#World_Health
Published 27 May 2023

ဆိုရှယ်မီဒီယာအသိုင်းအဝိုင်းက လူငယ်တွေအတွက် ဘေးကင်းစိတ်ချရအောင် ဂရုစိုက်သင့်ကြောင်း အမေရိကန်အထွေထွေခွဲစိတ်ဆရာဝန်ကြီး ဒေါက်တာ'ဗီဗက်မာသီ'က ဗုဒ္ဓဟူးနေ့မှာ ပြောကြားလိုက်ပါတယ်။

ဆိုရှယ်မီဒီယာအသုံးပြုခြင်းက ကောင်းကျိုးအချို့ရရှိနိုင်ပေမယ့် ကလေးတွေနဲ့ ဆယ်ကျော်သက်တွေရဲ့ စိတ်ပိုင်းဆိုင်ရာကျန်းမာရေးကို အန္တရာယ်ဖြစ်စေနိုင်တယ်လို့ ညွှန်ပြနေပါတယ်။

ကမ္ဘာတဝှမ်းမှာ အသက် ၁၃ နှစ်မှ ၁၇ နှစ်ကြားရှိ ၉၅ ရာခိုင်နှုန်းသောလူငယ်တွေဟာ ဆိုရှယ်မီဒီယာအသုံးပြုကြပြီး ၃ ပုံ ၁ ပုံကျော်လောက်က ဆိုရှယ်မီဒီယာကို စဉ်ဆက်မပြတ်အသုံးပြုတယ်လို့ ပြောပြခဲ့ပါတယ်။

ကလေးတွေနဲ့ ဆယ်ကျော်သက်တွေ ဦးနှောက်ဖွံ့ဖြိုးမှုအရေးကြီးဆုံးအချိန်တွေမှာ ဆိုရှယ်မီဒီယာတွေကြောင့် ပိုမိုထိခိုက်စေနိုင်တာကြောင့် မူဝါဒချမှတ်သူတွေ၊ နည်းပညာကုမ္ပဏီတွေ၊ သုတေသီတွေ၊ မိသားစုတွေ၊ လူငယ်တွေအနေနဲ့ ဆိုရှယ်မီဒီယာအသုံးပြုခြင်းရဲ့ အကျိုးသက်ရောက်မှုတွေကို အပြည့်အဝနားလည်အောင်၊ ကောင်းကျိုးအများဆုံးရရှိအောင်၊ ဆိုးကျိုးအနည်းဆုံးဖြစ်အောင်၊ ဘေးကင်းစိတ်ချရတဲ့အွန်လိုင်းနေရာဖြစ်အောင် အရေးတကြီးအားထုတ်ရမှာဖြစ်တယ်လို့ ပြောပြပါတယ်။

ဆိုရှယ်မီဒီယာအသုံးပြုခြင်းက လူငယ်တွေရဲ့စိတ်ကျန်းမာရေးကို ထိခိုက်စေတယ်ဆိုတဲ့ အထောက်အထားတွေ များပြားလာပါတယ်။

ဆိုရှယ်မီဒီယာပေါ်က ကြမ်းတမ်းတဲ့ဖြစ်ရပ်တွေ၊ လိင်ပိုင်းဆိုင်ရာဖြစ်ရပ်တွေ၊ အနိုင်ကျင့်နှိပ်စက်တဲ့လုပ်ရပ်တွေကို ကလေးတွေမြင်တွေ့နေရကာ ဆိုရှယ်မီဒီယာအသုံးပြုခြင်းကြောင့် သူတို့ရဲ့အိပ်စက်ချိန်နဲ့ ပေါင်းသင်းဆက်ဆံရေးတို့ကို ထိခိုက်စေပါတယ်။

နိုင်ငံတကာမှာ လူငယ်စိတ်ပိုင်းဆိုင်ရာကျန်းမာရေးပြဿနာကြား ရောက်ရှိနေပြီး ဆိုရှယ်မီဒီယာက အဓိကအကြောင်းအရင်းဖြစ်နေကာ အရေးတကြီးဖြေရှင်းရမယ့်ကိစ္စဖြစ်တယ်လို့ ပြောကြားသွားပါတယ်။

