#Local_News
Published _ 20 July 2022

Solar မီးပေးစနစ်ပါဝင်သည့် ဝေဘာဂီအထူးကုဆေးရုံကြီးအား နိုင်ငံတကာအဆင့်မီ ဆေးရုံအဖြစ် စံနမူနာပြဆောင်ရွက်မည်ဟု ကျန်းမာရေးဝန်ကြီးဌာနမှ သိရသည်။

ဝေဘာဂီအထူးကုဆေးရုံကြီး၌ Asia World ကုမ္ပဏီမှဆောက်လုပ်လှူဒါန်းထားသည့် ခုတင် ၁၂၀ ဆံ့ သုံးထပ် လူနာဆောင်သစ်ဆောက်လုပ်ရေးလုပ်ငန်းခွင်သို့ ဇူလိုင်လ ၁၈ ရက်က ကျန်းမာရေးဝန်ကြီးဌာန ပြည်ထောင်စုဝန်ကြီးဒေါက်တာသက်ခိုင်ဝင်းမှ သွားရောက်ကြည့်ရှုစဉ် ယင်းသို့ ပြောကြားခဲ့ခြင်းဖြစ်သည်။

"အခု သုံးထပ်လူနာဆောင်သစ်မှာ လူနာတွေထားဖိုအတွက် အဆောက်အဦးပြင်ဆင်တဲ့အပိုင်းကိုပြည့်စုံအောင်လုပ်ထားပြီး Solar မီးပေးစနစ် Wifi စနစ်တွေ ပြည့်စုံတာကိုတွေ့ရပါတယ်"ဟု ပြည်ထောင်စုဝန်ကြီးဒေါက်တာသက်ခိုင်ဝင်းက ပြောသည်။

ယင်းအပြင် ဝေဘာဂီအထူးကုဆေးရုံကြီးအား National Center for Infectious Diseases အဖြစ်တည်ထောင်နိုင်ရန် မျှော်မှန်းထား၍ ရေရှည်တွင် ကူးစက်မြန်ရောဂါလူနာများ အဓိကတက်ရောက်နိုင်သည့် နိုင်ငံတကာအဆင့်မီဆေးရုံအဖြစ် စံနမူနာပြဆောင်ရွက်သွားမည်ဟုလည်း ၎င်းက ဆိုသည်။

လိုအပ်သည့် ဆေးရုံသုံးပစ္စည်းများနှင့် ဝန်ထမ်းများအား တစ်ဆင့်ချင်းဖြည့်ဆည်းပေးသွားမည်ဖြစ်ကာ ဝန်ထမ်းများနေထိုင်ရေး အဆင်ပြေစေရန် စီစဉ်ပေးမည်ဟုလည်း သိရသည်။

"ဆေးရုံကြီးကို အမြန်ဆုံးဖွင့်လှစ်နိုင်ဖို့အတွက် ကြိုးပမ်းဆောင်ရွက်သွားကြဖို့လိုပြီး ရေရှည်ကောင်းမွန်အောင်လည်း အဆောက်အဦပြင်ဆင်ထိန်းသိမ်းတာကို ပုံမှန်ဆောင်ရွက်ရပါမယ်"ဟု ပြည်ထောင်စုဝန်ကြီးမှ ဆိုခဲ့သည်။

ပြည်ထောင်စုဝန်ကြီးသည် Negative Pressure ဖြင့် လူနာများထားရှိနိုင်မည့် သီးသန့်ခန်းများ၊ အထူးခန်းများ၊ အထူးကြပ်မတ်ကုသဌာနများ၊ အဆောက်အဦးတွင် တပ်ဆင်ထားသည့် Wifi စနစ်၊ လူနာများအတွက် ရုပ်မြင်သံကြားလိုင်းများကြည့်ရှုနိုင်မည့်စနစ်၊ လူနာခန်းများနှင့်ဆရာဝန်ခန်းများ ဆက်သွယ်နိုင်ရန် အင်တာကွန်းတပ်ဆင်နေမှု၊ Solar ဖြင့် မီးပေးစနစ်နှင့် Transformer တို့အား ကြည့်ရှုစစ်ဆေးခဲ့ကြောင်း သိရသည်။

