#Local_News
Published_ 25 Aug 2022

ရန်ကုန်စတော့အိပ်ချိန်း၌ ငွေချေးသက်သေခံလက်မှတ်ကုမ္ပဏီများတွင် စာရင်းဖွင့် လှစ်ထားသူ ဦးရေမှာ ၄၄,၈၀၉ ဦးရှိကာ တစ်နှစ်တိုးတက်မှုနှုန်း ၄ ဒသမ ၁ ရာခိုင်နှုန်း ရှိကြောင်းနှင့် စာရင်းဝင်ကုမ္ပဏီ ၇ ခု၏ ဇူလိုင်လကုန်ရှိ ဈေးကွက်ရင်းနှီးမြှုပ်နှံမှု တန်ဖိုးမှာ ငွေကျပ် ၅၈၁ ဒသမ ၅၁၅ ဘီလီယံရှိကြောင်း သိရပါတယ်။

YSX ၌ စာရင်းဝင်ထားသောအများနှင့် သက်ဆိုင်သည့် ကုမ္ပဏီ ၇ ခု၏ ရှယ်ယာများ ကို ငွေချေးသက်သေခံလက်မှတ်ကုမ္ပဏီ ၆ ခုမှ တစ်ဆင့် ရောင်းဝယ်လျက်ရှိတယ်လို့ ဆိုပါတယ်။

မြန်မာနိုင်ငံ ငွေချေးသက်သေခံလက်မှတ်လုပ်ငန်း ကြီးကြပ်ရေးကော်မရှင်၏ (၇/၂၀၂၂) ကြိမ်မြောက် အစည်အဝေးကို နေပြည်တော်၌ ကျင်းပရာ ဝန်ကြီး ဦးဝင်းရှိန်က အရင်းအနှီးဈေးကွက်သည် နိုင်ငံတော်၏ စီးပွားရေးဖွံ့ဖြိုးတိုးတက်ရန် အဓိကအရေးပါသည့် မောင်းနှင်အားတစ်ခု ဖြစ်၍ နိုင်ငံအသီးသီးက အရင်းအနှီးဈေးကွက် ဖွံ့ဖြိုးတိုးတက်ရေးကို ဦးစားပေးဆောင်ရွက်လျက်ရှိကြောင်း ပြောကြားခဲ့ပါတယ်။

ရန်ကုန်စတော့အိပ်ချိန်း (Yangon Stock Exchange – YSX) ကို ၂၀၁၅ ခုနှစ်တွင် ဖွင့်လှစ်ခဲ့ပြီးနောက် ယခုအခါ စာရင်းဝင်ကုမ္ပဏီ (၇) ခု၏ ရှယ်ယာများအား နေ့စဉ် ရောင်း/ဝယ်လျက်ရှိကြောင်း သိရပါတယ်။

တစ်ဖက်တွင်လည်း ငွေချေးစာချုပ်ဈေးကွက် ဖွံ့ဖြိုးတိုးတက်စေရေးအတွက် ဒုတိယဈေးကွက် (Secondary Market) ကို ထူထောင်ဆောင်ရွက်ခဲ့ရာ ယင်းဈေးကွက်တွင် အစိုးရငွေတိုက်စာချုပ်နှင့် ငွေတိုက်လက်မှတ်များကို ရင်းနှီးမြှုပ်နှံသူများက ဝယ်ယူရင်းနှီးမြှုပ်နှံလျက်ရှိသော်လည်း နိုင်ငံ၏အရင်းအနှီးဈေးကွက်တွင် ပါဝင်ရင်းနှီး မြှုပ်နှံသူနှင့် အရင်းအနှီးစုဆောင်းသူများမှာ အခြားနိုင်ငံများနှင့်နှိုင်းယှဉ်ပါက လွန်စွာနည်းနေသေးတယ်လို့ ဝန်ကြီးက ပြောပါတယ်။

