#World_Health
Published 09 February 2026

■ ခန္ဓာကိုယ်အလေးချိန် အများစုက ရေဓာတ်တွေဖြစ်ပြီး ခန္ဓာကိုယ်အပူချိန် ထိန်းညှိခြင်း၊ အဆစ်အမြစ် ချောမွေ့စေခြင်း၊ အာဟာရများ သယ်ဆောင်ခြင်း၊ တစ်ရှူးများ အိစက်စေခြင်း၊ အညစ်အကြေးစွန့်ခြင်း စတာတွေကို ကူညီပေးပါတယ်။

■ နေ့စဉ် ရေ ၃ လီတာသောက်ပေးပါက အထူးသဖြင့် ရာသီဥတုပူတဲ့နေရာတွေမှာ အကျိုးကျေးဇူးတွေ ပေးနိုင်တယ်လို့ FISICO အစားအသောက်နှင့် အလှအပဆေးခန်း တည်ထောင်သူ ဗီဒီချော်လာက ပြောပါတယ်။

■ ရေဓာတ်လုံလောက်တဲ့အခါ အသားအရေ စိုစွတ်စေပြီး အစာကြေလွယ်ခြင်း၊ ဝမ်းပုံမှန်သွားခြင်းတို့ ရရှိစေနိုင်ပါတယ်။

■ ဒါ့အပြင် ကျောက်တည်နိုင်ခြေ လျော့နည်းပြီး အခြားသော အညစ်အကြေးများလည်း စွန့်ပစ်ပေးပါတယ်။

■ တစ်နေ့ကို ၃ လီတာဆိုရာမှာ အခြေအနေတွေအပေါ် မူတည်ပြီး ကွဲပြားနိုင်ပါတယ်။

■ ရာသီဥတုအတန်အသင့်ရှိပြီး အထိုင်များတဲ့သူအတွက်ဆိုရင် ၃ လီတာက များနိုင်ပါတယ်။

■ ရေဓာတ်များလွန်းရင်လည်း သွေးထဲမှာ ဆိုဒီယံနဲ့ အီလက်ထရိုလိုက်တွေ နည်းသွားနိုင်ပြီး ဆဲလ်တွေ ဖောင်းတင်းလာကာ ဖိအားများလာသဖြင့် စိတ်ရှုပ်ထွေးခြင်း၊ ခေါင်းကိုက်ခြင်း၊ ကြွက်သားတက်ခြင်း၊ မူးဝေခြင်း၊ သတိလစ်ခြင်းတို့ပင် ဖြစ်နိုင်ပါတယ်။

■ ချွေးထွက်နည်းသူတွေ၊ ကျောက်ကပ်ပြဿနာရှိသူတွေမှာလည်း ရေများများသောက်ပါက အတွင်းအင်္ဂါတွေကို ဖိအားများစေပါတယ်။

■ ခန္ဓာကိုယ်ကသာ တကယ်လိုအပ်တယ်ဆိုရင် တစ်လလောက် နေ့တိုင်း ရေ ၃ လီတာသောက်ခြင်းက စွမ်းအင်ပိုရစေကာ အစာခြေခြင်း ကျောက်ကပ်ကျန်းမာရေးတို့ကို ထောက်ကူပေးပြီး အသားအရေနဲ့ စိတ်အခြေအနေတို့ကို တိုးတက်စေပါတယ်။

■ ဒါကြောင့် ခန္ဓာကိုယ်လိုအပ်ချက်အတိုင်း ထိန်းညှိသောက်သုံးပေးဖို့က အရေးကြီးပါတယ်။

Source: Indian Express

#World_Health
Published 09 February 2026

■ ခန္ဓာကိုယ်မှာ အစားအစာပြတ်လာရင် မခံမရပ်နိုင်ဖြစ်လာပြီး ဒါကို "ဆာလောင်စိတ်ကြောင့် ဒေါသထွက်ခြင်း" လို့ အောက်စ်ဖို့ဒ်အင်္ဂလိပ်အဘိဓာန်မှာ ဖော်ပြထားပါတယ်။

