#World_Health
Published 15 February 2023

ကလေးငယ်များရဲ့ ကျန်းမာရေးမှတ်တမ်းများဖြင့် အယ်လ်ဂိုရစ်သမ်ဖန်တီးပြီး ပထမဆုံးလသားအရွယ်မှာပင် အထီးကျန်စိတ်ဝေဒနာ(အော်တစ်ဇင်)ဖြစ်နိုင်ချေ လက္ခဏာများကို တွေ့ရှိနိုင်မှာဖြစ်ကြောင်း အမေရိကန်ဒုခ်တက္ကသိုလ်က လေ့လာတွေ့ရှိထားပါတယ်။

အော်တစ်ဇင်ဖြစ်နိုင်ချေအတွက် ဆက်လက်စစ်ဆေးခံရမယ့် မွေးကင်းစကလေးတွေမှာ ကျန်းမာရေးစောင့်ရှောက်မှုပုံစံတွေ အတော်လေးကွဲပြားပါတယ်။

ကလေးဘဝရဲ့ အစောဆုံးရက်တွေမှာ အော်တစ်ဇင်ဖြစ်နိုင်ချေလက္ခဏာများ တွေ့တယ်ဆိုရင် ကလေးအထူးကုတွေနဲ့ ကလေးမိဘတွေ အထူးဂရုပြုမိပြီး လျင်မြန်စွာကုသနိုင်မှာဖြစ်ပါတယ်။

၂၀၀၆ နဲ့ ၂၀၂၀ အတွင်း ဒုခ်တက္ကသိုလ်ကျန်းမာရေးစနစ်မှ မွေးကင်းစကလေးငယ်ပေါင်း ၄၅,၀၀၀ ရဲ့ အီလက်ထရွန်နစ်ကျန်းမာရေးမှတ်တမ်းများကို အခြေခံလေ့လာခဲ့တာဖြစ်ပါတယ်။

ထိုမှတ်တမ်းတွေကို စက်ပစ္စည်းတွေကနေ လေ့လာသင်ယူမှတ်သားတဲ့ပုံစံပြုလုပ်ခဲ့ပါတယ်။

နောက်ဆုံးမှာတော့ သူတို့ရဲ့အယ်လ်ဂိုရစ်သမ်က အော်တစ်ဇင်ဖြစ်နိုင်ချေရှိတဲ့ကလေးတွေကို ခန့်မှန်းနိုင်ခဲ့ပါတယ်။

ဒီတွေ့ရှိချက်ကို ဆက်လက်လေ့လာပြီး အတည်ပြုနိုင်ရင် အခြားစမ်းသပ်ရေးကိရိယာတွေ၊ ဆေးစစ်ချက်တွေနဲ့အတူ အယ်လ်ဂိုရစ်သမ်ကို အသုံးပြုနိုင်မှာဖြစ်ပါတယ်။

အော်တစ်ဇင်က ဦးနှောက်ချို့ယွင်းတာသက်သက်မဟုတ်ဘဲ တစ်ကိုယ်လုံးရှိ အစာခြေစနစ်၊ အိပ်စက်ခြင်း၊ အာရုံကြော၊ အမြင်အာရုံပြဿနာတို့နဲ့ပါ သက်ဆိုင်နေပါတယ်။

အော်တစ်ဇင်ဝေဒနာက လူမှုပေါင်းသင်းဆက်ဆံပြောဆိုရေးတို့မှာ အခက်အခဲရှိပြီး အတွေးအခေါ် အပြုအမူများ အကန့်အသတ်ရှိခြင်း ထပ်တလဲလဲဖြစ်ခြင်း စတဲ့ အာရုံကြောလက္ခဏာများဖြစ်ကာ ကလေး ၃ နှစ်မှ ၄ နှစ်အတွင်းမှာ ရောဂါရှိကြောင်း တွေ့ရှိရတတ်ပါတယ်။

ရောဂါကို စောစီးစွာသိရှိပြီး ကုသမှုခံယူခြင်းဖြင့် အကျိုးကျေးဇူးရရှိနိုင်မှာဖြစ်ပါတယ်။

