#Local_News
Published _ 24 September 2022

ယနေ့ စက်တင်ဘာ ၂၄ ရက်တွင် ပြည်တွင်း အခေါက်ရွှေစြေးနှုနျးမှာ တစ်ကျပ်သားလျှင် ၂၇ သိန်း ၆သောင်းခွဲအောက်သို ပြန်လည်ကျဆင်းလျက်ရှိကြောင်း ရန်ကုန်တိုင်းရွှေဈေးကွက်အတွင်းမှ သိရသည်။

မြန်မာ့အကယ်ဒမီ အခေါက်ရွှေဈေးနှုန်းများမှာ နေ့စဉ်ဈေးနှုန်းကျဆင်းမှုများရှိနေပြီး ယနေ့ ပြင်ပရွှေဈေးကွက်၏ အဖွင့်ဈေးနှုန်းမှာ တစ်ကျပ်သားလျှင်၂၇ သိန်း ၆သောင်း ၅၀၀၀ ကျပ်ဝန်းကျင်ဖြင့် ဈေးကွက်အတွင်းအရောင်းအဝယ်ဖြစ်ပေါ်လျက်ရှိနေခြင်းဖြစ်သည်။

"ရွှေဈေးက ထပ်ကျဖို့လည်းရှိပါတယ်။ ဘာလိုလဲဆိုတော့ အခုဈေးကွက်ထဲမှာ ဝယ်လိုအားမရှိတော့တာရယ်၊ ဒေါ်လာဈေးတွေ ဆက်တိုက်ကျဆင်းနေတာတွေရယ်ကြောင့် ဖြစ်ပါတယ်။ ကမ်ဘာ့ရွှေဈေးကလဲ ကျဆင်းနေတာမို ရှေ့လျှောက် ရွှေဈေးကတော့ ဆက်ကျနေမယ့်အနေအထားမှာရှိနေပါတယ်" ဟု ရန်ကုန်တိုင်းရွှေလုပ်ငန်းရှင်များအသင်းချုပ်ရဲ့ ဥကဋ္ဌက YMG သို့ ပြောကြားခဲ့သည်။

သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနမှလည်း ရွှေဒင်္ဂါးများကို တစ်ကျပ်သားလျှင် ၂,၉၅၀,၀၀၀ ကျပ်ဖြင့် နေပြည်တော်ရှိ ကျောက် မျက်ရတနာခန်းမ၌ စက်တင်ဘာလ ၅ ရက်တွင် စတင်ရောင်းချပေးခဲ့ပြီး ရန်ကုန်တိုင်းနှင့် မန်းလေးတိုင်း၌ စက်တင်ဘာလ ၂၃ရက်က စတင်ရောင်းချပေးခဲ့ကြောင်း သိရသည်။

ပြီးခဲ့သည့် သြဂုတ်လ ၃၁ ရက်တွင် အကယ်ဒမီရွှေဈေးနှုန်းမှာ တစ်ကျပ်သားလျှင် ၃,၅၅၀,၀၀၀ ကျပ်အထိ အမြင့်ဆုံးစံချိန်တင်မြင့်တက်မှုလည်း ရှိခဲ့သည်။

#ymg/NN
#Yangon_Media_Group

#Local_News
Published_ 24 September 2022

လာမည့်(၂၀၂၃) ခုနှစ် ပြက္ခဒိန်နှစ်အတွင်း အများပြည်သူအလုပ်ပိတ်ရက်များကို နစကမှထုတ်ပြန် ကြေညာထားပြီး သင်္ကြန်ပိတ်ရက်ရှည်(၉)ရက် အပါအဝင်တစ်နှစ်တာပတ်လုံးအတွက် အများပြည်သူတို့၏ ပိတ်ရက်စုစုပေါင်း(၂၇)ရက်ပိတ်မည်ဖြစ်ကြောင်း သိရသည်၊၊

အဆိုပါ ပိတ်ရက်များကို မြန်မာနိုင်ငံအတွင်းရှိရုံးများ၏ ပိတ်ရက်နှင့်လွှဲပြောင်းနိုင်သည့်စာချုပ်စာတမ်းများ အက်ဥပဒေပုဒ်မ(၂၅)အရ အများပြည်သူတို့၏ အလုပ်ပိတ်ရက်အဖြစ် နစကမှသြဂုတ်လ (၁၁)ရက်ရက်စွဲဖြင့် ထုတ်ပြန်ကြေညာထားခြင်းဖြစ်သည်၊၊

သင်္ကြန်နှစ်သစ်ကူးပိတ်ရက်ရှည်ကို ၂၀၂၃ခုနှစ် ဧပြီလ (၉)ရက်မှ(၁၇)ရက်အထိ (သင်္ကြန်မတိုင်မီလေးရက်မှ စ၍ကိုးရက်တိတိ) ပိတ်သွားမည်ဟု ဖော်ပြပါရှိသည်၊၊

အခြားပိတ်ရက်ရှည်များအဖြစ် သီတင်းကျွတ်ကာလတွင်လည်း အောက်တိုဘာ(၂၈) ရက်မှ(၃၀)ရက်အထိ(၃)ရက်ပိတ်သွားမည်ဖြစ်ပြီး တန်ဆောင်တိုင်ပိတ်ရက် အနေဖြင့်လည်း နိုဝင်ဘာလ(၂၆)ရက်မှ(၂၇)ရက်အထိ(၂)ရက် ပိတ်သွားမည်ဖြစ်ကြောင်း သိရသည်၊၊

