#Local_News
Published_ 28 December 2022

ရခိုင်ပြည်၊ မြောက်ဦးမြို့နယ် မြက်ရိတ်ကျွန်းကျေးရွာအနီးတွင် စက်လှေတိမ်းမှောက်ရာမှ ရေနစ်ပျောက်ဆုံးနေသော အသက် ၁၈ နှစ်အရွယ်အမျိုးသမီးငယ်ကို ရုပ်အလောင်းသာ တွေ့ရှိခဲ့ကြောင်း မေတ္တာရောင်ခြည် ဖောင်ဒေးရှင်းအရေးပေါ်လူမှုကူညီရေးနှင့်သွေးလှူရှင်များအသင်းက သိရသည်။

ပြီးခဲ့သည့် ဒီဇင်ဘာလ ၂၅ ရက်က ရေနစ်မြုပ်ပျောက်ဆုံးနေခဲ့ခြင်းဖြစ်ပြီး ရုပ်အလောင်းကို ဒီဇင်ဘာလ ၂၇ ရက်ညနေပိုင်း ၆ နာရီခွဲ ခန့်က ရှာဖွေ တွေ့ရှိခဲ့ခြင်းဖြစ်ကြောင်း သိရသည်။

အဆိုပါ အမျိုးသမီးငယ်မှာ မြောက်ဦးမြို့ အလယ်ဈေးရပ်ကွက်မှ မစိုးစိုးဆန်း(ခေါ်) ပုစုချေ ဖြစ်ပြီး သူငယ်ချင်းများနှင့် လေးမြို့သို့ အသွား မြစ်အတွင်း စက်လှေတိမ်းမှောက်ရာ မစိုးစိုးသန်း အပါအဝင် ၉ ဦး အနက် ၎င်းမှာ ရေနစ်ရာက ပျောက်ဆုံးကာ အထက်ပါအတိုင်း အလောင်းသာ ပြန်လည် တွေ့ရှိခဲ့ခြင်းဖြစ်ကြောင်း သိရသည်။

ယခုအခါ သေဆုံး၏ ရုပ်အလောင်းကို မြောက်ဦးမြို့နယ် ဆေးရုံ၏ ရင်ခွဲရုံသို့ ပို့ဆောင်ထားကြောင်းနှင့် စစ်ဆေးမှုများပြီးစီးမှသာ သင်္ဂြိုဟ်ကြမည် ဖြစ်ကြောင်း သိရသည်။

#ymg/mt
#Yangon_Media_Group

#Local_News
Published_ 28 December 2022

ရန်ကုန်တိုင်း၊ လှည်းကူးမြို့နယ်၊ သပိတ်ကုန်းကွေ့တွင် ယမန်နေ့ ည ၁၁ အချိန်ခန့်က ကိုယ်ပိုင်ယာဉ်တစ်စီး လမ်းဘေးရှိသစ်ပင်အားဝင်တိုက်၍ မီးလောင်ကျွမ်းမှုဖြစ်ပွားခဲ့ကာ ယာဉ်ပေါ်ပါ အမျိုးသားတစ်ဦး မီးလောင်သေဆုံးခဲ့ကြောင်း လှည်းကူးမြို့နယ်အခြေစိုက် လူမှုကူညီရေးအဖွဲ့ထံမှ သိရသည်။

သေဆုံးသူမှာ သက် (၃၅) နှစ် ဝန်းကျင်းအရွယ်ရှိ အမျိုးသားတစ်ဦးဖြစ်ပြီး၊ မဂ်လာဒုံပြည်သူ့ဆေးရုံ ရင်ခွဲရုံသို့ပို့ဆောင်ထားရှိကြောင်း သိရသည်။

"ကားပေါ်မှာသူတစ်ဉီးတည်းပါ ပါတယ်။ ဖြစ်စဉ်သိရတာနဲ့သွားတဲ့အခါမှာ မီးလောင်သေဆုံးနေလို့ ကျွန်တော်တို့ မဂ်လာဒုံဆေးရုံကို ပို့ဆောင်ပေးခဲ့ပါတယ်။ ဘယ်လိုဖြစ်တယ်ဆိုတာတော့ ကျွန်တော်တို့လည်းမသိရပါဘူး"ဟု လှည်းကူးလူမှုကူညီရေးအဖွဲ့က တာဝန်ရှိသူတစ်ဦးကပြောသည်။

