#Local_News
Published_ 16 January 2023

လတ်တလောမှာ ညအပူချိန်တွေကျဆင်းပြီး ရေခဲအမှတ်နား (၅)ဒီဂရီစင်တီဂရိတ်အောက်ရောက်ရှိတဲ့ ဒေသ(၈)ခုရှိတယ်လို့ မိုးလေဝသနှင့်ဇလဗေဒညွှန်ကြားမှုဦးစီးဌာနမှ သိရပါတယ်၊၊

#Yangon_Media_Group

#Local_News
Published_ 16  January 2023

ပြီးခဲ့သည့် ရက်ပိုင်းအတွင်း၌ မီးလောင်ပျက်စီးခဲ့သည့် အရက်ချက်စက်ရုံ မီးလောင်မှုမှာ ဆုံးရှုံးမှုပမာဏများနှင့် ပတ်သက်၍ အာမခံ ကုမ္ပဏီတွေနှင့် ဆွေးနွေးနေပြီး တစ်လအတွင်း အရက်ထုတ်လုပ်မှု လုပ်ငန်းများ ပြန်စတင်သွားမည်ဖြစ်ကြောင်း Grand Royal Group International (GRGI) က ထုတ်ပြန်ထားပါတယ်။

ရန်ကုန်တိုင်း၊ မှော်ဘီမြို့နယ်တွင်ရှိသည့် Grand Royal ကုမ္ပဏီ၏ အရက်ချက်စက်ရုံသည် ပြီးခဲ့သည့် ဇန်နဝါရီလ ၁၃ ရက်တွင် မီးလောင်မှုဖြစ်ပွားခဲ့ခြင်းဖြစ်ပြီး အဆိုပါ မီးလောင်မှုကို မြန်မာနိုင်ငံမီးသတ်အဖွဲ့မှ ၁၅ နာရီကျော်ကြာ ငြှိမ်းသတ်ခဲ့ရပြီး မီးသတ်အဖွဲ့ဝင်အချို့လည်း ထိခိုက်ဒဏ်ရာရခဲ့ခြင်း ဖြစ်သည်။

အဆိုပါဖြစ်စဉ်နှင့်ပတ်သက်၍ Grand Royal Group International ကုမ္ပဏီမှ ယနေ့တွင် ထုတ်ပြန်ချက်တစ်စောင် ထုတ်ပြန်ခဲ့ခြင်းဖြစ်သည်။

မီးလောင်မှုဖြစ်ရသည့် အကြောင်းအရင်းကို စုံစမ်းနေဆဲဖြစ်ပြီး သိရှိရသည့် အထောက်အထားတွေအရ မတော်တဆ မီးလောင်မှုဟု ယူဆရကြောင်း ထုတ်ပြန်ထားသည်။

ယင်းအပြင် ကုမ္ပဏီအနေဖြင့် ဒေသဆိုင်ရာ အာဏာပိုင်တွေနှင့် စစ်ဆေးမှုများတွင် ပူးပေါင်းဆောင်ရွက်နေပြီး သက်ဆိုင်ရာ အာမခံကုမ္ပဏီတွေနှင့်လည်း သင့်တော်သည့် ဆုံးရှုံးမှုပမာဏအတွက် ဆွေးနွေးနေကြောင်း GRIG က ထုတ်ပြန်ထားသည်။

ကုမ္ပဏီအနေဖြင့် လာမည့် ၂၀၂၃ ခုနှစ် ဖေဖော်ဝါရီ လကုန်နောက်ဆုံးထားပြီး၊ အရက်ချက်လုပ်ခြင်းနှင့် ပုလင်းသွတ် လုပ်ငန်းတွေ ပြန်လည်စတင်ရန် ခန့်မှန်းထားကြောင်းလည်း သတင်းထုတ်ပြန်ထားသည်။

#ymg/sth
#Yangon_Media_Group

#Local_News

Published_ 16 January 2023

ဂျပန်နိုင်ငံရှိ ကုမ္ပဏီများ၌အလုပ်လုပ်ကိုင်ရန် မြန်မာလုပ်သား အမျိုးသား ၂၈၁ ဦးနှင့် အမျိုးသမီး ၃၃၃ ဦး စုစုပေါင်း ၆၁၄ ဦးခေါ်သွားရန် အလုပ်ကမ်းလှမ်းစာ ၁၅၂ စောင်ရရှိထားကြောင်း ဂျပန်နိုင်ငံဆိုင်ရာ မြန်မာသံရုံး၊ တိုကျိုမြို့က အသိပေးထုတ်ပြန်ထားသည်။

အဆိုပါ အလုပ်ကမ်းလှမ်းစာ ၁၅၂ စောင်အား မြန်မာသံရုံး၊ တိုကျိုမြို့က ဇန်နဝါရီလ ၁ ရက်မှ ဇန်နဝါရီလ (၁၆)ရက် အတွင်းစိစစ်ပြီးနောက် ယင်းကမ်းလှမ်းစာများနှင့်ပတ်သက်သည့် အချက်အလက်များအား နိုင်ငံခြား ရေးဝန်ကြီးဌာနသို့ ပေးပို့ပြန်ကြားခဲ့ခြင်းဖြစ်သည်။