ဆိုရှယ်မီဒီယာသုံးခြင်းကြောင့် အန္တရာယ်ဘယ်လောက်ဖြစ်စေလဲဆိုတာက အသုံးပြုကြာချိန်၊ ကြည့်ရှုတဲ့အကြောင်းအရာ၊ အိပ်စက်ခြင်းနဲ့ကျန်းမာရေးကို ဘယ်လောက်ထိခိုက်စေလဲဆိုတာတွေအပေါ် မူတည်နေပါတယ်။

အမေရိကန်ဆယ်ကျော်သက်တွေကြား ဆိုရှယ်မီဒီယာအသုံးပြုခြင်းက သူတို့အတွက် အကျိုးဖြစ်စေတယ်လို့လည်း ဖော်ပြထားကြပါတယ်။

ဒါပေမဲ့ အလွန်အကျွံအသုံးပြုလာကာ တစ်နေ့ကို ၃ နာရီထက်ကြာအောင် အသုံးပြုနေတယ်ဆိုရင်တော့ စိတ်ပိုင်းဆိုင်ရာကျန်းမာရေးပြဿနာများ ဖြစ်နိုင်ချေ ၂ ဆပိုများနိုင်ကြောင်း မကြာသေးမီကသုတေသနမှာ တွေ့ရှိထားပါတယ်။

၂၀၂၁ က ဆယ်ကျော်သက်တွေကို စစ်တမ်းကောက်ယူခဲ့ရာမှာ ပျမ်းမျှအားဖြင့်တစ်နေ့ကို ဆိုရှယ်မီဒီယာ ၃ နာရီခွဲအသုံးပြုကြပြီး မကျေမနပ်ဖြစ်ခြင်း၊ စားသောက်မှုမမှန်ခြင်း၊ နှိုင်းယှဉ်ပြီး မိမိကိုယ်ကိုယုံကြည်မှုနည်းခြင်းတို့ ဖြစ်စေပါတယ်။

ကလေးတွေနဲ့ ငယ်ရွယ်သူအားလုံးမှာ ဆိုရှယ်မီဒီယာကို ဘေးကင်းစိတ်ချစွာအသုံးပြုနိုင်အောင် စံညွှန်းသတ်မှတ်ချက်တွေဖြင့် အဆင့်ဆင့်လုပ်ဆောင်သင့်ကြောင်း မူဝါဒချမှတ်သူတွေကို တိုက်တွန်းလိုက်ပါတယ်။

Source: The Jerusalem Post #World_Health #ဆိုရှယ်မီဒီယာအသုံးပြုခြင်းသည် ဆယ်ကျော်သက်များဘေးအန္တရာယ်ဖြစ်စေနိုင်
#YMG#Yangon_Media_Group

#Local_News
Published_ 26 May 2023

မိုခါမုန်တိုင်းကြောင့်ပျက်စီးသွားတဲ့ ရခိုင်ပြည်နယ်မြောက်ပိုင်းမှ လျှပ်စစ်ဓာတ်အားလိုင်းတွေပြုပြင်ဖို့ ကွန်ကရစ်တိုင်တွေ၊ တာဝါသံဘောင်တွေကို သင်္ဘောဖြင့်ဆက်လက် ပို့ဆောင်ပေးနေတယ်လို့ လျှပ်စစ်နှင့်စွမ်းအင်ဝန်ကြီးဌာနမှ သိရပါတယ်၊၊

#Local_News #ရခိုင်တွင်လျှပ်စစ်တာဝါတိုင်များပြုပြင်
#YMG #Yangon_Media_Group

#World_Industry
Published 25 May 2023

တောင်အာဖရိကနိုင်ငံဟာ ဝိုင်ထွက်ရှိရာအဖြစ်ကျော်ကြားသလို သံလွင်ဆီနဲ့ပတ်သက်ရင်တော့ ဂရိ၊ အီတလီ၊ စပိန်တိုက အငြင်းပွားဖွယ်မရှိ အကောင်းဆုံးဖြစ်နေပါတယ်။

#World_Industry #အရည်အသွေးမြင့်သံလွင်ဆီ #အသိအမှတ်ပြုနိုင်ရေးတောင်အာဖရိကကြိုးပမ်း #YMG #Yangon_Media_Group