■ ဒါပေမဲ့ ဆာလောင်စိတ်က လူတွေရဲ့ စိတ်အခြေအနေအပေါ် သက်ရောက်ပုံတွေကို သုတေသန မလုပ်ထားကြပါဘူး။

■ ဒါကြောင့် လူတွေ ဆာလောင်တဲ့အခါ ဘယ်လိုမျိုး တုံ့ပြန်တတ်ကြလဲဆိုတာကို လေ့လာခဲ့ကြပါတယ်။

■ တိရိစ္ဆာန်တွေဆိုရင် ဆာလောင်တဲ့အခါ လှုပ်ရှားတက်ကြွလာကြပြီး သူတို့ပတ်ဝန်းကျင်ကိုကျော်ပြီး ရှာဖွေတတ်ကြပါတယ်။

■ လူတွေမှာ စွမ်းအင်ပမာဏ၊ ဆာလောင်စိတ်နဲ့ စိတ်အခြေအနေတို့ကြား ဆက်စပ်မှုကို သိရဖို့ လူပေါင်း ၉၀ ကို တစ်လကြာအောင် ဂလူးကို့စ်စောင့်ကြည့်ခဲ့ပါတယ်။

■ ဂလူးကို့စ်က ခန္ဓာကိုယ်နဲ့ ဦးနှောက်အတွက် အဓိကစွမ်းအင်ရင်းမြစ် ဖြစ်ပါတယ်။

■ ပါဝင်စမ်းသပ်ခံသူတွေကို စမတ်ဖုန်းများဖြင့် တစ်နေ့နှစ်ကြိမ် စိတ်အခြေအနေ စစ်ဆေးခဲ့ပါတယ်။

■ လူတွေက ဆာလောင်တယ်လို့ သိရှိတဲ့အခါမှာ စိတ်အခြေအနေ ပိုဆိုးရွားလာကြပါတယ်။

■ စွမ်းအင်ပမာဏကို ပိုမိုတိကျစွာ သိရှိသူတွေကတော့ စိတ်အခြေအနေ ဆိုးရွားတာမျိုး သိပ်မဖြစ်ကြပါဘူး။

■ လူတစ်ဦးရဲ့ စွမ်းအင်နဲ့ စိတ်အခြေအနေကြား အပိုင်းအခြားမှာ ပိုမိုထိန်းသိမ်းနိုင်သူတွေက စိတ်အနေအထားကို တည်ငြိမ်အောင် ထိန်းထားနိုင်တာ တွေ့ရပါတယ်။

■ ဒါက အရေးပါပြီး စိတ်အခြေအနေ ပြောင်းလဲခြင်းကြောင့် ဆုံးဖြတ်ချက်အမှားတွေ၊ ဆိုးရွားတဲ့ အပြုအမူတွေ ရုတ်တရက် ပြုလုပ်တတ်ကြလို့ပါ။

■ ဆာလောင်စိတ်က စိတ်အခြေအနေကို သက်ရောက်နိုင်တယ်ဆိုပေမယ့် စွမ်းအင်ပမာဏကို ဂရုစိုက်ခြင်းဖြင့် ဒေါသထွက် အမှားပြုလုပ်ခြင်းတို့ကို ထိန်းချုပ်စေနိုင်မှာ ဖြစ်ပါတယ်။

Source: Indian Express.