အဆိုပါ အလုပ်ကမ်းလှမ်းစာများသည် အလုပ်သမားဝန်ကြီးဌာနက နိုင်ငံခြားရေးဝန်ကြီး ဌာနမှတဆင့် ပေးပို့လာခြင်းဖြစ်၍ အလုပ်ကမ်းလှမ်းစာ (Demand Letter)များကို အချိန်နှင့်တစ်ပြေးညီ စိစစ်ဆောင်ရွက်ပေးခဲ့ကြောင်း သိရသည်။

ဂျပန်နိုင်ငံရှိ အလုပ်သမားကြီးကြပ်ရေးကုမ္ပဏီနှင့် အလုပ်ခေါ်ယူသည့် စက်ရုံ၊ ကုမ္ပဏီများသည် ဂျပန်နိုင်ငံ၌ တရားဝင်တည်ထောင်ထားခြင်း ရှိ၊ မရှိနှင့်စာရွက်စာတမ်းအထောက်အထားများအား စိစစ်၍ တွေ့ရှိချက်များ၊ သဘောထားမှတ်ချက်များကို နိုင်ငံခြားရေးဝန်ကြီးဌာနမှတစ်ဆင့် အလုပ်သမားဝန်ကြီးဌာနသို့ ပြန်လည်ပေးပို့ခဲ့ခြင်းဖြစ်သည်။

အဆိုပါ အလုပ်ကမ်းလှမ်းစာ ၁၅၂ စောင်အတွက် မြန်မာနိုင်ငံရှိ ပြည်ပအလုပ်အကိုင်ရှာဖွေရေး တရားဝင်လိုင်စင်ရ ကုမ္ပဏီများက မြန်မာအလုပ်သမားများအား စေလွှတ်သွားမည်ဖြစ်ကြောင်းလည်း သိရသည်။

#ymg/sth
#Yangon_Media_Group

#Local_News
Published_ 16 January 2023

အသေးစား၊ အငယ်စားနှင့် အလတ်စားလုပ်ငန်း SME လုပ်ငန်းများဖွံ့ဖြိုးတိုးတက်ရန်အတွက် အသေးစား၊ အငယ်စားနှင့်အလတ်စားလုပ်ငန်းများ ဖွံ့ဖြိုးတိုးတက်ရေးအေဂျင်စီ ဖွဲ့စည်းထားကြောင်း နိုင်ငံတော်ပြန်တမ်းအရ သိရသည်၊၊

အဆိုပါ SME ဖွံ့ဖြိုးတိုးတက်ရေးအေဂျင်စီတွင် စက်မှုဝန်ကြီးဌာနဒုတိယဝန်ကြီးက ဥက္ကဌအဖြစ်ဦးဆောင်ပါဝင်ပြီး သက်ဆိုင်ရာဌာနတွေက အဖွဲ့ဝင်များနှင့် ဖွဲ့စည်းထားပြီး အဖွဲ့ဝင်စုစုပေါင်း(၂၄)ဦး ပါဝင်ဖွဲ့စည်းထားသည်၊၊

အေဂျင်စီ၏ ရုံးလုပ်ငန်းများကို စက်မှုဝန်ကြီးဌာနမှ တာဝန်ယူဆောင်ရွက်ရမည်ဖြစ်ပြီး SME လုပ်ငန်းများ ဖွံ့ဖြိုးတိုးတက်ရေးမူဝါဒအကောင်အထည်ဖော်ရန်၊ လုပ်ငန်းများနှင့်ပတ်သက်၍ နှစ်ပတ်လည်တိုးတက်မှုဆိုင်ရာအစီရင်ခံစာတင်သွင်းရန်၊လုပ်ငန်းအခက်အခဲများ၊လိုအပ်ချက်များလျော့နည်းအောင် ကူညီပံ့ပိုးရန်၊ ဒေသဆိုင်ရာအေဂျင်စီရုံးခွဲများတည်ထောင်ပြီး တစ်နေရာတည်းဝန်ဆောင်မှုပေးသည့် အဖွဲ့ငယ်များတည်ထောင်နိုင်ရန်ညှိနှိုင်းဆောင်ရွက်ခြင်း၊SMEလုပ်ငန်းများဆိုင်ရာ ဥပဒေပညာပေးခြင်းလုပ်ငန်းများဆောင်ရွက်ခြင်းအပါအဝင်SMEလုပ်ငန်းများနှင့်ပတ်သက်၍ ငွေကြေးဆိုင်ရာများ၊မှတ်ပုံတင်ခြင်းဆိုင်ရာများ၊အငြင်းပွားဖွယ်ကိစ္စရပ်များဆိုင်ရာများ၊ ပြည်ပအဖွဲ့အစည်းများ၊အေဂျင်စီများနှင့်ပူးပေါင်းဆောင်ရွက်မှုဆိုင်ရာများ၊ပြပွဲဆိုင်ရာများစသည့် ကိစ္စရပ်များကို ယခုဖွဲ့စည်းထားသည့် SME ဖွံ့ဖြိုးတိုးတက်ရေးအေဂျင်စီမှကူညီဆောင်ရွက်ပေးသွားမည်ဖြစ်ကြောင်း ထုတ်ပြန်ချက်တွင်ဖော်ပြပါရှိသည်၊၊

