#Local_News
Published_10 June 2023

အားကောင်းတဲ့ လေဖိအားနည်းရပ်ဝန်းတည်ရှိနေတဲ့အပြင် မုတ်သုန်အားကောင်းနေလို့ အခုရက်ပိုင်းအတွင်း ရန်ကုန်အပါအဝင်ဒေသအချို့မှာ မိုးကြီးတာ၊လေပြင်းတိုက်တာ၊ရေကြီးတာ၊ မြေပြိုတာစတဲ့ သဘာဝဘေးတွေ ကြုံနိုင်တယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရပါတယ်။

#Local_News #ရေကြီးရေလျှံခြင်း #မြေပြိုခြင်း #သဘာဝဘေးများကြုံနိုင်
#YMG #Yangon_Media_Group

Published_10 June  2023

ပြည်တွင်းအခွန်များဦးစီးမှူးရုံးကို ဖောက်ခွဲမှုကျူးလွန်ခဲ့သည့် Brave Eagleအဖွဲ့ခေါင်းဆောင်နှင့် အဖွဲ့ဝင်(၄)ဦးအားများအား ဖမ်းဆီးရမိပြီ ဖြစ်ကြောင်း နစက သတင်းထုတ်ပြန်ရေးအဖွဲ့က သိရသည်။

 ဇွန်လ ၅ ရက် မွန်းလွဲပိုင်းက ရန်ကုန်တိုင်းဒေသကြီး၊ကျောက်တံတားမြို့နယ်၊အမှတ်(၄)ရပ်ကွက်၊ ပန်းဆိုးတန်းလမ်း၊ ပြည်တွင်းအခွန်များဦးစီးမှူးရုံး၊ (၃)လွှာရှိကုမ္ပဏီများ ဆိုင်ရာအခွန်ဌာန၊ အများပြည်သူများ ထိုင်ရန်ပြုလုပ်ထားသည့် စတီးထိုင်ခုံများဘေးမှ ပေါက်ကွဲမှုဖြစ်ပွားခဲ့ရာ အခွန်ဌာနမှ ဝန်ထမ်း ၅ ဦးနှင့် ပြည်သူ ၁ ဦးတို့တွင်(မစိုးရိမ်ရ)ဒဏ်ရာများရရှိခဲ့ကြခြင်း ဖြစ်သည်။

 မြေပြင်သတင်းဖော်ထုတ်မှုများအရ တရားခံသည် ဇွန်လ၅ ရက် နေ့လယ်ပိုင်းတွင် ပန်းဆိုးတန်းလမ်းပေါ်မှ အခွန်ဦးစီးမှူးရုံးသို့ နီညိုရောင်လက်ဆွဲအိတ်နှင့် စက္ကူဖိုင် ၁ ခု တို့ကို ကိုင်ဆောင်ကာ ဝင်ရောက်လာခဲ့ပြီး ပေါက်ကွဲမှုဖြစ်ပွားခဲ့သည့် တတိယထပ်ရှိ စတီးထိုင်ခုံ၌ ၂ မိနစ်ခန့်ထိုင်၍ လက်ဆွဲအိတ်ကို ထိုင်ခုံဘေးတွင်ချထားကာ အဝေးမှ ရီမုဖြင့် ဖောက်ခွဲခဲ့ခြင်း ဖြစ်ကြောင်း သိရသည်။

