Published 8 Jan 2023

ဩစတြေလျနိုင်ငံသား မစ္စတာ ရှောင်တာနယ်လ် Mr. Sean Turnell အပေါ် ပြစ်ဒဏ်လွတ်ငြိမ်းခွင့်ကို ပယ်ဖျက်လိုက်တယ်လို့ နစက အစိုးရက ပြီးခဲ့တဲ့ ၂၀၂၂ခုနှစ် ဒီဇင်ဘာ (၆)ရက်နေ့က အမိန့်ထုတ်ပြန်ကြေညာခဲ့ကြောင်းသိရှိရပါတယ်။

အဆိုပါအမိန့်အမှတ် ၇၉/၂၀၂၂ ထဲမှာ ၂၀၂၂ခုနှစ်နိုဝင်ဘာလမှာ ပြစ်ဒဏ်မှလွတ်ငြိမ်းခွင့်ပြုခဲ့တဲ့ Mr. Sean Turnell ဟာ   ပြစ်ဒဏ်မှ လွတ်ငြိမ်းခွင့်ပြုပြီးနောက် ကျန်ရှိနေသည့် ပြစ်ဒဏ် ကာလမစေ့မီအတွင်း ၎င်း၏လူမှုကွန်ရက်စာမျက်နှာများတွင် လည်းကောင်း၊ သတင်းမီဒီယာများနှင့် ဆက်သွယ်ပြောကြားရာတွင်လည်းကောင်း မြန်မာနိုင်ငံနှင့်ပတ်သက်၍ မဟုတ်မမှန်ရေးသားဖော်ပြခြင်း၊ ပြောဆိုခြင်းများသည် ၎င်းအား ပြစ်ဒဏ်လွတ်ငြိမ်းခွင့်ပေးစဉ်က သတ်မှတ်ထားသည့် စည်းကမ်းချက်များကို ဖောက်ဖျက်ရာရောက်ကြောင်း တွေ့ရှိရတယ်လို့ ဖော်ပြပါရှိပါတယ်။

နစက ဥက္ကဋ္ဌသည် မြန်မာနိုင်ငံ၏ တည်ဆဲဥပဒေများအရ ပြစ်ဒဏ် ကျခံလျက်ရှိသော ဩစတြေးလျနိုင်ငံသား Mr. Sean Turnell အား နှစ်နိုင်ငံဆက်ဆံရေးကို ရှေးရှုသော အားဖြင့်လည်းကောင်း၊ လူသားချင်းစာနာထောက်ထားမှုကို အလေးထားသောအားဖြင့်လည်းကောင်း ၂၀၂၂ ခုနှစ်၊ နိုဝင်ဘာလ ၁၇ ရက်နေ့တွင် နိုင်ငံတော်စီမံအုပ်ချုပ်ရေးကောင်စီ၏ အမိန့်အမှတ် ၇၄/၂၀၂၂ ဖြင့် နောက်တစ်ကြိမ်ပြစ်မှုထပ်မံကျူးလွန်ပါက ၎င်းပြစ်ဒဏ်အပြင် ယခုကျခံရန်ကျန်ရှိသော ပြစ်ဒဏ်များကိုပါ ဆက်လက်ကျခံပါမည် ဟူသော စည်းကမ်းသတ်မှတ်ချက်ဖြင့် ကျခံရန်ကျန်ရှိနေသည့် ပြစ်ဒဏ်များကို လွတ်ငြိမ်းခွင့်ပြုခဲ့တာဖြစ်တယ်လို့လည်း အဆိုပါ အမိန့် ၇၉/၂၀၂၂ က ဆိုပါတယ်။

အဲဒါကြောင့်  ဩစတြေးလျနိုင်ငံသား Mr. Sean Turnell အား နစကရဲ့ အမိန့်အမှတ် ၇၄/၂၀၂၂ ဖြင့် ပြစ်ဒဏ်လွတ်ငြိမ်းခွင့်ပေးခဲ့ခြင်းကို ရာဇဝတ်ကျင့်ထုံးဥပဒေပုဒ်မ ၄၀၁၊ ပုဒ်မခွဲ (၃) အရ ပယ်ဖျက်လိုက်တယ်လို့ အမိန့်ထုတ်ပြန်ထားတာဖြစ်ပါတယ်။

ဒေါ်အောင်ဆန်းစုကြည်ရဲ့ စီးပွားရေးအကြံပေးလုပ်ခဲ့တဲ့ ပါမောက္ခရှောင်တာနယ်ဟာ  နိုင်ငံတော်လျှို့ဝှက်ချက်ဥပဒေနှင့် ပြစ်ဒဏ်စီရင်ခဲ့ပြီးနောက် ပြီးခဲ့တဲ့နှစ်၂၀၂၂ခုနှစ် နိုဝင်ဘာလမှာ အကျဉ်းထောင်ကနေ နစက ဥက္ကဋ္ဌရဲ့ လွတ်ငြိမ်းအမိန့်အရ ထောင်မှလွတ်မြောက်လာသူဖြစ်ပါတယ်။

ymg/knl

#Sean_Turnell

#Myanmar_Politics

#TV Yangon Times Matters အစီအစဉ်
Published - 8 Jan 2023

အစီအစဉ်တင်ဆင်သူ ဆရာဟိန်းလတ်က ဦးမျိုးသော် ဥက္ကဌ(အနော်ရထာပန်းချီပြခန်း) Chairman of Milky Way Group နှင့် အတူ

