#World_Health
Published 21 February 2023

အသည်းကွဲခြင်းကြောင့် ဆေးဘက်ဆိုင်ရာမှာ ဆိုးကျိုးသက်ရောက်မှုများစွာရှိနိုင်ပြီး ဝမ်းနည်းပူဆွေးရခြင်း၊ တစ်ဦးဦးကိုဆုံးရှုံးရခြင်းက အသက်အန္တရာယ်ထိခိုက်စေသည်အထိ ဖြစ်နိုင်ကာ ဆေးကုသမှုချက်ချင်း ခံယူသင့်ပါတယ်။

ကမ္ဘာတဝှမ်းမှာ နှလုံးရောဂါဟာ အဓိကသေဆုံးရတဲ့အကြောင်းအရင်းဖြစ်နေပြီး တစ်နှစ်ကို လူပေါင်း ၁၇.၉ သန်းခန့် ခန့်မှန်းချေသေဆုံးနေကြပါတယ်။

ဒီထဲမှာမှ ရင်ကွဲရခြင်းကြောင့် စိတ်ခံစားချက်စည်းချက်မမှန်ရာကနေ စိတ်ဖိစီးမှုမြင့်တက်ကာ နှလုံးရောဂါဖြစ်လာနိုင်ပါတယ်။

ဥပမာ မိမိဘဝလက်တွဲဖော် ဆုံးရှုံးရတဲ့အခါ အသည်းကွဲပြီး သေဆုံးတတ်ကြတာမျိုးဖြစ်ပါတယ်။

အချစ်ရဆုံးသူသေဆုံးတဲ့အခါမျိုးမှာ စိတ်ရောလူရော ဖိစီးမှုဖြစ်ပေါပြီး ရုတ်တရက်နှလုံးရောဂါအခြေအနေ ဖြစ်ပေါ်တတ်ပါတယ်။

ဒါမျိုးက နှလုံးထဖောက်ခြင်းမျိုးနဲ့ ခွဲခြားရခက်ခဲပြီး ဆေးကုသမှုအလျင်အမြန်ရယူဖို့ လိုအပ်ပါတယ်။

အသည်းကွဲရောဂါက ချက်ချင်းဖြစ်ပွားတာမျိုးမဟုတ်ဘဲ ရက်သတ္တပတ်တွေကြာတော့မှ ဖြစ်တတ်ပြီး တစ်ခါတလေမှာ ကိုယ်တိုင်တောင် မသိရှိကြပါဘူး။

ဒီလိုခံစားရသူတွေရဲ့ ၉၀ ရာခိုင်နှုန်းလောက်ဟာ သွေးဆုံးပြီးအမျိုးသမီးတွေဖြစ်ပြီး အတော်များများက ဦးနှောက်ရောဂါ၊ စိတ်အခြေအနေမမှန်ခြင်းစတဲ့ လက္ခဏာများ ဖြစ်ပေါ်ခဲ့ဖူးသူတွေဖြစ်ပါတယ်။

ကုသနည်းတွေအကြောင်း သေချာမသိရှိရသေးပေမယ့် ACE inhibitor ဆေးတွေက သွေးကြောတွေကိုချဲ့ပေးကာ သက်သာစေနိုင်တယ်လို့ ယူဆသူတွေရှိပါတယ်။

NYU Langone ကတော့ လေ့ကျင့်ခန်းပြုလုပ်ခြင်း၊ ယောဂကျင့်စဉ်၊ တရားထိုင်ခြင်း၊ အသက်ပြင်းပြင်းရှုခြင်း စတဲ့နည်းလမ်းတွေနဲ့ ကြိုးပမ်းနေပါတယ်။

ဒီရောဂါဟာ ရင်ဘတ်မှာသာမက မေးရိုး၊ သွား၊ အစာအိမ်အထက်ပိုင်းတို့အထိ နာကျင်ခြင်းဖြစ်ပေါ်တတ်ပါတယ်။