#ymg/tthl
#Yangon_Media_Group

#Local_News
​Published_ 16 January 2023

​ရွှေတိဂုံစေတီတော်မှ ၂၀၂၃ခုနှစ်အတွင်းရွှေချလုပ် ငန်းအတွက် ၂"×၂" အရွယ်ရွှေရာဆိုင်း စုစုပေါင်း (၂၄၀၀၀)ဝယ်ယူရန် ဈေးပြိုင်တင်ဒါခေါ်ယူထား ကြောင်းဂေါပကအဖွဲ့၏ ထုတ်ပြန်ချက်အရ
သိရသည်၊၊

အဆိုပါ ရွှေဆိုင်းများတွင် စက်မှုရွှေ(၁၀၀၀၀)ဆိုင်းနဲ့ မြန်မာ့ရိုးရာလက်မှုရွှေ(၁၄၀၀၀)ဆိုင်းကို ဈေးပြိုင် တင်ဒါစနစ်ဖြင့် ဝယ်ယူသွားမည်ဖြစ်သည်၊၊

မြန်မာ့ရိုးရာလက်မှု ရွှေတင်ဒါဖွင့်ဖောက်ရွေးချယ်ခြင်းကို ဖေဖော်ဝါရီလ(၁၄)ရက်တွင် နေ့လယ်(၁)နာရီတွင် ရွှေတိဂုံရှိရှေးဟောင်းရုပ်ပွားတော်များတန်ဆောင်းတွင် ဆောင်ရွက်သွားမည်ဖြစ်ပြီး စက်မှုရွှေတင်ဒါဖွင့်ဖောက်ရွေးချယ်ခြင်းကို ဖေဖော် ဝါရီလ(၁၄)ရက်တွင် နေ့လယ်(၃)နာရီတွင် ဆောင်ရွက်သွားမည်ဖြစ်ကြောင်းနှင့်အသေးစိတ်သိလိုသူများ ဖုန်း၈၃၈၃၅၁၂သို့ဆက်သွယ်မေးမြန်းနိုင်ကြောင်း သိရသည်၊၊

#ymg/tthl
#Yangon_Media_Group

#Local_News
Published_ 16  January 2023

ကျန်းမာရေးဝန်ကြီးဌာန၊ ကုသရေးဦးစီးဌာနမှ ဆရာဝန် အယောက် ၂၀၀ ကိုခန့်အပ်ရန် လျှောက်လွှာများ ခေါ်ယူထားကြောင်း သိရသည်။

ဆရာဝန်(သစ်လွင်)၁၈၀ ဦး နှင့် သွားနှင့် ခံတွင်းဆရာဝန် ၂၀ ဦး ကို ခန့်အပ်သွားရန်ရှိပြီး လျှောက်ထားသူတွေသည် ၂၀၂၃ ခုနှစ် ဇန်နဝါရီလ ၂၇ ရက်တွင် အသက် ၃၅ နှစ်ထက် ကျော်လွန်သူမဖြစ်ရကြောင်း သိရသည်။

လျှောက်ထားလိုသူတွေအနေဖြင့် သက်ဆိုင်ရာဘွဲ့လက်မှတ်တွေအပါအဝင် မြန်မာနိုင်ငံဆေးကောင်စီအသိအမှတ်ပြု လိုင်စင်ကို ကိုင်ဆောင်ထားသူဖြစ်ရန်လိုအပ်ကြောင်း ကြေညာချက်တွင်ဖော်ပြထားသည်။

ယင်းအပြင် လျှောက်ထားလိုသူများသည် နေပြည်တော်ရှိ ပြည်ထောင်စုရာထူးဝန်အဖွဲ့ရုံး၊ ရန်ကုန်တိုင်း၊ တာမွေမြို့နယ်ရှိ ပြည်ထောင်စုရာထူးဝန်အဖွဲ့(ရန်ကုန်ရုံးခွဲ)၊ တိုင်းနှင့်ပြည်နယ်အစိုးရအဖွဲ့ရုံးများ၌ လျှောက်လွှာဝယ်ယူနိုင်ပြီး၊ လူကိုယ်တိုင်(သို့)စာတိုက်မှတစ်ဆင့် နေပြည်တော်ရှိ ပြည်ထောင်စုရာထူးဝန်အဖွဲ့ရုံး၊ Online စနစ်ဖြင့် e-Recruitment and Selection System (e RSS) (UCSB e-RSS Mobile Application နှင့် UCSB e-RSS Web Based)တို့ အသုံးပြု၍ လျှောက်ထားနိုင်ကြောင်း သိရသည်။

#ymg/sth
#Yangon_Media_Group

#World_Military
Published 16 January 2023

ဗြိတိန်က သူတို့ရဲ့အဓိကတိုက်ပွဲဝင်တင့်ကား ၁၄ စီးနဲ့အတူ နောက်ထပ်အမြှောက်လက်နက်များကို ယူကရိန်းအတွက်ထောက်ပံ့ပေးပို့သွားမှာဖြစ်ကြောင်း ဝန်ကြီးချုပ်'ရီရှီဆူနက်'ရဲ့ရုံးက စနေနေ့နှောင်းပိုင်းမှာ ပြောကြားလိုက်ပြီး လန်ဒန်ရှိ ရုရှားသံရုံးရဲ့ဝေဖန်မှုကို လစ်လျူရှုတဲ့သဘောဖြစ်ပါတယ်။

