#Local_News
Published_ 13 January 2023

မူးယစ်ဆေးဖြတ်ထားတဲ့ လူနာတစ်ဦး မိဘနေအိမ်ပြန်ရောက်ပြီးမှ မူးယစ်ဆေးပြန်သုံးစွဲမိတဲ့အတွက် မီးရထားလမ်းမှာ သတိလစ်လဲကျသွားလို့ ဆေးရုံပို့ထားရတယ်လို့ မူးယစ်ဆေးစွဲသူများပြန်လည်ထူ ထောင်ရေးအသင်းမှ သိရပါတယ်၊၊

#Yangon_Media_Group

ဒီမိုကရေစီနိုင်ငံသွားမယ်ဆိုရင် ရွေးကောက်ပွဲဟာ မဖြတ်သန်းလို့မရဘူး၊၊ ဖြတ်သန်းရမယ့်တံခါးပေါက်တစ်ခုပဲ၊၊ ကျွန်တော်တို့က ဒီမိုကရေစီ ဒီမိုကရေစီလို့ပြောကြတယ်လေ၊၊ ဒီမိုကရေစီသွားမယ်ဆိုရင် ရွေးကောက်ပွဲက မဖြစ်မနေကျင်းပရမယ်၊၊ ဒါက ကမ္ဘာ့နိယာမပဲလေ၊၊အဲဒီတော့ ရွေးကောက်ပွဲတော့ဝင်ရမှာပဲ၊၊

ဦးစိုက်အိုက်ပေါင်း(ဥက္ကဌ)

ရှမ်းတိုင်းရင်းသားများဒီမိုကရက်တစ်ပါတီ(ကျားဖြူပါတီ)

#USaiAikPoung

#Chairman_of_White_Tiger_Party

#Shan_Ethnic_Democratic_Party

#Yangon_Media_Group

#Local_News
Published_ 13 January 2023

ရှမ်းပြည်နယ်(အရှေ့ပိုင်း)ကျိုင်းတုံမြို့နယ်၊ လွိုင်မွေဒေသမှာ ချယ်ရီပန်းပွဲတော်ကို ဇန်နဝါရီ (၁၉)ရက်မှ (၂၃)ရက်အထိ(၅)ရက်တိုင်တိုင် ကျင်းပသွားမှာဖြစ်တယ်လို့ ဟိုတယ်နှင့် ခရီးသွားညွှန်ကြားမှုဦးစီးဌာန(ကျိုင်းတုံ)ရုံးမှ သိရပါတယ်၊၊

#Yangon_Media_Group

#Local_News
Published_13 January 2023

၂၀၂၂-၂၀၂၃ ဘဏ္ဍာနှစ်ရဲ့ ကိုးလတာကာလအတွင်းမှာ ပြည်ပကို ပို့ကုန်တင်ပိုမှုကနေ အမေရိကန်ဒေါ်လာ ၁၂ ဒသမ ၄၄ ဘီလီယံကျော် ရရှိထားပြီးတော့ တစ်ဘီလီယံကျော်ပိုမိုရရှိထားတယ်လို့ စီးပွားရေးနဲ့ ကူးသန်းရောင်းဝယ်ရေးဝန်ကြီးဌာနကနေ ဖော်ပြထားတဲ့ စာရင်းတွေအရ သိရပါတယ်။

#Yangon_Media_Group

#DailyNews
Published_ 13 January 2023

၁။ ပြည်ပသို့ ပို့ကုန်တင်ပို့မှုမှ အမေရိကန်ဒေါ်လာ ၁၂ ဒသမ ၄၄ ဘီလီယံရရှိထား

၂။ ရှမ်းပြည်နယ်၊ ကျိုင်းတုံတွင်ချယ်ရီပန်းပွဲတော်(၅) ရက်တိုင်တိုင်ကျင်းပမည်

၃။ ဆေးဖြတ်ထားသူတစ်ဦးဆေးလွန်၍ သတိမေ့ကာရထားလမ်းတွင်လဲကျနေ

၄။ ဘီနင်နိုင်ငံတွင်ကျင်းပသည့် ဗူဒူးရိုးရာပွဲတော်၌ အာဖရိကနွယ်ဖွားလူမျိုးအများအပြား ပြန်ရောက်လာအောင်ဆွဲဆောင်နိုင် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Local_News
Published_ 13 January 2023

