Published 14 Sept 2022
SCO လို့ခေါ်တဲ့ ရှန်ဟိုင်းပူးပေါင်းဆောင်ရွက်ရေးအဖွဲ့ရဲ့ ၂၂ကြိမ်မြောက် နိုင်ငံခေါင်းဆောင်များကောင်စီအစည်းအဝေးမှာ ဘုံနားလည်မှုအသစ်တွေတည်ဆောက်ဖို့နျင့် ပူးပေါင်းဆောင်ရွက်ရေးကဏ္ဍသစ်ဖွင့်လှစ်ဖို့အတွက် နိုင်ငံတကာနှင့်ဒေသဆိုင်ရာ ပြဿနာတွေကိုကျယ်ကျယ်ပြန့်ပြန့်ဆွေးနွေးကြမှာဖြစ်တယ်လို့ SCO ရဲ့ အတွင်းရေးမှူးချုပ် ကျန်မင်းက ပြောပါတယ်။
ယခုနှစ်ထိပ်သီးအစည်းအဝေးကို ဥဘက်ကစ္စတန်နိုင်ငံ စမတ်ကန်မြို့မှာ ကြာသပတေးနေ့နှင့်သောကြာနေ့များမှာ ကျင်းပသွားမှာဖြစ်ပြီး ကိုဗစ်-၁၉ကြောင့်ဖြစ်ရတဲ့ နိုင်ငံတကာအခြေအနေရှုပ်ထွေးမှုတွေ၊ ယူကရိန်းအကျပ်အတည်း၊ စွမ်းအင်နှင့်စားနပ်ရိက္ခာလုံခြုံရေးကိစ္စတွေနှင့် တစ်ဖက်သတ်ကြီးစိုးမှုဝါဒတွေအကြောင်း ဆွေးနွေးကြပါလိမ့်မယ်။
“ရာသီဥတုပြောင်းလဲခြင်းဟာ SCO ရဲ့ ဆွေးနွေးပွဲတွေမှာ အမြဲအရေးကြီးတဲ့ ကိစ္စတစ်ရပ်ဖြစ်ပါတယ်။ ထိုနည်းတူ ပြီးခဲ့တဲ့ နစ်များက ကမ္ဘာလုံးဆိုင်ရာ ထောက်ပို့ကွင်းဆက်ရဲ့ လုံခြုံရေးကို ဆက်လက်ထိန်းသိမ်းဖို့ကိစ္စလည်းပါဝင်ပါတယ်။ ပြောင်းလဲမှုအသစ်တွေနှင့် စိန်ခေါ်မှုအသစ်တွေကို SCO ခေါင်းဆောင်တွေဟာ အပြည့်အဝသတိမူမိကြလိမ့်မယ်လို့ ကျွန်တော်ယုံကြည်ပါတယ်။ ဒီကိစ္စရပ်တွေကို ဒီနှစ်ထိပ်သီးအစည်းအဝေးမှာ သူတို့ဆွေးနွေးကြပါလိမ့်မယ်” လို့ အတွင်းရေးမှူးချုပ်ကျန်မင်းက ပြောပါတယ်။
“၂၀၀၁ခုနှစ်တည်ထောက်ပြီးကတည်းက ဒီအဖွဲ့ဟာ တင်းပြည့်အဖွဲ့ဝင် (၈)နိုင်ငံ၊ လေ့လာသူအဖြစ် (၄)နိုင်ငံနှင့် ဆွေးနွေးဖက် နိုင်ငံတွေအများကြီးရှိပါတယ်။ ကမ္ဘာ့ငြိမ်းချမ်းရေးနှင့်လုံခြုံရေးအတွက် တောင့်တင်းတဲ့ မဏ္ဍိုင်ကြီးတစ်ခုသာမကဘဲ ဒေသဆိုင်ရာ စီးပွာရေးနှင့်ကုန်သွယ်ရေး ပူးပေါင်းဆောင်ရွက်မှုမြှင့်တင်ပေးတဲ့ အရေးကြီးတဲ့အင်အားတစ်ခုလည်းဖြစ်ပါတယ်” လို့သူကပြောပါတယ်။
“ခါးပတ်နှင့် လမ်းကြောင်း ဦးစီးဦးရွက်အစီအစဉ် BRI ရဲ့အောက်မှာ သိသာထင်ရှားတဲ့ စီးပွားရေးတိုးတက်ဖြစ်ထွန်းမှုတွေ၊ ပြည်သူတွေရဲ့ ဘဝတွေအကြီးအကျယ်တိုးတက်လာတာတွေနှင့် အချင်းချင်းပိုမိုနီးကပ်လာကြတာတွေကို SCO အဖွဲ့ဝင်နိုင်ငံတွေ မျက်ဝါးထင်ထင်တွေ့မြင်ခဲ့ကြပြီးဖြစ်ပါတယ်” လို့လည်း သူကဆက်ပြောပါတယ်။
