#Local_News
Published _ 26 October 2022

ဧရာဝတီတိုင်းဒေသကြီးအတွင်း မတ်ပဲဈေးနှုန်းတွေ အတက်အကျအနည်းငယ်နဲ့ ငြိမ်သက်မှုမရှိနေပဲ ပုံမှန်ဈေးတန်းတစ်ခုမှာသာရှိနေတယ်လို့ ကုန်စည်ဒိုင်တွေဆီကနေ သိရပါတယ်။

#Yangon_Media_Group

Published 26 October 2022

တရုတ်နိုင်ငံဟာ ဟိုက်ဒရိုဂျင်စွမ်းအင်ဖြင့်မောင်းနှင်နိုင်တဲ့ မျှဝေသုံး စက်ဘီးတွေကို  တောင်ပိုင်း ကွမ်တုံပြည်နယ် မြို့ တစ်မြို့မှာ စတင်အသုံးပြုနေပါတယ်။

ကမ္ဘာပေါ်မှာ အကြီးဆုံး ဟိုက်ဒရိုဂျင်ထုတ်လုပ်တဲ့ တရုတ်နိုင်ငံမှာ ဒေသအစိုးရတွေနှင့် ကုမ္ပဏီတွေက နိုင်ငံရဲ့ အစိမ်းရောင်စီးပွားရေးပြောင်းလဲဖို့ လုပ်ပိုင်ခွင့်ပေးနေတဲ့ ထွန်းသစ်စအခွင့်အလမ်းတွေကို ရယူပြီး ဖွံ့ဖြိုးစ ဟိုက်ဒရိုဂျင်စွမ်းအင်စက်မှုလုပ်ငန်းကို တိုးတက်အောင်‌ ဆောင်ရွက်နေကြတာကို တွေ့မြင်ကြရပါတယ်။

အဲဒီအထဲမှာ ကွမ်တုံပြည်နယ်ရဲ့ တောင်ပိုင်း ဖိုရှန်မြို့ကလေးဟာ အဲဒီစက်မှုလုပ်ငန်းမှာ ထိပ်ဆုံးကပြေးနေတဲ့နေရာတွေထဲက တစ်ခုဖြစ်ပါတယ်။

ဖိုရှန်ရဲ့ တန်ဇောင်းမြို့ကလေးမှာ ဟိုက်ဒရိုစက်ဘီးတွေဟာ မျှဝေသုံးစက်ဘီးတွေအဖြစ် လမ်းတွေပေါ်မှာ ဓာတ်ငွေ့ထုတ်လုပ်မှုနှင့် လေထုတ်ညစ်ညမ်းမှုကို လျှော့ချပေးနိုင်တဲ့ ယာဉ်အဖြစ် စီးနင်းနေကြပါတယ်။

“ ဒီအတွင်းထဲမှာ ဟိုက်ဒရိုဂျင်ဗူးကလေးရှိတယ်။ အဲဒီကနေ ဟိုက်ဒရိုဂျင်တွေထုတ်ပေးပြီး ပါဝါဘောက်စ်ထဲ ရောက်သွားတယ်။ ပါဝါဘောက်စ်ကနေ  လျှပ်စစ်ဓာတ်ထုတ်လုပ်ပေးပြီး မော်တာကိုမောင်းနှင်ပေးတယ်။ လုပ်ငန်းစဉ်တစ်ခုလုံးဟာ ဓာတ်ငွေ့ထုတ်လုပ်မှုနှင့် လေထုညစ်ညမ်းမှု သုညပါ” လို့ ဟိုက်ဒရိုဂျင်စက်ဘီးတွေ ထုတ်လုပ်တဲ့ ပုလဲ ဟိုက်ဒရိုဂျင်နည်းပညာကုမ္ပဏီရဲ့ အထွေထွေမန်နေဂျာ ရှီးထောင်က ပြောပါတယ်။

