#Local_News
Published_28 September 2022

ပြည်တွင်းရှိ ပုဂ္ဂလိကဘဏ်အချို့အနေဖြင့် ငွေအပ်နှံမှု ပိုများလာစေရန် အတိုးနှုန်းမြှင့်တင်မှုများ ပြုလုပ်လာကြကြောင်း ပြည်တွင်းဘဏ်များ၏ ကြေညာချက်အရ သိရသည်။

ပုဂ္ဂလိကဘဏ်တစ်ခုဖြစ်သည့် AGD ဘဏ်က လာမည့်အောက်တိုဘာလ ၁၄ ရက်အထိ Promotion ကာလအတွင်း ငွေချက်ချင်းအပ် အတိုးချက်ချင်းယူနိုင်မည့် ကြိုယူအကောင့်ကို လာရောက်အပ်နှံမည်ဆိုပါက အထူးပြုလုပ်ပေးထားသည့် ငွေစုသက်တမ်းများနှင့် မြင့်မားသောအတိုးနှုန်းများ ရရှိမည်ဟု ထုတ်ပြန်ထားသည်။

AGD ဘဏ်နည်းတူ CB ဘဏ်၊ KBZ ဘဏ်တို့ကလည်း ယင်းတို့၏ ဘဏ်အတိုးနှုန်းများကို ပရိုမိုးရှင်းကာလအတွင်း အတိုးနှုန်းတိုးမြှင့်သတ်မှတ်ထားကြောင်းကြေညာချက် အသီးသီး ထုတ်ပြန်လာကြခြင်း ဖြစ်သည်။

ဘဏ်များက အပ်ငွေများအပေါ် အနည်းဆုံးအတိုး ၇ ဒသမ ၅ ရာခိုင်နှုန်း၊ အပေါင်ပစ္စည်းဖြင့် ချေးငွေများကို အများဆုံး ၁၂ ဒသမ ၅ ရာခိုင်နှုန်းနှင့် အပေါင်မဲ့ ချေးငွေကို အများဆုံး ၁၅ ဒသမ ၅ ရာခိုင်နှုန်းသာကောက်ခံမည်ဖြစ်ကြောင်း ထုတ်ပြန်ကြေညာထားသည်။

မြန်မာနိုင်ငံတော်ဗဟိုဘဏ်၏ ပုဂ္ဂလိကဘဏ်များအပေါ် သတ်မှတ်ချက်မှာ အပ်ငွေများအပေါ် အနည်းဆုံးအတိုး ၅ ရာခိုင်နှုန်း၊ အပေါင်ပစ္စည်းဖြင့် ချေးငွေများကို အများဆုံး ၁၀ ရာခိုင်နှုန်းနှင့် အပေါင်မဲ့ချေးငွေကိုအများဆုံး ၁၄ဒသမ ၅ ရာခိုင်နှုန်းသာ ကောက်ခံရန်ညွှန်ကြားထားကြောင်း ထုတ်ပြန်ထားသည်။

#ymg/sth
#Yangon_Media_Group

#Local_News
Published _28 September 2022

သံစိမ်းကုန်ကြမ်းထုတ်လုပ်မည့် ရှမ်းပြည်နယ် တောင်ကြီးမြို့နယ်ရှိ အမှတ်(၂) သံမဏိစက်ရုံ (ပင်းပက်) အချိန်မီပြီးစီးရန် စိုင်းပြင်းလျက် ဆောင်ရွက်နေကြကြောင်း စက်မှုဝန်ကြီးဌာန က သိရသည်။

ပြီးခဲ့သည့် စက်တင်ဘာလ ၂၅ ရက် က စက်ရုံသို့ သွားရောက်ခဲ့သည့် စက်မှုဝန်ကြီးဌာန ဒုတိယဝန်ကြီး ဦးရင်မောင်ညွန့်က လုပ်ငန်းများကို သတ်မှတ် စံချိန်စံညွှန်းနှင့် ကိုက်ညီမှုရှိ၊ မရှိပြန်လည် စစ်ဆေးရန်၊ စက်ရုံ စတင်လည်ပတ်လျှင် လျှပ်စစ်ဓာတ်အား ပြတ်တောက်မှုမရှိစေရေးအတွက် မတူညီသည့် လျှပ်စစ်ဓာတ်အား အရင်းအမြစ်နှစ်ခုမှ ချိတ်ဆက်သွယ်တန်းနိုင်ရန်၊ စက်မှုပိုင်းဆိုင်ရာ၊ လျှပ်စစ်ပိုင်းဆိုင်ရာ စစ်ဆေးပြုပြင်နေမှု လုပ်ငန်းများ အချိန်မီပြီးစီးရေး ၊ စွန့်ပစ်အပူသုံး ဘွိုင်လာအားစွမ်းအားပြည့် အသုံးပြုနိုင်ရေး ၊ စက်ရုံစမ်းသပ် လည်ပတ်နိုင်ရေးအတွက်ကုန်ကြမ်းများနှင့် အခြားသွင်းအားစုများကို ကြိုတင်စုဆောင်းထားရေး စသည်တို့ကို တိုက်တွန်းပြောဆိုခဲ့သည်။

