#Local_News
Published_21 July 2022

ဘင်္ဂလား‌ဒေ့ရှ်နိုင်ငံသို့ ရခိုင်ပြည်ရှိ ကုန်သွယ်ရေးစခန်းနှစ်ခုမှ ပြီးခဲ့သည့် ဇွန်လအတွင်း စစ်တွေနယ်စပ်ကုန်ကုန်သွယ်ရေးစခန်း(ရွှေမင်းဂံ)နှင့် မောင်တောနယ်စပ်ကုန်သွယ်ရေးစခန်း(ကညင်ချောင်း)တို့မှ ကုန်သွယ်မှုပမာဏမှာ ကန်ဒေါ်လာ ၃ သန်းခန့် တန်ဖိုးရှိခဲ့ကြောင်း ရခိုင်ပြည်နယ် ကုန်သည်များနှင့် စက်မှုလက်မှုလုပ်ငန်းရှင်များအသင်းက သိရသည်။

ဘင်္ဂလားဒေ့နိုင်ငံသို့ နယ်စပ်ကုန်သွယ်ရေးစခန်းများ ဖြစ်သော မောင်တော ၊ စစ်တွေကုန်သွယ်ရေးစခန်းနှစ်ခုမှ ပုံမှန်လည်ပတ်နေပြီး ၂၀၂၂ ခုနှစ် ဇွန်လအတွင်းက အမေရိကန်ဒေါ်လာ၂ ဒသမ ၉၀ သန်း ဖိုးတင်ပို့နိုင်ခဲ့ကာ ဘင်္ဂလားဒေ့ရှ်ဘက်မှ သွင်းကုန်အမေရိကန်ဒေါ်လာ ၆၉၆၀ ဒေါ်လာဖိုး တင်သွင်းခဲ့ကြောင်း အဆိုပါ အသင်းတာဝန်ရှိသူကပြောသည်။

စစ်တွေ ကုန်သွယ်မှုစခန်း (ရွှေမင်းဂံ ) မှ အမေရိကန် ဒေါ်လာ ၅၈၉၁၆၁ ဒေါ်လာဖိုး ၊ မောင်တောနယ်စပ်ကုန်သွယ်ရေး စခန်း ( ကညင်ချောင်း) မှ အမေရိကန်ဒေါ်လာ ၂၃၂၇၉၄၈ တန်ဖိုးဖြစ်ကြောင်းလည်း သိရသည်။

လက်ရှိတွင် ဘင်္ဂလား‌ဒေ့ရှ်နိုင်ငံမှ တရားဝင်ကုန်တင်ပို့ပြီး ပြန်လည်ရောက်ရှိလာသော စက်လှေလုပ်သားများအား ခရိုင် ကိုဗစ်ထိန်းချုပ်ကာကွယ်ရေးနှင့် ကုန်စည်စီးဆင်းမှု မှန်ကန်မြန်ဆန်ရေးအဖွဲ့၏ ကြပ်မတ်မှုဖြင့် ကိုဗစ်ရောဂါစစ်ဆေးမှုများပြုလုပ်ပေးလျက် ရှိကြောင်းလည်း သိရသည်။

ymg/mt
#Yangon_Media_Group

#Local_News
Published - 21 July 2022

YBS ကားများနှင့် တက္ကစီများပေါ်တွင် ကြော်ငြာများချိတ်ဆွဲထားခြင်းသည် မြို့သာယာလှပရေးကို ထိခိုက်စေသည့်အတွက် တပ်ဆင်ခြင်းမပြုရန် ရန်ကုန်တိုင်းအစိုးရအဖွဲ့မှ ညွှန်ကြားထားကြောင်း သိရသည်။

အဆိုပါ ညွှန်ကြားချက်ကို ရန်ကုန်တိုင်းအစိုးရအဖွဲ့မှ YRTC ကို ပေးပို့ခဲ့ပြီး ဆက်လက်ဆောင်ရွက်ခွင့်ပြုတော့မည် မဟုတ်ကြောင်း YRTC မှထပ်ဆင့်ထုတ်ပြန်ထားသည်။

ယခင်က YBS ယာဉ်များနှင့်တက္ကစီယာဉ်ပေါ်တွင် ကြော်ငြာကပ်ခွင့်ကို YRTC မှ သတ်မှတ်စည်းကမ်းများနှင့်အညီ ခွင့်ပြုပေးထားပြီး ကြော်ငြာကပ်လိုသူအနေဖြင့် ယာဉ်ပိုင်ရှင်ကို အခကြေးငွေပေးကာ ကြော်ငြာများ ချိတ်ဆွဲထားခြင်းဖြစ်ကြောင်း သိရသည်။

ယင်းအပြင် ယာဉ်ပိုင်ရှင်တွေအနေဖြင့် ယင်းကဲ့သို့ ကြော်ငြာကပ်ခွင့်မရှိတော့သည့်အပေါ် ၎င်းတို၏ ကြော်ငြာခ ဝင်ငွေလျော့နည်းသွားမည်ဖြစ်သည့်အတွက် ဝေဖန်ပြောဆိုမှုတွေရှိနေကြောင်း သိရသည်။