ymg/NN
#Yangon_Media_Group

#WorldHealth
Published 20 July 2022

၁၉၆၀ ပြည့်နှစ်ဝန်းကျင်တွေတုန်းက ဆီလီကွန်ဖြင့် ရင်သားအစားထိုးခွဲစိတ်မှုများကို အလှအပအရေးရာအတွက်ရည်ရွယ်ပြီး ဆေးဘက်ဆိုင်ရာအသိုင်းအဝိုင်းက ခွင့်ပြုခဲ့တာဟာ သမိုင်းတွင်လောက်တဲ့ မှားယွင်းမှုကြီးဖြစ်ကြောင်း အေရီယယ်တက္ကသိုလ်၊ ရှီဘာဆေးဘက်ဆိုင်ရာစင်တာ၊ တဲလ်အေဗစ်ဆက္ကလာဆေးတက္ကသိုလ်နဲ့ ရုရှားဖက်ဒရေးရှင်းကျန်းမာရေးဝန်ကြီးဌာနတို့မှ သုတေသီများက အသိပေးလိုက်ပါတယ်။

ဆေးဘက်ဆိုင်ရာအသိုင်းအဝိုင်းက ဆီလီကွန်ဟာ လူ့ခန္ဓာကိုယ်နဲ့ ကိုယ်ခံအားစနစ်တို့ကို ဘေးအန္တရာယ်မဖြစ်စေနိုင်ဘူးလို့ မှားယွင်းစွာယူဆခဲ့ကြကြောင်း ကိုယ်ခံအားစနစ်ပညာရှင် ပရော်ဖက်ဆာ'ယာဟူဒါရှောင်ဖဲလ်'နဲ့ မော်လီကျူးဇီဝပညာရှင် ဒေါက်တာ'ဂျီလက်ဟယ်လ်ပါ့တ်'တိုက IMAJ အစ္စရေးလ်ဆေးဘက်ဆိုင်ရာဂျာနယ်မှာ ဖော်ပြခဲ့ကြပါတယ်။

ကမ္ဘာပေါ်မှာ နှစ်ပေါင်းအတော်များများကြာတဲ့အထိ ဆီလီကွန်အစားထိုးခြင်းရဲ့ လူ့ကျန်းမာရေးအပေါ် ဆိုးကျိုးသက်ရောက်မှုတွေအကြောင်း တင်ပြထားတာတွေရှိသလို ထိုကဲ့သိုအစားထိုးခွဲစိတ်ခြင်းရဲ့ ဘေးကင်းစိတ်ချရမှုနဲ့ပတ်သက်ပြီး အငြင်းပွားနေကြဆဲဖြစ်ပါတယ်။

ဆီလီကွန်ရင်သားရောဂါ(SBI)ခံစားနေရတဲ့အမျိုးသမီးတွေကို မေးမြန်းကြည့်ရာမှာ အလွန်အမင်းနွမ်းနယ်ခြင်း၊ စိတ်ဓာတ်ကျခြင်း၊ ခန္ဓာကိုယ်အနှံ့နာကျင်ကိုက်ခဲခြင်း၊ ရင်တုန်ခြင်း၊ မေ့လျော့ခြင်း၊ မျက်လုံး ပါးစပ်တို့ခြောက်သွေ့ခြင်း၊ သွေးကင်ဆာခံစားရခြင်းများ ဖြစ်တတ်ကြောင်းသိရှိရပါတယ်။

စိတ်ကျရောဂါပျောက်ဆေးများ၊ စိတ္တဇရောဂါပျောက်ဆေးများသုံးစွဲတဲ့ အမျိုးသမီးအချို့ဆိုရင် ဝေဒနာမသက်သာတဲ့အပြင် ပိုဆိုးလာကြပါတယ်။

ဆီလီကွန်အစားထိုးခွဲစိတ်ခြင်းအစား အသုံးပြုနိုင်မယ့်အခြားနည်းလမ်းများရှာဖွေဖို့၊ SBI ခံစားနေရတဲ့အမျိုးသမီးများနဲ့ ခုခံအားပုံမှန်မဟုတ်တဲ့ အခြေအနေခံစားနေရတဲ့ လူနာတွေမှာကုသနိုင်ဖို့ ဆရာဝန်တွေ သိပ္ပံပညာရှင်တွေ အတူတကွပူးပေါင်းဆောင်ရွက်သင့်ကြောင်း ဖော်ပြထားပါတယ်။

