#Local_News
Published _7 May 2023

ရန်ကုန်မြို့တော်စည်ပင်သာယာရေး ကော်မတီပိုင်မြို့တော်ဂေါက်ကွင်းနှင့် ဟိုတယ်တွင် EV အားသွင်းရုံများတည်ဆောက်မည်ဖြစ်ကြောင်း သိရသည်။

ကနဦးအနေဖြင့် အင်းစိန်မြို့နယ်ရှိစည်ပင်ပိုင် မြို့တော်ဂေါက်ကွင်းနှင့် City Golf Resort Hotel တို့တွင် တည်ဆောက်ရန် စီစဉ်နေပြီဖြစ်ကြောင်း သိရသည်။

မကြာသေးမီကဟိုတယ်လုပ်ငန်းရှင် ၃၀ ဦးနှင့်  Shopping Centre ၁၂ ခုတို့မှ တာဝန်ရှိသူများအား ရန်ကုန်မြို့တော်ဝန်က တွေ့ဆုံ၍ EV Station တည်ဆောက်သည့် ကုမ္ပဏီ ၅ ခု နှင့် ဆွေးနွေးမှုများ ပြုလုပ်ခဲ့သေးသည်။

ယင်းဆွေးနွေးပွဲတွင် ရန်ကုန်မြို့က ဟိုတယ် (၃၀) ၊ ဈေးဝယ်စင်တာ (၁၂) ခုတို့တွင် လျှပ်စစ်သုံးယာဉ် (EV)အားသွင်းရုံ (Charging Station) များတည်ဆောက်ရန် ဆုံးဖြတ်ခဲ့ကြကြောင်းလည်းသိရသည်။

#ymg/pl #Local_News #စည်ပင်ပိုင်မြို့တော်ဂေါက်ကွင်း #EV အားသွင်းရုံ
#Yangon _Media_ Group

Published 7 May 2023

၂၀၁၉ ၊၂၀၂၀ နှင့် ၂၀၂၂ ခုနှစ်များအတွက် မြန်မာ့ရုပ်ရှင်ထူးချွန်ဆု အကောင်းဆုံးအမျိုးသားဇာတ်ဆောင်ဆုရသူတွေဖြစ်တဲ့ မြင့်မြတ်၊စိုင်းစိုင်းခမ်းလှိုင်နှင့်ပြေတီဦးတို့ဆုလက်ခံရယူ ကျေးဇူးတင်စကားပြောကြားတဲ့မြင်ကွင်းတွေကို YMGကရိုက်ကူးထားတာတွေ စုစည်းတင်ဆက် ပေးလိုက်ပါတယ်။

မြင့်မြတ် (ရိုးမပေါ်ကျတဲ့မျက်ရည် ဇာတ်ကား) ၂၀၁၉

စိုင်းစိုင်းခမ်းလှိုင် (ပိတောက်ကတဲ့ဂီတ ဇာတ်ကား) ၂၀၂၀

ပြေတီဦး (လိပ်ပြာထောင်ချောက် ဇာတ်ကား) ၂၀၂၂

Source YMG

#အကယ်ဒမီဆုပေးပွဲ

#မြန်မာ့ရုပ်ရှင်ထူးချွန်ဆု၂၀၁၉။၂၀၂၀။၂၀၂၂

#YangonMediaGroup

#Local_News
Published _7 May 2023

ဧပြီလ၊ မေလနှင့် ဇွန်လအတွင်းတနင်္သာရီတိုင်းဒေသကြီးရှိ ကမ်းဝေးငါးဖမ်းရေယာဉ်၁၄၀၀ကျော်ကို ငါးဖမ်းခွင့်ပိတ်ထားကြောင်း ငါးလုပ်ငန်းဦးစီးဌာနက သိရသည်။

ကမ်းဝေးငါးဖမ်းမှုကို ပိတ်ထားစဉ်ကာလအတွင်း ငါးဖမ်းလုပ်သားများ ဘေးအန္တရာယ်လုံခြုံကင်းရှင်းစေရေး အခြေခံလုပ်ငန်းခွင်ကျွမ်းကျင်သင်တန်းများကို ထားဝယ်၊ မြိတ်၊ ကော့သောင်းခရိုင် တို့တွင် ဖွင့်လှစ်မည်ဖြစ်ကြောင်း သိရသည်။