Challenger 2 တင့်ကား ၁၄ စီးပါတဲ့တပ်ခွဲကို ယူကရိန်းသို့ လာမယ့်သီတင်းပတ်အတွင်း ပေးပို့မှာဖြစ်ပြီး AS90 သေနတ်အလက် ၃၀ လည်းပါဝင်ဖွယ်ရှိကြောင်း ဗြိတိန်ဝန်ကြီးချုပ်ရုံးက ထုတ်ပြန်ခဲ့ကြပါတယ်။

ထိုတင့်ကားတွေနဲ့သေနတ်တွေ အသုံးပြုနိုင်ရန် လာမယ့်ရက်များအတွင်း ယူကေက ယူကရိန်းတပ်ဖွဲ့တွေကို စတင်လေ့ကျင့်သွားမှာဖြစ်ပါတယ်။

ရုရှားတို့အဆက်မပြတ်ဗုံးကျဲတိုက်ခိုက်နေတဲ့ကြားမှာ ယူကရိန်းပြည်သူများနေထိုင်လာတာ ၂ နှစ်နီးပါးရှိလာတဲ့အချိန်၊ ဗြိတိန်ဝန်ကြီးချုပ်က ယူကရိန်းတို့ စစ်ပွဲမှာအနိုင်ရစေဖို့ ရည်ရွယ်ထားတာဖြစ်ကြောင်း ဝန်ကြီးချုပ်ပြောရေးဆိုခွင့်ရှိသူတစ်ဦးက ထုတ်ပြန်လိုက်ပါတယ်။

"ဝန်ကြီးချုပ်က အနီးစပ်ဆုံးစစ်ဘက်ဆိုင်ရာ အကြံပေးပုဂ္ဂိုလ်တွေနဲ့အတူ စစ်ရေးစစ်ရာကိုခွဲခြမ်းစိတ်ဖြာကာ ယူကေနဲ့ မဟာမိတ်တွေ အကြီးမားဆုံးထောက်ပံ့ကူညီပေးနိုင်မယ့် အခွင့်အရေးကို ဖော်ထုတ်ခဲ့ပါတယ်" လို့ ဆိုပါတယ်။

ကြေညာချက်မထုတ်ပြန်ခင် ဝန်ကြီးချုပ်က ယူကရိန်းသမ္မတ'ဇယ်လန်စကီ'နဲ့ ဖုန်းပြောဆိုခဲ့ရာ ဆူနက်က ယူကရိန်းကိုထောက်ပံ့ဖို့ ယူကေကဘယ်လောက်အာရုံစိုက်ထားကြောင်း၊ Challenger 2 တင့်ကားတွေနဲ့ အမြှောက်လက်နက်များပါဝင်ကြောင်း အလေးပေးပြောကြားခဲ့ပါတယ်။

ပြီးခဲ့တဲ့ရက်သတ္တပတ်က ဂျာမနီ၊ ပြင်သစ်၊ အမေရိကန်တို့က ယူကရိန်းသို့ သံချပ်ကာယာဉ်များပေးပို့ရန် စီစဉ်ခဲ့ကြပြီးနောက် ဗြိတိန်ကလည်း မဟာမိတ်တွေနဲ့အတူပူးပေါင်းထောက်ပံ့လာတာ ဖြစ်ပါတယ်။

လုံခြုံရေးထောက်ပံ့ရေးနဲ့ပတ်သက်ပြီး ကာကွယ်ရေးဝန်ကြီးက ဗြိတိန်ပါလီမန်မှာ ပြင်ဆင်သွားဖို့ကိုလည်း ကြေညာခဲ့ပါတယ်။

လန်ဒန်မှာရှိတဲ့ ရုရှားသံရုံးက ပြောကြားရာမှာ တင့်ကားများပေးပို့လာပါက ထိပ်တိုက်ရင်ဆိုင်မှုတွေ ဖြစ်လာနိုင်ကာ အရပ်သားတွေ ပိုမိုထိခိုက်လာနိုင်တဲ့အပြင် ပဋိပက္ခအတွင်း အင်္ဂလန်ပါ ပါဝင်လာတဲ့အနေအထား သက်ရောက်လာနိုင်ကြောင်း ဆိုပါတယ်။

"Challenger 2 တင့်ကားတွေက စစ်မြေပြင်မှာ ယူကရိန်းတပ်ဖွဲ့တွေအတွက် အသာရအောင် ကူညီပေးနိုင်ဖွယ်မရှိဘဲ ရုရှားအတွက်တော့ ပိုမိုကြီးမားတဲ့ပစ်မှတ်သာ ဖြစ်လာမှာပါ" လို့ သံရုံးရဲ့ကြေညာချက်ကို TASS သတင်းဌာနက ကြေညာခဲ့ပါတယ်။