ဆီလီကွန်က သဘာဝပစ္စည်းမဟုတ်ဘဲ ကြာရှည်စွာထိတွေ့နေပါက ခန္ဓာကိုယ်ခုခံအားစနစ်နဲ့ဆိုင်တဲ့ရောဂါများဖြစ်လာနိုင်ပြီး ကိုယ်ခံအားစနစ်က ခန္ဓာကိုယ်ထဲရှိတစ်ရှူးတွေနဲ့ အင်္ဂါများကို မှားယွင်းပြီး တိုက်ခိုက်တတ်ကြပါတယ်။

ကုမ္ပဏီတွေက ဆီလီကွန်အစားထိုးပစ္စည်းတွေကို ရောင်းချနေကြပေမယ့် FDA က လိုအပ်တဲ့ အချက်အလက်တွေကိုတော့ မတင်ပြခဲ့ကြပါဘူး။

နယ်သာလန်မှတင်ပြထားတဲ့ အစီရင်ခံစာတစ်ခုမှာ ဆီလီကွန်အစားထိုးခွဲစိတ်ထားတဲ့ အမျိုးသမီးတစ်ဦးဟာ ဆီလီကွန်ကိုပြုလုပ်တဲ့ ပိုလီမာအမှုန်တွေက သိုင်းရွိက်၊ အူလမ်းကြောင်း၊ ကျောရိုးမတို့ကိုရောက်ရှိသွားပြီး ရင်သားကင်ဆာနဲ့သေဆုံးသွားခဲ့ကြောင်း ဖော်ပြထားပါတယ်။

၂၀၁၈ ခုနှစ်က ဖော်ပြထားတဲ့အစ္စရေးလ်လေ့လာချက်တစ်ခုမှာ SBI ဝေဒနာခံစားနေရသူအမျိုးသမီး ၂ သောင်းခန့်ကို လေ့လာရာမှာ မျက်လုံးနှင့်ပါးစပ်များခြောက်သွေ့ခြင်း၊ ခန္ဓာကိုယ်အင်္ဂါများမှာ အနီစက်များပေါ်ခြင်း၊ အဆစ်အမြစ်ရောင်ခြင်းနဲ့ ကြွက်သားများနာကျင်ကိုက်ခဲခြင်းတို့ဖြစ်ပေါ်ကြောင်း သိရှိရပါတယ်။

ကျန်းမာရေးစောင့်ရှောက်ရေးဝန်ထမ်းများ၊ မိသားစုဆရာဝန်များ၊ ပလတ်စတစ်ဆာဂျရီခွဲစိတ်ဆရာဝန်များ၊ အရိုးအဆစ်ဆရာဝန်များအနေနဲ့ ဆီလီကွန်ရင်သားအစားထိုးခြင်းနဲ့ ရောဂါလက္ခဏာပေါ်ပေါက်ခြင်းများကို အမြဲသတိထားစောင့်ကြည့်ဖို့ သုတေသီများကတိုက်တွန်းလိုက်ပါတယ်။

ဒီအတွက်အစားထိုးနိုင်မယ့်အခြားနည်းလမ်းကတော့ လူနာရှင်ကိုယ်တိုင်ရဲ့ ခန္ဓာကိုယ်ကအဆီကိုယူပြီး ရင်သားမှာအစားထိုးခြင်းဖြစ်ကာ ဒီနည်းလမ်းက ခုခံအားစနစ်ကိုလည်း မှားယွင်းလှုံ့ဆော်ပေးမှာမဟုတ်ပါဘူး။

Source: The Jerusalem Post
#Yangon_Media_Group

#World_Industry
Published 19 July 2022

ကပ်ရောဂါဘေး၊ ယူကရိန်း-ရုရှားစစ်ဘေးတို့အပြင် နေထိုင်မှုစရိတ်မြင့်မားလာခြင်းကြောင့် အီကွေဒေါနိုင်ငံမှာ ဆန္ဒပြလာကြတာ ၂ ပတ်ကျော်ကြာလာခဲ့ပြီး နိုင်ငံရဲ့ပန်းစိုက်ပျိုးထုတ်လုပ်ရေးလုပ်ငန်းအနေနဲ့ နောက်ထပ်အခက်အခဲတစ်ခုကို ကျော်လွှားရဦးမှာဖြစ်ပါတယ်။

