#LocalNews
Published _24 September 2022

ဧရာဝတီတိုင်း၊ ပုသိမ်မြို့နယ်တွင် ရွှေဆွဲကြိုးလုယက်ကာ ၊လူသတ်ခဲ့သူ အမျိုးသားကို စက်တင်ဘာ ၂၃ ရက်က သေဒဏ်အမိန့်ချမှတ်ခဲ့ကြောင်းသိရသည်။

ပြီးခဲ့သည့် ၂၀၂၁ ခုနှစ် ဇန်နဝါရီလ ၁၅ ရက်က ပုသိမ်မြို့၌ နေအိမ်အတွင်းဝင်ရောက်ကာ ရွှေဆွဲကြိုးလုယက်ကာ လူကိုပါသတ်ခဲ့သူဟု ယူဆရသူ အောင်ဇော်ရဲ(ခ)ဇင်ဖြိုးအောင်ကို ရာဇသတ်ကြီးပုဒ်မ ၃၉၂/၃၂၀(၁)(ဂ) များဖြင့် သေဒဏ်အမိန့်ချမှတ်ခဲ့ခြင်းဖြစ်‌ကြောင်း တရားရုံးနှင့်နီးစပ်သည့်အသိုင်းအဝိုင်းက သိရသည်။
‌

ရွှေဆွဲကြိုးလုယက်ခံရပြီး အသတ်ခံခဲ့ရသူမှာ ဒေါ်ဌေးဌေး(ခ)ဒေါ်ဌေးကြည်ဆိုသူဖြစ်ပြီး ဦးခေါင်းရိုက်နှက်ခံရဒဏ်ရာဖြင့် ၂၀၂၁ ခုနှစ် ဇန်နဝါရီလ ၁၈ ရက်၊အခင်းဖြစ်ပြီး သုံးရက်အကြာတွင် သေဆုံးခဲ့ခြင်းဖြစ်သည်။

ymg/mt

#Yangon_Media_Group

#Local_News
Published _ 24 september 2022

အခါကြီးရက်ကြီးတွေနဲ့ သီတင်းကျွတ်ပိတ်ရက်တွေရှိနေပေမယ့် ခရီးသွားလာရေးလုပ်ငန်းတွေကတော့ ပုံမှန်အတိုင်းလည်ပတ်လျှက်ရှိနေပြီး ပိတ်ရက်တွေကြောင့် ထူးထူးခြားခြားအရောင်းသွက်တာမျိုးတွေ မရှိသေးဘူးလို့ ခရီးသွားလုပ်ငန်းလုပ်ကိုင်နေသူတွေဆီက သိရပါတယ်။

#Yangon_Media_Group

#Local_News
Published_ 24 September 2022

ရန်ကုန်တိုင်းအတွင်းရှိ ဆေးရုံတွေမှာ ကိုဗစ်လူနာတွေအတွက် isolation Wards နဲ့ ကုတင်တွေပြင်ဆင်ထားပြီး လူနာဦးရေ(၁၅၀၀)စာ လောက်ကြိုတင်ပြင်ဆင်ထားတယ်လို့ ရန်ကုန်တိုင်းဒေသကြီး၊ ပြည်သူ့ကျန်းမာရေးဦးစီးဌာနမှူး၊ ဒုတိယညွှန်ကြားရေးမှူး ချုပ် ဒေါက်တာထွန်းမင်းက ပြောပါတယ်၊၊

#Yangon_Media_Group

#World_Art
Published 24 September 2022‌

သရုပ်ဆောင်မင်းသား'ဘရက်ဒ်ပစ်'ရဲ့ ပထမဆုံးရုပ်ထုပြပွဲကို ဖင်လန်နိုင်ငံ ရေကန်ဘေးရှိ အနုပညာပြတိုက်မှာ ထုတ်ဖော်ပြသခဲ့ကြောင်း အဆိုပါပြတိုက်က တနင်္လာနေ့မှာ ပြောကြားလိုက်ပါတယ်။

#Yangon_Media_Group

#Health_Matters
Published - 24 Sep 2022

- ယခင်ကိုဗစ် လှိုင်းတွေနှင့် ယခုကူးစက်မှုတွေ ဘာကွားခြားပါသလဲ။ ထိခိုက်မှုအနည်းဆုံး ဘယ်လိုကျော်လွှားဖြတ်သန်းကြမလဲ??

