုယ်အလေးချိန်နည်းသူများထက် သုတ်ပိုးကောင်ရေပိုနည်းတာကို တွေ့ရှိခဲ့ကြပါတယ်။

Source: DailyMail
#Yangon_Media_Group

#Local_News 
Published_ 27 May 2022

ရန်ကုန်တိုင်းဒေသကြီး၊ မင်္ဂလာဒုံမြို့နယ်တွင် ငွေကျပ် ၅ ဘီလီယံတန်ဖိုးရှိ စိတ်ကြွရူးသွပ်ဆေးပြား သိန်း ၅၀ ဖမ်းဆီးရမိခဲ့ကြောင်း မြန်မာနိုင်ငံရဲတပ်ဖွဲ့ရဲ့ ထုတ်ပြန်ချက်အရ သိရပါတယ်။

မူးယစ်ဆေးဝါး တားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် မေ ၁၇ ရက် ညနေ ၃ နာရီခွဲတွင် မင်္ဂလာဒုံမြို့နယ်၊ သင်္ဃန်းကျွန်းကြီးရပ်ကွက်၊ ဇောတိက(၃)လမ်းရှိ ဇော်မင်းစိုး၏နေအိမ်ကို သတင်းအရဝင်ရောက်ရှာဖွေခဲ့ပါတယ်။

ထိုသို့ရှာဖွေဲ့ရာ ကျော်ကျော်အောင်၊ ဝင်းထွန်း၊ လှစိန်မောင်၊ ချစ်ဦးမောင်၊ ဇင်မင်းကို၊ လွင်မင်းထိုက်နှင့် သက်ပိုင်ဦးတို့ ၇ ဦးနှင့်အတူ စိတ်ကြွရူးသွပ်ဆေးပြား ၁၀ သိန်းနှင့် မြန်မာငွေကျပ်သိန်း ၁၅၀ တို သိမ်းဆည်းရမိခဲ့ပါတယ်။

စစ်ဆေးဖော်ထုတ်ချက်အရ ည ၁၂ နာရီတွင် မင်္ဂလာဒုံမြို့နယ်၊ ပုလဲ(၃)ရပ်ကွက်၊ စံပယ်လမ်းရှိ ဇော်မင်းစိုးက ကျော်ကျော်အောင် အမည်ဖြင့် ငှားပေးထားသည့်နေအိမ်မှ စိတ်ကြွရူးသွပ်ဆေးပြား သိန်း ၄၀ ထပ်မံသိမ်းဆည်းရမိခဲ့သဖြင့် စုစုပေါင်း ဒေသကာလတန်ဖိုးငွေကျပ် ၅ ဘီလီယံတန်ဖိုးရှိ စိတ်ကြွရူးသွပ်ဆေးပြား သိန်း ၅၀ သိမ်းဆည်းရမိခဲ့တာ ဖြစ်ပါတယ်။

ကွင်းဆက်အရ မေ ၁၈ ရက် နံနက် ၁၀ နာရီတွင် မြိတ်မြို့၊ မြိတ်တောင်နယ်မြေ၊ ဇေယျာသီရိ(၃)ရပ်ကွက်၊ ခူဒိုင်လမ်းနေ မမီးငယ်စိုး (ခ) သီတာစိုးကို မြန်မာငွေကျပ် ၈၅ သိန်းနှင့်လည်းကောင်း၊ ပြည့်စုံနှင့် ကျော်သူတို့အား HINO ၆ ဘီး မော်တော်ယာဉ်တစ်စီး၊ မြန်မာငွေကျပ်သိန်း ၄၀ တို့နှင့်လည်းကောင်း ထပ်မံဖမ်းဆီးရမိခဲ့ပါတယ်။

အဆိုပါ စိတ်ကြွရူးသွပ်ဆေးပြားများကို ရှမ်းပြည်နယ်မှ ရန်ကုန်မြို့သို့ သယ်ဆောင်ပြီး ဖမ်းမိနေအိမ်များ၌ သိုလှောင်၍ တနင်္သာရီတိုင်းဒေသကြီးနှင့် ရခိုင်ပြည်နယ်တို့သို့ သယ်ဆောင်ရောင်းဝယ်ကြောင်းနှင့် သယ်ဆောင်ရောင်းဝယ်သူ ဇော်မင်းစိုးမှာ ထွက်ပြေး တိမ်းရှောင်လျက်ရှိကြောင်း သိရပါတယ်။