#Yangon_Media_Group

#LocalNews
Published_19 July 2022

ဘင်္ဂလားဒေ့ရှ်ပြန် စက်လှေသမားတွေမှာ ကိုဗစ်ပါလာနိုင်ပေမဲ့လည်း သူတို့ကို တခြားသူတွေနဲ့ ထိတွေ့မှုမရှိရအောင် သီးသန့် ကွာရန်တင်းထားပြီး စနစ်တကျ ကြိုတင်ကာကွယ်ထားတယ်လို့ သိရပါတယ်။

#Yangon_Media_Group

Published 19 July 2022

ဇူလိုင်(၁၆)ရက် သောကြာနေ့ ညက  ဒန်ဗာမြို့အရှေ့ပိုင်းမှာ သေနတ်ပစ်ခတ်ခံရမှုကြောင့် မြန်မာအမျိုးသမီးတစ်ဦး သေဆုံးခဲ့ရတယ်လို့ CBS သတင်းဌာနက ကြေညာသွားပါတယ်။ မြောက်ဇင်နီးယားလမ်းက ဘလောက် ၁၃၀၀ မှာ ပစ်ခတ်ခံရတာဖြစ်ပါတယ်။

ဇင်နီးယာလမ်းပေါ်က Hidden Brook အိမ်ရာအပြင်ဖက်မှာတော့ မခိုင်စီးခဲ့တဲ့ ကြိုးသိုင်းဖိနပ်ကလေးက အောက်မေ့ဘွယ် အဖြစ် ကျန်ရစ်ခဲ့ပါတယ်။

“ သူမဟာ ရိုးသားတဲ့ အရပ်သူတစ်ဦးလိုပါပဲ” လို့ မခိုင်နှင့် ၁၀နှစ်တာသိကျွမ်းခဲ့တဲ့ ကိုလှိုင်သန်းဆိုသူက CBS ရုပ်သံကိုပြောပါတယ်။ “ သူမဟာ အမြဲတမ်းတက်ကြွနေယ်။သနားကြင်နာတတ်တယ်။ လူတွေကိုကူညီတတ်တယ်။ အမြဲတမ်းလည်း အကောင်းမြင်တတ်သူဖြစ်တယ်” လို့ ကိုလှိုင်သန်းက ပြောပါတယ်။

အဲဒီတိုက်ခန်းတွဲကြီးရဲ့အပြင်ဘက်မှာ သောကြာနေ့ည သေနတ်ပစ်မှုကြောင့် မခိုင်တစ်ဦးတည်းပဲ ထိမှန်သေဆုံးခဲ့ရတာဖြစ်တယ်လို့ သူမရဲ့ မိတ်ဆွေတွေနှင့် အိမ်နီးချင်းတွေက ပြောပါတယ်။

ရဲတွေက အခင်းဖြစ်ပွားမှုနှင့်ပတ်သက်လို့ အချက်အလက်အချို့သေးစိတ်ထုတ်ပြန်တဲ့အချိန်မှာပဲ  မခိုင်ဟာ ရည်ရွယ်ထားတဲ့ ပစ်မှတ်တစ်ခုမဟုတ်ဘဲ နေရာမှားကို အချိန်မှားရောက်လာခဲ့ရသူသာဖြစ်တယ်လို့  ရပ်ကွက်ကသူတွေက ပြောဆိုကြပါတယ်။

“ ဒါဟာ လမ်းတစ်ဖက်က ဖရီးဒမ်းပန်းခြံက အော်တိုမက်တစ်လက်နက်တစ်ခုကနေ ရမ်းပစ်လိုက်တဲ့ ကျည်ဆံပဲဖြစ်တယ်” လို့ Hope Communities ရဲ့ ဥက္ကဋ္ဌနှင့် စီအီးအို ရှာရွန်နိက်ကပြောပါတယ်။

ကလေး(၄)ယောက်ရဲ့ မိခင် မခိုင်ဟာ  ရပ်ကွက်အသင်းဘုတ်အဖွဲ့ဝင်တစ်ဦးဖြစ်ပါတယ်။ မခိုင်ဟာ အမေရိကန်ကို ဒုက္ခသည် တစ်ဦးအဖြစ်ရောက်ရှိခဲ့ပြီး သိပ်မကြာသေးခင်ကပဲ “ တော်ဝင်” ဆိုတဲ့အမည်နှင့်  ကိုယ်ပိုင်စားသောက်ဆိုင်တစ်ခု ဖွင့်ထားတာဖြစ်ပါတယ်။