-"အနော်ရထာပန်းချီပြခန်း"ကို ပန်းချီဆရာတွေအတွက်ဆုံဆည်းရာအဖြစ် 2019 မှာ စတင်ဖွင့်လှစ်ခဲ့ခြင်းဖြစ်ကြောင်း

-မြန်မာနိုင်ငံတွင် ပထမဆုံးဖြစ်သည့် နိုင်ငံကျော်ပန်းချီဆရာကြီးများ၏ အဖိုးတန်ပန်းချီကားများနှင့် ရှေးဟောင်းပန်းချီကားကြီးများ သီးသန့်စုစည်းထိန်းသိမ်းပြသထားမည့်"Anawrahta Premium Lounge"ကို အနော်ရထာပန်းချီပြခန်းကြီးမှာ ထပ်မံတိုးချဲ့ဖွင့်လှစ်လိုက်ပြီဖြစ်ကြောင်း" စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#Yangon_Media_Group

#Local_News
Published_8 January 2023

မြဝတီ-မဲဆောက် အမှတ်-၁ တံတား ပြန်ဖွင့်ဖို့ မသေချာသေးဘူးလို့ ဒေသခံတွေရဲ့ ပြောပြချက်အရ သိရပါတယ်။

#Yangon_Media_Group

Published 8 Jan 2023

အမျိုးသားတွေရဲ့ လိင်တံကိုပြန်လည်သန်စွမ်းစေနိုင်တဲ့ ဘိုင်အိုနစ်လိင်တံတစ်ခုကို သိပ္ပံပညာရှင်တွေက တီထွင်ဖန်တီးလိုက်နိုင်ခဲ့ကြပါတယ်။ တရုတ်ပညာရှင်တွေဟာ အဲဒါကို ဝက်တွေနှင့်အောင်မြင်စွာစမ်းသပ်ပြီးတဲ့နောက် လူတွေမှာလည်း အလုပ်ဖြစ်လိမ့်မယ်လို့ မျှော်လင့်ထားကြပါတယ်။

လိင်တံအတုဟာ  အလုပ်မလုပ်နိုင်တော့တဲ့  အမြှေးပါးတစ်သျှူးအလွှာနှင့် တူအောင် ဖန်တီးထားတာဖြစ်ပါတယ်။ လိင်ကိစ္စ သို့မဟုတ် ကား သို့မဟုတ် စက်မတော်တဆမှုကြောင့် ဖြစ်ပွားခဲ့ရတဲ့ လိင်တံ ဒဏ်ရာတွေအပြင် ဆေးကုသရင်းဖြစ်ရတဲ့  ဒဏ်ရာတွေသ ို့မဟုတ် လောင်ကျွမ်းဒဏ်ရာတွေကိုလည်းပြုပြင်ပေးနိုင်ပါတယ်။

အဲဒီပစ္စည်းကို တုနီကာအယ်လ်ဘူဂီနီ အတု (ATA) လို့ အမည်ပေးရန်ရှိပြီး သဘာဝလိင်တံရဲ့ ကော့လန်တဲ့ဖွဲ့စည်းပုံနှင့်ဆင်တူတဲ့  ရေတွင်ပျော်ဝင်နိုင်တဲ့ ပိုလီဗင်နိုင်းအယ်လ်ကိုဟော ရေတွင်ပျော်ဝင်နိုင်သော polyvinyl အရက် (PVA) ကို အခြေခံထားပါတယ်။

ကွမ်ကျိုးမှာရှိတဲ့ တောင်တရုတ်နည်းပညာတက္ကသိုလ်မှ  တွဲဖက်စာတမ်းပြုစုသူ  ဒေါက်တာ ရှုတောင်းရှီက "ATA တည်ဆောက်မှု လုပ်ငန်းစဉ်ရဲ့ ပြဿနာတွေနဲ့ ရလဒ်တွေကို ကျွန်တော်တို့ အများကြီး ကြိုမြင်ထားပါတယ်။ ဒါပေမယ့် ATA ကိုအသုံးပြုပြီးပြီးချင်းမှာ လိင်တံပုံမှန်ပြန်သန်စွမ်းလာတဲ့ တိရိစ္ဆာန်စမ်းသပ်မှုတွေရဲ့ ရလဒ်တွေကိုတော့ ကျွန်တော်တို့ အံ့အားသင့်နေဆဲပါ။အကြီးမားဆုံးအားသာချက်မှာ သဘာဝတစ်ရှူးတွေရဲ့ သေးငယ်တဲ့ဖွဲ့စည်းပုံကို တုပခြင်းဖြင့် တစ်သျှူးလို လုပ်ဆောင်နိုင်စွမ်းတွေ ရရှိတာပဲဖြစ်ပါတယ်” လို့ပြောပါတယ်။

အသက် ၄၀နှင့် ၇၀နှစ် အကြားရှိ အမျိုးသားထက်ဝက်ခန့်ဟာ  လိင်အင်္ဂါချို့ယွင်းမှုပုံစံအချို့ကိုခံစားနေကြရပါတယ်။ အယောက်နှစ်ဆယ်တွင် တစ်ဦးခန့်ဟာ လိင်ကြောင့်ဖြစ်ပေါ်နိုင်သည့် တွယ်ဆက်တစ်ရှူးရောဂါဖြစ်တဲ့  Peyronie ပေးရိုးနီး ရောဂါကို ခံစားနေကြရပါတယ်။

tunica albuginea ထဲမှာ အမာရွတ်တစ်သျှူးတွေဖွဲ့စည်း ဖြစ်ပေါ်လာပြီး နာကျင်မှုနှင့် အခြားသက်ရောက်မှုများစွာကို ဖြစ်စေတယ်လို့ ဒေါက်တာရှီက ရှင်းပြပါတယ်။