အဆိုပါ ကားမီးလောင်ကျွမ်းမှုကို လှည်းကူးမြို့နယ် မီးသတ်စခန်းမှ မီးငြှိမ်းသတ်ယာဉ် (၂)စီး၊ ထွက်ခွာငြိမ်းသတ်မှုကြောင့် ည ၁၁ နာရီ ၁၅ မိနစ်အချိန်တွင် မီးငြိမ်းသွားကြောင်း မြန်မာနိုင်ငံမီးသတ်တပ်ဖွဲ့၏ ထုတ်ပြန်ချက်အရ သိရသည်။

#ymg/myn
#Yangon_Media_Group

#World_Health
Published 28 December 2022

အသားဖြူအလှကုန်ပစ္စည်းတွေဟာ ရောင်ခြယ်ပမာဏကို လျှော့ချပေးခြင်းဖြင့် အသားအရည်ကိုဖြူစေတာဖြစ်ပါတယ်။

အလှကုန်ပစ္စည်းထုတ်လုပ်ရေးလုပ်ငန်းတွေဟာ ၂၀၂၀ ခုနှစ်မှာ ဒေါ်လာ ၈ ဘီလီယံတန်ကြေးရှိပြီး ၂၀၂၇ ခုနှစ်မှာ ဒေါ်လာ ၁၂.၆ ဘီလီယံရှိလာမယ်လို့ ခန့်မှန်းထားကြပါတယ်။

အသားအရောင်ခွဲခြားမှုနဲ့ ပတ်သက်ပြီး အာရှလိုနေရာမျိုးမှာ အငြင်းပွားမှုများရှိနေကာ အသားဖြူခြင်းက နေရိပ်ထဲမှာ သက်တောင့်သက်သာလုပ်ကိုင်နေထိုင်ရတယ်လို့ ယေဘုယျသတ်မှတ်ကြပါတယ်။

အသားအရည်ဖြူဖွေးလှပရန်အတွက် အလှကုန်ပစ္စည်းများအသုံးပြုတာနဲ့ပတ်သက်ပြီး ကျန်းမာရေးဆိုးကျိုးတွေ ရှိနေပါတယ်။

အဓိကပြဿနာက မာကျူရီပါဝင်တဲ့ ခရင်မ်တွေဖြစ်ပြီး လူရဲ့အရေပြား၊ ဆံပင်၊ မျက်လုံးတို့မှာ ရောင်ခြယ်ပေးတဲ့ မယ်လာနင်ဓာတ်ထွက်ရှိမှုကို တားဆီးပါတယ်။

အသားဖြူခရင်မ်တွေ၊ အရေးကြောင်း အစက်အပြောက်တွေဖယ်ရှားပေးပြီး ရင့်ရော်ခြင်းကိုကာကွယ်ပေးတဲ့ အလှကုန်တွေမှာ မာကျူရီပါဝင်ပါတယ်။

မာကျူရီနဲ့ထိတွေ့ခြင်းဖြင့် ကျောက်ကပ်၊ ဦးနှောက်၊ အာရုံကြောစနစ်တို့ကို ထိခိုက်စေပါတယ်။

ဟောင်ကောင်မှာ ကျန်းမာရေးကာကွယ်ရေးစင်တာ(CHP)မှ အများပြည်သူသိအောင်ထုတ်ပြန်ခဲ့ရာမှာ မာကျူရီအများအပြားပါဝင်တဲ့ အသားဖြူခရင်မ် ၂ မျိုးကို အသုံးမပြုဖို့ သတိပေးလိုက်ပါတယ်။

အမျိုးသမီး ၂ ယောက် အလှကုန်ပစ္စည်းတွေအသုံးပြုပြီးနောက် မာကျူရီအဆိပ်သင့်တယ်လို့ ယူဆရကာ ဆေးရုံသို့ရောက်ရှိခဲ့တာကြောင့် အခုလိုထုတ်ပြန်လိုက်ရတာဖြစ်ပါတယ်။

