#TV Yangon Times Matters အစီအစဉ်
Published - 15 Jan 2023

အစီအစဉ်တင်ဆင်သူ ဆရာဟိန်းလတ်က လင်းဏေ(Myanmar Magician)နှင့်အတူ

-"၁၉၆၆ခုနှစ်မှစ၍ မျက်လှည့်အစီအစဉ်တွေစကြည့်ဖြစ်ရင်း မျက်လှည့်ပညာရပ်ကို စိတ်ဝင်စားခဲ့တာဖြစ်ပြီး နည်းစနစ်ကျတဲ့သင်ကြားမှုတွေကို စာအုပ်တွေကတစ်ဆင့်လေ့လာခဲ့ရပြီး ဆရာကြီးစက္ကောမက မျက်လှည့်နဲ့ပတ်သက်တဲ့ အခွေတွေစာအုပ်တွေထွက်လာတော့ ပဉ္စလက်ဆန်တဲ့ပြကွက်တွေကို သင်ယူခဲ့ရတာဖြစ်ကြောင်း

-မျက်လှည့်ပညာရပ်နဲ့ပတ်သက်တဲ့ ရှောင်ရန်ဆောင်ရန်တွေကို ပညာဒါနအဖြစ် ဖြန့်ဖြူးရန်စီစဉ်နေကြောင်း

-မျက်လှည့်ပညာရပ်နဲ့ပတ်သက်တဲ့ ရှောင်ရန်ဆောင်ရန်တွေကို ပညာဒါနအဖြစ် ဖြန့်ဖြူးရန်စီစဉ်နေကြောင်း" စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#Yangon_Media_Group

#Local_News
Published _ 15 January 2023

ပြင်ပဈေးကွက်ထဲမှာ ရွှေဈေးကို ဈေးကစားမှုတွေရှိနေတာကြောင့် ဈေးအတင်အချ ပြုလုပ်မှုတွေ ရှိနေတယ်လို့ ရန်ကုန်တိုင်းရွှေလုပ်ငန်းရှင်များအသင်းက ကြေညာချက်ထုတ်ပြန်ခဲ့ပြီးနောက်ပိုင်း ဈေးကွက်ထဲမှာ အကယ်ဒမီမီးလင်းရွှေတစ်ကျပ်သားကို ၂၈ သိန်းကျော်လာတာပဲ ဖြစ်ပါတယ်။

#Yangon_Media_Group

#TV Yangon Times Matters အစီအစဉ်
Published - 15 Jan 2023

အစီအစဉ်တင်ဆင်သူ ဆရာဟိန်းလတ်က လင်းဏေ(Myanmar Magician)နှင့်အတူ

-"၁၉၆၆ခုနှစ်မှစ၍ မျက်လှည့်အစီအစဉ်တွေစကြည့်ဖြစ်ရင်း မျက်လှည့်ပညာရပ်ကို စိတ်ဝင်စားခဲ့တာဖြစ်ပြီး နည်းစနစ်ကျတဲ့သင်ကြားမှုတွေကို စာအုပ်တွေကတစ်ဆင့်လေ့လာခဲ့ရပြီး ဆရာကြီးစက္ကောမက မျက်လှည့်နဲ့ပတ်သက်တဲ့ အခွေတွေစာအုပ်တွေထွက်လာတော့ ပဉ္စလက်ဆန်တဲ့ပြကွက်တွေကို သင်ယူခဲ့ရတာဖြစ်ကြောင်း

-မျက်လှည့်ပညာရပ်နဲ့ပတ်သက်တဲ့ ရှောင်ရန်ဆောင်ရန်တွေကို ပညာဒါနအဖြစ် ဖြန့်ဖြူးရန်စီစဉ်နေကြောင်း

-မျက်လှည့်ပညာရပ်နဲ့ပတ်သက်တဲ့ ရှောင်ရန်ဆောင်ရန်တွေကို ပညာဒါနအဖြစ် ဖြန့်ဖြူးရန်စီစဉ်နေကြောင်း" စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#Yangon_Media_Group