စာရင်းဝင်ကုမ္ပဏီများ တိုးပွားလာစေရေးရည်ရွယ်၍ ရန်ကုန်စတော့အိပ်ချိန်းတွင် စာရင်းဝင် အကြိုဈေးကွက် (Pre Listing Board – PLB) ကို ဒုတိယဈေးကွက်အဖြစ် ထူထောင်ခွင့်ပြုထားပြီးဖြစ်ရာ အသေးစားနှင့်အလတ်စား စီးပွားရေးလုပ်ငန်းများအတွက် လက်ရှိစာရင်းဝင်စံသတ်မှတ်ချက်များကိုလျှော့ချပြီး အနည်းဆုံးလိုအပ်ချက်များဖြင့် စာရင်းဝင်အကြိုဈေးကွက်တွင် မှတ်ပုံတင်နိုင်ရန် ဆောင်ရွက်ပေးထားပြီးဖြစ်ပါတယ်။

စာရင်းဝင်အကြိုဈေးကွက်မှတဆင့် စာရင်းဝင်ကုမ္ပဏီများဖြစ်လာစေရန် ကြိုးပမ်းဆောင်ရွက်ခြင်းဖြင့် အရင်းအနှီးဈေးကွက်ဖွံ့ဖြိုးတိုးတက်မှုကို အထောက်အကူ ပြုစေမည်ဖြစ်ပြီး နိုင်ငံ့စီးပွားဖွံ့ဖြိုးတိုးတက်မှုကိုလည်း အထောက်အကူပြုစေမှာ ဖြစ်ပါတယ်။

ygm_mnn
#Yangon_Media_Group

Published 25 Aug 2022

ထိုင်းနိုင်ငံရဲ့ အခြေခံဥပဒေခုံရုံးက ဝန်ကြီးချုပ် ပရာရွတ် ချန်အိုချာကို တာဝန်ထမ်းဆောင်ခြင်းမှ ဆိုင်းငံ့ထားလိုက်ပါတယ်။  တပ်ဦးစီးချုပ်ဟောင်းဖြစ်ခဲ့တဲ့ သူဟာ ဖွဲ့စည်းပုံအခြေခံဥပဒေက ပေးအပ်ထားတဲ့ (၈)နှစ် ကာလထက် ကျော်လွန်ပြီး တာဝန်ထမ်းဆောင်နေပါတယ်လို့ အတိုက်အခံပါတီတွေက တရားရုံးကို လျှောက်ထားတဲ့အတွက် ယခုလို တာဝန်မှ ဆိုင်းငံ့ထားခြင်းဖြစ်ပြီး ဆိုင်းငံ့ခြင်းဟာ တရားရုံးက အမိန့်ချမှတ်တဲ့အချိန်အထိ ကြာမြင့်မှာဖြစ်ပါတယ်။

ပရာရွတ်ဟာ တပ်အာဏာသိမ်းပြီးနောက် သူ့ကိုယ်သူ ဝန်ကြီးချုပ်အဖြစ် ဆောင်ရွက်ခဲ့တာပါ။

“ တရားရုံးက ဗိုလ်လျုပ်ပြီး ပရာရွတ်အား ဝန်ကြီးချုပ်တာဝန်ထမ်းဆောင်ခြင်းကို ဩဂုတ် ၂၄ ရက်မှစတင်ကာ တရားရုံးက အမိန့်ချမှတ်သည်အထိ ဆိုင်းငံ့ထားရန်  ၅မဲ၄မဲနှင့် ဆုံးဖြတ်ခဲ့ပါတယ်” လို့ ဩဂုတ် (၂၄)ရက်က တရားရုံးရဲ့သတင်းထုတ်ပြန်ချက်မှာ ဖော်ပြထားပါတယ်။

ပရာရွတ်ဟာ တာဝန်မှ ဆိုင်းငံ့ခံထားရတဲ့ကာလများအတွင်း ဒုတိယဝန်ကြီးချုပ် ပရာဝတ် ဝေါင်ဆုဝန်က အိမ်စောင့် ဝန်ကြီးချုပ် အဖြစ် တာဝန်ယူမှာဖြစ်တယ်လို့  အစိုးရရဲ့ ဥပဒေပညာရှင်လည်းဖြစ် ဒုတိယဝန်ကြီးချုပ်နောက်တစ်ဦးလည်း ဖြစ်တဲ့ ဝီဆန်နု ကရီနာ နမ်က ပြောပါတယ်။ ပရာဝတ်ဟာဒုတိယဝန်ကြီးချုပ်တွေအထဲမှာ ဝါအရင့်ဆုံးဖြစ်ပါတယ်။