သင်တန်းတွင် ငါးဖမ်းလုပ်သားများ အသက်ဘေးအန္တရာယ်ဆိုင်ရာကိစ္စနှင့် မီးဘေးဖြစ်ပေါ်ပါကအရေးပေါ် မီးငြှိမ်းသတ်နိုင်ရေးတို့ကို ဖြေရှင်းနိုင်‌ရေးသင်တန်းများ ပို့ချပေးသည့်လုပ်ငန်းစဉ်လည်းပါဝင်ကြောင်း သိရသည်။

ယင်းအပြင်ပင်လယ်ပြင်နှင့် သဘာဝပတ်ဝန်းကျင်ညစ်နွမ်းမှုမရှိစေရေး၊ အပင်လယ်ပြင်အတွင်းအမှိုက်များမပစ်ချရေးအတွက်လည်း ပညာပေးလုပ်ငန်းများကို အဆက်မပြတ်လုပ်ဆောင်နေကြကြောင်းလည်းသိရသည်။

တနင်္သာရီတိုင်းဒေသကြီးအတွင်းကမ်းဝေးငါးဖမ်းလှေများအပြင် ကမ်းနီးငါးဖမ်းရေယာဉ်ပေါင်း  ၈၀၀၀ရှိ‌ကြောင်း၊ ၂၀၂၂-၂၃ဘဏ္ဍာနှစ်အတွင်းရေထွက်ကုန်တင်ပို့မှုမှအမေရိကန်ဒေါ်လာသန်း၂၄၀ရရှိခဲ့ပြီး တန်ချိန်အားဖြင့် ၂၂၀,၀၀၀ကျော်တင်ပို့နိုင်ခဲ့ကြောင်း သိရသည်။

#ymg/pl #Local_News #တနင်္သာရီတိုင်းဒေသကြီး #ကမ်းဝေးငါးဖမ်းလှေများ
#YMG #Yangon _Media_Group

#Local_News
Published_ 7 May 2023

ကျန်းမာရေးဝန်ကြီးဌာန၏ မေ ၆ ရက် ည ၈ နာရီစာရင်းအရ ပြည်တွင်း၌ ဓာတ်ခွဲနမူနာ ၁၁၀၉၁ ဦးတွင် ကိုဗစ်(၁၉)လူနာသစ် ၂၂၂ ဦး ထပ်မံတွေ့ရှိပြီးမေ ၁ ရက်မှ ၅ ရက်အထိ မြန်မာနိုင်ငံတွင် ကိုဗစ်(၁၉) လူနာသစ် ၇၈၃ ဦးတွေ့ရှိပြီး နှစ်ဦးသေဆုံးကြောင်း ကျန်းမာရေး၀န်ကြီးဌာန၏ ထုတ်ပြန်ချက်အရ သိရသည်။

သုတေသန တွေ့ရှိချက်များအရ ကိုဗစ်(၁၉)ရောဂါ ကာကွယ်ဆေးထိုးနှံထားသူများတွင် ရောဂါပြင်းထန်မှု၊ ဆေးရုံတက်ရောက်ကုသခံယူရမှုနှင့် သေဆုံးမှုတို့ကို လျှော့ချနိုင်ပြီး ထပ်ဆောင်းကာကွယ်ဆေးထိုးနှံထားခြင်းဖြင့် ရောဂါပြင်းထန်မှု၊ ဆေးရုံတက်ရောက် ကုသခံရမှုနှင့် သေဆုံးမှုတို့ကို ပိုမိုလျှော့ချနိုင်ကြောင်း ကျန်းမာရေးဝန်ကြီးဌာနက ထုတ်ပြန်ထားသည်။ ယခုမေလ ငါးရက်အတွင်း လူနာသစ် ၇၈၃ ဦးတွေ့ရှိ ရာခိုင်နှုန်းအားဖြင့် ၁ ဒသမ ၉၂ရာခိုင်နှုန်းအထိ ထပ်မံမြင့်တက်ကြောင်း သိရသည်။

သို့ဖြစ်၍ ကိုဗစ်(၁၉) ကာကွယ်ရေးလမ်းညွှန်ချက်များကို ဆက်လက်လိုက်နာရန် လိုအပ်ပြီး ကိုဗစ်(၁၉)ကာကွယ်ဆေးများကို အကြိမ်ပြည့်ထိုးနှံရန် လိုအပ်ကြောင်း ကျန်းမာရေး၀န်ကြီးဌာနကထုတ်ပြန်ထားသည်။