အော်တစ်ဇင်သုတေသီတွေက အသက် ၆ လအရွယ်ကလေးများမှာပင် ကုသကူညီနိုင်အောင် နည်းလမ်းများဖန်တီးနေပြီး ကလေးငယ်များ ပေါင်းသင်းဆက်ဆံတတ်ရန် မိဘတွေကို နည်းစနစ်တွေ သင်ပြပေးမှာဖြစ်ပါတယ်။

Source: South China Morning Post
#Yangon_Media_Group

#LocalNews
Published_ 15 February 2023

မြန်မာပြည်သူ့ဒီမိုကရက်တစ်ပါတီ (MPD) ၏ အမည်၊အလံ နှင့် တံဆိပ်တို့ကို တစ်ပတ်အတွင်း ကန့်ကွက်နိုင်ကြောင်း ပြည်ထောင်စုရွေးကောက်ပွဲကော်မရှင်(UEC)က ထုတ်ပြန်လိုက်သည်။

အဆိုပါ ပါတီရုံးချုပ်မှာ ရန်ကုန်တိုင်းဒေသကြီး၊ ထောက်ကြန့်မြို့၊ ရန်ကုန်-ပဲခူးလမ်းမကြီး၊ အမှတ်(၈၃)တွင် တည်ရှိပြီး နိုင်ငံရေးပါတီများ မှတ်ပုံတင်ခြင်း ဥပဒေပုဒ်မ ၂၅ အရ နိုင်ငံရေးပါတီအဖြစ် ဆက်လက်တည်ထောင် မှတ်ပုံတင်ခွင့်ပြုရန် ဖေဖော်ဝါရီလ ၈ ရက်က လျှောက်ထားခဲ့ခြင်းဖြစ်ကြောင်း သိရသည်။

ယင်းကြောင့် ယင်းအဖွဲ့အစည်းကအသုံးပြုမည့် ပါတီအမည်၊ အလံနှင့် တံဆိပ်တို့ကို ကန့်ကွက်လိုက ဖေဖော်ဝါရီလ ၁၄ ရက် မှ စ၍ (၇)ရက်အတွင်း ခိုင်လုံသောအထောက်အထားများဖြင့် ပြည်ထောင်စု ရွေးကောက်ပွဲကော်မရှင်ထံ ကန့်ကွက်နိုင်ကြောင်း၊ နိုင်ငံရေးပါတီများမှတ်ပုံတင်ခြင်း နည်းဥပဒေ ၁၄ (ဃ) အရ ကြေညာခြင်းဖြစ်ကြောင်း သိရသည်။

ymg/mt

#Yangon_Media_Group

#LocalNews
Published_ 15 February 2023

စစ်ကိုင်းတိုင်းဒေသကြီး၊ ကောလင်းမြို့နယ်နှင့် ဘုတလင်မြို့နယ်တို့ တွင် နစက ဆန့်ကျင်အဖွဲ့က ဗုံးပစ်လောင်ချာ၊လက်လုပ်စိန်ပြောင်းများဖြင့်ပစ်ခတ်ခဲ့၍ ကိုရင်ကြီး ၁ ပါး၊ ကိုရင် ၁ ပါး၊ကလေးငယ် ၂ ဦး ဒဏ်ရာရ ခဲ့ကြောင်း နစက သတင်းထုတ်ပြန်ရေးအဖွဲ့က ထုတ်ပြန်လိုက်သည်။