“ BRIနှင့်ချိတ်ဆက်မှုသဘောက ပူးပေါင်းဆောင်ရွက်မှုနှင့်ဗဟုဝါဒပဲဖြစ်တယ်။အဲဒါဟာ SCO ရဲ့ရည်ရွယ်ချက်တွေနှင့် လည်းထပ်တူဖြစ်နေတယ်။ ရလာဒ်အားဖြင့် SCO နိုင်ငံတွေအကြားမှာ BRI ဟာ ကောင်းမွန်စွာ အကောင်အထည်ဖော်နိုင်နေပါတယ်။ ကုန်သွယ်ရေးတိုးတက်တာ၊ရထားလမ်းနှင့်ကားလမ်းသယ်ယူပို့ဆောင်ရေး တွေကောင်းမွန်လာတာတွေ၊ပြီးတော့ ထောက်ပို့စွမ်းဆောင်ရည်မြင့်မားလာတာတွေသာမကဘဲ ယဉ်ကျေးမှုဖလှယ်ခြင်းနှင့် ခရီးသွားလုပ်ငန်းဖွံ့ဖြိုးရေးတွေမှာလည်း မြင့်မားလာတာ တွေ့ကြရပါတယ်” လို့ သူကပြောပါတယ်။
SCO ကို ၂၀၀၁ခုနှစ်မှာ တရုတ်နိုင်ငံ ရှန်ဟိုင်းမြို့မှာ ဖွဲ့စည်းတည်ထောင်ခဲ့ပါတယ်။ ဒီအဖွဲ့ဟာ နိုင်ငံတွေအကြား နိုင်ငံရေး၊စီးပွားရေးနှင့်လုံခြုံရေးဆိုင်ရာ အမြဲတမ်းအဖွဲ့တစ်ခုဖြစ်ပါတယ်။ လက်ရှိမှာ တရုတ်၊ကာဇက်စတန်၊ကာဂျစ္စတန်၊ရုရှား၊တာဂျစ်ကစ္စတန်၊ဥဘက်ကစ္စတန်၊အိန္ဒိယနှင့် ပါကစ္စတန်နိုင်ငံ ၈နိုင်ငံဟာ တင်းပြည့်အဖွဲ့ဝင်နိုင်ငံတွေဖြစ်ကြပါတယ်။
ဒီအဖွဲ့ကြီးဟာ ယူရိုးရှားတိုက်ကြီးရဲ့ ငါးပုံသုံးပုံခြုံလွှမ်းထားပါတယ်။ ကမ္ဘာ့လူဦးရေရဲ့ တစ်ဝက်နီးပါးမျှရှိပါတယ်။ ထို့အပြင် ၂၀၂၁ခုနှစ်စာရင်းဇယားများအရ ကမ္ဘာ့ဂျီဒီပီရဲ့ ၂၀ရာခိုင်နှုန်းလည်းကိုယ်စားပြုထားတာဖြစ်ပါတယ်။
Source CCTV+
#SCO
#Shanghai_Cooperation_Organization
#China_Russia_India_SOC
#DailyNews
Published _ 14 September 2022
၁။ ငရုပ်အစိုဈေးနှုန်း စံချိန်တင်မြင့်တက်လာ
၂။ ရွှေဈေးနှုန်း ပြန်လည်ကျဆင်း
၃။ အသက်ကြီးသူများတွင် ရင်သားကင်ဆာနှင့် ဆီးကျိတ်ကင်ဆာများ အဖြစ်အများဆုံးတွေ့နေ
၄။ IS စစ်သွေးကြွများ၏ဖျက်ဆီးခြင်းကိုခံခဲ့ရသည့် အီရတ်ရှေးဟောင်းအပျက်အစီးနေရာအား ခရီးသွားဧည့်သည်များအတွက်ဖွင့်လှစ်လိုက်ပြီ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။
#Yangon_Media_Group
#World_Politics
Published 14 September 2022
