#World_Science
Published 19 July, 2025

▪️ မျိုးပွားနိုင်စွမ်းရှိတဲ့ ဘယ်သတ္တဝါမဆို သက်ရှိစာရင်းထဲ ထည့်သွင်းသတ်မှတ်ကြပါတယ်။

▪️ ဗိုင်းရပ်စ်တွေကတော့ သူတို့ကိုယ်တိုင် မကြီးထွားနိုင်၊ မျိုးမပွားနိုင်၊ စွမ်းအင်မထုတ်ကြဘဲ သက်ရှိစာရင်းကနေ ဖယ်ထုတ်နိုင်ပါတယ်။

▪️ ဒါပေမဲ့ ဗိုင်းရပ်စ်က လက်ခံကောင်ထဲ ဝင်သွားပြီဆိုရင်တော့ အလွန်အသက်ဝင်လာပြီး ကိုဗစ်၊ အီဘိုလာတို့လို ရောဂါကပ်ဘေးတွေ ဖြစ်လာပါတယ်။

▪️ အခုဟာကတော့ သက်ရှိနဲ့ သက်ရှိမဟုတ်တဲ့ကြား နှစ်မျိုးစလုံးနဲ့ ပတ်သက်နေပါတယ်။

▪️ ကနေဒါနဲ့ ဂျပန်သုတေသီများက ဆဲလ်သက်ရှိရော ဗိုင်းရပ်စ်လက္ခဏာပါ ဆက်စပ်နေတဲ့ ဆဲလ်အသစ်တစ်မျိုး တွေ့ရှိထားပါတယ်။

▪️ လက်ရှိမှာ ဂျပန်လို Sukunaarchaeum mirabile လို့ အမည်ပေးထားပြီး သက်ရှိတွေလိုမျိုး ရိုင်ဘိုဆုန်းတွေနဲ့ မက်ဆင်ဂျာRNA တို့ ဖန်တီးဖို့ လိုအပ်တဲ့ မျိုး‌ဗီဇပစ္စည်းများ ပါဝင်ပါတယ်။

▪️ ဒါပေမဲ့ ဗိုင်းရပ်စ်လိုမျိုးလည်း လက်ခံကောင်ဆီမှာ လုပ်ဆောင်ပြီး ပွားများတဲ့ပုံစံလည်း ရှိပါတယ်။

▪️ လက်ခံကောင်ပေါ်မှာ ဇီဝဖြစ်စဉ်မျ မထင်မှတ်လောက်အောင် တွေ့ရသလို အနည်းဆုံးသော ဆဲလ်သက်ရှိအခြေအနေနဲ့ ဗိုင်းရပ်စ်ဘဝကြား လုပ်ဆောင်ချက်ကွဲပြားမှုလည်း တွေ့ရပါတယ်။

▪️ ဒယ်ဟူဆီတက္ကသိုလ်မှ မော်လီကျူးပညာရှင် ရိုဟာရာဒါဦးဆောင်တဲ့ သုတေသီအဖွဲ့က နှိုင်းယှဉ်လေ့လာခဲ့ကြတာ ဖြစ်ပါတယ်။

▪️ Sukunaarchaeum ကိုတွေ့ရှိတာက ဆဲလ်သက်ရှိတွေရဲ့ သတ်မှတ်ချက်တွေကို ထပ်ချဲ့သလိုဖြစ်နိုင်ပြီး အဏုဇီဝသက်ရှိ လှုပ်ရှားနေထိုင်မှုများကြား မသိရှိသေးတဲ့အကြောင်းတွေ သိလာရနိုင်ပါတယ်။

▪️ နောက်ထပ်လေ့လာမှုများ ပြုလုပ်ပါက ဆဲလ်ဗီဇပြောင်းလဲခြင်းအကြောင်းတွေ၊ သာမန်ထက်ထူးဆန်းသော သက်ရှိများအကြောင်း တွေ့လာနိုင်ပါတယ်။

