#Local_News
Published_ 9 February 2023

ကိုဗစ်ဓာတ်ခွဲနမူနာများ၏ သံသယဖြစ်ဖွယ်ဓာတ်ခွဲနမူနာ ၁၇ ခုကို စစ်ဆေးခဲ့ရာတွင် အိုမီခရွန်မျိုးဗီဇပြောင်းရောဂါပိုး BA.5၊ BA.2 နှင့် XBB.1 တို့တွေ့ရှိခဲ့ကြောင်း ကျန်းမာရေးဝန်ကြီးဌာနကသိရသည်။

ကိုဗစ်- ၁၉မျိုးရိုးဗီဇပြောင်းလဲနိုင်သည့် သံသယဖြစ်ဖွယ်ဓာတ်ခွဲ နမူနာ ၁၇ခု ကို ဆေးသုတေသနဦးစီးဌာနတွင် ကိုဗစ်-၁၉ရောဂါပိုး မျိုးရိုးဗီဇစစ်ဆေးခြင်းကို အဆင့်ဆင့်ဆောင်ရွက်ခဲ့ရာ ဖေဖော်ဝါရီလ ၆ ရက်က အိုမီခရွန် မျိုးကွဲဗီဇပြောင်းရောဂါပိုး BA.5 နှင့် ၎င်း၏မျိုးကွဲများကို ဓာတ်ခွဲနမူနာ ၉ ခုတွင်လည်းကောင်း၊ အိုမီခရွန်မျိုးရိုးဗီဇပြောင်းရောဂါပိုး BA.2 နှင့် ၎င်း၏မျိုးကွဲ XBB.1(၂)ခုအပါအဝင် ၈ ခု တိုကိုတွေ့ရှိခဲ့ကြောင်း ကျန်းမာရေးဝန်ကြီးဌာနမှ သိရသည်။

အိုမီခရွန်မျိုးရိုးဗီဇပြောင်း ရောဂါပိုး BA.5 တွေ့ရှိရသူ ၉ ဦးနှင့် BA.5 တွေ့ရှိသူ ၅ဦးမှာ ပြည်ပနိုင်ငံများမှ မြန်မာနိုင်ငံသို့ပြန်လည်ရောက်ရှိလာသူများဖြစ်ပြီး ကျန် ၃ ဦးမှာ ပြည်တွင်းကူးစက်မှုဖြစ်ကြောင်း သိရသည်။

ရောဂါပိုးတွေ့ရှိသူများကို ဓာတ်ခွဲအတည်ပြုခဲ့စဉ်ကပင် သတ်မှတ်ရက်အတိုင်း စနစ်တကျသီးခြားထားရှိ ကုသမှုပေးခဲ့ပြီး ကျန်းမာရေးအခြေအနေကောင်းမွန်လျက်ရှိကြောင်းလည်း သိရသည်။

#ymg/mt
#Yangon_Media_Group

#Local_News
Published_ 9 February 2023

ဖေဖော်ဝါရီလ 9 ရက်နေ့မနက်ပိုင်း ရန်ကုန်ရွှေအဖွင့်ဈေးမှာ အကယ်ဒမီအခေါက်ရွှေကို ငွေကျပ် ၂၂ သိန်းတစ်သောင်းသုံးထောင်အထိ ပေါက်ဈေးရှိနေပြီး ဈေးနှုန်းအမြင့်ဘက်မှာ ရှိနေပါတယ်။

ဖေဖော်ဝါရီလ ၉ ရက်နေ့ မနက် ၁၀ နာရီဝန်းကျင်မှာ အစိုးရနဲ့ရန်ကုန်ရွှေအသင်းရဲ့သတ်မှတ်ရွှေဈေးနှုန်းကတော့ ၂၂၁၃၇၀၀ ကျပ်အထိသတ်မှတ်ထားပြီး ပြင်ပရွှေလောကအရောင်းအဝယ်မှာတော့ ဒီနေ့မနက်ပိုင်းအထိ ၂၈ သိန်း ၅ သောင်းကျော်မှာရှိနေပြီး အရောင်းရောအဝယ်ပါ အေးနေတယ်လို့ ရန်ကုန်တိုင်းအတွင်းက ရွှေလုပ်ငန်းရှင်တွေကိုမေးမြန်းချက်အရ သိရပါတယ်။

ဖေဖော်ဝါရီ လ ၈ရက်နေ့ ကမ္ဘာရွှေပေါက်ဈေးမှာတစ်အောင်ဆကို ၁၈၇၉ ဒေါ်လာနဲ့ ဈေးဖွင့်လာပါတယ်။