မာကျူရီနဲ့ ကြာရှည်ထိတွေ့တဲ့အခါ ကတုန်ကယင်ဖြစ်ခြင်း၊ စိတ်ဆတ်ခြင်း၊ အိပ်မပျော်ခြင်း၊ မှတ်ဉာဏ်ယိုယွင်းခြင်း၊ အာရုံစိုက်ရခက်ခဲခြင်း၊ အမြင်နဲ့အကြားအာရုံချို့တဲ့ခြင်း၊ အရသာပြောင်းလဲခြင်းတို့ ဖြစ်တတ်ပါတယ်။

ဆိုးရွားတဲ့အခြေအနေတွေမှာ ကျောက်ကပ်ပျက်စီးခြင်းပါ ဖြစ်တတ်ပါတယ်။

ပါကစ္စတန်အမှတ်တံဆိပ် Goree နဲ့ဝင်လာတဲ့ Goree Day and Night Beauty Cream Oil Free နဲ့ Goree Beauty Cream with Lycopene, Avocado & Aloevera ဆိုတဲ့ ပစ္စည်းတွေဖြစ်ပါတယ်။

ဒီပစ္စည်းတွေကို ဖေ့စ်ဘွတ်ခ်မှာ ရောင်းချနေကြပြီး နာမည်ကျော်အွန်လိုင်းပလက်ဖောင်း Etsy ကလည်း ဟောင်ကောင်မှာရောင်းချနေပါတယ်။

နောက်ထပ်ဆိုးကျိုးကတော့ အရေပြားမှာ ရောင်ခြယ်ဓာတ်ဆုံးရှုံးသွားကာ အဖြူကွက်များပေါ်လာတဲ့ သမင်ဖြူတို့ပါ ဖြစ်တတ်ပါတယ်။

အသားအရည်ဖြူဖွေးဖို့ သင့်တော်တဲ့ကုထုံးတွေကတော့ ထရန်အိတ်ဆမ်းမစ်အက်ဆစ်ပါဝင်ကာ သွေးထွက်ခြင်းကို ထိန်းသိမ်းရာမှာအသုံးပြုပေမယ့် အရေပြားမှာလည်း အသုံးပြုနိုင်ပါတယ်။

ဆေးခန်းမှထောက်ခံချက်ဖြင့် အရေပြားအပေါ်ယံမှ အစက်အပြောက်အမည်းကွက်ရှိတဲ့ နေရာတွေကို ခွာခြင်းဖြင့်လည်း ထိရောက်စေပါတယ်။

ဟော်မုန်းပမာဏထိန်းညှိပေးခြင်းကလည်း အသားအရောင်ထိန်းသိမ်းမှုမှာ ပတ်သက်နေပါတယ်။

Source: SCMP
#Yangon_Media_Group

#Health_Tips
Published 28 December 2022

လူတွေရဲ့ ရုပ်ရည်အိုမင်းရင့်ရော်ခြင်းကို နှေးစေတဲ့ အစားအစာများရှိသလို ရင့်ရော်ခြင်းကိုမြန်စေတဲ့ အစားအစာတွေလည်းရှိတယ်လို့ ဒေါက်တာ'မိုင်ယာရို့စ်မန်း'က ပြောပြခဲ့ပါတယ်။

စားသင့်သည့်အရာများ

မုန်လာဥနီ - အရေပြားကျန်းမာရေးနဲ့ ကိုယ်ခံအားစနစ်အတွက် အရေးပါတဲ့ ဗိုက်တာမင်-အေဓာတ်တွေ ပါဝင်ပါတယ်။

ဗာဒံစေ့ - အရေပြားတင်းရင်းကျစ်လျစ်မှုအတွက် လိုအပ်တဲ့ ဗိုက်တာမင်-အီး ပါဝင်ပါတယ်။

ဖရဲဝါသီး၊ ငရုတ်ပွသီး - သူတို့မှာပါဝင်တဲ့ ဗိုက်တာမင်-စီက ကော်လာဂျင်ထုတ်လုပ်ပေးကာ အရေပြားတွန့်ခြင်းကို ကာကွယ်ပေးပြီး ခန္ဓာကိုယ်ထဲ ရောဂါပိုးမွှားမဝင်လာအောင် တားဆီးပေးပါတယ်။

