Published 3 May 2023

တရုတ်-မြန်မာနယ်စပ်ဒေသတည်ငြိမ်ရေးထိန်းသိမ်းရန်နှင့် နိုင်ငံအကြားချစ်ကြည်စွာပူးပေါင်းဆောင်ရွက်မှုတိုးမြှင့်ရန် ကြိုးပမ်းအားထုတ်ကြဖို့ တရုတ် နိုင်ငံတော်ကောင်စီဝင်နှင့် နိုင်ငံခြားရေးဝန်ကြီး မစ္စတာ ချင်းကန်ဟာ မေလ၂ ရက်နေ့ အင်္ဂါနေ့က တရုတ်နိုင်ငံ အနောက်တောင်ပိုင်း ယူနန်ပြည်နယ်က တရုတ်-မြန်မာနယ်စပ်ကို သွားရောက်စစ်ဆေးစဉ်တိုက်တွန်းပြောကြားခဲ့တယ်လို့ တရုတ်CCTVသတင်းဌာနကသတင်းထုတ်ပြန်ပါတယ်။

ယူနန်ဟာ မြန်မာနှင့်ဆက်စပ်တဲ့ အရေးကိစ္စတွေမှာ ထိပ်တန်းရှေ့ဆုံးမှာတည်ရှိတဲ့အတွက်  တရုတ်-မြန်မာ ဆက်ဆံရေး တိုးတက်ရေးမှာ အတုမရှိတဲ့ အခန်းကဏ္ဍကနေပါဝင်ဆောင်ရွက်နေတာဖြစ်တယ်လို့လည်း မစ္စတာချင်းက ပြောပါတယ်။

နယ်စပ်မျဉ်းရှင်းရှင်းလင်းလင်းရှိစေဖို့နှင့် နယ်စပ်ဒေသတည်ငြိမ်ရေးထိန်းသိမ်းဖို့ ကြိုးပမ်းအားထုတ်ကြဖို့လည်း သူက ပြောပါတယ်။ ပြီးတော့ နယ်စပ်ဖြတ်ကျော်မှုခင်းတွေကိုလည်း တင်းကြပ်စွာကိုင်တွယ်ဖို့လည်း သူက တိုက်တွန်းလိုက်ပါတယ်၊

ရှေ့တန်းစီမံခန့်ခွဲရေး၊ နယ်စပ်ဖြတ်ကျော်ကုန်သွယ်ရေးနှင့် နှစ်နိုင်ငံဆက်ဆံရေးမှာ နှစ်ဖက် ညှိနှိုင်းဆောင်ရွက်ဖို့လည်း တရုတ်နိုင်ငံခြားရေးဝန်ကြီးက တိုက်တွန်းခဲ့ပါတယ်။ အီဲဒအပြင် ပုံမှန်နယ်စပ်ဖြတ်ကျော်ကုန်သွယ်ရေးတိုးမြှင့်ရေး၊ ပြည်သူအချင်းချင်းကူးလူးဆက်ဆံရေး၊ ဝင်ပေါက်ဂိတ်တွေကို ဖွင့်နိုင်သမျှများများဖွင့်နိုင်ရေး အရေးကြီးတယ်လို့လည်း သူက အလေးပေးပြောဆိုပါတယ်။  နယ်စပ်ဖြတ်ကျော် စီးပွာရေးပူးပေါင်းဆောင်ရွက်မှုဇုံတည်ဆောက်မှုနှင့် တရုတ်-မြန်မာ စီးပွားရေးစင်္ကြ တိုးတက်မှုရှိစေရေးလည်း သူက တိုက်တွန်းခဲ့ပါတယ်။

နိုင်ငံခြားရေးရာကိစ္စမှာ ယူနန်အနေနှင့် နိုင်ငံတော်အခွဲအဆင့်အကျိုးရှိစွာ ကိုင်တွယ်ဆောင်ရွက်ဖို့နှင့် နယ်စပ်ဒေသတစ်လျောက် ငြိမ်းချမ်းရေးနှင့် တည်ငြိမ်အေးချမ်းရေးနှင့် တရုတ်မြန်မာ ချစ်ကြည်ရေး အလုံးစုံအနေအထားကို ထိန်းသိမ်းမြှင့်တင်ဖို့လည်း တရုတ်နိုင်ငံခြားရေးဝန်ကြီးက ပြောကြားခဲ့တယ်လို့သိရှိရပါတယ်။

#ymg/knl

#တရုတ်နိုင်ငံခြားရေးဝန်ကြီးတရုတ်-မြန်မာနယ်စပ်သွားရောက်

#တရုတ်-မြန်မာဆက်ဆံရေး

#တရုတ်နိုင်ငံတော်ကောင်စီဝင်နှင့်နိုင်ငံခြားရေးဝန်ကြီးQin Gan

#Local_News
Published_ 3 May 2023

မြန်မာနိုင်ငံတွင် အိုမီခရွန်ဗီဇပြောင်းပိုးဖြစ်သည့် XBB.1.16ပိုးသစ်အပါအဝင်အခြားအိုမီခရွန်ဗီဇပြောင်းပိုးတွေကိုတွေ့ရှိရကြောင်းကျန်းမာရေးဝန်ကြီးဌာန၏ ထုတ်ပြန်ချက်အရသိရသည်၊၊