ထိုင်ဝမ်ကို တရုတ်တို့ကျူးကျော်ဖို့ ကြိုးပမ်းနေခြင်းကို ဝင်ရောက်နှောင့်ယှက်တဲ့အနေနဲ့ အမေရိကန်က တရုတ်အပေါ် စီးပွားရေးပိတ်ဆို့မှုများပြုလုပ်ရန် စဉ်းစားသုံးသပ်နေကြပြီး ထိုင်ဝမ်ကလည်း တရုတ်ကို ထိုကဲ့သို့အရေးယူပိတ်ဆိုရန် ဥရောပသမဂ္ဂကို သံတမန်ရေးအရ ဖိအားပေးနေကြောင်း နီးစပ်တဲ့သတင်းအရင်းအမြစ်မှ သိရှိရပါတယ်။
အမေရိကန်နဲ့ ထိုင်ဝမ်တို့မှ အီးယူသံတမန်များက ထိုကိစ္စဆွေးနွေးရာမှာ အစောပိုင်းအဆင့်ရောက်ရှိနေကြပြီဖြစ်ပြီး ထိုင်ဝမ်ရေလက်ကြားမှာ တရုတ်နဲ့ စစ်ရေးတင်းမာမှုမြင့်တက်လာမှုအကြား ကျူးကျော်လာနိုင်တဲ့အခြေအနေကို တုံ့ပြန်တဲ့သဘော ဖြစ်ပါတယ်။
အနောက်နိုင်ငံမှ ဒဏ်ခတ်ပိတ်ဆို့မယ့်အကြံအစည်ထဲမှာ ကွန်ပျူတာဆားကစ်တွေနဲ့ ဆက်သွယ်ရေးပစ္စည်းများကဲ့သို့ နည်းပညာပိုင်းပစ္စည်းများအား တရုတ်နဲ့ကုန်သွယ်ရင်းနှီးမြှုပ်နှံမှုကို တားမြစ်ရန်ဖြစ်ပါတယ်။
သတင်းအတိအကျ မသိရသေးပေမယ့် ကမ္ဘာ့ဒုတိယမြောက်စီးပွားရေးအတောင့်တင်းဆုံးနဲ့ ကမ္ဘာ့ကုန်ကြမ်းပစ္စည်းထောက်ပံ့ရေး ကွင်းဆက်မှာ အကြီးမားဆုံးတစ်နိုင်ငံဖြစ်တဲ့ တရုတ်ကို ပိတ်ဆို့မှုတွေပြုလုပ်မှာလားဆိုတဲ့ ဖြစ်နိုင်ချေတွေ ပေါ်ထွက်လာပါတယ်။
"တရုတ်ကို ပိတ်ဆို့မှုချမှတ်ရတာက ရုရှားထက် ပိုပြီးရှုပ်ထွေးပါတယ်၊ အမေရိကန်နဲ့ မဟာမိတ်တွေက တရုတ်စီးပွားရေးနဲ့ နက်နက်နဲနဲ ပါဝင်ပတ်သက်နေကြပါတယ်"လို့ အမေရိကန်ကူးသန်းရောင်းဝယ်ရေးဌာနမှ အကြီးတန်းအရာရှိဟောင်း'နာဇက်ခ်နီကက်ထာ'က ပြောပြသွားပါတယ်။
တရုတ်က ထိုင်ဝမ်ကို သူတို့ပိုင်ဆိုင်တယ်လို့ ဆိုထားကာ ပြီးခဲ့တဲ့လက အမေရိကန်အောက်လွှတ်တော်ဥက္ကဌ'နန်စီပယ်လိုစီ' ထိုင်ဝမ်ကို လာရောက်လည်ပတ်ပြီးနောက် တရုတ်တို့က စစ်ရေးပြသခဲ့ကြပြီး တရားမဝင်ရေပြင်နေရာမှာ စစ်သင်္ဘောများလွှင့်ပြခဲ့ပါတယ်။
တရုတ်သမ္မတ'ရှီကျင့်ဖင်'က ဒီမိုကရက်တစ်အုပ်ချုပ်နေတဲ့ ထိုင်ဝမ်ကို တရုတ်လက်အောက်သို့ သိမ်းသွင်းရန်စိတ်ပိုင်းဖြတ်ထားပြီး အင်အားသုံးလာနိုင်တယ်လို့ ဆိုခဲ့ပါတယ်။
ထိုင်ဝမ်အစိုးရကတော့ တရုတ်ရဲ့အချုပ်အခြာအာဏာအောက်မှာ မရှိစေရန် အပြင်းအထန်ငြင်းဆန်ထားပါတယ်။
