#World_Health
Published 3 June 2025

▪️ အသက် ၆ နှစ်အောက်ကလေးတွေမှာ ဖုန်း၊ ကွန်ပျူတာအသုံးပြုခြင်းကို ပိတ်ပင်ဖို့ ပြင်သစ်လူ့အဖွဲ့အစည်း ၅ ခုက တောင်းဆိုလိုက်ပြီး ကလေးတွေရဲ့ ကျန်းမာရေးနဲ့ စိတ်ပိုင်းဆိုင်ရာ အရည်အသွေးများကို တသက်စာလုံး ထိခိုက်စေနိုင်တယ်လို့ ဖော်ပြထားပါတယ်။

▪️ ဖုန်းကွန်ပျူတာနည်းပညာတွေရော ပါဝင်တဲ့ အကြောင်းအရာတွေရောက နုနယ်ဖွံ့ဖြိုးဆဲဦးနှောက်လေးတွေအတွက် မသင့်လျော်ဘူးလို့ အလေးပေးဖော်ပြထားပါတယ်။

▪️ နိုင်ငံတကာ သိပ္ပံဖော်ပြချက်တွေမှာလည်း ဒါကိုထောက်ခံထားပြီး မူလတန်းမတက်ခင်အရွယ်တွေမှာ ဒီလိုနည်းပညာပစ္စည်းတွေ ပုံမှန်ကြည့်ရှုတတ်ခြင်းက ဘာသာစကား တတ်မြောက်မှုနှောင့်နှေးခြင်း၊ အာရုံစူးစိုက်မှုပြဿနာ၊ မှတ်ဉာဏ်ပြဿနာ၊ ကိုယ်လက်လှုပ်ရှားပြဿနာများ ဖြစ်တတ်တာကို ကျန်းမာရေးပညာရှင်များနဲ့ မူကြိုဆရာများ တွေ့ရှိထားပါတယ်။

▪️ ကလေးတွေမှာ စစချင်း ၆ နှစ်က အခြေခံအကျဆုံးဖြစ်ပြီး ပတ်ဝန်းကျင်နဲ့ လေ့လာလှုပ်ရှားမှုများကနေ အာရုံကြောဖွံ့ဖြိုးမှု ဖြစ်စေပါတယ်။

▪️ ဒါတွေကို မိဘတွေ၊ ဆရာတွေ၊ ကလေးထိန်းတွေ၊ မူဝါဒချမှတ်သူတွေ သိရှိစေရန် ရည်ရွယ်ပါတယ်။

▪️ တီဗီ၊ ဖုန်း၊ ကွန်ပျူတာ၊ တက်ဘလက် ဘယ်လိုပစ္စည်းပဲဖြစ်ဖြစ် ထိခိုက်စေတာ ဖြစ်ပါတယ်။

▪️ ကျန်းမာရေးနဲ့ သင်ယူလေ့လာရေးအတွက် အဓိကထောက်တိုင်ဖြစ်တဲ့ အိပ်စက်ခြင်းကလည်း ညနေပိုင်းနဲ့ အိပ်ရာမဝင်ခင်အချိန်တွေမှာ ဖုန်းကြည့်ရင် ထိခိုက်စေနိုင်ပါတယ်။

▪️ ဒီဂျစ်တယ်ပစ္စည်းတွေကို လုံးဝအသုံးမပြုသင့်ဘူးလို့ ဆိုလိုတာမဟုတ်ဘဲ အသက်အရွယ်အလိုက် ထိန်းကျောင်းပေးဖို့ မိဘများကို တိုက်တွန်းလိုပါတယ်။

▪️ အဲဒီအစား အသံကျယ်ကျယ်ဖြင့် ဖတ်ပြခြင်း၊ ဆော့ကစားစေခြင်း၊ ရုပ်ပိုင်းဆိုင်ရာ ဖန်တီးမှုပိုင်းဆိုင်ရာ လှုပ်ရှားမှုများ ပြုလုပ်စေခြင်းတို့ အားပေးသင့်ပါတယ်။