အဆိုပါ အမှတ်(၂) သံမဏိစက်ရုံ (ပင်းပက်) စီမံကိန်းလုပ်ငန်းများပြီးစီး၍ ကုန်ထုတ်လုပ်မှုလုပ်ငန်းများ ဆောင်ရွက်ပါက ထွက်ရှိလာမည့် သံစိမ်းများကို အမှတ်(၁) သံမဏိစက်ရုံ (မြင်းခြံ)၌ သံမဏိထုတ်လုပ်ရာတွင် ကုန်ကြမ်းအဖြစ် အသုံးပြုမည်ဖြစ်ကြောင်း သိရသည်။

#ymg/mt
#Yangon_Media_Group

#Local_News
Published_28 September 2022

ထိုင်းနိုင်ငံရောက် မြန်မာရွှေ့ပြောင်းအလုပ်သမားများအပါအဝင် မြန်မာလုပ်သားများ လာမည့်အောက်တိုဘာ ၁ ရက်မှစတင်ပြီး လုပ်ခလစာတိုးမည်ဖြစ်ကြောင်း အလုပ်သမားအရေးဆောင်ရွက်သူများထံမှ သိရသည်။

ထိုင်းအစိုးရအနေဖြင့် နိုင်ငံအတွင်းရှိ ရွှေ့ပြောင်းအလုပ်သမားတွေ၏ အခြေခံလုပ်ခလစာကို အနည်းဆုံး ၃၂၈ ဘတ်ကနေ အများဆုံး ၃၅၄ ဘတ်အထိ ခရိုင်အလိုက် တိုးမြှင့်ပေးသွားရန် သဘောတူထားပြီးဖြစ်ကြောင်း သိရသည်။

ထိုင်းနိုင်ငံ၏ အခြေခံလုပ်ခလစာတွေ တိုးမြှင့်သတ်မှတ်ခဲ့တာဖြစ်ပြီး ရွှေ့ပြောင်းအလုပ်သမားတွေအပြင် ထိုင်းနိုင်ငံသားတွေ၏ အခြေခံလုပ်ခလစာတွေကိုလည်း ဘတ် ၄၅၀ ကနေ ဘတ် ၆၅၀ ထိ တိုးမြှင့်ပေးသွားမည်ဖြစ်ကြောင်းလည်းသိရသည်။

မြန်မာ-ထိုင်းနှစ်နိုင်ငံအကြား MoU စနစ်ဖြင့် လုပ်သားစေလွှတ်ခြင်းကို ကိုဗစ်ကာလအလွန် ၂၀၂၂ ခုနှစ် မေလတွင်စတင်၍ ပြန်လည်စေလွှတ်ခဲ့ခြင်းဖြစ်သည်။

ယင်းအပြင် ပြည်ပရောက် မြန်မာရွှေ့ပြောင်းအလုပ်သမားများအနေဖြင့် ပြည်တွင်း၌ ဖွင့်လှစ်ထားသော ရွှေ့ပြောင်းလုပ်သားများထောက်ပံ့ကူညီရေးဗဟိုဌာနများမှ နည်းလမ်းနှင့် အကြံဉာဏ်များကိုလည်း အခမဲ့ရယူနိုင်ကြောင်း အလုပ်သမားသံအရာရှိရုံးက အသိပေးထားသည်။

လက်ရှိတွင် ပြည်တွင်း၌အလုပ်အကိုင်ရှာပါးလာခြင်းကြောင့် ထိုင်းနိုင်ငံသို့ မြန်မာရွှေ့ပြောင်းအလုပ်သမား အများအပြားသွားရောက်လုပ်ကိုင်နေပြီး တရားမဝင်သွားရောက်မှုများလည်း ရှိနေကြောင်း သိရသည်။

#ymg/sth
#Yangon_Media_Group

#World_Health
Published 28 September 2022

ညစဉ်ဘီယာသောက်ခြင်းဖြင့် မှတ်ဉာဏ်ချို့ယွင်းခြင်းဝေဒနာ ခံစားရနိုင်ချေနည်းပါးနိုင်ကြောင်း သိပ္ပံပညာရှင်များ အဆိုပြုလိုက်ပါတယ်။

ဩစတြေးလျသုတေသီများက အသက် ၆၀ ကျော်လူကြီး ၂၅,၀၀၀ မှာ ဘီယာသောက်ခြင်းအလေ့အထနဲ့ မှတ်ဉာဏ်ချို့ယွင်းခြင်းဝေဒနာ ဖြစ်နိုင်ချေတို့ကို လေ့လာခဲ့ကြပါတယ်။

အယ်လ်ကိုဟောရှောင်ရှားခြင်းက မှတ်ဉာဏ်ချို့ယွင်းခြင်းနဲ့ပတ်သက်ပြီး ဘာကာကွယ်မှုမှ မကာကွယ်ပေးနိုင်သလို အတော်အသင့်သောက်သုံးခြင်းဖြင့် ထိုဝေဒနာဖြစ်နိုင်ချေကို လျော့ကျစေနိုင်ပြီး အလွန်အကျွံသောက်သုံးခြင်းကတော့ အန္တရာယ်ဖြစ်စေပါတယ်။

နောက်နှစ် ၃၀ အတွင်း ကမ္ဘာတဝှမ်းမှာ မှတ်ဉာဏ်ချို့ယွင်းခြင်းဝေဒနာ ဖြစ်လာနိုင်ချေ ၃ ဆများလာနိုင်ကြောင်း၊ ဒါကြောင့် ထိုသို့ဖြစ်လာနိုင်စေတဲ့ အကြောင်းအရင်းများကို လျှော့ချနိုင်ဖို့အရေးကြီးကြောင်း ဒေါက်တာ'လူးဝစ္စမြူတန်'က ပြောပြသွားပါတယ်။

