#Local_News
Published_ 19 September 2022

ကချင်ပြည်နယ် ဖွံ့ဖြိုးတိုးတက်ရေးအတွက် အရေးပါသည့် အရှည်ပေ ၃၂၀၀ ကျော်ရှိ ဧရာဝတီမြစ်ကူး (မြစ်ကြီးနား)၊ ဗလမင်းထင်တံတား အမှတ် (၂) ကို တည်ဆောက်လျက်ရှိကြောင်း သိရပါတယ်။

မန္တလေး-လားရှိး-ဗန်းမော်-မြစ်ကြီးနား လမ်းပေါ်ရှိ ဧရာဝတီမြစ်ကူး (မြစ်ကြီးနား)၊ ဗလမင်းထင်တံတား အမှတ်(၂)သည် တရုတ်-မြန်မာနယ်စပ်ကုန်သွယ်မှုလမ်းကြောင်း ကန်ပိုက်တီမှ မြစ်ကြီးနားမြို့ကို ဖြတ်သန်း၍ အိန္ဒိယနိုင်ငံအထိ ဆက်သွယ်ထားသော လီဒိုလမ်းမကြီးပေါ်၌ တည်ရှိနေတဲ့ တံတားတစ်စင်းဖြစ်ပါတယ်။

အဆိုပါ တံတားကို တံတားဦးစီးဌာန တံတားအထူးအဖွဲ့(၁)က တာဝန်ယူ တည်ဆောက်နေခြင်းဖြစ်ပြီး တံတားအရှည် ပေ ၃၂၁၂ ဒသမ ၀၉၉ ပေ၊ ယာဉ်သွားလမ်း အကျယ် ၈ ဒသမ ၅ မီတာ၊ လူသွားလမ်းအကျယ် တစ်ဖက်လျှင် ၁ မီတာ၊ ရေလမ်းကင်းလွတ် အကျယ် ပေ ၃၅၀ နှင့် ရေလမ်း ကင်းလွတ်အမြင့် ၂၆ ပေ ၃ လက်မ ရှိကြောင်း သိရပါတယ်။

#ygm_mnn
#Yangon_Media_Group

#World_Health
Published 19 September 2022

ကိုဗစ်ရောဂါဖြစ်ပွားခဲ့တဲ့ အသက် ၆၅ နှစ်အထက် အမေရိကန်လူမျိုး ၆ သန်းကျော်ကို မှတ်တမ်းလေ့လာခဲ့ရာ တစ်နှစ်အတွင်း အယ်လ်ဇိုင်းမားရောဂါဖြစ်လာနိုင်ချေ ရှိနေပါတယ်။

ကိုဗစ်ရောဂါက အယ်လ်ဇိုင်းမားဖြစ်စေတာမဟုတ်ပေမယ့် ဆက်စပ်မှုရှိနေကြောင်း အယ်လ်ဇိုင်းမားရောဂါဂျာနယ်မှာ ဖော်ပြခဲ့ကြပါတယ်။

လေ့လာမှုပြုလုပ်ခဲ့ရာမှာ ကိုဗစ်ရောဂါဖြစ်ခဲ့တဲ့ လူကြီးအယောက်တစ်ထောင်မှာ ၇ ယောက်က တစ်နှစ်အတွင်း အယ်လ်ဇိုင်းမားဖြစ်လာနိုင်ပြီး ကိုဗစ်မဖြစ်တဲ့ လူတွေမှာတော့ ၅ ယောက်နှုန်းသာ ရှိပါတယ်။

"ကိုဗစ်က ဦးနှောက်ကို သက်ရောက်စေတယ်ဆိုတာ သိထားပေမယ့် အယ်လ်ဇိုင်းမားဖြစ်လာနိုင်တယ်လို့တော့ မသိခဲ့ကြပါဘူး" လို့ စာတမ်းပြုစုသူ'ပါမယ်လာဒေးဗီးစ်'က ပြောပြခဲ့ပါတယ်။

အယ်လ်ဇိုင်းမား ရောဂါလက္ခဏာရှာတွေ့တာက ရောဂါဖြစ်နေတယ်လို့ သေချာပေါက်အတည်ပြုနိုင်တာတော့ မဟုတ်ပါဘူး။

တစ်ခါတရံ မှတ်ဉာဏ်စမ်းသပ်ချက်တုံ့ပြန်ခြင်းနဲ့ အပြုအမူပြောင်းလဲခြင်းတို့ကြောင့် လက္ခဏာတွေ့ရတတ်ပါတယ်။