ယင်းအဖွဲ့က ဖေဖော်ဝါရီလ ၁၃ ရက် မွန်းလွဲ ၁၂ နာရီ ၁၀ မိနစ်ခန့်တွင် ခေါပြင်ချောင်းတံတားအနီးမှနေ၍ ကောလင်းမြို့နယ်၊ ကျော်ဇေယျာ ရပ်ကွက်အတွင်းသို့ ဗုံးပစ်လောင်ချာများဖြင့် ရမ်းသမ်းပစ်ခတ်ခဲ့ရာ ဗုံးသီးမှာ ကျောင်းသား၊ ကျောင်းသူများ စာသင်ကြားနေသည့် သုနန္ဒာရာမ ဘုန်းကြီးကျောင်းအတွင်းရှိ သာသနာရေးဝန်ကြီးဌာန၊ အမှတ်(၂)ဘုန်းတော်ကြီးသင်ပညာရေးကျောင်း စာသင်ဆောင်ပေါ်သို့ ကျရောက်ပေါက်ကွဲခဲ့သောကြောင့် စာသင်ဆောင်အတွင်း စာသင်ကြားနေသည့် ကိုရင် ရှင်အာသဖ (၁၄)နှစ်၊ ဝါတော် ၂ ဝါ၊ မောင်ဇင်ဝဏ္ဏဖြိုး(၁၃)နှစ် နှင့် မောင်ဝေလင်းအောင် (၁၄)နှစ် တို့တွင် ဗုံးသီးစထိမှန်ဒဏ်ရာများရရှိခဲ့ကြောင်း သိရသည်။

ယင်းအပြင် မွန်းလွဲ ၃ နာရီခန့်တွင် ဘုတလင်မြို့နယ်၊ မြဝတီရပ်ကွက်နှင့် ခုံမင်းကြီးရပ်ကွက်များအတွင်းသို့ ရွှေတောင်ကျေးရွာအနီးနှင့် လွှဲတဲကျေးရွာဘက်မှနေ၍ လက်လုပ်စိန်ပြောင်းများဖြင့် ပစ်ခတ်တိုက်ခိုက်ခဲ့သဖြင့် စိန်ပြောင်းဗုံးသီးများသည် မြဝတီရပ်ကွက်ရှိ မြို့နယ်စည်ပင်ရုံး၊ ရပ်ကွက်ဘောလုံးကွင်း၊ မြို့မဈေးရှေ့ နှင့် ခုံမင်းကြီးရပ်ကွက်ရှိ ဆောင်တန်းကြီးဘုန်းကြီးကျောင်းအတွင်းသို့ ကျရောက်ပေါက်ကွဲခဲ့သောကြောင့် အဆိုပါဘုန်းကြီးကျောင်းရှိ ကိုရင်ကြီး ဥူးဝီရီယ(ခ) ဦးဝင်းအောင်သန်း(၄၀)နှစ် တွင် ဗုံးသီးစထိမှန် ဒဏ်ရာများ ရရှိခဲ့ကြောင်းသိရသည်။

ymg/mt

#Yangon_Media_Group

#LocalNews
Published_ 15 February 2023

နေပြည်တော်၊သပြေကုန်းဈေး၌ တည်ဆောက်မည့် EV Charger 60KW ငါးစုံ ရောက်ရှိပြီဖြစ်ကြောင်း အမျိုးသားအဆင့် လျှပ်စစ်သုံးယာဉ်နှင့် ဆက်စပ်လုပ်ငန်းများ ဖွံ့ဖြိုးတိုးတက်ရေး ဦးဆောင်ကော်မတီက သိရသည်။

ယင်းကို N.P.K Motors Co., Ltd. က တရုတ်နိုင်ငံမှ တင်သွင်းလာခြင်းဖြစ်ပြီး ရန်ကုန်အပြည်ပြည်ဆိုင်ရာ လေဆိပ်သို့ ဖေဖော်ဝါရီလ ၁၁ ရက်က ရောက်ရှိခဲ့ခြင်းဖြစ်ကြောင်း၊ ရောက်ရှိလာသော EV Charger များကို အကောက်ခွန်ရှင်းလင်းခြင်းဆိုင်ရာ လုပ်ငန်းများဆောင်ရွက်ခဲ့ပြီး အကောက်ခွန်ကင်းလွတ်ခွင့်ဖြင့် နေ့ချင်းပြီး ထုတ်ယူခွင့်ပြုပေးခဲ့ခြင်းဖြစ်ကြောင်း သိရသည်။