 “ဆက်စပ်လိုအပ်ချက်က ကြီးမားပေမယ့် အဲဒီနေရာဟာ သထိမထားကြတဲ့နေရာ တစ်ခုဖြစ်နေတာကို  သတိပြုမိပါတယ်' လို့ သူကဆိုပါတယ်။

ပညာရှင်တွေက  ဆီးအိမ်ထဲက ဆီးတွေစွန့်ထုတ်ပေးတဲ့ ပြွန်ဖြစ်တဲ့ ဆီးလမ်းကြောင်းကို ပြုပြင်ဖို့ယခင်က အာရုံစိုက်ခဲ့ကြပါတယ်။  ပျက်စီးနေသော tunica albuginea တစ်ရှူးတွေကို အစပ်အဖာနှင့်ကုသပေးနိုင်ပေမယ့် တစ်ခါတစ်ရံတွင် ယင်းသည် ကိုယ်ခံအားစနစ် ဒါမှမဟုတ် အခြားရှုပ်ထွေးမှုတွေက  ငြင်းပယ်ပြီး လက်မခံတာမျိုးဖြစ်စေတတ်ပါတယ်။အသေးစားဖွဲ့စည်းပုံတွေက မတူကွဲပြားတာကြောင့် အဒီနည်းဟာ ပြီးပြည့်စုံသော အစားထိုးမှုများမဖြစ်ခဲ့ပါဘူး။

Matter ဂျာနယ်တွင်ဖော်ပြထားတဲ့ ဓာတ်ခွဲစမ်းသပ်မှုအရ အဆိုပါပစ္စည်းဟာ  အခြားတစ်ရှူးများနှင့် သွေးတွေအပေါ်  အဆိပ်အတောက်မရှိတဲ့အတွက် ခန္ဓာကိုယ်ထဲတွင် အချိန်ကြာကြာနေနိုင်တာကို‌ တွေ့ရှိခဲ့ပါတယ်။

ဒဏ်ရာရထားသော လိင်တံတွေရှိနေတဲ့ တရုတ်ဝက်ငယ်ကလေးတွေကို  အဆိုပါပစ္စည်းမှ ပြုလုပ်ထားတဲ့ ဖာထေးမှုတွေကနေ  လိင်တံရဲ့ လုပ်ဆောင်ချက် သဘာဝအရတောင်မတ်တဲ့ တစ်သျူးတွေလိုပဲ  ပြန်လည်ကောင်းမွန်စေခဲ့ပါတယ်။ ရလာဒ်တွေက  ယင်းဟာ သဘာဝတစ်သျှူးတွေရဲ့  လုပ်ဆောင်မှုကို  အောင်မြင်စွာ အစားထိုးခဲ့ကြောင်း ညွှန်ပြခဲ့ပါတယ်။။  တစ်လအကြာတွင်၊ ATA သည် သာမန်တစ်သျှူးတွေကို  နှိုင်းယှဉ်နိုင်တဲ့ fibrosis အရွတ်တွေ ဖြစ်ပေါ်လာစေပါတယ်။

လိင်တံကို ဆားရည်ဖြင့် ထိုးသွင်းပြီးတဲ့ နောက် လိင်တံဟာ ပုံမှန်ထောင်မတ်မှုကိုပြန်လည်ရရှိခဲ့ပါတယ်။ ဝက်တွေဟာ လူသားတွေနှင့် ခန္ဓာဗေဒနှင့် ဇီဝကမ္မဆိုင်ရာ တူညီမှုတွေရှိနေတာဖြစ်ပါတယ် ။

 ဒေါက်တာရှီက ' ATA အဖွဲ့ဟာ လုပ်ငန်းစဉ်ပြီးဆုံးပြီး တစ်လအကြာ ရလာဒ်တွေက ပြီးပြည့်စုံမှုမရှိပေမယ့် ပြုပြင်မှုရလဒ်တွေက ကောင်းမွန်ကြောင်းပြသနိုင်ခဲ့ပါတယ်” လို့ပြောပါတယ်။

လိင်တံဒဏ်ရာတွေထဲမှာ  tunica albugineaတွေဟာ များသောအားဖြင့် ပတ်ဝန်းကျင်ရှိ အာရုံကြောများနှင့် corpus cavernosumခေါ်တဲ့ ထောင်မတ်တစ်သျူးနှစ်ခု တို့နှင့်အတူ ပျက်စီးတတ်ပါတယ်။ အဲဒီတစ်သျူးဟာ လိင်တံအလျားအတိုင်း ဖြတ်သွားနေတဲ့ တစ်သျူးဖြစ်လို့ ပြုပြင်ဖို့ ပိုတောင်ခက်ပါသေးတယ်။

'ဒီအဆင့်မှာ ကျွန်တော်တို့ရဲ့ က လိင်တံမှာရှိတဲ့ တစ်ရှူးတစ်ခုတည်းကို ပြုပြင်ဖို့ အာရုံစိုက်တာပါ” လို့ ဒေါက်တာရှီးကပြောပါတယ်။

 'နောက်ထပ်အဆင့်ကတော့ လိင်တံ အလုံးစုံ ချို့ယွင်းချက်ကို ပြုပြင်တာ ဒါမှမဟုတ် ဘက်စုံစဉ်းစားသုံးသပ်ပြီး လိင်တံတစ်ခုလုံ အစားထိုးပြန်လည်တည်ဆောက်တာတွေလုပ်ဆောင်ဖို့ စဉ်းစားထားပါတယ်” လို့ သူကပြောပါတယ်။