#Local_News
Published_15 January 2023

၂၀၂၂-၂၀၂၃ ဘဏ္ဍာနှစ်ရဲ့ ကိုးလကျော်ကာလအတွင်းမှာ မြန်မာ-ထိုင်းနယ်စပ်ကုန်သွယ်ရေးကနေ အမေရိကန်ဒေါ်လာ ၄ ဘီလီယံနီးပါးရရှိထားတယ်လို့ စီးပွားရေးနှင့်ကူးသန်းရောင်းဝယ်ရေးကြီးဌာနရဲ့ ထုတ်ပြန်ထားတဲ့ စာရင်းတွေအရ သိရပါတယ်။

#Yangon_Media_Group

#TV Yangon Times Matters အစီအစဉ်
Published - 15 Jan 2023

အစီအစဉ်တင်ဆင်သူ ဆရာဟိန်းလတ်က လင်းဏေ(Myanmar Magician)နှင့်အတူ

-"၁၉၉၆ခုနှစ်မှစ၍ မျက်လှည့်အစီအစဉ်တွေစကြည့်ဖြစ်ရင်း မျက်လှည့်ပညာရပ်ကို စိတ်ဝင်စားခဲ့တာဖြစ်ပြီး နည်းစနစ်ကျတဲ့သင်ကြားမှုတွေကို စာအုပ်တွေကတစ်ဆင့်လေ့လာခဲ့ရပြီး ဆရာကြီးစက္ကောမက မျက်လှည့်နဲ့ပတ်သက်တဲ့ အခွေတွေစာအုပ်တွေထွက်လာတော့ ပဉ္စလက်ဆန်တဲ့ပြကွက်တွေကို သင်ယူခဲ့ရတာဖြစ်ကြောင်း

-မျက်လှည့်ပညာရပ်နဲ့ပတ်သက်တဲ့ ရှောင်ရန်ဆောင်ရန်တွေကို ပညာဒါနအဖြစ် ဖြန့်ဖြူးရန်စီစဉ်နေကြောင်း

-မျက်လှည့်ပညာရပ်နဲ့ပတ်သက်တဲ့ ရှောင်ရန်ဆောင်ရန်တွေကို ပညာဒါနအဖြစ် ဖြန့်ဖြူးရန်စီစဉ်နေကြောင်း" စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#Yangon_Media_Group

Published 15 Jan 2023

နီပေါနိုင်ငံ ပိုခါရာ နိုင်ငံတကာလေဆိပ်အနီး ခရီးသည် ၇၂ ဦးပါ ခရီးသည်တင် အေတီအာရ် -၇၂ လေယာဉ်တစ်စီး ဇန်နဝါရီ ၁၅ရက် ဒီကနေ့ ပျက်ကျခဲ့ရာ အနည်းဆုံး လူ ၃၂ ဦးသေဆုံးခဲ့ပါတယ်။ ပျက်ကျတဲ့လေယာဉ်ဟာ ရတီ Yeti လေကြောင်းလိုင်းပိုင်လေယာဉ်ဖြစ်ပါတယ်။

သတင်းပေးပို့တဲ့အချိန်မှာ ကယ်ဆယ်ရေးတွေ လမ်းခုလတ်မှာရှိနေကြပြီး လေဆိပ်ကိုပိတ်လိုက်ပါတယ်။ သေဆုံးသူတွေ အရေအတွက်ဟာ ကြောက်ခမန်းလိလိတိုးလာနေပါတယ်။ လေယာဉ်ပေါ်မှာ မွေးကင်းစကလေးငယ် သုံးဦးနှင့် ကလေးငယ် သုံးဦးလည်းပါဝင်ပြီး အိန္ဒိယနိုင်ငံသား (၅)ဦးလည်း လိုက်ပါသွားပါတယ်။

လေယာဉ်ပျက်တွေကြားထဲက အနည်းဆုံး အလောင်း ၃၂ လောင်း ပြန်တွေ့တယ်လို့ ဟိမဝန္တာတိုင်းမ်သတင်းစာက သတင်းရေးသားပါတယ်။ရိုက်တာကတော့ အလောင်း(၄၀)ရှာတွေ့တယ်လို့ရေးသားပါတယ်။

