#WorldHealth
Published 12 June 2022
ပါကစ္စတန်အမျိုးသားတစ်ဦးဟာ ဆီးသွားဖို့အခက်အခဲရှိတာကြောင့် မိမိဘာသာဆီးပိုက်ဝါယာကြိုးလေးကို လိင်တံထဲထည့်သွင်းခဲ့ရာမှာ အခန့်မသင့်ဘဲ ညပ်သွားခဲ့ပြီးနောက် ခွဲစိတ်ဆရာဝန်များက အဆိုပါဆီးပိုက်ကြိုးကို လိင်တံကနေ ဆွဲထုတ်ခဲ့ရပါတယ်။
အသက် ၆၄ နှစ်ရှိပြီဖြစ်တဲ့ ထိုအမျိုးသားဟာ ၁၈ စင်တီမီတာရှည်တဲ့ဆီးပိုက်ကြိုးကို ဆီးလမ်းကြောင်းထဲထည့်သွင်းပြီးနောက် ညပ်နေခဲ့တာကြောင့် အက်ဘာဆီရှာဟိ ဆေးရုံသို့သွားကာ သူ့ကိုကုသပေးတဲ့ ခွဲစိတ်ဆရာဝန်များထံ အကျိုးအကြောင်းပြောပြခဲ့ပါတယ်။
အရင် ၂ လကစပြီး ဆီးသွားရာမှာ နာကျင်ပြီးအခက်အခဲရှိတာကြောင့် သူ့ဘာသာဆီးပိုက်ထည့်နေရပါတယ်။
ဓာတ်မှန်ရိုက်ကြည့်ရာမှာ ဝါယာကြိုးက ဆီးလမ်းကြောင်းတလျှောက်ကနေ ဆီးအိမ်အထိရောက်ရှိနေတာကို တွေ့ခဲ့ရပါတယ်။
အစကတော့ ဆီးလမ်းကြောင်းထဲကို ကင်မရာထည့်ကြည့်ဖို့ စီစဉ်ခဲ့ပေမယ့် ဆီးထွက်ရာအပေါက်ကို အနည်းငယ်ဖြဲကြည့်ရာ ကြိုးကိုတွေ့လိုက်ရပါတယ်။
အဲဒီနောက်ဆရာဝန်တွေက ညှပ်ကိုအသုံးပြုပြီး ဆွဲထုတ်ခဲ့ကြပါတယ်။
ဝါယာကြိုးဖယ်ရှားပြီးနောက် လူနာက သွေးထွက်ခြင်း၊ ဒဏ်ရာရခြင်းစတဲ့ လက္ခဏာတွေမပေါ်ပေါက်ခဲ့ကြောင်း တင်ပြထားပါတယ်။
လိင်တံထဲကိုယ့်ဘာသာ ထည့်သွင်းတာမျိုးက ပုံမှန်သဘောဖြစ်ပြီး မိမိဘာသာပြုလုပ်ကြလေ့ရှိပါတယ်။
အဲဒီလိုထည့်သွင်းခြင်းကနေ ရောဂါပိုးဝင်ခြင်း၊ သွေးထွက်ခြင်း၊ ဆီးလမ်းကြောင်းကို ထိန်းချုပ်ပေးတဲ့ ကြွက်သားထိခိုက်ခြင်းတို့ ဖြစ်တတ်ပါတယ်။
ပစ္စည်းတစ်ခုခုညပ်သွားပြီဆိုရင်တော့ ဒီထက်ပိုဆိုးလာတတ်ပြီး အတွင်းသားလောင်ရာကနေ ဆီးမသွားနိုင်ခြင်း၊ မထောင်မတ်ခြင်းတို့ ဖြစ်တတ်ပါတယ်။
ဆီးအိမ်ပေါက်ခြင်း၊ ဆီးလမ်းကြောင်းထိခိုက်ခြင်းတို့ဖြစ်ပြီဆိုရင် ခွဲစိတ်မှုကြီးတွေ ပြုလုပ်ရနိုင်ပါတယ်။
ဘယ်အချိန်ဖြစ်ပြီး ဘာကြောင့်ဆီးသွားရခက်ခဲလဲဆိုတာကိုတော့ မဖော်ပြထားပါဘူး။
အဆိုပါ အမျိုးသားက လိင်မှုဆိုင်ရာမဆောင်ရွက်နိုင်တာ ၃ နှစ်ရှိပြီလိုဆိုပါတယ်။
လိင်တံထဲမှာ တစ်ခုခုညပ်နေတဲ့သူတွေက ရှက်ကြောက်တဲ့စိတ်ကြောင့် ဆရာဝန်နဲ့တိုင်ပင်ပြသဖို တုန့်ဆိုင်းတွေဝေ နေတတ်ပါတယ်။
Source: DailyMail.
