#Local_News
Published_ 4 May 2023

ပုဂံဒေသညောင်ဦးမြို့နယ်မှာ မေလ(၃)ရက်က လေပြင်းတိုက်ခတ်ပြီး သစ်ပင်တွေပြိုလဲကျပြီးကဇာတ်ရုံနဲ့ နေအိမ်အချို့ထိခိုက်ပျက်စီးခဲ့တယ်လို့ မြန်မာနိုင်ငံမီးသတ်တပ်ဖွဲ့မှ သိရပါတယ်၊၊

#Local_News #ပုဂံညောင်ဦး #လေပြင်းတိုက်ခတ် #ကဇာတ်ရုံ #နေအိမ်အချို့ထိခိုက်ပျက်စီး
#YMG #Yangon_Media_Group

Published 4 May 2023

တရုတ်နိုင်ငံတော်ကောင်စီဝင်နှင့် နိုင်ငံခြားရေးဝန်ကြီး မစ္စတာ ချင်းကန်သည် မေ ၃ရက်က ပုဂံရှေးဟောင်းယဉ်ကျေးမှုနယ်မြေသို့ သွားရောက်လည့်ပတ်ခဲ့တယ်လို့ စီစီတီဗွီသတင်းဌာနက သတင်းထုတ်ပြန်ပါတယ်။

၂၀၁၆ခုနှစ်ငလျင်ကြောင့်ပျက်စီးခဲ့ရပြီး တရုတ်ပညာရှင်များက ရှေးမူမပျက်ပြန်လည်မွမ်းမံပေးနေတဲ့ ပုဂံက သဗ္ဗညုဘုရားကို မစ္စတာချင်းကန်က သွားရောက်ဖူးမျှော်ခဲ့ပါတယ်။

သက္ကရာဇ် ၁၁၄၄ခုနှစ်ကတည်ထားကိုးကွယ်ခဲ့တဲ့ သဗ္ဗညုဘုရားဟာ  ဉာဏ်တော် ၆၆မီတာမြင့်ပြီး ပုဂံရဲ့ ယူနက်စကို ကမ္ဘာ့အမွေအနှစ်ဒေသမှာ အမြင့်မားဆုံးစေတီတော်တစ်ဆူဖြစ်ပါတယ်။ပုဂံရှေးဟောင်းယဉ်ကျေးမှုဇုံထဲမှာ ဘုရားဆင်းတုတော်၊စေတီတော်၊ဘုန်းတော်ကြီးကျောင်းတွေနှင့် အခြားသော ဗုဒ္ဓဘာသာအဆောက်အဦပေါင်း ၃၀၀၀ကျော်ရှိတယ်လို့ စီစီတီဗွီက သတင်းမှာဖော်ပြထားပါတယ်။

၂၀၁၉ခုနှစ်ဧပြီလမှာ တရုတ်နိုင်ငံ အနောက်မြောက်ပိုင်း ရှန်ရှီပြည်နယ်က ပညာရှင်အဖွဲ့တစ်ဖွဲ့ဟာ စေတီတော်ရဲ့ ပျက်စီးနေတဲ့ အစိတ်အပိုင်းတွေ ပြန်လည်ပြုပြင်မွမ်းမံတို့လုပ်ငန်းမှာ ပါဝင်ခဲ့ကြပါတယ်။

တရုတ်နိုင်ငံခြားရေးဝန်ကြီးချင်ဟာ ပုဂံက ချူအင်လိုင်းတန်ဆောင်းကိုလည်း သွားရောက်ခဲ့ပါတယ်။ အဲဒီတန်ဆောင်းမှာ တရုတ်ဝန်ကြီးချုပ်ဟောင်းချူအင်လိုင်းရဲ့ တန်ဖိုးရှိလှတဲ့ ဓာတ်ပုံတွေနှင့်ပစ္စည်းတွေကို ပြသထားတာကို မစ္စတာချင်က လေ့လာခဲ့ပြီး တရုတ်မြန်မာနှစ်နိုင်ငံယဉ်ကျေးမှုဖလှယ်ရေး သမိုင်းမှတ်တမ်းတွေကို ထိတွေ့ခံစားခဲ့တယ်လို့သတင်းကဆို ပါတယ်။