#Source: The Jerusalem Post

ဂါဇာမှ ပါလက်စ်တိုင်းလူမျိုးတွေဟာ အစ္စရေးလ်တို့ရဲ့ တိုက်ခိုက်မှုတွေကို ဆက်လက်ခံစားနေရပြီး ငွေကြေးဖောင်းပွမှုတွေ ငတ်မွတ်ခေါင်းပါးမှုတွေ ရောဂါဘယတွေလည်း ခံစားဖြစ်ပွားနေကြပါတယ်။
#World_Crisis
Published 2 June 2025
#ဂါဇာစစ်ပွဲရက်(၆၀၀)ပြည့်ပြီး #စစ်ဘေးဒဏ်ပါလက်စ်တိုင်းများခံစားနေရ
#YMG #Yangon_Times #Yangon_Media_Group

#Daily_News

Published 2 June 2025

၁။ ဘူဆန်နိုင်ငံတကာ ပင်လယ်စာနှင့် ငါးလုပ်ငန်းထွက်ကုန်များပြပွဲအတွက် ပြခန်းအခမဲ့ရရှိမည်

၂။ သီလဝါနှင့်အိမ်ရာလေးခုမှ အခန်းပေါင်း၂၅၀ခန့်အား အိမ်ရာချေးငွေဖြင့် ရောင်းချမည်

၃။ မြစ်ကြီးနားမြို့မှ ရေဘေးသင့်သူများအားကယ်ဆယ်ရွှေ့ပြောင်း၊ ဧရာဝတီမြစ်ရေ စိုးရိမ်ရေမှတ်ထက်ဆက်ကျော်နိုင်ဟု သတိပေး

၄။ ဂါဇာစစ်ပွဲရက်(၆၀၀)ပြည့်ပြီးချိန်၌ စစ်ဘေးဒဏ်ပါလက်စ်တိုင်းများခံစားနေရသည့် ဒုက္ခဘေးများအကြောင်းဖွင့်ဟ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_Science
Published June 2 2025

▪️ Apple iPhone အသုံးပြုသူတွေကတော့ မကြာခင်မှာ ယင်းတို့ရဲ့ဖုန်းတွေကို စိတ်ထဲကနေ ထိန်းချုပ်နိုင်တော့မှာ ဖြစ်ပါတယ်။

▪️ Apple က ဦးနှောက်-ကွန်ပျူတာကြားခံ (BCI)ကုမ္ပဏီ Synchron နဲ့ပူးပေါင်းကာ အသုံးပြုသူရဲ့ ဦးနှောက်ထဲ ထည့်သွင်းနိုင်မယ့် ပစ္စည်းလေးကို စမ်းသပ်ထုတ်လုပ်နေကြပါတယ်။

▪️ ဒီပစ္စည်းမှာ ဦးနှောက်အချက်ပြမှုတွေကို သိရှိနိုင်မယ့် လျှပ်တိုင်တွေ ပါဝင်ပါတယ်။

▪️ Synchron ရဲ့ နည်းပညာအသုံးပြုပြီး Apple က ဦးနှောက်အချက်ပြမှုတွေကို လှုပ်ရှားမှုအဖြစ် ပြောင်းလဲပေးမှာဖြစ်ပါတယ်။

▪️ အသုံးပြုသူအနေနဲ့ လုပ်ချင်တာရှိရင် စဉ်းစားလိုက်ရုံနဲ့ လုပ်နိုင်မှာဖြစ်ပါတယ်။

▪️ ဝေါစထရိဂျနာယ်မှ ဖော်ပြချက်အရဆိုရင် Apple နဲ့ Synchron တို့က ဒီနည်းပညာကို စမ်းသပ်ခံများနဲ့ လုပ်ဆောင်နေပါတယ်။

▪️ ဒီထဲမှာပါဝင်တဲ့ ပစ်ဘတ်ဂ်ဥက္ကဌ မာ့ခ်ဂျက်ဆန်ဆိုရင် အကြောသေဝေဒနာ ခံစားနေရသူဖြစ်ပြီး အခုဆိုရင် Synchron ဦးနှောက်ထည့်သွင်းပစ္စည်းဖြစ်တဲ့ Stentrode ကို သူ့ဦးနှောက်ထဲ ထည့်ထားပါတယ်။

▪️ ဦးနှောက်ရဲ့ အပြင်ဘက်အလွှာထိပ်ပိုင်းရှိ သွေးပြန်ကြောတစ်ခုထဲမှာ ထောက်ချဲ့ပစ္စည်းတစ်ခုလို ထည့်ထားပြီး ဦးနှောက်လှိုင်းတွေကို နားလည်သိရှိစေပြီးတော့ ဖုန်းမျက်နှာပြင်နားတဝိုက် ရွေ့လျားနိုင်ကာ အိုင်ကွန်တစ်ခုကို ရွေးချယ်နိုင်စေပါတယ်။