Published 26. May 2023

မြနန်း စံကျော် ရွှေနန်းတော်ကြီး အတွင်းရှိ အဆောင်များအလိုက် အခန်းများအတွင်း ရှေးခေတ်အသုံးအဆောင်များနှင့် ပုံစံတူများ ထားရှိနိုင်ရေးအတွက် မှတ်တမ်းများ ပြန်လည်ကြည့်ရှုဆောင်ရွက်သွားကြရန် နစက ဥက္ကဋ္ဌ ဗိုလ်ချူပ်မှူးကြီး မင်းအောင်လှိုင်က ယဉ်ကျေးမှုဝန်ကြီးဌာနမှ တာဝန်ရှိသူတွေကို မှာကြားခဲ့ပါတယ်။

နစကဥက္ကဋ္ဌ၊နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင် သည် ယနေ့ မေလ ၂၆ ရက် မွန်းလွဲပိုင်းတွင် တာဝန်ရှိသူများလိုက်ပါပြီး  မန္တလေးနန်းမြို့တွင်းရှိ မြနန်း စံကျော် ရွှေနန်းတော်ကြီး ထိန်းသိမ်းထားရှိမှု အခြေအနေများကို သွားရောက် ကြည့်ရှု စစ်ဆေးရာမှာ သာသနာရေးနှင့် ယဉ်ကျေးမှုဝန်ကြီးဌာန ပြည်ထောင်စု ဝန်ကြီး ဦးကိုကိုနှင့် အရာရှိများက မြနန်းစံကျော် ရွှေနန်းတော်ကြီး အဝန်းအဝိုင်းတစ်ခုလုံးကို ထိန်းသိမ်း ထားရှိမှုများနှင့် ပတ်သက်၍ တင်ပြတဲ့အခါမှာ နစက ဥက္ကဋ္ဌက ယခုကဲ့သို့ ပြောဆိုမှာကြားခဲ့တာဖြစ်တယ်လို့ နစကရဲ့   သတင်းထုတ်ပြန်ချက်   အရသိရပါတယ်။

မြနန်းစံကျော် ရွှေနန်းတော်ကြီးသည် အခြား နန်းတော်ကြီးများ နှင့် မတူဘဲ တည်ဆောက်ပုံ၊ တည်ရှိပုံများနှင့်ပတ်သက်၍ မှတ်တမ်းမှတ်ရာများ ပြည့် ပြည့်စုံစုံရှိသည့် နန်းတော်ကြီးဖြစ်တယ်လို့ နစက ဥက္ကဋ္ဌကပြောပါတယ်။ ကိုလိုနီခေတ်ကတည်းက ပြည်တွင်း၊ပြည်ပ  မှတ်တမ်းမှတ်ရာ၊ အကိုးအကားများ စုံစုံလင်လင်ရှိပြီးဖြစ်သည့်အတွက် ခိုင်မာသည့် သမိုင်းအထောက်အထားများ၊ မှတ်တမ်းမှတ်ရာများနှင့် ကိုက်ညီအောင် အတတ်နိုင် ဆုံး ဆောင်ရွက်သွားရန်လိုတယ်လို့လည်း သူက ဆက်လက်ပြောကြားပါတယ်။ရှေး ဟောင်း အမွေအနှစ်လက်ရာများဖြစ်သည့်အတွက် အထူးဂရုပြု ထိန်းသိမ်းစောင့် ရှောက်သွားရန် လိုကြောင်းနှင့် သန့်ရှင်းသပ်ရပ်မှုရှိအောင် ထိန်းသိမ်းဆောင်ရွက် မည်ဆိုပါက လာရောက်လေ့လာသူများကိုလည်း ပိုမိုဆွဲဆောင်နိုင်မည်ဖြစ်တယ်လို့ ဗိုလ်ချူပ်မှူးကြီးကပြောခဲ့ပါတယ်။

ဗိုလ်ချူပ်မှူးကြီးမင်းအောင်လှိုင် နှင့် အဖွဲ့ ဝင်တွေဟာ  မှန်နန်းတော်ကြီး၊ ဗောင်းတော်ဆောင်၊ ညီလာခံကျင်းပရာအဆောင်များ၊ မှန်နန်းဆောင်၊ အလယ်နန်းဆောင် တို့အပါအဝင် ရွှေနန်းတော်ကြီးအတွင်း လှည့်လည် ကြည့်ရှုခဲ့ကြတယ်လို့ သတင်းထုတ်ပြန်ချက်မှာဖော်ပြထားပါတယ်။