 အဆိုပါ ရီမုမိုင်းဖောက်ခွဲခဲ့သူသည် ကြည့်မြင်တိုင်မြို့နယ်၊အုန်းပင်လမ်းနှင့် ဗိုလ်သူရလမ်းပေါ်ရှိ တိုက်အမှတ်(၂၇)၊ (၂)လွှာ၊ အခန်း(B)တွင် နေထိုင်ကြောင်း သိရှိရသဖြင့် လုံခြုံရေး ပူးပေါင်းအဖွဲ့မှ သွားရောက်ဖမ်းဆီးခဲ့ရာ ထွက်ပြေးတိမ်းရှောင်သွားခဲ့ပြီး တိုက်ခန်းအတွင်း လက်ပစ်ဗုံး ၄ လုံး၊ လက်လုပ်ဗုံး ၁ လုံး၊ အင်္ကျီနှင့် ပုဆိုးတို့ကို သိမ်းဆည်းရမိခဲ့ကြောင်း ၊ယင်းနောက် ဇွန်လ ၈ ရက် ညနေပိုင်းတွင် စမ်းချောင်းမြို့နယ်၌ငှားရမ်းနေထိုင်သူအောင်မြင်သူ(ခ)အောင်လှိုင်ဝင်းအားဖမ်းဆီးရမိခဲ့ရာ ယင်း၏ထွက်ဆိုချက်အရ ပြည်တွင်းအခွန်များဦးစီးမှူးရုံး၌ရီမုမိုင်းထောင်ဖောက်ခွဲ ခဲ့သည့် အောင်မြင့်မြတ်(ခ)ပြည့်ဖြိုးအောင် (ခ) Mood နှင့်ဓနနောင်ဝင်း (ခ) ရှိုင်းထက်ကိုကို(ခ) Roke တို့ ၂ ဦးအား ထပ်မံဖမ်းဆီးရမိခဲ့ကြောင်း၊ယင်းနောက်ကျော်စည်သူ(ခ)Jack အား ဖမ်းဆီးရမိခဲ့ပြီးအောင်ခန့်ပိုင်(ခ)ဝီလီယံ အား ထပ်မံဖမ်းဆီးရမိခဲ့သောကြောင့် ဖြစ်စဉ်တွင် လက်လုပ်မိုင်း ဖောက်ခွဲခဲ့သည့် အမျိုးသား  ၅ ဦးနှင့်အတူလက်ပစ်ဗုံး ၄ လုံး၊ လက်လုပ်ဗုံး ၁ လုံးတို့ကို ဖော်ထုတ်ဖမ်းဆီးရမိခဲ့ကြောင်း သိရသည်။

 ဖမ်းဆီးရမိ သူများ၏ ထွက်ဆိုချက်အရ Brave Eagle အဖွဲ့အနေဖြင့်ကမာရွတ်မြို့နယ်၊ ရွှေလီလမ်းရှိ အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုဗဟိုဌာနရုံး ယာဉ်ရပနားနေရာအပါအဝင် ရန်ကုန်မြို့နယ်အတွင်း၌ အကြမ်းဖက်ဖောက်ခွဲမှု ၇ ကြိမ်ဆောင်ရွက်ခဲ့ကြောင်း၊ အောင်မြင့်သူ(ခ) အောင်လှိုင်ဝင်းသည်ဖမ်းဆီးရန်ကျန် တရားခံ ချမ်းငြိမ်းသူ(ခ)ပန်ဒါ၏ ချိတ်ဆက်ပေးမှုဖြင့် ဖမ်းဆီးရန်ကျန်တရားခံပြေး NLD ပါတီဝင်ဟောင်း မျိုးရန်နောင်သိမ်း ထံမှ ရန်ကုန်မြို့အတွင်းအကြမ်းဖက်လုပ်ငန်းများ ဆောင်ရွက်ရန်အတွက် လက်နက်ဝယ်ယူရန် ငွေကျပ် သိန်း ၅၀ကို ရရှိခဲ့ကြောင်း၊ ၎င်းငွေများကို ပစ္စတိုသေနတ်ဝယ်ယူရန် ချမ်းငြိမ်းသူ(ခ)ပန်ဒါထံသို့ ပြန်လည် လွှဲပြောင်းပေးခဲ့ကြောင်း ဖော်ထုတ်သိရှိရကြောင်း နစက သတင်းထုတ်ပြန်ရေးအဖွဲ့က ထုတ်ပြန်ထားသည်။