ပြာသိုလဆန်း(၁)ရက်နေ့တွင် ကျရောက်သည့် ကရင်နှစ်သစ်ကူးနေ့သည် ၂၀၂၃ ခုနှစ်အတွင်း ကျရောက်ခြင်းမရှိကြောင်းနှင့် အီဒုသ်အဿွဟာနေ့(ကုရ်ဘာနီ အီးဒ်)နေ့နှင့် ဒီပဝါလီနေ့ကျရောက်မည့်နေ့များကို သီးခြားကြေညာမည်ဖြစ်ကြောင်းနှင့် ဘဏ်ပိတ်ရက်များကို သက်ဆိုင်ရာ အဖွဲ့အစည်းများက ကြေညာမည်ဖြစ်ကြောင်း ထုတ်ပြန်ချက်တွင် ဖော်ပြထားသည်၊၊

သင်္ကြန်နှစ်သစ်ကူး ပိတ်ရက်ရှည်များကို ၂၀၂၁ခုနှစ်က သင်္ကြန်ပိတ်ရက်(၅)ရက်နှင့် စနေ၊ တနင်္ဂနွေပိတ်ရက်နှင့် စုစုပေါင်းပိတ်ရက်(၇) ရက် ပိတ်ခဲ့ပြီး ၂၀၂၂ခု နှစ်တွင် သင်္ကြန်နှစ်သစ်ကူးပိတ်ရက်ရှည်(၉)ရက်နှင့် ယခုလာမည့် ၂၀၂၃ ခုနှစ်တွင် သင်္ကြန်နှစ်သစ်ကူးပိတ်ရက်ရှည်(၉)ရက်ပိတ်သွားမည်ဖြစ်ကြောင်း သိရသည်၊၊

#ymg/tthl
#Yangon_Media_Group

#Local_News
Published_24 September 2022

ထိုင်းနိုင်ငံတွင် မြန်မာနိုင်ငံသားသုံးဦး မူးယစ်မှုဖြင့် အဖမ်းခံရကြောင်း မြန်မာရွှေ့ပြောင်းအလုပ်သမားများအရေး ဆောင်ရွက်နေသူများက ပြောသည်။

ရနောင်းမြို့တွင် နေထိုင်သည့် မြန်မာနိုင်ငံသား လူငယ် ၃ ဦးကို မူးယစ်ဆေး(ရာဘား)ရောင်းဝယ်သုံးစွဲမှုဖြင့် ထိုင်းအာဏာပိုင်များ ဖမ်းဆီးထားပြီး ယင်းတို့အား မောင်မြို့မရဲစခန်း၌ ဖမ်းဆီးထိန်းသိမ်းထားကာ ဥပဒေအရ အရေးယူရန် လုပ်ဆောင်နေကြောင်း သိရသည်။

"ထိုင်းအာဏာကပိုင်တွေက သတင်းရတဲ့အတွက် ရနောင်းအခြေစိုက်တဲ့ အမှတ် -၂၅ ခြေမြန်တပ်ရင်းအထူးတပ်ဖွဲ့နဲ့ တခြားပူးပေါင်းတပ်ဖွဲ့ကသွားဖမ်းတယ်လို့ ထုတ်ပြန်ထားတယ်။ ပထမဆုံး အဖမ်းခံရတာက အသက် ၁၉ နှစ်ပဲ ရှိသေးတဲ့ တစ်ယောက်ပေါ့။ သူက မောင်မြို့နယ်၊ ဘန်နောင်ကျေးရွာမှာဖမ်းမိတယ်ပေါ့။ သူ့ဆီကနေ ရာဘား ၆ ထုပ်၊ ဆိုင်ကယ်တစ်စီး သိမ်းဆည်းရရှိခဲ့တယ်လို့ ရဲကထုတ်ပြန်ထားတယ်။ အဲဒါပြီးတော့ နောက်ထပ် နှစ်ယောက်ကိုလည်း ထပ်ပြီးတော့ဖမ်းတယ်။တစ်ယောက်က ပန်နန်ကျေးရွာ၊ နောက်တစ်ယောက်က ဘန်ရင့်(န်)ရွာက၊ သူတို့နှစ်ယောက်ပေါင်းရင် မူးယစ်ဆေးအလုံးရေ ၁၄၀၀ နီးပါး သိမ်းဆည်းရမိတယ်လို့ သိရပါတယ်။ ကျွန်တော်တို့အနေနဲ့ကတော့ ဒီအမှုကို လိုက်ပါကူညီဖို့ဆိုတာက ပြောလို့မရသေးဘူး၊အားလုံးက ၁၇ နှစ်နဲ့ ၁၉ နှစ်ကြား ကလေးတွေ"ဟု မြန်မာအလုပ်သမားများအရေး ဆောင်ရွက်နေသူက ဆိုသည်။