အမျိုးသားအဆင့် လျှပ်စစ်သုံးယာဉ်နှင့်ဆက်စပ်လုပ်ငန်းများ ဖွံဖြိုးတိုးတက်ရေးဦးဆောင်ကော်မတီ၏ ခွင့်ပြုချက်ဖြင့် Chin Dwin Shan Construction Co., Ltd. နှင့် NPK Motors Co., Ltd တို့ကတင်သွင်းခဲ့ကြသော လျှပ်စစ်ကားများထဲမှ နေပြည်တော်ကောင်စီနယ်မြေ၊သပြေကုန်းဈေးကိုအခြေပြု၍ လျှပ်စစ်တက္ကစီကား ၁၀ စီးပြေးဆွဲမည် ဖြစ်သည့်အတွက် သပြေကုန်းဈေးအနီးတွင် NPK Motors Co., Ltd က Charging Station တစ်ခုတည်ဆောက်နေခြင်းလည်းဖြစ်ကြောင်း သိရသည်။

ymg/mt

#Yangon_Media_Group

#World_Health
Published 15 February 2023

တစ်နေ့ကို ကော်ဖီ ၃ ခွက်နဲ့အထက် သောက်သုံးခြင်းဖြင့် ခန္ဓာကိုယ်အောက်ပိုင်းနဲ့ ပင်မသွေးပေါင်ချိန်တို့ကို လျော့ကျစေနိုင်ကြောင်း Nutrients ဂျာနယ်မှာ ဖော်ပြထားပါတယ်။

ထိုသွေးပေါင်ချိန်တွေက သွေးကြောတောင့်တင်းခြင်းနဲ့ အိုမင်းခြင်းတို့ကို ဖော်ပြနေတဲ့ အမှတ်အသားတွေဖြစ်ကြောင်း ဘိုလော့ဂ်နာတက္ကသိုလ် ဆေးပညာနှင့် ခွဲစိတ်သိပ္ပံဌာနမှ ဦးဆောင်စာတမ်းပြုစုသူ ပရော်ဖက်ဆာဒေါက်တာ 'အာရီဂိုအက်ဖ်ဂျီစီဆာရို'က ဆိုပါတယ်။

အသက်အရွယ်ကြီးတဲ့ သွေးတိုးသမားတွေမှာ သွေးကြောကြီးတွေက တောင့်တင်းလာပြီး အပေါ်သွေးတိုးကာ အပေါ်သွေးအောက်သွေးကွာခြားချက် များလာစေပါတယ်။

သွေးပေါင်ချိန်ပေါ်မှာ ကော်ဖီသက်ရောက်မှုက အငြင်းအခုန်ဖြစ်နေဆဲဖြစ်ပြီး အရင်ကလေ့လာချက်တွေမှာတော့ ကဖင်းဓာတ်က ခဏတာလောက် သွေးပေါင်ချိန်တက်စေပါတယ်။

ဒါပေမဲ့ ကော်ဖီထဲက ဓာတ်တိုးဆန့်ကျင်ပစ္စည်းတွေက သွေးကြောကျယ်စေပြီး ဆဲလ်တွေကို ကာကွယ်ပေးတယ်လို့ တွေ့ရှိလာပါတယ်။
စီဆာရိုနဲ့အဖွဲ့က အမျိုးသား ၇၂၀ နဲ့ အမျိုးသမီး ၇၈၃ ဦးတို့ကို စမ်းသပ်လေ့လာခဲ့ပါတယ်။

အချက်အလက်သုံးသပ်ချက်များအရ ကော်ဖီသောက်ခြင်းဖြင့် သွေးပေါင်ချိန်လျော့ကျစေနိုင်ကြောင်း တွေ့ရှိခဲ့ကြပါတယ်။

ကော်ဖီသောက်လေ့မရှိတဲ့သူတွေမှာ ကဖင်းဓာတ်က သွေးပေါင်ချိန်တိုးစေနိုင်ပေမယ့် ကော်ဖီမှာပါတဲ့ ဇီဝဒြပ်ပေါင်းတွေက တန်ပြန်သက်ရောက်စေကြောင်း တက္ကဆပ်နည်းပညာတက္ကသိုလ်မှ ဒေါက်တာ'ဒီဘာဘရာတာမူခါဂျီ'က ရှင်းပြခဲ့ပါတယ်။