ယူကရိန်းကို ရုရှားကျူးကျော်ပြီးခါမှ အမေရိကန်တိုက ဒဏ်ခတ်ပိတ်ဆို့ဖို့ ဆွေးနွေးလာကြပေမယ့် အခုတရုတ်ရဲ့တုံ့ပြန်ပုံကြောင့် တရုတ်ကိုအရေးယူဖို့ အရေးပေါ်ဆွေးနွေးနေကြပြီလို့ သိရှိရပါတယ်။
ဇန်နဝါရီလတုန်းက နေတိုး(NATO)မဟာမိတ်များရဲ့ ကူညီမှုနဲ့ အမေရိကန်က ရုရှားကို ဒဏ်ခတ်ပိတ်ဆို့မယ့်အကြောင်း ခြိမ်းခြောက်ခဲ့ပေမယ့် ယူကရိန်းကို မကျူးကျော်နိုင်အောင် ရုရှားသမ္မတ'ဗလာဒီမာပူတင်'ကို မတားဆီးနိုင်ခဲ့ပါဘူး။
ဥရောပနဲ့အာရှမှ နိုင်ငံများပူးပေါင်းကာ ထိုကိစ္စအပေါ်အရေးစိုက်ရန်နဲ့ တရုတ်ကို ရန်သွားမစမိဖို့ အရာရှိတစ်ဦးက သတိပေးလိုက်ပါတယ်။
အရေးယူ ပိတ်ဆို့မှုဆွေးနွေးပွဲမှာတော့ ထိုင်ဝမ်ကိုမကျူးကျော်နိုင်အောင် တရုတ်ကို နည်းပညာများရယူခွင့်များအား ပိတ်ပင်တားဆီးဖို့အကြောင်း ပါဝင်နေပါတယ်။
တရုတ်တို့ရဲ့စစ်ရေးကစားပွဲနဲ့ ထိုင်ဝမ်၊ အမေရိကန်၊ ဥရောပဒေသတွေမှာ တရုတ်ရဲ့စိန်ခေါ်လာမှုများအကြောင်း ဆွေးနွေးခဲ့ကြတယ်လို့ ထိုင်ဝမ်နိုင်ငံခြားရေးဝန်ကြီးဌာနက ဆိုပါတယ်။
အမေရိကန်မှာရှိတဲ့ တရုတ်နိုင်ငံခြားရေးဝန်ကြီးဌာနနဲ့ တရုတ်သံရုံးတို့ကတော့ ဒီကိစ္စများအကြောင်း မှတ်ချက်ပြုပြောကြားဖို့ တောင်းဆိုခဲ့ရာမှာ ဖြေကြားခြင်းမရှိခဲ့ပါဘူး။
Source: Reuters
#Yangon_Media_Group
Published 14 Sept 2022
ပါးလွှာတဲ့ရှပ်အင်္ကျီ၊ခါးကိုပေါ်လွင်စေတဲ့ ဒီဇိုင်းမျိုးစုံနှင့် ၁၉၉၀ပြည့်လွန်နှစ်တွေက မက်မောဘွယ်ဖက်ရှင်တွေကို နယူးယောက် ဖက်ရှင်ရက်သတ္တပတ်ပွဲတော်မှာ ပြန်ပြီးပွဲထုတ်လာပါတယ်။
ဖက်ရှင်ဒီဇိုင်းနာ တိုရီဘတ်ချ်က အဲဒီတစ်ခေတ်တစ်ခါက ဆက်ဆီဒီဇိုင်းတွေကို တက်ဆက်ခဲ့တာဖြစ်ပါတယ်။
“ကျွန်မတို့ အရင်ကပြခဲ့တာတွေထက် အခုဖက်ရှင်က ပိုပြီးလိင်ဆွဲဆောင်မှုရှိတယ်လို့ ကျွန်မထင်တယ်” လို့ သူမကပြောပါတယ်။
“ ဒါဟာ အမျိုးသမီးတွေက ဝတ်ချင်ကြတဲ့ပုံစံဆိုတာ ကျွန်မတွေ့ရတယ်။ ဒါပေမယ့် ကျွန်မလည်း ကြော့ရှင်းတာ သဘောကျပါတယ်” လို့ သူမကဖြည့်စွက်ပြောပါတယ်။
#Source_AFP
#Tory_Burch
#New_York_Fashion_Week
#90s_sexy_design
#Health_Tips