#Photo- အမှတ်-၂၅ ခြေမြန်တပ်ရင်းအထူးတပ်ဖွဲ့

#ymg/mt
#Yangon_Media_Group

#World_Health
Published 24 September 2022

အိပ်မက်ဆိုးတွေမက်တတ်တဲ့ သက်လတ်ပိုင်းလူကြီးတွေမှာ မှတ်ဉာဏ်ချို့ယွင်းခြင်းပြဿနာဖြစ်လာနိုင်တယ်လို့ လေ့လာတွေ့ရှိထားပါတယ်။

မှတ်ဉာဏ်ချို့ယွင်းမှုမဖြစ်ပေါ်ခင်နှစ်တွေမှာ အိပ်မက်ဆိုးမက်ခြင်း ဖြစ်လေ့ရှိလာတယ်လို့ သုတေသီများက ဆိုပါတယ်။

ဘာမင်ဂမ်တက္ကသိုလ်အဖွဲ့က သူတို့ရဲ့တွေ့ရှိချက်က အရေးပါပြီး ဒီလိုလက္ခဏာဖြစ်လာနိုင်တဲ့ လူနာတွေကို ကြိုတင်သိရှိနိုင်ပါတယ်လို့ ဆိုပါတယ်။

မှတ်ဉာဏ်ချို့ယွင်းမှုဖြစ်လာနိုင်တဲ့ အန္တရာယ်တွေကို သက်လတ်ပိုင်းလောက်မှာကတည်းက သိရှိနိုင်မှာပါလို့ ဒေါက်တာ'အာဘီဒမ်မီအိုတိုင်ကူ'က ပြောပြလိုက်ပါတယ်။

ဒီနည်းလမ်းဖြင့် ရောဂါပေါ်ပေါက်ခြင်းကို နှောင့်နှေးအောင် ပြုလုပ်နိုင်ဖွယ်ရှိနေပါတယ်။

မှတ်ဉာဏ်ချို့ယွင်းမှုဖြစ်မလာအောင် ကျန်းမာစွာစားသောက်ခြင်းနဲ့ လေ့ကျင့်ခန်းပုံမှန်လုပ်ခြင်းတို့က အဓိကကျတဲ့နှစ်ချက်ဖြစ်ပါတယ်။

ကုသလိုမရပေမယ့် မှတ်ဉာဏ်ချို့ယွင်းမှုကို စောစီးစွာသိရှိလျှင် ပိုမိုဆိုးရွားမလာအောင် ထိန်းသိမ်းနိုင်မှာဖြစ်ပါတယ်။

စမ်းသပ်မှုပြုလုပ်ရာမှာ အိပ်မက်ဆိုးဘယ်လောက်အထိ မက်တတ်လဲဆိုတာနဲ့ သူတို့ရဲ့မှတ်ဉာဏ်စမ်းသပ်မှုတွေကို လေ့လာခဲ့ကြပါတယ်။

အသက်အရွယ်ကြီးလာတာနဲ့အမျှ မှတ်ဉာဏ်ကျဆင်းလာပြီး ထင်ထားတာထက် လျှင်မြန်စွာကျဆင်းလာတတ်ပါတယ်။

တစ်ပတ်အတွင်း အနည်းဆုံးအိပ်မက်ဆိုး ၂ ကြိမ်မက်တတ်တဲ့သက်လတ်ပိုင်းလူကြီးတွေဟာ အိပ်မက်ဆိုးမမက်တဲ့သူတွေထက် မှတ်ဉာဏ်စွမ်းရည် သိသိသာသာကျဆင်းလာပါတယ်။

အိပ်မက်ဆိုးမက်တတ်တဲ့ အသက် ၈၀ ကျော်လူကြီးတွေဟာ မှတ်ဉာဏ်ချို့ယွင်းခြင်းခံစားရနိုင်ချေ နှစ်ဆပိုများနေပါတယ်။

ဒါဟာ ဦးနှောက်ညာဘက်အရှေ့ခြမ်းမှာ အာရုံကြောဆုတ်ယုတ်လာခြင်းကြောင့်လို့ မှတ်ယူနေကြပါတယ်။

Source: Daily Mail
#Yangon_Media_Group

#Local_News
Published_ 24 September 2022

အိန္ဒိယ-မြန်မာ နှစ်နိုင်ငံစိုက်ပျိုးထုတ်လုပ်ရေးဆိုင်ရာများ၊ နည်းပညာနှင့်သုတေသနဆိုင်ရာများ ပူးပေါင်းဆောင်ရွက်သွားမည်ဖြစ်ကြောင်း သိရသည်၊၊

အဆိုပါ ပူးပေါင်းဆောင်ရွက်ရေးကိစ္စရပ်များကို အိန္ဒိယနိုင်ငံ၊ နယူးဒေလီတွင်ကျင်းပသည့် 'စားနပ် ရိက္ခာနှင့် စိုက်ပျိုးရေးအတွက် အပင်ဗီဇအရင်းအမြစ်ဆိုင်ရာ နိုင်ငံတကာ သဘောတူစာချုပ်(ITPGRFA) အုပ်ချုပ်ရေးအဖွဲ့၏ (၉)ကြိမ်မြောက် အစည်းအဝေး'သို့ တက်ရောက်ရင်း နှစ်နိုင်ငံဆွေးနွေးခဲ့ကြသည်၊၊