ရန်ကုန်တိုင်းအတွင်း YBS ယာဉ်လိုင်းပေါင်း ၁၁၆ လိုင်း၊ ယာဉ်အစီးရေ သုံးထောင်ကျော်ဖြင့် နေ့စဉ်ပုံမှန်ပြေးဆွဲပေးနေကြောင်း သိရသည်။

ymg/sth
#Yangon_Media_Group

#Local_News
Published - 21 July 2022

တောင်ကိုရီးယားအလုပ်အကိုင်(EPS)စာမေးပွဲ ဖြေဆိုမည့်သူအများစုသည် စာမေးပွဲမှတ်ပုံတင်ကြေး ဒေါ်လာနှင့်ပေးသွင်းရန် အခက်အခဲရှိနေကြောင်း စာမေးပွဲဖြေဆိုမည့်သူများထံမှ သိရသည်။

လက်ရှိအချိန်တွင် အမေရိကန်ဒေါ်လာပြင်ပပေါက်စျေးမြင့်တက်နေပြီး ဝယ်ယူရ ခက်နေခြင်းကြောင့် ငွေပေးသွင်းရန် အခက်အခဲရှိနေကြောင်း သိရသည်။

ယင်းအပြင် စာမေးပွဲဖြေဆိုမည့်သူ သောင်းနှင့်ချီရှိသည့် အလုပ်သမားများ မှတ်ပုံတင်ကြေးပေးသွင်းရန် ဒေါ်လာအပြိုင်ဝယ်ယူနေကြာင်း သိရသည်။

EPS စာမေးပွဲ မှတ်ပုံတင်ကြေးကို ၂၄ ဒေါ်လာနှင့် တန်ဖိုးညီသည့် ကျပ်ငွေဖြင့် ပေးသွင်းနိုင်ကြောင်း ပြည်ပအလုပ်အကိုင်အေဂျင်စီ(POEA)မှ မူလကကြေညာခဲ့သော်လည်းလက်တွေ့တွင် ဒေါ်လာငွေနှင့်သာလက်ခံကြောင်း သိရသည်။

လက်ရှိတွင် EPSစာမေးပွဲဖြေဆိုရန် မှတ်ပုံတင်ကြေးပေးသွင်းခွင့်ရထားသူဦးရေ ၁၀,၀၀၀ ကျော်ရှိနေပြီဖြစ်ကြောင်း POEA ၏ ထုတ်ပြန်ထားသည့်စာရင်းများအရ သိရသည်။

EPS စာမေးပွဲကို သြဂုတ်လကနေ ဒီဇင်ဘာလအထိ လုပ်ငန်းကဏ္ဍအလိုက်အသုတ်လိုက်ကျင်းပသွားမည်ဖြစ်ကြောင်း သိရသည်။

ymg/sth
#Yangon_Media_Group

Published 21 July 2022

၁၉၈၀ပြည့်လွန်နှစ်များရဲ့ စတိုင်တစ်ခုအဖြစ် အမွှမ်းတင်ခံခဲ့ရပြီး စီးပွားရေးလုပ်ငန်းရှင်အမျိုးသမီးတစ်ဦးလည်း ဖြစ်ခဲ့တဲ့  အပြင် ဒေါ်နယ်ထရမ့်ကို အင်ပါယာတည်ဆောက်ပြီး သမ္မတဖြစ်တဲ့အထိ ကူညီဖေးမခဲ့တဲ့ ကွယ်လွန်သူအိုင်ဗန်နာထရမ့်ရဲ့ ဈာပနကို ဇူလိုင် ၂၀ရက်က ကျင်းပခဲ့ရာ သမ္မတဟောင်း ထရမ့်ဟာ သူ့သားမီးတွေနှင့်အတူ တက်ရောက်ပြီး ဇနီးဟောင်းကို နောက်ဆုံးနှုတ်ဆက်ခဲ့ပါတယ်။

အိုင်ဗာနာထရမ့်ရဲ့ ဈာပနကို မန်ဟန်တန်ဘုရားကျောင်းမှာ ကျင်းပခဲ့တာဖြစ်ပါတယ်။

“ အင်မတန်ကြေကွဲရတဲ့နေ့တစ်နေ့ပါ။ ဒါပေမယ့် တစ်ပြိုင်နက်တည်းမှာပဲ အံအားသင့်ဖွယ်ကောင်းပြီး အင်မတန်လှပတဲ့ ဘဝတစ်ခုကို ဆင်နွှဲတာပါ”လို့ ထရမ့်က သူရဲ့ Truth Social မှာ ပို့စ်ရေးတင်ခဲ့ပါတယ်။ သူနှင့်အတူ သူ့လက်ရှိဇနီးသ မီလင်နီယာ ထရမ့်နှင့်သူတို့ရဲ့သား ဘာရွန်တို့လည်း တက်ရောက်ခဲ့ပါတယ်။ အဲဒီဘုရားကျောင်းဟာ အိုင်ဗန်နာထရမ့်ရဲ့ အိမ်နှင့် လမ်းအနည်းငယ်ပဲခြားတာပါ။