XBB.1.16 (၈)ဦးအနက် (၁)ဦးမှာ ပြည်ပမှမြန်မာနိုင်ငံသို့ ပြန်လည်ရောက်ရှိလာသူဖြစ်ပြီး ကျန်(၇)ဦးမှာ ပြည်တွင်းကူးစက်မှုများမှတွေ့ရှိရခြင်းဖြစ်သည် ဟုဆိုသည်၊၊

ထုတ်ပြန်ချက်တွင် ကျန်းမာရေးဝန်ကြီးဌာနသည် "ကိုဗစ်-၁၉ ရောဂါ မျိုးရိုးဗီဇပြောင်းရောဂါပိုး စောင့်ကြပ်ကြည့်ရှုခြင်းလုပ်ငန်း”များကို စဉ်ဆက်မပြတ်ဆောင်ရွက်လျက်ရှိရာ ပြည်ပနိုင်ငံများမှ မြန်မာနိုင်ငံသိုဝင်ရောက် လာသူများနှင့် ပြည်တွင်းတွင် ကူးစက်ဖြစ်ပွားသော ဓာတ်ခွဲအတည်ပြုလူနာများထံမှ ဓာတ်ခွဲနမူနာများ ရယူ၍ ဓာတ်ခွဲစစ်ဆေးလျက်ရှိပြီး Omicron (အိုမီခရွန်)အပါအဝင် ကိုဗစ်-၁၉ ရောဂါ မျိုးရိုးဗီဇပြောင်း ရောဂါပိုးတွေ့ရှိမှုများနှင့်ပတ်သက်၍ ကျန်းမာရေးဝန်ကြီးဌာနမှ အချိန်နှင့်တစ်ပြေးညီ သတင်းထုတ်ပြန် ပေးလျက်ရှိကြောင်း၊

ထိုသို့ဆောင်ရွက်လျက်ရှိရာ ကိုဗစ်-၁၉ ရောဂါပိုးတွေ့ရှိသူများ၏ ဓာတ်ခွဲနမူနာများအနက် ကိုဗစ်-၁၉ မျိုးရိုးဗီဇပြောင်းရောဂါပိုးတွေ့ရှိနိုင်သည့် သံသယဖြစ်ဖွယ်ဓာတ်ခွဲနမူနာ(၂၂)ခုအား ဆေးသုတေသနဦးစီးဌာနတွင် ကိုဗစ်-၁၉ ရောဂါ မျိုးရိုးဗီဇစစ်ဆေးခြင်းကို အဆင့်ဆင့်ဆောင်ရွက်ခဲ့ရာ (၂၉- ၄- ၂၀၂၃)ရက်နေ့တွင် SARS-CoV-2 Variant Omicron (အိုမီခရွန်) မျိုးရိုးဗီဇပြောင်းရောဂါပိုး XBB.1.9.1 ကို ဓာတ်ခွဲနမူနာ(၈)ခုတွင်လည်းကောင်း၊ XBB.1.16 ကို ဓာတ်ခွဲနမူနာ(၈)ခုတွင်လည်းကောင်း၊ XBB.2.3 ကို ဓာတ်ခွဲနမူနာ(၂)ခုတွင်လည်းကောင်း၊ XBB.1.9.2 ကို ဓာတ်ခွဲနမူနာ(၁)ခုတွင်လည်းကောင်း၊ XBB.1.5 ကို ဓာတ်ခွဲနမူနာ(၁)ခုတွင်လည်းကောင်း၊ XBB.1 ကို ဓာတ်ခွဲနမူနာ(၁)ခုတွင်လည်းကောင်း၊ BA.2.75 ကို ဓာတ်ခွဲနမူနာ(၁)ခုတွင်လည်းကောင်း အသီးသီးတွေ့ရှိရပါသည်။ အဆိုပါလူနာများအား ကိုဗစ်-၁၉ ရောဂါပိုး ဓာတ်ခွဲအတည်ပြုခဲ့စဉ်ကပင် သတ်မှတ်ရက်အတိုင်း စနစ်တကျသီးခြားထားရှိကုသမှုပေးခဲ့ပြီး ကျန်းမာရေးအခြေအနေများမှာ ကောင်းမွန်လျက်ရှိကြောင်း၊