#Yangon_Media_Group
Published 12 June 2022
ကမ္ဘေဒီးယားက တရုတ်ထံမှ ငွေကြေးအထောက်အပံ့ရယူကာ တည်ဆောက်သည့်အတွက် အဝေဖန်ခံနေရသည့် ရီယမ် ရေတပ်အခြေစိုက်စခန်းသည် တရုတ်တစ်နိုင်ငံတည်း သီးသန့်သုံးဖို့မဟုတ်ကြောင်း ကမ္ဘောဒီးယားက ထပ်မံအတည်ပြု ပြောဆိုခဲ့ပါတယ်။
စင်္ကာပူမှာကျင်းပတဲ့ ရှန်ဂရီလာဒိုင်လော့လုံခြုံရေးကွန်ဖရင့်ရဲ့ မျက်နှာစုံညီအစည်းအဝေးမှာ ကမ္ဘောဒီးယား ကာကွယ်ရေးဝန်ကြီး ဗိုလ်ချူပ်ကြီး တီး ဘန်းက စနေနေ့တုန်းက ပြောကြားခဲ့တာဖြစ်ပါတယ်။ ကမ္ဘောဒီးယားဟာ လွတ်လပ်ပြီး အချုပ်အခြာအဏာပိုင် နိုင်ငံဖြစ်ပြီး ဖွဲ့စည်းပုံအခြေံခဥပဒေအရ မိမိကံကြမ္မာကို မိမိတို့ ဆုံးဖြတ်ခွင့် အပြည့်အဝရှိတယ် လို့လည်း သူကပြောပါတယ်။
“ ကံအကြောင်းမလှစွာပဲ၊ကမ္ဘောဒီးယားဟာ ဒီနေရာကို နိုင်ငံခြားသားတွေ သီးသန့်သုံးခွင့်ပြုတယ်လို့ စွပ်စွဲခံနေရတာပဲ။ ဒီလိုပြောဆိုမှုတွေဟာ အခြေအမြစ်မရှိဘဲ ပြဿနာဖြစ်အောင်စွပ်စွဲတာဖြစ်တယ်။ ကမ္ဘောဒီးယားအာဏာပိုင်နှင့် အစိုးရကို အလုံးစံ စော်ကားခြင်းဖြစ်ကြောင်း အလေးပေးပြောလိုတယ်” လို့ သူက ရှန်ဂရီလာပရိဿတ်ကိုပြောပါတယ်။
“ ကမ္ဘောဒီးယားဟာ ရီယမ်ရေတပ်အခြေစိုက်စခန်းရဲ့ ပိုင်ရှင်ဖြစ်တယ်ဆိုတာကို အသေအချာပြောလိုတယ်။ အခြေစိုက်စခန်း တည်ဆောက်မှုဟာ ဘယ်နိုင်ငံ ဘယ်ဒေသ နီးနီးဝေးဝေး လုံခြုံရေးခြိမ်းခြောက်မှု မရှိဘူး” လို့ ကမ္ဘောဒီးယားဗိုလ်ချုပ်ကြီးက ပြောပါတယ်။
“ ဒီစွပ်စွဲပြောဆိုမှုတွေဟာ ကမ္ဘောဒီးယားရဲ့ အကျိုးစီးပွားကို အနှောက်အယှက်ပေးဖို့ ဆင်ခြေတစ်ခုဖြစ်တယ်လို့ ကျွန်တော်တို့ သတ်မှတ်တယ်” လို့ ဗိုလ်ချူပ်ကြီး တီးဘန်းက ပြောပါတယ်။ သူဟာ ဗီယက်နန်၊ဖိလစ်ပိုင်တို့က ကာကွယ်ရေးဝန်ကြီးတွေနှင့်အတူ စစ်ရေးခေတ်မီစေမှုနှင့် ကာကွယ်ရေးစွမ်းရည်အသစ်များဆိုတဲ့ ခေါင်းစဉ်နှင့် ဆွေးနွေးတဲ့ အစီအစဉ်မှာ ယခုလိုပြောကြားခဲ့တာဖြစ်ပါတယ်။