၁၉၆၁ခုနှစ်မှာ တရုတ်ဝန်ကြီးချုပ်ချုအင်လိုင်းဟာ မြန်မာနိုင်ငံခရီးစဉ်အတွင်း ပုဂံကိုသွားရောက်လည်ပတ်ကာ လှူဒါန်း မှုတွေပြလုပ်ခဲ့ပါတယ်။ အဲဒီလှူဒါန်းမှုရဲ့အစိတ်အပိုင်းအဖြစ် စေတီတော်ဘေးမှာ ချူအင်လိုင်းတန်ဆောင်းတစ်ခုကို တည်ဆောက်လှူဒါန်းခဲ့တာဖြစ်ပါတယ်။

Source. CCTV+

#တရုတ်နိုင်ငံခြားရေးဝန်ကြီးQin Gang

#တရုတ်-မြန်မာဆက်ဆံရေး

#YangonMediaGroup

#Local_News
Published_ 4 May 2023

စက်သုံးဆီဈေးမှာနှုန်းထား ယခင်လကထက်နှစ်ရာကျပ်ဝန်းကျင်အထိသို့ ကျဆင်းခဲ့ပြီး ၉၂ တစ်လီတာလျှင် ၂,၀၀၀ အောက်ကိုရောက်ရှိလာကြောင်း ယနေ့ဈေးနှုန်းထုတ်ပြန်ချက်များအရ သိရပါတယ်။

#Local_News #စက်သုံးဆီနှုန်း
#YMG #Yangon_Media_Group

#Local_News
Published_ 4 May 2023

လာမယ့်ရက်ပိုင်း မေလ(၈)ရက်မှာ မြန်မာနိုင်ငံမှာ လေဖိအားနည်းရပ်ဝန်းတစ်ခု စတင်ဖြစ်ပေါ်လာမှာဖြစ်ပြီး မုန်တိုင်းငယ်အဖြစ် ပြောင်းလဲတိုက်ခတ်နိုင်ခြေ ရှိတယ်လို့ မိုးလေဝသနှင့်ဇလဗေဒညွှန်ကြားမှု ဦးစီးဌာနမှသိရပါတယ်၊၊

#Local_News #ဆိုက်ကလုန်းမုန်တိုင်း #ကမ်းရိုးတန်းဒေသများ
#YMG #Yangon_Media_Group

#Daily_News
Published_ 4 May 2023

၁။ မေလအတွင်း ဆိုက်ကလုန်းမုန်တိုင်း တိုက်ခတ်နိုင်ခြေရှိ၊ ကမ်းရိုးတန်းဒေသများ အထူးသတိထားရမည်

၂။ စက်သုံးဆီဈေး ဆက်လက်ကျဆင်းနေ

၃။ ပုဂံညောင်ဦးတွင် လေပြင်းတိုက်ခတ်မှုကြောင့် ကဇာတ်ရုံနှင့်နေအိမ်အချို့ ထိခိုက်ပျက်စီး

၄။ကမ္ဘာတစ်ဝှမ်းမှအသက်များကိုကယ်ဆယ်နိုင်ရန် မက္ကဆီကိုခွေးများအား လေ့ကျင့်သင်ကြားပေး ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group #Daily_News #YMG

#Local_News
Published_ 4 May 2023

ပြည်တွင်းရွှေဈေးဟာ မေလ ၄ ရက်နေ့မနက်ပိုင်းမှာ သိန်း ၃၀ကျော် ပေါက်ဈေးရှိနေပြီး ကမ္ဘာ့ရွှေဈေးကတော့ တစ်အောင်စကို ၂၀၅၀ ကိုစံချိန်တင်မြင့်တက်နေပါတယ်။