အိုင်ဗန်နာနှင့် ဒေါ်နယ်ထရမ့်တို့ဟာ သားသမီးသုံးဦးထွန်းကားခဲ့ကြပါတယ်။ ဒေါ်နယ်ဂျုနီယာ၊ အိုင်ဗန်ကာနှင့် အဲရစ်တို့ ဖြစ်ကြပါတယ်။  ရွှေရောင် ခေါင်းတလားကြီးကို ဘုရားကျောင်းကနေ သယ်ဆောင်တဲ့အခါ သူတို့သုံးဦးဟာ အဖေဖြစ်သူဘေးနားမှာ အတူရပ်ခဲ့ကြပါတယ်။ အဲရစ်ထရမ့်ဟာ သူ့လက်ကို အမဖြစ်သူရဲ့ပခုံးပေါ် အသာတင်ခဲ့ပြီး ပန်းနီတစ်ပွင့်ကိုင်ဆောင်ထားတဲ့ သူ့ ကလေးတစ်ဦးရဲ့လက်ကိုဆွဲထားပါတယ်။

ထရမ့်ရဲ့ ဒုတိယဇနီး မာလာ မာပဲလ်နှင့် သူတို့ရဲ့သမီး တစ်ဖနီထရမ့်တို့လည်း ဈာပနအခမ်းအနားကို တက်ရောက်ခဲ့ကြပါတယ်။

ပြီးခဲ့တဲ့ကြာသပတေးနေ့က အသက်၇၃နှစ်အရွယ် အိုင်ဗန်နာထရမ့်ဟာ နေအိမ်မှာကွယ်လွန်ခဲ့တာကို ထရမ့်မိသားစုက ကြေညာခဲ့ပါတယ်။ သေဆုံးရတာဟာ မတော်တဆမှုကြောင့်ရရှိတဲ့ ခန္တာကိုယ်ထိခိုက်ဒဏ်ရာကြောင့်ဖြစ်တယ်လို့ အာဏာပိုင်တွေက ပြောပါတယ်။

အိုင်ဗန်နာနှင့် ဒေါ်နယ်ထရမ့်တို့ဟာ ၁၉၇၀ပြည့်လွန်နှစ်များကတွေ့ခဲ့ပြီး ၁၉၇၇ခုနှစ်ကနေ ၁၉၉၂အထိ အကြင်လင်မယား အဖြစ် လက်ထပ်ပေါင်းသင်းခဲ့ကြပါတယ်။ အိုင်ဗန်နာထရမ့်ဟာ ခင်ပွန်းရဲ့ လုပ်ငန်းတွေမှာလည်း ပါဝင်ဆောင်ရွက်ခဲ့ရာမှာ အတ္တလန်တစ်မြို့ ကာဆီနိုလုပ်ငန်းကို စီမံခန့်ခွဲခဲ့ပါတယ်။အဲဒီအပြင် နယူးယောက်စီးတီးထရမ့်မျှော်စင်ရဲ့ အချို့ ဒီဇိုင်းအစိတ်အပိုင်းတွေကို စီမံခန့်ခွဲခဲ့ပါတယ်။

သူတို့ကွာရှင်းပြတ်စဲမှုကတော့ အကျည်းတန်ခဲ့ပေမယ့် ပြီးခဲ့တဲ့ နှစ်များအတွင်း နှစ်ဦးစလုံး ပြန်ပြီးရင်းနှီးခင်မင်စွာ ဆက်ဆံခဲ့ကြပါတယ်။ အိုင်ဗန်နာထရမ့်ဟာ ၂၀၁၆ခုနှစ် ဒေါ်နယ်ထရမ့်ရဲ့ သမ္မတမဲဆွယ်မှုမှာ အင်မတန်မှ နှစ်ထောင်းအားရ ထောကခံအားပေးခဲ့သူဖြစ်ပြီး သူတို့ဟာ ပုံမှန်ဆက်သွယ်ပြောဆိုခဲ့ကြတာဖြစ်ပါတယ်။

#Source_AP

#Ivana_Trump_Funeral

#Donald_Trump_Ivana

#Trump_Life

#World_Politics
Published 21 July 2022

အမေရိကန်သမ္မတ'ဂျိုးဘိုင်ဒန်'က တရုတ်သမ္မတ'ရှီကျင့်ဖင်'နဲ့ ယခုလအကုန်လောက်မှာ ဆွေးနွေးစကားပြောကြားဖို့ စီစဉ်နေပါတယ်။

ထိုနှစ်နိုင်ငံဟာ ထိုင်ဝမ်အရေးကိစ္စနဲ့ ကုန်သွယ်ရေးကိစ္စတို့နဲ့ ပတ်သက်ပြီး တင်းမာမှုတဖြည်းဖြည်း မြင့်တက်နေပါတယ်။

မာဆာချူဆက်စ်သို့ ရာသီဥတုဆိုင်ရာ အလည်အပတ်ခရီးမှ ပြန်ရောက်လာတဲ့'ဘိုင်ဒန်'က "သမ္မတရှီနဲ့ နောက် ၁၀ ရက်အတွင်း ဆွေးနွေးပြောဆိုဖို့ရှိပါတယ်" လို့ သတင်းထောက်တွေထံ ပြောကြားခဲ့ပါတယ်။

အမေရိကန်အစိုးရအဖွဲ့က အမေရိကန်ပြည်သူများအပေါ် ငွေကြေး ဖောင်းပွမှု ဒဏ်လျော့ကျစေရန် တရုတ်ပြည်မှ ပို့ကုန်များကိုလျှော့ချဖို့ကြံရွယ်နေတဲ့အပြင် ထိုင်ဝမ်အခြေအနေနဲ့ ပတ်သက်ပြီး တင်းမာမှုတွေမြင့်တက်နေတဲ့အချိန်မှာ နှစ်နိုင်ငံခေါင်းဆောင်အကြား အချိန်ပေးဆွေးနွေးလာကြဖို့ ရှိနေပါတယ်။