Source: South China Morning Post
#Yangon_Media_Group

Published 21 Feb 2023

တူရကီနိုင်ငံနိုင်ငံ ဆီးရီးယားနယ်စပ်အနီးတွင် ဒေသံစံတော်ချိန် တနင်္လာနေ့ည ၈နာရီခန့် က ၆.၄ အဆင့်ရှိ ငလျင်ကြီးတစ်ခုထပ်မံလှုပ်ရှားသွားတဲ့အတွက် လူ(၃)ဦးသေဆုံးပြီး ၂၀၀ ကျော်ဒဏ်ရာရရှိခဲ့ပါတယ်။ လူထောင်ပေါင်းများစွာသေဆုံးခဲ့တဲ့ ငလျင်ကြီးလှုပ်အပြီး နှစ်ပတ်အကြာမှာ ထပ်မံ လှုပ်ခဲ့တာဖြစ်ပါတယ်။

ငလျင်ကြောင့် အဆောက်အအုံတွေထပ်မံပြိုကျခဲ့ပြီး အချို့လူတွေ ပိတ်မိနေပါတယ်။ အိမ်နီးချင်း ဆီးရီးယားမှာလည်း ဒဏ်ရာရသူတွေရှိနေပါတယ်။

တနင်္လာနေ့က လှုပ်ရှားတဲ့ ငလျင်ဟာ တူရကီနိုင်ငံ ဟာတေးပြည်နယ်က ဒက်ဖ်နီမြို့ကို ဗဟိုပြုလှုပ်ရှားခဲ့တာဖြစ်ပြီး အဲဒီဒေသဟာ ဖေဖော်ဝါရီ(၆)ရက်ငလျင်တုန်းကလည်း အဆိုးရွားဆုံးထိခိုက်ခဲ့တဲ့နေရာတွေထဲက တစ်ခုဖြစ်ပါတယ်။ ငလျင်ကို ဆီးရီးယား၊ဂျော်ဒန်၊ဆိုက်ပရပ်စ်၊အစ္စရေးနှင့် အလွန်ဝေးတဲ့ အီဂျစ်နိုင်ငံတွေမှာပါ ခံစားခဲ့ရပါတယ်။ အဲဒီငလျင်လှုပ်ပြီးနောက် ၅.၈အဆင့် နောက်ထပ်ငလျင်တစ်ခု ထပ်မံလှုပ်ရှားခဲ့ပါတယ်။

လူ(၃)ဦးသေဆုံးပြီး ၂၁၃ ဦးဒဏ်ရာရတယ်လို့ တူရကီပြည်ထဲရေးဝန်ကြီး ဆူလီမန်ဆွိုင်လူက ပြောပါတယ်။ လူ(၆)ဦးပိတ်မိနေတယ်လို့ထင်ရတဲ့ ပြိုကျနေတဲ့ အဆောက်အအုံ(၃)လုံးကလူတွေကို ကယ်ဆယ်ဖို့ကြိုးစားနေပါတယ်။

အလီပိုမှာ အပျက်အစီးတွေပြုတ်ကျလို့ လူ(၆)ဦးဒဏ်ရာရသွားတယ်လို့ ဆီးရီးယားသတင်းအေဂျင်စီက သတင်းထုတ်ပြန် ပါတယ်။ လူ၁၃၀ကျော်ဒဏ်ရာရပြီး အများစုဟာ အသက်အန္တရာယ်မစိုးရိမ်ရဘူးလို့ ဆီးရီးယားမြို့ပြကာကွယ်ရေးအဖွဲ့ White Helmets က ပြောပါတယ်။

Source: AP/WION

#Earthquakes_Turkey_Syria

#Fresh_earthquakes

#Local_News
Published_ 20 February 2023

ဖေဖော်ဝါရီလ ၁၉ ရက်နေ့ ညနေပိုင်းကမန္တလေးတိုင်းဒေသကြီး အမရပူရမြို့နယ် ဥယျာဉ်တော်ကျေးရွာအတွင်းရှိ ရွှေရန်လင်းမင်း (ဘ/က)ကျောင်းကကိုရင် ၅ ပါး ဒုဋဝတီမြစ်အတွင်း ရေဆင်းဆော့ရာကနေ ရေနစ်မှုဖြစ်ပွားခဲ့တာဖြစ်တယ်လို့ မြန်မာနိုင်ငံလူမှုကယ်ဆယ်ရေးအဖွဲ့ (မန္တလေး)မှ တာဝန်ရှိသူတစ်ဦးက ပြောပါတယ်။