“ ဒီ့အတွက် နိုင်ငံအုပ်ချုပ်ရေး၊ ရုံးလုပ်ငန်းဆောင်ရွက်မှုတွေနှင့် အစိုးရရဲ့ မူဝါဒတွေ အကောင်အထည်ဖော်ရေးတွေ မှာ ဘာမှအကျိုးသက်ရောက်မှာ မဟုတ်ပါဘူး” လို့ ဝန်ကြီးချုပ်ရုံး ဒုတိယအတွင်းရေးမှူးချုပ်နှင့် အစိုးရရဲ့ယာယီပြောရေးဆိုခွင့်ရ ပုဂ္ဂိုလ် အန်နူချာ ဘူရာပက်ချိုင်းဆရီက ပြောပါတယ်။

ဝန်ကြီးချုပ် ပရာရွတ်ဟာ တရားရုံးရဲ့ ဆုံးဖြတ်ချက်ကိုလေးစားလိုက်နာတယ်လို့လည်း အန်နူချာက ပြောပါတယ်။

“ ပြည်သူတွေကို တရားရဲ့ရဲ့ အဆုံးအဖြတ်လေးစားကြပြီး တရားရုံးကို ဝေဖန်ပြစ်တင်ခြင်း ရှောင်ရှားကြပါလို့ ပရာရွတ်က တိုက်တွန်းပါတယ်။ ပြည်သူတွေအနေနှင့် နိုင်ငံရဲ့ ငြိမ်းချမ်းရေးအတွက် သော့ချက်ဖြစ်တဲ့ တရားဥပဒေစိုးမိုးရေးအပေါ် ယုံကြည်မှုရှိကြဖို့လည်း သူကပြောပါတယ်” လို့ အန်နူချာကပြောပါတယ်။

လက်ရှိမှာ ကာကွယ်ရေးဝန်ကြီး ရာထူးလည်းရယူထားတဲ့ ပရာရွတ်ဟာ ဝန်ကြီးအဖွဲ့အစည်းအဝေးတွေကို ကာကွယ်ရေးဝန်ကြီး အဖြစ်တော့ ဆက်လက်တက်ရောက်မှာဖြစ်ပါတယ်။

တပ်ကရေးဆွဲပြီး ဆန္ဒခံယူပွဲနှင့် ပြဋ္ဌာန်းခဲ့တဲ့ ၂၀၁၇ အခြေခံဥပဒေအရ  ဝန်ကြီးချုပ်ရဲ့ သက်တမ်းကို (၈)နှစ် သတ်မှတ်ခဲ့ပါတယ်။ ပရာရွတ်ဟာ ၂၀၁၄ခုနှစ် ဩဂုတ်(၂၄)ရက်နေ့မှာ ဝန်ကြီးချုပ်အဖြစ် ဘုရင်ဘူမိဘော အက်ဘ်ဒူယာဒက်ချ်က လက်မှတ်ရေးထို့းခန့်အပ်ခဲ့တာဖြစ်တယ်လို့ အတိုက်အခံတွေက စောဒကတက်ထားပါတယ်။

ဒါပေမယ့် အာဏာရပါတီကတော့ သူ့ရဲ့သက်တမ်းဟာ ၂၀၁၉ခုနှစ်ကမှ အခြေခံဥပဒေနှင့်အညီ ကျင်းပတဲ့ ရွေးကောက်ပွဲကနေ ရွေးကောက်တင်မြှောက်ခံရပြီး စတင်တာဖြစ်တယ်လို့ ပြန်လည်ငြင်းဆိုထားပါတယ်။

Source: Reuters

#Thailand_Politics

#Prayuth_Chan-ocha

#Thailand_prime_minister

#Local_News
Published-24 August 2022

မြန်မာနိုင်ငံဆီကုန်သည်နဲ့ ဆီလုပ်ငန်းရှင်များအသင်းကနေ ရန်ကုန်မြို့တွင်းမှာရှိတဲ့ ဆင်ခြေဖုံးရပ်ကွက်တွေကို စားအုန်းဆီတစ်ပိသာ ၅၀၀၀ ကျပ်နဲ့ လိုက်လံရောင်းချပေးနေတာပဲ ဖြစ်ပါတယ်။