Omicron(အိုမီခရွန်) မျိုးရိုးဗီဇပြောင်း XBB.1.16(Arcturus) ရောဂါပိုးကူးစက်ဖြစ်ပွားမှုကို (၂၀၂၃)ခုနှစ်၊ ဇန်နဝါရီလတွင် အိန္ဒိယနိုင်ငံ၌ စတင်၍တွေ့ရှိခဲ့ရပြီး မြန်မာနိုင်ငံ၏ အိမ်နီးချင်းနိုင်ငံများဖြစ်သော ထိုင်းနိုင်ငံ၊ ဘင်္ဂလားဒေ့ရှ်နိုင်ငံအပါအဝင် ကမ္ဘာ့နိုင်ငံပေါင်း(၃၇)နိုင်ငံတွင် ကူးစက်မှုများရှိကြောင်း သိရှိရပါသည်။ ယခုမြန်မာနိုင်ငံတွင်တွေ့ရှိရသော XBB.1.16 (၈)ဦးအနက် (၁)ဦးမှာ ပြည်ပမှမြန်မာနိုင်ငံသို ပြန်လည်ရောက်ရှိလာသူဖြစ်ပြီး ကျန်(၇)ဦးမှာ ပြည်တွင်းကူးစက်မှုများမှတွေ့ရှိရခြင်းဖြစ်ကြောင်း၊ ယခုတွေ့ရှိရသည့် မျိုးရိုးဗီဇပြောင်းရောဂါပိုးများဖြစ်သည့် XBB.1I XBB.1.5၊ XBB.1.9.1၊ XBB.1.9.21 XBB.2.31 BA.2.75 တိုမှာလည်း ကမ္ဘာ့နိုင်ငံများတွင် ယခင်ကပင် ကူးစက်ပြန့်ပွားလျက်ရှိသော မျိုးရိုးဗီဇပြောင်းရောဂါပိုးများဖြစ်ကြောင်း ဖော်ပြထားသည်၊၊

#ymg/tthl #Local_News #XBB.1.16 ပိုးသစ် #အိုမီခရွန်ဗီဇ
#Yangon_Media_Group

#Local_News
Published _3 May 2023

အကျဉ်းကျခံနေရသော ရန်ကုန်စီးပွားရေးရာဝန်ကြီးဟောင်း ဦးအောင်သန်းဦး အင်းစိန်ဆေးရုံကြီးတွင် ကုသနေစဉ် ယနေ့ မေလ ၃ ရက် နံနက်က ကွယ်လွန်သွားကြောင်း သိရသည်။

အင်းစိန်ဗဟိုအကျဥ်းထောင်၌ကျခံနေရစဉ်ကျန်းမာရေးမကောင်းသောကြောင့် အင်းစိန်ပြည်သူ့ဆေးရုံကြီးသို့ ပြောင်းရွှေ့ကုသနေစဉ်ကွယ်လွန်သွားခြင်းဖြစ်ကြောင်း သိရသည်။

ဦးအောင်သန်းဦးသည် ရန်ကုန်တိုင်းအတွင်းရှိ မြေ ကွက်ချထားပေးမှုများတွင် အဂတိလိုက်စားမှုများရှိသည် ဟုဆို ကာ ၂၀၂၂ ခုနှစ် ဇွန်လအတွင်းက ဖမ်းဆီးခံခဲ့ရခြင်းဖြစ်သည်။

ယင်းနောက် အဂတိလိုက်စားမှုများဖြင့်တရားစွဲခံရကာ၂၀၂၂ ခုနှစ်၊ ဒီဇင်ဘာလ ၈ ရက်တွင် ထောင်ဒဏ်နှစ်၂၀ ချမှတ်ခံခဲ့ရခြင်းဖြစ်သည်။

#ymg/pl #Local_News #ရန်ကုန်စီးပွားရေးရာဝန်ကြီးဟောင်း # ဦးအောင်သန်းဦး
#YMG #Yangon_Media_Group

#World_Climate
Published 3 May 2023

ကမ္ဘာ့နိုင်ငံတိုင်းနီးပါးမှာ ရာသီဥတုဖောက်ပြန်မှုများဖြစ်နေပြီး ကမ္ဘာပေါ်မှာ အပူလှိုင်းအန္တရာယ်အခံရနိုင်ဆုံး ဒေသများကို သုတေသီများက ဖော်ထုတ်လိုက်ပါတယ်။

ထိုဒေသတွေက ပြင်ဆင်မှုနည်းပါးခြင်းနဲ့ ရာသီဥတုခံနိုင်ရည်နည်းပါးခြင်းတို့ကြောင့် အပူချိန်ကိုဆိုးဆိုးရွားရွားခံစားရနိုင်ချေ ရှိနေပါတယ်။

ကမ္ဘာကြီးပူနွေးလာမှု၊ ရာသီဥတုရုတ်တရက်ပြောင်းလဲခြင်းတို့ကြောင့် အာဖဂန်နစ္စတန်၊ ပါပူဝါနယူးဂီနီ၊ အလယ်ပိုင်းအမေရိကတို့ဟာ အပူချိန်မြင့်တက်လာနိုင်တဲ့ အန္တရာယ်အရှိဆုံးနိုင်ငံတွေဖြစ်ပါတယ်။

လူဦးရေတိုးပွားလာခြင်း၊ ကျန်းမာရေးစောင့်ရှောက်မှုနဲ့ စွမ်းအင်ပံ့ပိုးမှုကန့်သတ်ချက်များကို သုတေသီများက ထိုပြဿနာအကြောင်းအရင်းအဖြစ် သတ်မှတ်လိုက်ကြပါတယ်။

ဒေသနေရာ ၃၁ ရာခိုင်နှုန်းမှာ နေ့စဉ်အမြင့်ဆုံးအပူချိန်စံချိန်ဟာ ထူးခြားနေတယ်လို့ Nature Communications ဂျာနယ်မှာ မီးမောင်းထိုးပြခဲ့ပါတယ်။