#Yangon_Media_Group

Published 20 Feb 2023

ဘဏ်စာရင်းများမှငွေများကို ဆက်သွယ်ရေးကွန်ရက်သုံးကာ နည်းပညာပိုင်းဖြင့် လိမ်လည်ထုတ်ယူမှုများ ကျူးလွန်ခဲ့တဲ့ နိုင်ဂျီးရီးယားနိုင်ငံသား (၅)ဦးကို ဖမ်းဆီးရမိခဲ့တယ်လို့ သတင်းမှန်ပြန်ကြားရေးအဖွဲ့ရဲ့ သတင်းထုတ်ပြန်ချက်အရသိရပါတယ်။

ရန်ကုန်တိုင်းဒေသကြီးအတွင်း ဖေဖော်ဝါရီ (၆)ရက်နှင့် (၉)ရက်နေ့တို့မှာ KBZ Bank Account တွေထဲက ငွေကြေးများ လိမ်လည်ထုတ်ယူသွားခဲ့တယ်လို့ လိမ်လည်ခံရသူ နှစ်ဦးက တိုင်ကြားခဲ့တဲ့အတွက် စုံစမ်းစစ်ဆေးမှုတွေပြုလုပ်ရာကနေ ဖမ်းဆီးရမိခဲ့တာဖြစ်တယ်လို့လည်း သတင်းထုတ်ပြန်ချက်မှာဖော်ပြထားပါတယ်။

၂၀၂၃ ခုနှစ်၊ ဖေဖော်ဝါရီလ ၆ ရက်နေ့တွင် ရန်ကုန်တိုင်းဒေသကြီး၊ သင်္ဃန်းကျွန်းမြို့နယ်နေအမျိုးသမီး ၁ ဦးက ၎င်း၏ KBZ Bank Account အတွင်းမှ ငွေကျပ် ၁၀၂၀ သိန်းအားလည်းကောင်း၊ဖေဖော်ဝါရီလ ၉ ရက်နေ့တွင် ကမာရွတ်မြို့နယ်နေ အမျိုးသမီး ၁ ဦးက ၎င်း၏ KBZ Bank Accountအတွင်းမှ ငွေကျပ် ၃၇၀ သိန်းအားလည်းကောင်း မသမာသူများက Online အသုံးပြု၍ လိမ်လည်ထုတ်ယူသွားကြောင်း အမှုများဖွင့်လှစ်တိုင်ကြားလာသဖြင့် သင်္ဃန်းကျွန်းမြို့ နယ်နှင့် မရမ်းကုန်းမြို့နယ်တို့ရှိ သက်ဆိုင်ရာရဲစခန်း အသီးသီးတွင် အမှုများဖွင့်လှစ်ကာ စုံစမ်းစစ်ဆေးမှုများ ဆောင်ရွက်ခဲ့တာဖြစ်ပါတယ်။

ယင်းကဲ့သို့  Bank Account များအတွင်းမှ Online အသုံးပြုကာ ငွေကြေးလိမ်လည်လွှဲပြောင်းထုတ်ယူသူများအား ဖမ်းဆီးရမိနိုင်ရေး အထူးအမှုစစ်အဖွဲ့ ဖွဲ့စည်းကာ သက်ဆိုင်ရာဘဏ်နှင့်ပူးပေါင်း၍ လိမ်လည်ရယူထားသော ငွေကြေးများစီးဆင်းသွားသည့် Bank Account များအားစုံစမ်းခြင်းနှင့် နည်းပညာဆိုင်ရာ အချက်အလက်များအား အခြေပြု၍ ဖော်ထုတ်ခဲ့တဲ့အတွက်  ဖေဖော်ဝါရီလ ၁၂ရက်နေ့တွင် ငွေကြေးလိမ်လည်လွှဲပြောင်းရယူရာ၌အသုံးပြုသည့် Bank Account များအား ဖွင့်လှစ်ရောင်းချခဲ့တဲ့  တရားခံအမျိုးသား ၄ ဦးနှင့် အမျိုးသမီး ၂ ဦး စုစုပေါင်း ၆ ဦးတို့အား ကနဦးဖမ်းဆီးရမိခဲ့တယ်လို့ သတင်းမှာဖော်ပြထားပါတယ်။