ခရီးသည်တွေထဲမှာ နီပေါ(၅၃)ဦး၊အိန္ဒိယ(၅)ဦး၊ ရုရှား (၄)ဦး၊ကိုးရီးယား(၂)ဦးနှင့် အိုင်ယာလန်၊ဩစတြေလျ၊အာဂျင်တီးနားနှင့်ပြင်သစ်တို့မှ (၁)ဦးစီဖြစ်ကြတယ်လို့ နီပေါ လေကြောင်းအာဏာပိုင်က သတင်းထုတ်ပြန်ပါတယ်။

ပိုခါရာဟာ နီပေါနိုင်ငံမြို့တော် ကတ္တမန်ဒူကနေ ကီလိုမီတာ ၂၀၀အကွာမှာရှိတဲ့မြို့ဖြစ်ပါတယ်။  နီပေါဝန်ကြီးချုပ် ပရာချန်ဒရာ နှင့်ပြည်ထဲရေးဝန်ကြီး ရာဗီ လာမီချိန်းတို့ဟာ ကယ်ဆယ်ရေးလုပ်ငန်းတွေကြီးကြပ်ဖို့ ကတ္တမန်ဒူက ထရိုင်ဗူဗန် နိုင်ငံတကာလေဆိပ်ကိုရောက်ရှိနေပါတယ်။

ရတီလေကြောင်းလိုင်းပိုင်9N-ANC ATR-72 လေယာဉ်ဟာ ကတ္တမန်ဒူနိုင်ငံတကာလေဆိပ်ကနေ မနက် ၁၀နာရီ ၃၃မိနစ် မှထွက်ခွာခဲ့ပါတယ်လို့ လေကြောင်းအာဏာပိုင်ဌာနကပြောပါတယ်။

ပိုခါရာလေဆိပ်ကို ဆင်းသက်ဖို့ကြိုးစားနေစဉ် လေယာဉ်ပျက်ကျခဲ့ရတာဖြစ်ပြီး လေဆိပ်အဟောင်းနှင့်အသစ် အကြားရှိတဲ့ ဆတ္တီမြစ်ကမ်းပေါ်ပျက်ကျခဲ့တာပါ။

နီပေါနိုင်ငံမှာ လေယာဉ်ပျက်ကျတာဟာ သိပ်မထူးဆန်းတော့သလိုရှိပြီး ယခုပျက်ကျမှုအတွက် အစိုးရအဖွဲ့ အရေးပေါ်အစည်းခေါ်ယူထားပါတယ်။

Source WION

#Nepal_Plane_Crash

#Yeti Airlines'_9N-ANC ATR-72

#Pokhara_Nepal

#LocalNews
Published_ 15 January 2023

ပဲခူးတိုင်းဒေသကြီး ၊ကျောက်တံခါးမြို့နယ်၊ ကျောက်တံခါးမြို့အဝင်ဆိုင်းဘုတ်အနီးတွင် ယနေ့ ဇန်နဝါရီလ ၁၅ရက် နေ့လယ်ပိုင်းက ယာဉ်တစ်စီးတိမ်းမှောက်၍ လူ ၃ ဦး သေဆုံးခဲ့ကြောင်း ဘိုဘိုဝင်းလူမှုကူညီရေးအသင်းက သိရသည်။

တောင်ငူမြို့ဘက် မှ မောင်းနှင်လာသည့် Honda Fit ယာဉ်မှာ ကျောက်တံခါးမြို့အဝင်ဆိုင်းဘုတ်အနီးအရောက်တွင် အရှိန်မထိန်းနိုင်ဘဲ တိမ်းမှောက်ခဲ့သောကြောင့် ယာဉ်မောင်းအပါအဝင် ယာဉ်ပေါ်ပါ ၆ ဦးအနက် ၃ ဦးမှာအပြင်သို့ လွှင့်စင်သွားခဲ့ကြခြင်းဖြစ်ကြောင်း ယင်းအသင်း၏ တာဝန်ရှိသူကပြောသည်

"လွင့်စင်သွားတဲ့ ၃ ယောက်က ပွဲချင်းပြီး ဆုံးသွားပါတယ်။ကျန်တဲ့ ၃ ယောက်ကလည်း ဒဏ်ရာတွေ အရမ်းများတယ်။စိုးရိမ်ရတယ်၊ Honda fit ကားလည်း ပျက်သွားတယ်"ဟု ယင်းကဆိုသည်။