မြန်မာနိုင်ငံ၏ ဆီထွက်သီးနှံများ မျိုးစေ့ထုတ်လုပ်ငန်းတွင် အိန္ဒိယအစိုးရနှင့်ပုဂ္ဂလိကအဖွဲ့အစည်းများ ရင်းနှီးမြုပ်နှံနိုင်ရေး၊ သီးနှံထုတ်လုပ်ရောင်းချနိုင်ရေးနှင့် မြန်မာနိုင်ငံ၏ ပဲမျိုးစုံ၊ နေကြာနှင့် ဆီထွက်သီးနှံ တိုးချဲ့စိုက်ပျိုးရေးအတွက် လိုအပ်လာသည့် မျိုးကောင်း မျိုးသန့်မျိုးစေ့များ ဖူလုံစွာသုံးစွဲနိုင်ရေးအတွက် နှစ်နိုင်ငံအကြား သုတေသနနှင့် မျိုးစေ့ထုတ်လုပ်ငန်းများ ပူးပေါင်းဆောင်ရွက်ရေးဆိုင်ရာကိစ္စရပ်များကို ဆွေးနွေးခဲ့သည်၊၊

အိန္ဒိယနိုင်ငံ စိုက်ပျိုးရေးနှင့်တောင်သူလယ်သမားရေးရာဝန်ကြီးဌာန Ministry of Agriculture and Farmers' Welfare ဝန်ကြီး Mr. Narendra Singh Tomar ဦးဆောင်သောအဖွဲ့နှင့် မြန်မာကိုယ်စားလှယ်အဖွဲ့ ခေါင်းဆောင်သော ပြည်ထောင်စုဝန်ကြီး ဦးတင်ထွဋ်ဦးသည် အိန္ဒိယနိုင်ငံဆိုင်ရာ မြန်မာနိုင်ငံသံအမတ်ကြီး ဦးမိုးကျော်အောင်နှင့် စိုက်ပျိုးရေးဦးစီးဌာန ညွှန်ကြားရေးမှူးချုပ် ဒေါက်တာရဲတင့်ထွန်းတို့တွေ့ဆုံ၍ နှစ်နိုင်ငံ၏ နည်းပညာနှင့် သုတေသန ဖွံ့ဖြိုးရေးလုပ်ငန်းများတွင် ပူးပေါင်းဆောင်ရွက်ရေးဆိုင်ရာကိစ္စ၊ မြန်မာနိုင်ငံ၌ ဆောင်ရွက်မည့် ပဲမျိုးစုံ၊ နေကြာနှင့် ဆီထွက်သီးနှံများ၏ မျိုးစေ့ထုတ်လုပ်ငန်းတွင် အိန္ဒိယနိုင်ငံအစိုးရနှင့် ပုဂ္ဂလိကလုပ်ငန်းအဖွဲ့ အစည်းများ ရင်းနှီးမြုပ်နှံလိုသူများ ပါဝင်ဆောင်ရွက်နိုင်ရေး၊ သီးနှံထုတ်လုပ်ရောင်းဝယ်ရေး ဆိုင်ရာများတွင် ပူးပေါင်းဆောင်ရွက်ရေးဆိုင်ရာ ကိစ္စရပ်များကို ဆွေးနွေးခဲ့ကြသည်။

ထို့အပြင် ပြည်ထောင်စုဝန်ကြီးခေါင်းဆောင်သော မြန်မာကိုယ်စားလှယ်အဖွဲ့သည် အိန္ဒိယနိုင်ငံ၏ နိုင်ငံတော်ပိုင် မျိုးစေ့ကော်ပိုရေးရှင်း National Seed Corporation (NSC) မှ Mr. ASHWANI KUMAR ဦးဆောင်သည့်အဖွဲ့ဝင်များနှင့် တွေ့ဆုံ၍ အိန္ဒိယနိုင်ငံ စိုက်ပျိုးရေးနှင့် တောင်သူလယ်သမားရေးရာဝန်ကြီးဌာန အောက်တွင် မျိုးစေ့ထုတ်လုပ်ဖြန့်ဖြူးမှုလုပ်ငန်းများကို နိုင်ငံပိုင် စီးပွားရေးကော်ပိုရေးရှင်းပုံစံဖြင့် ဆောင်ရွက်နေမှုကို လည်းကောင်း၊ မြန်မာနိုင်ငံ၏ ပဲမျိုးစုံ၊ နေကြာနှင့် ဆီထွက်သီးနှံ တိုးချဲ့စိုက်ပျိုးရေးအတွက် လိုအပ်လာသည့် မျိုးကောင်း မျိုးသန့် မျိုးစေ့များ ဖူလုံစွာသုံးစွဲနိုင်ရေးအတွက် နှစ်နိုင်ငံအကြား သုတေသနနှင့် မျိုးစေ့ထုတ်လုပ်ငန်းများပူးပေါင်းဆောင်ရွက်ရေးဆိုင်ရာ ကိစ္စရပ်များကိုလည်းကောင်း ဆွေးနွေးခဲ့ကြသည်။