ဝေဒနာဖြစ်လာနိုင်စေတဲ့ အကြောင်းအရင်းတွေကို လျှော့ချနိုင်ရင် ၁၀ ယောက်မှာ ၄ ယောက်လောက် ကာကွယ်နိုင်မှာ ဖြစ်ပါတယ်။

အရေးကြီးဆုံးအချက်ကတော့ အဝလွန်ခြင်းပဲ ဖြစ်ပါတယ်။

စမ်းသပ်မယ့်လူ ၂၅,၀၀၀ ကို အဖွဲ့ခွဲရာမှာ ဘီယာလုံးဝမသောက်သူ၊ ရံဖန်ရံခါသောက်တတ်သူ၊ သင့်တင့်ရုံသောက်သူ၊ အသောက်များသူနဲ့ အလွန်အကျွံသောက်သူဆိုပြီး ခွဲခြားလိုက်ပါတယ်။

ရံဖန်ရံခါမှသောက်တဲ့သူတွေက လုံးဝမသောက်သူတွေထက်စာရင် မှတ်ဉာဏ်ချို့ယွင်းခြင်းဝေဒနာ ဖြစ်ပေါ်နိုင်ချေ ၂၂ ရာခိုင်နှုန်းပိုနည်းပါးပါတယ်။

သင့်တင့်ရုံသောက်တဲ့သူတွေကတော့ ၃၈ ရာခိုင်နှုန်းပိုနည်းကာ အလွန်အကျွံသောက်တဲ့သူတွေတောင် ၁၉ ရာခိုင်နှုန်းပိုနည်းနေပါတယ်။

အယ်လ်ကိုဟောလုံးဝမသောက်သူတွေက မှတ်ဉာဏ်ချို့ယွင်းခြင်းဖြစ်နိုင်ချေ အများဆုံးရှိနေကြောင်း ဒေါက်တာ'မြူတန်'က ဆိုပါတယ်။

အသင့်အတင့်သောက်သုံးသူတွေဟာ ဦးနှောက်မှာ အကျိတ်အခဲဖြစ်နိုင်ချေကိုလည်း လျှော့ချပေးနိုင်ပါတယ်။

အန်တီအောက်ဆီဒင့်ကြွယ်ဝတဲ့ အနီရောင်ဝိုင်တွေဟာလည်း နှလုံးကိုကာကွယ်ပေးကာ မှတ်ဉာဏ်ချို့ယွင်းခြင်းကို ကာကွယ်ပေးနိုင်ပါတယ်။

တစ်ပတ်အတွင်း ဘီယာ ၁၄ ခွက်ထက် ပိုမသောက်သင့်ဘဲ ဘီယာ ၆ ခွက် ဒါမှမဟုတ် ခွက်အသေးလေးနဲ့ ဝိုင် ၁၀ ခွက်က သင့်တော်ကြောင်း ယူကေကျန်းမာရေးအကြီးအကဲများက အကြံပြုထားပါတယ်။

နှစ်ပေါင်းများစွာတိုင်အောင် အယ်လ်ကိုဟောအများအပြားသောက်သုံးရင်တော့ သွေးတိုးခြင်း၊ လေဖြတ်ခြင်း၊ အသည်းရောဂါ၊ ကင်ဆာနဲ့ မှတ်ဉာဏ်ချို့ယွင်းခြင်းများ ဖြစ်ပေါ်နိုင်ပါတယ်။

အယ်လ်ကိုဟောက ဦးနှောက်ဆဲလ်တွေမှာ အဆိပ်အတောက်ဖြစ်စေတာကြောင့် အလွန်အကျွံသောက်သုံးရင်တော့ ဦးနှောက်ပုံသဏ္ဍာန်၊ လုပ်ဆောင်ချက်များ ပြောင်းလဲသွားပြီး အဟာရဓာတ်တွေကို ကောင်းစွာမစုပ်ယူနိုင်တော့ပါဘူး။

မှတ်ဉာဏ်ချို့ယွင်းခြင်းအတွက် ကုသဆေးမရှိပေမယ့် ဝေဒနာလျော့ပါးစေရန် ဆရာဝန်များက ဆေးညွှန်းလေ့ရှိပါတယ်။

Source: Daily Mail
#Yangon_Media_Group

#World_Military
Published 28 September 2022

ရုရှားက ယူကရိန်းပြည်နယ် ၄ ခုကို သိမ်းပိုက်ရန် လူထုဆန္ဒခံယူပွဲပြုလုပ်ပြီးနောက် မဲပေးရလာဒ်များကို စတင်ထုတ်ပြန်လိုက်ကာ ရုရှားသမ္မတ'ဗလာဒီမာပူတင်'ရဲ့ မဟာမိတ်တစ်ဦးက ယူကရိန်းနဲ့ အနောက်နိုင်ငံအား နျူကလီးယားသတိပေးချက်တစ်ခုကို အင်္ဂါနေ့က ပြတ်ပြတ်သားသား ထုတ်ပြန်လိုက်ပါတယ်။

ဘောလ်တစ်ပင်လယ်အောက်ရှိ ရုရှားသဘာဝဓာတ်ငွေ့ပိုက်လိုင်းနှစ်ခု အကျိုးအကြောင်းမရှိဘဲ ယိုစိမ့်မှုဖြစ်နေတာကို ဥရောပနိုင်ငံများက အဆောတလျင်စုံစမ်းစစ်ဆေးနေကြပြီး ဒါဟာ ပေါက်ကွဲမှုဖြစ်ပွားနိုင်ကာ ပင်လယ်ထဲမှာရှိတဲ့ သင်္ဘာများ နစ်မြုပ်သွားနိုင်ပါတယ်။