"အပူလှိုင်းများမကြာခဏ ဖြတ်သန်းနေတာကြောင့် ပိုပြီးပြင်ဆင်ထားသင့်ပါတယ်။ လူဦးရေတိုးလာတဲ့နိုင်ငံတွေ၊ ဖွံ့ဖြိုးဆဲနိုင်ငံတွေမှာဆိုရင် အတော်ကိုပူပြင်းနေကြပါတယ်" လို့ ဘရစ္စတိုလ်တက္ကသိုလ်မှ ဒေါက်တာ'ဗစ်ကီသွမ်ဆင်'က ဖော်ပြခဲ့ပါတယ်။

ပေကျင်းနဲ့ ဥရောပအလယ်ပိုင်းတို့ဟာလည်း ဒီစာရင်းထဲပါဝင်နေပြီး လူသန်းပေါင်းများစွာထိခိုက်စေနိုင်ပါတယ်။

တရုတ်နဲ့ဥရောပ နေရာအချို့မှာ မြစ်ချောင်းများခန်းခြောက်ကာ လူအများ ရေခွဲတမ်းရရှိမှုနည်းပါးလာပါတယ်။

သုတေသီတွေက ရာသီဥတုပုံစံများနဲ့ လေ့လာတွေ့ရှိချက်များမှ ဒေတာများကိုတွဲဖက်များကိုအသုံးပြုကာ ကမ္ဘာတဝှမ်းရှိ အပူချိန်မှတ်တမ်းများကို အမြန်ဆုံးချိုးဖျက်နိုင်ချေရှိပြီး လူတွေအပူဒဏ်အများဆုံးခံရနိုင်တဲ့ အကြီးမားဆုံးအန္တရာယ်ကို ဖော်ထုတ်ခဲ့ကြပါတယ်။

ပြင်ဆင်ခြင်းဖြင့် အသက်တွေကိုကယ်ဆယ်နိုင်မှာဖြစ်ပြီး အပူဒဏ်ကြောင့် သေဆုံးသူသောင်းချီရှိခဲ့တာကို မြင်တွေ့ထားရကြောင်း၊ အစိုးရများအနေနဲ့ အသင့်ပြင်ဆင်ထားသင့်ကြောင်း လေ့လာချက်မှာ ဖော်ပြထားပါတယ်။

အပူလှိုင်းကြောင့် တောမီးလောင်မှုများ မကြာခဏဖြစ်ပွားရသလို အပူချိန်မြင့်တက်လာခြင်းကြောင့် ရေခဲပြင်များအပေါ် ဆိုးရွားစွာသက်ရောက်လာပြီး စံချိန်တင်အရည်ပျော်နေပါတယ်။

၂၀၂၃ ဒါမှမဟုတ် ၂၀၂၄ မှာ အယ်လ်နီညိုပြန်ဝင်လာတဲ့အခါ ပျမ်းမျှအပူချိန်စံချိန်ချိုးသွားနိုင်ကြောင်း သိပ္ပံပညာရှင်များ ထောက်ပြထားပါတယ်။

Source: India Today #World_Climate #အပူလှိုင်းဒဏ် #ကမ္ဘာ့နိုင်ငံများ
#YMG #Yangon_Media_Group

#Local_News
Published _3 May 2023

မဲဆောက်တွင် မြန်မာနိုင်ငံသား၂ ဦး ကို သေနတ် ၂ လက်နှင့်အတူ မေလ ၁ ရက် ညနေပိုင်းက ဖမ်းဆီးရမိ‌ခဲ့ကြောင်း သိရသည်။

ထိုင်းနိုင်ငံ၊ မဲဆောက်မြို့၊ မဲဆောက်-အုံးဖျန် ကားလမ်းမပေါ် အရှိန်ပြင်းစွာမောင်းနှင်လာသည့်ဆိုင်ကယ်ကို ရဲတပ်ဖွဲ့က မသင်္ကာ၍ တားဆီးစစ်ဆေးစဉ် ဓါတ်မြေဩဇာအိပ်ဖြင့် ပတ်ထား‌သော AK-47 မောင်းပြန်ရိုင်ဖယ် ၁ လက်၊ အမျိုးအမည်စိစစ်ဆဲ သေနတ် အရှည် ၁ လက်တို့ကို တွေ့ရှိ ဖမ်းမိခဲ့ခြင်းဖြစ်ကြောင်း သိရသည်။

ယခုအခါအဆိုပါ ဖမ်းဆီးရမိသူ မြန်မာနိုင်ငံသား ၂ ဦးကို မဲဆောက်မြို့နယ်ရဲစခန်းတွင် တရားမဝင် လက်နက်ကိုင်ဆောင်မှုဖြင့် အမှုဖွင့်အရေးယူထားကြောင်း ထိုင်းဒေသတွင်း သတင်းများအရ သိရသည်။