#Source: PM

#World_Health
Published 19 July, 2025

▪️ နှစ်ခြိုက်စွာ အိပ်စက်ရခြင်းက အသားအရေကျန်းမာရေးကို သိသိသာသာ တိုးတက်စေပြီး အရေပြားပြုပြင်ထိန်းသိမ်းမှုကို အထောက်အကူ ဖြစ်စေပါတယ်။

▪️ ကောင်းစွာမအိပ်စက်ရရင်တော့ အရေပြားခမ်းခြောက်ခြင်း၊ ပျက်စီးခြင်းများ ဖြစ်လာနိုင်တာကြောင့် အိပ်စက်ခြင်းရဲ့ အကျိုးကျေးဇူးများကို ဖော်ပြလိုက်ပါတယ်။

▪️ (၁) နှစ်ခြိုက်စွာအိပ်စက်တဲ့အခါ အသားအရေကို တင်းရင်းချောမွေ့စေတဲ့ ကော်လာဂျင်ဓာတ်တွေ ထွက်ရှိစေပါတယ်။

▪️ (၂) ညစ်ညမ်းခြောက်သွေ့လာတဲ့ ဆဲလ်သေတွေကို ဖယ်ရှားပေးကာ ဆဲလ်အသစ်များ ပြန်လည်ဖြစ်ပေါ်စေပါတယ်။

▪️ (၃) လုံလောက်စွာအိပ်စက်တဲ့အခါ အရည်တွေနဲ့ သွေးလှည့်ပတ်မှုကို ကောင်းစေသဖြင့် မျက်ကွင်းညိုခြင်း၊ ဖောင်းအစ်ခြင်းတို့မှ ကာကွယ်ပေးပါတယ်။

▪️ (၄) အိပ်ပျော်စဉ်မှာ အရေပြားသို့ သွေးစီးဆင်းစေသဖြင့် အောက်ဆီဂျင်နဲ့ အာဟာရဓာတ်များ ရောက်ရှိစေပြီး ဝင်းလက်တောက်ပစေပါတယ်။

▪️ (၅) ဖိစီးမှုဟော်မုန်းနဲ့ အခြားဟော်မုန်းများ ထိန်းညှိပေးကာ အရေပြားရောင်ရမ်းခြင်းများ လျှော့ချပေးပါတယ်။

▪️ (၆) အိပ်ရေးပျက်လို့ ရောင်ရမ်းမှုတွေဖြစ်ရင် ဝက်ခြံ၊ နှင်းခူတို့လို အရေပြားပြဿနာတွေ ဖြစ်လာနိုင်တာကြောင့် အိပ်စက်ခြင်းဖြင့် အဆိုပါပြဿနာများ သက်သာစေပါတယ်။

▪️ (၇) နှစ်ခြိုက်စွာအိပ်ပျော်စဉ်မှာ အရေပြားကို ကာကွယ်စောင့်ရှောက်ပေးကာ ဘက်တီးရီးယားများ ညစ်ညမ်းမှုန်များမှ ကာကွယ်ပေးပါတယ်။

▪️ (၈) ဆီရမ်၊ စိုစွတ်မှုပစ္စည်းများ၊ အလှကုန်ပစ္စည်းများ အသုံးပြုခြင်းကို ထိရောက်စေပြီး ညမအိပ်ခင် လိမ်းရတဲ့ ပစ္စည်းတွေ အသားထဲစိမ့်ဝင်စေပါတယ်။

▪️ (၉) အိပ်ချိန်မှန်မှန်အိပ်ပေးပါက အရေပြားပြန်လည်ကုစားချိန်ပိုရပြီး အရေးကြောင်းများ အိုမင်းရင့်ရော်ခြင်းလက္ခဏာတို့မှ နှောင့်နှေးစေပါတယ်။

▪️ (၁၀) ကောင်းစွာအိပ်စက်ရင် အရေပြားစိုစွတ်မှုကို ထိန်းသိမ်းပေးပြီး ချောမွေ့ညီညွတ်စေပါတယ်။