#Local_News #ကမ္ဘာ့ရွှေဈေး #ပြင်ပရွှေပေါက်ဈေး
#YMG #Yangon_Media_Group

#Local_News
Published_ 4 May 2023

သီပေါရှိ ဘုန်းကြီးကျောင်းနှစ်ထပ်ကျောင်ဆောင် မီးလောင်မှု ၁ နာရီကျော် မီးငြှိမ်းခဲ့ရတယ်လို့ မီးသတ်တပ်ဖွဲ့က သိရသည်။

မေလ ၄ ရက်နေ့လယ် ၁၂ နာရီခန့်ကရှမ်းပြည်နယ်၊ သီပေါမြို့နယ်၊ နောင်တော်ကြီးကျေးရွာ၊ သီရိမင်္ဂလာဘုန်းတော်ကြီးကျောင်း မီးလောင်မှုဖြစ်ပွါးခဲ့ခြင်းဖြစ်သည်။

အဆိုပါ မီးလောင်မှုကို သီပေါမြို့နယ်မီးသတ်စခန်းမှ မီးငြှိမ်းသတ်ယာဉ်(၂)စီး၊ ရေသယ်ယာဉ်(၁)စီး၊ နမ့်လန်နယ်မြေမီးသတ်စခန်းမှ မီးငြှိမ်းသတ်ယာဉ်(၁)စီး၊ ပန်ညုအရန်မီးသတ်စခန်းမှ မီးငြှိမ်းသတ်ယာဉ်(၁)စီး၊ နောင်ကော်ကြီးအရန်မီးသတ်စခန်းမှ ရေသယ်ယာဉ်(၁)စီး၊ သန္ဓေမီးသတ်တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များဖြင့် ထွက်ခွာငြှိမ်းသတ်ခဲ့ရာ နေ့လည်တစ်နာရီအချိန် မီးငြိမ်းသွားခဲ့ကြောင်းသိရသည်။

မီးလောင်ရတဲ့ အကြောင်းအရင်းနဲ့ ပျက်စီးဆုံးရှုံးမှုကိုတော့ မသိရသေးဘူးလို့ မီးသတ်တပ်ဖွဲ့က သိရသည်။

#ymg/ppk #Local_News #သီပေါ #ဘုန်းကြီးကျောင်းမီးလောင်မှု
#YMG #Yangon-Media-Group

#Local_News
Published_ 4 May 2023

အရှေ့တောင်အာရှအားကစားပြိုင်ပွဲ(SEA Games) တွင် အမျိုးသားဘော်လီဘောပြိုင်ပွဲ၌ မလေးရှားအသင်းမှ မြန်မာအသင်းအား(၃)ပွဲ(၁)ပွဲပြတ်ဖြင့်အနိုင်ရရှိခဲ့ကြောင်း အားကစားနှင့်လူငယ်ရေးရာဝန်ကြီးဌာနမှ သိရသည်၊၊

ကမ္ဘောဒီးယားနိုင်ငံ၌ ကျင်းပလျက်ရှိသည့်( ၃)ကြိမ်မြောက် အရှေ့တောင်အာရှအားကစားပြိုင်ပွဲ မေလ(၄)ရက် အမျိုးသားဘော်လီဘောအုပ်စုပွဲစဉ်တွင် မြန်မာအသင်းနှင့် မလေးရှားအသင်းတို့ ယှဉ်ပြိုင်ကစားခဲ့ကြရာ မလေးရှားအသင်းမှ မြန်မာအသင်းကို ရမှတ် (25/22) ၊ (21/25)၊ (14/25)၊ (20/25)ရရှိပြီး (၃)ပွဲ (၁)ပွဲပြတ်ဖြင့် အနိုင်ရရှိခဲ့ခြင်းဖြစ်သည်၊၊