အနော်ရထာမင်းနဲ့ကျန်စစ်သားမင်းနန်းတော်ရာတွေကို ယူနက်စကိုဂိုက်လိုင်းတွေနဲ့အညီ နိုင်ငံတကာအဆင့်မီ Site Museum အဖြစ် အဆင့်မြှင့်တင်ပြသနိုင်ဖို့ ဆောင်ရွက်သွားဖို့ရှိတယ်လို့ ရှေးဟောင်း သုတေသနနှင့် အမျိုးသားပြတိုက်ဦးစီးဌာန၊ ပုဂံဌာနခွဲမှ သိရပါတယ်၊၊

#Yangon_Media_Group

#Local_News
Published_ 13 January 2023

ရန်ကုန်တိုင်းဒေသကြီး၊ မှော်ဘီမြို့နယ်၊ လိပ်ပုတ်ကျေးရွာအုပ်စု၊ အမှတ်(၄)လမ်းမကြီးရှိ Grand Royal အရက်ချက်စက်ရုံ ၌ယနေ့ ဇန်နဝါရီလ(၁၃)ရက်တွင် မီးလောင်ကျွမ်းမှုဖြစ်ပွားနေကြောင်း မြန်မာနိုင်ငံမီးသတ်တပ်ဖွဲ့က သတင်းထုတ်လွှင့်လျက်ရှိသည်။

မီးလောင်မှုမှာ ညနေ ၃ နာရီခွဲခန့်က ဖြစ်ပွားခဲ့ခြင်း ဖြစ်ကြောင်း၊လက်ရှိတွင် မီးငြိမ်းသတ်ဆဲဖြစ်သောကြောင့် မီးလောင်ကျွမ်းရသည့်အကြောင်းရင်းနှင့်ဆုံးရှုံးမှုတန်ဖိုးများကို မသိရသေးပေ။

#Yangon_Media_Group

#Local_News
Published_13 January 2023

တရုတ်ဘက်ခြမ်းကနေ ရွှေလီနယ်စပ်ဂိတ်ကို ပြန်လည်ဖွင့်ပေးလိုက်ပေမယ့် မြန်မာဘက်ခြမ်းကတော့ ယနေ့အချိန်ထိ ပိတ်ထားဆဲ ဖြစ်တယ်လို့ မူဆယ်နယ်စပ်ကုန်သည်တွေရဲ့ ပြောပြချက်အရ သိရပါတယ်။

#Yangon_Media_Group

#Local_News
Published_13 January 2023

ထိုင်းနိုင်ငံရောက် မြန်မာရွှေ့ပြောင်းလုပ်သားများအတွက် စက်ရုံ၊ အလုပ်ရုံတွေဆီ Mobile Team စေလွှတ်ပြီး နိုင်ငံကူးလက်မှတ် သက်တမ်းတိုးပေးခြင်းကို ဇန်နဝါရီ ၂၄ ရက်မှ စတင်ဆောင်ရွက်သွားမည်ဖြစ်ကြောင်း တိုင်းနိုင်ငံ၊ ဘန်ကောက်မြို့ရှိ မြန်မာသံရုံးမှ ကြေညာထားသည်။

PJ နိုင်ငံကူးလက်မှတ်ကိုင်ဆောင်ထားသည့် ရွှေ့ပြောင်းအလုပ်သမားများအတွက် နိုင်ငံကူးလက်မှတ်သက်တမ်းတိုးပေးခြင်းကို Mobile စက် ၂ စုံနှင့် Mobile Taem ၂ ဖွဲ့ခွဲကာ ဆောင်ရက်သွားမည်ဖြစ်ကြောင်း သိရသည်။

အဆိုပါ နိုင်ငံကူးလက်မှတ် သက်တမ်းတိုးမည့် ရွှေ့ပြောင်းမြန်မာလုပ်သားဦးရေ ၁၀၀၀ အထက်ရှိသည့် စက်ရုံတွေဆီ အလှည့်ကျ စေလွှတ်လုပ်ဆောင်ပေးမည်ဖြစ်သည့်အတွက် စက်ရုံများမှ ကြိုတင်ပြင်ဆင်ထားရန် အသိပေးထားကြောင်း သိရသည်။

ယင်းအပြင် စက်ရုံ၊ အလုပ်ရုံတွေအနေဖြင့်၂၀၂၂ / ၂၀၂၃ ခုနှစ်တွင် နိုင်ငံကူးလက်မှတ်သက်တမ်း ကုန်ဆုံးမည့် လုပ်သားစာရင်းကို သတ်မှတ်ပုံစံအတိုင်း ပြုစုပြီး ဇန်နဝါရီလ ၂၀ ရက် နောက်ဆုံးထားကာ ကောင်စစ်တာဝန်ခံ အရာရှိ ဒေါ်ခင်မာလာဝင်းထံပေးပို့ရန် သံရုံးက အသိပေးထားသည်။