#Yangon_Media_Group

Published 24 Sept 2022
တရုတ်နိုင်ငံရဲ့ နယ်စပ်ဖြတ်ကျော် တရုတ်ယွမ်ငွေ သုံးစွဲမှုဟာ ၂၀၂၁ခုနှစ်မှာ အမေရိကန်ဒေါ်လာ ၅.၂၄ ထရီလီယံနှင့် ညီမျှတဲ့ တရုတ်ယွမ်ငွေ ၃၆.၆၁ ထရီလီယံအထိရှိခဲ့ပြီး ယမန်နှစ်ထက် ၂၉ ရာခိုင်နှုန်းမြင့်တက်ခဲ့တယ်လို့ တရုတ် ဗဟိုဘဏ်က ကြေညာပါတယ်။

အဲဒီတန်ဖိုးတွေထဲမှာ လက်ခံရရှိတာက ၁၈.၅၁ ထရီလီယံ ယွမ်ဖြစ်ပြီး ပေးချေတာက ၁၈.၁ ထရီလီယံ ယွမ်ဖြစ်တယ်လို့ သောကြာနေ့က ထုတ်ပြန်တဲ့ တရုတ်ဗဟိုဘဏ်ရဲ့ အစီရင်ခံစာမှာဖော်ပြထားပါတယ်။

ပြီးခဲ့တဲ့နှစ်က နယ်စပ်ဖြတ်ကျော် အသားတင် စာရင်းရှင်းလင်း စီးဆင်းဝင်ရောက်ဟာ ၄၀၄.၄၇ ဘီလျံ ယွမ် ရှိခဲ့ပြီး  အဲဒီမတိုင်ခင်နှစ်က ယွမ်ငွေ အပြင်သို့စီးဆင်းမှုဟာ ၁၈၅. ၇၉ ဘီလျံယွမ်ငွေရှိတယ်လို့လည်း နှိုင်းယှဉ်ဖော်ပြထားပါတယ်။

၂၀၂၁ခုနှစ်မှာ နယ်စပ်ဖြတ်ကျော် ယွမ်ငွေဖြင့်စာရင်းရှင်းမှုတွေဟာ  နယ်စပ်ဖြတ်ကျော်  ပြည်တွင်းသုံးငွေနှင့် နိုင်ငံခြားငွေတွေ စာရင်းရှင်းလင်းမှုအားလုံးရဲ့ ၄၇.၄ ရာခိုင်နှုန်းရှိပြီး ၁.၂ ရာခိုင်နှုန်းမြင့်တက်လာပါတယ်။

၂၀၂၂ခုနှစ်ရဲ့ ပထမခြောက်လပတမှာ နယ်စပ်ဖြတ်ကျော် ယွမ်ငွေအသုံးပြုမှုဟာ ၂၀.၃၂ ထရီလီယံရှိခဲ့ပါတယ်။ မနှစ်က ထက် ၁၅.၇ ရာခိုင်နှုန်းထပ်မံတိုးတက်လာပါတယ်။ ဒါဟာ နယ်စပ်ဖြတ်ကျော်ပြီး ယွမ်ငွေနှင့် အခြာနိုင်ငံခြားငွေတွေ အသုံးပြုမှုအားလုံးရဲ့ ၄၉.၁ ရာခိုင်နှုန်းဖြစ်ပါတယ်။