သုတေသီများသည် နှလုံးနှင့် ဆီးအိမ် အပါအဝင် အခြားတစ်ရှူးများကို ပြုပြင်ရန် နည်းလမ်းတွေကိုပါ စူးစမ်းလေ့လာဖို့ လည်း စီစဉ်နေကြပါတယ်။

 ဒေါက်တာရှီက “ယခုဒီဇိုင်းချဉ်းကပ်မှုဟာ  tunica albuginea တစ်ရှူးတွေရဲ့ ဘိုင်အိုမက်ထရစ် ဒီဇိုင်းအတွက် အကန့်အသတ်မရှိတာတင်မကဘဲ ဝန်တွေထမ်းထားရတဲ့ အခြားတစ်ရှူးများစွာအထိ တိုးချဲ့နိုင်ပါလိမ့်မယ်” လို့ဆက်ပြောပါတယ်။

Source: metro.uk

#Bionic_Penis

#Chinese_scientists_develop_bionic_penis

#Science_Tech

#TV Yangon Times Matters အစီအစဉ်
Published - 8 Jan 2023

အစီအစဉ်တင်ဆင်သူ ဆရာဟိန်းလတ်က ဦးမျိုးသော် ဥက္ကဌ(အနော်ရထာပန်းချီပြခန်း) Chairman of Milky Way Group နှင့် အတူ

-"အနော်ရထာပန်းချီပြခန်း"ကို ပန်းချီဆရာတွေအတွက် ဆုံဆည်းရာအဖြစ် 2019 မှာ စတင်ဖွင့်လှစ်ခဲ့ခြင်းဖြစ်ကြောင်း

-မြန်မာနိုင်ငံတွင် ပထမဆုံးဖြစ်သည့် နိုင်ငံကျော်ပန်းချီဆရာကြီးများ၏ အဖိုးတန်ပန်းချီကားများနှင့် ရှေးဟောင်းပန်းချီကားကြီးများ သီးသန့်စုစည်းထိန်းသိမ်းပြသထားမည့် "Anawrahta Premium Lounge" ကို အနော်ရထာပန်းချီပြခန်းကြီးမှာ ထပ်မံတိုးချဲ့ဖွင့်လှစ်လိုက်ပြီဖြစ်ကြောင်း" စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#Yangon_Media_Group

Published 8 Jan 2023

ပေါ်တူဂီဘောလုံးကြယ်ပွင့် ခရစ်စတီယာနို ရော်နယ်လ်ဒိုက ဆော်ဒီကလပ်မှာကစားရတာကို သူဂုဏ်ယူမိပြီး ဆော်ဒီလိခ်ကို လည်း အင်အားကောင်းပြီးပြိုင်ဆိုင်မှုပြင်းထန်တဲ့ လိခ်ဖြစ်တယ်လို့ ပြောပါတယ်။ လတ်တလော ပြုလုပ်ခဲ့တဲ့ အင်တာဗျူး တစ်ခုမှာ သူက အဲသလိုပြောကြားခဲ့တာဖြစ်ပါတယ်။

Source AFP

#Cristiano_Ronaldo

#Al_Nassr

#Saudi_soccer_club

#Local_News
Published_ 8 January 2022

ကချင်ပြည်နယ် မိုးညှင်းမြို့နယ်ရှိ မြန်မာနိုင်ငံ၌ အကြီးဆုံးကုန်းတွင်းရေချိုအိုင်ကြီးဖြစ်တဲ့ အင်းတော်ကြီးအိုင်နှင့် ဆက်စပ်ရေဝပ်ဒေသများတွင် ဒီဇင်ဘာလအတွင်း ဆောင်းခိုငှက်မျိုးစိတ်များနှင့် ဒေသရေပျော်ငှက်မျိုးစိတ်များ စုစုပေါင်း ၅၄ မျိုးနဲ့ အကောင်ရေ ၂သောင်း ၃ထောင်ကျော် စာရင်းကောက်ယူနိုင်ခဲ့ကြောင်း သိရပါတယ်။

၂၀၂၂ ခုနှစ် ဒီဇင်ဘာလအတွင်း စာရင်းကောက်ယူချက်အရ ဆောင်းခိုရေပျော် ငှက်မျိုးစိတ် ၃၄ မျိုး၊ အကောင်ရေ ၁၆၃၇၈ ကောင်နှင့် ဒေသရေပျော်ငှက်မျိုးစိတ် ၂၀ မျိုး၊ အကောင်ရေ ၆၆၉၀ စုစုပေါင်းအကောင်ရေ ၂၃၀၆၈ ကောင်ကို တာဝန်ရှိသူများက စာရင်းကောက်လမ်းကြောင်းများအတိုင်း တစ်ရက်လျှင်အဖွဲ့နှစ်ဖွဲ့စီခွဲ၍ ၎င်းအိုင်အတွင်း နှင့် ဆက်စပ်ချောင်းများတွင် စာရင်းကောက်ယူနိုင်ခဲ့ကြောင်း သိရပါတယ်။

အဆိုပါ ငှက်မျိုးစိတ်များဟာ ဒီဇင်ဘာလတွင်တွေ့ရှိရတဲ့ ဆောင်းခိုရေပျော် ငှက်မျိုးစိတ်များနှင့် ဒေသရေပျော်ငှက်မျိုးစိတ်များသည် ယခင်နှစ်နှင့်နှိုင်းယှဉ်ပါက ဆောင်းခိုရေပျော်ငှက်မျိုးစိတ် ၁ မျိုးနှင့် အကောင်ရေ ၃၄၀၀ ကျော် လျော့နည်းလျက်ရှိကြောင်း သိရပါတယ်။