သစ်ကြားသီးနှင့်ငါး - သူတို့မှာပါဝင်တဲ့ အိုမီဂါ-၃က ရောဂါကူးစက်မှုကိုကာကွယ်ပေးပြီး ငါးအပြင် သစ်ကြားသီး၊ ချီယာစေ့တို့မှာလည်း ပါဝင်ပါတယ်။

ဖရုံစေ့ - ဇင့်ဓာတ်ပါဝင်ပြီး ကိုယ်ခံအားအတွက်အရေးပါတဲ့အပြင် အရေပြားရောင်ရမ်းခြင်း၊ ဝက်ခြံထွက်ခြင်းတို့ကို လျှော့ချပေးပါတယ်။

ဘရာဇီးလ်အခွံမာသီး - ဓာတ်တိုးဆန့်ကျင်ပစ္စည်း ဆယ်လီနီယမ်ပါဝင်ကာ အရေပြားစောစီးစွာရင့်ရော်ခြင်းကို ကာကွယ်ပေးနိုင်တယ်လို့ တွေ့ရှိထားပါတယ်။

ရေ - အရေးကြီးဆုံးအရာဖြစ်ပြီး ရေပုံမှန်မသောက်သုံးပါက အရေပြားခန်းခြောက်ကာ ပိုမိုတွန့်ကုန်တတ်ပါတယ်။

မစားသင့်သည့်အရာများ

အကြော်စာများ - ဆီများများနဲ့ ကြော်လှော်ထားတဲ့ အစာတွေဟာ ခန္ဓာကိုယ်ထဲရှိ ဆဲလ်တွေကိုထိခိုက်စေတဲ့ ဓာတ်တိုးပစ္စည်းများစွာပါဝင်ကာ စောစီးစွာရင့်ရော်စေပါတယ်။

သကြား - အရေပြားရောင်ရမ်းခြင်းကို ဖြစ်စေကာ ကော်လာဂျင်ဖြစ်ပေါ်ခြင်းကို ထိခိုက်စေပါတယ်။

ဂျုံဖြူ - ဆာလောင်မှုကိုအားပေးကာ ရောဂါကူးစက်ခြင်းများ၊ အူလမ်းကြောင်းရောဂါ၊ နှလုံးရောဂါ၊ ဆီးချိုတို့ ဖြစ်ပွားနိုင်ပါတယ်။

အဆင့်ဆင့်ထုတ်လုပ်ထုပ်ပိုးထားသောစားစရာများ - တာရှည်ခံပစ္စည်းတွေက ကင်ဆာဖြစ်စေပြီး အိုမင်းရင့်ရော်ခြင်းကို စောစီးစွာဖြစ်ပေါ်စေပါတယ်။

ဆား - သွေးကြောတွေကိုပျက်စီးစေပြီး သွေးပေါင်ချိန်တိုးခြင်း၊ ကျောက်ကပ်၊ မျက်လုံး၊ ဦးနှောက်တို့ကို ထိခိုက်စေခြင်း၊ ရေဓာတ်ခန်းခြောက်ခြင်း၊ ဝက်ခြံထွက်ခြင်း၊ အရေပြားထိခိုက်ခြင်းတို့ ဖြစ်စေပါတယ်။

Source: The Jerusalem Post
#Yangon_Media_Group

#Local_News
Published_ 27 December 2022

၂၀၀၈ ခုနှစ် ဖွဲ့စည်းပုံအခြေခံဥပဒေ ပြင်ဆင်ရေးအတွက် NCA ရေးထိုးထားတဲ့ အဖွဲ့တွေထဲက တိုင်းရင်းသားလက်နက်ကိုင် အဖွဲ့ ၇ ဖွဲ့ကို ဒီဇင်ဘာလ ၁၉ ရက်မှာ ဖိတ်ကြားခဲ့တယ်လို့ သိရပါတယ်။