#Yangon_Media_Group

#World_Pets
Published 24 August 2022

ဆိုက်ပရပ်စ်တွင် ကိုဗစ်ကာလအတွင်း မွေးစားထားတဲ့ခွေးများကို အများအပြား စွန့်ပစ်လာကြတဲ့အပြင် ဥရောပသမဂ္ဂမှ ယူကေခွဲထွက်လာတဲ့ အကျိုးဆက်များကြောင့် ဆိုက်ပရပ်စ်ရှိ ခွေးစောင့်ရှောက်ရေးဂေဟာများမှာ ပြည့်လျှံလာတဲ့ပြဿနာတွေ ကြုံတွေ့နေရတယ်လို့ စေတနာ့ဝန်ထမ်းအချို့က ဖွင့်ဟလာကြပါတယ်။

#Yangon_Media_Group

#Local_News
Published _ 24 August 2022

ရွှေအသင်းက ရွှေဈေးနှုန်း သတ်မှတ်မှု တွေလုပ်ဆောင်နေပေမယ့် ဈေးကွက်အတွင်းမှာတော့ ပြင်ပရွှေပေါက်ဈေးနှင့် (၇) သိန်းနီးပါး ကွာဟနေတာပဲ ဖြစ်ပါတယ်။

#Yangon_Media_Group

#Local_News
Published_24 August 2022

ရခိုင်ပြည်နယ် ဘူးသီးတောင်မောင်တောဘက်ကနေ ဘင်္ဂလားဒေ့ရှ်နိုင်ငံဘက်ကို ရွှေ့ပြောင်းပြီးသွားတဲ့ လူအရေအတွက်ဟာ ငါးသိန်းနီးပါး ရှိတယ်လို့ ရခိုင်ပြည်နယ် အစိုးရအဖွဲ့က သိရပါတယ်။

#Yangon_Media_Group

#Local_News
Published-24 August 2022

ယခုရက်ပိုင်းအတွင်းမှာ ကိုဗစ်- ၁၉ ပြည်တွင်းကူးစက်မှု ပြန်ဖြစ်လာတာကိုတွေ့ရှိပေမဲ့ ကိုဗစ်ကန့်သတ်ချက်တွေကိုတော့ လတ်တလော ထုတ်ပြန်ဖို့မရှိသေးဘူးလို့ ကျန်းမာရေးဝန်ကြီးဌာနကနေ သိရပါတယ်။

#Yangon_Media_Group

#DailyNews
Published - 24 August 2022

၁။ ပြည်တွင်းကူးစက်မှုရှိသော်လည်း ကန့်သတ်ချက်ထုတ်ပြန်ဖို့ မရှိသေးဟုဆို

၂။ မြန်မာနိုင်ငံကလက်ခံပေးရမည့် ရွှေ့ပြောင်းဘင်္ဂါလီ ငါးသိန်းခန့်ရှိဟုဆို

၃။ ရွှေအသင်းမှ ရည်ညွှန်းဈေး သိန်းနှစ်ဆယ် သုံးသောင်းကျော် သတ်မှတ်သော်လည်း ဈေးကွက်တွင် (၇) သိန်းခန့်ကွာဟမြင့်တက်နေ

၄။ ဆိုက်ပရပ်စ်တွင် အိမ်မွေးခွေးစွန့်ပစ်မှုများပြားလာ၍ ခွေးစောင့်ရှောက်ရေးဂေဟာများ ပြည့်လျှံလာ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Local_News
Published-24 August 2022

စက်သုံးဆီအရောင်းဆိုင်တွေရဲ့ ထုတ်ပြန်ထားတဲ့ဈေးနှုန်းတွေအရ ဓာတ်ဆီတစ်လီတာ ကျပ် ၅၀ နဲ့ ဒီဇယ်မျိုးစုံတစ်လီတာ ကျပ် ၁၄၀ အထိဈေးတက်လာပါတယ်။