“ အသက်၂၀ အရွယ်ရှိတဲ့ သူ့သားက သူ့အမေကိုပွေ့ဖက်ထားတယ်။ အမေဖြစ်သူက အသက်ငင်နေပြီ၊ သူက ၉၁၁ ကို ငါးခါ တောင်ဖုန်းဆက်ခေါ်တယ်” လို့ နိုက်ကဆက်ပြောပါတယ်။

မိသားစုဝင်တွေက ၉၁၁ ကို ကြိမ်ဖန်များစွာဖုန်းဆက်ကြတယ်။ ဖုန်းကိုင်သူက ဖုန်းချချပစ်လိုက်တယ်လို့ အိမ်နီးချင်းတွေက ပြောကြပါတယ်။ အရေးပေါ်ဆေးအဖွဲ့တွေနောက်တော့ ကူညီဖို့ ရောက်လာကြပါတယ်။ ဒါပေမယ့် အကြာကြီးစောင့်ပြီးမှ ရောက်လာကြတာလို့ သူတို့ကပြောပါတယ်။

“တစ်ခုခုတော့ တကယ့်ကိုမှားနေပြီ။ သူမအတွက် ကျွန်တော်တို့ တကယ်ဝမ်းနည်းတယ်။ ကျွန်တော်တို့ သတိရနေတော့မှာ” လို့ ကိုလှိုင်သန်းကပြောပါတယ်။

မခိုင်မှာ အသက်အာမခံလုပ်မထားဘူးလို့ နိုက်ကပြောပါတယ်။ အဲဒါကြောင့် သူမရဲ့ အသုဘအခမ်းအနားအတွက် ရပ်ကွက်မှာ ရန်ပုံငွေရှာပေးနေတယ်လို့လည်း သူမက ဆက်ပြောပါတယ်။  တနင်္လာညတုန်းက အဲဒီအိမ်ရာတွဲမှာ မခိုင်အတွက် ဝမ်းနည်းခြင်း အောက်မေ့ဘွယ်အခမ်းအနားကလေးတစ်ခုလုပ်ပေးခဲ့တယ်လို့ CBS က သတင်းပေးပို့ပါတယ်။

#Source_CBS4

#Ma_Khaing_Died_in_Denver

#US_Denver_Shooting

#Myanmar_Woman_Died_in_US_Shooting

#LocalNews
Published_19 July 2022

တရားမဝင်တဲ့လမ်းကြောင်းကနေ သွားရောက်တဲ့ မြန်မာနိုင်ငံသားတွေဟာ ထိုင်းနိုင်ငံအတွင်းမှာ ဆက်တိုက်ဆိုသလို အဖမ်းခံနေရတာကြောင့် ထိုင်းအချုပ်ထောင်တွေမှာတောင် ပြည့်ကျပ်နေပြီလို့ သိရပါတယ်

#Yangon_Media_Group

#LocalNews
Published - 19 July 2022

ဇူလိုင် ၁၅ ရက်ကနေစတင်ပြီးတရုတ်-မြန်မာနယ်စပ်ဂိတ် ရက်အကန့်အသတ်မရှိ ပိတ်တယ်ဆိုတဲ့သတင်းဟာ အမှားသာဖြစ်တယ်လို မူဆယ်ကုန်စည်ဒိုင်၊ ဆန်ကုန်သည်များအသင်းကနေ သိရပါတယ်။

#Yangon_Media_Group

#LocalNews
Published_19 July 2022

ကော့သောင်းမြို့၏အမြင့်ဆုံးတောင်ပေါ်သို့ Cable ရထားဖြင့်တက်ရောက်နိုင်မည့် စီမံကိန်းတစ်ခု တည်ဆောက်မည်ဖြစ်ကြောင်း သတင်းနှင့် ပြန်ကြားရေးအဖွဲ့က သိရသည်။