ပြီးခဲ့သည့်ဧပြီလတစ်လအတွင်း ပြည်တွင်း၌ ကိုဗစ်ပိုးတွေ့လူနာ ရှစ်ရာဝန်းကျင်အထိ ရှိခဲ့ကြောင်း ကျန်းမာရေးဝန်ကြီးဌာန၏ ထုတ်ပြန်ထားချက်အရ သိရပြီး မေ ၁ ရက်၊ ယမန်နေ့ တစ်ရက်တည်းတွင်ပင် ဓာတ်ခွဲအတည်ပြုလူနာ ၁၀၆ ဦး ရှိခဲ့ကြောင်း ထုတ်ပြန်ချက်များအရသိရသည်။

မြန်မာနိုင်ငံတွင် မေ ၅ ရက်အထိကိုဗစ်(၁၉) အတည်ပြုလူနာ စုစုပေါင်း ၆၃၅၆၆၀၊ သေဆုံးသူစုစုပေါင်း ၁၉၄၉၂ ဦးနှင့် ဆေးရုံမှ ဆင်းခွင့်ရသူဦးရေ စုစုပေါင်း ၆၁၅၀၄၆ ဦးရှိကြောင်း သိရသည်။

#ymg/ynzw #Local_News #ကိုဗစ်လူနာသစ် ၂၂၂ ဦးထပ်တိုး
#YMG #Yangon-Media-Group

#World_Health
Published 7 May 2023

မကြာသေးမီဆယ်စုနှစ်များအတွင်း အမျိုးသားတွေရဲ့ မျိုးပွားစွမ်းရည်သိသိသာသာ လျော့ကျသွားပြီး ကြိုတင်ကာကွယ်ရန်အရေးကြီးကြောင်း သုတေသနအသစ်တွေ တွေ့ရှိလာပါတယ်။

စုံတွဲတစ်တွဲက မိသားစုစတင်ထူထောင်ရန် ကြိုးပမ်းချိန်မှာ မျိုးပွားခြင်းပြဿနာက အမျိုးသမီးနဲ့ဆိုင်တယ်လို့ပဲ အယူမှားတတ်ကြပါတယ်။

ဒါပေမဲ့ ဒီပြဿနာတွေရဲ့တဝက်လောက်က အမျိုးသားတွေကြောင့်ဖြစ်ကြောင်း ဟန်ဂေရီဘူဒါပက်စ် ဆမ်မယ်ဝစ္စတက္ကသိုလ်မှ တွဲဖက်ပရော်ဖက်ဆာဒေါက်တာ'ဇော့ကိုပါ'က ပြောပြလိုက်ပါတယ်။

ကိုပါနဲ့သူ့အဖွဲ့က သုတ်ပိုးကျန်းမာရေးအပေါ်သက်ရောက်စေတဲ့ အချက်အလက်တွေနဲ့ပတ်သက်ပြီး Reproductive Biology and Endocrinology ဂျာနယ်မှာ ဖော်ပြထားပါတယ်။

အမျိုးသားတစ်ဦးရဲ့ သုတ်ပိုးအရည်အသွေးကို အထိခိုက်စေဆုံးအချက်က နေထိုင်စားသောက်မှုပုံစံနဲ့ ကျန်းမာရေးအခြေအနေတို့ဖြစ်ကြောင်း လေ့လာတွေ့ရှိထားပါတယ်။

အဓိကအကြောင်းအရာတွေကတော့ ဆေးလိပ်သောက်ခြင်း၊ ဆီးချို၊ ဝှေးစေ့အကျိတ်တို့ဖြစ်ကာ ကပ္ပါယ်အိတ်အတွင်း သွေးကြောများကြီးမားရှုပ်ထွေးလာကာ သုတ်ပိုးထုတ်လုပ်ခြင်းကို ထိခိုက်စေပါတယ်။

ဆေးလိပ်သောက်သူတွေဟာ DNA ပြတ်ထွက်ခြင်းဖြစ်စဉ် ၉.၁၉ ရာခိုင်နှုန်းပိုများပါတယ်။

သွေးကြောထုံးသူတွေက ၁၃.၆၂ ရာခိုင်နှုန်း၊ အကျိတ်တွေက ၁၁.၃ ရာခိုင်နှုန်း အသီးသီးပိုများစေပါတယ်။