Published 14 September 2022
အကောင်းဆုံးအသီးတွေထဲမှာ သရက်သီးအပါအဝင်ဖြစ်ပါတယ်။
သရက်သီးက အမျိုးအစားများစွာကွဲပြားသလို အနံ့အရသာတွေလည်း မတူညီကြပါဘူး။
တစ်ကမ္ဘာလုံးမှာ သရက်သီးကို နှစ်ခြိုက်စွာစားသုံးကြပြီး တစ်နှစ်ပတ်လုံးရရှိနိုင်ပါတယ်။
ဒါ့အပြင် အဟာရဓာတ်များစွာလည်း ပေးနိုင်ကာ ကျန်းမာရေးကောင်းကျိုးများ ရရှိနိုင်ပြီး ဗိုက်တာမင်-အေ၊ ဗိုက်တာမင်-စီ၊ အမျှင်ဓာတ်၊ ဖောလိတ်၊ ပိုတက်ဆီယမ် တို့ပါဝင်ပါတယ်။
- အစာချေရလွယ်ကူခြင်း
သရက်သီးတွေမှာပါဝင်တဲ့ အမျှင်ဓာတ်က အစာချေစနစ်ကို ကျန်းမာကောင်းမွန်စေပါတယ်။
ဝမ်းချုပ်တဲ့အချိန်မှာ ရေဓာတ်နဲ့ အမျှင်ဓာတ်ပါဝင်တဲ့ သရက်သီးက အဆင်ပြေစေမှာ ဖြစ်ပါတယ်။
- ရင်ကြပ်ဝေဒနာအတွက် ဆေးစွမ်းတစ်လက်
ဘီတာကယ်ရိုတင်းများစွာ စားသုံးရင် ရင်ကြပ်မဖြစ်စေနိုင်ပါဘူး။
ရင်ကြပ်ရှိပြီးသားလူတွေအတွက်လည်း ခံစားရသက်သာစေပါတယ်။
- မျက်လုံးအတွက် အကောင်းဆုံး
သရက်သီးမှာပါဝင်တဲ့ ဇန်သင်းလို့ခေါ်တဲ့ အန်တီအောက်ဆီဒင့်က အမြင်အာရုံပြဿနာများကို ကူညီပေးပြီး မျက်လုံးထိခိုက်စေတဲ့ အလင်းရောင်မှ ကာကွယ်ပေးပါတယ်။
- အရေပြားနဲ့ဆံပင်အတွက် သင့်တော်ခြင်း
ဗိုက်တာမင်-စီက အသားအရည်တင်းရင်းစေပြီး ဗိုက်တာမင်-အေက ဆံပင်နဲ့ အသားအရည်အတွက် အစိုဓာတ်ထိန်းသိမ်းပေးပါတယ်။
- မှတ်ဉာဏ်စွမ်းရည်မြှင့်တင်ပေးခြင်း
ဂလူတမင်းက မှတ်ဉာဏ်ကိုလှုံ့ဆော်ပေးပြီး လေ့လာမှတ်သား ဖြေရှင်းနိုင်စွမ်းကို မြှင့်တင်ပေးပါတယ်။
စာမေးပွဲရှိတဲ့အခါ သရက်သီးလတ်လတ်ဆတ်ဆတ်လေး စားပေးသင့်ပါတယ်။
- ကင်ဆာကာကွယ်ပေးခြင်း
သရက်သီးစားပေးတဲ့အခါ အထူးသဖြင့် ရင်သားကင်ဆာနဲ့ အူမကြီးကင်ဆာတို့ဖြစ်ပွားခြင်းမှ ကာကွယ်ပေးနိုင်တယ်လို သိပ္ပံပညာရှင်များ စမ်းသပ်တွေ့ရှိထားပါတယ်။
- အရသာ
သရက်သီးက ဒီအတိုင်းစားရင်ကို အရသာရှိတာဖြစ်တဲ့အတွက် အချိုပွဲအတွက် အသင့်တော်ဆုံးဖြစ်ပါတယ်။
Source: Soo Healthy
#Yangon_Media_Group
#World_Health
Published 14 September 2022