ထိုင်းပင်လယ်ကွေ့မှာ တည်ဆောက်ထားတဲ့ ကမ္ဘောဒီးယားရဲ့ ရီယမ်ရေတပ်အခြေစိုက်စခန်းဟာ တရုတ်ရေတပ်အတွက် သီးသန့်ဖြစ်တယ်လို့ ဇွန်၆ ရက်နေ့က ဝါရှင်တန်ပို့စ်သတင်းဌာနက ရေးသားဖော်ပြခဲ့တာဖြစ်ပါတယ်။ဒီရေတပ်စခန်းကြောင့် ကမ္ဘောဒီးယားနှင့် အမေရိကန်ပြည်ထောင်စုတို့အကြား ဆက်ဆံရေး မပြေမလည်ဖြစ်နေခဲ့တာကြာပြီဖြစ်ကြောင်း သတင်းကရေးသားပါတယ်။
Source Straits Times
#WorldHealth
Published 12 June 2022
တရုတ်နိုင်ငံရဲ့ကိုဗစ်ရောဂါအချက်အလက်များ ပျောက်ဆုံးနေတာကြောင့် ကိုဗစ်ကပ်ရောဂါမူလဇာစ်မြစ်အကြောင်း WHO က စုံစမ်းစစ်ဆေးရာမှာ ခိုင်လုံမှုမရှိတော့ဘဲ အချိန်ကြာမြင့်စွာကြိုးပမ်းအားထုတ်နေမှုအပေါ် နောက်ထပ်ထိုးနှက်ချက်တစ်ခုဖြစ်လာကြောင်း WHO က ကြာသပတေးနေ့က ထုတ်ဖော်ပြောကြားခဲ့ပါတယ်။
ကိုဗစ်-၁၉ ရောဂါဖြစ်စေတဲ့ ကိုရိုနာဗိုင်းရပ်စ်ဟာ လင်းနို့လိုတိရိစ္ဆာန်တွေကနေ ကူးစက်တာမျိုးဖြစ်နိုင်ချေရှိတယ်လို့ အချက်အလက်များအရ သိရှိရပြီး ၂၀၂၁ ခုနှစ်က ကုလသမဂ္ဂအေဂျင်စီကောက်နုတ်ထားတဲ့အတိုင်း သဘောထားတူညီနေကြောင်း WHO ပညာရှင်များအဖွဲ့က သတင်းတင်ပြ ထားပါတယ်။
၂၀၁၉ ဒီဇင်ဘာလက ရောဂါပိုးကို ပထမဆုံးတွေ့ရှိခဲ့တဲ့ တရုတ်နိုင်ငံမှ အချက်အလက်တွေပျောက်ဆုံးနေပြီး ဗိုင်းရပ်စ်က လူသားတွေထံ ပထမဆုံးဘယ်လိုကူးစက်ခဲ့ပုံကို တိတိကျကျမဖော်ထုတ်နိုင်ဘဲ ဖြစ်နေပါတယ်။
ဒီတွေ့ရှိချက်တွေကြောင့် ဗိုင်းရပ်စ်က ဘယ်နေရာကနေ ဘယ်လိုထွက်ပေါ်လာလဲဆိုတာကိုသိရှိဖို့ ခက်ခဲလာခဲ့ပါတယ်။
ကပ်ရောဂါကိုင်တွယ်ဖြေရှင်းပုံနဲ့ ပတ်သက်ပြီး ဝေဖန်ခံနေရတဲ့ WHO က သူတို့ရဲ့အရေးပေါ်ကျန်းမာရေးလုပ်ငန်းစဉ်များအား ပြန်လည်ပြင်ဆင်ရန်ကြိုးပမ်းနေကြပါတယ်။