ယင်းစီမံကိန်းတွင်ကို တနင်္သာရီတိုင်းဒေသကြီး၊ ကော့သောင်းခရိုင်၊ ကော့သောင်းမြို့၏ ၁၁၉၉ တောင်ကုန်းပေါ် မြေအကျယ်အဝန်း ၁၉၇ ဧက ပေါ်တွင် တည်ဆောက်မည်ဖြစ်ပြီး ကြယ်သုံးပွင့်အဆင့်၊ကြယ်လေးပွင့်အဆင့် အခန်း(၇၀)ပါတောင်ခြေဟိုတယ်နှင့်ဗီလာအလုံး(၃၀)၊ သဘာဝပတ်ဝန်းကျင်နှင့်လိုက်လျောညီထွေမှုရှိသည့် Resortများ၊ Holiday Homes အပန်းဖြေလုံးချင်းအိမ်ရာအလုံး(၃၀) ၊တနင်္သာရီတိုင်း၏သမိုင်းကြောင်း၊ဆလုံလူမျိုးများ၏ ယဉ်ကျေးမှုသမိုင်းကြောင်း တို့ကိုခင်းကျင်းပြသမည့်ကမ္ဘာ့အဆင့်မီ မြိတ်ကျွန်းစု ၏ အဏ္ဏဝါပြတိုက်၊ ဆလုံရွာပုံစံငယ်နှင့်ဈေးဆိုင်ခန်းများ၊တောင်ပေါ်သို့တက်ရောက်မည့် Cableရထား၊သံလမ်း၊ဘူတာရုံ နှင့်မော်တော်ယာဉ်လမ်းများပါဝင်မည်ဖြစ်ကြောင်း သိရသည်။

အဆိုပါစီမံကိန်းနှင့် ပတ်သက်၍ ပတ်ဝန်းကျင်ထိခိုက်မှုဆန်းစစ်ခြင်းလုပ်ငန်း (Environmental Impact Assessment- EIA) ဆိုင်ရာကိစ္စများကို ဇူလိုင်လ ၁၄ ရက်က ရှင်းလင်းခဲ့ကြကြောင်း၊ရင်းနှီးမြှုပ်နှံမှုမှာ မြန်မာငွေကျပ် ၁၀၅ဘီလီယံခန့်ဖြစ်ကာ စီမံကိန်းကာလ (၅)နှစ် သတ်မှတ်ထားကြောင်းလည်း နစက က ထုတ်ပြန်ထားသည်။

ယင်းစီမံကိန်း၏ ရည်ရွယ်ချက်မှာ ကော့သောင်းဒေသခံများနှင့်တိုင်းရင်းသားများအလုပ်အကိုင်အခွင့်အလမ်းများရရှိလာရန်၊ဒေသပိုမိုဖွံ့ဖြိုးတိုးတက်လာရန်၊ပြည်တွင်းနှင့်နိုင်ငံခြားခရီးသွားဧည့်သည် များပိုမိုလာရောက်လည်ပတ်နိုင်ရန်၊ ကော့သောင်းဒေသ၏ဆလုံတိုင်းရင်းသားလူမျိုးတို့၏ ဓလေ့ထုံးတမ်းများကို ပိုမိုထိန်းသိမ်းနိုင်ကာ ကမ္ဘာမှပိုမိုသိရှိလာနိုင်ရန်၊၊စီမံကိန်းနှင့်ဆက်စပ်၍ အခြားစီးပွားရေးလုပ်ငန်းများ လာရောက်ရင်းနှီးမြုပ်နှံနိုင်ရေးလွယ်ကူစေရန်၊ ပြည်တွင်းရင်းနှီးမြုပ်နှံမှုများသာမက ပြည်ပရင်းနှီးမြုပ်နှံမှုများကိုပါ ကော့သောင်းဒေသအတွင်းသို့ လာရောက်ရန်ဆွဲဆောင်နိုင်စေရန် စသည်တို့ဖြစ်ကြောင်း သိရသည်။

ymg/mt
#Yangon_Media_Group

#LocalNews
Published_19 July 2022

ပဲခူးစက်မှုဇုန်မှာရှိတဲ့ ကိုရီးယားအထည်ချုပ်စက်ရုံစီမံကိန်း တစ်ခုလုံးပြီးစီးတဲ့အခါ ဒေသခံ တစ်သောင်းနှစ်ထောင်နီးပါး အလုပ်အကိုင် ရရှိကြမှာဖြစ်တယ်လို့ သိရပါတယ်