ကမ္ဘောဒီးယားနိုင်ငံတွင် ကျင်းပပြုလုပ်လျက်ရှိသည့် (၃၂)ကြိမ်မြောက် အရှေ့တောင်အာရှအားကစားပြိုင်ပွဲ၊ ဘော်လီဘော (အမျိုးသား) အသင်းလိုက်ပြိုင်ပွဲ၌ မြန်မာအသင်းနှင့် မလေးရှားအသင်းတို့ ယှဉ်ပြိုင်ကစားနေမှုများအား အားကစားနှင့်လူငယ်ရေးရာဝန်ကြီးဌာန ဒုတိယဝန်ကြီး ဦးမျိုးလှိုင်သည် မေလ(၄)ရက်နံနက် (၁၁)နာရီခွဲအချိန်တွင် နေပြည်တော်၊ ဝဏ္ဏသိဒ္ဓိအားကစားကွင်း Social Zone အတွင်းရှိ မြန်မာနိုင်ငံအိုလံပစ်ကော်မတီရုံး၌ Virtual Online စနစ်ဖြင့် ကြည့်ရှုအားပေးခဲ့ကြောင်း သိရသည်၊၊

ကမ္ဘောဒီးယားနိုင်ငံကအိမ်ရှင်အဖြစ် စတင်လက်ခံကျင်းပနေပြီဖြစ်သည့် (၃၂)ကြိမ်မြောက်အရှေ့ တောင်အာရှအားကစားပြိုင်ပွဲ၏ မေလ ၃ရက်နေ့တွင်ကျင်းပခဲ့သည့် အားကစားနည်းအချို့တွင် မြန်မာအားကစားအဖွဲ့များ ဝင်ရောက်ယှဉ်ပြိုင်ခဲ့ကြပြီး အမျိုးသမီးဘောလုံးအုပ်စုပွဲစဉ်တွင် မြန်မာနှင့် ဖိလစ်ပိုင်တို့ ယှဉ်ပြိုင်ကစားကြရာ မြန်မာမှ (၁-၀) ဖြင့် အနိုင်ရရှိခဲ့ကြောင်းလည်းသိရသည်၊၊

#ymg/tthl #Local_News #SEA Games #အမျိုးသားဘော်လီဘောပြိုင်ပွဲ #မလေးရှားအသင်း
#YMG #Yangon_Media_Group

#Local_News
Published_ 4 May 2023

ရန်ကုန်မြို့တွင်း အိမ်ခြံမြေဈေးတွေ မြင့်တက်လာတာတဲ့အတွက် မြို့စွန်ပိုင်းက တိုက်ခန်းတွေ အရောင်းအဝယ် ကောင်းလာတယ်လို့ သိရသည်။

"ရန်ကုန်ရဲ့ အချက်အချာကျတဲ့ နေရာမှာရှိတဲ့ တိုက်ခန်းတွေက ဈေးအဆမတန်မြင့်တက်လာတယ်။ အဲတော့ လူတွေက မြို့စွန်မှာရှိတဲ့ တိုက်ခန်းတွေကို ဝယ်လာကြတယ်။ အဓိကဝယ်တဲ့သူတွေက ရန်ကုန် အချက်အချာနေရာတွေက လူတွေနဲ့ နယ်ကလူတွေ လာဝယ်ကြတာက များပါတယ်။ အများစုက အိမ်ငှားပြန်တင်တာပါ"လို့ တောင်ဒဂုံမြို့နယ်အတွင်း အိမ်ခြံမြေ အကျိုးဆောင်လုပ်ငန်း လုပ်ကိုင်သူတစ်ယောက်က YMG သို့ ပြောသည်။

အိမ်၊ခြံ၊မြေဈေးဟာ သိန်းထောင်သောင်းဂဏန်းအထိ မြင့်တက်နေတဲ့အတွက် ရင်းနှီးမြှုပ်နှံသူတွေဟာ မြို့စွန်တိုက်ခန်းတွေကို ပြန်စိတ်ဝင်စားလာကြောင်း သိရသည်။