ယာဉ်တိမ်းမှောက်မှုတွင် ထိခိုက်ဒဏ်ရာရရှိသူများအား နယ်မြေခံမီးသတ်တပ်ဖွဲ့ဝင်များနှင့် လူမှုကူညီရေးအသင်းများက ကယ်ဆယ်ခဲ့ကြောင်း သိရသည်။

ymg/mt
#Yangon_Media_Group

#LocalNews
Published_ 15 January 2023

ကွယ်လွန်သွားပြီဖြစ်သည့် ဒီမိုကရက်တစ်ပါတီ (မြန်မာ) ဥက္ကဌ ဦးသုဝေ သီရိပျံချီဘွဲ့ ရရှိသည့် အပေါ် ယနေ့ ဇန်နဝါရီလ ၁၅ ရက် နံနက်က ဂုဏ်ပြုပွဲကျင်းပခဲ့ကြသည်။

အဆိုပါ ဂုဏ်ပြုပွဲကို ဒီမိုကရက်တစ်ပါတီ (မြန်မာ) ရုံးချုပ်တည်ရှိရာ ရန်ကုန်တိုင်းဒေသကြီး ၊ ဗဟန်းမြို့နယ် ရွှေတောင်ကြား(၁)ရပ်ကွက် ၊ တက္ကသိုလ်ရိပ်သာလမ်းတွင် ကျင်းပခဲ့ခြင်းလည်းဖြစ်သည်။

ယင်းအခမ်းအနားသို့ ငြိမ်းချမ်းရေးလုပ်ငန်းစဉ်များတွင် ပါဝင်ခဲ့သည့် ပြည်ထောင်စုဝန်ကြီးဟောင်း ဦးအောင်မင်း အပါအဝင် နိုင်ငံရေးပါတီများက မိတ်ဆွေများလည်း တက်ရောက်ခဲ့ကြသည်။

နိုင်ငံတော်စီမံအုပ်ချုပ်ရေးကောင်စီ ဥက္ကဌက နိုင်ငံတော်ဖွံ့ဖြိုးတိုးတက်ရေးနှင့် ငြိမ်းချမ်းရေး၊ သာယာဝပြောရေးအတွက်၊ စွမ်းစွမ်းတမံ ပူးပေါင်းဆောင်ရွက်ခဲ့သော ပုဂ္ဂိုလ်များအား ပြီးခဲ့သည့်၂ဝ၂၂ ခုနှစ်၊ နိုဝင်ဘာလ (၁၉) ရက်က စွမ်းဆောင်မှုဆိုင်ရာ ဂုဏ်ထူးဆောင်ဘွဲ့ များ ပေးအပ်ရာတွင် “သီရိပျံချီ” ဘွဲ့ ကို ဦးသုဝေအား ပေးအပ်ချီးမြှင့်ခဲ့ခြင်းလည်းဖြစ်သည်။

ဦးသုဝေသည် ဝါရင့်နိုင်ငံရေးသမားတစ်ဦးဖြစ်ပြီး ၂၀၂၂ ခုနှစ် မေလ ၁၈ ရက် ည ၇ နာရီခန့်က ကွယ်လွန်ခဲ့ခြင်းဖြစ်ပြီး သူကွယ်လွန်ချိန်တွင် အသက် ၉၀ ရှိပြီဖြစ်သည်။

ymg/mt
#Yangon_Media_Group

#Myanmar_News
Published - 15 Jan 2023

ကယားပြည်နယ်၊ လွိုင်ကော်မြို့၊ ပြည်နယ်ခန်းမရှေ့၌ (၇၁)နှစ်မြောက် ကယား ပြည်နယ်နေ့အထိမ်းအမှတ် မုခ်ဦးဖွင့်ပွဲအခမ်းအနား ကျင်းပနေစဉ် ယနေ့ နံနက်ပိုင်းက KNPP အဖွဲ့နှင့် PDF အဖွဲ့များက လက်နက်ကြီးများဖြင့် ပစ်ခတ်တိုက်ခိုက်ခဲ့တဲ့အတွက် အရပ်သားတစ်ဦးသေဆုံးပြီး လုံခြုံရေးတပ်ဖွဲ့ဝင်တချို့နှင့် အရပ်သား(၈)ဦးထိခိုက်ဒဏ်ရာရရှိခဲ့တယ်လို့ နစကရဲ့ သတင်းထုတ်ပြန်ချက်အရသိရပါတယ်။