ငှက်မျိုးစိတ်များ အများဆုံးကျက်စားလေ့ရှိတဲ့ ငှက်စာရင်းကောက် လမ်းကြောင်းတစ်ခုဖြစ်တဲ့ အင်းတော်ချောင်းအတွင်း စက်လှေဖြင့် ငှက်စာရင်းများ ကောက်ယူရာ၌ ရေမှော်နှင့်ဒိုက်များ ပိတ်မိနေခြင်းကြောင့် သွားလာရာတွင် အခက်အခဲများရှိနေခြင်းနဲ့ ကိုင်းတောများ ထူထပ်နေတာကြောင့် ငှက်မျိုးစိတ်များကို မြင်တွေ့နိုင်ရန်နှင့် အကောင်ရေတွက်ရာ၌ ခက်ခဲသဖြင့် ငှက်မျိုးစိတ်နှင့် အကောင်ရေများ မှတ်တမ်းတင်ရာတွင် ယခင်နှစ်ထက် လျော့နည်းလျက်ရှိတယ်လို့ ဆိုပါတယ်။

အင်းတော်ကြီး တောရိုင်းတိရစ္ဆာန်ဘေးမဲ့တော၌ အများဆုံးတွေ့ရှိရသည့် ဆောင်းခိုရေပျော်ငှက်မျိုးစိတ်များမှာ ရေကြက်ဒုံ၊ ဘဲဖြူနက်၊ တောငန်း၊ ခရုစုပ်အနက်၊ ကြိုးကြာ ခေါင်းမဲ၊ စင်ရော်ခေါင်းညို၊ စင်ရော်ခေါင်းမဲ၊ ဘဲနီစပ်၊ ဘဲကျားလေး၊ ဘဲဟင်္သာနှင့် ပို့ချပ်ဘဲ စသည်တို့ တွေ့ရှိရပြီး ရေပျော်ငှက်မျိုးစိတ်များ စာရင်းကောက်ယူခြင်းကို အင်းတော်ကြီး အိုင်၏ အရှေ့ဘက် လမ်းကြောင်းတွင်လည်းကောင်း၊ အနောက်ဘက်လမ်းကြောင်းတွင် လည်းကောင်း၊ အင်းတော်ချောင်း တစ်လျှောက် ချောင်းဘေးဝဲ/ယာနှင့် ဆက်စပ်ရေဝပ် ဒေသများရှိ ကွင်းဆင်းဆောင်ရွက်လျက်ရှိကြောင်း သိရပါတယ်။

အင်းတော်ကြီးအိုင်နှင့် ဆက်စပ်ရေဝပ်ဒေသများကို အရှေ့အာရှ-ဩစတြေးလျ ငှက်ပျံသန်းရာ လမ်းကြောင်းရှိ အရေးကြီးရေဝပ်ဒေသအဖြစ် ၂၀၁၄ ခုနှစ် ဒီဇင်ဘာ (၁၅) ရက်တွင် သတ်မှတ်ခဲ့ပြီး၊ ၂၀၀၃ ခုနှစ်တွင် အာဆီယံအမွေအနှစ်ဥယျာဉ်အဖြစ် လည်းကောင်း၊ ၂၀၁၆ ခုနှစ်တွင် ကမ္ဘာ့အဆင့် ရမ်ဆာရေဝပ်ဒေသ အဖြစ်လည်းကောင်း၊ ၂၀၁၇ ခုနှစ်တွင် ဇီဝအဝန်းနယ်မြေအဖြစ်လည်းကောင်း၊ ၂၀၁၉ ခုနှစ်တွင် Wetland Link Asia – Wli Asia အဖြစ်သတ်မှတ်ခံခဲ့ရတဲ့ တော်ဝင်အင်းကြီးလည်း ဖြစ်ပါတယ်။

ygm_mnn
#Yangon_Media_Group

#LocalNews
Published_ 8 January 2023

စစ်ကိုင်းတိုင်းဒေသကြီး၊ ပုလဲမြို့နယ်၊ ဇီးဖြူကုန်းကျေးရွာအတွင်း လက်နက်ကိုင်အဖွဲ့တစ်ခုက Drop Bomb များ ပစ်ချခဲ့သဖြင့် ကလေးငယ် ၃ ဦးအပါအဝင် ပြည်သူ ၇ ဦး ဒဏ်ရာရရှိခဲ့ကြောင်း နစက သတင်းထုတ်ပြန်ရေးအဖွဲ့က ထုတ်ပြန်လိုက်သည်။

ပြီးခဲ့သည့် ဇန်နဝါရီလ ၆ ရက် မွန်းလွဲ ၂ နာရီအချိန်ခန့်က ပုလဲမြို့ နယ်၊ ဇီးဖြူကုန်းကျေးရွာ အတွင်းသို့ လက်နက်ကိုင်အဖွဲ့တစ်ဖွဲ့က ကျေးရွာ၏မြောက်ဘက်နှင့် အရှေ့မြောက်ဘက်တို့မှနေ၍ Drone ယာဉ်များဖြင့် Drop Bomb ၇ လုံး အကြောင်းမဲ့လာရောက်ပစ်ချတိုက်ခိုက်ခဲ့ခြင်းဖြစ်ကြောင်း ယင်းထုတ်ပြန်ချက်တွင် ဖော်ပြထားသည်။