သွေးတိုးရှိပြီး ကော်ဖီပုံမှန်သောက်နေကျလူတွေကတော့ ထိုပမာဏအတိုင်း ဆက်လက်သောက်သုံးနေပါက သွေးပေါင်ချိန်ကို အကျိုးရှိစေနိုင်ပါတယ်။

Source: Healthline
#Yangon_Media_Group

Published 14 Feb 2023

အိန္ဒိယနိုင်ငံ ဒေလီနှင့် မွမ်ဘိုင်းမှာရှိတဲ့ ဘီဘီစီအသံလွှင့်ဌာနရဲ့ရုံးတွေကို အိန္ဒိယ ဝင်ငွေအခွန်ဋ္ဌာနက အခွန်ရှောင်တာတွေကို ဖော်ထုတ်တဲ့အနေနှင့် ဒီကနေ ဖေဖော်ဝါရီ ၁၄ရက်မှာ စီးနင်းခဲ့ပါတယ်။

ဖေဖော်ဝါရီ ၁၄ ရက် မနက် ၁၁နာရီ ၂၀မိနစ်မှာ ဝင်င္ခေအခွန်ဋ္ဌာနအဖွဲ့ဟာ ဒေလီမှာရှိတဲ့ ဘီဘီစီရုံးကို စီးနင်းခဲ့ပါတယ်။အဲဒီ ရှာဖွေမှုတွေပြုလုပ်နေစဉ်အတွင်း ဘီဘီစီးရုံးကို ပိတ်ဆို့ထားခဲ့ပါတယ်။

ဌာနအနေနှင့် စီးပွားရေးလုပ်ငန်းလည်ပတ်နေတဲ့ စာရွက်စာတမ်းတွေ၊ အိန္ဒိယစစ်တပ်နှင့်ဆက်စပ်တဲ့ စာရွက်စာတမ်း တွေကိုသာ ရှာဖွေခဲ့တာဖြစ်တယ်လို့ အခွန်အရာရှိတွေက ပြောပါတယ်။ ရှာဖွေရာမှာလည်း လုပ်ငန်းလုပ်နေတဲ့ ရုံးကိုသာ ဖြစ်ပြီး အိမ်တွေနှင့် အခြားသောနေရာတွေမပါခဲ့ပါဘူးလို့လည်းဆိုပါတယ်။

လူ ၆၀နှင့် ၇၀အကြားရှိတဲ့ အဲဒီအခွန်အဖွဲ့ဟာ ဘီဘီစီဝန်ထမ်းတွေကို ဖုန်းတွေပြောဆိုခြင်းမပြုကြဖို့နှင့် ရှာဖွေ မှုမပြီးမချင်း မည်သည့်အသေးစိတ်အခြေအနေတွေ မျှဝေတာမလုပ်ကြဖို့ မှာကြားခဲ့ကြပါတယ်။

ရှာဖွေမှုပြီးတဲ့အချိန်မှာတော့ ဖုန်းတွေအားလုံးကို ဝန်ထမ်းတွေဆီပြန်ပေးခဲ့ပါတယ်။

ဘီဘီစီက ၂၀၀၂ခုနှစ် ဂူဂျာရတ်အထိကရုဏ်း အပိုင်းနှစ်ပိုင်းပါ သတင်းကားကို ထုတ်လွှင့်ပြသခဲ့ပြီး ရက်အနည်း ငယ်အကြာမှာ အခုလို စီးနင်းရှာဖွေခံရတာဖြစ်ပါတယ်။

Source WION

#BBC_India

#India
#Gujarat_riots.