(၇၁)နှစ်မြောက် ကယားပြည်နယ်နေ့အထိမ်းအမှတ် မုခ်ဦးဖွင့်ပွဲ အခမ်းအနားကျင်းပနေတဲ့ နေရာသို့ အဆိုပါအဖွဲ့တွေက နံနက် ၇ နာရီ ၁၅ မိနစ်ခန့်တွင် လွိုင်ကော်မြို့၏ အရှေ့မြောက်ဘက်မီတာ ၄၀၀၀ ခန့်အကွာမှ လက်နက်ကြီးများဖြင့် ပစ်ခတ်တိုက်ခိုက်ခဲ့တာဖြစ်တယ်လို့ သတင်းမှာဖော်ပြထားပါတယ်။

အဲသလိုပစ်ခတ်တဲ့အတွက် ပြည်နယ်ခန်းမအနီးနှင့် လူနေရပ်ကွက်များအတွင်းသို့ လက်နက်ကြီး ကျည်များ ကျရောက်ပေါက်ကွဲခဲ့ပြီး အဆိုပါ လက်နက်ကြီးကျည်များ ကျရောက် ပေါက်ကွဲမှုကြောင့် လုံခြုံရေးတပ်ဖွဲ့ဝင်တချို့နှင့် ကျောင်းသား/သူ ၆ ဦး၊ အပြစ်မဲ့ အရပ်သား ကျား ၁ ဦး၊ မ ၁ ဦးတို့ ထိခိုက်ဒဏ်ရာရရှိခဲ့ပြီး အပြစ်မဲ့အရပ်သား ကျား ၁ ဦး သေဆုံး ခဲ့တယ်လို့ နစက,က သတင်းထုတ်ပြန်ထားပါတယ်။

အထက်ပါဖြစ်စဉ်မှ ထိခိုက်ဒဏ်ရာရရှိခဲ့သူများအား လုံခြုံရေးတပ်ဖွဲ့ဝင်များကလွိုင်ကော်မြို့ပြည်သူ့ဆေးရုံသို့ ပို့ဆောင်ဆေးကုသမှုခံယူစေလျက်ရှိတယ်လို့သတင်းရရှိပါတယ်။

#ymg_knl
#Yangon_Media_Group

#LocalNews
Published_ 15 January 2023

မန္တလေးတိုင်းဒေသကြီး၊ပြည်ကြီးတံခွန်မြို့နယ်အနီးတွင် အင်အားရစ်တာစကေး(၄.၄) အဆင့်ရှိ ငလျင်တစ်ခုလှုပ်ရှားသွားကြောင်း မိုးလေဝသနှင့် ဇလဗေဒညွှန်ကြားမှုဦးစီးဌာနမှ ထုတ်ပြန်ထားသည်၊၊

ထုတ်ပြန်ချက်တွင် ၂၀၂၃ ခုနှစ်၊ ဇန်နဝါရီလ (၁၅) ရက်နေ့၊ မြန်မာစံတော်ချိန် (၁၀)နာရီ၊ (၃၃)မိနစ်၊ (၀၈)စက္ကန့်အချိန်တွင် မန္တလေးမြေငလျင်စခန်းမှ တောင်-အနောက်တောင်ဘက် (၈) မိုင်ခန့်အကွာ၊ မြန်မာနိုင်ငံ ပြည်တွင်း (ပြည်ကြီးတံခွန်မြို့နယ်၏ အနောက်-အနောက်တောင်ဘက် (၁)မိုင်ခန့်အကွာ)၊ မြောက် လတ္တီတွဒ် (၂၁.၉၀)ဒီဂရီ၊ အရှေ့လောင်ဂျီတွဒ် (၉၆.၀၉)ဒီဂရီ၊ အနက် (၁၀)ကီလိုမီတာကို ဗဟိုပြု၍ အင်အားရစ်(ခ်)တာစကေး (၄.၄) အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ရှားသွားသည်ဟုဖော်ပြထားသည်၊၊