▪️ Apple iPhone တွေနဲ့ အခြားကိရိယာတွေမှာသာ ဒီနည်းပညာရပြီဆိုရင် ကိုယ်အင်္ဂါမသန်စွမ်းသူတွေအတွက် မျှော်လင့်ချက်ဖြစ်လာမှာပါ။

▪️ အီလွန်မက်စ်ရဲ့ Neuralink ကုမ္ပဏီကလည်း အလားတူနည်းပညာမျိုး လုပ်ဆောင်နေပါတယ်။

#Source: WION

#World_News
Published 02 June 2025

▪️ အမေရိကန် ကိုလိုရာဒိုပြည်နယ် ဘိုလ်ဒါမြို့မှာ လူအများကို မီးလောင်ဒဏ်ရာရစေခဲ့တဲ့ အမျိုးသားတရားခံကို တနင်္ဂနွေနေ့မှာ ဖမ်းဆီးထိန်းသိမ်းခဲ့တယ်လို့ ရဲတွေက ပြောပါတယ်။

▪️ FBI ကတော့ ဒါကို အကြမ်းဖက်ပစ်မှတ်တိုက်ခိုက်ခြင်းလို့ သတ်မှတ်လိုက်ပါတယ်။

▪️ FBI ပြည်သူ့ရေးရာ လက်ထောက်ညွှန်ကြားရေးမှူး ဘင်ဝီလီယံဆန်က တရားခံဟာ ဂျူးလူမျိုးလူအုပ်ဆီကို မီးလောင်ဗုံးများ ပစ်ထည့်နေပြီး ပါးစပ်ကလည်း 'ပါလက်စ်တိုင်းလွတ်ငြိမ်းခွင့်ပေး' လို့ အော်နေခဲ့ကြောင်း X ဆိုရှယ်မီဒီယာမှာ ဖော်ပြခဲ့ပါတယ်။

▪️ တရားခံဟာ အသက် ၄၅ နှစ်အရွယ်ရှိ မိုဟာမက်ဆာဘရီဆိုလီမာ ဖြစ်တယ်လို့ FBI က စစ်ဆေးတွေ့ရှိထားပါတယ်။

▪️ "သာယာလှပတဲ့ တနင်္ဂနွေနံနက်ခင်းမှာ ဘိုလ်ဒါမြို့ ပုလဲလမ်းကို တိုက်ခိုက်သွားတာက လက်သင့်ခံနိုင်စရာ မရှိပါဘူး။ ထိခိုက်ခံရသူတွေနဲ့ မိသားစုဝင်တွေ၊ ဒီဖြစ်ရပ်ဆိုးမှာ ထိခိုက်ခဲ့သူအားလုံးအကြောင်း ကူညီတွေးတောပေးကြဖို့ တောင်းဆိုပါတယ်" လို့ ဘိုလ်ဒါရဲမှူးချုပ် စတီဖင်ရက်ဖန်းက ပြောသွားပါတယ်။

▪️ အမေရိကန်မှာ ဂါဇာစစ်ပွဲနဲ့ ပတ်သက်လို့ တင်းမာမှုမြင့်တက်နေပြီး သမ္မတဒေါ်နယ်ထရမ့် ဦးဆောင်တဲ့ အစ္စရေးလ်ထောက်ခံသူတွေက ပါလက်စ်တိုင်းထောက်ခံသူတွေကို ဂျူးမုန်းတီးသူများအဖြစ် သတ်မှတ်ထားပါတယ်။

▪️ ယခုဖြစ်ရပ်နဲ့ပတ်သက်ပြီး မျက်မြင်တွေ့ရှိတဲ့ ကိုလိုရာဒိုမှ အသက် ၁၉ နှစ်အရွယ် ဘရွတ်ခ်ကော့ဖ်မန်းက အမျိုးသမီး ၄ ဦး ခြေထောက်တွေမှာ မီးလောင်ဒဏ်ရာရသဖြင့် လဲကျနေခဲ့ကြကြောင်း၊ တစ်ယောက်ဆိုရင် ခန္ဓာကိုယ်အနှံ့အပြား ဆိုးရွားစွာ လောင်ကျွမ်းပုံရကြောင်း ပြောပြပါတယ်။