ကိုဗစ်နောက်ဆက်တွဲခံစားရသူတွေက အယ်လ်ဇိုင်းမားရောဂါဖြစ်ဖို့ အန္တရာယ်များ နေပါတယ်။

တစ်ယောက်ယောက်ကို အယ်လ်ဇိုင်းမားရောဂါရှိတယ်လို့ ပြောဖို့က ဦးနှောက်ထိုင်းမှိုင်းခြင်းနဲ့ ကိုဗစ်နောက်ဆက်တွဲကြောင့် စိတ်ရှုပ်ထွေးမှုဖြစ်ခြင်းတို့နဲ့ ကွဲပြားနေပါတယ်။

ဆရာဝန်က အယ်လ်ဇိုင်းမားရောဂါရှိတယ်လို့ နာမည်တပ်လိုက်ရင် မှတ်ဉာဏ်ချို့ယွင်းမှုရှိနေတာကို ရည်ညွှန်းပါတယ်။

အချို့လူနာတွေက ကိုဗစ်ကူးစက်ကတည်းက အယ်လ်ဇိုင်းမားဖြစ်လာနိုင်တဲ့ အလားအလာရှိနေပြီး ဦးနှောက်ကို သက်ရောက်နေပြီးသားဖြစ်ပါတယ်။

အယ်လ်ဇိုင်းမားဖြစ်နိုင်တဲ့ အခြေအနေက ကိုဗစ်လူနာတွေမှာ အချိန်ကြာလာတာနဲ့အမျှ မြင့်တက်လာပါတယ်။

ကိုဗစ်လူနာတွေရဲ့ ဆုတ်ယုတ်လာတဲ့ဦးနှောက်အချို့ကို ကိုလံဘီယာတက္ကသိုလ်ဗေဂဲလော့စ်ကောလိပ်မှ သိပ္ပံပညာရှင်များက လေ့လာခဲ့ကြရာ အယ်လ်ဇိုင်းမားရောဂါလို ညွှန်ပြနေတဲ့ ချို့ယွင်းနေတဲ့ လက်ခံဆဲလ်တွေ တွေ့ရှိရပါတယ်။

အရင်က မှတ်ဉာဏ်ချို့ယွင်းခြင်းလက္ခဏာမရှိခဲ့တဲ့ ကိုဗစ်လူနာတွေထံမှ သွေးရည်ကြည်ကို ရယူခဲ့ရာ သူတို့ရဲ့အာရုံကြောဆုတ်ယုတ်လာတဲ့အခြေအနေက အယ်လ်ဇိုင်းမားရောဂါသည်တွေနဲ့ တန်းတူအနေအထားရှိနေကြောင်း တွေ့ရှိခဲ့ကြပါတယ်။

Source: The Washington Post
#Yangon_Media_Group

#Local_News
Published - 18 September 2022

ရန်ကုန်ကားဝယ်ရောင်းဈေးကွက်မှာ ငွေကြေးပိုလျှံတဲ့သူတွေက လာရောက်ကစားနေတဲ့အတွက် ကားဈေးတွေဟာ အရင်ကထက် မြင့်တက်လာတယ်လို့ ကားဝယ်ရောင်းလုပ်ကိုင်နေသူတွေက ပြောပါတယ်။

#Yangon_Media_Group

Published 18 Sept 2022

"Hunt" ဆိုတဲ့ရုပ်ရှင်က ဇာတ်လိုက်နှစ်ယောက်အကြောင်းပါ သူတို့ရဲ့ ခံယူချက်တွေက သမာသမတ်ကျသလား မကျဘူးလား ဆိုတဲ့အကြောင်း ရိုက်ကူးထားတာပါ” လို့ တောင်ကိုးရီးယား ရဲ့နာမည်ကြီး စကွစ်ဂိမ်း Squid Game" ဒရာမာရဲ့ အဓိက ဇာတ်ဆောင်နှင့် ဒါရိုက်တာ လီဂျွန်ဂျေး က ပြောပါတယ်။ သူဟာ မကြာသေးခင်ကကျင်းပခဲ့တဲ့ အမ်မီဆုပေးပွဲမှာ စကွစ်ဂိမ်းနှင့် အကောင်းဆုံး အမျိုးသားသရုပ်ဆောင်ဆုရရှိခဲ့ပါတယ်။