#Yangon_Media_Group

#Local_News
Published_24 August 2022

နာရေးကူညီမှု အသင်း(ရန်ကုန်)၏ ဥက္ကဋ္ဌလည်းဖြစ်သူ ရုပ်ရှင်သရုပ်ဆောင် အကယ်ဒမီမင်းသား ကျော်သူ၏ ရန်ကုန်တိုင်းဒေသကြီး၊ မရမ်းကုန်းမြို့နယ်၊ (၅) ရပ်ကွက်၊ အာဇာနည်လမ်း၊ အမှတ် (၆၆) နေအိမ် ချိတ်ပိတ်သိမ်းဆည်းခံရကြောင်း သိရသည်။

အကယ်ဒမီကျော်သူနှင့် ဇနီးဖြစ်သူ ဒေါ်မြင့်မြင့်ခင်ဖေ(ခ) ဒေါ်ရွှေဇီးကွက်တို့အား လွန်ခဲ့သည့် ၂၀၂၁ ခုနှစ် မတ်လ (၉) ရက်တွင် ပုဒ်မ ၅၀၅ ဖြင့် အမှုဖွင့်ထားကာ ဖမ်းဝရမ်းထုတ်ထားကြောင်း၊ အဆိုပါနေအိမ်ကို သြဂုတ်လ ၂၃ ရက်တွင် နစက အနေဖြင့် ချိတ်ပိတ်သိမ်းဆည်းလိုက်ခြင်းဖြစ်ကြောင်း သိရသည်။

လက်ရှိအချိန်တွင် မရမ်းကုန်းမြို့နယ် တရားရုံးက တရားသူကြီးလက်မှတ်ဖြင့် ဇူလိုင်လ ၂၅ ရက် ရက်စွဲဖြင့် ချိတ်ပိတ်သိမ်းဆည်းရန် ခွင့်ပြုလိုက်ခြင်းဖြစ်ကြောင်းလည်း သိရသည်။

ymg/mt
#Yangon_Media_Group

#Local_News
Published _ 24 August 2022

စနစ်ဟောင်း သင်ရိုးဟောင်းအတွက် တက္ကသိုလ်ဝင်စာမေးပွဲ နောက်ဆုံးဖြေဆိုခွင့်ကို လာမည့် စက်တင်ဘာလ ၁ ရက် ၃၀ ရက်အတွင်း လျှောက်ထားနိုင်ပြီဟု နစကရဲ့ စာစစ်ဦးစီးဌာနမှ ထုတ်ပြန်ထားသည်။

တက္ကသိုလ်ဝင် စာမေးပွဲ ကျရှုံးသူများနဲ့ အကြောင်းအမျိုးမျိုးကြောင့် ဝင်ရောက် ဖြေဆိုခြင်းမရှိသည့် ကျောင်းသား၊ ကျောင်းသူများအတွက် စနစ်ဟောင်း၊ သင်ရိုးဟောင်း တက္ကသိုလ်ဝင် စာမေးပွဲကို နောက်ဆုံးအကြိမ်အဖြစ် လာမည့် ၂၀၂၃ ခုနှစ်မှာ ကျင်းပပြုလုပ်သွားမည်ဖြစ်ကြောင်း ဆိုထားသည်။

၂၀၂၃ ခုနှစ် တက္ကသိုလ်ဝင်စာမေးပွဲဖြေဆိုခွင့် လျှောက်လွှာတင်သွင်းရာမှာ တစ်ယောက်ကို ပညာရေးဝန်ကြီးဌာန ငွေသွင်းတံဆိပ်ခေါင်း ကျပ် ၇၀၀ နှင့် လျှောက်လွှာတစ်စောင်ကို ကျပ် ၂၀၀ ကျသင့်မှာ ဖြစ်ကြောင်းသိရသည်။

စာမေးပွဲ ဝင်ခွင့်လျှောက်လွှာတင်သွင်းရာ၌ ဘာသာတွဲ အမှတ်စဉ် (၁)၊ (၅)၊ (၆)၊ (၇)၊ (၈) ဖြေဆိုမယ့်သူများ အတွက် အစိမ်းရောင်ဝင်ခွင့်လျှောက်လွှာ နှင့် ဘာသာတွဲ အမှတ်စဉ် (၂)၊ (၃)၊ (၄) ဖြေဆိုမည့် သူများမှာ ပန်းရောင်ဝင်ခွင့် လျှောက်လွှာ တင်သွင်းရန် သတ်မှတ်ထားသည်။