▪️ တိုက်ခိုက်သူလို့ ယူဆရသူက အင်္ကျီဗလာဖြင့်ရပ်နေကာ ရေအကြည်ပုလင်းကို ကိုင်ထားပြီး 'ရေလာယူ ရေလာယူ' လို့ အော်နေခဲ့တယ်လို့ ဆိုပါတယ်။

▪️ အထက်လွှတ်တော် လူနည်းစုခေါင်းဆောင် ဂျူးဒီမိုကရက် ချက်ရှူမာက ဒီအခြေအနေဟာ ထိတ်လန့်စရာကောင်းပြီး ဂျူးမုန်းတီးရေးကို ဆန့်ကျင်သွားရမယ်လို့ ပြောပါတယ်။

#Source: NDTV

#World_Health
Published June 1 2025

▪️ ၂၀၁၉ မှ ၂၀၂၁ အတွင်း တစ်ကမ္ဘာလုံးမှ လူတွေမှာ ပျမ်းမျှနေထိုင်သက်တမ်း ၁.၈ နှစ်ကျဆင်းသွားတယ်လို့ WHO မှ ဖော်ပြထားပြီး ဒါဟာ လတ်တလောသမိုင်းကြောင်းမှာ အကြီးမားဆုံး ကျဆင်းတာပဲ ဖြစ်ပါတယ်။

▪️ ကိုဗစ်ကပ်ရောဂါက အသက်ပေါင်းများစွာ ဆုံးရှုံးစေရုံမက လူနေမှုအခြေအနေတွေကိုလည်း ဆိုးရွားစွာ သက်ရောက်စေပါတယ်။

▪️ ကပ်ရောဂါကြောင့် စိုးရိမ်ပူပန်မှုတွေ စိတ်ဓာတ်ကျခြင်းတွေ အဖြစ်များလာကာ တစ်ကမ္ဘာလုံးမှာ ပျမ်းမျှသက်တမ်း ၆ ပတ်ခန့် ကျဆင်းစေပါတယ်။
ကျန်းမာရေးစောင့်ရှောက်မှုတွေကို အခက်အခဲမရှိ ရရှိနေသူအရေအတွက်ဟာလည်း ကျဆင်းနေတယ်လို့ WHO ဖော်ပြထားပါတယ်။

▪️ ထောက်ပံ့ကြေးမလုံလောက်တဲ့ ကျန်းမာရေးစောင့်ရှောက်မှုပုံစံတွေ၊ ဝန်ထမ်းများ လေ့ကျင့်သင်ကြားထားခြင်းမရှိတာတွေ၊ ကာကွယ်ဆေးမရရှိတာတွေက ပြဿနာဖြစ်လာနိုင်ပြီး ယခုကနေစကာ ၂၀၃၀ ကြား ကလေးမွေးဖွားရင်း သေဆုံးတဲ့မိခင် ၇ သိန်းခန့်နဲ့ အသက် ၅ နှစ်အောက် ကလေး ၈ သန်းခန့် ဆုံးရှုံးရနိုင်ဖွယ်ရှိတယ်လို့ သတိပေးထားပါတယ်။

▪️ နှလုံးရောဂါ၊ လေဖြတ်၊ ကင်ဆာ၊ ဆီးချိုတို့လို နာတာရှည်ရောဂါတွေကလည်း အသက် ၇၀ အောက်လူတွေသေဆုံးကြရတဲ့ အဓိကအကြောင်းအရင်းတွေထဲ ပါဝင်နေပါတယ်။

▪️ HIV ၊ တီဘီနဲ့ ရာသီအလိုက်ရောဂါများ အဖြစ်နည်းလာပေမယ့် ပိုးသတ်ဆေးယဉ်ပါးတဲ့ ပြဿနာက ကျန်းမာရေးခြိမ်းခြောက်မှု ဖြစ်လာပါတယ်။

▪️ နိုင်ငံတကာအကူအညီများ ဖြတ်တောက်တာက ပြီးခဲ့တဲ့ဆယ်စုနှစ်များအတွင်း တိုးတက်မှုတွေကို ပြန်ကျဆင်းသွားစေနိုင်တယ်လို့ WHO သတိပေးထားပါတယ်။

#Source: India Today