#Local_News
Published_ 31 December 2022

ဒေါ်လာလဲလှယ်နှုန်း ပြောင်းလဲရန်နှင့် ငွေစက္ကူအသစ်ထုတ်ဝေမှု အစီအစဉ်တို့မရှိကြောင်း ဗဟိုဘဏ်က ဒီဇင်ဘာလ ၃၀ ရက်တွင် ထုတ်ပြန်ကြေညာလိုက်သည်။

လက်ရှိတွင် အမေရိကန် တစ်ဒေါ်လာလျှင် ရည်ညွှန်းငွေလဲလှယ်နှုန်းမှာ မြန်မာငွေ ၂၁၀၀ ကျပ်ဖြစ်ပြီး ယင်းကိုပြောင်းလဲရန် မရှိကြောင်းနှင့် မည်သည့်ငွေစက္ကူအမျိုးစားကိုမျှ အသစ်ထုတ်ဝေရန် လည်း အစီအစဉ်
မရှိကြောင်း မြန်မာနိုင်ငံတော်ဗဟိုဘဏ်က ထုတ်ပြန်ခြင်းလည်း ဖြစ်သည်။

မသမာသူများအနေဖြင့် လက်ရှိ ငွေလဲနှုန်းရည်ညွှန်းဈေး တစ်ဒေါ်လာ ၂၁၀၀ ကျပ်ကို ထပ်မံတိုးမြှင့်သွားမည်ဟူ၍ လီဆယ်သည့် သတင်းများကို လူမှုကွန်ရက်များတွင် ရေးသားထုတ်လွှင့်လျက် မြန်မာနိုင်ငံ၏ နိုင်ငံခြားငွေဈေးကွက်ကို ကိုင်လှုပ်နေကြခြင်းအပေါ် ဗဟိုဘဏ်က မဟုတ်ကြောင်း ထုတ်ပြန်ရခြင်းလည်း ဖြစ်သည်။

အများပြည်သူအနေဖြင့် လက်ရှိငွေလဲနှုန်းရည်ညွှန်းဈေး ထပ်မံတိုးမြှင့်သွားမည်ဆိုသည့် သတင်းများကို တွေ့ရှိပါက ယင်းအပေါ် ကောလာဟလ အဖြစ်သာ သတ်မှတ်ကြရန်လိုအပ်ကြောင်းလည်း ဗဟိုဘဏ်တာဝန်ရှိသူက ပြောသည်။

#ymg/mt
#Yangon_Media_Group

#Local_News
Published_ 31 December 2022

မြန်မာအလုပ်သမား (၆၀၀)ကျော်ကို ဂျပန်ကုမ္ပဏီ ၂၂၀ ကျော်က ခေါ်ယူရန် ရှိနေကြောင်း တိုကျိုမြို့ ဂျပန်နိုင်ငံဆိုင်ရာ မြန်မာသံရုံးက ယနေ့ ဒီဇင်ဘာလ ၃၀ ရက်တွင် ထုတ်ပြန်လိုက်သည်။

ဂျပန်နိုင်ငံရှိ အလုပ်သမားကြီးကြပ်ရေးကုမ္ပဏီနှင့် အလုပ်ခေါ်ယူသည့် စက်ရုံ၊ကုမ္ပဏီများအနေဖြင့် ဂျပန်နိုင်ငံတွင် တရားဝင်တည်ထောင်ထားခြင်း ရှိ၊မရှိ စာရွက်စာတမ်း အထောက်အထားများ စိစစ်ပြီး စိစစ်တွေ့ရှိချက်များ၊ သဘောထားမှတ်ချက်များကို စနစ်တကျ စစ်ဆေးမှုများပြုလုပ်ကြောင်းလည်း ယင်းထုတ်ပြန်ချက်တွင် ဖော်ပြထားသည်။

ယခုအခါ စနစ်တကျ စိစစ်ဆောင်ရွက်မှုများ ပြုလုပ်လျက် ရှိရာတွင် ဒီဇင်ဘာလ (၁၆) ရက်မှ ဒီဇင်ဘာလ (၃၀) ရက်အတွင်း စိစစ်ပြီး နိုင်ငံခြားရေးဝန်ကြီးဌာနသို့ ပေးပို့ပြန်ကြားခဲ့သည့် အလုပ်ကမ်းလှမ်းစာ ( ၂၂၄) ခု ရှိကြောင်း၊ယင်း ထုတ်ပြန်ချက်အရ ခေါ်ယူမည့် အရေအတွက်မှာ မြန်မာအလုပ်သမား အမျိုးသား (၃၀၀)ကျော်၊ အမျိုးသမီး(၃၀၀)ကျော် ရှိကြောင်း သိရသည်။