#ymg/pl #Local_News #မဲဆောက် #သေနတ်များဖြင့်
ဖမ်းမိ‌ #YMG #Yangon_Media_Group

#World_Health
Published_ 3 May 2023

အမျိုးသမီးတွေအနေနဲ့ ကလေးရနိုင်တဲ့နှစ်ကာလအဆုံးသတ်က တဖြည်းဖြည်းနဲ့ ရောက်လာစမြဲဖြစ်ပြီး မီးယပ်သွေးဆုံးခြင်းအတွက် ပြင်ဆင်လို့ရသမျှအရာအားလုံးကို သိရှိထားဖို့လိုအပ်ပါတယ်။

ဆရာဝန်တွေကတော့ စောစောပိုပြီးပြင်ဆင်ထားနိုင်လေလေ ပိုကောင်းလေပဲလို့ ဆိုထားပါတယ်။

ရာသီသွေးဆုံးချိန်က အမျိုးသမီးတွေရဲ့ သက်လတ်ပိုင်းမှ နောက်ပိုင်းနှစ်များအထိ ကျန်းမာရေးနဲ့ညီညွတ်တဲ့ သက်တမ်းကိုပိုမိုကြာရှည်အောင် ချိန်ညှိနိုင်စေရန် လူနေမှုပုံစံနဲ့ ကျန်းမာရေးကို ထိခိုက်စေမယ့်အခြားအချက်များကို ချိန်ညှိပေးနိုင်တဲ့ ကာလတစ်ခုဖြစ်ကြောင်း ဂလင်အီးဂဲလ်စ်ဆေးရုံမှ ဒေါက်တာ'ဗီဗီယန်လင်မ်'က ပြောပြခဲ့ပါတယ်။

အမျိုးသမီးတွေက ရာသီလုံးဝရပ်တန့်မသွားခင် သွေးဆုံးလက္ခဏာများ စတင်ခံစားရတတ်ပြီး အသက် ၄၀ အရွယ်မှာ စဖြစ်တတ်ပါတယ်။

ဒီကာလမှာ ပူစပ်စပ်ဖြစ်ခြင်း၊ ညဘက်ချွေးပြန်ခြင်း၊ ကိုယ်အလေးချိန်တက်ခြင်းစတဲ့လက္ခဏာများ စတင်ပေါ်ပေါက်လာကြောင်း ချူဝမ်လင်အမျိုးသမီးဆေးရုံမှ သားဖွားမီးယပ်အကြံပေး ဒေါက်တာ'ချူဝမ်လင်'က ရှင်းပြခဲ့ပါတယ်။

အမျိုးသမီးတစ်ဦးက သွေးဆုံးခြင်းကာလနဲ့ပိုမိုနီးစပ်လာပြီး ကျော်လွန်သွားတဲ့အချိန်တွေမှာ အီစထရိုဂျင်၊ ပရိုဂျက်စတီရုန်းစတဲ့ ဟော်မုန်းများအပြောင်းအလဲဖြစ်ကြပါတယ်။

ချွေးပြန်ခြင်းနဲ့ စိတ်အပြောင်းအလဲဖြစ်ခြင်းတို့က အမျိုးသမီးအများစုမှာ မပြင်းထန်ပေမယ့် အချို့မှာတော့ ပြင်းထန်နိုင်ပါတယ်။

အရေပြားကစလို့ အမျိုးသမီးအင်္ဂါအထိ ခြောက်သွေ့ခြင်းကို ခံစားရနိုင်ကာ သာမန်လက္ခဏာသာဖြစ်ပေမယ့် မကုသဘဲထားလိုက်ရင် လိင်ဆက်ဆံစဉ်နာကျင်ခြင်း၊ စိတ်မပါခြင်းတို့ ဖြစ်နိုင်ကြောင်း ဒေါက်တာ'ရန်ဒါဝါ'က ပြောပြခဲ့ပါတယ်။

ဒါ့အပြင် အမျိုးသမီးအင်္ဂါမှာ မှိုကူးစက်ခြင်းမျိုးလည်း မကြာခဏခံစားရနိုင်တယ်လို့ ဖော်ပြထားပါတယ်။

ဘဝမှာ ရာသီမမှန်တာမျိုးခံစားရတဲ့ အမျိုးသမီးတွေမှာ သွေးဆုံးကာလအတွင်း ဓမ္မတာစက်ဝန်းနှောင့်နှေးတာမျိုး တွေ့ဖို့မလွယ်ကူကြောင်း ဒေါက်တာ'ချူ'ကဆိုပါတယ်။

ငယ်ရွယ်စဉ်ကတည်းက အစားအသောက်မမှန်ဘူးဆိုရင် သွေးဆုံးလက္ခဏာများပိုမိုဆိုးရွားစေပြီး ကိုယ်အလေးချိန်ထိန်းသိမ်းရတာ ပိုမိုခက်ခဲစေပါတယ်။

သွေးဆုံးလက္ခဏာများ လျှော့ချနိုင်ရန် သွေးဆုံးကာလနီးကပ်လာတဲ့ အမျိုးသမီးတွေအနေနဲ့ ကဖင်းဓာတ်နဲ့ အယ်လ်ကိုဟောသောက်သုံးမှု၊ အချိုနဲ့ အစပ်အစားအစာများ လျှော့ချစားသုံးရန် ဂလင်အီးဂဲလ်စ်ဆေးရုံမှ ဒေါက်တာ'အာသာဆန်'က အကြံပြုထားပါတယ်။