#Yangon_Media_Group

#World_Industry
Published 27 December 2022

တရုတ်နိုင်ငံအနောက်တောင်ပိုင်း စီချွမ်ဒေသမှ လန်ကောင်ရွာသားများဟာ ပြီးခဲ့တဲ့ဆယ်စုနှစ်များအတွင်း ဝါးယက်လုပ်ပစ္စည်းများ ရောင်းချခြင်း၊ ဧည့်ခရီးသွားဆက်စပ်လုပ်ငန်းနဲ့ ယဉ်ကျေးမှုလုပ်ငန်းများ တိုးချဲ့လုပ်ကိုင်ခြင်းတို့ဖြင့် သူတို့ရဲ့ဝင်ငွေတိုးပွားလာခဲ့ပြီး တစ်ချိန်ကနိမ့်ပါးခဲ့တဲ့နေရာကို ဧည့်ခရီးသွားဆွဲဆောင်ရာနေရာအဖြစ် ပြောင်းလဲနိုင်ခဲ့ပါတယ်။

#Yangon_Media_Group

Published: 27 December 2022

"Joint Sea 2022" လို့အမည်ပေးထားတဲ့ တရုတ်နှင့်ရုရှးပူးတွဲရေတပ်စစ်ရေးလေ့ကျင့်မှုဟာ ဒီကနေ့ ဒီဇင်ဘာ ၂၇ ရက်နေ့မှာ အရှေ့ပင်လယ်ရေပြင်မှာ အောင်မြင်စွာပြီးဆုံးခဲ့ပါတယ်။

ဒီဇင်ဘာ ၂၁ ရက်မှ ၂၇ ရက်အထိပြုလုပ်ခဲ့တဲ့ အဲဒီ ပူးတွဲရေတပ်စစ်ရေးလေ့ကျင့်မှုကို တရုတ်နှင့်ရုရှား စစ်တပ်တွေက နှစ်ပတ်လည်ပူးပေါင်းဆောင်ရွက်ရေး အစီအစဉ်အတိုင်း ကျင်းပခဲ့တာဖြစ်ပါတယ်။

တရုတ်နှင့်ရုရှားနှစ်နိုင်ငံဟာ ရေကြောင်းလုံခြုံရေးခြိမ်းခြောက်မှုတွေကိုတုန့်ပြန်နိုင်ဖို့နှင့် နိုင်ငံတကာနှင့်‌ဒေသဆိုင်ရာ ငြိမ်းချမ်းရေးနှင့်တည်ငြိမ်ရေးထိန်းသိမ်းဖို့၊ ပြီးတော့ ခေတ်သစ်မှာ တရုတ်နှင့်ရုရှားတို့ရဲ့ အလုံးစုံမဟာဗျူဟာမိတ်ဖက်ပူးပေါင်းဆောင်ရွက်မှုပိုမိုနက်ရှိုင်းစေဖို့ ရည်ရွယ်ပြုလုပ်ခဲ့ကြတာပါ။

မနက်၉နာရီခွဲမှာ ပိတ်သိမ်းပွဲကျင်းပတဲ့အခါ နိုင်ငံတော်အလံလွှင့်ထူထားကြတဲ့ တရုတ်နှင့်ရုရှား ရေတပ်သင်္ဘောစုတွေက ပဲ့ထိန်းဒုံးကျည်ခရုစာစစ်သင်္ဘော ဗာယက် Varyag ကိုအခြေပြုပြီး ညာနှစ်ထပ်ကော်လံပုံစံနှင့်ဖွဲ့စည်းပြသခဲ့ပြီး တပ်မှူးတွေနှင့် ရေတပ်သားတွေက သင်္ဘောပေါ် တန်းစီလျက်ရှိခဲ့ကြပါတယ်။

ရေတပ်လေ့ကျင့်ရေးဆိုင်ရာ တရုတ်ရေတပ်စုရဲ့ အမှုဆောင်ညွှန်ကြားရေးမှူး ဝမ်ယုက လေ့ကျင့်ခန်းပြီးဆုံးကြောင်း ကြေညာတဲ့အခါ နှစ်နိုင်ငံတပ်မှူးတွေနှင့်စစ်သားတွေက သူတို့ရဲ့ ဦးထုတ်တွေဝှေ့ယမ်းနှုတ်ဆက်ခဲ့ကြပါတယ်။