လက်ရှိဈေးနှုန်းများ မနက် ၁၀ နာရီအထိ စုံစမ်းထားတဲ့ ဈေးများဖြစ်တဲ့အတွက် အချိန်နဲ့အညီပြောင်းလဲမှုရှိ နိုင်ပါတယ်။

#YMG/ynzw
#Yangon_media_group

#World_Health
Published 9 February 2023

ဗိုက်တာမင်-ဒီက ဆီးချိုရောဂါဖြစ်နိုင်ချေကို လျှော့ချနိုင်ဖွယ်ရှိကြောင်း ကျွမ်းကျင်သူများက ဆိုပါတယ်။

နေရောင်ခြည်မှာပါတဲ့ ဗိုက်တာမင်-ဒီဟာ သွေးတွင်းသကြားဓာတ်ကို ထိန်းညှိပေးတဲ့ အင်ဆူလင်ဟော်မုန်းကို ခန္ဓာကိုယ်ကအသုံးချနိုင်အောင် တိုးမြှင့်ပေးပါတယ်။

ဆီးချိုဒုတိယအမျိုးအစားဖြစ်လာရတဲ့ အကြောင်းအရင်းဖြစ်တဲ့ အင်ဆူလင်ယဉ်ပါးခြင်းကိုလည်း လျှော့ချပေးနိုင်ပါတယ်။

ဗိုက်တာမင်-ဒီအားဆေး သုံးစွဲခြင်းဖြင့် နောက် ၃ နှစ်အတွင်း ဆီးချိုလက္ခဏာရှိလာနိုင်တဲ့ လူတွေမှာ ဆီးချိုရောဂါဖြစ်နိုင်ချေကို ၁၅ ရာခိုင်နှုန်းလျှော့ချပေးနိုင်ကြောင်း စမ်းသပ်တွေ့ရှိထားပါတယ်။

နေအလင်းရောင်မှ ခရမ်းလွန်ရောင်ခြည်က အရေပြားကိုထိတဲ့အခါ ခန္ဓာကိုယ်ထဲမှာ ဗိုက်တာမင်-ဒီထွက်ရှိသလို ဖြည့်စွက်အားဆေးအနေနဲ့လည်း သောက်သုံးနိုင်ပါတယ်။

ထိုသုတေသနကို အမေရိကန် ဘော့စ်တွန်ရှိ တက်ဖ်ဆေးဘက်ဆိုင်ရာစင်တာမှာ ပြုလုပ်ခဲ့တာဖြစ်ပါတယ်။

Source: Daily Mail
#Yangon_Media_Group

#Local_News
Published_ 9 February 2023

လာမယ့် ဖေဖော်ဝါရီလ ၁၂ ရက်တွင် ကျရောက်မယ့် ၇၆ နှစ်မြောက် ပြည်ထောင်စုနေ့တွင် ရန်ကုန်မြို့ရှိ လမ်းမကြီးတချို့ကို ခေတ္တယာယီပိတ်ထားမှာဖြစ်တယ်လို့ နိုင်ငံပိုင်သတင်းစာတွေမှာ ထုတ်ပြန်ထားပါတယ်။

ရန်ကုန်တိုင်းဒေသကြီး အစိုးရအဖွဲ့ရုံးအနီးအနားနဲ့ မြေနီကုန်းမီးပွိုင့် ပြည်လမ်းမပေါ်ရှိ ပြည်သူ့ရင်ပြင်ရှေ့လမ်းမတွေကို ပြည်ထောင်စုနေ့အခမ်းအနားတွေကျင်းပမှာ ဖြစ်တဲ့အတွက် ယာယီပိတ်ထားပြီး မော်တော်ယာဉ်များကို သတ်မှတ်ပေးထားတဲ့ လမ်းကြောင်းတွေကနေက လမ်းလွှဲမောင်းနှင်ပေးဖို့ ထုတ်ပြန်ထားပါတယ်။

အဲ့ဒီနေ့တွင်မြေနီကုန်းမီးပွိုင့်ကနေ အောက်ကြည့်မြင်တိုင်လမ်းမကိုလမ်းလွှဲမောင်းနှင်ရမှာဖြစ်ပြီး ပြည်လမ်းအတိုင်းမောင်းနှင်လာတဲ့ ယာဉ်တွေအနေနဲ့ ပြည်ထောင်စုရိပ်သာလမ်းဘက်ကို ချိုးကွေ့ကာ ဗဟိုလမ်း၊ အလုံလမ်းတွေကတဆင့် အောက်ကြည့်မြင်တိုင်လမ်းကို ပြောင်းလဲမောင်းနှင်ကြဖို့ ထုတ်ပြန်ထားပါတယ်။