အမေရိကန်က တရုတ်ကိုအဓိက ပြိုင်ဘက်အဖြစ်သတ်မှတ်ထားပြီး နှစ်နိုင်ငံဆက်ဆံရေး တည်မြဲဖို့နဲ့ မရည်ရွယ်ဘဲ ပဋိပက္ခဖြစ်ခြင်းမှ ကာကွယ်နိုင်ဖို့ ထိပ်သီးတွေ့ဆုံဆွေးနွေးမှု ပြုလုပ်ရန် အရေးကြီးကြောင်း အမေရိကန်ဘက်က ပြောကြားခဲ့ပါတယ်။

တရုတ်က လုံခြုံရေးကဏ္ဍအရ စိန်ခေါ်လာနိုင်ကြောင်း သတ်မှတ်ဖို့နေတိုး(NATO)ကို အမေရိကန်က ဖိအားပေးခဲ့ပါတယ်။

ဗုဒ္ဓဟူးနေ့က သတင်းထောက်တွေကို ပြောကြားရာမှာ နောက်လအတွင်း အောက်လွှတ်တော်ဥက္ကဌ'နန်စီပယ်လိုစီ' ထိုင်ဝမ်သို့သွားရောက်လည်ပတ်မယ့် အစီအစဉ်ကို 'ဘိုင်ဒန်'က အလိုမကျဖြစ်နေပုံရပါတယ်။

"ထိုင်ဝမ်ကိုလည်ပတ်မယ့် အကြံအစည်က မသင့်တော်ဘူးလို့ စစ်တပ်က တွေးနေလောက်ပါတယ်၊ အခြေအနေကဘယ်လိုလဲတော့ ကျွန်တော်လည်းမသိသေးပါဘူး" လို့ 'ဘိုင်ဒန်'ကဆိုပါတယ်။

တရုတ်တို့ ပိုင်ဆိုင်တယ်လို့ အဆိုပြုထားတဲ့ကျွန်းကို 'ပယ်လိုစီ'သွားရောက်လည်ပတ်ခြင်းအပေါ် အထူးအလေးထား တုံပြန်သွားမှာဖြစ်ပြီး ထိုကဲ့သို့သွားရောက်ခြင်းက တရုတ်တို့ရဲ့အချုပ်အခြာအာဏာနဲ့ နယ်မြေစိုးမိုးအုပ်ချုပ်ရေးကို ဆိုးဆိုးရွားရွား ထိခိုက်စေလိမ့်မယ့်လို့ တရုတ်က ပြောကြားခဲ့ပါတယ်။

လုံခြုံရေးကိစ္စရပ်များအရ ထိုင်ဝမ်သို့သွားဖို့အရေးက ရှေ့ဆက်မှာလားဆိုတာကို 'ပယ်လိုစီ'ရဲ့အဖွဲ့မှ မဖြေရှင်းထားပါဘူး။

နိုင်ငံခြားရေး ဌာနဘက်ကတော့ ထိုခရီးစဉ်ကို အယောင်ဆောင်သာဖြစ်တယ်လို့ သတ်မှတ်ခဲ့ပါတယ်။

ထိုခရီးစဉ်အစီအစဉ်များကို Financial Times မှ သတင်းထုတ်ပြန်ထားတာဖြစ်ပြီး အိမ်ဖြူတော်ဘက်ကလည်း စိုးရိမ်ပူပန်ကြောင်း ထုတ်ပြန်ထားပါတယ်။

တရုတ်တို့က ဒီမိုကရက်တစ်နည်းလမ်းအရအုပ်ချုပ်နေတဲ့ ထိုင်ဝမ်ကျွန်းကို သူတို့အပိုင်လို့သတ်မှတ်ထားပြီး ထိုကိစ္စကြောင့် တရုတ်နဲ့အမေရိကန်တို့အကြား အဆင်မပြေဖြစ်နေခဲ့တာကြာခဲ့ပါပြီ။

အမေရိကန်ရေတပ်စစ်သင်္ဘောတွေက ထိုင်ဝမ်ရေလက်ကြားမှာ တထောက်နားလေ့ရှိတာကြောင့်လည်း တရုတ်တို့ အမျက်ထွက်စရာဖြစ်ခဲ့ပါတယ်။

လက်ရှိကုန်သွယ်ရေး သဘောတူညီချက်များအတိုင်း လိုက်နာဖို့မှာလည်း 'ဘိုင်ဒန်'တို့အဖွဲ့က တရုတ်နဲ့လားရာ ဆန့်ကျင်ဘက်ဖြစ်နေခဲ့ပါတယ်။

Source: Reuters
#Yangon_Media_Group

#Local_News
Published_ 21 July 2022

တောင်ကိုရီးယားနိုင်ငံ၌ တရားဝင် အလုပ်လုပ်ကိုင်မယ့် မြန်မာလုပ်သား ၁၅၅ ဦး ဒီကနေ့ ဇူလိုင် ၂၁ ရက်တွင် အင်ချွန်းအပြည်ပြည်ဆိုင်ရာလေဆိပ်သို့ ထပ်မံရောက်ရှိလာကြောင်း ဆိုးလ်မြို့ရှိ မြန်မာသံရုံးက သတင်းထုတ်ပြန်ထားပါတယ်။