#Local_News
Published_ 14 February 2023

၂၀၂၂_၂၀၂၃ ခုနှစ်အတွင်း ပြည်ပသို့ဆန်နှင့် ဆန်ကွဲတန်ချိန် ၂ သန်း တင်ပို့နိုင်ဖို့ လျာထားသတ်မှတ်ထားရာ ၂၀၂၂ ခုနှစ်ဇန်နဝါရီလကုန်အထိတန်ချိန် ၁ ဒသမ ၉ သန်းကျော် တင်ပို့ထားနိုင်ခဲ့တယ်လို့ မြန်မာနိုင်ငံဆန်စပါးအသင်းချုပ်ကနေ သိရပါတယ်။

#Yangon_Media_Group

#World_Pets
Published 14 February 2023

မူးယစ်ဆေးဝါးဖောက်ကားရေးမှာ သားကောင်ဖြစ်ခဲ့တဲ့ မက္ကဆီကိုခွေးလေးဟာ ရှေ့ခြေထောက်နှစ်ဖက် ဖြတ်တောက်ခဲ့ရပြီး အမေရိကန်အိမ်မွေး တိရိစ္ဆာန်ချစ်သူများ ချီးမြှင့်တဲ့ တစ်နှစ်တာအကောင်းဆုံး အိမ်မွေးတိရိစ္ဆာန်ဘွဲ့အတွက် ယှဉ်ပြိုင်လျက်ရှိပါတယ်။

#Yangon_Media_Group

#Local_News
Published_ 14 February 2023

ဖေဖော်ဝါရီလ ၁၄ ရက်နေ့ မနက်ပိုင်းမှာ ကမ္ဘာ့ရွှေဈေး တစ်အောင်စကို ၁၈၆၄ ဒေါ်လာကနေ ၁၈၅၇ ဒေါ်လာအထိ ဈေးပြန်ကျလာဝန်းပြီး ဈေးအနည်းငယ်တည်ငြိမ်နေတယ်လို့ ရွှေအရောင်းအဝယ်လုပ်ငန်းရှင်တွေကို မေးမြန်းချက်အရ သိရပါတယ်။

#Yangon_Media_Group

#Local_News
Published_ 14 February 2023

ရန်ကုန်မြို့ရှိ သဗ္ဗာန်ဆိပ်တွေမှာ မြူအထူထပ်ဆုံးအချိန် မနက်ခင်းပိုင်းတွေမှာသာ နာရီပိုင်းလောက်ပိတ်ထားပေမယ့် မြူပါးချိန်ကစလို့ GPS ကြည့်ပြီး ဘေးကင်းအောင်မောင်းနှင် ပို့ဆောင်ပေးနေတယ်လို့ သဗ္ဗာန်ဆိပ်မှ သဗ္ဗာန်မောင်းနှင်သူတွေထံမှ သိရပါတယ်၊၊

#Yangon_Media_Group

#Local_News
Published_ 14 February 2023

ဖေဖော်ဝါရီလ ၁၃ ရက်နေ့ကနေ ၁၉ ရက်နေ့ တစ်ပတ်တာအတွင်း စားသုံးဆီအခြေခံ လက်က္ကားဈေးနှုန်း ၄၄၉၀ ကျပ် သတ်မှတ်ထားတယ်လို့စားသုံးသူရေးရာဌာနက ထုတ်ပြန်ထားပါတယ်။

#Yangon_Media_Group

#DailyNews
Published_ 14 February 2023

၁။ စားသုံးဆီအစိုးရ ရည်ညွှန်းသတ်မှတ်ဈေး ၄၄၉၀ ကျပ် သတ်မှတ်

၂။ မြူထူထပ်ဆုံးနာရီပိုင်းလောက်သာ သဗ္ဗာန်ဆိပ်များ ပိတ်ထား၊ မြူပါးချိန် GPS ကြည့်ပြီး မောင်းနှင်ပေးနေ

၃။ ကမ္ဘာ့ရွှေဈေး အနည်းငယ်ပြန်ကျနေပြီး ပြည်တွင်းရွှေဈေးအတက်အကျတည်ငြိမ်နေ

၄။ မူးယစ်ဖောက်ကားရေးတွင် သားကောင်ဖြစ်ခဲ့သည့် မက္ကဆီကိုခွေးလေး အိမ်မွေးတိရစ္ဆာန်ပြိုင်ပွဲတွင် ဦးဆောင်‌နေ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group