(ITPGRFA) အုပ်ချုပ်ရေးအဖွဲ့၏ (၉)ကြိမ်မြောက် အစည်းအဝေးဖွင့်ပွဲ အခမ်းအနားအပြီးတွင် မြန်မာကိုယ်စားလှယ်အဖွဲ့သည် ပြခန်းများတွင် ခင်းကျင်းပြသထားသော အိန္ဒိယနိုင်ငံ၏ ဒေသမျိုးရင်းဝင် လူး၊ ဆပ်၊ နှံစားပြောင်းမျိုးများ၊ သုတေသနပြုရရှိသော နှံစားပြောင်းမျိုးများ၊ အဆိုပါနှံစားသီးနှံများကို အခြေခံထုတ်လုပ်ထားသည့် ခေါက်ဆွဲများ တန်ဖိုးမြင့် စားသောက်ကုန်လုပ်ငန်းများ၊ အိန္ဒိယနိုင်ငံ၏ ဒေသမျိုးရင်း သစ်သီးဝလံသုတေသန လုပ်ငန်းများကို လှည့်လည်ကြည့်ရှုကြပြီး ပြခန်းတာဝန်ရှိသူများနှင့် တွေ့ဆုံ၍ နှစ်နိုင်ငံအကြား သုတေသန ပူးပေါင်းဆောင်ရွက်ရေး ဆွေးနွေးခဲ့ကြကြောင်း၊ လူး၊ ဆပ်၊ နှံစားပြောင်း သီးနှံများသည် ရာသီဥတုဒဏ် ခံနိုင်ရည်ရှိပြီး မိုးနည်းရေရှား ဒေသများတွင် စိုက်ပျိုးဖြစ်ထွန်းနိုင်ပြီး လူသားများ၏ ကျန်းမာရေးအတွက် အထောက်အကူ ဖြစ်စေသည့် သီးနှံများဖြစ်သဖြင့် “၂၀၂၃ခုနှစ်ကို နိုင်ငံတကာ လူး၊ ဆပ် သီးနှံနှစ်” (International Year of Millet) အဖြစ် ဆောင်ရွက်သွားမည်ဖြစ်ကြောင်း သိရသည်။

#ymg/tthl
#Yangon_Media_Group

#World_Science
Published 24 September 2022

အချို့သော အစားအသောက်တွေကို မနှစ်သက်ရခြင်းဟာ မိခင်သန္ဓေတည်စဉ်ကတည်းကလို့ ပြောလို့ရကြောင်း လေ့လာတွေ့ရှိထားပါတယ်။

ဒါဟမ်တက္ကသိုလ်မှ သိပ္ပံပညာရှင်တွေက ကိုယ်ဝန်ဆောင်မိခင်တွေ မုန်လာဥနီနဲ့ ကိုက်လံစားပြီးနောက် သန္ဓေသားတွေ ဘယ်လိုတုံ့ပြန်လဲဆိုတာကို လေ့လာခဲ့ကြပါတယ်။

Psychological Science ဂျာနယ်မှာ ဖော်ပြထားရာမှာ ကိုယ်ဝန်ဆောင်တွေစားသုံးတဲ့ အရာတွေက ကလေးတွေမွေးဖွားလာပြီးတဲ့အခါ အရသာသဘောတွေ့/မတွေ့ကို ဆုံးဖြတ်ပေးတာဖြစ်တယ်လို့ ဖော်ပြခဲ့ပါတယ်။

လေ့လာချက်အရ ကလေးတွေဟာ ကိုက်လံကို မနှစ်သက်ကြပါဘူး။

ကိုယ်ဝန်ဆောင်မိခင်အယောက် ၁၀၀ ကို ဓာတ်မှန်ရိုက်ကြည့်ရာမှာ မုန်လာဥနီနဲ့ ထိတွေ့ခဲ့တဲ့ သန္ဓေသားတွေက ရယ်မောတဲ့ပုံစံပေါ်ပေါက်ခဲ့ပြီး ကိုက်လံနဲ့ထိတွေ့ခဲ့တဲ့ သန္ဓေသားတွေက ငိုယိုတဲ့ပုံပေါ်ခဲ့ပါတယ်။

ဒါကြောင့် ကိုယ်ဝန်ဆောင်တွေ စားသုံးတဲ့ စားသောက်မှုပုံစံက ကလေးတွေကို ထိရောက်မှုရှိနေပါတယ်။

ကိုယ်ဝန်ဆောင်တွေ မုန်လာဥဖျော်ရည်သောက်သုံးရင် ကလေးတွေမှာ နှာခေါင်းရှုံ့တွခြင်း၊ မျက်ခုံးနိမ့်ခြင်း၊ အပေါ်နှုတ်ခမ်းပင့်ခြင်းတို့ အဖြစ်နည်းပါတယ်။

ကိုက်လံစားရင်တော့ ကလေးတွေမှာ အဆိုပါဖြစ်ရပ်များ ဖြစ်နိုင်ချေများပါတယ်။

ကလေးတွေဟာ ဝမ်းဗိုက်ထဲမှာတည်းက အနံ့အရသာခံစားနိုင်ကြောင်း တွေ့ရှိထားပေမယ့် မွေးလာပြီးတဲ့ရလာဒ်တွေအပေါ်သာ အခြေခံထားတာဖြစ်တယ်လို့ ဦးဆောင်သုတေသီ'ဘီဇာဥစတန်'က ပြောပြပါတယ်။

ကလေးမမွေးခင် အနံ့အရသာထိတွေ့ခြင်းက မွေးအပြီး အစားအစာချေးများခြင်း မများခြင်းကို ဖြစ်ပေါ်စေပြီး ကျန်းမာတဲ့အစားအစာတွေစားသုံးဖို့ အသိပညာရှိရန် လိုအပ်နေပါတယ်လို့ ပြောသွားပါတယ်။