အဆိုပါ အလုပ်သမားများအနက် ၂၂ ဦးက စိုက်ပျိုးရေးနဲ့မွေးမြူရေးလုပ်ငန်းတွင် လုပ်ကိုင်ကြမှာဖြစ်ပြီး ၁၃၃ ဦးက ကုန်ထုတ်လုပ်သားအဖြစ်လုပ်ကိုင်ကြမှာဖြစ်ကြောင်း ထုတ်ပြန်ချက်မှာ ဖော်ပြထားပါတယ်။

ရောက်ရှိလာတဲ့ မြန်မာလုပ်သားများကို အလုပ်သမားသံအရာရှိကကြိုဆိုပြီး အလုပ်သမားများ သိရှိလိုက်နာသင့်တဲ့ အချက်များကို မှာကြားကာ လိုအပ်တာများ ကူညီပံ့ပိုးပေးခဲ့ကြောင်း သိရှိရပါတယ်။

ymg-mnn
#Yangon_Media_Group

#Health_Tips
Published 21 July 2022

သွေးပေါင်ချိန်ကျခြင်းက နှလုံးသွေးကြောလည်ပတ်မှုမှာ သိပ်ပြီးအန္တရာယ်မဖြစ်စေပေမယ့် မခံမရပ်နိုင်ခံစားရမှုတွေ ဖြစ်ပေါ်စေတတ်ပါတယ်။

သွေးကျခြင်းအခြေအနေကြုံတွေ့ရပါက သတိလစ်ခြင်း၊ ခေါင်းကိုက်ခြင်း၊ အမြင်ဝေဝါးခြင်း၊ မူးဝေခြင်း၊ အိပ်မပျော်ခြင်း၊ ပင်ပန်းနွမ်းနယ်ခြင်းစတဲ့ လက္ခဏာများခံစားရနိုင်ပါတယ်။

ဒီလိုသွေးကျလို့ဖြစ်တဲ့ လက္ခဏာတွေ ကြုံတွေ့လာရရင် သက်သာအောင်လုပ်ဖို့ နည်းလမ်းတွေ သိထားဖို့လိုအပ်ပါတယ်။

*ရေသည်သာအကောင်းဆုံး*
ဒီလိုအခြေအနေမျိုးမှာ ရေကအသင့်တော်ဆုံးဖြစ်နေပါတယ်။
အရည်တွေသောက်လိုက်တဲ့အခါ ခန္ဓာကိုယ်ထဲမှာ သွေးထုထည်ပမာဏများလာပါတယ်။

သောက်လိုက်တဲ့အရည်ထဲမှာ ဆိုဒီယမ်ပါဝင်မှုများတယ်ဆိုရင် သက်ရောက်မှုက နှစ်ဆအထိတက်သွားပါတယ်။

ဒါကြောင့် ရေဓာတ်ခန်းခြောက်ခြင်းမဖြစ်အောင် ရေပုံမှန်သောက်ပေးပါ။

*ဆား*
ဆားဟာ သွေးပေါင်ချိန်ကျခြင်းကို အလျင်အမြန်သက်သာစေပါတယ်။
အငန်ဓာတ်က သွေးတိုးခြင်းကိုဖြစ်စေပေမယ့် သွေးကျနေတဲ့သူမှာတော့ သွေးပေါင်ချိန်ကို အလျင်အမြန်တိုးစေပါတယ်။

ဒါပေမဲ့ အလွန်အကြူးတော့မဖြစ်ပါစေနဲ့၊ ဆားများလွန်းရင် သွေးခဲစေပြီး ရေရှည်မှာ ခန္ဓာကိုယ်ထဲအရည်တွေ ကျန်ရှိနေနိုင်ပါတယ်။

*အသီးအနှံများ*
အသီးအနှံစားသုံးခြင်းဖြင့် သွေးပေါင်ကျခြင်းကို သက်သာစေပေမယ့် အသီးအနှံ အားလုံးတော့မဟုတ်ပါဘူး။

မုန်လာဉနီနဲ့ မုန်လာဉဝါတို့မှာ သကြား၊ ဗိုက်တာမင်၊ ပရိုတိန်းဓာတ်များ ကောင်းစွာပါဝင်ပြီး သွေးပေါင်ချိန်ကိုထိန်းညှိပေးပါတယ်။

မနက်ပိုင်း ညနေပိုင်းတို့မှာ အစားမစားခင် ဖျော်ရည်အနေနဲ့သောက်သုံးနိုင်ပါတယ်။

ဒါ့အပြင် ပဲမျိုးစုံဟာလည်း ဗိုက်တာမင်-ဘီကြွယ်ဝစွာပါဝင်ပြီး သွေးပေါင်ချိန်ကျခြင်းအတွက် အသုံးပြုနိုင်ပါတယ်။

*အနားယူခြင်းနှင့် အကြောလျှော့ခြင်း*
သွေးပေါင်ချိန်ကျတဲ့အခါ အရေးကြီးဆုံးက အနားယူဖို့ပါပဲ။