တိုက်ခန်းဝယ်ယူတဲ့သူတွေဟာ အခန်းတွေကို အဆင့်မြင့် သေချာပြင်ဆင်ထားပြီး၊ မြို့စွန်တိုက်ခန်းတွေရဲ့ ငှားရမ်းခကတစ်လကို ကျပ်တစ်သိန်းကနေ ကျပ်တစ်သိန်းခွဲအထိနှုန်းနဲ့ ပြန်အငှားချလို့ ရတဲ့အတွက် အရောင်းအဝယ် ဖြစ်လာတာလို့လည်း သိရသည်။

ရန်ကုန်မြို့စွန်မှာရှိတဲ့ တိုက်ခန်းဈေးဟာ သိန်း ၂၀၀ ကနေ ကျပ် သိန်း ၅၀၀ အထိ ရှိနေတဲ့အပြင်ကားဈေးကွက်နှင့် နှိုင်းယှဉ်ပါကတိုက်ခန်းတွေက အကျိုးအမြတ် ပိုခိုင်မာနေကြောင်း သိရသည်။

#ymg/ppk #Local_News #ရန်ကုန်မြို့စွန် #အရောင်းအဝယ်ပိုကောင်း
#YMG #Yangon-Media-Group

#Local_News
Published_ 4 May 2023

ဖောင်းကြွနံပါတ်ပြားအသစ် ပြောင်းလဲတပ်ဆင်ခြင်း မရှိတဲ့ယာဉ်များ စစ်ဆေးတွေ့ရှိပါက ယခုမေလက စတင်ကာအရေးယူသွားတော့မှာဖြစ်ကြောင်း ကုန်းလမ်းပို့ဆောင်ရေးညွှန်ကြားမှူးဦးစီးဌာနက (ကညန)ကနေ အသိပေးထုတ်ပြန်ထားသည်။

ဖောင်းကြွနံပါတ်ပြားအသစ် ပြောင်းလဲတပ်ဆင်ခြင်းမရှိသေးတဲ့ မော်တော်ယာဉ်များ ကုန်းလမ်းပို့ဆောင်ရေးညွှန်ကြားမှုဦးစီးဌာနတွင် ဖောင်းကြွနံပါတ်ပြားမှာယူထားကြောင်း အထောက်အထား ပြေစာတင်ပြနိုင်ခြင်းမရှိတဲ့ မော်တော်ယာဉ်များကို မေလမှစတင်ကာ ဒဏ်ငွေတပ်ခြင်းအပြင် မော်တော်ယာဉ် မှတ်ပုံတင်သက်သေခံလက်မှတ်သိမ်းယူခြင်းအထိ အရေးယူမှာဖြစ်ကြောင်း သိရသည်။

အဆိုပါ မော်တော်ယာဉ်များကို မေလဒုတိယပတ်ဖြစ်တဲ့ မေ ၈ ရက်မှ ၁၄ ရက်အတွင်း စစ်ဆေးတွေ့ရှိပါက ဒဏ်ငွေကျပ် ၅၀၀၀ ဒဏ်တပ်မှာဖြစ်ပြီး မေလ တတိယပတ် မေ ၁၅ ရက်မှစတင်ကာ စစ်ဆေးတွေ့ရှိပါက မော်တော်ယာဉ်မှတ်ပုံတင်သက်သေခံလက်မှတ် (Wheel Tax)ကို သိမ်းယူမည်ဖြစ်ကာ နံပါတ်ပြားအသစ်တပ်ဆင်ပြီးဖြစ်ကြောင်း လာရောက်ပြသနိုင်ချိန်မှာ Wheel Tax ပြန်လည်ထုတ်ပေးမှာဖြစ်ကြောင်း သိရသည်။

#ymg/ppk #Local_News #မော်တော်ယာဉ်ဖောင်းကြွနံပါတ်ပြား #အရေးယူမည်
#Yangon-Media-Group