အခြေခံပညာအထက်တန်း ကျောင်းများ၊ ကျောင်းခွဲများ၊ တွဲဖက်ကျောင်းများနှင့် ကိုယ်ပိုင် အ.ထ.ကကျောင်းများမှ ဖြေဆိုရန် လျှောက်လွှာတင်သွင်းမည့် ကျောင်းသား၊ ကျောင်းသူများ၏ စာမေးပွဲဝင်ကြေးအတွက် ကျောင်းအုပ်ကြီးများသည် စာမေးပွဲဝင်ကြေး ၇၀ဝ ကျပ်တန် ငွေသွင်းတံဆိပ် ခေါင်းများဝယ်ယူပြီး၊ လျှောက်လွှာတစ်စောင်ချင်း၌ကပ်၍ စုပေါင်းပြီး မြန်မာနိုင်ငံစာစစ်ဦးစီးဌာနသို့ သတ်မှတ်ရက်အမီ တင်သွင်းရမည်ဟု ဆိုထားသည်။

ပြင်ပဖြေဆိုရန် လျှောက်လွှာတင်သွင်းသူများသည် သက်ဆိုင်ရာ မြို့နယ်ပညာရေးမှူးရုံးများတွင် စာမေးပွဲဝင်ကြေး ၇၀ဝ ကျပ်တန်ငွေသွင်းတံဆိပ်ခေါင်းများဝယ်ယူပြီး ဝင်ခွင့်လျှောက်လွှာ၏ လက်ဝဲဘက်ထိပ်ပိုင်းတွင်ကပ်၍ မိမိတို့ အမှန်တကယ်နေထိုင်သည့် မြို့နယ်ပညာ ရေးမှူးရုံး၌ သတ်မှတ်ရက်များအတွင်း တင်သွင်းရမှာဖြစ်သလို စာမေးပွဲဖြေဆိုမည့် ကျောင်းသား၊ ကျောင်းသူများသည် တက္ကသိုလ်ဝင်စာမေးပွဲဖြေဆိုခွင့်လျှောက်လွှာပုံစံ၌ မိဘအမည်၊ မွေးသက္ကရာဇ်များအား ကျောင်းဝင်(ခ)စာရင်းအတိုင်း မှန်ကန်စွာဖြည့်စွက်ရမယ်လို့ဖော်ပြထားသည်။

စာဖြေသူတင်သွင်းသည့် စာမေးပွဲဝင်ခွင့်လျှောက်လွှာနှင့် ကတ်ပြားတွင်ပါရှိသည့် ဘာသာတွဲမှအပ အခြားဘာသာတွဲသို့ပြောင်းလဲဖြေဆိုခွင့်ပြုမည်မဟုတ်၍ မိမိဖြေဆိုမည့် ဘာသာတွဲအလိုက် ပုံစံများကိုမှန်ကန်မှု ရှိ၊မရှိ သေချာစွာစစ်ဆေးပြီး သတ်မှတ်ရက်အတွင်း အချိန်မီပေးပို့ရမည်ဟု သိရသည်။

တက္ကသိုလ်ဝင်စာမေးပွဲဝင်ခွင့်လျှောက်လွှာပုံစံများနှင့် ငွေသွင်းတံဆိပ်ခေါင်းများအား မြန်မာနိုင်ငံစာစစ်ဦးစီးဌာနရုံးချုပ်၊ ရုံးအမှတ်(၅၂)၊ နေပြည်တော်နှင့်ရန်ကုန်မြို့၊ လှိုင် တက္ကသိုလ်နယ်မြေ၊ ၁၂ ရပ်ကွက်၊ ပါရမီလမ်းရှိ မြန်မာနိုင်ငံစာစစ်ဦးစီးဌာနတို့၌ ဝယ်ယူနိုင်ကြောင်း သိရသည်။