ပညာရှင်များအဖွဲ့က စီစဉ်ထားတဲ့နည်းလမ်းများစွာထဲက ပထမဆုံးတစ်ခုကတော့ နောက်ထပ်ရောဂါပျံ့ပွားမှုတွေရဲ့ မူလဇာစ်မြစ်တွေကို စုံစမ်းစစ်ဆေးဖို့ ပိုမိုကောင်းမွန်တဲ့ နည်းလမ်းကို စီစဉ်နေကြပါတယ်။
WHO ညွှန်ကြားရေးမှူးချုပ်'တက်ဒရိုစ်အက်ဒါနွန်ဂက်ဘရီယေဆပ်စ်'က အချက်အလက်များပိုမိုရရှိဖိုအတွက် ဖေဖော်ဝါရီလက တရုတ်အစိုးရထံ ၂ ကြိမ်တိုင် စာရေးသားပေးပို့ခဲ့ရာ တရုတ်တို့က အချက်အလက်အချို့ ပေးပို့ခဲ့တယ်လို့ဆိုပါတယ်။
ကိုဗစ်ကပ်ရောဂါကြောင့် အနည်းဆုံးလူ ၁၅ သန်းသေဆုံးထားပြီး နောက်ထပ်ဒီလိုကူးစက်ပျံ့ပွားမှုမျိုးကိုတားဆီးဖို့ အရေးကြီးကြောင်းကို သိပ္ပံပညာရှင်များက ဖော်ပြခဲ့ပါတယ်။
အချိန်ကြာလေ စုံစမ်းစစ်ဆေးရတာ ပိုခက်ခဲလာနိုင်ပြီး WHO က ကပ်ရောဂါစတင်ပုံကို ပိုမိုသိရှိနိုင်ဖို့ ကြိုးပမ်းသွားမှာဖြစ်ကြောင်း WHO အရာရှိ'မာရီယာဗန်ခါခေါ့ဗ်'က ဆိုပါတယ်။
သန်းနဲ့ချီပြီး သေဆုံးခဲ့သူတွေရော ဘီလီယံနဲ့ချီပြီး ရောဂါကူးစက်ခဲ့သူတွေရော ရောဂါအကြွေးတင်နေပြီလို့ ဆိုခဲ့ပါတယ်။
ဓာတ်ခွဲခန်းဖြစ်ရပ်ကနေ ဗိုင်းရပ်စ်ကလူသားဆီကူးစက်ခဲ့တယ်ဆိုတာနဲ့ ပတ်သက်ပြီး နောက်ထပ် အချက်အလက်အသစ်တွေ မရရှိသေးပါဘူး။
ကိုဗစ်ရောဂါမူလဇာစ်မြစ်အကြောင်း ပိုမိုသိရှိရဖို့ အကြံပြုချက်များစွာကို WHO က တင်ပြခဲ့ပါတယ်။
တရုတ်နိုင်ငံဝူဟန်မြို့က အစောဆုံးပျံ့ပွားမှုတွေနဲ့ ဗိုင်းရပ်စ်စတင်ကူးစက်တယ်လို့သိရှိခဲ့တဲ့ ဝူဟန် သားငါးဈေးအနားတဝိုက် နောက်ထပ်လေ့လာမှုတွေပြုလုပ်ဖို့လည်း ပါဝင်ပါတယ်။
ဓာတ်ခွဲခန်းကပျံ့နှံလာတယ်ဆိုတာက အတော်ကိုမဖြစ်နိုင်ကြောင်းနဲ့ တိရိစ္ဆာန်တွေဆီကနေ ကူးစက်လာတာဖြစ်နိုင်တယ်ဆိုတဲ့ ယူဆချက်တွေကို တင်ပြထားပါတယ်။