#Local_News
Published_ 4 May2023

ပွဲစားက လိမ်လည်၍ မ‌လေးရှားနိုင်ငံ ကလန်းမြို့နယ်ရှိ တောတွင်းတစ်နေရာတွင် ဒုက္ခရောက်နေသူ မြန်မာနိုင်ငံသား၂ဦးကို ကယ်တင်ခဲ့ရကြောင်း နှလုံးလှပရဟိတအသင်းက သိရသည်။

ပွဲစားက တစ်ဦးစီ ထံမှ ရင်းဂစ် ( ၃၀၀ )ကို လိမ်ယူကာခေတ္တစောင့်ရန် ပြောဆိုထားခဲ့ရာမှာ ပေါ်မလာတော့‌သောကြောင့် တောတွင်း ၌၂ရက်တိတိ ထမင်းငတ်ကာ အိပ်ဒုက္ခရောက်နေခဲ့ရကြောင်း သိရသည်။

"ကောင်လေး ၂ယောက် မှာ အသိမိတ်ဆွေတွေကလည်းမရှိ၊ ကံဆိုးချင်တော့ ဖမ်းမသွားတာဘဲရှိတာ၊ ပါတာတွေအကုန်ယူသွားတယ်။ရဲဖမ်းမှာကြောက်တာကလည်းတစ်မျိုး၊ သွားစရာနေရာလည်းမရှိ တောထဲမှာ ၂ရက်တိတိ ထမင်းမစားရ၊ အိပ်လည်းမရ ဒုက္ခရောက်နေခဲ့ကြပါတယ်"ဟု နှလုံးလှပရဟိတအသင်းက သိရသည်။

အဆိုပါလူငယ်၂ဦးမှာ နေပြည်တော်မှ ၁ ဦးနှင့် ရခိုင်ပြည်နယ်၊ တောင်ကုတ်မြို့နယ်မှ ၁ဦးဖြစ်ကြောင်းလည်း သိရသည်။

#ymg/pl
#Local_News #ပွဲစားကလိမ်လည် #မ‌လေးရှားနိုင်ငံ #ဒုက္ခရောက်နေသူမြန်မာနိုင်ငံသား၂ဦး
#YMG #Yangon_Media_Group

#World_Health
Published 4 May 2023

ကမ္ဘာတဝှမ်းရှိ အာရုံကြောသိပ္ပံပညာရှင်များဟာ ဦးနှောက်လျှို့ဝှက်ချက်များ ဖော်ထုတ်ရာမှာ ပူးပေါင်းပါဝင်ခဲ့ကြပါတယ်။

သေလုမြောပါးဖြစ်နေပြီးနောက် သေဆုံးသွားခဲ့တဲ့ လူ ၂ ဦးရဲ့ဦးနှောက်ထဲက လျှို့ဝှက်ဆန်းကြယ်တဲ့လှုပ်ရှားမှုကို သုတေသီအဖွဲ့က တွေ့ရှိခဲ့ပါတယ်။

လူတစ်ယောက်မသေဆုံးမီ ဦးနှောက်လုံးဝမပိတ်ချခင် နောက်ဆုံးအချိန်မှာ ဦးနှောက်ထဲမှ သိပ္ပံနည်းလမ်းများကို နားလည်ဖို့ကာလရှည်စွာ ကြိုးပမ်းနေခဲ့ပါတယ်။

နှလုံးနဲ့ အသက်ရှူလမ်းကြောင်းဆိုင်ရာ ပိတ်ဆို့တာမျိုးဖြစ်လာတဲ့အခါ ဂမ်မာလှိုင်းမြင့်တက်လာတာကို အရင်လေ့လာမှုတွေမှာ တွေ့ရှိခဲ့ပါတယ်။

လူတစ်ဦးသေဆုံးပြီးနောက် နောက်ဆုံးအခိုက်အတန့်အတွင်း ဦးနှောက်အတွင်းဖြစ်ပျက်မှုများကို ပိုမိုနားလည်စေရန် အမေရိကန်အခြေစိုက် မီချီဂန်တက္ကသိုလ်မှသိပ္ပံပညာရှင်များက အသက်ရှူကိရိယာဖြုတ်ပြီးနောက် သေဆုံးလုနီးပါးဖြစ်နေတဲ့ လူနာ ၄ ဦးမှ EEG နဲ့ ECG တို့ကို ခွဲခြိမ်းစိတ်ဖြာခဲ့ကြပါတယ်။