ရုရှားဘက်က ဥရောပသို့လွှတ်ပေးတဲ့ ဓာတ်ငွေ့များကို အစောပိုင်းမှာဖြတ်တောက်ရခြင်းက နည်းပညာပြဿနာကြောင့်လို့ ဆိုလိုက်ပြီး ဘယ်သူ့အပြစ်လဲဆိုတာကိုတော့ မပြောသွားခဲ့ပါဘူး။

ဖေဖော်ဝါရီ ၂၄ ရက်နေ့ ယူကရိန်းကိုကျူးကျော်ပြီးကတည်းက ရုရှားနဲ့ အမေရိကန်တို့ ထိပ်တိုက်ရင်ဆိုင်နေကြရာ အနောက်နိုင်ငံရဲ့ ပြင်းထန်တဲ့ဒဏ်ခတ်ပိတ်ဆို့မှုတွေနဲ့ ရုရှားတုံပြန်ချက်တွေကြား ကမ္ဘာတဝှမ်းငွေကြေးဖောင်းပွမှုများ ဖြစ်ပေါ်လာပြီး နိုင်ငံအများအပြားမှာ လောင်စာစွမ်းအင်နဲ့ စားနပ်ရိက္ခာအကြပ်အတည်များ ဖြစ်ပေါ်လာပါတယ်။

ရုရှားလုံခြုံရေးကောင်စီဒုဥက္ကဌ မစ္စတာ'ဒီမစ်ထရီမက်ဗီဒက်ဗ်'က နျူကလီးယားသတိပေးချက်ကို အင်္ဂါနေ့ကထုတ်ပြန်လိုက်ကာ ဒါဟာ 'ပူတင်'တို့ လတ်တလောထုတ်ပြန်ထားတဲ့ အကြောင်းအရာတွေထဲက တစ်ခုဖြစ်ပါတယ်။

ရုရှားက လတ်တလောသိမ်းပိုက်ထားတဲ့ နယ်မြေများကိုကာကွယ်ရန် နျူကလီးယားလက်နက်များအသုံးပြုရေး အသင့်အနေအထားရှိနေကာ ယူကရိန်းနဲ့ အနောက်နိုင်ငံကိုဟန့်တားဖို့ အစီအစဉ်ထုတ်ထားတာဖြစ်ကြောင်း သတိပေးတဲ့သဘောဖြစ်ပါတယ်။

ထိုနယ်မြေတွေမှာ ယခုရက်များအတွင်း ယူကရိန်းဘက်က တန်ပြန်တိုက်ခိုက်မှုများ ပြုလုပ်နေတာလည်း ဖြစ်ပါတယ်။

မစ္စတာ'မက်ဗီဒက်ဗ်' ပထမအကြိမ်မှန်းဆခဲ့စဉ်က နေတိုး(NATO) မဟာမိတ်အဖွဲ့ဟာ နျူကလီးယားစစ်ပွဲဖြစ်မှာ မလိုလားတာကြောင့် ရုရှားက ယူကရိန်းကို နျူကလီးယားလက်နက်တွေနဲ့ တိုက်ခိုက်ရင်တောင် နေတိုးက တိုက်ရိုက်ပါဝင်မှာမဟုတ်ဘူးလို့ ခန့်မှန်းခဲ့ပါတယ်။

၅ ရက်တာပြုလုပ်ခဲ့တဲ့ လူထုဆန္ဒခံယူပွဲကို ယူကရိန်းနဲ့ အနောက်နိုင်ငံတို့က အသိအမှတ်မပြုဟု ရှုတ်ချထားကာ ဒီလိုကြေညာချက်ထုတ်ပြန်လာမယ်ဆိုတာ ကြိုတင်မှန်းဆထားပြီး ဖြစ်ပါတယ်။

ဒီမဲရလာဒ်များအပေါ် နောက်ထပ်ဒဏ်ခတ်ပိတ်ဆို့မှုများ ပြုလုပ်ဖို့ ဥရောပသမဂ္ဂကို ယူကရိန်းကတိုက်တွန်းလိုက်ကာ မဲဆန္ဒကောက်ခံရာမှာ သေနတ်ထောက်ပြီး မဲပေးခိုင်းတာဖြစ်မယ်လို့ ဆိုလိုက်ပါတယ်။

ရုရှားတိုင်းရင်းသားလူမျိုးများနဲ့ ရုရှားစကားပြောသူများ နှိပ်စက်ခံနေရတာကို ကာကွယ်ဖို့အတွက် မဲဆန္ဒခံယူပွဲပြုလုပ်ရတာဖြစ်ကြောင်း 'ပူတင်'က ရုပ်သံကနေပြောကြားခဲ့ကာ ယူကရိန်းကတော့ ဒီအဆိုကိုငြင်းပယ်ထားပါတယ်။

'ပူတင်'က ယူကရိန်းနဲ့တိုက်ပွဲအတွက် တောင်သူလယ်သမားများကို စစ်တိုက်ခိုင်းဖို့ကိုလည်း ဆွေးနွေးခဲ့ပါသေးတယ်။