"မမွေးသေးတဲ့ကလေးတွေက ကိုက်လံနဲ့ မုန်လာဥနီအရသာတွေကို တုံ့ပြန်ပုံက အံ့ဩဖွယ်ရာကောင်းပြီး မိဘတွေသိရှိစေရန် မျှဝေနိုင်ပါတယ်"

Source: The Jerusalem Post
#Yangon_Media_Group

Published 23 Sept 2022

ပြည်နယ်နှင့်တိုင်းဒေသကြီး အားလုံးနှင့် အဓိကကျသည့် ခရိုင်များတွင် စက်မှုဇုန်များ အကောင်အထည်ဖော်ဆောင်ရွက်ဖို့ လိုအပ်တယ်လို့ နစက ဥက္ကဋ္ဌ  ဗိုလ်ချူပ်မှူးကြီးမင်းအောင်လှိုင်ကပြောပါတယ်။

မြန်မာနိုင်ငံရဲ့ အသေးစား၊အငယ်စားနှင့် အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေးကော်မတီရဲ့ ၂၀၂၂ခုနှစ် အတွင်းကျင်းပတဲ့ ပထမဆုံး အစည်းအဝေးမှာ ဗိုလ်ချူပ်မှူးကြီးက ယင်းကဲ့သို့ တိုက်တွန်းခဲ့တာဖြစ်ပါတယ်။

“ ပြည်နယ်နှင့်တိုင်းဒေသကြီးအားလုံးမှာ စက်မှုဇုန်တွေ အကောင်အထည်ဖော်ဆောင်ရွက်ရပါမယ်။ အချို့ဒေသတွေမှာ စက်မှုဇုန်တွေ အကောင်အထည်ဖော်ဆောင်ရွက်နိုင်မှုမရှိသေးတဲ့အတွက် မိမိတို့ဒေသနှင့် ကိုက်ညီတဲ့ ကုန်ထုတ်လုပ်မှု လုပ်ငန်းများ ဆောင်ရွက်နိုင်ဖို့ စက်မှုဇုန်တွေအကောင်အထည်ဖော်ဆောင်ရွက်ဖို့လိုပါတယ်။ ခရိုင်တွေ တိုးချဲ့ဖွဲ့စည်းထား ပြီးဖြစ်လို့ အဓိကကျတဲ့ ခရိုင်တွေမှာ စက်မှုဇုန်တွေ၊စက်မှုရပ်ကွက်တွေ ဖော်ဆောင်ပေးဖို့ လိုပါတယ်” လို့ နစက ဥက္ကဋ္ဌက ပြောကြားခဲ့တာပါ။

ထိုကဲ့သို့ဆောင်ရွက်မှသာ အဆိုပါဒေသကိုအခြေခံသည့် ထွက်ကုန်ပစ္စည်းတွေထုတ်လုပ်မှုတိုးတက်လာမှာဖြစ်ပြီး ဒေသတွင်း အလုပ်အကိုင်အခွင့်အလမ်း ပေါများလာမည်ဟုလည်း သူကပြောပါတယ်။

 ထိုကဲ့သို့အကောင်အထည်ဖော်ရာမှာ လိုအပ်လာမယ့် လျှပ်စစ်ဓာတ်အားတွေအတွက် အသေးစား၊အငယ်စား၊အလတ်စား ရေအားလျှပ်စစ်ဓာတ်အားထုတ်လုပ်ရေလုပ်ငန်းတွေနှင့် နေရောင်ခြည်စွမ်းအင်သုံး ဓာတ်အားထုတ်လုပ်ရေး လုပ်ငန်းတွေကို ထပ်မံအကောင်အဖည်ဖော်ရမည်ဖြစ်တယ်လို့ လည်း ဗိုလ်ချူပ်မှူးကြီးကပြောပါတယ်။MSMEလုပ်ငန်း တွေကို မှန်မှန်ကန်ကန်လုပ်မည့်သူတွေကိုလည်း နိင်ငံတော်က ငွေကြေးတွေချေးငှားပေးဖို့အဆင်သင့်ရှိတယ်လို့လည်း သူက ပြောပါတယ်။

မြန်မာနိုင်ငံတွင် MSME လုပ်ငန်းပေါင်း လေးသောင်းကျော်ရှိပြီး   ယင်းတို့အထဲတွင် ရောင်းဝယ်မှုနှင့် ဝန်ဆောင်မှုလုပ်ငန်း တွေက ၂၅ရာခိုင်နှုန်းနှ၍့် ၁၆ ရာခိုင်နှုန်းအသီးသီးရှိပါတယ်။ ထုတ်လုပ်မှုလုပ်ငန်းတွေက ၃၉ ရာခိုင်နှုန်းရှိကြောင်း သိရပါတယ်။