ဖမ်းဆီးရမိသူများအား ဥပဒေအရ အရေးယူထားရှိပြီး ကွင်းဆက်ပြစ်မှုကျူးလွန်သူ များအား ဆက်လက်စစ်ဆေးဖော်ထုတ်လျက်ရှိကြောင်း သတင်းထုတ်ပြန်ထားပါတယ်။

ymg-mnn
#Yangon_Media_Group

#WorldHealth
Published 27 May 2022

ခွေးတွေက လူတွေအတွက်အကောင်းဆုံးမိတ်ဆွေဖြစ်တဲ့အပြင် ကိုဗစ်ရောဂါပိုးရှိသူများကိုလည်း အနံ့ခံဖော်ထုတ်နိုင်ကြောင်း BMJ Global Health မှာ တနင်္လာနေ့ကဖော်ပြခဲ့ပါတယ်။

အဆိုပါလေ့လာချက်ကို ဖင်လန်နိုင်ငံ ဟယ်လ်ဆင်ကီဗန်တာအပြည်ပြည်ဆိုင်ရာလေဆိပ်မှာ ပြုလုပ်ခဲ့တာဖြစ်ပါတယ်။

အရေပြားတို့ဖတ်စနမူနာတွေကို အသုံးပြုပြီး ကိုဗစ်ကူးစက်မှုတွေကိုရှာဖွေနိုင်အောင် ခွေးတွေကိုလေ့ကျင့်ပေးခဲ့ကြပါတယ်။

ကိုဗစ်ဗိုင်းရပ်စ်ပိုးရှိနေတဲ့ လူ ၁၁၄ ယောက်ရဲ့အရေပြားနမူနာနဲ့ ရောဂါပိုးမရှိသူ ၃၀၆ ယောက်တို့ရဲ့အရေပြားနမူနာတို့ကို စမ်းသပ်အနံ့ခံခိုင်းခဲ့ရာမှာ ၉၂ ရာခိုင်နှုန်းတိကျမှုရှိခဲ့ပါတယ်။

လေ့လာချက်ထဲမှာ လေ့ကျင့်ပေးတဲ့ ခွေး ၄ ကောင်ရှိပြီး ကိုဗစ်ရောဂါပိုးရှိသူတွေရဲ့ အရေပြားတို့ဖတ်စတွေကို အနံ့ခံခိုင်းကာ ဗိုင်းရပ်စ်ကိုရှာဖွေနိုင်အောင် လေ့ကျင့်ပေးထားပါတယ်။

ခွေးတွေနဲ့ စစ်ဆေးစမ်းသပ်ခြင်းက အချိန်ကုန်သက်သာသလို အခြားစမ်းသပ်နည်းတွေ မလုပ်နိုင်တဲ့အချိန်မှာလည်း အသုံးပြုနိုင်မှာပါ။

ဒီစမ်းသပ်နည်းဖြင့် လေဆိပ်တွေနဲ့ လူအများစုဝေးရာနေရာတွေမှာ ဗိုင်းရပ်စ်ရှာဖွေနိုင်အောင် လေ့ကျင့်ထားတဲ့ခွေးတွေနဲ့ ကိုဗစ်စစ်ဆေးမှုတွေ ပြုလုပ်သွားနိုင်မှာဖြစ်ပါတယ်။

ဗိုင်းရပ်စ်တွေ့ရှိအောင် လေ့ကျင့်ပေးရာမှာ ခွေးတွေကို ရောဂါပိုးအသားစနမူနာ ပါဝင်တဲ့သံဗူးများကို အနံ့ခံခိုင်းပြီး ရောဂါပိုးရှိတယ်ဆိုတာကို ညွှန်းနိုင်အောင် သင်ကြားပေးပါတယ်။

အဲဒီနောက် ရောဂါပိုးမရှိတဲ့ အသားစနမူနာကိုလည်း အနံ့ခံခိုင်းကာ ခွဲခြားသိရှိစေရန် သင်ကြားပေးခဲ့ပါတယ်။

ခွေးတွေကိုသာ အမိန့်ပေးနိုင်မယ်ဆိုရင် အသုံးဝင်တဲ့အကူအညီရရှိစေလာမှာဖြစ်ပါတယ်။

ခွေးတွေအနေနဲ့ ရောဂါပိုးရှာဖွေခြင်း ၅ ကြိမ်မှာ ၄ ကြိမ်မှန်ကန်ခဲ့တယ်ဆိုရင် ဟယ်လ်ဆင်ကီဗန်တာလေဆိပ်မှာ ဆက်လက်လေ့ကျင့်ပေးသွားမှာဖြစ်ပါတယ်။