မျှဝေသုံး ဟိုက်ဒရိုဂျင်စက်ဘီးတွေတည်ဆောက်ဖို့ လိုအပ်တဲ့ နည်းပညာက ပင်မအခက်အခဲကြီးမဟုတ်ပါဘူး။ ရှီရဲ့ရည်မှန်းချက်က ပတ်ဝန်းကျင်ထိခိုက်နစ်နာမှုကို အပေးအယူလုပ်စရာမလိုတဲ့ ဈေးနှုန်းသက်သာတဲ့ စက်ဘီးတွေ ထုတ်လုပ်ဖို့ပဲဖြစ်ပါတယ်။

“ ဒီလိုစက်ဘီးမျိုးလုပ်ရတာ ကျွန်တော်တို့အတွက် အခက်အခဲမရှိပါဘူး။ ဒါပေမယ့် ဒါပေမယ့် ဈေးကွက်ကလက်ခံတဲ့ စက်ဘီးတွေကို ကျွန်တော်တို့ထုတ်လုပ်လိုပါတယ်။ဆိုလိုတာက ပတ်ဝန်းကျင်ထိန်းသိမ်းရေးကို ဖြစ်စေပြီး ဈေးနှုန်း သက်သာတဲ့ စက်ဘီးမျိုးဖြစ်ပါတယ်” လို့ သူကပြောပါတယ်။

တန်ဇောင်းမြို့ကလေးမှာ ဟိုက်ဒရိုဂျင် စွမ်းအင်စက်မှုလုပ်ငန်းတွေ သီးသန့်ဆောင်ရွက်ဖို့အတွက် ၄၈ စတုရန်းကီလိုမီတာ ဧရိယာတစ်ခုသတ်မှတ်ပေးထားပါတယ်။

အဲဒီနေရာကို ရှန်ဟူး ဟိုက်ဒရိုဂျင်တောင်ကြားလို့ အမည်ပေးထားပြီး အဲဒီနေရာဟာ စက်ဘီး နှင့်ရင်းနှီးကျွမ်းဝင်တဲ့ ဇုန် ဖြစ်ပါတယ်။ ဟိုက်ဒရိုဂျင်စွမ်းအင် ဖွံ့ဖြိုးတိုးတက်ရေးအတွက် ဆီလီကွန်တောင်ကြားတစ်ခု ဖြစ်လာစေဖို့ မျှော်မှန်း ထားပါတယ်။ အဲဒီနေရာမှာ ဟိုက်ဒရိုဂျင်စွမ်းအင်သုံး လမ်းတံမြက်လှည်းကား၊ ဟိုက်ဒရိုဂျင်ငွေ့ရည်ဖြည့် စတေရှင်တွေနှင့် မျှဝေသုံးစက်ဘီးတွေကို နေရာအနှံ့တွေ့ကြရပါတယ်။

ယခုထက်ထိ ရှန်ဟူး ဟိုက်ဒရိုဂျင်တောင်ကြားမှာ ဟိုက်ဒရိုဂျင်နှင့်ဆက်စပ်တဲ့ အဖွဲ့အစည်းပေါင်း ၄၀ကျော်က ဟိုက်ဒရိုဂျင်ဆက်စပ် ပစ္စည်းတွေထုတ်လုပ်နေကြပြီး အဲဒီနယ်ပယ်ကို သိပ္ပံသုတေသနလုပ်ငန်းတွေလည်း လုပ်ဆောင်နေကြပါတယ်။

“ လက်ရှိမှာ ရှန်ဟူး ဟိုက်ဒရိုဂျင်တောင်ကြားဟာ ဟိုက်ဒရိုဂျင်စွမ်းအင် စက်မှုလုပ်ငန်းကွင်းစက်ကြီးတစ်ခုလုံး ဖွံ့ဖြိုးတိုးတက်ရေးစုစည်းထားတာပါ။ ကျွန်တော်တို့ရဲ့ ရည်မှန်းချက်က ဒီနေရာကို ဟိုက်ဒရိုဂျင်စွမ်းအင်အတွက် သရုပ်ပြဇုန်တစ်ခုအဖြစ်နှင့်ရော၊  အဆင့်မြင့် စက်မှုလုပ်ငန်းပေါင်းစုအခြေစိုက်နေရာတစ်ခုအဖြစ်နှင့်ပါ တည်ဆောက်ဖို့ဖြစ်ပါတယ်” လို့ တန်ဇောင်းမြို့ရဲ့ ဒုတိယမြို့တော်ဝန် လီကျုန်းရှန်းက ပြောပါတယ်။