ယနေ့ပြုလုပ်တဲ့ ကော်မတီအစည်းအဝေးကို နစကဥက္ကဋ္ဌနှင့်အတူ ကော်မတီဒုတိယဥက္ကဋ္ဌနှင့်ကော်မတီဝင်တွေနှင့်အတူ မြန်မာနိုင်ငံဘဏ်များအသင်းဥက္ကဋ္ဌ၊ကုန်သည်/စက်မှုအသင်းချုပ် ဥက္ကဋ္ဌ၊မြန်မာနိုင်ငံအင်ဂျင်နီယာအသင်းချုပ်နာယကနှင့် အတူ ပြည်နယ်နှင့်တိုင်းဒေသကြီးတွေက ဝန်ကြီးချုပ်တွေလည်း တက်ရောက်ဆွေးနွေးခဲ့ကြတာဖြစ်ပါတယ်။

Source: SAC’s information

#Myanmar_MSME

#SAC

#SG_Min_Aung_Hlaing

#Local_News
Published_ 23 September 2022

အမေရိကန်၊ ဂျာမန်နဲ့စင်ကာပူနိုင်ငံတို့မှ အဖွဲ့အစည်းတွေနဲ့ ပူးပေါင်းပြီး မြန်မာနိုင်ငံမှာ မြေငလျင်စီမံကိန်း (၃)ခုကို အကောင်အထည်ဖော်ဆောင်ရွက်နေတယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာန၊မြေငလျင်ဌာနခွဲ၊ လက်ထောက်ညွှန်ကြားရေးမှူးဒေါက်တာယဉ်မျိုးမင်းထွေးက ပြောပါတယ်၊၊

#Yangon_Media_Group

#World_Literature
Published 23 September 2022

လွန်ခဲ့တဲ့နှစ်တွေတုန်းက မြောက်မက်ဆီဒိုးနီးယားရှိ ဝေးလံခေါင်ပါးတဲ့ ဘာဘီနိုရွာမှ လူအများစုဟာ ထုပ်ပိုးပြီးထွက်ခွာကုန်ကြပါတယ်။

#Yangon_Media_Group

#Local_News
Published_ 23 September 2022

အခုရက်ပိုင်းထဲမှာ ရန်ကုန်တိုင်းအတွင်းနေ့စဉ် ကိုဗစ်ပိုးတွေ့သူ(၂၀၀)ကျော်တွေ့ရှိနေရပြီး မြောက်ဥက္ကလာပမြို့နယ်ဟာ ကိုဗစ်ပိုးတွေ့မှု အများဆုံးမြို့နယ်ထဲမှာ ပါဝင်နေပါတယ်၊၊

#Yangon_Media_Group

Published 23 Sept 2022

အမေရိကန် လေယာဉ်တင်သင်္ဘော တစ်စီးဟာ စက်တင်ဘာ ၂၃ ရက် သောကြာနေ့မှာ ငါးနှစ်အတွင်း ပထမဆုံး အကြိမ်အဖြစ်  တောင်ကိုးရီးယားကို ရောက်ရှိလာပါတယ်။  နျူကလီးယားလက်နက်ရှိတဲ့ မြောက်ကိုးရီးယားကို အင်အားပြသဖို့ နှစ်နိုင်ငံပူးတွဲ စစ်ရေးလေ့ကျင့်မှုမစတင်ခင်မှာ ရောက်ရှိလာခြင်းဖြစ်ပါတယ်။

နျူကလီးယားစွမ်းအင်သုံး USS Ronald Reagan ယူအက်စ်အက်စ် ရော်နယ် ရီဂင် လေယာဉ်တင်သင်္ဘောကြီးနှင့် ရေယာဉ်တွေဟာ  တောင်ကိုရီးယားရဲ့ တောင်ပိုင်း ဘူဆန်ဆိပ်ကမ်းကို ဆိုက်ကပ်လာပါတယ်။ ဒီလိုရောက်ရှိလာခြင်းဟာ ဆိုးလ်နှင့် ဝါရှင်တန်တို့ရဲ့  ဒေသအတွင်း အမေရိကန်ရဲ့ မဟာဗျူဟာမြောက်ပိုင်ဆိုင်မှုတွေကို ပိုပြီး အသုံးပြုဖို့ တွန်းအားပေးတဲ့ အစိတ်အပိုင်းတစ်ခုလည်းဖြစ်ပါတယ်။

မေလမှာ သမ္မတတာဝန်စယူခဲ့တဲ့ ရန်လိုနေတဲ့ တောင်ကိုရီးယားသမ္မတ ယွန်ဆတ်ယိုဟာ သူ့ရဲ့ယခင်သမ္မတများက မြောက်ကိုးရီးယားနှင့် သံခင်းတမန်ခင်းကို နှစ်များစွာ အောင်မြင်မှုမရခဲ့ပြီးနောက် ယခုသူက အမေရိကန်နှင့် စစ်ရေးပူးတွဲလေ့ကျင့်မှုတွေ တိုးမြှင့်ဆောင်ရွက်ဖို့ စိတ်ပိုင်းဖြတ်ထားတာဖြစ်ပါတယ်။

“ ယူအက်စ်အက်စ် ရော်နယ်ရီဂင် လေယာဉ်တင်သင်္ဘော ဘူဆန်သို့ ရောက်ရှိခြင်းဟာ  တောင်ကိုရီးယားနှင့် အမေရိကန်တို့ရဲ့ မဟာမိတ်ခိုင်မြဲမှုအင်အားကို ပြသနေတာဖြစ်ပါတယ်” လို့ တောင်ကိုရီးယား ကာကွယ်ရေးဝန်ကြီးဌာန အရာရှိတစ်ဦးက အေအက်ဖ်ပီကိုပြောပါတယ်။