ယူကရိန်းအပေါ် အထူးစစ်ဆင်ရေးဆင်နွှဲလိုက်တာကြောင့် ထောင်ပေါင်းများစွာသော ရုရှားလူမျိုးများဟာ အိမ်နီးချင်းနိုင်ငံများထံ ပြောင်းရွှေ့ကုန်ကြပါတယ်။

ရုရှားအချုပ်အခြာနယ်မြေအဖြစ် မကြာခင်သတ်မှတ်တော့မယ့် နေရာတွေကို ယူကရိန်းတပ်များ သိမ်းပိုက်နေမယ်ဆိုပါက နျူကလီးယားလက်နက်များ ထုတ်သုံးလာနိုင်ဖွယ်ရှိတယ်လို့ ရုရှားအစိုးရအရာရှိများက အကြိမ်ကြိမ် သတိပေးထားပါတယ်။

ယူကရိန်းသမ္မတအကြံပေး'မစ်ခေလိုပိုဒိုလီယက်'က ရုရှားဘက်က နျူကလီးယားဖြင့် တိုက်ခိုက်လာနိုင်တဲ့အပေါ် ကြိုတင်ပြင်ဆင်နေကြောင်း ဆိုလိုက်ပါတယ်။

ကိဗ်မြို့တော်အလယ်ပိုင်းက တေးဂီတဆရာတစ်ဦးက "နျူကလီးယားလက်နက်သုံးတော့ရော ဘာဖြစ်လဲ၊ ဖေဖော်ဝါရီ ၂၄ ရက်နေ့ပြီးကတည်းက ဘာကိုကြောက်ရွံနေရဦးမှာလဲ၊ ဒီထက်ပိုပြီး ကြောက်ရွံနေစရာ မရှိတော့ပါဘူး" လို့ ပြောကြားသွားပါတယ်။

ရုရှားတို့ကျူးကျော်ဖို့ မဲဆန္ဒခံယူတဲ့ပွဲမှာ ရုရှားကိုကူညီတဲ့ ယူကရိန်းသားတွေကို သစ္စာဖောက်မှုနဲ့ တရားစွဲမှာဖြစ်ပြီး အနည်းဆုံးထောင်ဒဏ် ၅ နှစ်ချမယ်လို့ 'ပိုဒိုလီယက်'က ပြောကြားလိုက်ပါတယ်။

Source: The Straits Times
#Yangon_Media_Group

#Local_News
Published_ 28 September 2022

နိုင်ငံတော်၏ ငြိမ်းချမ်းရေးဆွေးနွေးရေးအဖွဲ့နှင့် “ဝ” ပြည်သွေးစည်းညီညွတ်ရေး ပါတီ (UWSP)၊ အမျိုးသားဒီမိုကရက်တစ်မဟာမိတ်အဖွဲ့ (NDAA)၊ ရှမ်းပြည်တိုးတက်ရေးပါတီ (SSPP)တို့နှင့် တွေ့ဆုံဆွေးနွေးပွဲကို စက်တင်ဘာ ၂၇ ရက် နံနက်ပိုင်းတွင် နေပြည်တော်၌ ကျင်းပခဲ့ပါတယ်။

ဆွေးနွေးပွဲသို့ အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှု ညှိနှိုင်းရေးကော်မတီဥက္ကဋ္ဌ၊ ငြိမ်းချမ်းရေးဆွေးနွေးရေးအဖွဲ့ခေါင်းဆောင် ဒုတိယ ဗိုလ်ချုပ်ကြီးရာပြည့်နှင့် အဖွဲ့ဝင်များ၊ UWSP ဒုတိယဥက္ကဋ္ဌ ဦးလော့ယာကု၊ နိုင်ငံရေးဌာနကြီးမှူး ဦးအိုက်နပ်လိုင်း၊ NDAA ဒုတိယဥက္ကဋ္ဌ ဦးစန်ပေ့၊ အထွေထွေအတွင်းရေးမှူး ဦးကြည်မြင့်၊ SSPP ဒုတိယဥက္ကဋ္ဌ(၂) စဝ်ခွန်ဆိုင်၊ အတွင်းရေးမှူး(၂) စဝ်စိုင်းဆု တို့ တက်ရောက်ခဲ့ကြပါတယ်။

ဆွေးနွေးပွဲတွင် ငြိမ်းချမ်းရေးဆွေးနွေးရေးအဖွဲ့ခေါင်းဆောင် ဒုတိယဗိုလ်ချုပ်ကြီး ရာပြည့်နှင့် တက်ရောက်လာကြသည့် တိုင်းရင်းသားလက်နက်ကိုင်အဖွဲ့များကိုယ်စား UWSP ဒုတိယဥက္ကဋ္ဌ ဦးလော့ယာကုတိုက နှုတ်ခွန်းဆက် အမှာစကား ပြောကြားကြပါတယ်။

ထို့နောက် ဖွဲ့စည်းပုံအခြေခံဥပဒေ (၂၀၀၈ ခုနှစ်) ပါ ဇယား ၁ ပြည်ထောင်စု ဥပဒေပြုစာရင်းနှင့် ဇယား ၂ တိုင်းဒေသကြီး သို့မဟုတ် ပြည်နယ်ဥပဒေပြုစာရင်းတို့နှင့် ပတ်သက်၍ ညှိနှိုင်းရေး ကော်မတီအဖွဲ့ဝင် ဒုတိယဗိုလ်ချုပ်ကြီး ဝင်းဗိုလ်ရှိန်က ရှင်းလင်းတင်ပြပါတယ်။