Source: CCTV+

#Hydrogen_Bike

#China_ Guangdong

#Xianhu_Hydrogen_Valley

#Local-News
Published_26 October 2022

ပြည်တွင်းရွှေဈေးကွက်အတွင်း ဝယ်လိုအားထက်ရောင်းလိုအားက ပိုများနေတယ်လို့ ရန်ကုန်တိုင်းရွှေလုပ်ငန်းရှင်များအသင်းမှ ဥက္ကဋ္ဌ ဦးမျိုးမြင့်က ပြောပါတယ်။

#Yangon_Media_Group

#Local_News
Published_ 26 October 2022

နိုဝင်ဘာလ(၈)ရက်မှာ လကြတ်ဖို့ရှိပြီး လကြတ်တာကို မြန်မာနိုင်ငံက အပြည့်မြင်နိုင်မှာဖြစ်တယ်လို့ မြန်မာနိုင်ငံသဘာဝနက္ခတ်ဗေဒပညာသင်တန်းကျောင်း၊ ကျောင်းအုပ်ဆရာမကြီးပါရဂူဒေါက်တာဒေါ်ကြည်ကြည်စိန်က ပြောပါတယ်၊၊

#Yangon_Media_Group

#DailyNews
Published _ 26 October 2022

၁။ နိုဝင်ဘာလ(၈)ရက်တွင် လကြတ်မည်၊ လကြတ်ခြင်းကို မြန်မာနိုင်ငံက အပြည့်မြင်နိုင်မည်

၂။ ရွှေဈေးကွက်အတွင်း ဝယ်လိုအားထက် ရောင်းလိုအား ပိုများနေ

၃။ တစ်ပတ်အတွင်း မတ်ပဲဈေးနှုန်းများအတက်အကျငြိမ်သက်မှု မရှိဘဲ ပုံမှန်ဈေးဖြင့်သာရှိနေ

၄။ ကိုဗစ်ကပ်ရောဂါကြောင့် ပိတ်ခဲ့ရသည့် ဖိလစ်ပိုင်ကြက်တိုက်ပွဲများ ပြန်လည်ကျင်းပလာ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Local_News
PUBLISHED _26 OCTOBER 2022

မီးလောင်မှုဖြစ်စဉ်တွေအတွက် အရင်တုန်းကတော့ 191 ကို ဖုန်းခေါ်ဆိုပြီးတော့ သတင်းပို့တာတွေ ရှိခဲ့တာကနေ လူတိုင်းလူတိုင်း မိုဘိုင်းဖုန်းတွေ အသုံးပြုနေကြပြီဖြစ်လို့ မြန်မာနိုင်ငံ မီးသတ်တပ်ဖွဲ့အနေနဲ့ 191 report အပလီကေးရှင်းကို အသုံးပြုနိုင်အောင် လုပ်ဆောင်ခဲ့ပါတယ်။

#Yangon_Media_Group

#Local_News
Published_26 October 2022

မန္တလေးမြို့မြရည်နန္ဒာအိမ်ရာ မမ -၂၆၊ တိုက်-၁၄ ပေါ်က အမျိုးသမီးတစ်ဦး ခုန်ချသေဆုံးမှု ယနေ့ အောက်တိုဘာလ ၂၆ ရက် က ဖြစ်ပွားခဲ့ကြောင်း မြရည်နန္ဒာလူမှုကယ်ဆယ်ရေးအဖွဲ့က သိရသည်။