ယင်းကြောင့် Drop Bomb ၆ လုံးမှာ ကျေးရွာအတွင်းသို့ ကျရောက်ပေါက်ကွဲခဲ့သောကြောင့် အဆိုပါကျေးရွာအတွင်း နေထိုင်သည့် ပြည်သူများဖြစ်သည့် အသက် ၆၂ နှစ်အရွယ် ဒေါ်သေးတင် ၊အသက် ၄၅ နှစ်အရွယ် မညိုထွေး ၊ အသက် ၂၆ နှစ်အရွယ် မေဖြူဖြူသွဲ့ ၊အသက် ၁၇ နှစ်အရွယ် မောင်ဟိန်းထက်ဇော် ၊အသက် ၁၂ နှစ်အရွယ် မောင်ပြည့်စုံအောင် ၊အသက် ၉ နှစ်အရွယ် မောင်ဟန်မင်းထက် နှင့် အသက် ၂ နှစ်အရွယ် မောင်ပိုင်ပိုင်တို့တွင် ဗုံးစထိမှန်ဒဏ်ရာများရရှိခဲ့ကြခြင်းဖြစ်ကြောင်း ၎င်း ထုတ်ပြန်ချက်အရ သိရသည်။

ymg/mt
#Yangon_Media_Group

#World_Health
Published 8 January 2023

နေရာဒေသအမျိုးမျိုးသို့ ခရီးထွက်သွားခြင်းဖြင့် ကျန်းမာရေးတိုးတက်စေနိုင်ကြောင်း လေ့လာတွေ့ရှိထားပါတယ်။

သွားရမယ့်အကွာအဝေးက သိပ်ပြီးဝေးလံစရာမလိုဘဲ အိမ်ကနေ ၁၅ မိုင်ကျော်ကျော်လောက် သွားလာလေ့ရှိပါက ကိုယ်ကာယကျန်းမာရေး ကောင်းမွန်စေနိုင်ကြောင်း UCL အဖွဲ့က တွေ့ရှိခဲ့တာဖြစ်ပါတယ်။

လူတွေခရီးထွက်လေ့ရှိတဲ့ အကြိမ်ရေနဲ့ နေရာအမျိုးမျိုးကို သွားလာခြင်းတို့ကလည်း အရေးပါနေပါတယ်။

လူတွေကို စမ်းသပ်မေးမြန်းမှုများလုပ်ခဲ့ရာမှာ ခရီးသွားတဲ့အကွာအဝေး၊ လူမှုပေါင်းသင်းရေးတို့နဲ့ ကျန်းမာရေးတို့ကြား ဆက်စပ်မှုများဟာ အသက် ၅၅ နှစ်အထက်မှာ ပိုပြီးသိသာနေပါတယ်။

ဒီရလဒ်တွေဟာ သွားလမ်းသာယာရေး၊ ရထား ဘတ်စ်ကားဖြင့်သွားလာနိုင်ခြင်း အခြေအနေတို့ပေါ်လည်း မူတည်နေပါတယ်။

သင့်တော်တဲ့ သွားလာရေးယာဉ်တွေ၊ ကိုယ်ပိုင်ကားတွေဖြင့် မသွားနိုင်တာမျိုးကလည်း ခရီးသွားလာရေးမှာ အဟန့်အတားဖြစ်စေပြီး မိမိကျန်းမာရေးကို သိမြင်နိုင်စွမ်းနဲ့ ဆက်စပ်နေပါတယ်။

အိမ်ကနေ ၁၅ မိုင်ထက်ကွာဝေးတဲ့နေရာတွေကို သွားလာဖို့ခက်ခဲတာတွေ၊ သွားလာတဲ့နေရာတွေ၊ လူမှုနေထိုင်မှုတို့ကြား ဆက်စပ်မှုတွေကို ရှာဖွေခဲ့ကြကြောင်း၊ အဓိကအရေးပါတဲ့အချက်က အပြင်ဘက်နေရာအနှံ့ကို ဘယ်လောက်များများ သွားလာလဲဆိုတဲ့အချက်ဖြစ်ကြောင်း၊ ဒါက လူမှုဆက်ဆံရေးပိုမိုဝင်ဆံ့ပြီး ကျန်းမာရေးကောင်းမွန်စေမှာဖြစ်ပါတယ်။

Source: The Jerusalem Post
#Yangon_Media_Group

Published 8 Jan 2023

မကြာသေးမီက ရှာဖွေတွေ့ရှိခဲ့တဲ့  ကြယ်တံခွန် C/2022 E3 (ZTF) ဟာ ဖေဖော်ဝါရီ ၁ ရက်နေ့မှာ ကမ္ဘာနှင့် နီးကပ်လာမည်ဖြစ်ပြီး သာမန်မျက်စိဖြင့် မြင်နိုင်မှာဖြစ်ပါတယ်။ ဒါဟာ လွန်ခဲ့တဲ့ နှစ်ပေါင်း ၅၀,၀၀၀လုံးလုံး မျက်မြင်မတွေ့ခဲ့ကြရလို့ ကြုံတောင့်ကြုံခဲ ရှားပါးတလှဲ့ အခွင့်အရေးပါ။

အဆိုပါကြယ်တံခွန်ကို Zwicky Transient Facility မှာရှိတဲ့  ကွင်းပြင်ကျယ် လေ့လာဆန်းစစ်ရေးဆိုင်ရာ ကင်မရာကနေ နက္ခတ္တဗေဒပညာရှင်တွေက  ယမန်နှစ် မတ်လတွင် စတင်တွေ့ရှိခဲ့တာလို့  NASA မှ ပြောကြားခဲ့ပါတယ်။ အဲဒီအချိန်တုန်းက ကြွေကျနေတဲ့ကြယ်ဟာ  ဂျူပီတာ၏ပတ်လမ်းကို ဖြတ်သွားခဲ့ပြိး  အဲဒီကစကာ ကြီးထွားလာခဲ့ပါတယ်။