လေ့ကျင့်ပေးတဲ့ ကာလတုန်းကတော့ ဖင်လန်နိုင်ငံမှာ ဗိုင်းရပ်စ်မျိုးဗီဇကွဲတွေ မပေါ်ပေါက်သေးပါဘူး။

Source: The Jerusalem Post
#Yangon_Media_Group

#LocalNews

Published_26 May 2022

ရန်ကုန်မြို့တော်ဝန်နှင့်စည်ပင်ဝန်ကြီးဟောင်း ဦးမောင်မောင်စိုး၊ရန်ကုန်အစိုးရ စိုက်ပျိုးရေး၊ မွေးမြူရေး၊ သစ်တောနှင့် စွမ်းအင်ဝန်ကြီးဟောင်း ဦးဟံထွန်း၊ 

ဒုတိယမြို့တော်ဝန်ဟောင်း ဦးစိုးလွင်၊ အတွင်းရေးမှူးဟောင်း ဒေါ်လှိုင်မော်ဦး၊ တွဲဖက်အတွင်းရေးမှူးဟောင်း ဦးသန်းနှင့် ကုမ္ပဏီဒါရိုက်တာအဖွဲ့ဝင် ဦးဇင်မင်းအောင် တို့အပေါ် အဂတိလိုက်စားမှုတိုက်ဖျက်ရေးဥပဒေဖြင့် အမှုဖွင့်လှစ်အရေးယူထားကြောင်း အဂတိလိုက်စားမှုတိုက်ဖျက်ရေးကော်မရှင်ကထုတ်ပြန်ထားသည်။

 ယင်းတို့သည် ကော်မတီတွင် တာဝန်ထမ်းဆောင်စဉ်ကာလအတွင်း ရန်ကုန်တိုင်းဒေသကြီးအစိုးရအဖွဲ့နှင့် အကျိုးတူပူးပေါင်းဆောင်ရွက်ခဲ့သော ဖက်စပ်ကုမ္ပဏီ၏ စက်သုံးဆီအရောင်းဆိုင်များ ဖွင့်လှစ်နိုင်ရန် ဒဂုံမြို့သစ်မြို့နယ်အတွင်းရှိ မြေကွက် နှစ်ကွက် ၅ ဧက ကျော်ကို၂၀၁၈ ခုနှစ်နှင့် ၂၀၁၉ ခုနှစ်တို့တွင် နှစ် ၆၀ မြေငှားစာချုပ် ဂရန်ထုတ်ပေးခဲ့ရာ၌ ပြည်တွင်းအခွန်များဦးစီးဌာန၏ သတ်မှတ်ဈေးနှုန်း တစ်စတုရန်းပေလျှင် ငွေကျပ် ၂၀၀၀၀ ခန့်နှုန်းဖြင့် တွက်ချက်ခြင်းမပြုဘဲ တစ်စတုရန်းပေ လျှင် ၂၀၀၀ ကျပ်နှုန်းဖြင့် ပေးသွင်းစေရန် ဆောင်ရွက်ခဲ့သဖြင့် နိုင်ငံတော်အနေဖြင့် ငွေကျပ် သန်း ၄၂၀၀ ကျော် နစ်နာဆုံးရှုံးခဲ့ကြောင်း၊ရန်ကုန်တိုင်းဒေသကြီးအစိုးရအဖွဲ့ ဝန်ကြီးဟောင်းဦးဟံထွန်း၊ မြို့တော်ဝန်ဟောင်း ဦးမောင်မောင်စိုး နှင့် တွဲဖက်အတွင်းရေးမှူးဟောင်း ဦးသန်း တို့သည် တာဝန်ထမ်းဆောင်စဉ် ကာလအတွင်း ရန်ကုန်တိုင်းဒေသကြီးအစိုးရအဖွဲ့နှင့် စီးပွားရေး အကျိုးတူပူးပေါင်းဆောင်ရွက်သည့် ဖက်စပ်ကုမ္ပဏီ၏အမည်ဖြင့် စက်သုံးဆီအရောင်းဆိုင်ဖွင့်လှစ်ရန် ဒဂုံမြို့သစ်မြို့နယ် အတွင်းရှိ မြေဧရိယာ ၆၃ ဧကကျော်အား ၂၀၁၉ ခုနှစ်အတွင်း နှစ် ၆၀ မြေငှားဂရန် ထုတ်ပေးခဲ့ရာတွင် ပြည်တွင်းအခွန်များဦးစီးဌာန၏သတ်မှတ်ဈေးနှုန်း တစ်ဧက လျှင် ငွေကျပ် သိန်း ၁၀၀၀ နှုန်းဖြင့် တွက်ချက်ခြင်းမပြုဘဲ တစ်စတုရန်းပေလျှင် ၂၀၀၀ ကျပ်နှုန်းဖြင့် ပေးသွင်းစေရန် ဆောင်ရွက်ခဲ့သဖြင့် နိုင်ငံတော် အနေဖြင့် ငွေကျပ်သန်း ၈၀၀ ကျော် နစ်နာခဲ့ကြောင်း၊ ထို့ပြင် ၎င်းဖက်စပ်ကုမ္ပဏီပိုင်မြေကို ကုမ္ပဏီ၏ ဒါရိုက်တာအဖွဲ့ဝင်အမည်ဖြင့် ဂရန်ပြောင်းလဲပေးရန် ခွင့်ပြုခဲ့ပြီး၊ ၎င်းက အခြားပုဂ္ဂလိကကုမ္ပဏီတစ်ခုသို့ ကျပ်သန်း ၆၅၇၀ ဖြင့် ပြန်လည်ရောင်းချခဲ့ခြင်းကြောင့် အဆိုပါမြေ ၆၃ ဧကကျော် ဆုံးရှုံးခဲ့ကြောင်း၊