ယင်းနောက် ပထမအကြိမ် တွေ့ဆုံဆွေးနွေးချိန်တွင် သဘောတူညီချက်ပါအတိုင်း UWSPနှင့် NDAA တို့၏ နိုင်ငံရေးလိုလားချက်များနှင့် ပတ်သက်၍ လုပ်ဆောင်နိုင်သည့် နည်းလမ်းများအား နိုင်ငံတော်၏ ငြိမ်းချမ်းရေးဆွေးနွေးရေးအဖွဲ့မှ ရှင်းလင်းဆွေးနွေးပါတယ်။

ထို့နောက် တက်ရောက်လာကြသူများက သဘောထားများ၊ လိုလားချက်များကို အပြန်အလှန် ဆွေးနွေးညှိနှိုင်းခဲ့ကြပြီး ဒုတိယနေ့ဆွေးနွေးပွဲကို စက်တင်ဘာ ၂၈ ရက်တွင် ဆက်လက်ကျင်းပသွားမှာဖြစ်ကြောင်း သိရပါတယ်။

#ygm_mnn
#Yangon_Media_Group

#World_Health
Published 28 September 2022

လူအများယုံကြည်ယူဆနေတဲ့ အချက်တစ်ချက်က ခြေထောက်ပြားကြီးရင် ကျားအင်္ဂါလည်းကြီးတယ်ဆိုတာပါပဲ။

ဒါပေမဲ့အခုတော့ ကျားအင်္ဂါအရွယ်အစားကို ခန့်မှန်းလို့ရတဲ့ အခြားခန္ဓာကိုယ်အစိတ်အပိုင်းရှိကြောင်း ကျွမ်းကျင်သူများက ထုတ်ဖော်လိုက်ပါတယ်။

ဂျပန်သိပ္ပံပညာရှင်များ ရှာဖွေတွေ့ရှိခဲ့တာကတော့ ဒါဟာ နှာခေါင်းအရှည်အလျားနဲ့ သက်ဆိုင်နေပါတယ်တဲ့။

နှာခေါင်းကြီးတဲ့လူတွေက သူတို့ရဲ့ကျားအင်္ဂါသန်မာလာတဲ့အချိန်မှာ အနည်းဆုံး ၅.၃ လက်မရှိတယ်လို့ ကျိုတိုစီရင်စုဆေးပညာတက္ကသိုလ်အဖွဲ့က ဆိုလိုက်ပါတယ်။

နှာခေါင်းသေးတဲ့ သူတွေကတော့ သန်မာတဲ့အချိန်မှာ ၄.၁ လက်မသာရှိတယ်လို့ တွေ့ရှိခဲ့ပါတယ်။

ထိုကဲ့သို့ရှာဖွေတွေ့ရှိရန် သုတေသီများက ၃ ရက်အတွင်းသေဆုံးထားတဲ့ အမျိုးသားအလောင်း ၁၂၆ လောင်းကို လေ့လာခဲ့ကြပြီး သူတို့ရဲ့ခန္ဓာကိုယ်အစိတ်အပိုင်းအမျိုးမျိုးကို တိုင်းတာခဲ့ပါတယ်။

သူတို့ရဲ့ အရပ်အမြင့်၊ ကိုယ်အလေးချိန်၊ ကျားအင်္ဂါအရွယ်အစားတို့ကို တိုင်းတာခဲ့ကြပါတယ်။

ကျားအင်္ဂါအရှည်အလျားကို တိုင်းတာရာမှာ ဆန့်လို့ရသလောက်အထိ ဆွဲဆန့်ခဲ့ကြပါတယ်။

ထို့နောက် အဲဒီအတိုင်းကို ခြေထောက်အရွယ်အစားအပါအဝင် တစ်ကိုယ်လုံးကအစိတ်အပိုင်းတွေနဲ့ နှိုင်းယှဉ်ကြည့်ခဲ့ကြပါတယ်။

Basic and Clinical Andrology ဂျာနယ်မှာ ဖော်ပြထားရာမှာ တကယ်တမ်းတော့ နှာခေါင်းအရွယ်အစားက သန်မာနေတဲ့ကျားအင်္ဂါအရှည်အလျားကို ဆုံးဖြတ်ပေးတာဖြစ်ပြီး အသက်အရွယ်၊ အရပ်အမြင့်၊ ကိုယ်အလေးချိန်တို့နဲ့ မဆိုင်ပါဘူး။

ဒီလိုဆက်စပ်မှုကိုတွေ့ရှိတာဟာ သန္ဓေသားအန်ဒရိုဂျင်ပမာဏပေါင်းစပ်ခြင်းနဲ့ အမျိုးသားမျိုးပွားအင်္ဂါလုပ်ဆောင်ချက်တွေအတွက် အလွန်အရေးပါပါတယ်။

လေ့လာခဲ့တဲ့သူတွေဟာ အသက် ၃၀ မှ ၅၀ ဝန်းကျင်ရှိ အမျိုးသားတွေဖြစ်ပြီး ကျားအင်္ဂါအရွယ်အစားက အသက်အရွယ်ကိုလည်း ညွှန်ပြနေပါတယ်။

ဒီလေ့လာချက်က ဂျပန်မှ လူအနည်းစုကိုသာ အခြေခံထားတာကိုလည်း သတိပြုရမှာပါ။

ကျားအင်္ဂါနဲ့ နှာခေါင်းအရွယ်အစားဆက်စပ်မှုကို တိတိကျကျဖော်ပြနိုင်ရန်အတွက် ဒီထက်ပိုမိုကျယ်ပြန့်တဲ့ လေ့လာမှုပြုလုပ်ရဦးမှာပါ။