-ymg/knl

#မြနန်းစံကျော်ရွှေနန်းတော်

#ဗိုလ်ချူပ်မှူးကြီးမင်းအောင်လှိုင်

#YangonMediaGroup

#Local_News
Published_ 26 May 2023

ကမ္ဘောဒီးယား နိုင်ငံက ကိုဗစ် ၁၉ ရောဂါကာကွယ်ဆေးအလုံးရေတစ်သန်း မြန်နိုင်ငံကိုပေးအပ်လှူဒါန်းမှာဖြစ်တယ်လို့ ကမ္ဘောဒီးယားဝန်ကြီးချုပ်ဟွန်ဆန်က ပြောဆိုခဲ့ကြောင်း ကမ္ဘောဒီးယား ဒေသတွင်းသတင်းများအရ သိရပါတယ်။

#Local_News #ကိုဗစ်ကာကွယ်ဆေးအလုံးရေတစ်သန်းမြန်မာသို့လှူဒါန်း
YMG #Yangon_Media_Group

#Local_News
Published_ 26 May 2023

မြန်မာဆက်သွယ်ရေး MPT က မှတ်ပုံတင်ထားတာမရှိတဲ့ ဆင်းကဒ်တွေနဲ့ အချက်အလက် မမှန်သေးတဲ့ ဖုန်းဆင်းကဒ်တွေကို မေလ ၂၈ ရက် ကစပြီး ၊ ဖုန်းခေါ်ဆိုမှု ကန့်သတ်သွားမယ်လို့ MPT က ထုတ်ပြန်လိုက်ပါတယ်။

#Local_News #MPT #မှတ်ပုံတင်မထားတဲ့ဆင်းကဒ်တွေကိုခေါ်ဆိုမှုကန့်သတ်
YMG #Yangon_Media_Group

Published 26. May 2023

၂၀၂၃ ခုနှစ်၊ မေ ၂၅ ရက်(ကြာသပတေးနေ့)၊ ည ၁၁ နာရီ ၁၁ မိနစ်တွင် ဘဝနတ်ထံပျံလွန်တော်မူခဲ့တဲ့ သက်တော်(၉၄)နှစ်၊ သိက္ခာတော်(၇၄)ဝါရ နိုင်ငံတော်သံဃမဟာနာယကအဖွဲ့ဥက္ကဋ္ဌ၊ မန္တလေးတိုင်းဒေသကြီး၊ မဟာအောင်မြေမြို့နယ်၊ မဟာနွယ်စဉ်ရပ်ကွက်၊ ဗန်းမော်ကျောင်းတိုက်ကြီး၏ ပဓာနနာယက ဆရာတော် အဘိဓဇမဟာရဋ္ဌဂုရု၊ အဘိဓဇအဂ္ဂမဟာသဒ္ဓမ္မဇောတိက ဘဒ္ဒန္တ ကုမာရာဘိဝံသမဟာထေရ်မြတ်ကြီး၏ ဥတုဇရုပ်ကလပ်တော်အား ဗန်းမော်ကျောင်းတိုက်၌ပူဇော်ထားလျက်ရှိရာ နစကဥက္ကဋ္ဌ နိုင်ငံတော်ဝန်ကြီးချုပ် ဗိုလ်ချုပ်မှူးကြီး မင်းအောင်လှိုင်သည် ယနေ့ မေလ ၂၆ ရက် မွန်းလွဲပိုင်းတွင် သွားရောက်ဖူးမြော်ကြည်ညိုခဲ့ပါတယ်။

ဦးစွာ ဗိုလ်ချူပ်မှူုးကြီးနှင့်အဖွဲ့ဝင်များသည် ဗန်းမော်ဆရာတော်ဘုရားကြီး၏ ဥတုဇရုပ်ကလပ်တော်အား ဖူးမြော်ကြည်ညိုကြခဲ့ပါတယ်။ အဲဒီနောက် နိုင်ငံတော်ဩဝါဒါစရိယ မန္တလေးမြို့ မစိုးရိမ်တိုက်သစ် ပဓာန နာယကဆရာတော် အဂ္ဂမဟာပဏ္ဍိတ ဘဒ္ဒန္တ ဝါသေဋ္ဌာဘိဝံသ အားဖူးမြော်ကြည်ညိုပြီး ဗန်းမော်ဆရာတော်ဘုရားကြီး၏ အန္တိမအဂ္ဂိဈာပနပူဇာသဘင် အခမ်းအနား ကျင်းပပြုလုပ်မည့် အခြေအနေများကို လျှောက်ထားဆွေးနွေး၍ လိုအပ်သည်များ ပေါင်းစပ်ညှိနှိုင်းဖြည့်ဆည်းဆောင်ရွက်ပေးကာ ဆရာတော်ထံ လှူဖွယ်ပစ္စည်းများ ဆက်ကပ်လှူဒါန်းခဲ့တယ်လို့ နစကရဲ့ သတင်းထုတ်ပြန်ချက်အရသိရပါတယ်။