သွေးကျတဲ့အခါ အလွန်အမင်းနွမ်းနယ်တာကြောင့် အထိရောက်ဆုံးနဲ့အလွယ်ကူဆုံးနည်းလမ်းက အနားယူလိုက်ပါ။

ခဏတာဖြစ်ဖြစ် အိပ်ပျော်အောင်အိပ်စက်သင့်ပါတယ်။

ဒါ့အပြင် အကြောလျှော့ခြင်းဖြင့် သွေးကျခြင်းကြောင့်ဖြစ်တတ်တဲ့ ကိုယ်ခန္ဓာမအီမသာဖြစ်ခြင်းကို သက်သာစေနိုင်ပါတယ်။

အိပ်နေရာကမထခင်မှာ အကြောလျှော့ခြင်း၊ ခြေထောက်နှိပ်နယ်ခြင်း၊ ခြေချောင်းများ လှုပ်ရှားခြင်းတို ပြုလုပ်သင့်ပါတယ်။

လေ့ကျင့်ခန်းအသင့်အတင့်လုပ်ခြင်းဖြင့်လည်း သွေးလည်ပတ်မှုကို ကောင်းမွန်စေပါတယ်။

Source: Soo Healthy
#Yangon_Media_Group

#Local_News
Published _ 21 July 2022

မွန်ပြည်နယ်အစိုးရအဖွဲ့၊ ပြည်နယ်ဝန်ကြီးချုပ် ဖလား(၁၀)မြို့နယ်၊ အသက်(၁၈)နှစ်အောက် အမျိုးသား၊ အမျိုးသမီး စစ်တုရင်ပြိုင်ပွဲ ဖွင့်ပွဲ အခမ်းအနားကို မော်လမြိုင်မြို့၊ ပြည်နယ်မိုးလုံလေလုံ အားကစားခန်းမ၌ ယမန်နေ့က ကျင်းပြုလုပ်ခဲ့ရာ ပြည်နယ်ဝန်ကြီးချုပ် ဦးဇော်လင်းထွန်း၊ မွန်ပြည်နယ်အစိုးရအဖွဲ့ဝင်ဝန်ကြီးများ၊ ပြည်နယ်အဆင့်ဌာနဆိုင်ရာများ၊ စစ်တုရင်အားကစားဝါသနာရှင်များ၊ ပြိုင်ပွဲဝင်အားကစားသမားများ တက်ရောက်ခဲ့ကြသည်။

ပြိုင်ပွဲအခမ်းအနားကို မွန်ပြည်နယ်ဝန်ကြီးချုပ်က မွန်ပြည်အတွင်း အားကစားကဏ္ဍဖွံ့ဖြိုးတိုးတက်ရေးအတွက် အားကစားနည်းအလိုက် အားကစားပြိုင်ပွဲများကို ကျင်းပပြုလုပ်ပေးရခြင်းဖြစ်ပြီး စစ်တုရင်ကစားခြင်းသည် ဦးနှောက်နှင့်ကိုယ်ပိုင်ဉာဏ်ကို မြင့်မားစေပြီး နည်းစနစ်တကျ တွေးခေါ်မြော်မြင်မှုစွမ်းရည်များ၌ မြင့်မားလာရေးကို များစွာ အထောက်အကူပြုကြောင်း၊ ယခုပြိုင်ပွဲမှ ထူးချွန်ထက်မြက်သည့် စစ်တုရင်အားကစားသမားများစွာ ပေါ်ထွက်ပြီး နိုင်ငံဂုဏ်ဆောင် အားကစားသမားများ ဖြစ်စေရေး ကြိုးပမ်းကြရန်ဖြစ်ကြောင်း ပြောကြားခဲ့သည်။

ယင်း စစ်တုရင်ပြိုင်ပွဲကို ဇူလိုင်လ ၂၀ ရက်မှ ၂၂ ရက်အထိ ကျင်းပပြုလုပ်သွားမည်ဖြစ်ပြီး စစ်တုရင်အားကစားနည်းဖြင့် မွန်ပြည်နယ်မှ လက်ရွေးစင် အားကစားသမားများ များစွာပေါ်ထွက် လေ့ရှိပြီး ၂၀၂၂ ခုနှစ်၊ တက္ကသိုလ်ဝင်စာမေးပွဲတွင် ရမှတ်(၅၅၁)မှတ်ဖြင့် တစ်နိုင်ငံလုံး၌ ဆဌမအဆင့်ရရှိသည့် မပန်းပြည့်သခင်သည်လည်း မွန်ပြည်နယ်မှ စစ်တုရင် လက်ရွေးစင်ကစားသမားတစ်ဦးဖြစ်ကြောင်း သိရှိရသည်။

ymg/NN
#Yangon_Media_Group

#World_Health
Published 21 July 2022

သွေးပြစ်နှုန်းမြင့်တဲ့ ကိုဗစ်လူနာတွေဟာ ကျန်းမာရေးအခြေအနေ ပိုမိုဆိုးရွားလာနိုင်ကြောင်း အမေရိကန်နှလုံးကောလိပ်ဂျာနယ်မှာ တနင်္လာနေ့က ဖော်ပြခဲ့ပါတယ်။