ပဲပိစပ်နဲ့ ထုတ်ကုန်များ၊ တို့ဟူး၊ တန်ပေ၊ နှမ်းစေ့၊ ပဲများ ပိုမိုစားသုံးပေးသင့်ပါတယ်။

တစ်နှစ်ကျော်ကာလအတွင်း ကျန်းမာရေးညီညွတ်တဲ့အစားအစာများ လေ့ကျင့်ခန်းလုပ်ခြင်းတို့ဖြင့် ၁၀ ရာခိုင်နှုန်းခန့် ကိုယ်အလေးချိန်ကျအောင် ပြုလုပ်ပေးနိုင်ရင် ပူစပ်စပ်ဖြစ်ခြင်းနဲ့ ညဘက်ချွေးပြန်ခြင်းတို့ သက်သာစေနိုင်ပါတယ်။

အသက်ကြီးလာတာနဲ့အမျှ အရိုးကျန်းမာရေးကို ဂရုစိုက်သင့်ပြီး သွေးဆုံးချိန်နီးလာရင် ကယ်လ်စီယမ်နဲ့ ဗိုက်တာမင်ဒီကြွယ်ဝတဲ့ အစားအစာများ စားပေးသင့်ပါတယ်။
Source: CNA.
#World_Health #ဓမ္မတာ #ပြင်ဆင်စရာနည်းပေးလမ်းညွှန်များ
#YMG #Yangon_Media_Group

Published 3 May 2023

ရာဇသတ်ကြီးပုဒ်မ ၅၀၅-က အရပြစ်ဒဏ်ကျခံလျက်ရှိသော အကျဉ်းသား/သူ ၂၁၅၃ ဦးတို့ကို ပြစ်ဒဏ်လွတ်ငြိမ်းခွင့်ပြုလိုက်တယ်လို့ နစက,က အမိန့်ထုတ်ပြန်ကြေညာပါတယ်။

နစကရဲ့ အမိန့်အမှတ် ၃၁/၂၀၂၃ အရ အကျဉ်းထောင်/အချုပ်ထောင်/စခန်း အသီးသီးတွင် ရာဇသတ်ကြီးပုဒ်မ ၅၀၅-က အရပြစ်ဒဏ်ကျခံလျက်ရှိသော အကျဉ်းသား/သူ ၂၁၅၃ ဦးတို့ကို ရာဇဝတ်ကျင့်ထုံးဥပဒေ ပုဒ်မ ၄၀၁၊ပုဒ်မခွဲ (၁) အရ “ နောက်တစ်ကြိမ် ပြစ်မှုထပ်မံကျူးလွန်ပါက ၎င်းပြစ်ဒဏ်အပြင် ယခုကျခံရန်ကျန်ရှိသော ပြစ်ဒဏ်များကိုပါ ဆက်လက်ကျခံပါမည် ” ဟူသော စည်းကမ်းသတ်မှတ်ချက်ဖြင့်ယင်းတို့ကျခံရန်ကျန်ရှိသော ပြစ်ဒဏ်များအပေါ်လျှော့ပေါ့၍ ပြစ်ဒဏ်လွတ်ငြိမ်းခွင့်ပြုလိုက်တာဖြစ်တယ်လို့ အဆိုပါအမိန့်မှာဖော်ပြထားပါတယ်။

နစက ဥက္ကဋ္ဌသည် မြန်မာသက္ကရာဇ် ၁၃၈၅ ခုနှစ်၊ ကဆုန်လပြည့်နေ့တွင် ကျရောက်သည့် ကဆုန်လပြည့်ဗုဒ္ဓနေ့ အထိမ်းအမှတ်အားဖြင့်လည်းကောင်း၊ ပြည်သူလူထုနှလုံးစိတ်ဝမ်းအေးချမ်းစေရေးနှင့် လူသားချင်းစာနာထောက်ထားမှုကို အလေးထားသောအားဖြင့်လည်းကောင်း ယခုလို ပြစ်ဒဏ်လွတ်ငြိမ်းခွင့်ပြုလိုက်တာလို့လည်းသိရှိရပါတယ်။

ymg/knl

#နစကပြစ်ဒဏ်လွတ်ငြိမ်းခွင့်

#၅၀၅-ကများပြစ်ဒဏ်လွတ်ငြိမ်း

#YangonMediaGroup

#Local_News
Published_ 2 May 2023

ပြည်တွင်းကရွှေတွေကို အိမ်နီးချင်းနိုင်ငံတွေကို တရားမဝင်ရောင်းချတာတွေ ရှိနေတာကိုလည်းစုံစမ်းစစ်ဆေး ဖော်ထုတ်သွားမယ်လို့ ရန်ကုန် ရွှေအသင်းက ဥက္ကဌဦးမျိုးမြင့်က ပြောပါတယ်။
#Local_News #အရေးယူမယ် #ပြင်ပရွှေဈေး #ဆက်တိုက်ကျဆင်း
#YMG #Yangon_Media_Group