ရန်ကုန်တိုင်းဒေသကြီးအစိုးရအဖွဲ့၊ မြို့တော်ဝန်ဟောင်း ဦးမောင်မောင်စိုးနှင့် တွဲဖက် အတွင်းရေးမှူးဟောင်း ဦးသန်း တို့သည် ကော်မတီတွင် တာဝန်ထမ်းဆောင်စဉ်ကာလ အတွင်း ရန်ကုန်မြို့တော်စည်ပင်သာယာရေးကော်မတီနှင့် ကုမ္ပဏီတစ်ခုတို့ အကျိုးတူ ဆောင်ရွက်ခဲ့သော ကျောက်မီးသွေးထုတ်လုပ်မှုလုပ်ငန်းနှင့်ပတ်သက်၍ ၂၀၁၈-၂၀၁၉၊ ၂၀၁၉-၂၀၂၀ နှစ်များအတွင်း ဓာတ်သတ္တု တူးဖော်ထုတ်လုပ်ခြင်း လုပ်ငန်းစဉ်ပါ လိုက်နာဆောင်ရွက် ရမည့် အချက်များကို လိုက်နာရန် ပျက်ကွက်ခဲ့ခြင်း၊ စာချုပ်ပါစည်းကမ်းချက်များအတိုင်း ဆောင်ရွက်ခြင်းမပြုဘဲ ကျောက်မီးသွေးတစ်တန်၏ တွင်းဝဈေးနှုန်းအား မူလသတ်မှတ်ဈေး ငွေကျပ် ၇၇၀၀၀ ကျော်မှ ငွေကျပ် ၄၂၀၀၀ သို့ လျှော့ချခွင့်ပြုပေးခဲ့ခြင်း၊ လျာထားထုတ်လုပ် မှုကိုလျော့၍ ထုတ်လုပ်ရန် ခွင့်ပြုပေးခဲ့ခြင်းတို့ကြောင့် နိုင်ငံတော်ကရရှိမည့် ဘဏ္ဍာငွေကျပ် သန်း ၅၅၀ ကျော် နစ်နာဆုံးရှုံးခဲ့ကြောင်း၊