၂၀၂၂ ခုနှစ် တက္ကသိုလ် ဝင်တန်းစာမေးပွဲတွင် ကျောင်းသူ၊ ကျောင်းသား နှစ်သိန်းရှစ်သောင်းကျော် ဝင်ရောက်ဖြေဆိုခဲ့ပြီး တစ်သိန်းသုံးသောင်းကျော် အောင်မြင်ခဲ့ကာ တစ်နိုင်ငံလုံးအောင်ချက် ၄၆ ဒဿမ ၈၈ ရာခိုင်နှုန်း ရှိခဲ့တယ်လို့ စာစစ်ဌာနမှ ထုတ်ပြန်ထားသည်။

ymg/NN
#Yangon_Media_Group

#Local_News
Published - 24 August 2022

တရားမဝင်ကုန်သွယ်မှုနှင့် ပတ်သက်၍ တားဆီးဖမ်းဆီးပေးသူတွေကို ကုန်ပစ္စည်းတန်ဖိုးအပေါ်မူတည်ပြီး ဆုငွေပြန်လည်ချီးမြှင့်ပေးနေကြောင်း နစက၏ တရားမဝင်ကုန်သွယ်မှုတိုက်ဖျက်ရေး ဦးဆောင်ကော်မတီက ထုတ်ပြန်ထားသည်။

အဆိုပါ တရားမဝင် ကုန်သွယ်မှု တင်သွင်း/ တင်ပို့မှုတွေကို တားဆီး/ဖမ်းဆီးရမိသည့် ပစ္စည်းတွေအပေါ် ရွေးယူဒဏ်ငွေတပ်ရိုက်ခြင်း (သို့မဟုတ်) လေလံတင်ရောင်းချမှုမှ ရရှိလာသည့် ရရှိငွေ၏ ၃၀ ရာခိုင်နှုန်းကို ဖမ်းဆီးသူကိုလည်းကောင်း ၂၀ ရာခိုင်နှုန်းကို သတင်းပေးသူတွေကိုလည်းကောင်း ဆုငွေပြန်လည်ချီးမြှင့်နေကြောင်း ထုတ်ပြန်ထားသည်။

ယခုနှစ် ဇန်နဝါရီလကနေ ဇူလိုင်လအထိ ၇ လတာ ကာလအတွင်း တရားမဝင် ကုန်သွယ်မှုကနေ ခန့်မှန်းတန်ဖိုး ကျပ် ၃၁ ဘီလီယံကျော် ဖမ်းဆီးရမိခဲ့ကြောင်း တရားမဝင် ကုန်သွယ်မှုတိုက်ဖျက်ရေး ဦးဆောင်ကော်မတီက ထုတ်ပြန်ထားသည်။

လက်ရှိကာလတွင် မြန်မာနိုင်ငံအတွင်းကို လမ်းကြောင်းအသီးသီးကနေ စားသုံးဖို့မသင့်သည့် စားသောက်ကုန်၊ အရည်အသွေးနိမ့် လူသုံးကုန်ပစ္စည်း၊ တရားမဝင်ဆေးဝါးနှင့် အခွန်ပေးဆောင်ထားခြင်းမရှိသည့် အကောက်အခွန်မဲ့ပစ္စည်းများ ဝင်ရောက်နေကြောင်း သိရသည်။

အဆိုပါ တရားမဝင်ကုန်သွယ်မှုများအတွက် ပြည်နယ်နှင့်တိုင်းအလိုက် ဆက်သွယ်သတင်းပေးရမည့် ဖုန်းနံပါတ်တွေကိုလည်း ကော်မတီက ထုတ်ပြန်ထားပြီး တရားမဝင် တင်သွင်း/ တင်ပို့မှုတွေကို သတင်းပေးသူများအား ဆုငွေ ချီးမြှင့်နေကြောင်း သိရသည်။

အဆိုပါ သတင်းပေးပိုခြင်းကို လျှို့ဝှက်စွာ သတင်းပေးတိုင်ကြားနိုင်ပြီး သတင်းပေးပို့သူတွေ၏ အချက်အလက်တွေကို လျှို့ဝှက်ထားမည်ဖြစ်ကြောင်း ထုတ်ပြန်ထားသည်။

ymg/sth
#Yangon_Media_Group