"ဒီနေ့မနက်ကပဲ မြရည်နန္ဒာတိုက်တန်းမမ၂၆တိုက်၁၄မှာအမျိုးသမီးတစ်ယောက် တိုက်ပေါ်ကခုန်ချတယ်လို့ ဖုန်းဆက်လာလို့ သွားရောက်ကူညီပေးခဲ့တာ၊ မန္တလေးဆေးရုံကြီးကို ပို့တဲ့အခါလမ်းမှာပဲ ဆုံးသွားပါတယ်"ဟု အဆိုပါ လူမှုကယ်ဆယ်ရေးအဖွဲ့ တာဝန်ရှိသူကပြောသည်။

ပြီးခဲ့သည့် စက်တင်ဘာလ ၂၁ ရက်ကလည်းမန္တလေးမြို့၊ ချမ်းမြသာစည်မြို့နယ်၊ မြရည်နန္ဒာအိမ်ရာ၊ မမ ၁၆၊ တိုက်၉အတွင်း အမျိုးသမီး‌တစ်ဦး ဒဏ်ရာများဖြင့် သေဆုံးခဲ့သည့် ဖြစ်စဉ် ရှိခဲ့ကြောင်းလည်း သိရသည်။

#ymg/mt
#Yangon_Media_Group

#Local_News
Published_26 October 2022

အောက်တိုဘာလ ၁ ရက်မှ ၂၅ ရက်အတွင်း တောင်ကိုရီးယားနိုင်ငံသို့ အစိုးရပြည်ပအလုပ်အကိုင် အေဂျင်စီမှ တစ်ဆင့် EPS စနစ်ဖြင့် အလုပ်သမား စုစုပေါင်း ၉၉၇ ဦး တရားဝင် ပို့ဆောင်ထားကြောင်း အလုပ်သမားညွှန်ကြားရေးဦးစီးဌာန၏ စာရင်းများကို အခြေခံ၍ ဆိုးလ်မြို့ မြန်မာသံရုံးက ထုတ်ပြန်ထားသည်။

အောက်တိုဘာလ ၄ ရက်တွင် လုပ်သားသစ် ၁၂၈ ဦး၊ ၆ ရက်တွင် လုပ်သားသစ် ၁၂၄ ဦး၊ ၁၁ ရက်တွင် လုပ်သားသစ် ၁၂၀ ဦး၊ ၁၃ ရက်တွင် လုပ်သားသစ် ၁၄၈ ဦး ၊ ၁၈ ရက်တွင် လုပ်သားသစ် ၁၅၀ ဦး ၊ ၂၀ ရက်တွင် လုပ်သားသစ် ၁၇၈ ဦး နှင့် ၂၅ ရက်တွင် လုပ်သားသစ် ၁၄၈ ဦး စုစုပေါင်း ၉၉၇ ဦး ပို့ဆောင်ပေးထားခြင်းဖြစ်ကြောင်း ယင်းထုတ်ပြန်ချက်တွင် ဖော်ပြထားသည်။

ယင်းအပင် အစိုးရပြည်ပအလုပ်အကိုင်အေဂျင်စီ (POEA) ၏ ထုတ်ပြန်ချက်တွင် မြန်မာ လုပ်သားဟောင်း ၅၀ ကျော် နှင့် ကုန်ထုတ်လုပ်သားသစ် ၈၀ ကျော်ကို လာမည့် နိုဝင်ဘာလဆန်းတွင် စေလွှတ်သွားမည်ဖြစ်ကြောင်းလည်း ဖော်ပြထားသည်။

တောင်ကိုရီးယားနိုင်ငံသို့ သွားရောက်အလုပ်လုပ်ကိုင်သည့် အလုပ်သမားအများစုအနေဖြင့် ကုန်ထုတ်လုပ်ငန်း၊ စိုက်ပျိုးရေးနှင့် မွေးမြူရေး လုပ်ငန်းများတွင် လုပ်ကိုင်နေကြကြောင်း သိရသည်။