သတ္တဝါတွေဆီကနေ ကူးစက်တာဖြစ်နိုင်တယ်လို့ အတော်လေးဦးတည်နေပေမယ့် နှစ်မျိုးစလုံးဖြစ်နိုင်သေးကြောင်း အမေရိကန်ထောက်လှမ်းရေး အစီရင်ခံစာမှာ ဖော်ပြထားပါတယ်။
Source: Reuters
#Yangon_Media_Group
Published 11 June 2022
ဒီကနေ့ယူကရိန်းဟာ မနက်ဖန် အရှေ့အာရှဖြစ်သွားကောင်းဖြစ်သွားနိုင်တယ်လို့ ဂျပန်ဝန်ကြီးချုပ် ဖူမီရိုကီရှီဒါးက လုံခြုံရေး ထိပ်သီးအစည်းအဝေးတစ်ခုမှာ သောကြာနေ့က သတိပေးပြောကြားလိုက်ပါတယ်။ ဒီမိုကရေစီနည်းနှင့် ကိုယ်ပိုင်အုပ်ချုပ်နေတဲ့ထိုင်ဝမ်ကို တရုတ်တို့ ကျူးကျော်လာနိုင်တဲ့ စိတ်ပူပန်မှုတွေကြီးထွားလတဲ့အချိန်မှာ သူက အခုလိုပြောလိုက်တာပါ။ စင်္ကာပူမှာကျင်းပနေတဲ့ ရှန်ဂရီလာဒိုင်လော့ခ်လုံခြုံရေးထိပ်သီးအစည်းအဝေးမှာ ဂျပန်ဝန်ကြီးချုပ်က ပြောကြားခဲ့တာဖြစ်ပါတယ်။ ဂျပန်ဟာ ငြိမ်းချမ်းရေးမြတ်နိုးတဲ့ နိင်ငံဖြစ်တဲ့အတွက် ပြောင်းလဲလာနေတဲ့ ဒေသနှင့်ကမ္ဘာ့လုံခြုံရေးပုံစံတွေက ဂျပန်ရဲ့ ကိုယ်ပိုင်ကာကွယ်ရေးအနေအထားကို ပြန်လည်သုံးသပ်ဖို့ ချက်ခြင်းဖြစ်လာစေခဲ့ တယ်လို့ သူကပြောပါတယ်။
Source: AFP
#WorldArts
Published 11 June 2022
အီတလီရွှေပန်းထိမ်ဆရာ'လူဂီဗလာဒီယာ'မှပြုလုပ်ထားပြီး မက္ကဆီကိုမှာ ပျောက်ဆုံးသွားတယ်လို့ယူဆထားကြတဲ့ အနုပညာလက်ရာအများအပြားကို နီကွာရာဂွာနိုင်ငံ လီယွန်မြို့ရှိဘုရားကျောင်းတစ်ခုမှာ တွေ့ရှိခဲ့ကြကြောင်း အဆိုပါဘုရားကျောင်းက ဗုဒ္ဓဟူးနေ့မှာအကြောင်းကြားခဲ့ပါတယ်။
#Yangon_Media_Group
#WorldTravel
Published 11 June 2022
ပြည်ပကလေကြောင်းလိုင်းနဲ့ လာမယ့်ခရီးသည်များအနေနဲ့ ကိုဗစ်စမ်းသပ်စစ်ဆေးမှု ပြုလုပ်ပြီး ရောဂါပိုးမရှိမှ ဝင်ရောက်ရမယ်ဆိုတဲ့ ၁၇ လတာလိုအပ်ချက်ကြီးကို အမေရိကန်နိုင်ငံက သောကြာနေ့က ရုတ်သိမ်းလိုက်ပါတယ်။