 ယင်းအပြင် ကြံ့ခိုင်ရေးနှင့် ဖွံ့ဖြိုးရေးပါတီရုံးအား မိုင်းထောင်ဖောက်ခွဲရန် စီစဉ်ထားရှိကြောင်းဖော်ထုတ်သိရှိရကြောင်းလည်း နစက သတင်းထုတ်ပြန်ချက်တွက် ဖော်ပြထားသည်။

ymg/BM

Yangon_Media_Group

#Local_News
Published_10 June 2023

ပြီးခဲ့တဲ့တစ်ပတ်လုံး ကမ္ဘာ့ရွှေစျေးဟာ အနိမ့်ဘက်ကိုဦးတည်ခဲ့ပေမယ့် ပြည်ပရွှေစျေးကတော့ ၃၁ သိန်းနီးပါအထိ စျေးမြင့်တက်ခဲ့ပါတယ်။

#Local_News #အရောင်းအ၀ယ်အေးနေ #Gold
#YMG #Yangon_Media_Group

#Asia_Development
Published 10 June 2023

တရုတ်တောင်ပိုင်း ပင်လယ်ဖြတ်ကူးစီမံကိန်းကြီးဖြစ်တဲ့ ရှန်ကျန်ကျုံရှန်စင်္ကြံရှိ ရေအောက်ဥမင်လှိုဏ်ခေါင်းအတွက် ရေနစ်မြုပ်ပိုက်များထုတ်လုပ်ရာမှာ ဆန်းသစ်တီထွင်တဲ့ နည်းလမ်းအမြောက်အများကို အသုံးပြုထားပါတယ်။

#Asia_Development #ရှန်ကျန်ကျုံရှန်စင်္ကြံရေအောက်ဥမင်လှိုဏ်ခေါင်းကြီး ဆောက်လုပ် #YMG #Yangon_Media_Group

#Health_Matters
Published_ 10 May 2023

- အဲဒီကပ်ရောဂါအသစ်ကို ရှောင်လွှဲလို့မရနိုင်ဘူးလားဆရာ ...??

#Health_Matters #ကပ်ရောဂါအသစ်တစ်ခုထပ်လာနိုင်
#Dr.KML #YMG #Yangon_Media_Group

#Local_News
Published_10 June 2023

ပြည်တွင်းမှဆန်စျေးများ ဆက်တိုက်ဆိုသလိုမြင့်တက်နေပြီး ဆန်ကြမ်းတစ်ပြည်ကို ၃၀၀၀ နီးပါးရှိနေတယ်လို့ ရန်ကုန်မြို့ရှိ အခြေခံလူတန်းစားတွေအများစုနေထိုင်တဲ့ ရပ်ကွက်တွေစီက သိရပါတယ်။

#Local_News #ဆန်ကြမ်းတစ်အိပ်ကို၇သောင်းကျော် #ပြည်တွင်းဆန်စျေးများ ဆက်တိုက်မြင့်တက် #YMG #Yangon_Media_Group

#Health_Matters
Published_ 10 May 2023

- ဒီတစ်ခါဖြစ်လာနိုင်တဲ့ကပ်ရောဂါအသစ်ဟာ ကိုဗစ်ထက်ဆိုးလာနိုင်သလားဆရာ ...??

#Health_Matters #ကပ်ရောဂါအသစ်တစ်ခုထပ်လာနိုင်
#Dr.KML #YMG #Yangon_Media_Group

#Daily_News
Published_ 10 June 2023

၁။ ပြည်တွင်းဆန်စျေးများ ဆက်တိုက်မြင့်တက်နေပြီး ဆန်ကြမ်းတစ်အိပ်ကို ၇သောင်းကျော်နေ

၂။ ပြင်ပရွှေပေါက်စျေး ၃၁သိန်းနီးပါးရှိနေပြီး အရောင်းအ၀ယ်အေးနေ

၃။ မုတ်သုန်အားကောင်းနေ၍ ဒေသအချို့တွင် ရေကြီးရေလျှံခြင်း၊ မြေပြိုခြင်း စသည့်သဘာဝဘေးများကြုံနိုင်

၄။ တောင်တရုတ်ရှိ ပင်လယ်ဖြတ်ကူးရေးစီမံကိန်းကြီးဖြစ်သည့် ရှန်ကျန်ကျုံရှန်စင်္ကြံရေအောက်ဥမင်လှိုဏ်ခေါင်းကြီး ဆောက်လုပ်လျက်ရှိ.... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group #Daily_News #YMG

#Health_Matters
Published_ 10 June 2023

- ပညာရှင်အချို့က ကပ်ရောဂါအသစ်တစ်ခု ကမ္ဘာပေါ်မှာ ရှိလာနိုင်တယ်လို့ ပြောနေကြတဲ့အပေါ် ဆရာ့အမြင် ...??