သွေးပြစ်နှုန်းက သွေးစီးဆင်းမှုဆန့်ကျင်ခြင်းကို ကိုယ်စားပြုပြီး သွေးပြစ်နှုန်းမြင့်မားခြင်းဖြင့် ခန္ဓာကိုယ်ထဲက သွေးကြောတွေထဲ လျင်မြန်ချောမွေ့စွာ သွေးစီးဆင်းနိုင်ခြင်းအပေါ် ဆိုးကျိုးသက်ရောက်စေပြီး သွေးခဲခြင်းနဲ့လည်း တိုက်ရိုက်ဆက်စပ်နေပါတယ်။

အဆိုပါ လေ့လာချက်က ကိုဗစ်ကြောင့်အသက်ဆုံးပါးခြင်းနဲ့ သွေးပြစ်နှုန်းတို့ကို ပထမဦးဆုံးအကြိမ်လေ့လာတာဖြစ်ပါတယ်။

သွေးပြစ်နှုန်းမြင့်မားတဲ့ ကိုဗစ်လူနာတွေဟာ သွေးပြစ်နှုန်းနည်းတဲ့လူနာတွေထက် အသက်သေဆုံးနိုင်ချေ ၆၀ ရာခိုင်နှုန်းပိုများကြောင်း သုတေသီများ တွေ့ရှိခဲ့ကြပါတယ်။

လူနာတွေ ဆေးရုံကိုရောက်တဲ့အခါ ဆရာဝန်တွေက သွေးထဲကပရိုတိန်းအမျိုးမျိုးကို တိုင်းတာစစ်ဆေးပေမယ့် သွေးပြစ်နှုန်းကိုတော့ သိပ်ပြီး စစ်ဆေးလေ့မရှိပါဘူး။

အဆိုပါ တွေ့ရှိချက်များအရ ဆေးရုံးဆေးခန်းများအနေနဲ့ လူနာ မှတ်တမ်းမှတ်ရာပြုစုရာမှာ သွေးပြစ်နှုန်းကိုလည်း ထည့်သွင်းစစ်ဆေးပြီး ကိုဗစ်လူနာများအသက်ရှင်နှုန်းပိုများအောင် ပြုလုပ်နိုင်ဖို့မျှော်လင့်နေကြပါတယ်။

"ပုံမှန်ဓာတ်ခွဲခန်းစမ်းသပ်မှုတွေကနေ သွေးပြစ်နှုန်းကို အလွယ်တကူစစ်ဆေးနိုင်ပြီး ဆေးရုံစတက်တဲ့အချိန်မှာ သွေးပြစ်နှုန်းစစ်ဆေးထားဖို့ အရေးကြီးပါတယ်၊ အန္တရာယ်များတဲ့ လူနာတွေမှာ အကောင်းဆုံးကုသမှုပေးနိုင်အောင် မျှော်လင့်နိုင်ပါတယ်၊ သွေးပြစ်နှုန်းမြင့်မားတဲ့လူနာတွေမှာ အကျိုးပြုနိုင်မယ့် ဟက်ပရင်သွေးကျဲဆေးဖြင့် ကိုဗစ်ရောဂါလူနာတွေမှာ ဘေးအန္တရာယ်လျှော့ချနိုင်မလားလို့ စစ်ဆေးနေပါတယ်" လို့ ဒေါက်တာ'ရိုဆင်ဆန်'က ပြောကြားခဲ့ပါတယ်။

Source: The Jerusalem Post
#Yangon_Media_Group

#World_Culture
Published 20 July 2022

တရုတ်နိုင်ငံအနောက်မြောက်ပိုင်း ရှန်ရှီပြည်နယ် ရှီယန်မြို့မှာရှိတဲ့ နှစ် ၂ ထောင်သက်တမ်းရှိ ရွှံ့စေးရုပ် တပ်မတော်ကြီးဟာ နိုင်ငံရဲ့သမိုင်းအတွင်ဆုံး ရှေးဟောင်းလက်ရာတွေထဲက တစ်ခုဖြစ်ပြီး ကမ္ဘာအနှံ့မှခရီးသွားဧည့်သည်များစွာကို နှစ်ပေါင်းများစွာတိုင်အောင် ဆွဲဆောင်ထားနိုင်ပါတယ်။

#Yangon_Media_Group

Published 20 July 2022

အနောက်ဥရောပတစ်ခွင်မှာ အပူလှိုင်းတွေရဲ့ ဒဏ်သင့်နေတဲ့အတွက် တောမီးတွေအကြီးအကျယ်လောင်ကျွမ်းလာစေ ပါတယ်။ ဗြိတိန်မှာ  ၄၀ ဒီဂရီစင်တီဂရိတ်အထိ ပထမဆုံးအကြိမ်အဖြစ် သမိုင်းမှာ စံချိန်ချိုးပြီးအပူချိန်မြင့်တက်ခဲ့ပါတယ်။

ယူကေရဲ့ အပူအိုက်ဆုံးညအဖြစ်စံချိန်တင်ပြီးတဲ့နောက် အင်္ဂလန်အရှေ့ပိုင်းမှာ နေ့အပူချိန်ဟာ ၄၀.၃ ဒီဂရီစင်တီဂရိတ်အထိစံချိန်ချိုးပူပြင်းခဲ့ပါတယ်။ ဒီလိုအပူချိန်မြင့်တက်ရတာဟာ ရာသီဥတုပြောင်းလဲခြင်းကြောင့်လို့ ပညာရှင်တွေက အပြစ်တင်ကြပါတယ်။ အဆိုးရွားဆုံးရောက်မလာသေးဘူးလို့လည်း သူတို့က သတိပေးကြပါတယ်။