#ymg/sth
#Yangon_Media_Group

#Local_News
Published_26 October 2022

ယခုနှစ်တွင် အကျိုးတူလယ်ယာစနစ်ဖြင့် နွေစပါးနှင့်ပဲတီစိမ်းစိုက်ပျိုးအကောင်အထည်ဖော်ရေးအတွက် ဆောင်ရွက်လိုသည့် ကုမ္ပဏီနှင့် အသင်းအဖွဲ့များကို ဖိတ်ခေါ်ထားကြောင့် စိုက်ပျိုးရေးဦးစီးဌာနကသိရသည်။

၂၀၂၂-၂၀၂၃ ဘဏ္ဍာနှစ်တွင် နွေစပါးသီးနှံနှင့် ဆောင်းပဲတီစိမ်းသီးနှံကို အကျိုးတူလယ်ယာစနစ်ဖြင့် ဆောင်ရွက်ရေးအတွက် စိုက်ပျိုးရေးဦးစီးဌာနအနေဖြင့် မြန်မာနိုင်ငံဆန်စပါးအသင်းချုပ်၊ မြန်မာနိုင်ငံပဲမျိုးစုံ၊ ပြောင်းနှင့် နှမ်းကုန်သည်များအသင်း၊ မြန်မာနိုင်ငံ မြေသြဇာ၊ မျိုးစေ့နှင့်စိုက်ပျိုးရေးဆေးလုပ်ငန်းရှင်များအသင်းတို့နှင့် ညှိနှိုင်း၍ အထက်ပါအတိုင်း ဖိတ်ခေါ်လိုက်ခြင်းလည်း ဖြစ်သည်။

အကျိုးတူလယ်ယာစနစ်ဆောင်ရွက်လိုသည့်ကုမ္ပဏီ၊အသင်းအဖွဲ့ များအနေဖြင့် အဆိုပါရုံးများထံသို့ ဆက်သွယ်ဆောင်ရွက်ကြရန် အသိပေးထားပြီး ဖြစ်ကြောင်းလည်း သိရသည်။

ရန်ကုန်တိုင်းဒေသကြီးအတွင်းတွင် ပဲတီစိမ်းဧက ၂ သိန်း ခန့်ကို အကျိုးတူလယ်ယာစနစ်ဖြင့် ဆောင်ရွက်မည်ဖြစ်ကြောင်း စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန က သိရသည်။

မြန်မာတစ်နိုင်ငံလုံးတွင် ယခုနှစ်တွင် နွေစပါးဧက ၈သိန်းခွဲ နှင့် ဆောင်းပဲတီစိမ်းဧက၅ သိန်းအတွက် တောင်သူများ သွင်းအားစုအသုံးပြုနိုင်ရေးချေးငွေများ ထောက်ပံ့ပေးသွားမည်ဖြစ်ကြောင်း၊ ယင်းအပြင် လယ်ယာကဏ္ဍနှင့် ပတ်သက်သည့် ကုန်စည်လိုင်းအရေအတွက် ၇ဝ ကိုလည်း သွင်းကုန်လိုင်စင်လျှောက်ထားရန်မလိုဘဲ ယခုနှစ် စက်တင်ဘာလ ၁ ရက်မှ စတင်၍ တင်သွင်းခွင့်ပြုခဲ့ကြောင်း စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ ကုန်သွယ်ရေး ဦးစီးဌာနမှ အသိပေးထုတ်ပြန်ထားသည်။

#ymg/sth
#Yangon_Media_Group

#Local_News
Published _ 26 october 2022

ဒဂုံမြို့သစ်(တောင်ပိုင်း)နှင့် သင်္ကန်းကျွန်းမြို့နယ်ကို ဆက်သွယ်ထားသည့် အမှတ်(၂)ကမာကြည်တံတားပေါ်က ပြီးခဲ့သည့် အောက်တိုဘာလ ၂၄ ရက်တွင် အမျိုးသမီးငယ်တစ်ဦး ခုန်ချသွားခဲ့သည့်ဖြစ်စဉ်တစ်ခု ဖြစ်ပွားခဲ့သည်။