#Health_Matters #ကပ်ရောဂါအသစ်တစ်ခုထပ်လာနိုင်
#Dr.KML #YMG #Yangon_Media_Group

#Local_News
Published_10 June 2023

၂၀၂၂-၂၀၂၃ ပညာသင်နှစ် တက္ကသိုလ်ဝင်စာမေးပွဲတွင် မျက်မမြင်ကျောင်းသား၊ကျောင်းသူ(၅)ဦး ထူးချွန်စွာအောင်မြင်ခဲ့​ကြောင်းမြန်မာနိုင်ငံမျက်မမြင်များအသင်းမှသိရသည်။

ဘဝသစ်မျက်မမြင်ကျောင်း (မိတ္တီလာ) မှ မျက်မမြင်ကျောင်းသားကျောင်းသူ ဖြေဆိုသူ ၂ ဦးရှိသည့်အနက် အောင်မြင်သူ ၁ ဦး၊ ခဝဲခြံမျက်မမြင်ကျောင်း (ရန်ကုန်) မှ ဖြေဆိုသူ ၇ ဦးရှိသည့်အနက် အောင်မြင်သူ ၄ ဦးရှိပြီး တစ်ဦးမှာ ဘောဂဗေဒဘာသာရပ်ဖြင့် ဂုဏ်ထူး ၁ ဘာသာရရှိကာ အသီးသီးအောင်မြင်ခဲ့ကြခြင်းဖြစ်သည်။

ယင်းကဲ့သို့ထူးချွန်စွာဖြေဆိုအောင်မြင်ခဲ့ကြသော ကျောင်းသားကျောင်းသူများ၏ အောင်မြင်မှုများအပေါ် မြန်မာနိုင်ငံမျက်မမြင်များအသင်းမှ ဝမ်းမြောက်ဂုဏ်ယူပါကြောင်း မှတ်တမ်းတင်ဂုဏ်ပြုကြောင်း ထုတ်ပြန်ထားသည်။

#ymg/tthl #Local_News #မျက်မမြင်ကျောင်းသားကျောင်းသူ(၅)ဦးထူးချွန်စွာအောင်မြင်၊တစ်ဦးဂုဏ်ထူးထွက် #YMG #Yangon_Media_Group

#Local_News
Published_10 June 2023

ရှမ်းပြည်နယ်၊ လားရှိုးခရိုင်၊ လားရှိုးမြို့နယ်၊ ဟက်ကာကျေးရွာတွင် ဇွန်လ ၁၀ ရက်နေ့ နံနက် ၁နာရီကျော်ခန့်က မိုးရွာသွန်းမှုကြောင့် လူနေအိမ်ပေါ်သို့ မြေထိန်းနံရံအုတ်တံတိုင်း ပြိုကျမှုဖြစ်ပွားပြီး လူ ၄ ဦးသေဆုံးခဲ့ကြောင်း မြန်မာနိုင်ငံမီးသတ်ဌာနမှ သိရသည်။ သေဆုံးသူများမှာ အမျိုးသမီး ၁ ဦး နှင့် အမျိုးသား ၃ ဦးဖြစ်ကြောင်းလည်း သိရသည်။