အဆိုပါကြယ်တံခွန်သည် ဇန်နဝါရီ ၁၂ ရက်တွင် နေနှင့် နီးကပ်လာပြီး ဖေဖော်ဝါရီ ၁ ရက်တွင် ကမ္ဘာနှင့် အနီးဆုံးကနေဖြတ်သန်းသွားမှာဖြစ်ပါတယ်။ တယ်လီစကုပ်မရှိသူတွေအပါအဝင် မည်သူမဆို မြင်တွေ့နိုင်ပြီး မြို့ရဲ့ အလင်းရောင် ဒါမှမဟုတ် လသာနေတယ်ဆိုရင်တော့ ကြယ်တံခွန်သည် ကောင်းကင်ကို သိပ်ပြီးလင်းထိန်စေမယ်မဟုတ်လို့ဆိုပါတယ်။

မြောက်ကမ္ဘာခြမ်းတွင်နေထိုင်သူတွေဟာ  ကြယ်တံခွန်ကို ဇန်န၀ါရီလအစောပိုင်းတွင် မြင်တွေ့နိုင်မည်ဖြစ်ပြီး တောင်ပိုင်းကမ္ဘာခြမ်းတွင်တော့ ကြယ်တံခွန်ဟာ ဖေဖော်ဝါရီအစောပိုင်းတွင် ပေါ်လာပါလိမ့်မယ်။

C/2022 E3 (ZTF) သည် ရေခဲနှင့် ဖုန်မှုန့်များဖြင့် ပြုလုပ်ထားပြီး စိမ်းလန်းသော ရောင်ဝါကို ထုတ်လွှတ်ပေးပြီး အချင်းတစ်ကီလိုမီတာဝန်းကျင်ရှိမည်ဟု ခန့်မှန်းထားကြောင်း Paris Observatory မှ နက္ခတ္တဗေဒပညာရှင် Nicolas Biver က AFP သတင်းဌာနသို့ ပြောကြားခဲ့ပါတယ်။

Space.com က အဲဒီကြယ်တံခွန်ရဲ့ ပတ်လမ်းကြောင်းဟာ နှစ်ပေါင်း ငါးသောင်း ဝန်းကျင်ရှိပြီး ယင်းသည် လာမည့်လတွင် နှစ်ပေါင်း ငါးသောင်းအတွင်း ကမ္ဘာမြေသို့ ပထမဆုံးချဉ်းကပ်လာမယ်လို့ ဖော်ပြခဲ့ပါတယ်။

အဲဒီကြယ်တံခွန်ဟာ ကျော်ခေတ်လူသားတွေ ကမ္ဘာပေါ်လှည့်လည်သွားလာနေကြတဲ့ ကျောက်ခေတ်ဦးကာလမှာ ကမ္ဘာကြီးကို နောက်ဆုံးဖြတ်သန်းသွားတယ်လို့ ခန့်မှန်းထားကြပါတယ်။

အဲဒီကြယ်တံခွန်ဟာ  လျှို့ဝှက်ဆန်းကြယ်လှတဲ့ ရေခဲအရာဝတ္ထုတွေရဲ့  ရှင်သန်ရာဖြစ်တဲ့ နေအဖွဲ့အစည်းကို လှည့်ပတ်နေတဲ့ ရေခဲစိုင်ကနေ ဖြစ်ထွန်းလာတာဖြစ်နိုင်တယ်လို့ ယုံကြည်ထားကြပါတယ်။

Source: WION

#Commet_C/2022_E3_(ZTF)

#Green_commet

#World_Science
Published 8 January 2023

အချိန်ဆွဲနှောင့်နှေးတတ်တဲ့အကျင့်ဟာ ကောင်းကျိုးထက် ဆိုးကျိုးတွေသာပိုဖြစ်စေပြီး တက္ကသိုလ်ကျောင်းသားတွေမှာလည်း နောက်ဆုံးအချိန်ရောက်မှ လုပ်တတ်တဲ့အကျင့်ကြောင့် စိတ်ဓာတ်ကျခြင်း၊ ကျန်းမာရေးထိခိုက်ခြင်း၊ ရုပ်ပိုင်းဆိုင်ရာနဲ့ စီးပွားရေးအခက်အခဲများ ကြုံတွေ့ရနိုင်ကြောင်း သုတေသီများတွေ့ရှိခဲ့ကြပါတယ်။

ဆွီဒင်မှ တက္ကသိုလ်ကျောင်းသား ၃,၅၂၅ ဦးကိုအကဲဖြတ်ခဲ့ကြပြီး အချိန်ဆွဲပြီးနောက်ကျမှ ပြုမူတတ်တဲ့အကျင့်ဟာ နောက် ၉ လနေတဲ့အခါမှာ ကျန်းမာရေးဆိုးရွားမှုနဲ့ ဆက်စပ်နေသလားဆိုတာကို လေ့လာခဲ့ကြပါတယ်။

တက္ကသိုလ်ကျောင်းသားတွေဟာ ကျောင်းစာနဲ့ပတ်သက်ပြီး နောက်ဆုံးအချိန်ရောက်မှ လုပ်တတ်တဲ့အကျင့်ရှိနေကြပါတယ်။

ကျွန်ုပ်တို့အားလုံးလည်း ဒီလိုမျိုး အချိန်ဆွဲလုပ်တတ်ဖူးကြသလို လေ့လာချက်များအရ ကျောင်းသားတဝက်ခန့်ဟာ ကျောင်းစာတွေကို နောက်ဆုံးအချိန်ရောက်တဲ့အထိ အချိန်ဆွဲလုပ်တတ်ကြပါတယ်။