ဖမ်းဆီးရမိသူ တရားခံ ၆ ဦးက သူတို့အနေနှင့်  Bank Account ဖွင့်လှစ်၍ Account တစ်ခုလျှင်ငွေတစ်သောင်းကျပ်ဖြင့် ငွေကြေးလိမ်လည်လွှဲပြောင်းသူများထံ ရောင်းချခဲ့ခြင်းဖြစ်ကြောင်း ထွက်ဆိုခဲ့တယ်လို့ဆိုပါတယ်။

အဆိုပါထွက်ဆိုချက်ကြောင့် ဖေဖော်ဝါရီလ ၁၆ ရက်နေ့ မွန်းလွဲ ၃ နာရီ ၂၀ မိနစ်အချိန်တွင် နိုင်ဂျီးရီးယားနိုင်ငံသားနှင့် ၎င်း၏ဇနီးဖြစ်သူ နိုင်ဂျီးရီးယားနိုင်ငံသူတို့ ၂ ဦးအား ရန်ကုန်တိုင်းဒေသကြီး၊ သန်လျင်မြို့ နယ်၊ Star City အိမ်ရာအမှတ်(၁၈၀၂)၊တိုက်(C-4)တွင် ပြစ်မှုကျူးလွန်ရာ၌ အသုံးပြုခဲ့သည့် သက်သေခံပစ္စည်းများ၊ လိမ်လည်လွှဲပြောင်းထုတ်ယူရာမှရရှိခဲ့သည် ငွေများနှင့်အတူ ဖမ်းဆီးရမိခဲ့တယ်လို့ သိရပါတယ်။

ဖမ်းဆီးရမိတဲ့  နိုင်ဂျီးရီးယားနိုင်ငံသားများ၏ ထွက်ဆိုချက်များအရ Bank Account များအတွင်းမှ ငွေကြေး လိမ်လည်လွှဲပြောင်းထုတ်ယူရာတွင် ပူးပေါင်းပါဝင်ကျူးလွန်သူများဖြစ်ကြသည့် အခြား နိုင်ဂျီးရီးယားနိုင်ငံသား ၃ ဦးတို့အား သန်လျင်မြို့ နယ်၊ Star City အိမ်ရာ၌ ထပ်မံဖမ်းဆီးရမိခဲ့ပြီးဆက်စပ်တရားခံများအား ထပ်မံဖော်ထုတ်ဖမ်းဆီးရမိနိုင်ရေး လိုအပ်သောစစ်ဆေးမှုများ ဆက်လက်ဆောင်ရွက်လျက်ရှိတယ်လို့ သတင်းထုတ်ပြန်ထားပါတယ်။

ဖြစ်စဉ်တွင် ဖမ်းဆီးရမိသူတရားခံများကို ဥပဒေနှင့်အညီ ထိရောက်စွာ အရေးယူဆောင်ရွက်သွားမည်ဖြစ်ပြီး မြန်မာနိုင်ငံပြင်ပသို့ ရောက်ရှိနေသည့် ပူးပေါင်းပါဝင်ကျူးလွန်သူ တရားခံများကိုနိုင်ငံတကာရဲ အဖွဲ့အစည်းများနှင့် ချိတ်ဆက်ကာ တရားဥပဒေအရ ဖော်ထုတ်ဖမ်းဆီးအရေးယူနိုင်ရေးဆက်လက်ဆောင်ရွက်လျက်ရှိတယ်လို့ သတင်းထုတ်ပြန်ထားပါတယ်။

-ymg/knl

#Myanmar

#Myanmar_Online_Banking_Fraud

#World_Landscape
Published 20 February 2023

ဆော်ဒီအာရေဗျမှာ ခါတိုင်းဆောင်းတွင်းမိုးထက် ပိုမိုရွာသွန်းတာကြောင့် သဲကန္တာရမှာ ခရမ်းရောင်ပန်းတွေပွင့်နေပြီး အာရေဗျကျွန်းဆွယ်တလျှောက်မှ ခရီးသွားတွေကို ဆွဲဆောင်လျက်ရှိပါတယ်။