အဆိုပါဖြစ်စဥ်နဲ့ပတ်သပ်ပြီး လူပိတ်မိနေကြောင်း ပတ်၀န်းကျင်မှ အ​ကြောင်းကြာလာတာကြောင်း လားရှိုးခရိုင်မီးသတ်စခန်းမှ ရှာဖွေကယ်ဆယ်ရေးယာဉ်ပါအ၀င် အရပ်ဖက်အဖွဲ့အစည်းများ ပူးပေါင်းဆောင်ရွက်ခဲ့ကြောင်း မြန်မာနိုင်ငံမီးသတ်တပ်ဖွဲ့မှ ထုတ်ပြန်ထားသည်။

အဆိုပါဖြစ်စဥ်ကို လားရှိုးမြို့နယ်မီးသတ်စခန်း၊ မြန်မာနိုင်ငံကြက်ခြေနီအသင်း၊ ပေးသောလက်လူမှုကူညီရေးအသင်း၊ ကမ္ဘောဇလူမှုကူညီရေးအသင်း၊ လားရှိုးလူငယ်လူမှုကူညီရေးအသင်းများ၏ လူနာတင်ယာဥ်များဖြင့် ကျား (၃)ဦး(သေဆုံး) နှင့် မ(၁)ဦး (သေဆုံး) လားရှိုးပြည်သူ့ဆေးရုံသို့ ပို့ဆောင်ပေးခဲ့ကြောင်း မြန်မာနိုင်ငံမီးသတ်တပ်ဖွဲ့မှ ထုတ်ပြန်ထားပါသည်။

#ymg/ynzw #Local_News #လားရှိုး #အုတ်တံတိုင်းပြိုကျလူ၄ဦးသေဆုံး
#YMG #Yangon_Media_Group

#World_News
Published 10 June 2023

မကြာမီကျင်းပမယ့် အမေရိကန်သမ္မတရွေးကောက်ပွဲများမတိုင်မီ အံ့အားသင့်ဖွယ်သတင်းတစ်ခု ထွက်ပေါ်လာပါတယ်။

မီဒီယာတစ်ခုရဲ့ဖော်ပြချက်အရ သမ္မတ'ဂျိုးဘိုင်ဒင်'ဟာ ယူကရိန်းဓာတ်ငွေ့ကုမ္ပဏီ'ဘာရစ္စမာဟိုးလ်ဒင်းစ်'ရဲ့ အမှုဆောင်တစ်ဦးထံမှ ဒေါ်လာ ၅ သန်းလက်ခံရရှိခဲ့တယ်လို့ သိရပါတယ်။

ဂျိုးဘိုင်ဒင်ရဲ့သား'ဟန်တာဘိုင်ဒင်'ဟာ ထိုကုမ္ပဏီရဲ့ဘုတ်အဖွဲ့မှာ တာဝန်ထမ်းဆောင်ခဲ့တယ်လို့လည်း သိရပါတယ်။

ယူကရိန်းအစိုးရရှေ့နေ'ဗစ်ခ်တာရှိုကင်'မှ အကျင့်ပျက်ခြစားမှုစုံစမ်းစစ်ဆေးမှုကြောင့် အမေရိကန်ရေနံဈေးကွက်သို့ ဝင်ရောက်ရန်စိန်ခေါ်မှုများနဲ့ ရင်ဆိုင်နေရတဲ့ ဓာတ်ငွေ့ကုမ္ပဏီရဲ့အမှုဆောင်အရာရှိနဲ့ ဆက်စပ်နေတာဖြစ်ပြီး ဘိုင်ဒင်ထံမှ မျက်နှာသာပေးမှုကို လိုချင်နေခဲ့တာဖြစ်ပါတယ်။

FBI က ၂၀၂၀ တုန်းက ယုံကြည်စိတ်ချရတဲ့ သတင်းအရင်းအမြစ်တစ်ခုနဲ့ ထိုကိစ္စအကြောင်းအင်တာဗျူးစဉ် သတင်းပေးခံခဲ့ရကာ ထိုစဉ်က ဒုသမ္မတဖြစ်ခဲ့တဲ့ဘိုင်ဒင်နဲ့ နိုင်ငံခြားသားတစ်ဦးတို့ဟာ လာဘ်ပေးလာဘ်ယူအမှုတစ်ခုမှာ ပါဝင်ပတ်သက်ခဲ့တယ်လို့ စွပ်စွဲခံခဲ့ရပြီး အမေရိကန်မူဝါဒရေးရာ ဆုံးဖြတ်ချက်များအပေါ် သက်ရောက်မှုရှိတယ်လို့ သတင်းထွက်ပေါ်ခဲ့ပါတယ်။