မြေငလျင်နှင့်ပတ်သက်၍ စစ်ကိုင်းတိုင်းဒေသကြီး၌ လှုပ်ခတ်မှုအများဆုံးဖြစ်ပြီး စစ်ကိုင်းပြတ်ရွေ့ကြောပေါ်ရှိ မန္တလေး၊မိထ္တီလာ၊ ရမည်းသင်း ၊ပျဥ်းမနားနှင့်ပဲခူးဒေသများတွင် မြေငလျင်လှုပ်ခတ်နိုင်ကြောင်း မိုးလေဝသနှင့်ဇလဗေဒညွှန်ကြားမှုဦးစီးဌာန၊မြေငလျင်ဌာနခွဲ၊လက်ထောက်ညွှန်ကြားရေးမှူးဒေါက်တာယဥ်မျိုးမင်းထွေးကလည်း သတိပေးပြောကြားထားသည်၊၊

ymg/tthl
#Yangon_Media_Group

#World_Health
Published 15 January 2023

ရုံးထိုင်ဝန်ထမ်းတွေ၊ ကွန်ပျူတာကျွမ်းကျင်သမားတွေ၊ သတင်းထောက်တွေလို လူတွေဟာ အထိုင်များပြီး လေ့ကျင့်ခန်းပုံမှန်ပြုလုပ်လေ့ရှိတာတောင် ကျန်းမာရေးထိခိုက်နိုင်တဲ့ အန္တရာယ်ရှိနေကြောင်း အထောက်အထားတွေ တွေ့လာရပါတယ်။

ဒါကြောင့် ဆရာဝန်တွေက အရွယ်ရောက်ပြီးသူအားလုံးကို လျှော့ထိုင်ရန်နဲ့ လှုပ်ရှားမှုပိုပြုလုပ်ရန် အကြံပေးလိုက်ပါတယ်။

ရုံးထိုင်ဝန်ထမ်းအများစုသိချင်နေကြတဲ့ ထိုင်ပြီးအလုပ်လုပ်ရခြင်းရဲ့ ကျန်းမာရေးဆိုးကျိုးကို ကာမိဖို့ လှုပ်ရှားလေ့ကျင့်ခန်း အနည်းဆုံးဘယ်လောက်ပြုလုပ်သင့်သလဲဆိုတာကို သိရဖို့ နှိုင်းယှဉ်ချက်အနည်းငယ် ပြုလုပ်ထားကြပါတယ်။

နယူးယော့ခ်ရှိ ကိုလံဘီယာတက္ကသိုလ်မှ လေ့ကျင့်ခန်းဆိုင်ရာပညာရှင်တွေရဲ့ လေ့လာချက်အရ ကြာရှည်ထိုင်ရတဲ့အချိန်အတွင်း မိနစ် ၃၀ ကြာတိုင်း ၅ မိနစ်တစ်ခါ လမ်းလျှောက်ခြင်းဖြင့် အန္တရာယ်အများစုကို ကာကွယ်နိုင်ကြောင်း ဖြေကြားခဲ့ပါတယ်။

အရွယ်ရောက်ပြီးသူ ၁၁ ဦးကို စမ်းသပ်ရာမှာ စမ်းသပ်ခံသူတွေကို ကုလားထိုင်မှာထိုင်ကြပြီး သတ်မှတ်ထားတဲ့ လမ်းလျှောက်စက် ဒါမှမဟုတ် သန့်စင်ခန်းတို့ကိုသာ အသုံးပြုကြပါတယ်။

စမ်းသပ်ခံသူတွေ လေ့ကျင့်ခန်းပိုလုပ်မိသလား လျှော့လုပ်မိသလားဆိုတာကို စောင့်ကြည့်နေခဲ့ပြီး သွေးပေါင်ချိန် သွေးတွင်းသကြားဓာတ်တို့ကို တိုင်းတာခဲ့ကြပါတယ်။

စမ်းသပ်ကာလအတွင်း သူတို့ကို လက်ပ်တော့နဲ့ ဖုန်းအသုံးပြုစေကာ သတ်မှတ်ထားသော အစားအစာများ ထောက်ပံ့ပေးခဲ့ပါတယ်။