လက်ရှိတွင်လည်း ပတ်စ်ပို့သက်တမ်းကုန်ဆုံးနေသည့် ထိုင်းနိုင်ငံရောက်မြန်မာနိုင်ငံသားများကို ရက်ချိန်တိုကင်များကို ပြီးခဲ့သည့် ဇန်နဝါရီ ၇ ရက်တွင် ထုတ်ပေးခဲ့ကြောင်းသိရသည်။

သံရုံး၌ လက်ခံဆောင်ရွက်ပေးလျက်ရှိသည့် နိုင်ငံကူးလက်မှတ်အမျိုးအစားများမှာ ထိုင်းနိုင်ငံတွင် အလုပ်လုပ်ကိုင်နေသည့် မြန်မာနိုင်ငံသားများကိုင်ဆောင်သည့် PJ အမျိုးအစားနိုင်ငံကူးလက်မှတ်များ၊ ပြည်ပ၌ ပညာသင်ကြားလျက်ရှိသည့် မြန်မာနိုင်ငံသားကျောင်းသားများကိုင်ဆောင်သည့် PE အမျိုး အစားနိုင်ငံကူးလက်မှတ်များ၊ ပြည်ပ၌ ပညာသင်ကြားလျက်ရှိသည့် မြန်မာသံဃာတော်များကိုင်ဆောင်သည့် PR အမျိုးအစားနိုင်ငံကူး လက်မှတ်များ၊ထိုင်းနိုင်ငံတွင်မှီခိုဗီဇာဖြင့်နေထိုင်လျက်ရှိသည့် မြန်မာနိုင်ငံသားများကိုင်ဆောင်သည့် PT အမျိုးအစားနိုင်ငံကူးလက်မှတ်များ၊ မြန်မာနိုင်ငံသားသင်္ဘောသားများကိုင်ဆောင်သည့် PS အမျိုးအစားနိုင်ငံကူးလက်မှတ်များစသည်တိုကို ဘန်ကောက်မြိုရှိ မြန်မာသံရုံးအနေဖြင့် သံရုံး၌ကြိုတင်ရက်ချိန်း ရယူပြီးပါက ဖော်ပြပါနိုင်ငံကူးလက်မှတ်များ ၏သက်တမ်းတိုးလုပ်ငန်းများကိုနေ့ချင်းပြီး ဆောင်ရွက်ပေးနေခြင်းဖြစ်ကြောင်းသိရသည်။

#ymg/sth
#Yangon_Media_Group

#World_Politics
Published 13 January 2023

အမေရိကန်သမ္မတ'ဂျိုးဘိုင်ဒင်'ရဲ့ အုပ်ချုပ်ရေးအဖွဲ့ဟာ သမ္မတနေအိမ်နဲ့ ရုံးဟောင်းတို့မှာ စာရွက်စာတမ်းများ မလျော်မကန်သိမ်းဆည်းမှုကို စုံစမ်းစစ်ဆေးရန်အတွက် ဥပဒေအကျိုးဆောင်အထူးအဖွဲ့ကို ကြာသပတေးနေ့က ရွေးချယ်ခဲ့ကာ နိုင်ငံရေးအဓိကပြိုင်ဘက် 'ဒေါ်နယ်ထရမ့်'ကို အကြီးအကျယ်စုံစမ်းမေးမြန်းနေခြင်းကနေ ဆက်လက်ရိုက်ခတ်လာတဲ့သဘော ရှိနေပါတယ်။

ဒေါ်နယ်ထရမ့် ထိပ်တန်းစာရွက်စာတမ်းများ လက်ကိုင်ထားခြင်းနဲ့ပတ်သက်ပြီး ဘိုင်ဒင်က ဝေဖန်ခဲ့ကာ အခုလိုစစ်ဆေးခံရခြင်းက ဘိုင်ဒင်အတွက် အနှောင့်အယှက်ဖြစ်စေတဲ့အပြင် ၂၀၂၄ ရွေးကောက်ပွဲအတွက် ပြင်ဆင်နေမှုအပေါ် ထိခိုက်လာနိုင်ပါတယ်။