အမေရိကန်မှလေကြောင်းလိုင်းများနဲ့ ခရီးသွားလုပ်ငန်းက အင်တိုက်အားတိုက်စည်းရုံးခဲ့ပြီးနောက် အခုလိုသတ်မှတ်လိုက်တာ ဖြစ်ပါတယ်။
ရောဂါထိန်းချုပ် ကာကွယ်ရေးစင်တာ(CDC)မှ ညွှန်ကြားရေးမှူး'ရိုရှဲလ်ဝါလန်စကီ'က ကိုဗစ်စမ်းသပ်စစ်ဆေးမှု လိုအပ်ချက်ကိုရုတ်သိမ်းကြောင်း စာမျက်နှာ ၄ မျက်နှာပါ အမိန့်ကို ထုတ်ပြန်ခဲ့ရာ ဒီထုတ်ပြန်ချက်ဟာ ဂရင်းနစ်စံတော်ချိန် ၄ နာရီမှာ စတင်အကျုံးဝင်မှာဖြစ်ပြီး အခုလတ်တလောမှာ ကိုဗစ်စမ်းသပ်စစ်ဆေးမှု မလိုအပ်သေးကြောင်း ပြောကြားခဲ့ပါတယ်။
ပွင့်လင်းရာသီ ခရီးသွားကာလရောက်လာတဲ့အချိန်မှာ အခုလိုသတ်မှတ်လိုက်တာဖြစ်ပြီး လေကြောင်းလိုင်းတွေကလည်း ခရီးသွားမယ့်သူ အများအပြားဝင်ရောက်နိုင်ဖို့ ပြင်ဆင်နေပြီဖြစ်ပါတယ်။
အမေရိကန်နိုင်ငံသားအများအပြားက နိုင်ငံခြားခရီးသွားလို့ ရောဂါပိုးတွေ့ရှိခဲ့ရင် ပြည်ပမှာသောင်တင်နေမှာ စိုးတာကြောင့် နိုင်ငံခြားခရီးမသွားကြဘူးလို့ လေကြောင်းလိုင်းများက ဆိုပါတယ်။
CDC က သိပ္ပံနည်းကျအချက်အလက်များအတိုင်း ဆုံးဖြတ်ချက်ချခဲ့တာဖြစ်ပြီး နောက်ပိုင်းပြန်လိုအပ်လာရင် ကိုဗစ်စမ်းသပ်စစ်ဆေးမှု လိုအပ်ချက်ကို ပြန်လည်ထုတ်ပြန်ဖို့ ဝန်လေးနေမှာမဟုတ်ကြောင်း အမေရိကန်ကျန်းမာရေးနှင့်ဝန်ဆောင်မှုဌာနမှ အတွင်းဝန်'ဇာဗီယာဘက်ဆာရာ'က ပြောပြသွားပါတယ်။
CDC က သူတိုရဲ့ဆုံးဖြတ်ချက်ကို ရက် ၉၀ အတွင်း ပြန်လည်သုံးသပ်အကဲဖြတ်သွားနိုင်ပါတယ်။
၂၀၂၁ ဇန်နဝါရီလကတည်းက နိုင်ငံတကာမှ အမေရိကန်ကိုလေကြောင်းဖြင့် လာရောက်မယ့်ခရီးသွားတွေဟာ မထွက်ခွာခင်မှာ ကိုဗစ်ရောဂါပိုးမရှိကြောင်း စမ်းသပ်ချက်ရရှိဖို့ လိုအပ်ပါတယ်။
ကုန်းလမ်းကလာမယ့် သူတွေအတွက်တော့ CDC က ဒီလိုလိုအပ်ချက်တွေမသတ်မှတ်ခဲ့ပါဘူး။
ဥရောပနိုင်ငံအချို့မှာ ကိုဗစ်စမ်းသပ်စစ်ဆေးချက် လိုအပ်မှုတွေကို ရုတ်သိမ်းထားပြီးဖြစ်ပါတယ်။