#Yangon_Media_Group

#LocalNews
Published - 19 July 2022

တောင်ကိုရီးယား အလုပ်အကိုင်အရည်အချင်းစစ်စာမေးပွဲ (EPS) ဝင်ရောက်ဖြေဆိုသူများ၏ ခုံနံပါတ်ကို ကျပမ်းစနစ်ဖြင့် သတ်မှတ်ပေးမည်ဖြစ်ကြောင်း ပြည်ပအလုပ်အကိုင်အေဂျင်စီ(POEA)မှ ထုတ်ပြန်ကြေညာထားသည်။

အဆိုပါခုံနံပါတ်သတ်မှတ်ပေးခြင်းမှာ လျှောက်လွှာတင်သွင်းသည့်နေ့နှင့် မသက်ဆိုင်ကြောင်း ဖော်ပြထားသည်။

ကိုရီးယားနိုင်ငံမှ အလုပ်သမားခေါ်ယူရာတွင် စာမေးပွဲအောင်မြင်ထားသူများ၏ ခုံနံပါတ်စောသူကို ဦးစားပေးခေါ်ယူသည်ဆိုသည့် သတင်းများထွက်ပေါ်နေသည့်အပေါ် POEA က ရှင်းလင်းအသိပေးခြင်းဖြစ်ပြီး ဇူလိုင်၂၃ရက်အထိ လျှောက်လွှာလက်ခံမည်ဖြစ်ကြောင်းလည်း သိရသည်။

ယင်းအပြင် လျှောက်လွှာကို တစ်ကြိမ်သာတင်ရမည်ဖြစ်ကြောင်း၊လျှောက်လွှာတင်သည့်အခါတွင်လည်း လုပ်ငန်းတစ်မျိုးတည်းသာ ရွေးချယ်လျှောက်ထားရန်နှင့် လက်ရှိတွင် Andriod 10 အောက်ဖုန်းဖြင့်သာ လျှောက်နိုင်မည်ဖြစ်ကြောင်း သိရသည်။

EPS စာမေးပွဲကို ဝင်ရောက်ဖြေဆိုရန်လက်ရှိအချိန်အထိ လျှောက်ထားသူ ၁၀,၀၀၀ နီးပါးရှိပြီဖြစ်ကြောင်း၊အဆိုပါစာမေးပွဲကို သြဂုတ်လမှ ဒီဇင်ဘာလအထိပြုလုပ်သွားမည်ဖြစ်ကြောင်း သိရသည်။

ymg/sth
#Yangon_Media_Group

#LocalNews
Published_19 July 2022

ဖိလစ်ပိုင်နိုင်ငံက အိမ်ရှင်အဖြစ် လက်ခံကျင်းပခဲ့သည့် ၂၀၂၂ အာဆီယံ အမျိုးသမီး ချန်ပီယံရှစ် တတိယနေရာလုပွဲတွင် ဗီယက်နမ် အသင်းကိုး ၄ ဂိုး ၃ ဂိုးဖြင့် အနိုင်ရရှိပြီး ကြေးတံဆိပ်ဆု ဆွတ်ခူးနိုင်ခဲ့သည့် မြန်မာ့လက်ရွေးစင်အမျိုးသမီးအသင်း ပြန်လည်ရောက်ရှိပြီဖြစ်ကြောင်း မြန်မာနိုင်ငံ ဘောလုံးအဖွဲ့ချုပ်က သိရသည်။

ဇူလိုင်လ ၁၈ ရက် ည ၈ နာရီခန့်က ရန်ကုန်မြို့သို့ ပြန်လည်ရောက်ရှိလာခဲ့ခြင်းဖြစ်ပြီး ယင်းတို့အား မြန်မာနိုင်ငံဘောလုံးအဖွဲ့ချုပ် အမျိုးသမီးဘောလုံးကော်မတီဝင်များ၊ အဖွဲ့ချုပ်တာဝန်ရှိသူများ၊ မြန်မာ့လက်ရွေးစင် ယူ ၁၉ နှင့် ယူ ၁၆ အမျိုးသမီး အသင်းများ၊ မိသားစုဝင်များက သွားရောက် ကြိုဆိုခဲ့ကြကြောင်း သိရသည်။