ယင်းနောက် နစကဥက္ကဋ္ဌ သည်ဗန်းမော်ဆရာတော်ဘုရားကြီး၏ ဥတုဇရုပ်ကလပ်တော်အား လာရောက်ဖူးမြော်ကြမည့်ရန်ကုန်မြို့မှ ကြွရောက်လာသည့် နိုင်ငံတော်သံဃမဟာနာယကအဖွဲ့ အကျိုးတော်ဆောင် သန်လျင်မြို့၊ မင်းကျောင်းပထမပြန်စာသင်တိုက် ဦးစီးပဓာန နာယကဆရာတော်အဂ္ဂမဟာပဏ္ဍိတ အဂ္ဂမဟာ သဒ္ဓမ္မ ဇောတိကဓဇ ဒေါက်တာ ဘဒ္ဒန္တ စန္ဒိမာဘိဝံသအမှူးပြုတဲ့ ဆရာတော်၊ သံဃာတော်များအား ခရီးဦးကြိုဆိုခဲ့ပါတယ်။အဲဒီနောက် သန်လျင်မင်းကျောင်းဆရာတော်ကြီးအား ဗန်းမော်ဆရာတော်ဘုရားကြီး၏ အန္တိမအဂ္ဂိဈာပနပူဇာသဘင် အခမ်းအနား ကျင်းပပြုလုပ်မည့် အခြေအနေများကိုတင်ပြလျှောက်ထားပြီး ဆရာတော်ကြီး၏ ဩဝါဒ ခံယူခဲ့တယ်လို့ သတင်းထုတ်ပြန်ချက်မှာဖော်ပြထားပါတယ်။

ဗိုလ်ချုပ်မှူးကြီးမင်းအောင်လှိုင်က ဆရာတော်ဘုရားကြီး၏ အန္တိမအဂ္ဂိဈာပနပူဇာသဘင် အခမ်းအနား ကျင်းပပြုလုပ်နိုင်ရေး အလှူငွေများပေးအပ်လှူဒါန်းရာ သာသနာရေးနှင့် ယဉ်ကျေးမှုဝန်ကြီးဌာနပြည်ထောင်စုဝန်ကြီးက လက်ခံရယူခဲ့ပါတယ်။

ဆက်လက်ပြီး မြန်မာစီးပွားရေးကော်ပိုရေးရှင်း ဥက္ကဋ္ဌ ဒုတိယဗိုလ်ချုပ်ကြီးညိုစောနှင့် စစ်ရေးချုပ် ဒုတိယဗိုလ်ချုပ်ကြီး စိုးမင်းဦးတို့က ဆရာတော်ဘုရားကြီး၏အန္တိမအဂ္ဂိဈာပနပူဇာသဘင် အခမ်းအနား ကျင်းပပြုလုပ်နိုင်ရေးအတွက် အလှူငွေများ ပေးအပ်လှူဒါန်းရာ သာသနာရေးနှင့် ယဉ်ကျေးမှုဝန်ကြီးဌာန ပြည်ထောင်စုဝန်ကြီး က ဆက်လက်လက်ခံရယူခဲ့ကြောင်းသတင်းရရှိပါတယ်။

-ymg/knl

#ဗန်းမော်ဆရာတော်ဘုရားကြီး

#ဗိုလ်ချူပ်မှူးကြီးမင်းအောင်လှိုင်

#YangonMediaGroup

#Local_News
Published_ 26 May 2023

မုန်တိုင်းဘေးသင့်ပြည်သူများတွေအတွက် လှူဒါန်းဖို့ ရည်ရွယ်ပြီး ရုပ်ရှင်၊ ဂီတ၊ သဘင်ရန်ပုံငွေဖျော်ဖြေပွဲကို ရန်ကုန်မြို့မှာ(၃)ရက်တိုင်တိုင်ကျင်းပသွားဖို့ရှိတယ်လို့ မြန်မာနိုင်ငံရုပ်ရှင်အစည်းအရုံးမှ သိရပါတယ်၊၊