ယွမ်ငွေပိုင်ဆိုင်မှုဟာ ကမ္ဘာလုံးဆိုင်ရာ ရင်းနှီးမြှပ်နှံသူတွေကို ဆက်လက်ပြီး မြင့်မားစွာဆွဲဆောင်ထားဆဲဖြစ်ပြီး  လုံခြုရေးရင်းနှီးမြှပ်နှံမှုဟာလည်း နယ်စပ်ဖြတ်ကျော် ယွမ်ငွေဖြင့် လက်ခံပေးချေမှု အသားတင်စီးဆင်းမှုဟာလည်း စံချိန်တင်မြင့်မားနေတယ်လို့ သတင်းမှာဖော်ပြထားပါတယ်။

 ၂၀၂၁ နှစ်ကုန်မှာ  နိုင်ငံခြားကုမ္ပဏီတွေက ပြည်တွင်းယွမ်ငွေကို စတော့၊စာချုပ်၊ချေးငွေနှင့် စုဆောင်းမှုတွေဟာ ၁၀.၈၃ ထရီလီယွမ်အထိရှိနေပြီး ပြီးခဲ့တဲ့နှစ်ထက် ၂၀.၅ ရာခိုင်နှုန်းတက်လာတာဖြစ်ပါတယ်။

ယွမ်ငွေရဲ့ နိုင်ငံခြားမှတ်ပုံတင်လုပ်ငန်းဈေးကွက်ဟာလည်း ပိုပြီး အသုံးပြုကုန်သွယ်မှုတွေရှိလာနေပါတယ်။ ၂၀၂၁ခုနှစ် နှစ်ကုန်အထိ အဲဒီ အဓိက ‌ေဈေးကွက်တွေဟာ ယွမ်ငွေစုဆောင်းမှု ၁.၅ ထရီလီယံအထိရှိလာနေတယ်လို့လည်း အစီရင်ခံစာမှာဖော်ပြထားပါတယ်။

နိုင်ငံတကာငွေပေးချေမှုမှာ ယွမ်ငွေနှင့်ပေးချေမှုအချိုးအစားဟာ  ၂၀၂၁ ဒီဇင်ဘာမှာ ၂.၇ ရာခိုင်နှုန်းအထိ မြင့်တက်လာ ပါတယ်။  ဒါဟာ ဂျပန်ယန်းငွေဖြင့်ပေးချေတာကို ကျော်ဖြတ်ပြီး ကမ္ဘာ့ငွေကြေးပေးချေမှုမှာ  စတုတ္ထအဆင့်ရောက်ရှိလာတာပါ။ ၂၀၂၂ ဇန်နဝါရီမှာ ၃.၂ ရာခိုင်နှုန်းအထိထပ်မံမြင့်တက်လာပြီး ဒါဟာ စံချိန်တင်သွားတာဖြစ်တယ်လို့  ကမ္ဘာအနှံ့ ဘဏ်အချင်းချင်း ဘဏ္ဍာရေးဆိုင်ရာ တယ်လီဖုန်းဆက်သွယ်မှု အသင်း SWIFT ( ဆွစ်) ရဲ့ ကိန်းဂဏန်းအချက်အလက်များ အရသိရပါတယ်။

Source CCTV+

#Cross-border_RMB

#Yuan_Use

#China_Economy

#Local_News
Published-24 Setember 2022

ရန်ကုန်မြို့ပတ်ရထားစီးနင်းတဲ့ ခရီးသည်ဦးရေဟာ ရာခိုင်နှုန်းအားဖြင့်နည်းနေတဲ့အတွက် အစုန်၊ အဆန် ၇ စင်းသာ ပြေးဆွဲပေးနေရတယ်လို့ ရန်ကုန်ဘူတာကြီးမှ ရုံပိုင်ချုပ်ကြီး ဦးသောင်းထိုက်က ပြောပါတယ်။

#Yangon_Media_Group

#Health_Matters
Published - 24 Sep 2022

- ကိုဗစ်- ၁၉ ကူးစက်မှုတွေ ဘယ်အထိမြင့်တက်နေဦးမယ်လို့ ထင်ပါသလဲ??