ရန်ကုန်တိုင်းဒေသကြီးအစိုးရအဖွဲ့၊ မြို့တော်ဝန်ဟောင်း ဦးမောင်မောင်စိုး၊ ဒုတိယ မြို့တော်ဝန်ဟောင်း ဦးစိုးလွင်၊ အတွင်းရေးမှူးဟောင်း ဒေါ်လှိုင်မော်ဦးနှင့် တွဲဖက် အတွင်းရေးမှူးဟောင်း ဦးသန်း တို့သည် ကော်မတီတွင် တာဝန်ထမ်းဆောင်စဉ်ကာလ အတွင်း ၂၀၁၉-၂၀၂၀ ဘဏ္ဍာနှစ်အတွက် ရန်ကုန်မြို့တော်စည်ပင်သာယာရေးကော်မတီ၊ ပန်းဥယျာဉ်နှင့်အားကစားကွင်းများဌာနက ပန်းဥယျာဉ်များရှိ လုပ်ငန်း ၂၁ ခုကို ကုမ္ပဏီများသို့ ငှားရမ်းစာချုပ် ချုပ်ဆိုခဲ့ရာတွင် ငှားရမ်းခနှုန်းထားများသည် ပြည်တွင်းအခွန်များဦးစီးဌာန၏ သတ်မှတ်ငှားရမ်းခ နှုန်းထားနှင့်အညီ သတ်မှတ်ငှားရမ်းခြင်းမရှိဘဲ ဈေးနှုန်းလျှော့ချငှားရမ်းခဲ့ခြင်းအပေါ် ခေတ်ကာလနှင့်လျော်ညီသည့် ငှားရမ်းခနှုန်းထားအတိုင်း သတ်မှတ်ကောက်ခံရန် စာရင်းစစ်ချုပ်ရုံးက အကြံပြုခဲ့သော်လည်း လိုက်နာဆောင်ရွက်မှုမရှိခြင်းကြောင့် နိုင်ငံတော် အနေဖြင့် တစ်နှစ်အတွက် ငှားရမ်းခ ငွေကျပ် သန်း ၂၁,၀၀၀ ကျော် နစ်နာခဲ့ကြောင်း၊

ရန်ကုန်တိုင်းဒေသကြီးအစိုးရအဖွဲ့၊ မြို့တော်ဝန်ဟောင်း ဦးမောင်မောင်စိုး၊ ဒုတိယ မြို့တော်ဝန်ဟောင်း ဦးစိုးလွင်၊ အတွင်းရေးမှူးဟောင်း ဒေါ်လှိုင်မော်ဦး နှင့် တွဲဖက်အတွင်းရေးမှူးဟောင်း ဦးသန်း တို့သည် ကော်မတီတွင် တာဝန်ထမ်းဆောင်စဉ်ကာလ အတွင်း ရန်ကုန်မြို့တော်စည်ပင်သာယာရေးကော်မတီနှင့် ဝန်ဆောင်မှု ကုမ္ပဏီတစ်ခုတို့ အကျိုးတူ ပူးပေါင်းဆောင်ရွက်သည့် မြို့တော်အသံလွှင့်လုပ်ငန်း (City FM)တွင် တာဝန် ထမ်းဆောင်သော ဝန်ထမ်း၏လစာစရိတ်ကို စာချုပ်တွင် နှစ်ဦးနှစ်ဘက် ညှိနှိုင်းကျခံရမည်ဖြစ်သော်လည်း နိုင်ငံတော်ဘဏ္ဍာငွေမှ ကျခံသုံးစွဲခဲ့၍ စာရင်းစစ်ချုပ်ရုံးမှ ပြုပြင်နိုင်ရေး အကြံပြုကန့်ကွက်ခဲ့ခြင်းအပေါ် ပြင်ဆင်ဆောင်ရွက်မှု မရှိခဲ့သဖြင့် ၂၀၁၈ ခုနှစ် ဇူလိုင်လမှ ၂၀၂၁ ခုနှစ် ဇန်နဝါရီလအထိ တာဝန်ထမ်းဆောင်ခဲ့သည့် ဝန်ထမ်းများ၏ လစာစရိတ်များ အတွက် နိုင်ငံတော်၏ ဘဏ္ဍာငွေကျပ် သန်း ၇၀ ကျော် နစ်နာဆုံးရှုံးခဲ့ကြောင်း၊

စစ်ဆေးပေါ်ပေါက်ချက်များအရ တာဝန်ရှိသူများဖြစ်သည့် ရန်ကုန်တိုင်းဒေသကြီး အစိုးရအဖွဲ့၊ စိုက်ပျိုးရေး၊ မွေးမြူရေး၊ သစ်တောနှင့် စွမ်းအင်ဝန်ကြီးဟောင်း ဦးဟံထွန်းနှင့် ရန်ကုန်မြို့တော်ဝန်ဟောင်း ဦးမောင်မောင်စိုး တို့အား အဂတိလိုက်စားမှုတိုက်ဖျက်ရေးဥပဒေ ပုဒ်မ ၅၅ အရလည်းကောင်း၊ ဒုတိယမြို့တော်ဝန်ဟောင်း ဦးစိုးလွင်၊ အတွင်းရေးမှူးဟောင်း ဒေါ်လှိုင်မော်ဦး၊ တွဲဖက်အတွင်းရေးမှူးဟောင်း ဦးသန်းနှင့် ကုမ္ပဏီဒါရိုက်တာအဖွဲ့ဝင် ဦးဇင်မင်းအောင်တို့အား အဂတိလိုက်စားမှုတိုက်ဖျက်ရေးဥပဒေ ပုဒ်မ ၅၅/၆၃ အရ လည်းကောင်း ရန်ကုန်တိုင်းဒေသကြီး၊ ကျောက်တံတားမြို့မရဲစခန်းတွင် ၂၆-၅-၂၀၂၂ ရက် နေ့၌ ပထမသတင်းပေး တိုင်ကြားချက်ဖွင့်လှစ်ပြီး တရားစွဲဆို အရေးယူနိုင်ရေး ဆောင်ရွက်လျက်ရှိကြောင်း အဆိုပါထုတ်ပြန်ချက်တွင်ဖော်ပြထားသည်။