#World_Health
Published 08 February 2026

■ ဆီးရဲ့အနံ့က မကောင်းဘူးဆိုပေမယ့် အက်ဆစ်လိုအနံ့မျိုး အမြဲတမ်းရနေရင်တော့ စိုးရိမ်ရပါတယ်။

■ ဒါဟာ ဆီးလမ်းကြောင်းပိုးဝင်တဲ့ လက္ခဏာဖြစ်နိုင်ပြီး ဆီးသွားစဉ်ပူစပ်ခြင်း၊ မကြာခဏ ဆီးသွားလိုခြင်းတို့ ခံစားရတတ်ကြောင်း မွမ်ဘိုင်း ဇန်အန်နက်ဇ်အထူးကုဆေးရုံမှ ကျောက်ကပ်အထူးကု ဒေါက်တာ အဒစ်ယာနာယက်က ပြောပါတယ်။

■ ဒါတွေအပြင် ဆီးချို၊ ကျောက်ကပ်ရောဂါများ အချိန်မီကုသဖို့ လိုလာပြီဆိုတဲ့ သဘောလည်း ဖြစ်ပါတယ်။

■ ဒေါက်တာ ပရာဒိရောင်ကလည်း ရေဓာတ်ခန်းခြောက်ခြင်း၊ ကြက်သွန်ဖြူ၊ ဗိုက်တာမင်ဖြည့်စွက်ဆေးတွေကြောင့် ဆီးအနံ့ပြင်းတတ်တယ်လို့ ရှင်းပြပါတယ်။

■ ကော်ဖီ၊ အယ်ကိုဟောတို့ပင် ဆီးကို ခဏတာအနံ့ပြင်းစေတတ်ပါတယ်။

■ ဟော်မုန်းပြောင်းလဲခြင်း၊ အထူးသဖြင့် ကိုယ်ဝန်ဆောင်စဉ် မီးယပ်သွေးဆုံးချိန်တို့မှာလည်း ဆီးအနံ့ပြောင်းလဲတတ်သလို အချို့သော ဆေးဝါးတွေကြောင့်လည်း အနံ့ပြင်းစေနိုင်ပါတယ်။

■ ဆီးလမ်းကြောင်းထဲ ဘက်တီးရီးယားဝင်ကာ ပိုးတွေပွားလာသဖြင့် ရောင်ရမ်းခြင်းတွေဖြစ်တဲ့အခါ ဆီးအနံ့ပြင်းထန်တတ်ပါတယ်။

■ ပုံမှန်ဆီးဆိုရင်တောင်မှ အပြင်ဘက်မှာ ကြာရှည်ရှိနေရင် အနံ့ဆိုးဖြစ်ပေါ်လာပါတယ်။

■ ဆီးအနံ့ပြင်းတဲ့အပြင် ဆီးကျဉ်ခြင်း၊ ဖျားနာခြင်း၊ ဆီးအရောင်ပြောင်းခြင်းတို့ ဖြစ်လာရင်တော့ ဆရာဝန်နဲ့ ပြသင့်ပါပြီ။

■ ရေဓာတ်ပြည့်ဝအောင်နေဖို့က အရေးကြီးပြီး စားသောက်ပုံစံကိုလည်း ဂရုပြုသင့်ပါတယ်။

■ သာမန်အားဖြင့်တော့ ဆီးအနံ့ပြောင်းလဲတာက ဖြစ်တတ်ပေမယ့် အခြားလက္ခဏာတွေပါ ကြာရှည်လာရင်တော့ အချိန်မီကုသဖို့ လိုအပ်နိုင်ပါတယ်။

Source: Indian Express.

#World_Health
Published 08 February 2026

■ အရွက်သုပ်တွေ၊ ဒိန်ချဉ်တွေ၊ ကွေကာတွေ၊ "သဘာဝထုတ်ကုန်"လို့ အမည်တပ်ထားတဲ့ စားစရာတွေမှာတောင် သကြားတွေ ပါဝင်နေပါတယ်။