#Local_News #ရုပ်ရှင်၊ ဂီတ၊ သဘင်ရန်ပုံငွေဖျော်ဖြေပွဲကျင်းပ #နှင်းဆီအငြိမ့်အဖွဲ့ပါဝင်
YMG #Yangon_Media_Group

#Daily_News
Published_ 26 May 2023

၁။ မုန်တိုင်းဘေးသင့်ပြည်သူများအတွက်လှူဒါန်းရန် ရုပ်ရှင်၊ ဂီတ၊ သဘင်ရန်ပုံငွေဖျော်ဖြေပွဲကျင်းပမည်၊ နှင်းဆီအငြိမ့်အဖွဲ့ပါဝင်မည်

၂။ MPT က မှတ်ပုံတင်မထားတဲ့ ဖုန်းဆင်းကဒ်တွေကိုဖုန်းခေါ်ဆိုမှု ကန့်သတ်သွားမယ်

၃။ ကိုဗစ်ကာကွယ်ဆေး အလုံးရေ တစ်သန်း မြန်မာသို့လှူဒါန်းမည်ဖြစ်ကြောင်း ကမ္ဘောဒီးယားဝန်ကြီးချုပ်ပြော

၄။ အရည်အသွေးမြင့်သံလွင်ဆီ ထုတ်လုပ်ရေးအား အသိအမှတ်ပြုနိုင်ရေး တောင်အာဖရိကကြိုးပမ်း ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group #Daily_News #YMG

#Local_News
Published_ 26 May 2023

ကမ္ဘာ့ရွှေပေါက်ဈေးဟာ မေလ ၂၆ရက်နေ့ မနက်ပိုင်းမှာ တစ်အောင်စကို ၁၉၄၇ ဒေါ်လာပေါက်ဈေးရှိနေပြီး ပြင်ရွှေပေါက်ဈေးကတော့ သိန်း၃၀နဲ့၆သောင်းကျော်ပေါက်ဈေးရှိနေတယ်လို့ ရွှေဈေးကွက်ထဲက သိရပါတယ်။

#Local_News #ပြင်ရွှေပေါက်ဈေးဈေးမြင့်တက်
#ကမ္ဘာ့ရွှေဈေး YMG #Yangon_Media_Group

#Local_News
Published_ 26 May 2023

ရှမ်းပြည်နယ်မြောက်ပိုင်း၊ ကျောက်မဲမြို့ နမ့်ဟူးရွာဘုန်းတော်ကြီးကျောင်းအကျော်တွင် မေလ ၂၆ ရက်နေ့ ယနေ့မနက် အစောပိုင်းကဆယ်ဘီးကားနှင့် ဆိုင်ကယ်မျက်နှာချင်းဆိုင်ဝင်တိုက်မှုဖြစ်ပွားခဲ့ကြောင်း နမ့်ခုံးရှမ်းများ ပရဟိတအသင်း ကျောက်မဲအသင်းခွဲမှ သိရသည်။

အဆိုပါယာဉ်တိုက်မှုကြောင့် ဆိုင်ကယ်စီးနင်းလာသူ အမျိုးသား၂ ဦးအနက်၁ ဦးမှာပင် သေဆုံးသွားပြီး နောက်တစ်ဦးမှာ ဆေးရုံသို့ ပို့ဆောင်စဉ်သေဆုံးသွားကြောင်း အဆိုပါပရဟိတအသင်းမှ တာဝန်ခံက YMG ကိုပြောသည်။ သေဆုံးသွားသည့်အမျိုးနှစ်ဦးမှာ မည်သူမည်ဝါမသိသည့်အတွက် မိသားစုဝင်များနှင့်ဆက်သွယ်ထားပြီး လက်ရှိအချိန်မှာ မိသားစုများနှင့်အဆက်သွယ်ရရှိပြီးဖြစ်ကြောင်းလည်း သိရသည်။

အဆိုပါ သေဆုံးသွားသူများ၏ ရုပ်အလောင်းကို ကျောက်မဲပြည်သူ့ဆေးရုံ၊ ရင်ခွဲရုံသို့ ပို့ဆောင်ပေးခဲ့ကြောင်း နမ့်ခုံးရှမ်းများပရဟိတအသင်းမှ သိရသည်။