(၇)ရက်ကြာပြုလုပ်ခဲ့တဲ့ ယခုရေတပ်ပူးတွဲလေ့ကျင့်မှုဟာ ပူးတွဲထိန်းချုပ်ခြင်း၊ယာယီစစ်ဆေးခြင်းနှင့်ဖမ်းဆိးခြင်း၊ ပူးတွဲ ကယ်ဆယ်ခြင်း၊ ရေငုပ်သင်္ဘောဖျက် ပူးတွဲလုပ်ဆောင်ခြင်းနှင့် ပူးတွဲလေကြောင်းရန်ကာကွယ်ခြင်းတွေကို လုပ်ဆောင် ခဲ့ကြပါတယ်။

“ ပူးတွဲလေကြောင်းရန်ကာကွယ်ရေလေ့ကျင့်ခန်းမှာ တရုတ်နှင့် ရုရှားရေတပ်တွေဟာ သူတို့ရဲ့အဆင့်မြင့်စစ်သင်္ဘောတွေကို လေကြောင်းရန်ကာကွယ်မှုပုံစံနှင့် စေလွှတ်ခဲ့ပါတယ်။ မျိုးစုံသောခြိမ်းခြောက်မှုတွေကို အကျိုးရှိရှိတုန့်ပြန်ခဲ့ပါတယ်။ အနီးကပ်ပူးပေါင်းဆောင်ရွက်ခဲ့ကြပြီး ရည်ရွယ်တဲ့ လေ့ကျင့်မှုတွေ ပြီးမြောက်ခဲ့ပါတယ်။ နှစ်နိုင်ငံရဲ့ လေကြောင်းကာကွယ်ရေးနယ်ပယ်မှာ နောက်ဆုံးပေါ် အောင်မြင်မှုတွေကို ဖော်ထုတ်ပြသနိုင်ခဲ့ကြပါတယ်” လို့ စစ်သင်္ဘော ဖရီးဂိတ်ဘင်ကျောင်းရဲ့ ကပ္ပတိန် ရှောင်ကျန်ပင်းက ပြောပါတယ်။

“ အချက်အလက်တွေနှင့်တကယ့်ဖြစ်ရပ်တွေအရ လေ့ကျင့်မှုဟာ တိုက်ခိုက်ရေးအခြေအနေတွေကို အပြည့်အဝ အဆင့် မြှင့်တင်စေနိုင်ခဲ့ပါတယ်။နှစ်ဘက်စလုံးရဲ့ ပညာရှင်ပီသမှုကိုပြသနိုင်ခဲ့ပြီး နှစ်နိုင်ငံတပ်များအကြား ပူးပေါင်းဆောင်ရွက်မှုတိုးမြှင့်စေနိုင်ခဲ့ပါတယ်” လို့ ဖျက်သင်္ဘော ဘောင်တိုးရဲ့ ကပ္ပတိန် ဂူဂျွန်းကပြောပါတယ်။

“ တရုတ်နှင့်ရုရှားရေတပ်တွေရဲ့ ပူးတွဲ ပင်လယ်ပြင်စစ်ရေးလေ့ကျင့်မှုဟာ ပူးတွဲဆောင်ရွက်ရာမှာ အောင်မြင်မှု နောက်တစ်ခုဖြစ်ပါတယ်။လွန်ခဲ့တဲ့ ၇ ရက်က နှစ်ဘက်က တပ်မှူးတွေနှင့် စစ်သားတွေ ထူးချွန်တဲ့စစ်အရည်အသွေးနှင့် အနီးကပ်ပူးပေါင်းဆောင်ရွက်မှုတွေနှင့်အတူ လေ့ကျင့်ခန်းအားလုံး အောင်မြင်စွာပြီးဆုံးခဲ့ပါတယ်။နှစ်နိုင်ငံရေတပ်တွေရဲ့ အပြုသဘောဆောင်ပူးပေါင်းဆောင်ရွက်မှုတွေပိုမိုတိုးတက်လုပ်ဆောင်ဖို့ ကျွန်တော် ခိုင်ခိုင်မာမာယုံကြည်ပါတယ်။ အဲဒါဟာ ကမ္ဘာ့ငြိမ်းချမ်းရေးနှင့် ဒေသဆွင်းလုံခြုံတည်ငြိမ်ရေးကို ကြီးစွာသော ပံ့ပိုးမှုအသစ်တွေဖြစ်စေမှာအသေအချာ ဖြစ်ပါတယ်” လို့ မစ္စတာဝမ်ကပြောကြားခဲ့ပါတယ်။