#Yangon_Media_Group

#DailyNews
Published _ 24 September 2022

၁။ စီးနင်းသူခရီးသည်ဦးရေ နည်းနေသည့်အတွက် မြို့ပတ်ရထား ၇ စင်းတည်းသာ ပြေးဆွဲပေးနေရ

၂။ ရန်ကုန်တိုင်းအတွင်း ကိုဗစ်လူနာထောင်ချီထားရှိ
ကုသနိုင်ရန် ကြိုတင်ပြင်ဆင်ထား

၃။ အခါကြီးရက်ကြီး သီတင်းကျွတ်ပိတ်ရက်တွေရှိသော်လည်း ခရီးသွားလုပ်ငန်းအချို့အရောင်းအဝယ်အေးနေဟုဆို

၄။ 'ဘရက်ဒ်ပစ်'၏ ပထမဆုံးရုပ်ထုပြပွဲအား ဖင်လန်တွင်ပြသခဲ့ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Health_Matters
Published - 24 Sep 2022

- ယခုမြန်မာနိုင်ငံမှာ ကိုဗစ်-၁၉ ကူးစက်မှုတွေ နေ့စဉ်နှင့်အမျှ တိုးတက်များပြားလာနေပါတယ်။ ဒါကို ကိုဗစ်လှိုင်းအသစ်လို ပြောလို့ရနိုင်မလား??

#Yangon_Media_Group

#Local_News
Published_ 24 September 2022

မြန်မာနိုင်ငံရှိပုဂ္ဂလိက ဆေးဝါးစက်ရုံမှပထမဆုံးထုတ်လုပ်ခဲ့သည့် PACLOVID ကိုဗစ်ကုသဆေးအပြင် ဈေးနှုန်းသက်သာသည့် MOLNUPAC 200 နှင့် MOLNUPAC 400 ကိုဗစ်ကုသဆေးများကို ထပ်မံထုတ်လုပ်လိုက်ကြောင်း သိရသည်၊၊

အဆိုပါ ဆေးဝါးများကို ထုတ်လုပ်သော Pacific Medical Industries Ltd ဆေးဝါးစက်ရုံ၏ ထုတ်ပြန်ချက်များအရ သိရခြင်းဖြစ်သည်၊၊

PACLOVID ဆေးတစ်ဘူး (၁၀လုံးကဒ် ၃ကဒ်) လျှင် ၂၅၀,၀၀၀ ကျပ်သတ်မှတ်ထားပြီး ယခု အသစ်ထုတ်လုပ်လိုက်သည့် MOLNUPAC 200 နှင့် MOLNUPAC 400 ကိုဗစ်ကုသဆေးများကိုတော့
ဆေးဘူးတစ်ဘူးလျှင် လေးသောင်းခွဲ (၄၅,၀၀၀) ကျပ် ဖြင့်စျေးနှုန်းချိုသာစွာ ရောင်းချပေးမည်ဟု ဖော်ပြထားသည်၊၊

ယင်းကိုဗစ်ကုသဆေးများကို ဆရာဝန်ဆေးညွှန်းစာ ပြသပြီးဝယ်ယူရမည်ဖြစ်ကြောင်းနှင့် ဆေးရုံဆေးခန်းမှ ဆေးအမှာစာများပေးပို၍ ဝယ်ယူနိုင်ပြီဖြစ်ကြောင်း၊ ဝယ်ယူအသုံးပြုရမည့် ကိုဗစ်ကုသဆေး အမျိုးအစားများကို ဆရာဝန်များက ရွေးချယ်ပေးမည်ဖြစ်ပြီး ဆရာဝန်ဆေးညွှန်းစာအတိုင်း ရောင်းချပေး သွားမည်ဖြစ်ကြောင်း ဆေးဝါးထုတ်လုပ်ရေးကုမ္ပဏီ ကထုတ်ပြန်ထားသည်၊၊