ပြည်ထောင်စုနေ့အခမ်းအနားကို ပြည်လမ်းရှိ ပြည်သူ့ရင်ပြင်အရှေ့နဲ့ရန်ကုန်တိုင်းဒေသကြီး လွှတ်တော်ဝင်းတန်းစီကွင်းတို့မှာ တိုင်းရင်းသားရိုးရာ အစားအစာပြပွဲတွေ ပြုလုပ်မှာဖြစ်ပါတယ်။

#ymg/ynzw
#Yangon_media_group

#World_Health
Published 9 February 2023

အလုပ်နေရာထဲမှာ လုံးဝတိတ်ဆိတ်နေခြင်းက ကျန်းမာရေးအတွက် အကျိုးမရှိစေဘဲ ထိုထက်စာရင် အနည်းငယ်ဆူညံသံရှိတဲ့ နေရာမှာလုပ်ကိုင်ရခြင်းက ပိုမိုကျန်းမာနိုင်ဖွယ်ရှိကြောင်း အရီဇိုနာနဲ့ ကန်းဆက်စ်တက္ကသိုလ်တို့မှ သုတေသီများက လေ့လာတွေ့ရှိထားပါတယ်။

ရုံးခန်းထဲမှာ ဆူညံလွန်းခြင်းက ဝန်ထမ်းတွေရဲ့ကျန်းမာရေးကို ဆိုးရွားစေတယ်လို့ သိထားကြသလို လုံးဝဆိတ်ငြိမ်နေခြင်းကလည်း အကျိုးမဖြစ်ထွန်းစေပါဘူး။

သင့်တော်တဲ့ဆူညံသံပမာဏက ၅၀ ဒက်ဆီဘယ်ဖြစ်ပြီး ဒါဟာ ခေါင်မိုးပေါ်မိုးရေကျသံ ဒါမှမဟုတ် ငှက်တေးသီဆိုသံနဲ့ အကြမ်းဖျင်းညီမျှပါတယ်။

ကျန်းမာရေးကောင်းမွန်ခြင်းလို့ စဉ်းစားတဲ့အခါ စိတ်ပိုင်းဆိုင်ရာ ခံစားချက်ကောင်းမွန်သလားဆိုတာကို ယူဆပါတယ်။

ပရော်ဖက်ဆာ'စတန်းဘာ့ဂ်'ဦးဆောင်တဲ့ သုတေသနမှာ ရုံးခန်းအတွင်း နေရာကန့်သတ်ချက်မထားဘဲ ပွင့်လင်းမြင်သာစွာ အတူလုပ်ကိုင်ရတဲ့ဝန်ထမ်းတွေက သီးသန့်နေရာထိုင်ခင်းဖြင့် လုပ်ကိုင်ရတဲ့ဝန်ထမ်းတွေထက် ပိုမိုလှုပ်ရဖျားဖြစ်ကာ စိတ်ဖိစီးမှုလျော့နည်းနေပါတယ်။

ဒါပေမဲ့ လူအများနဲ့လုပ်ကိုင်ရတဲ့အခါ ဆူညံသံကိုလည်း ခံစားကြရပါတယ်။

စမ်းသပ်ဖို့အတွက် အမေရိကန်ရှိ အလုပ်ရုံ ၄ နေရာမှ ဝန်ထမ်း ၂၃၁ ဦးမှာ ၃ ရက်တိုင်အောင် စက်ပစ္စည်း ၂ ခုတပ်ဆင်ခိုင်းခဲ့ပါတယ်။

တစ်ခုကတော့ ပတ်ဝန်းကျင်ရှိ ဆူညံသံကိုတိုင်းတာပေးပြီး လည်ပင်းမှာတပ်ဆင်ခဲ့ပါတယ်။

နောက်တစ်ခုကတော့ ရင်ဘတ်မှာတပ်ဆင်ကာ နှလုံးခုန်နှုန်းကိုတိုင်းတာပြီး စိတ်ဖိစီးမှုနဲ့ စိတ်ပြေလျော့မှုပမာဏတို့ကို စစ်ဆေးပါတယ်။

ရလဒ်များအရ ပတ်ဝန်းကျင်ဆူညံသံက ၅၀ ဒက်ဆီဘယ်ကျော်တဲ့အခါ ၁၀ ဒက်ဆီဘယ်များလာတိုင်း ဇီဝကမ္မကျန်းမာခြင်းမှာ ၁.၉ ရာခိုင်နှုန်းကျဆင်းပြီး ၅၀ ဒက်ဆီဘယ်အောက်နည်းရင်တော့ ၁၀ ဒက်ဆီဘယ်တက်လာတိုင်း ၅.၄ ရာခိုင်နှုန်းတက်လာပါတယ်။