လူနာ ၄ ဦးက ကိုမာအခြေအနေမှာ ရှိနေခဲ့တာဖြစ်ပါတယ်။

လူနာ ၂ ဦးမှာ ဂမ်မာလှုပ်ရှားမှုများ လှုံ့ဆော်ခြင်းဖြင့် အောက်ဆီဂျင်နည်းပါးခြင်းတွေ့ရှိလာကြောင်း သုတေသီများဖော်ပြထားပါတယ်။

"ဦးနှောက်လုပ်ဆောင်ချက်က နှလုံးရပ်တန့်ချိန်မှာ နားလည်ရခက်ခဲပါတယ်။ သတိလစ်သွားတာက နှလုံးရပ်တာနဲ့ ဆက်စပ်နေကာ သေခါနီးအချိန်မှာ သတိရှိနေလားဆိုတာ မသေချာပါဘူး" လို့ သိပ္ပံပညာရှင်တွေက ဖော်ပြထားပါတယ်။

သိပ္ပံပညာရှင်များက ၂၀၁၄ ခုနှစ်ကတည်းက အာရုံကြောအထူးကြပ်မတ်ဆောင်မှာ သေဆုံးခဲ့တဲ့လူနာများရှိတဲ့ မီချီဂန်တက္ကသိုလ်ကနေ ဖြစ်ရပ်များကို စစ်ဆေးခဲ့ပါတယ်။

ဦးနှောက်အစိတ်အပိုင်းတစ်ခုမှ ဂမ်မာလှိုင်းများစောင့်တက်သွားကာ ဦးနှောက်နှစ်ခြမ်းစလုံးမှာ တာဝေးချိတ်ဆက်မှုဖြစ်ပျက်သွားတာကို သတိပြုမိကြပါတယ်။

သေလုမြောပါးလူနာတွေရဲ့ဦးနှောက်မှာ ကော်တီကယ်အနောက်နေရာများလှုပ်ရှားမှုဖြစ်/မဖြစ် ဆုံးဖြတ်ပေးတာဖြစ်ပါတယ်။

ဂမ်မာလှိုင်းတွေက ဟော့ဇုံလို့ခေါ်တဲ့ ဦးနှောက်အစိတ်အပိုင်းမှာ အစပိုင်းတည်ရှိနေကာ အိပ်မက်မက်သူတွေ၊ ထင်ယောင်ထင်မှားဖြစ်တဲ့လူနာတွေမှာ ပတ်သက်နေပါတယ်။

ဦးနှောက်ထဲကဟော့ဇုံဟာ သတိရှိနေတဲ့ဖြစ်စဉ်အတွက် အလွန်အရေးကြီးတဲ့နေရာဖြစ်ပါတယ်။

မြင့်တက်လာတဲ့ ဂမ်မာလှိုင်းများကြောင့် သူတို့မြင်တွေ့သမျှကိုဖော်ပြလို့ရလောက်တဲ့အထိ လူနာတွေ အသက်မရှင်ခဲ့ကြပါဘူး။

ဒီတွေ့ရှိချက်ယန္တရားများနဲ့ ဇီဝကမ္မဆိုင်ရာအရေးပါမှုတို့ကို ပြည့်ပြည့်စုံစုံလေ့လာရန် လိုအပ်နေသေးသလို အချက်အလက်များအရ သေဆုံးခါနီးဦးနှောက်ဟာ လှုပ်ရှားနေဆဲဖြစ်ကြောင်း ဖော်ပြနေပါတယ်။

Source: India Today #World_Health #သေလုမြောပါးဖြစ်နေသည့်လူများ #ထူးခြားသော လှုပ်ရှားမှု #YMG #Yangon_Media_Group