Challenger 2 တင့်ကားတွေဟာ အခြားတင့်ကားတွေကိုတိုက်ခိုက်မယ့် အမျိုးအစားဖြစ်ပြီး ဗြိတိန်စစ်တပ်မှာ ၁၉၉၄ ခုနှစ်ကတည်းက အသုံးပြုလာတာဖြစ်ပြီး ဘော့စ်နီးယား၊ ဟာ့ဇ်ဂိုဗီနာ၊ ကော့ဆိုဗိုနဲ့ အီရတ်တို့မှာ နေရာချထားပါတယ်။

Source: Reute
#Yangon_Media_Group

#World_Science
Published 16 January 2023

နာဆာ(NASA)ရဲ့ James Webb Space တယ်လီစကုပ်(JWST)ကနေ ပထမဆုံးဂြိုဟ်ကို တွေ့ရှိခဲ့ရာ လက်ရှိကမ္ဘာဂြိုဟ်နဲ့ တူညီတဲ့အရွယ်အစားခန့်ရှိပါတယ်။

LHS 475 b. လို့ သတ်မှတ်ထားကာ ထိုဂြိုဟ်ဟာ ကမ္ဘာမြေဂြိုဟ်ရဲ့အချင်းအတိုင်း ၉၉ ရာခိုင်နှုန်းအထိရှိပြီး လေထုရှိမရှိတော့ မသိရသေးပါဘူး။

JWST ရဲ့ထုတ်ပြန်ချက်အရ ထိုဂြိုဟ်က ကမ္ဘာမြေကနေ အလင်းနှစ် ၄၁ နှစ်ကွာဝေးပြီး ကမ္ဘာမြေထက် အပူချိန်ဒီဂရီရာဂဏန်းမျှ ပိုမိုပူနွေးကာ နှစ်ရက်အတွင်းပတ်လမ်းလည်ပတ်နိုင်ပါတယ်။

ဒီလိုဂြိုဟ်တွေကို အာကာသကြည့်မှန်ပြောင်းတွေနဲ့ မမြင်ရပေမယ့် JWST ကတော့ ဘယ်လောက်အထိ စွမ်းဆောင်ရည်မြင့်သလဲဆိုတာ ထပ်မံသက်သေပြသွားပြန်ပြီ။

ရှာဖွေတွေ့ရှိချက်က အံ့ဩစရာကောင်းပေမယ့် သူ့ရဲ့လေထုမှာ ဘာတွေနဲ့ဖွဲ့စည်းထားလဲဆိုတာကို သိပ္ပံပညာရှင်တွေ လေ့လာဖို့ကြိုးစားနေပါတယ်။

လေထုမရှိတာမျိုးဖြစ်နိုင်သလို ကာဗွန်ဒိုင်အောက်ဆိုဒ်လေထုသက်သက်နဲ့ပဲ ဖွဲ့စည်းထားတာမျိုးလည်း ဖြစ်နိုင်ပါတယ်။

ယခုလိုတွေ့ရှိမှုကြောင့် ကမ္ဘာမြေကဲ့သို့အရွယ်အစားရှိတဲ့ နောက်ထပ်ဂြိုဟ်မွှားတွေ တွေ့ရှိလာနိုင်ပါတယ်။

ထိုဂြိုဟ်ကိုတွေ့ရှိမှုက ရှာဖွေရေးကိရိယာတွေ ဘယ်လောက်အထိ တိကျသလဲဆိုတာကို ပြသရာရောက်ပါတယ်။

သိပ္ပံပညာရှင်တွေက ထိုလေထုမှာဖွဲ့စည်းထားတာကို မသိရှိနိုင်ပေမယ့် JWST ကတော့ သိရှိအောင်စွမ်းဆောင်နိုင်ပါတယ်။

JWST မှာတပ်ဆင်ထားတဲ့ကိရိယာတွေက အက်တမ်တွေ၊ မော်လီကျူးတွေအပြင် ဓာတုပစ္စည်းတွေကိုပါ ဖမ်းယူရရှိနိုင်မှာဖြစ်ပြီး သက်ရှိဂြိုဟ်သားတွေရှိမရှိ ရှာဖွေနိုင်ဖွယ်ရှိပါတယ်။

Source: Daily Mail
#Yangon_Media_Group

#World_Health
Published 16 January 2023

အိန္ဒိယအမျိုးသားတစ်ဦးဟာ သူ့ရဲ့မျက်နှာမှာ အရည်ပျော်နေကျသကဲ့သို့ဖြစ်ပေါ်နေတဲ့ ရှားပါးရောဂါတစ်ခုခံစားနေရတာကြောင့် လှောင်ပြောင်ခံနေရပါတယ်။

"လူတွေက ကျွန်တော့်ကိုလှောင်ပြောင်ပြီး အမျိုးမျိုးခေါ်ဝေါ်နေကြပေမယ့် ဂရုမစိုက်ပါဘူး" လို့ အသက် ၅၂ နှစ်အရွယ် 'ဂိုဗာဒန်ဒက်စ်'က Jam Press ကို ပြောကြားခဲ့ပါတယ်။