အဲဒီနောက် မိနစ် ၃၀ ကြာတိုင်း ၅ မိနစ်လမ်းလျှောက်ခိုင်းခဲ့ပါတယ်။
ဒီပမာဏဖြင့်လေ့ကျင့်ခန်းပြုလုပ်ခြင်းဟာ သွေးတွင်းသကြားဓာတ်ရော သွေးပေါင်ချိန်ပါ သိသိသာသာကျဆင်းစေပါတယ်။

နာရီဝက်ကြာတိုင်း တစ်မိနစ်လမ်းလျှောက်ခြင်းဖြင့်လည်း သကြားဓာတ်ပမာဏကို အကျိုးရှိစေပြီး မိနစ် ၆၀ နေမှ တစ်ခါလမ်းလျှောက်ခြင်းကတော့ အကျိုးအာနိသင်မရခဲ့ပါဘူး။

ဒါ့အပြင် လမ်းလျှောက်လှုပ်ရှားခြင်းဖြင့် နွမ်းနယ်ခြင်းကိုလျော့ကျစေကာ စိတ်အခြေအနေကို တိုးတက်စေပါတယ်။

ချုပ်ပြီးပြောရရင် ကျန်းမာရေးကောင်းမွန်ဖို့အတွက် အလုပ်မှာ ပုံမှန်လှုပ်ရှားနေဖို့လိုပါတယ်။

လက်တွေ့မကျဘူးထင်ရပေမယ့် လုပ်ငန်းခွင်မှာ လမ်းလျှောက်ပေးရုံဖြင့် နှလုံးရောဂါနဲ့ အခြားနာတာရှည်ရောဂါများ ဖြစ်နိုင်ချေကို သိသိသာသာလျော့ကျစေကြောင်း ကောက်ချက်ချလို့ရပါတယ်။

Source: The Jerusalem Post
#Yangon_Media_Group

Published 15 January 2023

ဂျပန်ဝန်ကြီးချုပ် ဖူမီယိုကီရှီဒါဟာ အမေရိကန်ရဲ့ ရှက်ဖွယ်ကောင်းတဲ့ အသုံးချခံဖြစ်တယ်လို့ ရုရှားသမ္မတဟောင်း ဒီမစ်ထရီမက်ဗီဒက်ဗ်က စွပ်စွဲလိုက်ပြီး သူ့အနေနှင့် သူ့ကိုယ်သူ ရင်ခွဲသတ်သေသင့်တယ်လို့ အကြံပြုလိုက်တဲ့ အကြောင်း နိုင်ငံတကာသတင်းတွေကရေးသားပါတယ်။

ဒါဟာ မက်ဗီဒက်စ်ဆီက တုန်လှုပ်စရာနှင့် ဆွပေးတဲ့ ကြေညာချက်တွေအများကြီးထဲက နောက်ဆုံးထုတ်ပြန်ချက်ဖြစ်ပါတယ်။ သူ့ကို တစ်ခါတုန်းက အနောက်နိုင်ငံပညာတတ်ပြုပြင်ပြောင်းလဲရေးသမားတစ်ဦးလို့ မြင်ခဲ့ကြပေမယ့် ပြီးခဲ့တဲ့နှစ်က ယူကရိန်းကို ရုရှားကျူးကျော်ပြီးကတည်းက သူ့ကိုယ်သူ အဓိကသဘောထားတင်းမာသူအဖြစ် ပြန်လည်တည်ဆောက်ခဲ့ပါတယ်။

ဂျပန်နိုင်ငံမှာ ဝန်ကြီးချုပ်ရုံးဖြစ်ဖြစ်  နိုင်ငံခြားရေးဝန်ကြီးရုံးဖြစ်ဖြစ်  ရုံးချိန်ပြင်ပမှာ ဘယ်သူတစ်ဦးတစ်ယောက်မျှ မှတ်ချက်ကို ချက်ခြင်းပေးလေ့မရှိကြပါဘူး။

မက်ဗီဒက်ဗ်ဟာ သမ္မတပူတင်ရဲ့ အရေးပါတဲ့ မဟာမိတ်တစ်ဦးဖြစ်ပြီး ရုရှားရဲ့ ကာကွယ်ရေးလုပ်ငန်းတွေကို ကြီးကြပ်တဲ့ လုံခြုံရေးကောင်စီမှာ ဒုတိယဥက္ကဋ္ဌအဖြစ် တာဝန်ထမ်းဆောင်နေပါတယ်။