#ymg/tthl
#Yangon_Media_Group

#Local_News
Published-24 Setember 2022

ပြည်တွင်းစက်သုံးဆီဈေးနှုန်းမှာ နှစ်ရက်ဆက်တိုက်ကျဆင်းလာခဲ့ကြောင်း စက်သုံးဆီအရောင်းဆိုင်များ၏ ဈေးနှုန်းများအရ သိရသည်။

စက်တင်ဘာ ၂၂ ရက်တွင် စက်သုံးဆီဈေးနှုန်းမှာ 92 တစ်လီတာ ၂၂၉၅ ကျပ်၊ 95 တစ်လီတာ ၂၃၇၅ ကျပ်၊ ဒီဇယ်တစ်လီတာ ၂၇၉၀ ကျပ် နှင့် ပရီမီယံဒီဇယ်တစ်လီတာကို ၂၈၇၅ ကျပ်ထိမြင့်တက်ခဲ့ပြီး ယနေ့တွင် 92 တစ်လီတာ ၂၁၅၀ ကျပ်၊ 95 တစ်လီတာ ၂၂၂၅ ကျပ် ၊ ဒီဇယ်တစ်လီတာ ၂၆၄၅ ကျပ်နှင့် ပရီမီယံဒီဇယ်တစ်လီတာ ၂၇၃၀ ကျပ်ထိ ကျဆင်းခဲ့ကြောင်း သိရသည်။

ရှရှားနိုင်ငံမှ မှာယူထားသည့် စက်သုံးဆီသင်္ဘောများသည် မကြာမီရက်ပိုင်းအတွင်း ရန်ကုန်သို့ရောက်ရှိမည်ဖြစ်ကြောင်း နစက သတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ်ဇော်မင်းထွန်းက သတင်းစာရှင်းလင်းပွဲတွင်ပြောကြားထားသည်။ ပြည်တွင်း၌ စက်သုံးဆီပြတ်လပ်ခြင်းမရှိအောင် စီမံဆောင်ရွက်ပေးထားကြောင်း သိရသည်။

ယင်းအပြင် စက်တင်ဘာလအတွင်း ဓာတ်ဆီ ၈၀,၄၉၉ တန်နှင့် ဒီဇယ်ဆီ ၁၅၃,၀၉၅.၆၀ တန် စုစုပေါင်း စက်သုံးဆီတန်ချိန် ၂၃၃,၅၉၄.၆၀ တန် တင်သွင်းခွင့်ပြုပေးခဲ့ပြီဖြစ်ကြောင်း၊ ပြည်တွင်း၌ စက်သုံးဆီဖူလုံမှုရှိသည့်အပြင် ရန်ကုန်တိုင်းဒေသကြီး၊ သီလဝါဆိပ်ကမ်းရှိ Terminal များတွင် MT Yu Dong သင်္ဘောသည် ဒီဇယ်ဆီ (၅၁.၁၇) ဂါလံသန်းနှင့် ပရီမီယံ ဒီဇယ်ဆီ (၆၀.၃၉) ဂါလံသန်း၊ MT Yu Hai သင်္ဘောသည် 92 Ron (၄၂.၃၃) ဂါလံသန်းနှင့် ဒီဇယ်ဆီ (၉၂.၂၅) ဂါလံသန်းကို ဆီချလုပ်ငန်းဆောင်ရွက်လျက်ရှိကြောင်းသိရသည်။

ရန်ကုန်၊ မန္တလေးအပါအဝင် နေပြည်တော်၊ တိုင်းဒေသကြီးနှင့်ပြည်နယ်များတွင် ရည်ညွှန်းလက်လီဈေးနှုန်းဖြင့် ရောင်းချပေးနေကြောင်း စက်သုံးဆီတင်သွင်းသိုလှောင် ဖြန့်ဖြူးခြင်းလုပ်ငန်းကြီးကြပ်မှုကော်မတီမှ သိရသည်။

#Ymg/STH
#Yangon_Media_Group