ဈေးဆိုင်ဖွင့်တဲ့ထိုအမျိုးသားကြီးဟာ neurofibromatosis လို့ခေါ်တဲ့ အလွန်ရှားပါးမျိုးဗီဇရောဂါဖြစ်နေကာ အရေပြားအရောင်ပြောင်းလဲခြင်း၊ အရေပြား ဦးနှောက် အခြားအစိတ်အပိုင်းတလျှောက်ရှိ အာရုံကြောတွေမှာ အကျိတ်တွေကြီးထွားလာတာဖြစ်ပါတယ်။

Von Recklinghausen’s ရောဂါလို့လည်းခေါ်ပြီး မျက်နှာပျက်စီးယိုယွင်းတဲ့အခြေအနေဟာ လူ ၄,၀၀၀ မှာ ၁ ယောက်ဖြစ်နိုင်ချေရှိပါတယ်။

'ဒက်စ်'ဟာ အသက် ၂၀ မတိုင်ခင်အထိ လက္ခဏာမပြသေးဘဲ နောက်ပိုင်းမှာတော့ မျက်နှာပေါ်မှာ အကျိတ်များဖောထွက်လာကာ မျက်နှာညာဘက်တစ်ခြမ်းလုံး ဖုံးလွှမ်းသွားပါတယ်။

ဆယ်စုနှစ် ၃ ခုလောက်အတွင်း အကျိတ်ထုထည်ကြီးက ညာဘက်နားရွက်၊ မျက်လုံး၊ ပါးစပ်တခြမ်းပျောက်ကွယ်တဲ့အထိ တွဲကျလာကာ နှာခေါင်းကလည်း အတော်ရှည်ထွက်လာပါတယ်။

ဗီဒီယိုရိုက်ကူးချက်ထဲမှာ ဆိုင်ရှင်ရဲ့အကျိတ်တွေက မျက်နှာပေါ်မှာ အတွဲလိုက်ကျနေပါတယ်။

သူ့ရဲ့ရောဂါပြဿနာက အမြင်မသင့်ရုံမက မြင်ရ စားရ စကားပြောရာမှာခက်ခဲပြီး ချွေးထွက်တဲ့အခါ အရေပြားပူစပ်ပြီး ယားယံနေရပါတယ်။
အဆိုးဆုံးကတော့ ဒီရောဂါအတွက် ကုသနည်းမရှိတာပါပဲ။

ရောဂါအခြေအနေက ဦးနှောက်နဲ့ဆက်စပ်နေတာကြောင့် ဆရာဝန်တွေက ခွဲစိတ်ပေးဖို့ ငြင်းဆန်ခဲ့ကြပါတယ်။

"လူတွေက ကျုပ်ကိုဝိုင်းကြည့်ကြပြီး ကလေးတွေက လန့်နေကြတာကြောင့် ဈေးသွားရင် မသက်မသာဖြစ်ရပါတယ်၊ ဒါပေမဲ့ မိသားစုဝင်တွေနဲ့ နယ်ခံတွေကတော့ ကျုပ်ကိုချစ်ခင်လေးစားကြပါတယ်" လို့ ပြောကြားလိုက်ပါတယ်။

ဒီရောဂါကိုခံစားရပြီး ဘဝကိုအရှုံးမပေးတဲ့သူတွေထဲမှာ 'ဒက်စ်'က ပထမဆုံးမဟုတ်သေးပါဘူး။

အင်္ဂလန် မန်ချက်စတာမှ အမျိုးသမီးတစ်ဦးကလည်း ဒီဝေဒနာကြောင့် မျက်စိဆုံးရှုံးလိုက်ရပေမယ့် အကောင်းမြင်စိတ်နဲ့ ဆက်လက်ရှင်သန်လျက်ရှိပုံကို TikTok မှာမြင်တွေ့နိုင်ပါတယ်။

Source: NY Post
#Yangon_Media_Group

Published 15 January 2023

နာဂဒေသ၏ လမ်းပန်းဆက်သွယ်ရေးအပါအဝင် ကဏ္ဍအားလုံးနှင့် နာဂတိုင်းရင်းသားတွေရဲ့ ပညာရေးကဏ္ဍ အချိုးညီဖွံ့ဖြိုးတိုးတက်ဖို့နှင့် ယခုထက်ပိုမိုမြှင့်တင်နိုင်ရေး ကြိုးစားဆောင်ရွက်ပေးသွားမယ်လို့ နစက ဥက္ကဋ္ဌ ဗိုလ်ချူပ်မှူးကြီး မင်းအောင်လှိုင်က ပြောပါတယ်။

နာဂရိုးရာနှစ်သစ်ကူးပွဲတော်အခမ်းအနားကို ဇန်နဝ  ါရီ ၁၅ ရက်မွန်းလွဲပိုင်းတွင် နာဂကိုယ်ပိုင် အုပ်ချုပ်ခွင့်ရဒေသ၊ လဟယ်မြို့၌ ကျင်းပပြုလုပ်ခဲ့ရာမှာ  နစက ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင် တက်ရောက်အမှာစကားပြောကြားရာမှာ ယခုလိုထည့်သွင်းပြောကြားခဲ့တာဖြစ်ပါတယ်။