အင်တာဗျူးပြောကြားသူဖော်ပြတဲ့ ၂၀၂၀ ဇွန်လ ၃၀ ရက်နေ့က တင်ပြချက်ဟာ အလွန်မှန်ကန်စိတ်ချရတယ်လို့ ဆိုပါတယ်။

ထိုသူဟာ ၂၀၁၅ ခုနှစ်ကစလို့ ဘာရစ္စမာမှအကြီးတန်းအမှုဆောင်များနဲ့ အစည်းအဝေးအများအပြား တက်ရောက်ဆွေးနွေးခဲ့ရတယ်လို့ ဆိုပါတယ်။

ထိုအစည်းအဝေးပွဲတွေမှာ ဘာရစ္စမာအမှုဆောင်က အမေရိကန်ရှိ ရေနံရပိုင်ခွင့်များရယူရန်နဲ့ အမေရိကန်ရေနံကုမ္ပဏီတစ်ခုနဲ့ ဆက်သွယ်ချိတ်ဆက်ရန်ကိစ္စများနဲ့ ပတ်သက်ပြီး သတင်းပေးသူထံကနေ အကြံဉာဏ်များရယူခဲ့ပါတယ်။

ယူကရိန်းအစိုးရရှေ့နေ'ဗစ်ခ်တာရှိုကင်'မှ ဆက်လက်စုံစမ်းစစ်ဆေးမှုများကြောင့် ဘာရစ္စမာက ဘိုင်ဒင်ကို ငွေပေးချေရမယ်လို့ အမှုဆောင်က ရှင်းပြခဲ့ပါတယ်။

ထိုစုံစမ်းစစ်ဆေးမှုအတွင်း ဘာရစ္စမာအနေနဲ့ အမေရိကန်ဈေးကွက်ထဲ ဝင်ရောက်ရာမှာ ရင်ဆိုင်ရမယ့်အခက်အခဲတွေကို အမှုဆောင်က အလေးထားဖော်ပြခဲ့ပါတယ်။

လျှို့ဝှက်သတင်းပေးက ဘာရစ္စမာအမှုဆောင်အနေနဲ့ ဘိုင်ဒင်နှစ်ယောက်အတွက် ဒေါ်လာ ၅ သောင်းစီပေးဖို့ အကြံပြုခဲ့တယ်လို့ ဖော်ပြခဲ့ပေမယ့် တကယ်တမ်းမှာတော့ ဘိုင်ဒင်တစ်ယောက်စီအတွက် ဒေါ်လာ ၅ သန်းပေးရတာဖြစ်တယ်လို့ ပြန်ပြင်ပြောခဲ့ပါတယ်။

ဒီလိုပေးချေဖြစ်သွားတာက ဘိုင်ဒင်တို့နဲ့ ဘာရစ္စမာအမှုဆောင်တို့ ပြောဆိုဆွေးနွေးတဲ့အပေါ် အခြေခံသွားတာဖြစ်ကြောင်း ထိုသတင်းပေးကဆိုခဲ့တယ်လို့ Fox News Digital ထံ အသိပေးခဲ့ပါတယ်။

ငွေပေးချေရာမှာ ဘဏ်အကောင့်အများအပြားသို့ လွှဲပေးခဲ့တာကြောင့် ထောက်လှမ်းရေးများ အနည်းဆုံးဆယ်စုနှစ်တစ်ခုလောက် အဖြစ်မှန်ဖော်ထုတ်နိုင်ဖို့ ခက်ခဲနေခဲ့ပါတယ်။

Source: WION #World_News #ဒေါ်လာ(၅)သန်းဘိုင်ဒင်လာဘ်စားခဲ့ဟုသတင်းထွက် #YMG #Yangon_Media_Group