ymg/mt

#Yangon_Media_Group

#WorldBusiness
Published 26 May 2022

လူငယ်ပိုင်းအိမ်မွေးတိရိစ္ဆာန်ပိုင်ရှင်တွေဟာ သူတိုရဲ့တိရိစ္ဆာန်လေးတွေကို ရေရှည်အထိထိန်းသိမ်းကာကွယ်ဖို အလေးထားလာကြပြီး တရုတ်အိမ်မွေးတိရိစ္ဆာန်အာမခံလုပ်ငန်းတွေဟာလည်း အာမခံသူအများအပြားရရှိဖို လုပ်ငန်းတိုးချဲ့ဆောင်ရွက်လာကြပါတယ်။

#Yangon_Media_Group

Published: 26 May 2022

ဆီနီဂေါနိုင်ငံ တီဗာဝမ်းမြို့အနောက်ဖက်က ဆေးရုံတစ်ရုံကို ဗုဒ္ဓဟူးနေ့ နှောင်းပိုင်းက မီးလောင်ခဲ့ရာ မွေးကင်းစ ကလေးငယ်(၁၁)ဦး သေဆုံးခဲ့ရတယ်လို့ သမ္မတ မစ်ကီဆဲလ်က ပြောပါတယ်။

“အစိုးရဆေးရုံတစ်ရုံရဲ့ မွေးကင်းစ အဆောင်ကို မီးလောင်ခဲ့လို့ မွေးကင်းစကလေးငယ်(၁၁)ဦးမီးလောင်သေဆုံးခဲ့ရတာ သိရလို့ ကျွန်တော်အလွန်ထိခိုက် တုန်လှုပ်ခံစားမိပါတယ်” လို့ သမ္မတဆဲလ်က တွစ်တာမှာ ညသန်းခေါင်မတိုင်ခင် ရေးတင်ခဲ့ပါတယ်။ သူတို့ရဲ့မိခင်တွေနှင့် မိသားစုတွေကို ကျွန်တော်ဝမ်းနည်းစာနာမိကြောင်းပြောပါရစေ လို့လည်း သူက ရေးပါတယ်။

တီဗာဝမ်းရဲ့ သယ်ယူပို့ဆောင်ရေး အချက်အခြာနေရာက မမ်မီးအက်ဒိုးအာဇစ်ဆိုင်ဒါဘက် ဆေးရုံမှာ လျှပ်စစ်ရှော့ ကြောင့် မီးလောင်ခဲ့ရတာဖြစ်တယ်လို့ ကျန်းမာရေးဝန်ကြီး အက်ဒေါင်းလေယီ ဒိုင်အော့ဆားက ပြောပါတယ်။ အဲဒီမွေးဖွားဆောင်က ကလေးငယ်၁၃ဦးမွေးဖွားနိုင်အောင် စီမံထားရှိတာဖြစ်ပါတယ်။

မီးလောင်တဲ့အချိန်မှာ ကလေးငယ်၁၁ဦးရဲ့အသက်ကို သူနာပြုတွေက ကယ်တင်နိုင်ခြင်းမရှိခဲ့ပါဘူး လို့ ဝန်ကြီးကပြောပါတယ်။