“ ဒီအလည်အပတ်အစီအစဉ်ဟာ  မြောက်ကိုးရီးယားရဲ့ နျူကလီးယားနှင့် ဒုံးကျည်ခြိမ်းခြောက်မှုတွေကို ဟန့်တားဖို့ ရည်ရွယ်တယ်” လို့လည်း သူက ဆက်လက်ပြောကြားပါတယ်။

ယူအက်စ်အက်စ် ရော်နယ်ရီဂင်ဟာ  တိုက်ခိုက်ရေးအုပ်စုထဲက စစ်ရေယာဉ်နှစ်စီးနှင့်အတူ တောင်ကိုးရီးယားကို ရောက်ရှိတာဖြစ်ပြီး အဲဒီရေယာဉ်နှစ်စီးက USS Chancellorsville ယူအက်စ်အက်စ် ချန်ဆဲလာဗီလီနှင့် USS Barry ယူအက်စ်အက်စ် ဘာရီ လို့ခေါ်တဲ့ ပဲ့ထိန်းတပ်ဒုံးပစ်နှင့် ဒုံးဖျက်ရေယာဉ်တွေဖြစ်တယ်လို့ အမေရိကန်ရေတပ်က ပြောပါတယ်။

ဒီလထဲမှာ သူတို့ဟာ တောင်ကိုရီးယားရဲ့ အရှေ့ဖက်ကမ်းခြေမှာပူးတွဲစစ်ရေးလေ့ကျင့်ကြမယ်လို့ ယွန်ဟက် သတင်း‌ အေဂျင်စီကပြောပါတယ်။ နျူကလီးယားစွမ်းအင်သုံး ရေငုပ်သင်္ဘော ယူအက်က်စ်အက်စ် အန်နာပိုလီ လည်း ပါဝင်ဖို့ ရှိတယ်လို့ သိရပါတယ်။

ပစိဖိတ်နိုင်ငံတွေဖြစ်ကြတဲ့အလျောက် ကျွန်တော်တို့ဟာ မဟာာမိတ်ဖြစ်ခြင်းနှင့် ဘုံလုံခြုံရေးအကျိုးစီးပွားအတွက်  အတူတကွလုပ်ဆောင်ကြတဲ့ ရှည်လျားတဲ့သမိုင်းကြောင်းရှိပါတယ်။  ဘယ်နေရာမှာ ဘယ်အချိန်ဖြစ်ဖြစ်  လုံခြုံရေး အကျိုးစီးပွားကို စိန်ခေါ်မှုတွေရှိလာရင် ကျွန်တော်တို့တစ်ဦးနှင့်တစ်ဦး ရပ်တည်ကြဖို့ဖြစ်ပါတယ် လို့ အမေရိကန် ရေတပ်ဗိုလ်ချူပ် မိုက်ကယ်လ် ဘတ်ဇ် ဒွန်နယ်လီကပြောပါတယ်။

ပင်လယ်ထဲမှာ ဖြစ်လာနိုင်တာတွေအားလုံးအတွက် ကြိုတင်ပြင်ဆင်ဖို့နှင့် တောင်ကိုးရီးယားကို ကာကွယ်ဖို့ ဒီလေ့ကျင့်ခန်းလုပ်တာဖြစ်တယ်။ ပြီးတော့  တောင်ကိုရီးယားနှင့် အမေရိကန်တို့ ပူးပေါင်းတိုက်ခိုက်ရေး ရပ်တည်ချက် တိုးတက်စေဖို့လည်းဖြစ်တယ်လို့ တောင်ကိုရီးယားရေတပ်ဗိုလ်ချုပ် ကင်မ်ကျောင်းချီ ကပြောပါတယ်။

မြောက်ကိုးရီးယားခေါင်းဆောင် ကင်မ်ဂျုန်းအန်းဟာ နောက်ထပ် နျူကလီးယားစမ်းသပ်မှုတစ်ခု ပြုလုပ်ဖို့ ပြင်ဆင်နေတယ်လို့ တောင်ကိုရီးယားနှင့် အမေရိကန်အရာရှိတွေက လများစွာ သတိပေးပြီးနောက် ယခုလို အမေရိကန်ရဲ့ လေယာဉ်တင်သင်္ဘော တောင်ကိုးရီးယားကို အလည်အပတ်ရောက်ရှိလာတာဖြစ်ပါတယ်။

Source AFP

#US_South_Korea

#USS_Ronald_Reagan

#North_Korea

#Local_News
Published _ 23 September 2022

ပြီးခဲ့တဲ့ စက်တင်ဘာလ ၁၆ရက်နေ့က ဗဟိုဘဏ်ကနေ မိုဘိုင်းငွေပေးချေမှု အသုံးပြုသူတွေ အနေနဲ့ ငွေလွှဲအကောင့်တွေကို Level 2 အဆင့်မြှင့်တင်ထားကြဖို့အပြင် သတ်မှတ်ကာလအတွင်း အချိန်မီ အဆင့်မမြှင့်တင်နိုင်တဲ့ အကောင့်တွေကို ဖျက်သိမ်းပစ်တဲ့အထိ ဆောင်ရွက်သွားမယ်လို့ ကြေငြာလိုက်ပါတယ်။

#Yangon_Media_Group