ဒါ့အပြင် ဝှေးစေ့ပြာနှမ်းခြင်းကလည်း တကယ်ဖြစ်တတ်တဲ့ အခြေအနေဖြစ်ကြောင်း ဆရာဝန်တစ်ဦးက ဖော်ပြထားပါတယ်။

အမျိုးသားတွေဟာ လိင်ပိုင်းဆိုင်ရာဖြေလျှော့ခြင်းကို အချိန်ကြာမြင့်စွာအထိ မခံစားရဘူးဆိုရင် ဝှေးစေ့ကိုဖုံးအုပ်ထားတဲ့အရေပြားက အပြာရောင်သမ်းလာပါတယ်။

ဒီအခြေအနေသက်သာစေဖို့က လိင်မှုပျော်ရွှင်အောင် နေထိုင်ဖို့ပဲဖြစ်တယ်လို့ ရှင်းပြထားပါတယ်။

"အချိန်အတော်ကြာ စိတ်ဆန္ဒပြင်းပြနေရင် မျိုးပွားအင်္ဂါဆီ သွေးအများအပြားစီးဆင်းသွားပြီးတော့ ဖိအားတင်းလာပါတယ်၊ အဲဒီအခါ မဖြေလျှော့နိုင်ဘူးဆိုရင် ဖိအားကနေ နာကျင်ကိုက်ခဲလာနိုင်ပါတယ်" လို့ ပြောပြထားပါတယ်။

ဒီလိုနာကျင်မှု ယာယီသဘောသာဖြစ်ပြီး အကယ်၍မသက်သာဘူးဆိုရင်တော့ ဆရာဝန်ထံပြသသင့်ပါတယ်။

Source: The Sun
#Yangon_Media_Group

Published 27 Sept 2022

အစိုးရတစ်ရပ်ဆိုတာ အလုပ်လုပ်ပြဖို့ဖြစ်ပြီး တီဗွီထဲပါနေဖို့ သတင်းထဲပါနေဖို့ ဟန်ပြမဟုတ်ဘူးဟု နစက ဥက္ကဋ္ဌ ဗိုလ်ချူပ်မှူးကြီး မင်းအောင်လှိုင်က နစက ကောင်စီဝင်တွေကို ပြောကြားခဲ့ပါတယ်။

စက်တင်ဘာ ၂၇ ရက်က နေပြည်တော်မှာ လစဉ်ပုံမှန်ကျင်းပတဲ့  နစကအဖွဲ့ရဲ့ အစည်းအဝေးအတွင်းမှာ ဗိုလ်ချူပ်မှူးကြီးက ယခုလိုပြောကြားခဲ့တာဖြစ်တယ်လို့ နစက သတင်းထုတ်ပြန်ချက်အရသိရပါတယ်။

“ အစိုးရတွေက ဒါတော့ လုပ်ရင်ဖြစ်တယ်ဆိုတာပြတာ။ အစိုးရတစ်ရပ်ဆိုတာ လုပ်ပြဖို့ပဲ။ဟန်ပြ တီဗွီထဲပါနေဖို့ သတင်းထဲပါနေဖို့မဟုတ်ဘူး။ တကယ်တော့ တိုင်းပြည်ဒေသကို တိုးတက်အောင်လုပ်ပေးရမှာ။ ကျွန်တော်တို့ အစိုးရသည်လည်း တိုင်းပြည်တိုးတက်အောင်လုပ်ရမယ်။ ဒေသအစိုးရကလည်း ဒေသကို တိုးတက်အောင် သူက လုပ်ရမယ်ဂ ဒါ လက်တွေကျတဲ့ နိုင်ငံရေးပဲ” ဟု သူကပြောဆိုခဲ့ခြင်းဖြစ်ပါတယ်။

“ စီပွားရေးလုပ်လာပြီဆိုရင် ဒေသတွေရဲ့ဘတ်ဂျက်တွေ တက်လာလိမ့်မယ်။ သူ့ဘတ်ဂျက်နဲ့သူလည်ပတ်လို့ရအောင် ကျွန်တော်တို့က ဒါကိုမတည်ပေးလိုက်တာ။ ၁၀ဘီလီယံဆီထောက်ပံ့ပေးတယ်။၅ ဘီလီယံစီပေးတယ်။ သူတို့ကို ဒါတွေ လိုအပ်တာသုံးဖို့ ဖက်ဒရယ်အခွင့်အရေးတွေပေးလိုက်တာပဲဖြစ်တယ်” လို့လည်း ဗိုလ်ချူပ်မှူးကြီးက ဒေသအလိုက် မြစိမ်းရောင်စီမံကိန်းဖြင့် မတည်ငွေများ ထုတ်ပေးခဲ့ခြင်းနှင့်ပတ်သက်ပြီး ပြောကြားခဲ့ပါတယ်။

တိုင်းဒေသကြီးနှင့် ပြည်နယ်အားလုံးတွင် စက်မှုဇုန်တွေလုပ်ဆောင်ကြရာတွင် ချင်းပြည်နယ်တွင် စက်မှုဇုန်မရှိသေး၊စက်မှုရပ်ကွက်လည်းမရှိသေးသည့်အတွက်  ချင်းပြည်နယ်တွင်စက်မှုဇုန်တည်ထောင်ရန် စီစဉ်နေကြောင်းလည်းသိရပါတယ်။ ချင်းပြည်နယ်စက်မှုဇုန်ဟာ ကော်ဖီ၊ ဝ ဥနှင့်  နွားနောက်ကိုအခြေခံ၍ ဖော်ဆောင်မည်ဟုလည်း သတင်းထုတ်ပြန်ချက်မှာဖော်ပြထားပါတယ်။