သူက တိုရွန်တိုနိုင်ငံတကာရုပ်ရှင်ပွဲတော်မှာ ပြသခဲ့တဲ့ သူ့ရဲ့ ပထမဆုံးရုပ်ရှင်ဇာတ်ကား "Hunt" အကြောင်း အေအက်ဖ်ပီနှင့် အင်တာဗျူးမှာပြောထားပါတယ်။

ဒီဇာတ်ကားကြည့်ပြီးရင် ငါ့ရဲ့ခံယူချက်ဟာ သမာသမတ်ရှိရဲ့လားဆိုပြီး ပရိဿတ်က ကိုယ့်ကိုကိုယ်ပြန်မေးနိုင်ကြလိမ့်မယ်လို့ “လီ” ကယုံကြည်နေပါတယ်။

Source AFP

#Squid_Game

#Lee_Jung-jae

#Hunt_ Lee_Jung-jae

TV Yangon Times Matters အစီအစဉ်
Published - 18 Sep 2022

အစီအစဉ်တင်ဆင်သူ ဆရာဟိန်းလတ်က တေးသံရှင်မောင်သိန်းဝင်းနှင့်အတူ

-"ကလေးဘဝကတည်းက သီချင်းဆိုချင်ခဲ့တာဖြစ်ပြီး ၈တန်းနှစ်တွင် သီချင်းစဆိုဖြစ်ခဲ့ကြောင်း

-မျက်လုံးချင်းစကားပြောနေသည်သီချင်းက ဘက်စုံပံ့ပိုးမှုအားကောင်းခဲ့လို့ အောင်မြင်ခဲ့တာဖြစ်ကြောင်း

-အဆိုတော်တစ်ယောက်ဖြစ်ဖို့ အသံကောင်းရုံနဲ့မရဘဲ ဆိုဟန်ကောင်းဖို့လိုအပ်ကြောင်း" စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#Yangon_Media_Group

TV Yangon Times Matters အစီအစဉ်
Published - 18 Sep 2022

အစီအစဉ်တင်ဆင်သူ ဆရာဟိန်းလတ်က တေးသံရှင်မောင်သိန်းဝင်းနှင့်အတူ

-"ကလေးဘဝကတည်းက သီချင်းဆိုချင်ခဲ့တာဖြစ်ပြီး ၈တန်းနှစ်တွင် သီချင်းစဆိုဖြစ်ခဲ့ကြောင်း

-မျက်လုံးချင်းစကားပြောနေသည်သီချင်းက ဘက်စုံပံ့ပိုးမှုအားကောင်းခဲ့လို့ အောင်မြင်ခဲ့တာဖြစ်ကြောင်း

-အဆိုတော်တစ်ယောက်ဖြစ်ဖို့ အသံကောင်းရုံနဲ့မရဘဲ ဆိုဟန်ကောင်းဖို့လိုအပ်ကြောင်း" စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#Yangon_Media_Group

#LocalNews
Published - 18 September 2022

ကိုဗစ်ကူးစက်မှု များပြားလာသည့်အတွက် လူအများစုဝေး နေထိုင်သည့်နေရာများတွင် ကိုဗစ်ရောဂါကပ်အသွင် ဖြစ်ပွားလာနိုင်ကာ ကာကွယ်ထိန်းချုပ်ရေးလုပ်ငန်းတွေကို အလေးထားပြီး ဆောင်ရွက်ရန် လိုအပ်ကြောင်း ကျန်းမာရေးဝန်ကြီးဌာနက ထုတ်ပြန်ကြေညာထားသည်။

ဘိုးဘွားရိပ်သာများ၊ မိဘမဲ့ကျောင်း၊ ပရဟိတဂေဟာ၊ ဘာသာရေး အဖွဲ့အစည်း၊ ဘုန်းတော်ကြီးသင် စာသင်ကျောင်းတွေနှင့် သင်တန်းများ၊ ဘော်ဒါဆောင်များ၊ အားကစားသမားတွေကို စခန်းသွင်း လေ့ကျင့်ခြင်း၊ အကျဉ်းထောင်၊ အချုပ်ထောင်၊ လူအများစုဝေး နေထိုင်သည့်နေရာ (Institution)များတွင် ကိုဗစ်-၁၉ ရောဂါအပါအဝင် ကူးစက်ရောဂါများ ကပ်အသွင် ဖြစ်ပွားနိုင်သည့်အတွက် လူအများ စုဝေးနေထိုင်ရာနေရာများဆီသို့ ရောက်ရှိနေထိုင်ရသူတွေသည် ဝန်ကြီးဌာနက ထုတ်ပြန်ထားသည့် စည်းကမ်းချက်တွေကို အတိအကျ ပူးပေါင်းလိုက်နာဆောင်ရွက်ရန်လိုအပ်ကြောင်း ထုတ်ပြန်ချက်တွင်ဖော်ပြထားသည်။