Source AFP

Published 26 May 2022

ဘရာဇီးနိုင်ငံ နိုဗာလီမားမြို့က မူလတန်းကျောင်းတစ်ကျောင်းရဲ့ အိမ်သာခန်းတစ်ခန်းထဲကို ပူးမားတောင်ခြင်္သေ့တစ်ကောင် မေ၂၁ ရက်က ရောက်နေခဲ့ပါတယ်။ အဲဒါကြောင့် မီးသတ်သမားတွေဟာ အဲဒီပူးမားခြင်္သေ့ကို သက်ဆိုင်ရာက ရောက်မလာခင် အပြင်မထွက် နိုင်အောင် ပိတ်ဆို့ပေးခဲ့ရပါတယ်။အဲဒီနောက် ပတ်ဝန်းကျင်ထိန်းသိမ်းရေးအရာရှိတွေနှင့်အတူ တိရိစ္ဆာန်ဆေးကု ဆရာဝန်  တစ်ဦးရောက်လာပြီး သူ့ကိုစိတ်ငြိမ်ဆေးတိုက်ခဲ့ရပါတယ်။

ဖမ်းမိတဲ့ပူးမားကို အန္တရာယ်မရှိဘဲ တောထဲပြန်လွှတ်ပေးလိုက်တယ်လို့ ပတ်ဝန်းကျင်ထိန်းသိမ်းရေးဌာနက ပြောပါတယ်။

Source: AFP

#LocalNews
Published_26 May 2022

မြောက်ဦးနန်းရာကုန်းရှေ့မှာ နာရီစင်ဆောက်လို့ရှိရင် ရှေးဟောင်းအမွေအနှစ်ကို ထိခိုက်နိုင်တယ်လို့ မြောက်ဦးရှေးဟောင်း ယဉ်ကျေးမှုအမွေအနှစ်ထိန်းသိမ်းစောင့်ရှောက်ရေးအသင်းက ထောက်ပြ ပြောဆိုထားပါတယ်။

#Yangon_Media_Group

#LocalNews
Published - 26 May 2022

ခရီးသွားဧည့်သည်တွေ အဝင်နည်းပါးမှုကြောင့် ပုဂံဒေသရှိ ယွန်းထည်လုပ်ငန်းများကို ယနေ့အချိန်အထိ ပြန်လည်စတင်လုပ်ကိုင်နိုင်ခြင်းမရှိသေးသလို စျေးကွက်အနေအထားကလဲ ပြန်လည်ဦးမော့လာနိုင်ခြင်းမရှိသေးဘူးလို့ ပုဂံမြို့ဒေသခံများထံမှ သိရပါတယ်။

#Yangon_Media_Group

#LocalNews
Published -26 May 2022

သဘာဝဘေးကြောင့် ပျက်စီးသွားတဲ့ နေအိမ်တွေကို ပြန်ပြင်နေရတဲ့ မော်လမြိုင်ရှိသဘာဝဘေးသင့်ပြည်သူ(၁၆၀)အတွက် အစားအသောက်တွေချက်ပြုတ်ပြီး နေ့စဥ်ထမင်းထုတ်တွေပိုးပေးနေတယ်လို့ ပရဟိတသမားကိုဇင်မိုးက ပြောပါတယ်၊၊

#Yangon_Media_Group

#LocalNews
Published -26 May 2022

မန္တလေးတိုင်း၊တံတားဦးမြို့နယ်ရှိ တံတားဦး (လေကြောင်းမိုးလေဝသ)စခန်းစဖွင့်ချိန်မှစပြီး (၂၉)နှစ်တာကာလအတွင်း မေလ(၂၆)ရက်ကရွာသွန်းသည့် မိုးရေချိန်သည်အများဆုံးမိုးရေချိန်အဖြစ်စံချိန်သစ်တင်ခဲ့သည်ဟု မိုးလေဝသနှင့်ဇလဗေဒညွှန်ကြားမှုဦးစီးဌာနမှထုတ်ပြန်လိုက်ပါသည်၊၊

၁၉၉၉ ခုနှစ်တွင် မိုးရေချိန်(၄.၈၈)လက်မနှင့်စံချိန်တင်ခဲ့ရာမှ ၂၀၂၂ခုနှစ်မေလ(၂၆)ရက်တွင်မိုးရေချိန် (၅.၅၅) လက်မနဲ့ စံချိန်သစ်တင်ခဲ့ခြင်းဖြစ်ပါသည်၊၊