ယာဉ်ထိန်းရဲများကိုလေ့လာရာမှာ လေထုညစ်ညမ်းခြင်း ဒါမှမဟုတ် အန္တရာယ်ရှိဓာတုပစ္စည်းများနဲ့ ထိတွေ့မိခြင်းကြောင့် DNA ပြတ်ထွက်ခြင်း ၉.၆၈ ရာခိုင်နှုန်းပိုများကြောင်း ဆက်စပ်တွေ့ရှိခဲ့ပါတယ်။

DNA ပြတ်ထွက်ခြင်းဖြစ်စဉ်ဟာ ၂၅ ရာခိုင်နှုန်းအောက်ရောက်ရင် သာမန်လို့သတ်မှတ်ပြီး ဒီထက်များရင်တော့ မျိုးအောင်နိုင်ခြေလျော့နည်းလာပါတယ်။

ဒီပြဿနာတွေကို နေထိုင်စားသောက်မှုပုံစံ၊ ဆေးဘက်ဆိုင်ရာအကူအညီများဖြင့် လျှော့ချနိုင်ပါတယ်။

နေထိုင်စားသောက်မှုပုံစံဆိုးရွားတာရဲ့ သက်ရောက်မှုက အချိန်ကြာလာတာနဲ့အမျှ စုပြုံလာပြီး ပိုမိုထိခိုက်စေပါတယ်။

ကလေးလိုချင်တဲ့လူတွေက မျိုးပွားခြင်းပြဿနာရှိနေတာကို အလွန်နောက်ကျမှ သိတတ်ကြပါတယ်။

မျိုးပွားပြဿနာခံစားရသူအများစုဟာ အလုပ်ကြာရှည်လုပ်ကိုင်ရခြင်း၊ အနားယူချိန်နည်းပါးခြင်း၊ လေ့ကျင့်ခန်းမလုပ်ခြင်းတို့ကို အကြောင်းပြကြသလို လူအများစုက ဆေးလိပ်သောက်၊ အရက်သောက်၊ ကျန်းမာရေးနဲ့မလျော်ညီစွာ နေထိုင်တတ်ကြပါတယ်လို့ ဟောင်ကောင်မှ ဆီးလမ်းကြောင်းဆရာဝန်'အန်ဒရူယစ်'က ပြောပြခဲ့ပါတယ်။

အမျိုးသားများအနေနဲ့ ကျန်းမာရေးနဲ့ညီညွတ်စွာနေထိုင်ပြီး DNA ထိခိုက်ခြင်းကိုလျှော့ချနိုင်ရင် ရေရှည်မှာကလေးရဖို့ ထိရောက်အောင်မြင်နိုင်မှာဖြစ်ပါတယ်။

Source: South China Morning Post #World_Health ##မျိုးမအောင်ခြင်းပြဿနာ
#YMG #Yangon_Media_Group

#Asia_Politics
Published 6 May 2023

ယခုနောက်ပိုင်း ဂျပန်ရဲ့စစ်ရေးလှုပ်ရှားမှုများဟာ နိုင်ငံရဲ့ငြိမ်းချမ်းသောဖွံဖြိုးတိုးတက်မှုကို ထိခိုက်စေပြီး ဖွဲ့စည်းပုံအခြေခံဥပဒေကို ချိုးဖောက်ရာရောက်တယ်လို့ ဂျပန်နိုင်ငံရေးသိပ္ပံပညာရှင်တစ်ဦးက တိုကျိုရှိ တရုတ်ဗဟိုရုပ်မြင်သံကြားနဲ့ အင်တာဗျူးမှာ ပြောကြားခဲ့ပါတယ်။

#Asia_Politics #ဂျပန်နိုင်ငံ #အခြေခံဥပဒေ #ဂျပန်နိုင်ငံရေးသိပ္ပံပညာရှင်တစ်ဦး
#YMG #Yangon_Media_Group

#Local_News
Published_ 6 May 2023

ဆီးဂိမ်းပြိုင်ပွဲမှာ ဗိုဗီနမ်အားကစားဖြင့် မြန်မာနိုင်ငံမှ ရွှေတံဆိပ်နှစ်ခု၊ ငွေတံဆိပ်တစ်ခု၊ ကြေးတံဆိပ်လေးခုရရှိထားကြောင်း အားစားနှင့်လူငယ်ရေးရာဝန်ကြီးဌာနမှ သိရပါတယ်၊၊

#Local_News #ဆီးဂိမ်းပြိုင်ပွဲ #ဗိုဗီနမ်အားကစား
#YMG #Yangon_Media_Group

#Health_Matters
Published_ 6 May 2023

- မျိုးဆက်ပွားကျန်းမာရေးမှာ စေတနာ့ဝန်ထမ်းလူငယ်တွေရဲ့ အခန်းကဏ္ဍက ဘယ်လောက်အရေးပါပါသလဲဆရာ??