#ymg/ynzw #Local_News #ဆယ်ဘီးကားနှင့်ဆိုင်ကယ်ဝင်တိုက်မှုဖြစ်
#YMG #Yangon-Media-Group

#Local_News
Published_ 26 May 2023

'မြန်မာ(လားရှိုး)-တရုတ်(လင်ချန်း)နယ်စပ်စီးပွားရေးကုန်စည်ပြပွဲ'ကိုနေပြည်တော်တွင်(၄)ရက်ကြာကျင်း ပနေပြီးပြခန်းနေရာပေါင်း(၁၁၀)၌တရုတ်-မြန်မာနှစ်နိုင်ငံမှ လုပ်ငန်းကုမ္ပဏီများပါဝင်ပြသထားကြောင်းမြန်မာနိုင်ငံဆိုင်ရာတရုတ်သံရုံး၏ထုတ်ပြန်ချက်အရသိရသည်၊၊

စတုတ္ထအကြိမ်မြောက် မြန်မာ(လားရှိုး) - တရုတ် (လင်ချန်း)နယ်စပ်စီးပွားရေးကုန်စည်ပြပွဲဖွင့်ပွဲအခမ်းအနားကို မေလ ၂၅ ရက်တွင် နေပြည်တော်၌ ကျင်းပခဲ့သည်။

ယခုအကြိမ်ပြပွဲ၏ခေါင်းစဉ်မှာ “ဖွံ့ဖြိုးမှုသစ်များရရှိဖို့ လမ်းကြောင်သစ်များ တည်ဆောက်စို့” ဖြစ်ပြီး ၄ ရက်ကြာပြသသွားမည်ဖြစ်ကာ ပြခန်းနေရာပေါင်း ၁၁၀ ရှိပြီး တရုတ်-မြန်မာနှစ်နိုင်ငံမှ လုပ်ငန်းကုမ္ပဏီများက တက်တက်ကြွကြွ ပါဝင်ပြသသွားမည်ဖြစ်သည်ဟုဆိုသည်၊၊

 အဆိုပါပြပွဲ ဖွင့်ပွဲအခမ်းအနားသို့ မြန်မာနိုင်ငံဆိုင်ရာတရုတ်သံအမတ်ကြီး Mr. Chen Hai၊ မြန်မာနိုင်ငံ ဒုတိယဝန်ကြီးချုပ်၊ စီမံကိန်းနှင့်ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးဝင်းရှိန်၊ စီးပွားရေးနှင့် ကူးသန်းရောင်းဝယ်ရေးဝန်ကြီးဌာန ပြည်ထောင်စုဝန်ကြီး ဦးအောင်နိုင်ဦး၊ လင်ချန်းမြို့ ပါတီကော်မတီ ဒုတိယအတွင်းရေးမှူး၊ မြို့တော်ဝန် Mr. Du Jianhui တို့တက်ရောက်အမှာစကားပြောကြားခဲ့သည်။