သူက ကီရှီဒါနှင့် အမေရိကန်သမ္မတ ဂျိုးဘိုင်ဒင်တို့ သောကြနေ့ကတွေ့ဆုံကြပြီး ပူးတွဲသတင်းထုတ်ပြန်ချက် ထုတ်ပြန် အပြီးမှာ တုန့်ပြန်လိုက်ခြင်းဖြစ်ပါတယ်။

အဆိုပါကြေညာချက်ထဲမှာ “ ယူကရိန်းမှာ ရုရှားက နျူကလီးယားလက်နက်မည်သည့်လက်နက်မဆို အသုံးပြုခြင်းကို လူသားတွေကို ဆန့်ကျင်တဲ့လုပ်ဆောင်မှုဖြစ်ပြီး မည်သည့်နည်းနှင့်မျှလက်ခံနိုင်စရာမရှိ” လို့ဖော်ပြထားပါတယ်။

ဒီကြေညာချက်ဟာ ရုရှားရန်မူမှာကို အစိုးရိမ်လွန်တဲ့စိတ်ဖောက်ပြန်မှုဖြစ်ပြီး  ဟီရိုရှီးမားနှင့်နာကာစကီတို့ နျူကလီးယား မီးလောင်တိုက်သွင်းခံရတဲ့အပေါ် ရာထောင်များစွာသော ဂျပန်လူမျိုးတို့ရဲ့ အမှတ်ရစရာတွေကို သစ္စာဖောက်တာ ဖြစ်တယ်လို့ မက်ဗီဒက်ဗ်က ပြောပါတယ်။ သူက ဒုတိယကမ္ဘာစစ်အဆုံးသတ်ဖို့ ဂျပန်ကို အတင်းအကျပ်လက်နက်ချစေ ခဲ့ရတဲ့ အမေရိကန်ကြဲချနဲ့ နျူကလီယားဗုံးတွေကို ရည်ညွှန်းပြောဆိုတာဖြစ်ပါတယ်။

အဲဒီဖြစ်ရပ်အတွက် အမေရိကန်ဆီက နောင်တစကားကို တောင်းဆိုရမယ့်အစား ကီရှီဒါဟာ “ အမေရိကန်တွေအတွက် အစေခံတစ်ဦးမျှသာ” ဖြစ်တယ်ဆိုတာကို ပြသခဲ့တယ်လို့ သူကဝေဖန်ပါတယ်။

အဲဒီလို ရှက်စရာကောင်းတဲ့အပြစ် ကို  ကီရှီဒါ ဂျပန်ပြန်ရောက်လို့ ဝန်ကြီးအဖွဲ့အစည်းအဝေးလုပ်တဲ့အခါ ဂျပန်လို ဟာရာကီရီလိုခေါ်တဲ့ ဆက်ပူကူ  seppuku ပုံစံနှင့်ကိုယ့်ရင်ခွဲ ကိုယ့်ကိုကိုယ် သတ်သေသင့်ပြီး ဆေးကြောမှသာ ရလိမ့်မယ်လို့ သူကပြောပါတယ်။

ယူကရိန်းကို ရုရှားကျုုးကျော်ပြီးကတည်းက  အနောက်နိုင်ငံက အကျပ်အတည်းကို စွက်ဖက်ခြယ်လှယ်ရင် အဲဒါဟာ နျူကလီယားစစ်ပွဲကို ဦးတည်သွာနိုင်တယ်လို့  မက်ဗီဒက်ဗ်က မကြာခဏသတိပေးနေတာပါ။နျူကလီးယားစစ်ပွဲတစ်ခု ဟာ ဖြစ်ဖို့အခွင့်အလမ်းများလာနေပေမယ့် ရုရှားဟာ မမိုက်မဲပါဘူး။နျူးကလီးယားလက်နက်ကို ခုခံကာကွယ်ဖို့ အတွက်သာရှုမြင်ထားတယ်လို့ ပူတင်ကပြောခဲ့ပါတယ်။

Source: South China Morning Post

#Medvedev_said_ Japan_PM_should_ritually disembowel himself

#Russia_Japan

#Russia_Ukraine_War