ထရမ့်လက်ထက်က ဖက်ဒရယ်ထိပ်သီးရှေ့နေအဖြစ် ထမ်းဆောင်ခဲ့တဲ့'ရောဘတ်ဟား'က ဒီကိစ္စကိုစစ်ဆေးဖို့ လွတ်လပ်မျှတဟန်ရှိတဲ့ရှေ့နေအဖြစ် ဆောင်ရွက်သွားမှာဖြစ်ပြီး ဘိုင်ဒင်ဒုသမ္မတအဖြစ်ထမ်းဆောင်စဉ်က စာရွက်စာတမ်းများ မလျော်မကန်သိမ်းဆည်းထားခြင်းရှိ/မရှိ ဆုံးဖြတ်သွားမှာဖြစ်ကြောင်း၊ လူတစ်ဦးတစ်ယောက် ဒါမှမဟုတ် အဖွဲ့အစည်းတစ်ခုခုက ဥပ‌ဒေချိုးဖောက်ရာ ကျသလားဆိုတာကို စစ်ဆေးသွားမှာဖြစ်ကြောင်း အမေရိကန်ရှေ့နေချုပ်'မာရစ်ဂါလန်း'က ပြောကြားခဲ့ပါတယ်။

ဘိုင်ဒင်နေအိမ်ရှိ သော့ခတ်ထားတဲ့ဂိုဒေါင်နဲ့ ကပ်လျက်အခန်းမှာ ပစ္စည်းအချို့တွေ့ရှိခဲ့ကာ ပူးပေါင်းဆောင်ရွက်သွားမယ်လို့ အိမ်ဖြူတော်က ကတိပြုလိုက်ပါတယ်။

နှံ့စပ်စွာလေ့လာစစ်ဆေးပြီး ဒီပစ္စည်းတွေက လွဲမှားစွာရောက်ရှိနေတယ်ဆိုတာကို သက်သေပြနိုင်မယ်လို့ ယုံကြည်ကြောင်း အိမ်ဖြူတော်ရှေ့နေ'ရစ်ချတ်ဆော်ဘာ'က ထုတ်ပြန်ခဲ့ပါတယ်။

အခုဆိုရင် ဘိုင်ဒင်ရော ထရမ့်ကိုပါ အထူးရှေ့နေတွေ စုံစမ်းနေကြပါတယ်။

ဒီရှေ့နေတွေဟာ တရားရေးဌာနကနေ အတိုင်းအတာတစ်ခုထိ လွတ်လပ်စွာရှိနေရန်အတွက် အထိအခိုက်မခံနိုင်တဲ့ နိုင်ငံရေးကိစ္စတွေကိုစုံစမ်းဖို့ ခန့်အပ်ထားတာဖြစ်ပါတယ်။

ထရမ့်ဆီကနေ စာရွက်စာတမ်းအနည်းငယ် တွေ့ရှိပြီးနောက် သက်ဆိုင်ရာစာရွက်များကို ပြန်လည်လွှဲပြောင်းပေးခဲ့ကြောင်း ဘိုင်ဒင်ရဲ့ရှေ့နေတွေက ပြောကြားခဲ့ပါတယ်။

ဩဂုတ်လက စာရွက်စာတမ်း ၁၀၀ ခန့်ကို FBI ကရှာဖွေမတွေ့ရှိခင်အထိ ထရမ့်က ထိုအကြောင်းတွေကိုငြင်းဆန်ခဲ့တာကြောင့် စုံစမ်းစစ်ဆေးခြင်းဝတ္တရား နှောင့်ယှက်ရာကျသလားဆိုပြီး မေးခွန်းထုတ်လာကြပါတယ်။

အချက်အလက်တွေက ဒီထက်ပိုပြီးကွဲလွဲနေလို့မဖြစ်ကြောင်း၊ တူတာတစ်ခုက ဒီစာရွက်စာတမ်းတွေဟာ အိမ်ဖြူတော်ကနေ အခြားတစ်နေရာရာကို ရောက်ရှိသွားတာဖြစ်ကြောင်း အမျိုးသားလုံခြုံရေးဥပဒေအကျိုးဆောင်အဖွဲ့မှ အကြီးအကဲ'ကယ်လ်မက်ကလာနာဟန်'က ဆိုပါတယ်။

ထရမ့်ရဲ့စာရွက်စာတမ်းကိစ္စကို ကိုင်တွယ်နေတဲ့ အထူးစစ်ဆေးရေးအဖွဲ့ဟာ ၂၀၂၀ ခုနှစ်တုန်းက ဘိုင်ဒင်ကို ရွေးကောက်ပွဲမှာ ရှုံးနိမ့်ခဲ့ခြင်းအပေါ် ပြန်ပြောင်းလဲနိုင်ဖို့ ကြိုးပမ်းခြင်းကိုလည်း ဦးဆောင်စစ်ဆေးနေပါတယ်။