#ymg/mt
#Yangon_Media_Group

#World_Health
Published 31 December 2022

သူငယ်တန်းကျောင်းတွေမှာ အလင်းအားနဲ့ အဝေးမှုန်ဖြစ်နိုင်ချေတို့ကြား ဆက်စပ်မှုရှိနေကြောင်း ဇစ်ဆေးဘက်ဆိုင်ရာစင်တာမှ ဒေါက်တာ'ယူဗယ်ကိုဟင်'က တွေ့ရှိခဲ့ပါတယ်။

ဒေါက်တာ'ကိုဟင်'နဲ့အဖွဲ့က သူငယ်တန်းကျောင်းတွေရဲ့ အလင်းအားက မျက်စိအလင်းယိုင်ခြင်းနဲ့ တိုက်ရိုက်ဆက်စပ်နေတာကို တွေ့ရှိခဲ့ပါတယ်။

အခန်းတွေက ပိုမှောင်တဲ့အခါ မျက်စိအလင်းယိုင်ညွှန်းကိန်း နည်းပါးသွားကာ အဝေးမှုန်ခြင်းဝေဒနာဖြစ်လာနိုင်ချေ ရှိပါတယ်။

ငယ်ရွယ်သေးတဲ့နှစ်တွေမှာ မျက်လုံးပုံမှန်ဖွံ့ဖြိုးဖို့ အရေးကြီးပြီး မျက်လုံးတွင်းအင်္ဂါတွေဖြစ်တဲ့ မှန်ဘီလူး၊ မျက်ကြည်လွှာ၊ မျက်လုံးအရွယ်အစားတို့ ဖွံ့ဖြိုးလာချိန်မှာ တိကျပြတ်သားတဲ့ အမြင်ပုံရိပ်ရရှိစေရန်အတွက် အင်္ဂါအားလုံးပြည့်စုံစွာ ထပ်တူညီနေဖို့လိုပါတယ်။

အသက် ၆ နှစ်ကျော်ရင် အဝေးမှုန်လက္ခဏာ စတင်ဖြစ်ပေါ်လာတတ်ပြီး မျက်လုံးအိမ်ရှည်လျားသွားတာကြောင့် မျက်လုံးထဲကပုံရိပ်က မျက်ကြည်လွှာကို မရောက်ရှိဘဲဖြစ်နေတဲ့ အနေအထားဖြစ်ပါတယ်။
ဒီပြဿနာကနေ ရေတိမ်၊ အတွင်းတိမ်အပြင် မြင်လွှာပျက်စီးခြင်းနဲ့ မျက်စိကွယ်ခြင်းတို့ပင် ဖြစ်ပေါ်နိုင်ပါတယ်။

အခုနောက်ပိုင်းနှစ်တွေမှာ အဝေးမှုန်လက္ခဏာခံစားရတဲ့ ကလေးတွေ ရာခိုင်နှုန်းပိုများလာပါပြီ။

အခုဆိုရင် အဝေးမှုန်ခြင်းကိုကာကွယ်နိုင်မယ့် နည်းလမ်းတွေရှိလာပါပြီ။

အဆောက်အအုံအပြင်ဘက်မှာ ရှိနေခြင်းဟာ ကလေးတွေရဲ့မျက်လုံးပုံမှန်ဖွံ့ဖြိုးမှုအတွက် အရေးကြီးပြီး အဝေးမှုန်လက္ခဏာ ပိုဆိုးမလာအောင် တစ်နေ့ကိုအနည်းဆုံး ၂ နာရီမျှ အပြင်မှာနေပေးဖို့ အကြံပြုထားပါတယ်။

ကလေးတွေက ကျောင်းရောက်တဲ့အခါ စာသင်ခန်းထဲမှာပဲ ရှိနေချိန်ပိုများပြီး အပြင်ထွက်ရတဲ့အချိန်နည်းပါးပါတယ်။

အလင်းအားနည်းတဲ့စာသင်ခန်းတွေမှာ အလင်းပမာဏက အပြင်ကထက် ၃ ပုံ ၁ ပုံသာရှိပြီး ဒီလိုမျိုးမှောင်တဲ့သူငယ်တန်းကျောင်းတွေမှာ နေရတဲ့ကလေးတွေဟာ အဝေးမှုန်ဖြစ်နိုင်ချေရှိနေပါတယ်။