စက်တင်ဘာလဆန်းပိုင်းကစပြီး ပြည်တွင်း၌ ကိုဗစ်ကူးစက်မှု ပိုမိုများပြားလာနေပြီး နေ့စဉ် လူနာသစ် ၂၀၀ ကျော်နှင့် အထက် တွေ့ရှိနေရကြောင်း ဝန်ကြီးဌာနမှ ထုတ်ပြန်ထားသည့်စာရင်းများအရ သိရသည်။

ယင်းအပြင် ကာကွယ်ဆေးအကြိမ်ပြည့် ထိုးနှံထားပါက ရောဂါဖြစ်ပွားမှုနှင့် သေဆုံးမှုကို လျှော့ချနိုင်မှာဖြစ်သည့်အတွက် ထပ်ဆောင်းကာကွယ်ဆေးထိုးနှံရန်လည်း အသိပေးကြေညာထားသည်။

လက်ရှိအချိန်ထိ တစ်နိုင်ငံလုံးအတိုင်းအတာအနေဖြင့် ကိုဗစ်ကာကွယ်ဆေးအကြိမ်ပြည့်ထိုးနှံပြီးသူ ၃၆ ဒသမ ၅ သန်း ရှိပြီး အသက် ၁၈ နှစ်အထက် လူဦးရေ ၃၆ ဒသမ ၀၅ ရာခိုင်နှုန်းထိုးနှံပြီးဖြစ်ကြောင်း သိရသည်။

ymg/sth
#Yangon_Media_Group

Published 18 Sept 2022

တရုတ်အာကာသအေဂျင်စီက ယခုတစ်ပတ်ထဲမှာ ကမ္ဘာဂြိုဟ်ကြီးနှင့်တျန်ဂေါင်းအာကာသစခန်းရဲ့ နေရောင်ခြည်ပြားတွေရဲ့ အံ့မခန်းစရာ ရှုမျှော်ခင်းတွေပါတဲ့ ဗွီဒီယိုကိုထုတ်ပြန်လိုက်ပါတယ်။ အဲဒီဗွီဒီယိုကို ဝမ်ရှန်းလက်ဗ်မော်ကျူး lab moduleမှာ တပ်ဆင်ထားတဲ့ မြင်ကွင်းကျယ်ကင်မရာကနေ ဗွီဒီယိုရိုက်ကူးပေးထားတာဖြစ်ပါတယ်။

စက်တင်ဘာ ၁ရက်က သူတို့ရဲ့ extravehicular လှုပ်ရှားမှုတွေအတွင်း တရုတ်ရဲ့ ရှန်ကျိုး-၁၄ အာကာသယာဉ်မှူးတွေဟာ တိုးတက်လာတဲ့နည်းပညာတွေသုံးပြီး ဝမ်ရှန်းလက်ဗ်မော်ကျူး က မြင်ကွင်းကျယ်ကင်မရာကို မတင်ခဲ့ပါတယ်။အဲဒီကင်မရာဟာ အာကာသစခန်းရဲ့ extravehicula ကိရိယာတွေကို စောင့်ကြပ်ကြည့်ရှုဖို့ တပ်ဆင်ထားတာဖြစ်ပါတယ်။  ကင်မရာကိုမပြီးရိုက်လိုက်တဲ့အတွက် ကျယ်ပြန့်တဲ့ မြင်ကွင်းနှင့် ပိုပြီးများပြားတဲ့ အချက်အလက်တွေစုဆောင်းရရှိခဲ့ကြပါတယ်။