Source: Reuters
#Yangon_Media_Group

#Local_News
Published_ 13 January 2023

မြန်မာနိုင်ငံနှင့်ပတ်သက်၍ အင်ဒိုနီးရှားနိုင်ငံခြားရေးဝန်ကြီး၏ စကားအပေါ် နိုင်ငံခြားရေးဝန်ကြီးဌာန(MOFA)က ထပ်မံသတိပေးတိုက်တွန်းချက် ထုတ်ပြန်လိုက်သည်။

ယင်းထုတ်ပြန်ချက်တွင် မြန်မာနိုင်ငံအနေဖြင့် အာဆီယံ၏ တူညီဆန္ဒ(၅)ချက် အကောင်အထည်ဖော်ခြင်းကို နိုင်ငံ၏ အမျိုးသားရေးအကျိုးစီးပွား၊ အချုပ်အခြာအာဏာပိုင်ဆိုင်မှုနှင့် တစ်နိုင်ငံ၏ပြည်တွင်းရေးကို အဖွဲ့ဝင်တစ်နိုင်ငံမှမစွက်ဖက်ရေး စသည့်အခြေခံမူများနှင့်အညီ စွဲမြဲစွာ ဆောင်ရွက်လျက်ရှိကြောင်း၊ ပါတီစုံဒီမိုကရေစီပြန်လည်ဖော်ဆောင်ရေးအတွက် ၂၀၀၈ ခုနှစ် ဖွဲစည်းပုံ အခြေခံဥပဒေနှင့်အညီ ရှေ့လုပ်ငန်းစဉ်(၅)ရပ်အား လွတ်လပ်သည့်အချုပ်အခြာအာဏာပိုင်နိုင်ငံ တစ်နိုင်ငံအဖြစ် ဆက်လက်ကြိုးပမ်းဆောင်ရွက်သွားမည်ဖြစ်ကြောင်းဖော်ပြထားသည်။

ယင်းအပြင် အာဆီယံအနေဖြင့် စည်းမျဉ်းကိုအခြေခံသည့် အဖွဲ့အစည်းဖြစ်သည်နှင့်အညီ အာဆီယံ ပဋိညာဉ်စာတမ်းပါ ပြဌာန်းချက်များနှင့် အာဆီယံအခြေခံမူများနှင့်အညီ တိတိကျကျ လေးစားလိုက်နာရန်လိုအပ်ပြီး မြန်မာအစိုးရမှကြေညာထားသည့် မည်သည့် အကြမ်းဖက်အဖွဲ့များ၊ မတရားအသင်းများနှင့်မျှ ထိတွေ့ဆက်ဆံခြင်းမပြုရန်လိုအပ်ကြောင်းကို ထပ်လောင်းသတိပေးတိုက်တွန်းကြောင်း ထုတ်ပြန်ထားခြင်း ဖြစ်သည်။

အာဆီယံ အလှည့်ကျ ဥက္ကဋ္ဌ အင်ဒိုနီးရှားနိုင်ငံ နိုင်ငံခြားရေးဝန်ကြီး Retno Marsudi က မြန်မာ့အရေးကြောင့် အာဆီယံ အသိုက်အဝန်းဖွံ့ဖြိုးတိုးတက်မှုပေါ်အထိခိုက်ခံမည်မဟုတ်ကြောင်း၊ ပြဿနာကို ဖြေရှင်းရန် အာဆီယံအထူးသံတမန်ရုံး ဖွင့်လှစ်၍သူကိုယ်တိုင်ဦးစီးကာ မြန်မာ့အရေး သက်ဆိုင်သူအားလုံးနှင့် စေ့စပ်ဆွေးနွေးသွားမည်ဖြစ်ကြောင်း ဇန်နဝါရီလ ၁၁ ရက်တွင် အင်ဒိုနီးရှားနိုင်ငံ ၊ ဂျာကာတာ၌ ပြုလုပ်ခဲ့သော နှစ်ပတ်လည် မိန့်ခွန်းအတွင်း ထည့်သွင်း ပြောကြားခဲ့ခြင်း ဖြစ်သည်။