#Asia_Tour
Published_ 2 May 2023

ဂျပန်ဟာ ကိုဗစ်ကပ်ရောဂါကြောင့် ခရီးသွားလုပ်ငန်းများကို ၃ နှစ်ကြာပိတ်ပင်ထားရာမှ ပြန်လည်အသက်ဝင်လာစေရန် မျှော်မှန်းထားပြီး တောင်တက်လမ်းသစ်များ၊ သက်ဆိုင်ရာအခြေခံအဆောက်အအုံများ၊ နေရာများ မြှင့်တင်ရန် စီစဉ်နေပါတယ်။

#Asia_Tour #ခရီးသွားဧည့်သည်များ #ဂျပန်ခရီးသွားလုပ်ငန်း
#YMG #Yangon_Media_Group

Published 2May 2023

တရုတ်နိုင်ငံတော်ကောင်စီဝင်နှင့်နိုင်ငံခြားရေးဝန်ကြီး၏ ယခုကဲ့သို့ ခရီးစဉ်လာရောက်မှုမှာ နှစ်နိုင်ငံချစ်ကြည်ရင်းနှီးမှုကို ဖော်ပြနေသည်သာမကတရုတ်နိုင်ငံအနေဖြင့် နိုင်ငံတကာမျက်နှာစာတွင် မြန်မာနိုင်ငံဘက်မှ ရပ်တည်နေမှုကိုပြသခြင်းပင်ဖြစ်တယ်လို့ နစက ဥက္ကဋ္ဌ ဗိုလ်ချူပ်မှူးကြီးမင်းအောင်လှိုင်ကို နေပြည်တော်သို့ရောက်ရှိနေတဲ့ တရုတ်ပြည်သူ့သမ္မတနိုင်ငံ၊ နိုင်ငံတော်ကောင်စီဝင်နှင့် နိုင်ငံခြားရေးဝန်ကြီး H. E. Mr. Qin Gang မစ္စတာချင်ကန်ကမေလ (၂)ရက် အင်္ဂါနေ့က တွေ့ဆုံစဉ်ပြောကြားခဲ့တယ်လို့သိရပါတယ်။

နစက ဥက္ကဋ္ဌ ဗိုလ်ချုပ်မှူးကြီးမင်းအောင်လှိုင်သည် တရုတ် နိုင်ငံတော်ကောင်စီဝင်နှင့် နိုင်ငံခြားရေးဝန်ကြီး H. E. Mr. Qin Gang အား မေလ(၂)ရက်မွန်းလွဲပိုင်းတွင် နေပြည်တော်ရှိနစက  ဥက္ကဋ္ဌရုံး၊ သံတမန်ဆောင်ဧည့်ခန်းမ၌ လက်ခံတွေ့ဆုံခဲ့ရာမှာ တရုတ်နိုင်ငံခြားရေးဝန်ကြီးက ယင်းကဲ့သို့ပြောဆိုခဲ့တာဖြစ်တယ်လို့ နစက သတင်းထုတ်ပြန်ချက်မှာဖော်ပြထားပါတယ်။

တရုတ်ပြည်သူ့သမ္မတနိုင်ငံ၊နိုင်ငံတော်ကောင်စီဝင်နှင့် နိုင်ငံခြားရေးဝန်ကြီးက ယခုကဲ့သို့မိမိအနေဖြင့် မြန်မာနိုင်ငံသို့ခရီးစဉ်လာရောက်ခြင်းမှာ နိုင်ငံတော်ကောင်စီဝင်နှင့် နိုင်ငံခြားရေးဝန်ကြီးအဖြစ်တာဝန်ထမ်းဆောင်ချိန်တွင် ပထမဆုံးအကြိမ်အဖြစ်လာရောက်ခြင်းဖြစ်ကြောင်း၊ ယခုကဲ့သို့ ခရီးစဉ်လာရောက်မှုမှာ နှစ်နိုင်ငံချစ်ကြည်ရင်းနှီးမှုကို ဖော်ပြနေသည်သာမကတရုတ်နိုင်ငံအနေဖြင့် နိုင်ငံတကာမျက်နှာစာတွင် မြန်မာနိုင်ငံဘက်မှ ရပ်တည်နေမှုကိုပြသခြင်းပင်ဖြစ်ကြောင်း ဗိုလ်ချူပ်မှူးကြီးကို ပြောကြားခဲ့တယ်လို့ သတင်းထုတ်ပြန်ခဲ့တာဖြစ်ပါတယ်။