Source CCTV+

#China_Manned_Space_Agency

#Panoramic_View_of_Earth

#Space_Station

#Local_News
Published_ 18 September 2022

အုန်းခွံဖြင့် ဖန်တီးပြုလုပ်ထားတဲ့ အုန်းခွံမာကြယ်သီးတွေ အပါအဝင်အုန်းခွံမာလက်မှု ထုတ်ကုန်တွေကို ပြည်ပဈေးကွက်ရရှိအောင်ဆောင်ရွက်သွားဖို့ရှိတယ်လို့ အုန်းခွံမာလက်မှုထုတ်ကုန်လုပ်ငန်းရှင် ကိုဖိုးဇော်က ပြောပါတယ်၊၊

#Yangon_Media_Group

TV Yangon Times Matters အစီအစဉ်
Published - 18 Sep 2022

အစီအစဉ်တင်ဆင်သူ ဆရာဟိန်းလတ်က တေးသံရှင်မောင်သိန်းဝင်းနှင့်အတူ

-"ကလေးဘဝကတည်းက သီချင်းဆိုချင်ခဲ့တာဖြစ်ပြီး ၈တန်းနှစ်တွင် သီချင်းစဆိုဖြစ်ခဲ့ကြောင်း

-မျက်လုံးချင်းစကားပြောနေသည်သီချင်းက ဘက်စုံပံ့ပိုးမှုအားကောင်းခဲ့လို့ အောင်မြင်ခဲ့တာဖြစ်ကြောင်း

-အဆိုတော်တစ်ယောက်ဖြစ်ဖို့ အသံကောင်းရုံနဲ့မရဘဲ ဆိုဟန်ကောင်းဖို့လိုအပ်ကြောင်း" စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#Yangon_Media_Group

Published 18 Sept 2022

နိုင်ငံတကာ တန်ဂိုအကပွဲတော်နှင့် ချန်ပီယံရှစ်ပြိုင်ပွဲကို အာဂျင်တီးနားနိုင်ငံ ဗျူနိုအေရီးစ်မြို့တော်ရဲ့ မြို့လယ်တွင် ကျင်းပနေပါတယ်။ အဲဒီပွဲတော်နှင့်ပြိုင်ပွဲကြီးကို စုံတွဲတွေက မော်ကွန်းကျိုက်တိုင်ကြီး နောက်ခံထားပြီး လာရောက်ယှဉ်ပြိုင်ကြပါတယ်။

နိုင်ငံတကာတန်ဂိုအကပြိုင်ပွဲကျင်းပနေပုံတွေကို‌ အေအက်ဖ်ပီကတင်ဆက်ထားတာဖြစ်ပါတယ်။

Source AFP

#Tango_Championship

#Buenos_Aires

Published 18 Sept 2022

အကျဉ်းသားတစ်ဦးဖြစ်တဲ့ ဟာဗေးဝိန်းစတိန်းက သူ့ရဲ့ ဆိုးရွားနေတဲ့ အံသွားကို သွားဆရာဝန်ထံ အရေးပေါ်ပြသဖို့လိုအပ်လို့ ပြင်ပပုဂ္ဂလိက သွားဆရာဝန်တစ်ဦးနှင့်ပြခွင့်ပြုဖို့ တရားရုံးကိုတောင်းဆိုလိုက်ပါတယ်။ ဘာဖြစ်လိုလဲဆိုတော့‌ ထောင် သွားဆရာဝန်က  သွားတွေကို နှုတ်ပဲနှုတ်ပေးပြီး သူ့ပါးစပ်ထဲ ဟောင်းလောင်းပေါက်ကြီး ထားခဲ့လို့ဖြစ်တယ်လို့ အကြောင်း ပြလိုက်ပါတယ်။

“ အခြေအနေက အရေးပေါ်ပါခင်ဗျာ” လို့ ယခင်ရုပ်ရှင်ထုတ်လုပ်သူလုပ်ခဲ့တဲ့သူက လော့အင်ဂျလိ တရားရုံးတစ်ခုထဲ ဘီးတပ် ကုလားထိုင်နှင့် ရောက်လာပြီးနောက် တရားသူကြီးကို တောင်းပန်လိုက်တာဖြစ်ပါတယ်၊

“ ကျွန်တော် သွားဆရာဝန်ဖိုးပေးမှာပါ။ တစ်ကြိမ်တည်းဖြစ်မှာပါ။တစ်ကြိမ်တည်းပါခင်ဗျာ” လို့လည်း သူကပြောပါသတဲ့။

သူဟာ ၂၀၀၄နှင့် ၂၀၁၃အကြား အမျိုးသမီးငါးဦးကို လိင်ပိုင်းဆိုင်ရော စော်ကားမှုတွေပြုလုပ်ခဲ့လို့ အကျဉ်းချခံထားရတာပါ။