Source: CCTV+

#Joint_Sea_2022

#China_Russia_Navies_joint_exercise

#China_Myanmar_Defence_Tie

#Local_News
Published_27 December 2022

ရန်ကုန်မြို့မှာ ပြေးဆွဲနေတဲ့ ယာဉ်လိုင်းတွေထဲက ယာဉ်လိုင်း ၁၅ ခုကို CCTV ကင်မရာတွေ တပ်ဆင်ထားပြီးဖြစ်တယ်လို့ ရန်ကုန်တိုင်းဒေသကြီး ပုဂ္ဂလိကသယ်ယူပို့ဆောင်ရေး ကြီးကြပ်မှုကော်မတီ (YRTC) က ထုတ်ပြန်ထားပါတယ်။

#Yangon_Media_Group

#Local_News
Published_ 27 December 2022

နှစ်သစ်ကူးပိတ်ရက်တွေနဲ့ လွတ်လပ်ရေးနေ့မှာ ကျိုက်ထီးရိုးစေတီတော်ကြီးသို့ လာရောက်ဖူးမြော်နိုင်ဖို့ တောင်တက်ကား(၁၅၀)ကျော်နှင့်ကေဘယ်တွေဖွင့်လှစ်ထားတယ်လို့ ဂေါပကအဖွဲ့ဝင်ထံမှ သိရပါတယ်၊၊

#Yangon_Media_Group

#Local_News
Published_27 December 2022

အခုဘဏ္ဍာနှစ်အတွင်းမှာ ပြည်ပကို ပဲမျိုးစုံတင်ပို့မှုပမာဏဟာ တန်ချိန် ၁ သန်းနဲ့ ၆ သောင်း ၉ ထောင်ကျော်အထိ ရှိလာပြီး ပို့ကုန်ဝင်ငွေမှာ အမေရိကန်ဒေါ်လာ ၉၁၇ ဒသမ ၆၉ သန်းရရှိထားတယ်လို့ စီးပွားရေးနဲ့ကူးသန်းရောင်းဝယ်ရေးဝန်ကြီးဌာနကနေ သိရပါတယ်။

#Yangon_Media_Group

#DailyNews
Published _ 27 December 2022

၁။ ပြည်ပ ပဲတင်ပို့မှုမှ အမေရိကန်ဒေါ်လာ ၉၁၇ ဒသမ ၆၉ သန်းရရှိထား

၂။ ပိတ်ရက်များတွင်ကျိုက်ထီးရိုးစေတီဖူးမြော်နိုင်ရန် တောင်တက်ကား(၁၅၀)ကျော်နှင့် ကေဘယ်များဖွင့်လှစ်ထားဟုဆို

၃။ YBS ယာဉ်လိုင်း ၁၅ လိုင်းတွင် CCTV ကင်မရာတပ်ဆင်ထားပြီးဟု YRTC ထုတ်ပြန်ထား

၄။ တစ်ရွာလုံးဝါးထည်ပစ္စည်းထုတ်လုပ်သည့် တရုတ်ရွာကလေး
ခရီးသွားတွေဆွဲဆောင်သည့်နေရာတစ်ခုအဖြစ် ပေါ်ထွန်းလာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Local_News
Published_ 27 December 2022

ရွှေစက်တော် မန်းချောင်းအတွင်းမှာ အပျော်စီးလှေ ခရီးစဉ် စတင်မယ် လို အဲဒီခရီးစဉ်ကို ဖော်ဆောင်မယ့် Power of Success ကုမ္ပဏီ ရဲ့ တာဝန်ရှိသူက ပြောပါတယ်။

#Yangon_Media_Group