ဒါ့အပြင် အလင်းအားကောင်းတဲ့ သူငယ်တန်းကျောင်းက ကလေးတွေနဲ့ယှဉ်ရင်လည်း အလင်းအား တဝက်မျှသာရှိနေပြီး ဒီကလေးတွေဟာ မျက်မှန်တပ်ရကိန်းများနေပါတယ်။

သူငယ်တန်းကျောင်းတွေကို လေ့လာခဲ့ရာမှာ တစ်နေ့တာအတွင်း အပြင်ဘက်မှာ နာရီဝက်ခန့်သာရှိကြပြီး ကျန်တဲ့အချိန်ကတော့ အခန်းတွေထဲမှာ ရှိနေကြရပါတယ်။

Source: The Jerusalem Post
#Yangon_Media_Group

#Local_News
Published_ 30 December 2022

ကရင်ပြည်နယ် မြဝတီ-ကော့ကရိတ်သွား အာရှလမ်းမကြီးပေါ်မှာ ဖြစ်နေတဲ့ တိုက်ပွဲတွေကြောင့် ထိုင်းနိုင်ငံကို MoU လုပ်သား ပို့တာတွေ ယာယီရပ်ထားရပါတယ်။

#Yangon_Media_Group

Published_ 30 December 2022

မွန်ပြည်နယ် ၊ မော်လမြိုင်မြို့တွင် အိမ်ကားတစ်စီး စလစ်ဖြစ်ကာ ကုန်ကားအောက်ဝင်သွား၍ပိမိရာမှ ကားပေါ်ပါ အသက် ၂၀ ကျော်အရွယ် လူငယ်အမျိုးသားတစ်ဦးနှင့် အမျိုးသမီး ၁ ဦး ပွဲချင်းပြီးသေဆုံးခဲ့ကြကြောင်း သိရသည်။

ယနေ့ ဒီဇင်ဘာလ ၃၀ ရက် ညနေ ၄ နာရီခွဲခန့်က ဖြစ်ပွားခဲ့ခြင်းဖြစ်ပြီး ကုန်ကား‌အောက်ပိမိ‌နေသည့်အတွက် သေဆုံးသွားသူများ အိမ်စီးကားပေါ် ညပ်နေ၍ လူမှုကူညီရေးအဖွဲ့များက ဆွဲထုတ်ယူရသည်ထိ ဖြစ်ခဲ့ကြောင်းလည်း သိရသည်။

" ဖြစ်တာက မော်လမြိုင် ဈေးကြို ဒေါင်းဇရပ်မှာ ဖြစ်တာပါ၊ရန်ကုန်လိုင်စင် အိမ်စီးကားလေးက စလစ်ဖြစ်ကာ ကုန်ကားအောက်ဝင်သွားတာလို့ သိရပါတယ်"ဟု ဒေသခံတစ်ဦးက ဆိုသည်။

အဆိုပါ အခင်းဖြစ်ရာနေရာသို့ မီးသတ်တပ်ဖွဲ့ဝင်များ၊အရေးပေါ် ကယ်ဆယ်ရေးအဖွဲ့များ သွားရောက် ကူညီဆောင်ရွက်ခဲ့ကြကြောင်း သိရသည်။

photo-Saw Win Shine
ymg/mt
Yangon_Media_Group

#Local_News
Published_ 30 December 2022

အွန်လိုင်းပေါ်မှ တစ်ဆင့်ရောင်းချနေတဲ့ တရားမဝင်အေးခဲအသားနဲ့ငါးတွေဟာ ဘေးမကင်းဘဲ အစာအဆိပ်သင့်နိုင်တဲ့အတွက် သတိပြုဝယ်ယူကြဖို့ လိုအပ်တယ်လို့ အစားအသောက်နှင့်ဆေးဝါးများကွပ်ကဲရေးဦးစီးဌာန(FDA)မှ သိရပါတယ်၊၊

#Yangon_Media_Group

#Local_News
Published_30 December 2022

ကမ္ဘာ့ရွှေဈေးတက်လာပေမဲ့ ဒေါ်လာဈေးငြိမ်နေတာကြောင့် ပြည်တွင်းရွှေဈေးကွက်ထဲမှာ အရောင်းအဝယ်အေးနေတာဖြစ်တယ်လို့ သိရပါတယ်။