အဆိုပါ အမျိုးသမီးငယ်ကို လူမှုကူညီရေးအဖွဲ့များက ရှာဖွေခဲ့ကြရာ ယနေ့ အောက်တိုဘာလ ၂၆ရက် နေ့လယ်ပိုင်းကရုပ်အလောင်းကို တွေ့ရှိခဲ့ကြောင်း စေတနာ ဘက်စုံပရဟိတ လူငယ်အသင်းက သိရသည်။

ယင်းအမျိုးသမီးငယ်မှာ အသက်၂၀နှစ်ခန့် အရွယ်ကုမ္ပဏီဝန်ထမ်းတစ်ဦး ဖြစ်ကြောင်း၊ တံတားပေါ်ကခုန်ချသည့်နေ့က ၎င်းတွင်ပါလာသည့် ပစ္စည်းများကို အမှတ်(၂) ကမာကြည်တံတား၏ လျှောက်လမ်းတွင်အမျိုးသမီးကိုင် စလင်းဘတ်အမဲရောင် ၁ လုံး၊ ပိုက်ဆံအချို့ ၊ မိတ်ဆက်လိပ်စာကတ်အချို့၊ တယ်လီဖုန်းနှင့် နားကြပ်ဗူးတို့ကို ချထားခဲ့ကြောင်း သိရသည်။

ပြီးခဲ့သည့် စက်တင်ဘာလ ၁၄ ရက်ကလည်း သင်္ဃန်းကျွန်းမြို့နယ်နှင့် သာကေတမြို့နယ်ကို ဆက်သွယ်ထားတဲ့ ကမာကြည်တံတားပေါ်က အမျိုးသား ၁ ဦးခုန်ချ သေဆုံးမှု ဖြစ်ပွားခဲ့သေးသည်။

#ymg/NN
#Yangon_Media_Group

#Local_News
Published _ 26 October 2022

မြန်မာတစ်နိုင်ငံလုံးရှိ လမ်းညွှန်း၊ လမ်းအမှတ်အသားနှင့်အချက်ပြများကို တစ်ပြေးညီသတ်မှတ်မည်ဖြစ်ကြောင်း အောက်တိုဘာလ ၂၅ ရက်က ပို့ဆောင်ရေးနှင့် ဆက်သွယ်ရေး ဝန်ကြီးဌာန အစည်းအဝေးမှတ်တမ်းများအရ သိရသည်။

လက်ရှိတွင် အချို့ဒေသများတွင် လမ်းညွှန်းလမ်းအမှတ်အသားဆိုင်ရာ ကွဲလွဲအသုံးပြုမှုများ ရှိနေကြောင်း၊ လူကူးမျဉ်းကျားနှင့် လမ်းပိုင်းများတွင် အသုံးပြုနေသော ဆေးရောင်များမှာ သတ်မှတ်ညွှန်ကြားချက်နှင့်အညီ တစ်ပြေးညီဖြစ်ရန်လိုအပ်နေကာ လမ်းဘေးပလက်ဖောင်းများမှာလည်း လူသွားရန်လုံလောက်သည့် သတ်မှတ်အကျယ်အဝန်းရှိရန် လိုအပ်နေကြောင်းလည်း သိရသည်။

ယင်းကြောင့်မြန်မာတစ်နိုင်ငံလုံးရှိ လမ်းညွှန်းများ၊ လမ်းအမှတ်အသားများနှင့် အချက်ပြများကို တစ်ပြေးညီဖြစ်စေရန် တိုင်းဒေသကြီး၊ပြည်နယ် ကြီးကြပ်ရေးအဖွဲ့များက လုပ်ဆောင်ကြမည် ဖြစ်ကြောင်းလည်း သိရသည်။

"လမ်းတွေကို မြေပြင်မှာလက်တွေ့ အကောင်အထည်ဖော် စီမံခန့်ခွဲနေကြတဲ့ ဌာနတွေ အပါအဝင် သက်ဆိုင်ရာ မြို့တော်စည်ပင် သာယာရေး ကော်မတီတွေကပဲ လမ်းညွှန်း၊ လမ်းအမှတ်အသားနဲ့ အချက်ပြသတ်မှတ်ချက်တွေကို ရေးဆွဲပြီး စိုက်ထူကြမှာ ဖြစ်ပါတယ်"ဟု YCDC တာဝန်ရှိသူက ပြောသည်။