အချိန်ဆွဲလုပ်ကိုင်ခြင်းကြောင့် အာရုံပျံ့လွင့်ခြင်း၊ အသိစိတ်ဓာတ်နည်းပါးခြင်းတို့ ဖြစ်စေနိုင်သလို ပညာရေးအောင်မြင်မှုကိုပါ သက်ရောက်မှုရှိနိုင်တယ်လို့ ဖော်ပြထားပါတယ်။

တက္ကသိုလ်ကျောင်းသားတွေမှာ လွတ်လပ်ပိုင်ခွင့်မြင့်မားပြီး စနစ်တကျလုပ်ကိုင်ပုံနိမ့်ပါးသေးတာကြောင့် သူတို့ရဲ့လုပ်ကိုင်နိုင်စွမ်းနဲ့ပတ်သက်ပြီး လိုအပ်မှုများရှိကာ အချိန်ဆွဲလုပ်တတ်သူတွေမှာ ဆိုးရွားတဲ့ဘက်ကို အလွယ်တကူရောက်ရှိသွားနိုင်ပါတယ်။

လေ့လာချက်တွေက ကြီးကြီးမားမားမဟုတ်ပေမယ့် အချိန်ဆွဲလုပ်ကိုင်တတ်ခြင်းနဲ့ စိတ်ပိုင်းဆိုင်ရာ ရုပ်ပိုင်းဆိုင်ရာ ဥစ္စာရေးရာကဏ္ဍတို့မှာ နိမ့်ကျခြင်းတို့ကြား ဆက်စပ်မှုရှိနေကြောင်း ဇန်နဝါရီ ၄ ရက်နေ့က ဖော်ပြခဲ့ပါတယ်။

ဒီအလေ့အကျင့်က ကျန်းမာရေးအရ ခြုံငုံကြည့်ရင် သိပ်မသိသာပေမယ့် ပတ်သက်မှုအနည်းငယ်တော့ ရှိနေပါတယ်။

နောက်ဆုံးအနေနဲ့ ကျောင်းသားတွေဟာ ကျောင်းစာတွေကို အချိန်ကပ်မှမလုပ်သင့်ကြောင်း သုတေသီများက တိုက်တွန်းလိုက်ပါတယ်။

အချိန်ဆွဲလုပ်တတ်တဲ့အကျင့်က တက္ကသိုလ်ကျောင်းသားတွေကြား ကူးစက်လွယ်ပြီး ဒီတွေ့ရှိချက်တွေက ကျောင်းသားတွေရဲ့ကျန်းမာရေးကို ပိုမိုသိရှိလာစေကြောင်း ဖော်ပြခဲ့ပါတယ်။

Source: NY Post
#Yangon_Media_Group

#LocalNews
Published_ 8 January 2023

ယခု ၂၀၂၃ ခုနှစ်တွင် ကလေးငယ်ဦးရေ ၇ သိန်းခွဲအတွက် ပညာရေးကို လက်လှမ်းမီသင်ယူနိုင်စေရန် ထောက်ပံ့ပေးသွားမည်ဖြစ်ကြောင်း UNICEF Myanmar က ထုတ်ပြန်ထားသည်။

အဆိုပါထုတ်ပြန်ချက်တွင် ကလေးငယ်ဦးရေ ၇ သိန်းခွဲအတွက် အစောပိုင်းလေ့လာသင်ယူရေးအခွင့်အလမ်းများနှင့် တစ်ဦးချင်းသင်ယူလေ့လာရေး အထောက်အကူပြုပစ္စည်းများ ပံ့ပိုးပေးခြင်း အပါအဝင် ပညာရေးကို လက်လှမ်းမီသင်ယူနိုင်စေရန်ပံ့ပိုးပေးသွားမည်ဖြစ်ကြောင်း ဖော်ပြထားသည်။

ယင်းအပြင် မြန်မာနိုင်ငံမှကလေးငယ်များ၊ ဆယ်ကျော်သက်၊ မိဘများနှင့်စောင့်ရှောက်မှုပေးသူ စုစုပေါင်းဦးရေ ၆ သိန်းကျော်ကို ရပ်ရွာအခြေပြု စိတ်ကျန်းမာရေးနှင့် လူမှုစိတ်ပိုင်းပံ့ပိုးမှုများ လက်လှမ်းမီနိုင်ရေး ပံ့ပိုးကူညီပေးရန်လည်း ရည်မှန်းချက်တစ်ခုဖြစ်ကြောင်းလည်း သိရသည်။

ပြီးခဲ့သည့် ၂၀၂၂ ခုနှစ်အတွင်းက လူတိုင်းအကျုံးဝင်ပညာရေးနှင့် အရေးပေါ်အခြေအနေပညာရေးပံ့ပိုးမှုအစီအစဉ်များက မြန်မာနိုင်ငံရှိပဋိပက္ခဖြစ်ပွားနေသည့် ဒေသများအပါအဝင် ပြည်နယ်နှင့်တိုင်းအသီးသီးရှိ မသန်စွမ်းကလေးငယ် ၁၀၀၀ ကျော်အား စဉ်ဆက်မပြတ်လေ့လာသင်ယူနိုင်စေရန် UNICEF Myanmar အနေဖြင့် ပံ့ပိုးပေးနိုင်ခဲ့ကြောင်းလည်း သိရသည်။

Photo-UNICEF Myanmar

ymg/mt

#Yangon_Media_Group