အမေရိကန်ကိုလာမယ့်သူတွေအနေနဲ့ ကိုဗစ်ကာကွယ်ဆေးထိုးနှံထားဖို့တော့ လိုအပ်ဆဲဖြစ်ပါတယ်။
အခုလိုကိုဗစ်စမ်းသပ်စစ်ဆေးချက် လိုအပ်မှုကို ရုတ်သိမ်းလိုက်ခြင်းက ကာကွယ်ဆေးထိုးပြီးသားခရီးသွားတွေအတွက်သာဖြစ်တယ်လို့ အုပ်ချုပ်ရေးအစိုးရအဖွဲ့က ရိုက်တာသတင်းဌာနကိုပြောကြားလိုက်ပါတယ်။
JetBlue Airways မှ အမှုဆောင်ချုပ်'ရော်ဘင်ဟေးယက်စ်'က ရိုက်တာကိုပြောပြရာ ကိုဗစ်စမ်းသပ်စစ်ဆေးမှုလိုအပ်ချက်က နိုင်ငံတကာခရီးသွားလုပ်ငန်းပြန်လည်ဦးမော့နိုင်ဖို့ နောက်ဆုံးအတားအဆီး ဖြစ်နေကြောင်း ဆိုပါတယ်။
ကမ္ဘာ့အကြီးမားဆုံး လေကြောင်းလိုင်း IATA ကလည်း ဒီလိုမထိရောက်တဲ့ လိုအပ်ချက်ကြီးကိုလည်း ဖယ်ရှားလိုက်တာ သတင်းကောင်းဖြစ်ကြောင်း ပြောကြားခဲ့ပါတယ်။
ခရီးသွားတွေအနေနဲ့ နှာခေါင်းစည်းတပ်ဆင်ဖို့နဲ့ လေယာဉ်မစီးခင်နဲ့ ဆိုက်ရောက်ပြီးချိန်တွေမှာ ကိုဗစ်စစ်ဆေးဖို CDC က အကြုံပြုထားပါတယ်။
ကိုဗစ်ကပ်ရောဂါကြောင့် ထိခိုက်ခဲ့ရတဲ့ အမေရိကန်ခရီးသွားလုပ်ငန်းကို အရှိန်မြှင့်ထူထောင်နိုင်တော့မယ်လို့ အမေရိကန်ခရီးသွားလုပ်ငန်းအဖွဲ့အစည်းမှ စီအီးအို'ရော်ဂျာဒေါင်'က ပြောပြပါတယ်။
Source: Reuters
#Yangon_Media_Group
#DailyNews
Published - 11 June 2022
၁။ စက်သုံးဆီဈေးမြင့်တက်နေသော်လည်း နယ်စပ်ကုန်သွယ်ရေးပုံမှန်အရောင်းအဝယ်ဖြစ်နေ
၂။ နေအိမ်ဆုံးရှုံးပြီး စားဝတ်နေရေးခက်ခဲနေသည့် ကော့ကရိတ်ရှိ မသန်စွမ်းသူများ MPHA အသင်းကို ဆက်သွယ်အကူအညီတောင်းခံနိုင်
၃။ နေ့စဉ်မိုးလေဝသသတင်း။
၄။ အီတလီပန်းထိမ်ဆရာကြီး၏ အနုပညာလက်ရာပစ္စည်းများအား နီကာရာဂွာဘုရားကျောင်းတွင် ပြန်လည်တွေ့ရှိ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#Yangon_Media_Group
Page 640 of 768