■ ဒါပေမဲ့ ဒီအစားအစာတွေစားလို့ လုံးဝမချိုတာက ပြဿနာဖြစ်နေပါတယ်။

■ လူတွေက သကြားဆိုတာ အချိုဓာတ်လို့ ယူဆကြပေမယ့် အခုဆိုရင် သကြားကို အစားအစာ ထိန်းသိမ်းဖို့၊ အရောင်အဆင်းကောင်းဖို့၊ အနံ့အရသာကောင်းမွန်ဖို့ အသုံးပြုလာကြကြောင်း ပြည်သူ့ကျန်းမာရေး အာဟာရပညာရှင် ဒေါက်တာ မိုင်ယာရိန်းနိုးက ပြောပါတယ်။

■ ထုတ်ကုန်တွေမှာ သကြားကို ပစ္စည်းအမျိုးမျိုးအဖြစ် ခွဲခြားဖော်ပြလာကြပြီး တစ်ခုချင်းစီဆိုရင် ဘေးမဖြစ်စေပေမယ့် စုပေါင်းလိုက်ရင် ပမာဏအများကြီး ဖြစ်သွားပါတယ်။

■ ဥပဒေများအတိုင်း အမှတ်တံဆိပ်တွေမှာ ဖော်ပြထားပေမယ့် စားသုံးသူတွေအတွက်တော့ သကြားမလျော့သွားပါဘူး။

■ စာတွေထဲမှာ အော်ဂဲနစ်၊ ဂလူတင်မပါဝင်ခြင်း၊ အဆီနည်းခြင်းဆိုတဲ့ အမှတ်အသားတွေ ပါဝင်ရင် ပိုကောင်းကြတယ်လို့ ယူဆနေကြပါတယ်။

■ တကယ်တမ်း အဆီမထည့်တဲ့အခါ အနံ့အရသာ ထိန်းသိမ်းနိုင်ဖို့ သကြားက ဈေးအပေါဆုံး၊ အလွယ်ကူဆုံး ဖြစ်နေပါတယ်။

■ သကြားစားတာများလွန်းရင် ဝိတ်တက်ခြင်း၊ အင်ဆူလင်ယဉ်ပါးခြင်း၊ အသည်းအဆီဖုံးခြင်း၊ နှလုံးသွေးကြောအန္တရာယ်တို့နဲ့ ဆက်စပ်နေပါတယ်။

■ ဒီလိုစားစရာတွေကို ဘယ်လိုစစ်ဆေးမလဲဆိုရင် ထည့်သွင်းသကြားရဲ့ ဂရမ်ကို စစ်ဆေးခြင်း၊ သကြားမျိုးကွဲအမျိုးမျိုးကို ရှာဖွေခြင်း၊ အမှတ်တံဆိပ်အမျိုးမျိုး နှိုင်းယှဉ်ကြည့်ခြင်း၊ အဆင့်ဆင့်ထုတ်လုပ်မှုအနည်းဆုံး စားစရာများ ဦးစားပေးခြင်းတို့ ပြုလုပ်နိုင်ပါတယ်။

■ စားစရာတစ်ခုမှာ ထည့်သွင်းသကြား ၅ ဂရမ်ထက်ပိုများရင် မရွေးချယ်သင့်တော့ပါဘူးလို့ ဒေါက်တာရိန်းနိုးက အကြံပြုသွားပါတယ်။

Source: India Today.

ယခုနှစ် ဖေဖော်ဝါရီ ၁၇ ရက်နေ့မှာ ကျရောက်မယ့် တရုတ်နှစ်သစ်ကူးအတွက် တရုတ်ရုပ်သံ CGYN က မြင်းနှစ်ကိုဂုဏ်ပြုတဲ့အနေနဲ့ အထူးဗီဒီယိုအတိုလေးတစ်ခု တင်ဆက်ထားပါတယ်။

#Asia_News
Published 07 February 2026
#တရုတ်နှစ်သစ်ကူး #CGTN
#YMG #Yangon_Times #Yangon_Media_Group