#Yangon_Media_Group

#Local_News
Published_ 20 February 2023

ပြီးခဲ့တဲ့ဖေဖော်ဝါရီလ ဒုတိအပတ်မှာ အရောင်းအဝယ်မရှိဖြစ်နေတဲ့ ရန်ကုန်ရွှေ ဈေးဟာ အခုဖေဖော်ဝါရီလ ၂၀ ရက်မနက်ပိုင်းမှာလည်း အကယ်ဒမီ အခေါက်ရွှေပြင်ပပေါက်ဈေး ၂၈ သိန်း၅သောင်းကျော်အထိ ပေါက်ဈေးရှိနေပါတယ်။ အရင်အပတ်ထက်နှိုင်းယှဉ်ပါက ဈေးအနည်းငယ်ကျနေတယ်လို့ ရန်ကုန်ရွှေဈေးကွက်ထဲက စုံစမ်းသိရှိရပါတယ်။

#Yangon_Media_Group

#Local_News
Published_ 20 February 2023

ရခိုင်ရှေးဟောင်းဒင်္ဂါးတွေ၊ ကျောက်စာတွေနဲ့ရိုးရာဗောင်းတော်တွေ၊ရိုးရာဆံထုံးပုံတွေကို ရန်ကုန်မှာ ပြုလုပ်မယ့်ပြပွဲတွေမှာ ဆက်လက်ပြသသွားဖို့ရှိတယ်လို့ ရခိုင်စာပေနှင့်ယဉ်ကျေးမှုအဖွဲ့(ရန်ကုန်)မှ သိရပါတယ်၊၊

#Yangon_Media_Group

#Local_News

Published_ 20 February 2023

ဖေဖော်ဝါရီလ ၂၀ရက်နေ့ကစပြီး ၂၆ ရက်နေ့အထိ စားအုန်းဆီ အခြေခံလက္ကား ရည်ညွှန်းဈေးနှုန်းမှာတစ်ပိဿာကို ၄၄၇၀ ကျပ်သတ်မှတ်ထားတယ်လို့ စီးပွားရေးနဲ့ကူးသန်းရောင်းဝယ်ရေးဝန်ကြီးဌာနက သိရပါတယ်။

#Yangon_Media_Group

#DailyNews
Published_ 20 February 2023

၁။ စားအုန်းဆီ အခြေခံလက္ကားရည်ညွှန်းဈေး ၄၄၇၀ကျပ် သတ်မှတ်ထားဟုဆို

၂။ ရခိုင်ရှေးဟောင်းဒင်္ဂါးများနှင့် အမွေအနှစ်ပုံများကို ရန်ကုန်၌ ဆက်လက်ပြသရန်ရှိ

၃။ ရန်ကုန်ရွှေဈေး အကျဘက်ရှိနေပေမယ့် အရောင်းအဝယ်အေးနေဆဲ

၄။ ဆောင်းတွင်းမိုးကြီးခြင်းကြောင့် ဆော်ဒီအာရေဗျကန္တာရတွင် ခရမ်းရောင်ပန်းခင်းကြီးရှင်သန်လာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Local_News
Published_ 20 February 2023

ကမ္ဘာ့မူပိုင်ခွင့်အဖွဲ့(WIPO)က ချီးမြှင့်မယ့်ဆု မြန်မာနိုင်ငံသား SME လုပ်ငန်းရှင်တွေ၊ တီထွင်ဖန်တီးသူတွေရရှိနိုင်ဖို့ ကူညီဆောင်ရွက်ပေးသွားဖို့ရှိတယ်လို့ ဥပဒေပညာရှင်၊ ဒါရိုက်တာအောင်စိုးဦးက ပြောပါတယ်၊၊

#Yangon_Media_Group

#Local_News
Published_ 20 February 2023

ထိုင်းနိုင်ငံမှ မူးယစ်ဆေးဝါးထိန်းချုပ်ရေးအဖွဲ့ဝင်များ
ဗိုလ်တထောင်ကျိုက်ဒေးအပ်ဆံတော်ဦးစေတီတော်မြတ်ကြီးသို့ လာရောက်ဖူးမြော်ခဲ့ကြောင်း ဂေါပကအဖွဲ့၏ထုတ်ပြန်ချက်အရသိရသည်၊၊

ဖေဖော်ဝါရီလ(၂၀)ရက်နေ့လယ်ပိုင်းကထိုင်းနိုင်ငံ မူးယစ်ဆေးဝါးထိန်းချုပ်ရေးအဖွဲ့ ONCB မှ အတွင်း ရေးမှူးချုပ် Mr.Wichai Chaimongkom ဦးဆောင်သော ကိုယ်စားလှယ် ( ၁၇) ဦးတို့လာရောက်ဖူးမြော်ခဲ့ခြင်းဖြစ်သည်၊၊