လူတွေရဲ့ဦးနှောက်က အသံရုတ်ချည်းပြောင်းလဲမှုကို ကွဲပြားသိရှိပြီး ရင်ဆိုင်မလား ရှောင်ရှားမလားဆိုတာကို ဆုံးဖြတ်ပေးပါတယ်။

ဆူညံသံတွေထွက်နေတဲ့အခါ အသံအားလုံးက နောက်ခံအသံကဲ့သို့ စုဝေးသွားပြီး အာရုံလွှဲစေတဲ့အသံကို ဖုံးလွှမ်းစေပါတယ်။

အလွန်တိတ်ဆိတ်တဲ့နေရာမှာတော့ အပ်ကျတဲ့အသံတောင် အာရုံပြောင်းသွားစေနိုင်ပါတယ်။

Source: The Jerusalem Post
#Yangon_Media_Group

#Local_News
Published_ 8 February 2023

တောင်ကိုရီးယားနိုင်ငံမှာ ဗီဇာမဲ့နေထိုင်သည့် မြန်မာနိုင်ငံသားတွေ အဖမ်းခံရတယ်လို့ သိရပါတယ်။

#Yangon_Media_Group

#World_Species
Published 8 February 2023

ကယ်လီဖိုးနီးယားမှာ စွမ်းအားမြင့်မုန်တိုင်းတိုက်ခတ်နေပြီး ဆောင်းရာသီရွှေ့ပြောင်းနေထိုင်မှုအရ မျိုးသုဉ်းလုနီးပါးဖြစ်နေတဲ့ လိပ်ပြာတွေအတွက် သဘာဝပတ်ဝန်းကျင်လိုလားသူများက စိုးရိမ်နေကြပါတယ်။

#Yangon_Media_Group

Published 8 Feb 2023

တရုတ်နိုင်ငံ အနောက်မြောက်ပိုင်း ရှန်ရှိပြည်နယ်ရဲ့ ရှီယန်မြို့မှာ မြို့ရဲ့ပထမဆုံးသော မောင်းသူမဲ့(အလိုအလျောက်မောင်း) လှေခရီးစဉ်တစ်ခုကို မကြာသေးမီက စတင်ခဲ့ပါတယ်။ အဲဒီမောင်းသူမဲ့လှေဟာ ရှေးဟောင်းမြို့ရဲ့ နံရံဘေး ကျုံးတစ်လျောက်မောင်းနှင်ခဲ့ပြီး တစ်မူထူးခြားတဲ့ မြင်ကွင်းတွေကို ကြည့်ရှုဖို့ ခေတ်သစ်သဘောတရားတစ်ခုကို ဆောင်ကြဉ်းလာတာဖြစ်ပါတယ်။

နှစ်ကီလိုမီတာရှည်လျားတဲ့ အဲဒီခရီးစဉ်မှာ ခရီးသည်တွေဟာ အပျော်ခရီးတစ်ခုရရှိပြီး လှေပေါ်မှာ မီးဖိုနှင့်ဆူပွက်ထားတဲ့ လက်ဖက်ရည်ကြမ်းကို လှေမောင်းနှင်နေရင်း သုံးဆောင်နိုင်ကြပါတယ်။ လှေဟာ ရာစုနှစ်များစွာသက်တမ်းရှိပြီဖြစ်တဲ့ ရှီယန်မြို့ခံတပ်ကြီးတစ်လျောက်လှည့်လည်မောင်းနှင်ပေးနေပါတယ်။

အဲဒီ အလိုအလျောက်မောင်းလှေကို ဒစ်ဂျစ်တယ်ဘုတ်ပြားတွေနှင့် အရည်အသွေးမြင့် ပတ်လည်စပီကာတွေတပ်ဆင်ပေး ထားပါတယ်။

“ ရှီယန်မြို့ရဲ့ နှစ်ဖိုဖွယ်ကောင်းတဲ့သမိုင်းနှင့်ယဉ်ကျေးမှုတွေကို ခံစားခွင့်ရပါတယ်။ ဒီလှေဟာ သိပ္ပံနှင့်နည်းပညာ အငွေ့အသက်တွေ အပြည့်အဝခံစားရပါတယ်” လို့ ခရီးသွားတစ်ဦးဖြစ်တဲ့ လီဟောင်ယူက ပြောပါတယ်။