#Health_Matters #စေတနာ့ဝန်ထမ်းလူငယ်များ #မျိုးဆက်ပွားကျန်းမာရေး
#Dr.KML #YMG #Yangon_Media_Group

#Local_News
Published_ 6 May 2023

တစ်ကျော့ပြန် ကိုဗစ်ကူးစက်မှုပိုများလာပြီဖြစ်ပြီး မေလ(၅)ရက်ထုတ်ပြန်ချက်စာရင်းတွေအရ
မေလ(၁)ရက်မှ (၅)ရက်အတွင်း ကိုဗစ်ပိုးတွေ့သူ (၇၈၃)ဦးရှိတယ်လို့ ကျန်းမာရေးဝန်ကြီးဌာနမှသိရပါတယ်၊၊

#Local_News #ကိုဗစ်ပိုးတွေ့သူ(၇၈၃)ဦး #ကာကွယ်ဆေးထပ်ထိုးရန်
#YMG #Yangon_Media_Group

#Health_Matters
Published_ 6 May 2023

- မျိုးဆက်ပွား ကျန်းမာရေးမှာ မိသားစုစီမံကိန်း Family Planning  မရှိကြတာ အားနည်းကြတာဟာ ဘယ်လိုဆိုးကျိုးဖြစ်စေနိုင်ပါသလဲ??

#Health_Matters #စေတနာ့ဝန်ထမ်းလူငယ်များ #မျိုးဆက်ပွားကျန်းမာရေး
#Dr.KML #YMG #Yangon_Media_Group

#Local_News
Published_ 6 May 2023

ရန်ကုန်တိုင်းအတွင်းက ရွှေဆိုင်တွေရွှေကုန်သည်တွေအနေဖြင့် ရွှေဈေးကိုသိန်း ၃၀အထက်ဈေးနဲ့ ရောင်းချပါက ဒါမှမဟုတ် ဈေးမတန်တဆတင်ပြီးရောင်းချပါက စသုံးလုံးဌာနမှ အသွင်ယူစုံစမ်းပြီး အရေးယူသွားမယ်လို့ ရန်ကုန်တိုင်းရွှေအသင်းက အစည်းဝေးပြုလုပ်ပြီး သတိပေးထားပါတယ်။

#Local_News #ရွှေဈေးသိန်း ၃၀ အထက် #Gold
#YMG #Yangon_Media_Group

#Daily_News
Published_ 6 May 2023

၁။ ရွှေဈေးသိန်း ၃၀ အထက်ဈေးဖြင့် ရောင်းချပါက အရေးယူမယ်လို့ သတိပေးထားသော်လည်း ပြင်ပရွှေဈေး သိန်း ၃၀ အထက်သို့မြင့်တက်

၂။ ယခုလ(၅)ရက်တာအတွင်း ကိုဗစ်ပိုးတွေ့သူ(၇၈၃)ဦးရှိ၊ ကာကွယ်ဆေးထပ်ထိုးရန်နှင့် Mask တပ်ရန်လိုဟု

၃။ ဆီးဂိမ်းပြိုင်ပွဲတွင် ဗိုဗီနမ်အားကစားဖြင့် မြန်မာမှရွှေ(၂)ဆု၊ ငွေ(၁)ဆု၊ ကြေး(၄)ဆု၊စုစုပေါင်း(၇)ဆုရရှိထား

၄။ ဂျပန်နိုင်ငံ၏ လတ်တလောစစ်ရေးမြှင့်တင်မှု အခြေခံဥပဒေကိုချိုးဖောက်ဟု ဂျပန်နိုင်ငံရေးသိပ္ပံပညာရှင်တစ်ဦးဝေဖန် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group #Daily_News #YMG