မြန်မာနိုင်ငံတွင် မော်တော်ယာဉ်ဆိုင်ရာ ကြီးကြပ်ထိန်းသိမ်းမှုများ ဆောင်ရွက်နိုင်ရန် ယာဉ်အန္တရာယ်ကင်းရှင်းရေးနှင့် မော်တော်ယာဉ်စီမံခန့်ခွဲမှု ဥပဒေ (၂၀၂၀) ကို ၂၀၂၀ ပြည့်နှစ် မေလ ၂၆ ရက်တွင်လည်းကောင်း၊ ယာဉ်အန္တရာယ် ကင်းရှင်းရေးနှင့် မော်တော်ယာဉ်စီမံခန့်ခွဲမှု နည်းဥပဒေများကို ၂၀၂၂ ခုနှစ် ဇန်နဝါရီလ ၁၉ ရက်တွင်လည်းကောင်း၊ လမ်းညွှန်းများ၊ လမ်းအမှတ်အသားများနှင့် အချက်ပြများဆိုင်ရာ ညွှန်ကြားချက်ကို ၂၀၂၂ ခုနှစ် ဇန်နဝါရီလ ၂၁ ရက်တွင်လည်းကောင်း ပြဋ္ဌာန်းထုတ်ပြန်ဆောင်ရွက်ခဲ့ပြီး ဖြစ်ကြောင်းလည်း သိရသည်။

မြန်မာနိုင်ငံအနေဖြင့် 1968 Vienna Convention on Road Traffic နှင့် Road Signs & Signals သို့ အဖွဲ့ဝင်နိုင်ငံအဖြစ် ဝင်ရောက်ခဲ့ပြီးဖြစ်၍ လက်ရှိထုတ်ပြန် ကျင့်သုံးလျက်ရှိသော လမ်းညွှန်းများ၊ လမ်းအမှတ်အသားများနှင့် အချက်ပြများမှာလည်း Vienna Convention ၏ ပြဋ္ဌာန်းချက်များနှင့် ညီညွတ်ပြီးဖြစ်ကြောင်း သိရသည်။

ယခုအခါ အမျိုးသား ယာဉ်အန္တရာယ်၊ လမ်းအန္တရာယ်ကင်းရှင်းရေးကောင်စီ (National Road Safety Council- NRSC) အနေဖြင့် National Road Safety Action Plan (2021-2030) ကို အကောင်အထည်ဖော် ဆောင်ရွက်လျက်ရှိရာ ယင်း Action Plan တွင်လည်း လမ်းညွှန်း၊ လမ်းအမှတ်အသား၊ အချက်ပြနှင့်သက်ဆိုင်သည့် လုပ်ငန်းစဉ် (၂) ရပ်ပါဝင်ထားကြောင်း သိရသည်။

#ymg/mt
#Yangon_Media_Group

Published 26 October 2022

ကမ္ဘာ့အညစ်ပတ်ဆုံးလူသားလို့ အမည်ပြောင်ပေးခံထားရတဲ့ အီရန်တပသီတစ်ဦးဟာ ရာစုနှစ် တစ်ဝက်ကျော် ရေမချိုးပဲ ကျန်းကျန်းမာမာ နေလာပြီးနောက် အသက်၉၄နှစ်အရွယ်မှာ ကွယ်လွန်သွားတယ်လို့ အီရန်နိုင်ငံပိုင်မီဒီယက သတင်းဖော်ပြပါတယ်။

အာ‌မိုးဟာဂျီလို့ အမည်ရတဲ့ အဲဒီအဖိုးအိုဟာ ပြီးခဲ့တဲ့ တနင်္ဂနွေနေ့က ဖားစ်ပြည်နယ်တောင်ပိုင်း ဒက်ဂါးရွာကလေးမှာ ကွယ်လွန်ခဲ့တာလို့ အာနာသတင်းအေဂျင်စီက သတင်းထုတ်ပြန်ပါတယ်။