နာဂကိုယ်ပိုင်အုပ်ချုပ်ခွင့်ရဒေသမြို့ နယ်များ၏ လမ်းပန်းဆက်သွယ်ရေးသည် ယခင်ကထက်ပိုမိုကောင်းမွန်ပြီး မြို့ရွာများဖွံ့ဖြိုးတိုးတက်နေကြောင်း သိရှိရတဲ့အတွက် သက်ဆိုင်ရာဌာနတွေရဲ့ ကြိုးပမ်းအားထုတ်မှုကို အသိအမှတ်ပြု ဂုဏ်ပြုတယ်လို့လည်း ဗိုလ်ချူပ်မှူးကြီးကပြောတယ်လို့ နစကရဲ့သတင်းထုတ်ပြန်ချက်မှာဖော်ပြထားပါတယ်။

“ မြန်မာနိုင်ငံအတွင်း နေထိုင်ကြသည့် နာဂတိုင်းရင်းသားများနှင့် အနယ်နယ် အရပ်ရပ်ရှိ တိုင်းရင်းသားညီအစ်ကိုမောင်နှမများအားလုံးအနေဖြင့် စည်းလုံးညီညွတ် ခြင်းများနှင့်အတူ ရိုးရာယဉ်ကျေးမှု ဓလေ့ထုံးတမ်းစဉ်လာများကို သားစဉ်မြေးဆက် လက်ဆင့်ကမ်း ထိန်းသိမ်း စောင့်ရှောက်သွားကြရပါမယ်။လူနေမှုဘဝများဖွံ့ဖြိုးတိုးတက်လာတာနှင့်အမျှ တိုင်းရင်းသားလူမျိုးများ၏ ယဉ်ကျေးမှုရိုးရာဓလေ့ ထုံးတမ်းစဉ်လာများ တိမ်ကောပပျောက်မှု မရှိအောင် အလေးထား ထိန်းသိမ်း စောင့်ရှောက်ကြရန် တိုက်တွန်းလိုပါတယ်” လို့လည်း နစက ဥက္ကဋ္ဌကပြောပါတယ်။

နိုင်ငံ့စီးပွားမြှင့်တင်ရေး ရန်ပုံငွေမှ နာဂ ကိုယ်ပိုင်အုပ်ချုပ်ခွင့်ရဒေသအတွက် ကျပ် ၅ ဘီလီယံ မတည်ထောက်ပံ့ပေးမှုများ အပေါ် စိုက်ပျိုးရေး၊ မွေးမြူရေးလုပ်ငန်းများနှင့် ပြည်သူလူထု၏ လူမှုဘဝဖွံ့ဖြိုး တိုးတက်ရေးလုပ်ငန်းများတွင် အကျိုးရှိရှိ အောင်မြင်အောင် အကောင်အထည်ဖော်ဆောင် ရွက်သွားကြဖို့ကိုလည်း ဗိုလ်ချူပ်မှူးကြီးက တိုက်တွန်းခဲ့တယ်လို့ နစက,က သတင်းထုတ်ပြန်ပါတယ်။

အဲဒီနောက် နာဂရိုးရာနှစ်သစ်ကူးပွဲတော် ဖြစ်ပေါ်လာပုံ သမိုင်းအကျဉ်းအား နာဂတိုင်းရင်းသူ အိကျန်ထွေညူ က အကျယ်တဝင့် ရှင်းလင်း တင်ပြပြီးနောက် နာဂရိုးရာ စာပေနှင့် ယဉ်ကျေးမှုဗဟိုကော်မတီ ဥက္ကဋ္ဌ ဦးပေါင်ခု က နှစ်သစ်ကူး အမှတ်တရ လက်ဆောင်ကို နစက ဥက္ကဋ္ဌထံ ဂါရဝပြုပေးအပ်ခဲ့ပါတယ်။

ဗိုလ်ချူပ်မှူးကြီးကလည်း  နာဂကိုယ်ပိုင်အုပ်ချုပ်ခွင့်ရဒေသ ဖွံ့ဖြိုးတိုးတက်ရေးအတွက် ထောက်ပံ့ပစ္စည်းများ၊ စိုက်ပျိုးရေးအထောက်အကူပြုပစ္စည်းများ၊ အားကစားပစ္စည်းများနှင့် စားသောက်ဖွယ် ရာပစ္စည်းများကို ပေးအပ်ရာ နာဂရိုးရာ စာပေနှင့် ယဉ်ကျေးမှုကော်မတီ(ဗဟို) နာယက ဦးမောင်ဉာဏ်နှင့် အဖွဲ့ဝင်များက အသီးသီးလက်ခံရယူခဲ့ကြပါတယ်။

ဆက်လက်ပြီး စစ်တိုင်းဒေသကြီးဝန်ကြီးချုပ်ဦးမြတ်ကျော်က နာဂရိုးရာနှစ်သစ်ကူးပွဲတော် အတွက် ထောက်ပံ့ငွေ ကျပ်သိန်းတစ်ထောင်ကို ပေးအပ်ရာ နာဂကိုယ်ပိုင်အုပ်ချုပ်ခွင့်ရ ဒေသစီမံအုပ်ချုပ်ရေးအဖွဲ့ဥက္ကဋ္ဌ က လက်ခံရယူခဲ့ပါတယ်။