#Yangon_Media_Group

#Local_News
Published_30 December 2022

တရုတ်နိုင်ငံထဲမှာ ကိုဗစ်ကူးစက်မှုနှုန်းနဲ့ သေဆုံးသူဦးရေများလာပေမယ့် မြန်မာ-တရုတ် နယ်စပ်ကုန်သွယ်ရေးကို ထိခိုက်မှုမရှိဘူးလို့ နယ်စပ်ကုန်သည်တွေဆီကနေ သိရပါတယ်။

#Yangon_Media_Group

#DailyNews
Published _ 30 December 2022

၁။ တရုတ်နိုင်ငံဘက်တွင် ကိုဗစ်အဖြစ်များသော်လည်း နယ်စပ်ကုန်သွယ်ရေးကို မထိခိုက်ဟုဆို

၂။ ရွှေအတုံးအခဲအရောင်းအဝယ်မရှိ ဈေးကွက်အေးနေ

၃။ အွန်လိုင်းမှရောင်းသည့် တရားမဝင်အေးခဲအသားငါးများ အစာအဆိပ်သင့်နိုင်ဟုဆို

၄။ နိုင်ငံရပ်ခြားဒေသမှာ အသတ်စားခံရမည့် ဥရုဂွေးမြင်းများကိုကယ်တင် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Local_News
Published_ 30 December 2022

ပြီးခဲ့တဲ့ ဒီဇင်ဘာလ ၂၇ ရက်ကနေ ဆွေးနွေးခဲ့တဲ့ ငြိမ်းချမ်းရေးဆွေးနွေးပွဲကာလအတွင်းမှာ ရရှိခဲ့ကြတဲ့ သဘောတူညီချက်တွေဟာ ဒီဆွေးနွေးပွဲကို မတက်ရောက်ဖြစ်တဲ့ အဖွဲ့တွေရဲ့ သဘောထားလည်း ထင်ဟတ်စေတယ်လို့ ဆွေးနွေးပွဲကို တက်ရောက်တဲ့ ရခိုင်ပြည်လွတ်မြောက်ရေးပါတီရဲ့ ဒုတိယဥက္ကဋ္ဌ ဒေါ်စောမြရာဇာလင်း က ပြောပါတယ်။

#Yangon_Media_Group

#Local_News
Published_ 30 December 2022

ရှမ်းပြည်နယ်အရှေ့ပိုင်း ကျိုင်းတုံခရိုင် မိုင်းယန်းမြို့နယ်အတွင်း ရှမ်းရိုးရာကွျှဲခတ်ပွဲကို ဒီဇင်ဘာလ ၉ ရက်(ယမန်နေ့) ကစတင်ကျင်းပပြုလုပ်လျက်ရှိကြောင်း ယင်းဒေသတွင်း သတင်းဖော်ပြချက်များအရ သိရသည်။

အဆိုပါ ကျွဲခတ်ပွဲသည် ရှမ်းတိုင်းရင်းသားများ၏ ရိုးရာဓလေ့တစ်ခုဖြစ်ပြီး၊ ရိုးရာကျွဲခတ်ပွဲကို မိုင်းလွေကျေးရွာနှင့် ယန်းခိုင်ကျေးရွာကြားရှိ ကွင်းပြင်၌ ကျင်းပနေခြင်းဖြစ်သည်။

ကျွဲခတ်ပြိုင်ပွဲဆိုသည်မှာ ယှဉ်ပြိုင်ခတ်မည့် ကျွဲနှစ်ကောင်ကို မျက်နှာချင်းဆိုင်ထား၍ ခေါင်းချင်းဆိုင် ဦးချိုဖြင့် ဝေ့ဝိုက်တိုက်ခိုက်စေကြပြီး ပြိုင်ကွင်းအတွင်း ဦးစွာထွက်ပြေးသော ကျွဲအား အရှုံးအဖြစ် သတ်မှတ်ထားရှိကြောင်း သိရသည်။

ထို့နောက် ပြိုင်ကွင်းအတွင်း ကျန်ရှိသော ကျွဲကိုအနိုင်အဖြစ် သတ်မှတ်ပြီး ကျွဲပိုင်ရှင်ကို ဆုငွေများ ပေးအပ်ချီးမြှင့်သော ရှမ်းတို့ရိုးရာ ဓလေ့တစ်ခုလည်းဖြစ်သည်။