အဆိုပါအဖွဲ့သည် ဗိုလ်တထောင်စေတီတော်ကြီးရှိဗုဒ္ဓဆံတော်မြတ် ၊ နန်းဦးဘုရားကြီး၊ ရောဟဏီဘိုးဘိုးကြီး နှင့် အစ်မတော်မြနန်းနွယ် တို့အား ပန်း၊ရေချမ်း၊ဆီမီး နှင့် အလှူတော် ငွေများ ဆက်ကပ်လှူဒါန်းပြီး ဘဏ္ဍာတော်ထိန်းဂေါပကအဖွဲ့ဝင်များမှ ဂုဏ်ပြုမှတ်တမ်းလွှာနှင့် ဆံတော်ပုံများ ပြန်လည်ပေးအပ်ခဲ့ကြောင်းသိရသည်၊၊

#ymg/tthl
#Yangon_Media_Group

#Local_News
Published_ 20 February 2023

ညောင်ဦးမြို့နယ်၊ ကန်နီပေါက်ကျေးရွာအုပ်စု၊ ဂျိုးကန်ကျေးရွာတွင်လူနေအိမ်(၁၆)လုံးမီးလောင်ကျွမ်းခဲ့ပြီး မီးဘေးသင့်ပြည်သူ(၆၃)ဦးရှိကြောင်း ညောင်ဦးမြို့နယ်မီးသတ်တပ်ဖွဲ့မှ သိရသည်၊၊

ဖေဖော်ဝါရီ(၁၉)ရက်က လောင်ကျွမ်းခဲ့ခြင်းဖြစ်ပြီး မီးဘေးဒုက္ခသည်များအနေဖြင့် ကျားကြီး (၁၇) ဦး၊ ကျားလေး (၅)ဦး၊ မကြီး (၃၁) ဦး၊ မငယ် (၁၀) ဦး ၊ စုစုပေါင်း (၆၃) ဦးဘေးဒုက္ခသင့်ခဲ့ပြီး အဆိုပါ မီးဘေးဒုက္ခသည်များအား ကျေးရွာအတွင်းရှိ သီရိမင်္ဂလာဘုန်းတော်ကြီးကျောင်းဝန်းအတွင်း ယာယီရွှေ့ပြောင်းထားရှိပြီးဖြစ်ကြောင်း သိရသည်၊၊

ဖြစ်စဥ်မှာ (၁၆)ပေပတ်လည်ထန်းရွက်မိုး၊ ထရံကာ၊ မြေစိုက်လူနေအိမ်တွင် လူစောင့်မရှိပဲ ထမင်းအိုးတည်ထားခဲ့ရာမှ အနီးရှိ မီးဖိုထန်းလက်အကာသို့ စတင်ကူးစက်လောင်ကျွမ်းခဲ့ခြင်းဖြစ်ပြီး ၎င်းမှတစ်ဆင့် ပတ်ဝန်းကျင်ရှိ (၁၆)ပေပတ်လည် ထန်းရွက်မိုး၊ ဝါးထရံကာ မြေစိုက်လူနေအိမ်( ၂) လုံး၊ (၁၆)ပေပတ်လည် သွပ်မိုး၊ ဝါးထံကာ၊ မြေစိုက် လူနေအိမ် ၁ လုံး၊ (၂၄)ပေပတ်လည် သွပ်မိုး၊ ဝါးထရံကာ၊ (၂ )ထပ်လူနေအိမ် (၁၁)လုံး၊ (၁၆) ပေပတ်လည်၊ သွပ်မိုး၊ ဝါးထရံကာ၊ (၂)ထပ်လူနေအိမ် (၁ )လုံး၊ စုစုပေါင်းလူနေအိမ် (၁၆)လုံးမီးလောင်ကျွမ်းခဲ့ခြင်းဖြစ်သည်၊၊

မီးလောင်ကျွမ်းမှုအား မီးသတ်တပ်ဖွဲ့များမှ ရေဂါလံ ၂၈၈၀၀ခန့်အသုံးပြု၍ ဝိုင်းဝန်းငြှိမ်းသတ်ခဲ့ကြောင်း သိရသည်၊၊

#ymg/tthl
#Yangon_Media_Group