သံအမတ်ကြီး Mr. Chen Hai က စတုတ္ထအကြိမ်မြောက် နယ်စပ်စီးပွားရေးကုန်စည်ပြပွဲအား ကျင်းပခြင်းကို ဂုဏ်ပြုခဲ့ပြီး တရုတ်-မြန်မာနှစ်နိုင်ငံသည် တောတောင်ရေမြေချင်းဆက်စပ်ကာ ယူနန်ပြည်နယ်နှင့် မြန်မာနိုင်ငံ ပူးပေါင်းဆောင်ရွက်မှုသည်လည်း သမိုင်းကြောင်းကြာရှည်ကြောင်း၊ မြန်မာနိုင်ငံသည် အမြဲတစေ ယူနန်ပြည်နယ်၏အကြီးမားဆုံး ကုန်သွယ်ရေးမိတ်ဖက်၊ အကြီးဆုံးသွင်းကုန်နိုင်ငံနှင့် အကြီးဆုံးပို့ကုန်ဈေးကွက်ဖြစ်ကြောင်း၊ အခြေအနေသစ်အောက်တွင် ယူနန်-မြန်မာ စီးပွားရေးနှင့်ကုန်သွယ်ရေး ပူးပေါင်းဆောင်ရွက်မှုအားမြှင့်တင်ခြင်းသည် နှစ်ဦးနှစ်ဖက်၏တူညီသည့် မျှော်မှန်းချက်များဖြစ်ကာ နှစ်ဖက်ပြည်သူများ၏ အခြေခံအကျိုးစီးပွားနှင့်ကိုက်ညီကြောင်း၊ လင်ချန်းမြို့သည် ယူနန်ပြည်နယ်၏နယ်စပ်မြို့အနေဖြင့် ယူနန်ပြည်နယ်က မြန်မာနိုင်ငံနှင့် ကူးလူးဖလှယ်ပူးပေါင်းဆောင်ရွက်သည့် ရှေ့တန်းနေရာဖြစ်ကြောင်း၊ မြန်မာနိုင်ငံနှင့် တံခါးဖွင့်ပူးပေါင်းဆောင်ရွက်သည့်တည်နေရာ အားသာချက်လည်း သိသာထင်ရှားကြောင်း၊ နှစ်ဦးနှစ်ဖက်သည် နယ်စပ်စီးပွားရေးကုန်စည်ပြပွဲဟူသည့် ပလက်ဖောင်းအား ကောင်းမွန်စွာအသုံးပြု၍ ပူးပေါင်းဆောင်ရွက်မှုကို တိုးချဲ့ကာ ဒေသနှစ်ခုအကြား စီးပွားရေးဖွံ့ဖြိုးတိုးတက်မှုကိုမြှင့်တင်၍ ပိုများသည့်ပြည်သူ့အကျိုးစီးပွားများ ဖန်တီးရန်မျှော်လင့်ကြောင်း ပြောကြားခဲ့သည်။

မြန်မာနိုင်ငံမှ ဧည့်သည်တော်များက အမှာစကားပြောကြားရာ၌ မြန်မာနိုင်ငံသည် “Belt and Road” နှင့် တရုတ်-မြန်မာစီးပွားရေးစင်္ကြံပူးပေါင်းဆောင်ရွက်မှုကို ဖော်ဆောင်လျက်ရှိကြောင်း၊ ပို့ဆောင်ဆက်သွယ်ရေးစသည့် အခြေခံအဆောက်အအုံများကို ပြီးပြည့်စုံစေကာ ကုန်သွယ်ရေးဝန်ဆောင်မှု ကောင်းမွန်လာစေရန် ဆောင်ရွက်သွားမည်ဖြစ်ကြောင်း၊ ယခုအကြိမ် နယ်စပ်စီးပွားရေးကုန်စည်ပြပွဲသည် နှစ်နိုင်ငံ ကုန်သွယ်ရေး၊ ရင်းနှီးမြှုပ်နှံမှုစသည့် ချစ်ကြည်ရင်းနှီးစွာ ပူးပေါင်းဆောင်ရွက်မှုများကို မြှင့်တင်ပေးနိုင်မည်ဟု ယုံကြည်ကြောင်း ပြောကြားခဲ့သည်။

လင်ချန်းမြို့တော်ဝန် Mr. Du Jianhui က အမှာစကားပြောကြားရာ၌ လင်ချန်းမြို့ဖွံ့ဖြိုးတိုးတက်မှုနှင့် မြန်မာနိုင်ငံနှင့် ပူးပေါင်းဆောင်ရွက်မှု အားသာချက်နှင့် အလားအလာများ၊ ဖော်ဆောင်လျက်ရှိသည့် တရုတ်-မြန်မာ ကုန်းကြောင်း-ပင်လယ်ရေကြောင်း-ရထားလမ်း ပူးတွဲပို့ဆောင်ရေးစသည့် အရေးပါစီမံကိန်းများ တိုးတက်မှုအခြေအနေများကို မိတ်ဆက်ပေးခဲ့ပြီး မြန်မာနိုင်ငံ နယ်ပယ်အသီးသီးနှင့်ပူးပေါင်းဆောင်ရွက်မှုအား အတူတကွမြှင့်တင်၍ ဖွံ့ဖြိုးတိုးတက်မှု အတူဖော်ဆောင်မည့်သဘောထားကို ဖော်ပြပြောကြားခဲ့ကြောင်း သိရသည်၊၊

#ymg/tthl #Local_News #မြန်မာ(လားရှိုး)-တရုတ်(လင်ချန်း) #ကုန်စည်ပြပွဲ(၄)ရက်ကြာ ကျင်းပ #YMG #Yangon_Media_Group