#World_News
Published 07 February 2026

■ အိုမန်ရဲ့ ကြားဝင်စေ့စပ်မှုဖြင့် အီရန်ဟာ အမေရိကန်နဲ့ နျူကလီးယားဆွေးနွေးမှု ပြုလုပ်ခဲ့ရာမှာ အစကောင်းခဲ့ပြီး ဆက်လက်ဆွေးနွေးဖို့ရှိကြောင်း အီရန်ထိပ်သီးသံတမန်တစ်ဦးက သောကြာနေ့မှာ ပြောပါတယ်။

■ အိုမန်မြို့တော် မွတ်စ်ကက်မှာ နိုင်ငံခြားရေးဝန်ကြီး အက်ဘက်စ်အာရက်ချီက အမေရိကန် အထူးကိုယ်စားလှယ် စတိဗ်ဝစ်ကော့ဖ်၊ အမေရိကန်သမ္မတရဲ့ သားမက် ဂျရတ်ကုရှ်နာတို့နဲ့ ဆွေးနွေးခဲ့တာဖြစ်ပြီး နျူကလီးယားအရေးကိုပဲ ပြောဆိုခဲ့တယ်လို့ ဆိုပါတယ်။

■ နှစ်ဖက်စလုံးက နျူကလီးယားအငြင်းပွားမှုကို သံတမန်ရေးဖြင့် ဖြေရှင်းရန် အသင့်ဖြစ်နေတဲ့သဘော မြင်ရပြီး အမေရိကန်က အီရန်ရဲ့ ဒုံးကျည်ထောက်ပံ့မှုတွေနဲ့ ပြည်သူအပေါ် ဆက်ဆံရေးတို့ကို အဓိကထား ဆွေးနွေးချင်တယ်လို့ အမေရိကန် နိုင်ငံခြားရေးဝန်ကြီး မာကိုရူဘီယိုက ပြောထားပါတယ်။

■ အီရန်ဘက်က သံတမန်ကတော့ အီရန်ဟာ ယူရေနီယံ ပိုင်ဆိုင်ခွင့်ရှိတယ်လို့ ငြင်းခုံနေပါတယ်။

■ ဒေါ်နယ်ထရမ့်ကတော့ အီရန်ကို ဖိအားပေးတဲ့အနေနဲ့ အီရန်ဆီကနေ တိုက်ရိုက်ဖြစ်စေ သွယ်ဝိုက်၍ဖြစ်စေ ကုန်ပစ္စည်းများဝယ်ယူတဲ့ နိုင်ငံတွေရဲ့ တင်ပို့ကုန်များအပေါ် အခွန် ၂၅ ရာခိုင်နှုန်းစည်းကြပ်ဖို့ အမိန့်ထုတ်ထားပါတယ်။

■ ဒါတွေက အီရန်နဲ့ စွမ်းအင်၊ သတ္တုများ၊ ရေနံဓာတုများ ကုန်သွယ်နေတဲ့ နိုင်ငံတွေကို နှောင့်ယှက်ဖို့ ရည်ရွယ်တာ ဖြစ်ပါတယ်။

■ အီရန်က ယူရေနီယံထုတ်လုပ်လိုတဲ့ဆန္ဒကို အချို့သောအပေးအယူတွေနဲ့ ညှိနှိုင်းလိုနေပြီး ဒဏ်ခတ်ပိတ်ဆို့မှု ဖြေလျှော့ရေး၊ အီရန်အနီး စစ်ရေးဖြန့်ကျက်မှုတွေ လျှော့ချရေး စတဲ့အခြေအနေတွေ ဖြစ်ပါတယ်။

■ အမေရိကန်စစ်တပ် တည်ရှိမှု၊ လေကြောင်းတိုက်ခိုက်မှုများ အပြန်အလှန် ခြိမ်းခြောက်မှုတို့ကြောင့် ဒေသတွင်း ပဋိပက္ခဖြစ်လာမှုကို စိုးရွံ့နေကြပါတယ်။

Source: Reuters