ယခုလျှပ်စစ်လှေကို ပြည်နယ်ရဲ့ သိပ္ပံနည်းပညာကုမ္ပဏီ တစ်ခုဖြစ်တဲ့ အောကောဘုတ်ခ်က တည်ဆောက်ထားတာ ဖြစ်ပါတယ်။ လှေရဲ့ခေါင်ပေါ်မှာ  ဆိုလာပြားတွေတပ်ဆင်ပေးထားပြီး နေ့စဉ် မွန်းတည့် ၁၂နာရီမှ ည(၈)ရီအထိ ပြေးဆွဲပေးပါတယ်။ လှေတစ်စီးကို ခရီးသည် ၈ဦးကနေ ၁၀ဦးအထိတင်ဆောင်နိုင်ပါတယ်။

“ လှေဟာ အတားအဆီးတွေကို အလိုအလျောက်ရှောင်ကွင်းပြီး မောင်းနှင်နိုင်ပါတယ်။ ဧည့်သည်တွေဟာ ရှီယန်ခံတပ်ကြီးရဲ့ နက်နဲတဲ့သမိုင်းကို ခံစားနိုင်ပြီး ကျုံးတစ်လျှောက် လှပတဲ့ရှုခင်းတွေကိုလည်း ကြည်နူးနိုင်ပါတယ်။ ဒီလှေဟာ ရှီယန်က ဘယ်လောက်တောင် သိပ္ပံနှင့်နည်းပညာတိုးတက်နေတယ်ဆိုတာပြသတာလည်းဖြစ်ပါတယ်” လို့  အောကောဘုတ်ခ် ကုမ္ပဏီရဲ့ ဈေးကွက်ဌာနမှူး ကျန်ဝေဘင်းက ပြောကြားလိုက်ပါတယ်။

Source CCTV+

#first_self-driving_boat_China

#China_ Shaanxi

#Electric_boat

#Local_News
Published_ 8 February 2023

ဖေဖော်ဝါရီလ ၈ ရက်နေ့ မနက်ပိုင်း ရန်ကုန်ရွှေအဖွင့်ဈေးမှာ အခေါက်ရွှေကို ငွေကျပ် ၂၂ သိန်းတစ်သောင်းအထိ ပေါက်ဈေးရှိနေတယ်လို့ ရန်ကုန်ရွှေအသင်းကသိရပါတယ်။ မနေ့ကအဖွင့်ဈေးမှာ ၂၂ သိန်း ၆ ထောင်ဖြစ်တဲ့ ပြီးတော့ ၄ ထောင်ဝန်းကျင်လောက် ဈေးတက်သွားတာပါ။

#Yangon_Media_Group

#Local_News
Published_ 8 February 2023

စာအုပ်စာပေလိုအပ်နေတဲ့ အကျဉ်းထောင်တွေမှာ စာအုပ်တွေ အခမဲ့လှူဒါန်းပေးတာတွေ ဆောင်ရွက်သွားဖို့ရှိတယ်လို့ အကြီးကိုကိုဖောင်ဒေးရှင်းဥက္ကဌ စာရေးဆရာအကြီးကိုကိုက ပြောပါတယ်၊၊

#Yangon_Media_Group

#Local_News
Published_ 8 February 2023

လတ်တလောမှာ ဗိုလ်ချုပ်အောင်ဆန်းပြတိုက်(ရန်ကုန်)ကို ပုံမှန်အတိုင်းဖွင့်လှစ်ထားပြီဖြစ်ပြီး ပြည်တွင်းဧည့်သည်တွေ အနေနဲ့ မည်သူမဆို အခမဲ့ဝင်ရောက်ကြည့်ရူနိုင်တယ်လို့ သိရပါတယ်၊၊

#Yangon_Media_Group

#DailyNews
Published_ 8 February 2023

၁။ ဗိုလ်ချုပ်အောင်ဆန်းပြတိုက် (ရန်ကုန်)ပုံမှန် ပြန်ဖွင့်ထားခြင်းကို လူသိနည်းနေ၊ အခမဲ့ကြည့်နိုင်

၂။ အိုးဘိုထောင်အပါအဝင် အကျဉ်းထောင်များတွင် စာအုပ်များအခမဲ့ လှူဒါန်းပေးလိုဟုဆို

၃။ ရန်ကုန်ရွှေဈေး ၂၂ သိန်းကျော် ပေါက်ဈေးရှိနေပြီး အရောင်းအဝယ်အေးနိုင်

၄။ မျိုးသုဉ်းအန္တရာယ်ရှိနေသည့် ဧကရာဇ်လိပ်ပြာမျိုးစိတ် မုန်တိုင်းအန္တရာယ်နှင့်ရင်ဆိုင်နေရ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group