ပြည်ထောင်စုနိုင်ငံတော်ကို ဖွဲ့စည်းပုံအခြေခံဥပဒေ(၂၀၀၈ခုနှစ်)နှင့် NCA ကိုအခြေခံပြီးတည်ဆောက်သွားရမည် ဖြစ်တယ်လို့လည်း နစက ဥက္ကဋ္ဌက ထပ်လောင်းပြောကြားခဲ့ပါတယ်။ အဲဒါကြောင့် ရွေးကောက်ပွဲဥပဒေနှင့် နိုင်ငံရေး ပါတီများမှတ်ပုံတင်ခွင် ဥပဒေတွေကို ပြင်ဆင်နိုင်ရေးလုပ်ဆောင်မှာမို့ အဆိုပါဥပဒေတွေ လေ့လာထားရှိကြဖို့ နစက ဥက္ကဋ္ဌက ကောင်စီဝင်တွေကို တိုက်တွန်းခဲ့တဲ့အကြောင်း သတင်းထုတ်ပြန်ထားပါတယ်။

Source{ SAC’s info

#SG_Min_Aung_Hlaing

#SAC

#Myanmar

#Local_News
Published _27 September 2022

ရခိုင်ပြည်နယ် မောင်တောမြို့ ကညင်ချောင်း နယ်စပ်ကုန်သွယ်ရေးစခန်းဟာ လက်ရှိမြေပြင်အနေအထားအရ ရပ်ဆိုင်းလုနီးပါးဖြစ်နေတယ်။

#Yangon_Media_Group

#World_Wildlife
Published 27 September 2022

ဒေသတော်တော်များများမှာ သင်းခွေချပ်တွေဟာ လူတွေရဲ့ တရားမဝင်ရောင်းချခြင်းအန္တရာယ်ကို ရင်ဆိုင်နေရသလို ထိုင်ဝမ်မှာဆိုရင် လမ်းဘေးခွေးရိုင်းတွေ အကောင်ရေများလာတဲ့ပြဿနာနဲ့လည်း ရင်ဆိုင်နေရပါတယ်။

#Yangon_Media_Group

#Local_News
Published-27 September 2022

ယခုလ စက်တင်ဘာ ၁ ရက်ကနေ ၂၃ ရက်အထိ ပြည်ပကိုပြောင်းတန်ချိန် ခြောက်သောင်းတင်ပို့နိုင်ခဲ့တယ်လို့ မြန်မာနိုင်ငံပဲမျိုးစုံ၊ ပြောင်းနှင့်နှမ်းကုန်သည်များအသင်းဥက္ကဋ္ဌ ဦးထွန်းလွင်က ပြောပါတယ်။

#Yangon_Media_Group

Published 27 Sept 2022

နာဆာရဲ့ DART အာကာသယာဉ်(ဒုံး)ဟာ တနင်္လာနေ့က Dimorphos  ဂြိုဟ်သိမ် ဂြိဟ်ငယ်ကလေးတစ်လုံးကို ဝင်တိုက်ဖျက်ဆီးပစ်ခဲ့နိုင်ပါတယ်။

ငွေအကြွေဖြင့်ပစ္စည်းဝယ်စက် vending machine စက်တစ်လုံးအရွယ်အစားခန့်သာရှိတဲ့ အဆိုပါ နာဆာရဲ့  DART အာကာသယာဉ်ဟာ ဘောလုံးကွင်းတစ်ကွင်းစာအရွယ်ရှိတဲ့ Dimorphos ဂြိုဟ်သိမ်ကို အောင်မြင်စွာ ဝင်တိုက်ဖျက်ဆီးလိုက်နိုင်တာကို DART မစ်ရှင်မှာ တပ်ဆင်ပေးလိုက်တဲ့ DRACO ကင်မရာကနေတစ်ဆင့်  မြင်တွေ့ကြရပါတယ်။

ဒါဟာ ကမ္ဘာပေါ်က သက်ရှိတွေ ဂြိုဟ်သိမ်ဂြိုဟ်မွှားကျရောက်မှုကြောင့် သေကြေပျက်စီးရမယ့် အန္တရာယ်ကို ကာကွယ်ပေးနိုင်ဖို့ဖြစ်ပါတယ်။

“ ကမ္ဘာ့ပထမဆုံး ကမ္ဘာ့လေ ကာကွယ်ရေးစမ်းသပ်မစ်ရှင်အတွက် အကျိူးသက်ရောက်မှု အတည်ပြုခဲ့ပါပြီ” လို့ နာဆာရဲ့ တိုက်ရိုက်ရုပ်သံထုတ်လွှင့်တဲ့ဗွီဒီယိုဂရပ်ဖစ်မှာ ဖော်ပြထားပါတယ်။စောင့်ကြပ်ကြည့်ရှုနေကြတဲ့အင်ဂျင်နီယာတွေနှင့် သိပ္ပံပညာတွေဟာ အောင်မြင်မှုကို လက်ခုပ်လက်ဝါးတီး ဂုဏ်ပြုခဲ့ကြပါတယ်။

Source: AFP/NASA

#Moonlet_asteroid

#Dimorphos

#DART_spaceship_NASA