မီးသွေးအုတ်တွေကာရံထားတဲ့ တင်းပုတ်ကလေးထဲမှာ နေထိုင်ပြီး ကျပ်ခိုးတွေနှင့်ပေကျံနေတဲ့ ဟာဂျီဟာ ရေ ဒါမှမဟုတ် ဆပ်ပြာရေနှင့်‌ ရေမချိုးဘဲနေခဲ့တာ နှစ်ပေါင်း ၆၀ကျော်ခဲ့ပြီလို့ ဒေသခံမီဒီယာတွေကရေးပါတယ်။  သူဟာ ငယ်ရွယ်စဉ်တုန်းက စိတ်ပိုင်းဆိုင်ရာ ထိခိုက်မှုတစ်ခုကြောင့် ရေချိုးဖို့ကို ငြင်းဆန်ခဲ့တာဖြစ်ပါတယ်။

ဟာဂျီဟာ လမ်းပေါ်မှာ ကားတိုက်ခံရလို့ သေသွားတဲ့ တိရိစ္ဆာသားတွေကိုစားပြီး တိရစ္ဆာန် မစင်တွေဖြည့်ထားတဲ့ ဆေးတံကို သောက်ပါတယ်။သူက သန့်ရှင်းသွားရင် သူသေသွားလိမ့်မယ်လို့ ယုံကြည်ထားသူဖြစ်ပါတယ်။ သူဟာ ဓာတ်ပုံတွေထဲမှာ စီးကရက်ပေါင်းစုံကို ချက်ခြင်းသောက်ပြတာ တွေ့နိုင်ပါတယ်။

ဒါပေမယ့် ပြီးခဲ့တဲ့ လအနည်းငယ်ကတော့ ရွာသားတွေက သူ့ကို ပထမဆုံးအကြိမ် ရေချိုးဖို့ ဖျောင်းဖြနိုင်ခဲ့ကြပါတယ်လို့  အာနာသတင်းက ရေးသားပါတယ်။

ဟာဂျီသေဆုံးသွားပြီးနောက်  အိန္ဒိယလူမျိုးတစ်ဦးဟာလည်း သူ့လိုဘဲ ဘဝအချိန်အများစုမှာရေမချိုးဘဲနေထိုင်ခဲ့တာကို တွေ့ရှိခဲ့ကြပါတယ်။

ဗာရာဏသီမြို့ပြင်ဘက် ရွာကလေးတစ်ရွာက ကာလောဆင်းလို့ခေါ်တဲ့ အဲဒီအိန္ဒိယအမျိုးသားဟာ ရေမချိုးဘဲနေခဲ့တာ အနှစ် ၃၀ကျော်ရှိပါပြီ။ သူက တိုင်းပြည်မှာတွေ့ရတဲ့ ပြဿနာတွေကို ကျော်လွှားအဆုံးသတ်အောင်ကူညီဖို့လို့ ပြောပါတယ်။

သူက ရေချိုးတာကို ပယ်ချပြီး မီးချိုးတာကို သဘောကျပါတယ်။  “ ရွာသားတွေ စုဝေးကြတဲ့ညနေခင်းတိုင်းမှာ ကာလောဟာ မီးပုံရှို့တယ်၊ ဆေးခြောက်ကိုရှုတယ်။ပြီးတော့ သီဝနတ်ဘုရားကို ပူဇော်ကန်တော့တယ်လို့  ဟင်ဒူစတန်တိုင်းမ်သတင်းစာက‌ရေးပါတယ်။

“ ရေနှင့်ရေချိုးသလိုပါပဲ။ မီးနှင့်ချိုးရတာဟာ ခန္ဓာကိုယ်မှာရှိတဲ့ ရောဂါပိုးတွေနှင့် ကူးစက်ရောဂါတွေကို သေစေပါတယ်” လို့ ဆင်းက ဆက်ပြောပါတယ်။

Source: The Guardian

#Amou_Haji

#world’s_dirtiest_man

#Iran_ Dejgah