ထောင်သွားဆရာဝန်တွေက ဝိန်းစတိန်းကို ရွေးချယ်စရာနည်းလမ်း(၂)ခုပေးပါတယ်။ သွားအစားမထိုးဘဲ သွားအနှုတ်ခံမလား ဒါမှမဟုတ် ဆက်ပြီး သွားတွေပိုးစားစေမှာလား ဆိုပြီးမေးတယ်လို့ သူ့ရဲ့ရှေ့နေမတ်ခ်ဝက်ခ်မင်းက ပြောပါတယ်။

နယူးယောက်မှာ လိင်ပိုင်းဆိုင်ရာအမှုတွေနှင့်‌ ထောင်(၂၇)နှစ်ကျခံနေရတဲ့ အသက် ၇၀ အရွယ် ဝိန်းစတိန်းက တရားရုံးထုတ်တဲ့အခါ သူ့ကို ကြည့်ပျော်ရှုပျော်ဖြစ်အောင် သွားမှာ ဘရစ်ချ် တပ်ပေးတာ ဒါမှမဟုတ် သွားတုတပ်တာ ခွင့်ပြုပေးဖို့ကောင်းတယ်လို့ စောဒကတက်ပါတယ်။

“ ကျွန်တော်နေ့တိုင်း သွားကိုက်နေတယ်။  အခေါင်းပေါက်တွေဖြစ်နေတယ်။ သွားတွေမရှိတော့လို့ အစားမစားနိုင်ဘူး” လို့ သူက ဆက်ပြောပါတယ်။

ရှေ့နေဝက်ခ်မင်းက သူ့အမှုသည်ကို သွားဆရာဝန် ပေးမပြတာဟာ အခြေခံဥပဒေပါ လူ့အခွင့်အရေးတွေကို ချိုးဖောက် ရာရောက်တယ်၊ သူ့ရှေ့သွားတွေမှာ ဟောင်းလောင်းပေါက်ကြီးထားခဲ့တာဟာ ရယ်စရာဖြစ်နေယ်။ ရုပ်ပြောင်နှင့်တူနေတယ် လို့ တောင်းဆိုပါတယ်။

တရားသူကြီးလင့်ချ်က  ပြင်ပသွားဆရာဝန်ဆီ အသွားအပြန်စရိတ်ကု သူကပဲပေးဦးတော့၊ ရဲဌာနက လူတွေလိုအပ်နေမှာ ဖြစ်တယ်။ ဒီလိုတောင်းဆိုမှုဟာ စံနှုန်းတွေနှင့်မညီဘူး။ ဝင်စတိန်းက ကြည့်ရတာ ရယ်စရာလည်းမကောင်းလှပါဘူးလို့ ပြန်ပြောပါသတဲ့။ ဒါပေမယ့် ပြန်လည်သုံးသပ်လို့ရအောင် တောင်းခံစာကိုရေးပြီး သူ့ဆီပို့ပေးဖို့တော့ပြောပါတယ်။

တရားရုံးထုတ်တဲ့ရည်ရွယ်ချက်က အီတလီမှာရှိနေတဲ့ သက်သေနှစ်ဦးကို ဗွီဒီယိုနှင့် ကြားနာဖို့ဖြစ်ပါတယ်။

သူဟာ ၂၀၀၆ခုနှစ်တုန်းက “Project Runway” ဇာတ်ကားရဲ့ ထုတ်လုပ်ရေးလက်ထောက် မီရီယမ်ဟာလီရီကို အတင်းအကျပ်ပါးစပ်နှင့်ဆက်ဆံခိုင်းခဲ့ပါတယ်။ ၂၀၁၃ခုနှစ်မှာ ဆံပင်စတိုင်ဖန်တီးသူ ဂျက်ဆီကာမန်းကိုလည်း လိင်ပိုင်းဆိုင်ရာ‌ စော်ကားမှုပြုခဲ့တာဖြစ်ပါတယ်။ ၁၉၉၀ပြည့်လွန်နှစ်အလယ်လောက်မှာ မင်းသမီး အန်နာဘဲလ်စီယိုရာကို မတရားပြုကျင့်ခဲ့တယ်လို့လည်း တိုင်တန်းခံခဲ့ရပါတယ်။

Source NY Post

#Harvey_Weinstein

#sex_charges

#sexual_assault