မိုးလေဝသနှင့် ဇလဗေဒညွှန်ကြားမှု ဦးစီးဌာနအနေဖြင့်မှတ်သားဖွယ်ရာ မိုး‌ရေချိန်များအဖြစ် တံတားဦး(လေကြောင်းမိုးလေဝသ)တွင် (၅.၅၅)လက်မ၊ မြစ်ငယ်မြို့တွင်(၄.၀၉)လက်မ၊ စဉ့်ကိုင်မြို့တွင် (၃.၉၀)လက်မ၊ ရွှေစာရံမြို့တွင် (၃.၄၇)လက်မ၊ စဉ့်ကူးမြို့တွင် (၃.၃၀)လက်မ၊စစ်ကိုင်းမြို့တွင် (၂.၇၉)လက်မ၊ နွားထိုးကြီးမြို့တွင် (၂.၇၃)လက်မ၊ ထားဝယ်မြို့တွင် (၂.၆၇)လက်မ၊ ရေးမြို့တွင် (၂.၅၆)လက်မ၊ မန္တလေး(အောင်မြေသာစံမြို့နယ်)တွင် (၂.၄၈)လက်မ၊ သံတွဲမြို့တွင် (၂.၁၂)လက်မ၊ မန္တလေး(ချမ်းမြသာစည်မြို့နယ်)တွင် (၂.၀၂)လက်မတို့ရှိကြောင်း ထုတ်ပြန်ထားပါသည်၊၊

မုတ်သုန်ကာလဖြစ်သောကြောင့် နိုင်ငံတစ်ဝန်း ဒေသတော်တော်များများတွင် မိုးရွာသွန်းခြင်း၊မိုးကြီးခြင်းများဖြစ်ပေါ်မည်၊၊

မြန်မာ့ကမ်းရိုးတန်းတစ်လျှောက်နှင့် ကမ်းလွန်ပင်လယ်ပြင်တို့တွင် တစ်ခါတစ်ရံမိုးသက်လေပြင်းများကျရောက်ပြီး လှိုင်းကြီးနိုင်သောကြောင့် အထူးသတိပြုကြရန် မိုးလေဝသနှင့်ဇလဗေဒညွှန်ကြားမှုဦးစီးဌာနမှ သတိပေးချက်ထုတ်ပြန်ထားသည်၊၊

ymg/tthl
#Yangon_Media_Group

#LocalNews
Published - 26 May 2022

နယ်စပ်ဖြတ်ကျော် ကုန်သွယ်ရေးလုပ်ငန်းများ ပြန်လည်စတင်နိုင်ရန်အတွက် ထိုင်း-မြန်မာ နယ်စပ်ကုန်သွယ်ရေး ကော်မတီ (TBC) မှ မယ်ဆိုင်နှင့်အခြားနယ်စပ်ဂိတ်များကို ဇွန်လ ၁ ရက်တွင် ဖွင့်လှစ်ရန် သဘောတူညီခဲ့ကြောင်း ဘန်ကောက်ပိုစ့်တွင် ဖော်ပြထားသည်။

နယ်စပ်ဖြတ်သန်းခွင့် လက်မှတ်ကိုင်ဆိုင်ထားသူများအနေဖြင့် ချင်းခွန်၊ မယ်ဆိုင်နဲ့ ချင်းဆန် ခရိုင်တွင် စစ်ဆေးရေးဂိတ် ဖွင့်လှစ်ပေးထားမည်ဖြစ်ကြောင်း သိရသည်။

ချင်းရိုင်အုပ်ချုပ်ရေးမှူး၊ ဌာနဆိုင်ရာ၊ TBC ညှိနှိုင်းရေးမှူးတွေအပါအဝင် မြန်မာနိုင်ငံတာချီလိတ်ခရိုင်အုပ်ချုပ်ရေးမှူးတို့တက်ရောက်သည့် အစည်းအဝေးအပြီးတွင် ယင်းကဲ့သို့ ဖွင့်လှစ်နိုင်ရန် ဆုံးဖြတ်ခဲ့ခြင်းဖြစ်ကြောင်း သိရသည်။

ကော်မတီမှ ထိုင်း-မြန်မာ ချစ်ကြည်ရေး တံတား အမှတ် ၁၊ အမှတ် ၂ တို့နှင့် မယ်ဆိုင်မှ ယာယီ နယ်စပ်ဂိတ် ၅ ခု ဖွင့်လှစ်ရန် အဆိုပြုခဲ့ကြောင်း၊ တာချီလိတ်မြို့နယ်အုပ်ချုပ်ရေးမှူးမှ ဇွန်လ ၁ ရက်တွင် နယ်စပ်ဂိတ်များ ဖွင့်လှစ်ခြင်းမပြုမီ ထိုင်း-မြန်မာ ချစ်ကြည်ရေးတံတား စမ်းသပ်ဖွင့်လှစ်ရန် သဘောတူညီခဲ့ကြောင်းလည်း ဖော်ပြထားသည်။

ygn/sth
#Yangon_Media-Group