နစက အနေဖြင့် ယခုအချိန်ထိ အာဆီယံ၏ ဘုံသဘောတူညီချက် ၅ ချက်ကို အပြည့်အဝလိုက်နာ အကောင်အထည်ဖော်ခြင်း မရှိသေးကြောင်း၊ မြန်မာ့အရေးကို ဆောင်ရွက်ရာတွင် တရားဥပဒေစိုးမိုးရေး၊ ကောင်းမွန်သောအုပ်ချုပ်မှု၊ ဒီမိုကရေစီမူများအပါအဝင် အာဆီယံ ပဋိညာဉ်စာတမ်း၏ အခြေခံမူများ၊ စံတန်ဖိုးများနှင့်အတူ ကုလသမဂ္ဂအတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ်နှင့် ပူးပေါင်းဆောင်ရွက်သွားမည်ဖြစ်ကြောင်းလည်း ယင်းက ပြောကြားခဲ့ခြင်း ဖြစ်သည်။

#ymg/mt
#Yangon_Media_Group

#Local_News
Published_ 13 January 2023

ပြည်တွင်းစက်သုံးဆီဈေးနှုန်း ဆက်တိုက်မြင့်တက်လာကြောင်း စက်သုံးဆီအရောင်းဆိုင်များ၏ ဈေးနှုန်းများအရ သိရသည်။

၂၀၂၃ ခုနှစ် နှစ်ဆန်းပိုင်းမှစတင်ကာ ပြည်တွင်းစက်သုံးဆီဈေးနှုန်းမှာကျဆင်းလာပြီး ဇန်နဝါရီ ၁၂ ရက်တွင် ပြန်လည်မြင့်တက်လာခြင်းဖြစ်သည်။

ယနေ့(ဇန်နဝါရီလ ၁၃ ရက်)တွင် ပြည်တွင်းစက်သုံးဆီဈေးနှုန်းမှာ ၉၂ တစ်လီတာ ၂၀၉၅ ကျပ်၊ ၉၅ တစ်လီတာ ၂၁၆၀ ကျပ်၊ ဒီဇယ်တစ်လီတာ ၂၃၆၅ ကျပ်၊ ပရီမီယံဒီဇယ်တစ်လီတာ ၂၄၄၅ ကျပ်ထိမြင့်တက်လာပြီး ယမန်နေ့တွင် ၉၂ တစ်လီတာ ၂၀၃၅ ကျပ်၊ ၉၅ တစ်လီတာ ၂၀၉၀ ကျပ်၊ ဒီဇယ်တစ်လီတာ ၂၃၁၀ ကျပ်၊ ပရီမီယံဒီဇယ်တစ်လီတာ ၂၃၉၀ ကျပ်ဖြစ်ကြောင်း သိရသည်။

စက်သုံးဆီဈေးနှုန်းအတက်အကျ မမှန်ခြင်းကြောင့် ယာဉ်မောင်းများအနေဖြင့် အခက်အခဲများရှိလာပြီး၊ တချို့ယာဉ်မောင်းများသည် အုံနာခမတတ်နိုင်သည့်အတွက် ပြေးဆွဲမှုရပ်နားထားရကြောင်း သိရသည်။

စက်သုံးဆီတင်သွင်းသိုလှောင်ဖြန့်ဖြူးခြင်းလုပ်ငန်း ကြီးကြပ်ရေး ကော်မတီအနေဖြင့် ရန်ကုန်၊ မန္တလေးနှင့် အခြားတိုင်းနှင့်ပြည်နယ် အသီးသီးတွင် ရောင်းချရမည့် စက်သုံးဆီအခြေခံရည်ညွှန်းဈေးနှုန်းများကို နေ့စဉ်ထုတ်ပြန်ပေးလျက်ရှိကြောင်း သိရသည်။

ပြည်တွင်းရှိ စက်သုံးဆီ ရောင်းချသူများအနေဖြင့် စက်သုံးဆီ ဈေးနှုန်းများကို ဈေးကစားခြင်း၊ သိုလှောင်ထားရှိခြင်းများ၊ ဈေးတင်ရောင်းချခြင်းများ မပြုလုပ်ရန်နှင့် ယင်းသို့ပြုလုပ်ပါက အရေးကြီးကုန်စည် ဥပဒေဖြင့် အရေးယူဆောင်ရွက်မည် ဖြစ်ကြောင်းလည်းစက်သုံးဆီ တင်သွင်းသိုလှောင်ဖြန့်ဖြူးခြင်း လုပ်ငန်းကြီးကြပ်ရေး ကော်မတီက အသိပေး ကြေညာထားသည်။

#ymg/sth
#Yangon_Media_Group