တောမီးတွေလောင်ကျွမ်းနေတဲ့ အင်္ဂလန်တောင်ပိုင်း ကင့်န်က ဝင်နင်တန်ဒေသခံတွေက ကူးစက်နေတဲ့တောမီးတွေကနေ တိရိစ္ဆာန်တွေကို ကယ်တင်ဖို့ ရဲတွေက တံခါးးတွေကို ဘယ်လို ကန်ပြီးဖွင့်ခဲ့ကြရတယ်ဆိုတာကို ပြောပြကြပါတယ်။

ဂရပ်စ်လန်းကနေ စတင်လောင်ကျွမ်းခဲ့တဲ့‌ တောမီးကို မီးသတ်သမား ၁၀၀ခန့်နှင့် ငြှိမ်းသတ်ခဲ့ရတယ်လို့ လန်ဒန်မီးသတ်တပ်ဖွဲ့က ပြောပါတယ်။

ကျွန်မရဲ့ ဥယျဉ်ထဲမှာ နေပူစာလှုံနေတုန်း မီးခိုးလုံးကြီးတွေ လိပ်တက်လာတာကိုတွေ့လိုက်ရတယ်။ ကြည့်လိုက်တော့ ဝင်နင်တန်ဘေးမှာ မီးလောင်နေပြီ။ တစ်နာရီအတွင်းမှာ မီးတွေက ကျွန်မတို့အိမ်ဘက်ကို ပျံ့နှံ့လာနေပြီ။ အဲဒါကြောင့် မီးလောင်နေတဲ့ အိမ်ကိုပစ်ပြီးကွင်းထဲထွက်လာခဲ့ရတယ်။ ကျွန်မတို့ကားတွေကတော့ မီးထဲပါသွားပြီ။ သူတို့က ကျွန်မတို့ တံခါးတွေ ရိုက်ဖွင့်ပြီး တိရိစ္ဆာန်တွေကို ကယ်ထုတ်တယ်။ ကျွန်မတို့ကို အပြင်ဘက်ကယ်ထုတ်ပြီးပြီမို့ အဲဒီနေရာ ကျွန်မ ပြန်သွားလို့မရဘူး။ အခု ကျွန်မတိရိစ္ဆာန်လေးတွေပြန်ရပြီ။အခု  အိမ်အခြေအနေ နောက်ဆုံးသတင်းစောင့်နေတယ်လို့  အသက်၃၀ အရွယ် အိမ်ရှင်မ ဆီယာမီဒေါင်းက ပြောပါတယ်။

 “မြေတော်တော်များများက အမှိုက်တွေပေါ်မှာ ရှိနေတာလေ။အဲဒါကြောင့် အပူတွေမြင့်တက်လာတာနှင့် မီးထလောင်တော့တာပဲ။ ဒါပေမယ့် အဲဒီလောက်ကျွန်မတို့ဆီကပ်လာလိမ့်မယ်လို့တော့ ဘယ်တုန်းကမှ တွေးမထားဘူး လို့လည်း သူမကဆက်ပြောပါတယ်။

အလုပ်လက်မဲ့တစ်ဦးဖြစ်တဲ့ အသက်၅၄နှစ်အရွယ် ဒင်းနစ် ခရက်တာကလည်း “ ဒီလောက်အင်အားကြီးမားတာ အရွယ်အစားကြီးမားတာ ကျွန်တော် သတိကိုမထားမိလိုက်တာဗျ။ ဒါပေမယ့် တကယ်လည်းဖြစ်လာရော.. အိုသွားပြီ   သွားပြီ..တကယ့်ကိုသွားပြီ” လို့ ပြောပါတယ်။

အင်္ဂလန်ရဲ့ နေရာတော်တော်များများမှာ မြင့်မားတဲ့ အပူလှိုင်းတွေဟာ မမျှော်လင့်ဘဲ ကျရောက်ခဲ့ရပြီး   ကြိုတင်ကာကွယ်မှုယူတဲ့အနေနှင့် အချို့ ရထားလမ်းတွေ ပိတ်ပစ်လိုက်ကြပါတယ်။ ဒေသအချို့က ကျောင်းတွေလည်း ပိတ်ထားလိုက်ကြပါတယ်။ လက်ရှိအချိန်မှာတော့ ရထားတွေအားလုံးရပ်တန့်ထားလို့ အမြဲတမ်း လူတွေစည်ကားနေတဲ့ ကင်းခရော့ဘူတာရုံမှာ ခရီးသွားတွေ သောင်တင်နေကြရပါတယ်။

#Source_AFP

#UK_Heatwave

#UK_breaches_40C_for_first_time

#Climate_Change

#Local_News
Published_20 July 2022

ဒေါ်လာဈေး အတက်ကြမ်းလာတာကြောင့် မူဆယ်နယ်စပ်ကုန်သွယ်ရေးကနေ တရုတ်ပြည်ကိုတင်ပို့တဲ့ ပို့လုပ်ငန်းတွေ ရပ်သလောက် ဖြစ်သွားတယ်လို့ ကုန်သည်တွေက ပြောပါတယ်။

#Yangon_Media_Group