#ymg/myn
#Yangon_Media_Group

#Local_News
Published_30 December 2022

တောင်ကိုရီးယားသမ္မတနိုင်ငံသို့ အစိုးရပြည်ပအလုပ်အကိုင်အေဂျင်စီမှတစ်ဆင့် EPS စနစ်ဖြင့် ဒီဇင်ဘာလအတွင်း မြန်မာအလုပ်သမား ၅၀၀ ကျော်ကို စေလွှတ်ခဲ့ကြောင်း ဆိုးလ်မြို့ မြန်မာသံရုံးမှ ထုတ်ပြန်ထားသည့် စာရင်းများအရသိရသည်။

ဒီဇင်ဘာလ ၈ ရက်တွင် ကုန်ထုတ်လုပ်သားသစ် (၄၈) ဦး၊ CBT ကုန်ထုတ်လုပ်သား (၁၄) ဦး၊ Re-entry ကုန်ထုတ်လုပ်သား (၂၁) ဦး၊ Re-entry စိုက်ပျိုးရေးနှင့် မွေးမြူရေးလုပ်သား (၄) ဦး၊ စုစုပေါင်း (၈၇) ဦး၊ ဒီဇင်ဘာ ၁၃ ရက်တွင် ကုန်ထုတ်လုပ်သားသစ် (၁၂၆) ဦး၊ Re-Entry ကုန်ထုတ်လုပ်သား (၁၃) ဦး၊ Re-entry စိုက်ပျိုးရေးနှင့် မွေးမြူရေးလုပ်သား (၉) ဦးစုစုပေါင်း (၁၄၈) ဦး၊ ဒီဇင်ဘာ ၁၅ ရက်တွင် Re-Entry ကုန်ထုတ်လုပ်သား (၃၆) ဦး၊ ဒီဇင်ဘာ ၂၀ ရက်တွင် Regular ကုန်ထုတ်လုပ်သား(၉၀)ဦး ၊ CBT ကုန်ထုတ်လုပ်သား (၇) ဦး၊ Re-Entry ကုန်ထုတ်လုပ်သား (၁၃) ဦး၊ စုစုပေါင်း (၁၁၀) ဦး၊ ဒီဇင်ဘာ ၂၂ ရက်တွင် Re-Entry ကုန်ထုတ်လုပ်သား (၆၆) ဦး၊ Re-entry စိုက်ပျိုးရေးနှင့် မွေးမြူရေးလုပ်သား (၂) ဦး စုစုပေါင်း ၆၈ ဦး၊ ဒီဇင်ဘာ (၂၇) ရက်တွင် ကုန်ထုတ်လုပ်သားသစ် (၄၇) ဦး၊ CBT ကုန်ထုတ်လုပ်သား (၆) ဦး၊ Re-Entry ကုန်ထုတ်လုပ်သား (၂၁) ဦး၊ ဆောက်လုပ်ရေးလုပ်သားသစ် (၇၆) ဦးစုစုပေါင်း (၁၅၀) ဦး ပို့ဆောင်ပေးခဲ့ကြောင်း သိရသည်။

အစိုးရ ပြည်ပအလုပ်အကိုင် အေဂျင်စီမှတစ်ဆင့် EPS စနစ်ဖြင့် လုပ်သားစေလွှတ်မှု ဒီဇင်ဘာလ ၂၇ ရက်အထိ မြန်မာလုပ်သား ၅၉၉ ဦးကိုစေလွှတ်ခဲ့ပြီးဖြစ်ကြောင်းသိရသည်။ တောင်ကိုရီးယားအစိုးရမှ မြန်မာလုပ်သားများကို ပြန်လည်လက်ခံပြီးနောက် သြဂုတ်လတွင် ပြန်လည်စေလွှတ်ခဲ့ခြင်းဖြစ်သည်။

ယင်းအပြင် ပြီးခဲ့သည့် နိုဝင်ဘာလအတွင်း ကိုရီးယားသမ္မတနိုင်ငံသ့ိ အစိုးရပြည်ပအလုပ်အကိုင် အေဂျင်စီမှတစ်ဆင့် EPS စနစ်ဖြင့် မြန်မာလုပ်သား ၇၂၈ ဦးကို စေလွှတ်ခဲ့ကြောင်းလည်း သိရသည်။

#ymg/sth
#Yangon_Media_Group