မြန်မာအမျိုးသမီး လက်ရွေးစင် အသင်းအနေဖြင့် အာဆီယံ ချန်ပီယံရှစ် ပြိုင်ပွဲပြီးနောက် ဆက်လက်ပြိုင်ပွဲဝင်ရန်ရှိသည့် နိုင်ငံတကာ ပြိုင်ပွဲများအတွက် စခန်းဝင်လေ့ကျင့်မှုများ ပြန်လည်ပြုလုပ်သွားမည်ဖြစ်ကြောင်းလည်း မြန်မာနိုင်ငံ ဘောလုံးအဖွဲ့ချုပ်က ထုတ်ပြန်ထားသည်။

ymg/mt
#Yangon_Media_Group

#WorldEconomy
Published 19 July 2022

ရုရှားနှင့်တရုတ် မဟာမိတ်နှစ်နိုင်ငံဟာ စီးပွားရေးနှင့်စွမ်းအင် ဆက်ဆံဆောင်ရွက်မှု နက်ရှိုင်းလာတဲ့အလျောက် လာမယ့် (၂)နှစ်အတွင်း အဲဒီနှစ်နိုင်ငံအကြား ဓာတ်ငွေ့ပိုက်လိုင်းတည်ဆောက်တော့မယ်လို့ ဖိုင်နင်ရှယ်တိုင်းမ် သတင်းစာက တနင်္လာနေ့က ရေးသားလိုက်ပါတယ်။

ရုရှားက ယူကရိန်းကို ကျူးကျော်မှုကြောင့် ဆာဘီးယား-၂ ပိုင်လိုင်း အစီအစဉ်အချို့ အကန့်အသတ်ဖြစ်လာနေတဲ့ကြားထဲက အဲဒီပိုက်လိုင်းတည်ဆောက်ရေးလုပ်ငန်းကို ၂၀၂၄မှာ စတင်လိမ့်မယ်လို့ မွန်ဂိုလီးယား ဝန်ကြီးချုပ် Oyun-Erdene Luvsannamsrai က ဖိုင်နင်ရှယ်တိုင်းမ်ကို ပြောပါတယ်။

အဲဒီပိုက်လိုင်းဟာ အရှည် ၂၆၀၀ ကီလိုမီတာရှိပြီး ၂၀၃၀ အရောက်မှာ လုပ်ငန်းတွေစတင်လည်ပတ်နိုင်လိမ့်မယ်လို့ ခန့်မှန်းထားကြပါတယ်။ မွန်ဂိုလီးယားဟာ အဲဒီပိုက်လိုင်းကြောင့် ဖြတ်သန်းခနှင့်အခွန်တွေကို ရရှိမှာဖြစ်လို့ ကိုရိုနာဗိုင်းရပ်စ်ကြောင့် အထိနာနေတဲ့ စီးပွားရေးကို ပြန်လည်ကူညီနိုင်မှာဖြစ်ပါတယ်။

ရုရှားကနေ တရုတ်ကို ဓာတ်ငွေ့တင်ပို့တာ ၂၀၁၉ ကစပြီး မြင့်တက်လာနေပါတယ်။ ဒါပေမယ့် ဥရောပက သူ့အပေါ် ဓာတ်ငွေ့ မှီခိုနေရတာကနေ ခွာဖို့လုပ်ဆောင်နေတဲ့အတွက် မော်စကိုအတွက် ရေနံတင်ပို့မှုမြှင့်တင်ဖို့က အရေးကြီးနေတာဖြစ်ပါတယ်။

အစောပိုင်းကတော့ ဆာဘီယားပိုက်လိုင်းဟာ ဥရောပကို ဓာတ်ငွေ့ပိုဖို့အတွက် အခရာဖြစ်ခဲ့ပေမယ့် အခု အဲဒီဆာဘီးယားနယ် ပယ်ကနေ တရုတ်ကို ဓာတ်ငွေ့ ပြန်ပြောင်းသွယ်ပို့မှာဖြစ်ပါတယ်။

ဥရောပသမဂ္ဂက အဇာဘိုင်ဂျန်ကနေ ဓာတ်ငွေ့ တင်သွင်းမှုကို ၂၀၂၇နှစ်အရောက်မှာ အနည်းဆုံး ၂၀ဘီလျံကုဗမီတာအထိ နှစ်ဆတိုးဖို့ စာချုပ်အသစ်ချုပ်ဆိုခဲ့ပြီးနောက် ယခုသတင်းထွက်ပေါ်လာတာပါ။

#Source_Insider
#Russia_China_Gas_Pipeleines
#Russia_China_energy_Ties
#Geo_Economy.
#Yangon_Media_Group