ရေ၊ သံပယိုသီး၊ ချီယာစေ့တိုပါဝင်တဲ့ ဖျော်ရည်ဟာ အစာအိမ်ထဲကချိုးတွေကို ဖယ်ရှားပေးကာ ခန္ဓာကိုယ်တွင်းကို သန့်စင်ပေးနိုင်တယ်လို့ 'ဒါရိုင်းဂျော့ဖာ'က ပြောကြားခဲ့ပါတယ်။
ဒီဖျော်ရည်က ဝမ်းချုပ်ခြင်း၊ ဖောရောင်ခြင်း၊ အရက်နာကျခြင်းတို့ကိုပါ သက်သာစေတယ်လို့ ဆိုကြပါတယ်။
ဒီသောက်စရာထဲမှာ ပါဝင်တဲ့ ချီယာစေ့က စုပ်ယူအားကောင်းပြီး အမျှင်ဓာတ်များပါဝင်ကာ အရည်ထဲထည့်လိုက်ရင် ပွလာပါတယ်။
အစာချေစနစ်ကို ကောင်းမွန်စေပြီး အူထဲက ကောင်းကျိုးပြုဘက်တီးရီးယားများကို အားဖြည့်စေပါတယ်။
အူကျန်းမာရေးကို ကောင်းမွန်စေတာက အစာချေစနစ်ကို မြှင့်တင်ပေးတာတော့ မဟုတ်ပါဘူး။
ခန္ဓာကိုယ်ထဲမှာ ဒီအလုပ်တွေက အလိုအလျောက်လုပ်ဆောင်နေတာဖြစ်ပြီး အစာမြန်မြန်ကြေအောင် ထိန်းချုပ်လို့မရပါဘူး။
အချို့လူတွေက ဝမ်းချုပ်သက်သာတာနဲ့ အစာချေစနစ်ကောင်းတာကို ရောထွေးနေတတ်ကြပါတယ်။
သောက်သုံးနည်းပုံစံကတော့..
- ရေတစ်ဖန်ခွက်
- ချီယာစေ့ ထမင်းစားဇွန်း ၂ ဇွန်း၊ သံပယိုသီး ၁ လုံး အရည်ညှစ်ထည့်
- ဆားကို လက်ဘက်ရည်ဇွန်း ၈ ပုံ ၁ ပုံထည့်
- မွှေပြီးတော့ ချီယာစေ့က ရေကိုစုပ်ယူသွားအောင် ၁၅ မိနစ်ခန့်ထား
- နောက်တစ်ခါမွှေပြီး သောက်ပါ
နောက်ပိုင်းကျရင်တော့ ချီယာစေ့ကို တဖြည်းဖြည်းချင်း များများထည့်နိုင်ပါတယ်။
ချီယာစေ့ ၂ ဇွန်းမှာ အမျှင်ပမာဏ ၁၀ ဂရမ်မျှပါဝင်ပြီး လူကြီးများအနေနဲ့ တစ်နေ့ကို ၁၀ ဂရမ်မျှ သောက်သုံးနိုင်ပါတယ်။
ဒီအရည်ထဲမှာ ကျန်းမာစေတဲ့ ပါဝင်ပစ္စည်းများပါဝင်ပေမယ့် ရေကိုသံပယိုသီးနဲ့ ဖျော်သောက်တာကတင် အစာချေစနစ်ကို ကောင်းမွန်စေပါတယ်။
သံပယိုရော၊ ချီယာစေ့ရော ထည့်သောက်နိုင်ပေမယ့် အနည်းငယ်သာထည့်ဖို့ အကြံပေးထားပါတယ်။
Source: The Jerusalem Post
#Yangon_Media_Group
#World_Technology
Published 13 September 2022
ဗင်နီဇွဲလားမှ ရုပ်ရှင်ထုတ်လုပ်သူလည်းဖြစ်၊ ပြိုင်ကားဝါသနာရှင်လည်းဖြစ်၊ စားသောက်ဆိုင်ပိုင်ရှင်လည်းဖြစ်တဲ့ လူတစ်ဦးဟာ ဆိုလာစွမ်းအင်အသုံးပြုတဲ့ မော်တော်ကားများကို ထုတ်လုပ်နိုင်ခဲ့ပြီး မကြာခင် အများအပြားထုတ်လုပ်နိုင်ဖို့ မျှော်လင့်နေပါတယ်။
#Yangon_Media_Group
Page 638 of 863