အဲဒီနောက် နာဂတိုင်းရင်းသူ၊ တိုင်းရင်းသားများက ခမ်ညူငမ်မျိုးနွယ်စု အက၊ လိုင်းနောင်မျိုးနွယ်စု အက၊ မကျန်ပေါင်းညွှမ်မျိုးနွယ်စု အက၊ ကွန်ညှပ်မျိုးနွယ်စု အက၊ ဂုဏ်ဝမ်ပုံညိုမျိုးနွယ်စု အက၊ ပြည်ထောင်စု၏ ထာဝရအလှများ သီချင်း စသည် တို့ဖြင့် သီဆိုကပြဖျော်ဖြေမှုများကို ကြည့်ရှုအားပေးခဲ့ပြီး တည်ခင်းဧည့်ခံထားသည့် ရိုးရာအစားအစာများကို သုံးဆောင်ခဲ့ကြပါတယ်။ အခမ်းအနားအပြီးမှာနာဂရိုးရာပြခန်းများအတွင်း ဗိုလ်ချူပ်မှုးကြီးနှင့်အဖွဲ့က လှည့်လည်ကြည့်ရှုခဲ့ကြပါတယ်။

အဲဒီနောက် ညပိုင်းတွင် နာဂရိုးရာယဉ်ကျေးမှု မီးပုံပွဲသို့ဆက်လက် တက်ရောက်ခဲ့ကြတယ်လို့ သတင်းထုတ်ပြန်ချက်မှာ ဖော်ပြထားပါတယ်။

-ymg/knl

#Myanmar_Politics

Published 15 January 2023

ကားတစ်စီးလုံး ရာနှုန်းပြည့် လျှပ်စစ်ကားဖြစ်တဲ့ ဂျစ် အက်ဗန်ဂျာ အက်ယူဗွီကား Jeep Avenger SUV ဟာ ၂၀၂၃ ခုနှစ်အတွက် အကောင်းဆုံးကားအဖြစ် ဘရပ်ဆဲကားပြပွဲကပေးတဲ့ ဆုကိုရရှိသွားပါတယ်။

ဒါဟာ ဂျစ်ကားတစ်စီးအတွက် ပထမဆုံးရရှိတဲ့ဆုဖြစ်ပြီး အကောင်းဆုံးကား(၆)စီးကို ပြိုင်ဆိုင်ပြီးမှ  ယခုဆုကို ရရှိသွားခြင်းဖြစ်ပါတယ်။

အက်ဗန်ဂျာဂျစ်ဟာ စုစုပေါင်း ၃၂၈မှတ်ရရှိပြီး အကဲဖြတ်ဒိုင်တွေရဲ အကောင်းဆုံး ၂၁မဲရရှိခဲ့ပါတယ်။

ဥရောပ ၂၂ နိုင်ငံက အကဲဖြတ်ဒိုင် ၅၇ ဦးပါတဲ့အဖွဲ့က ဗောက်စ်ဝက်ဂွန်အိုင်ဒီ Volkswagen ID နှင့် ဘတ်ဇ် Buzz တို့ကိုလည်း  ဒုတိယဆုပေးခဲ့ပါတယ်။

Source AFP

#Jeep_Avenger

#Car_of the_Year_2023

#Brussels_International_Motor_Show

#TV Yangon Times Matters အစီအစဉ်
Published - 15 Jan 2023

အစီအစဉ်တင်ဆင်သူ ဆရာဟိန်းလတ်က လင်းဏေ(Myanmar Magician)နှင့်အတူ

-"၁၉၆၆ခုနှစ်မှစ၍ မျက်လှည့်အစီအစဉ်တွေစကြည့်ဖြစ်ရင်း မျက်လှည့်ပညာရပ်ကို စိတ်ဝင်စားခဲ့တာဖြစ်ပြီး နည်းစနစ်ကျတဲ့သင်ကြားမှုတွေကို စာအုပ်တွေကတစ်ဆင့်လေ့လာခဲ့ရပြီး ဆရာကြီးစက္ကောမက မျက်လှည့်နဲ့ပတ်သက်တဲ့ အခွေတွေစာအုပ်တွေထွက်လာတော့ ပဉ္စလက်ဆန်တဲ့ပြကွက်တွေကို သင်ယူခဲ့ရတာဖြစ်ကြောင်း

-မျက်လှည့်ပညာရပ်နဲ့ပတ်သက်တဲ့ ရှောင်ရန်ဆောင်ရန်တွေကို ပညာဒါနအဖြစ် ဖြန့်ဖြူးရန်စီစဉ်နေကြောင်း

-မျက်လှည့်ပညာရပ်နဲ့ပတ်သက်တဲ့ ရှောင်ရန်ဆောင်ရန်တွေကို ပညာဒါနအဖြစ် ဖြန့်ဖြူးရန်စီစဉ်နေကြောင်း" စတဲ့ စိတ်ဝင်စားဖွယ်အကြောင်းအရာများကို ဆွေးနွေးခဲ့ကြပါတယ်။

#Yangon_Media_Group