အဲဒီနောက် နှစ်နိုင်ငံသံတမန်ဆက်ဆံမှုနှင့် ချစ်ကြည်ရင်းနှီးမှု၊ ပူပေါင်းဆောင်ရွက်မှုများပိုမိုမြှင့်တင်ဆောင်ရွက်ရေး၊ မြန်မာနိုင်ငံ၏ နိုင်ငံရေးအခြေအနေများနှင့် နိုင်ငံတည်ငြိမ်အေးချမ်းရေးနှင့် ဖွံ့ဖြိုးတိုးတက်ရေးအတွက် ဆောင်ရွက်လျက်ရှိမှုအခြေအနေများ၊ နယ်စပ်ဒေသတည်ငြိမ်အေးချမ်းရေးနှင့် ဖွံ့ဖြိုးတိုးတက်ရေး၊ နယ်စပ်ကုန်သွယ်မှုများ မြှင့်တင်ရေးတို့အတွက် ဆောင်ရွက်လျက်ရှိမှုအခြေအနေများ၊ စွမ်းအင်နှင့်လျှပ်စစ်ကဏ္ဍဖွံ့ဖြိုးတိုးတက်ရေးအတွက် ပူးပေါင်းဆောင်ရွက်သွားမည့်အခြေအနေများ၊ ရင်းနှီးမြှုပ်နှံမှုများတိုးမြှင့်ဆောင်ရွက်နိုင်ရေး ဆက်လက်ဆောင်ရွက်သွားမည့်အခြေအနေများနှင့် နိုင်ငံရေးကဏ္ဍ၊ နိုင်ငံခြားရေးကဏ္ဍနှင့်ဖွံ့ဖြိုးတိုးတက်ရေးကဏ္ဍများတွင် ပူးပေါင်းဆောင်ရွက်သွားမည့် အခြေအနေများကို ရင်းနှီးပွင့်လင်းစွာအမြင်ချင်းဖလှယ်ဆွေးနွေးခဲ့ကြတယ်လို့ သတင်းမှာ ဖော်ပြထားပါတယ်။

တွေ့ဆုံပွဲအပြီးတွင် နိုင်ငံတော်စီမံအုပ်ချုပ်ရေးကောင်စီဥက္ကဋ္ဌ နိုင်ငံတော်ဝန်ကြီးချုပ်နှင့် တရုတ်ပြည်သူ့သမ္မတနိုင်ငံ၊ နိုင်ငံတော်ကောင်စီဝင်နှင့် နိုင်ငံခြားရေးဝန်ကြီးတို့သည် အမှတ်တရလက်ဆောင်ပစ္စည်းများ အပြန်အလှန်ပေးအပ်ခဲ့ကြပါတယ်။

အဆိုပါတွေ့ဆုံပွဲသို့ နစက ဥက္ကဋ္ဌနိုင်ငံတော်ဝန်ကြီးချုပ်နှင့်အတူ ကောင်စီတွဲဖက်အတွင်းရေးမှူး ဒုတိယဗိုလ်ချုပ်ကြီး ရဲဝင်းဦး၊ နိုင်ငံခြားရေးဝန်ကြီးဌာနပြည်ထောင်စုဝန်ကြီး ဦးသန်းဆွေ၊ အပြည်ပြည်ဆိုင်ရာပူးပေါင်းဆောင်ရွက်ရေးဝန်ကြီးဌာန ပြည်ထောင်စုဝန်ကြီး ဦးကိုကိုလှိုင် နှင့်တာဝန်ရှိသူများ တက်ရောက်ကြပြီး တရုတ်ပြည်သူ့သမ္မတနိုင်ငံ၊ နိုင်ငံတော်ကောင်စီဝင်နှင့် နိုင်ငံခြားရေးဝန်ကြီးနှင့်အတူ မြန်မာနိုင်ငံဆိုင်ရာ တရုတ်နိုင်ငံသံအမတ်ကြီး H.E. Mr. Chen Hai နှင့်တာဝန်ရှိသူများ တက်ရောက်ခဲ့ကြပါတယ်။

#ymg/knl

✅Website>>>>

✅Telegram>>>

#တရုတ်နိုင်ငံခြားရေးဝန်ကြီး

#ဗိုလ်ချူပ်မှူးကြီးမင်းအောင်လှိုင်

#တရုတ်နိုင်ငံတော်ကောင်စီဝင်နှင့်နိုင်ငံခြားရေးဝန်ကြီးQin Gan

#Local_News
Published_ 2 May 2023

မေလ(၂)ရက်မှစပြီးနောက်နှစ်ရက်အတွင်း ရန်ကုန်အပါအဝင်ဒေသအချို့မှာ နေရာကွက်ပြီးမိုးထစ်ချုန်းရွာနိုင်တယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရပါတယ်၊၊

#Local_News #ရန်ကုန်အပါအဝင် #နေရာကွက်၍မိုးထစ်ချုန်းရွာနိုင်
#YMG #Yangon_Media_Group

#Local_News
Published_ 2 May 2023

ကဆုလပြည့်ဗုဒ္ဓနေ့ကိုရည်မှတ်ပြီး ရွှေတိဂုံစေတီတော်မြတ်ကြီးမှာ သံဃာတော် (၁၁၁၁၁)ပါးနဲ့ ဗုဒ္ဓါဘိသေကအနေကဇာတင်မင်္ဂလာအခမ်းအနားနှင့်ဆွမ်းဆန်စိမ်းစုပေါင်းလောင်းလှူပွဲမင်္ဂလာအခမ်း အနားကျင်းပပြုလုပ်ခဲ့တယ်လိုသိရပါတယ်၊၊

#Local_News #ကဆုန်လပြည့်ဗုဒ္ဓနေ့ #ရွှေတိဂုံစေတီတော် #အနေကဇာတင်အခမ်းအနား
#YMG #Yangon_Media_Group