ဂျာမနီမှ အကြီးဆုံးပင်လယ်ဆိပ်ကမ်းဖြစ်တဲ့ ဟမ်းဘတ်ဆိပ်ကမ်းဟာ အမေရိကန်ရဲ့ ကုန်သွယ်ရေးမူဝါဒချမှတ်မှုဒဏ်တွေကနေ ရိုက်ခတ်မှုများခံစားနေရကြောင်း ဆိပ်ကမ်းမားကတ်တင်းညွှန်ကြားရေးမှူးက ပြောပါတယ်။
‎#World_Business
‎Published 18 July 2025
‎‎#‎ကမ်းကပ်စောင့်ဆိုင်းရန်အလွန်ကြာမြင့် #ဟမ်းဘတ်ဆိပ်ကမ်း
#YMG #Yangon_Times #Yangon_Media_Group

#Daily_News

Published 18 July 2025

၁။ ‌‌‌‎အလုပ်အကိုင်ပေါင်း တစ်သောင်းခန့် ဖန်တီးပေးနိုင်မည့် ရင်းနှီးမြှုပ်နှံမှုလုပ်ငန်းအသစ် ၃၅ ခုကိုခွင့်ပြု

‎၂။ ‌‎‎‎ကမ္ဘာ့ဆန်ဝယ်လိုအားကျဆင်းနေသော်လည်း လစဉ်ပို့ကုန်ရည်မှန်းချက်ကို ပြည့်မီစွာတင်ပို့နေ

၃။ ‌‎ငလျင်သင့်ပြည်သူများသို့ ထောက်ပံ့ရန်အမိုးပြားအချပ်ရေ ၁ .၈၃ သန်းခန့် လိုအပ်မည်

၄။ ‎အမေရိကန်၏ အခွန်စည်းကြပ်မှုများကြောင့် ဥရောပဆိပ်ကမ်းများ၌ ကမ်းကပ်ရန်စောင့်ဆိုင်းရန်အလွန်ကြာမြင့် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#YMG #Yangon_Times #Yangon_Media_Group

#World_News
Published 18 July 2025

▪️ ပျက်ကျသွားတဲ့ Air India လေယာဉ်မှ လေယာဉ်မှူးနှစ်ဦး စက်ထိန်းချုပ်ထဲ ပြောဆိုခဲ့တဲ့ မှတ်တမ်းတစ်ခုမှာ ကပ္ပတိန်က လေယာဉ်အင်ဂျင်တွေထံ လောင်စာဆီစီးဆင်းမှုကို ဖြတ်တောက်ခဲ့တဲ့သဘော မြင်တွေ့ရတယ်လို့ အမေရိကန်ဘက်က အစောပိုင်းအထောက်အထားအရ သတင်းရင်းမြစ်တစ်ခုက ပြောပါတယ်။

▪️ ပထမအရာရှိက Boeing 787 ကို ထိန်းချုပ်တဲ့နေရာမှာ ရှိနေခဲ့ပြီး အင်ဂျင်တွေ လောင်စာဆီမရောက်စေတဲ့ ခလုတ်တွေကို ဘာလို့ရွှေ့ထားတာလဲလို့ ကပ္ပတိန်ကို မေးခဲ့ပြီး လောင်စာဆီပြန်ဖွင့်ဖို့ တောင်းဆိုခဲ့ကြောင်း အမည်မဖော်လိုသူ သတင်းရင်းမြစ်က ပြောပါတယ်။

▪️ ဘယ်လေယာဉ်မှူးက ခလုတ်တွေကို ရွှေ့ခဲ့လဲဆိုတာကို ဖော်ပြနေတဲ့ လေယာဉ်ထိန်းချုပ်ခန်းဗီဒီယိုမှတ်တမ်းကို သေချာမတွေ့ရသေးပေမယ့် စကားပြောဆိုပုံတွေအရ ကပ္ပတိန်ဖြစ်နေတယ်လို့ အစောပိုင်းသုံးသပ်ထားပါတယ်။

▪️ လေယာဉ်ပျက်ကျမှုကို ဦးဆောင်စစ်ဆေးနေတဲ့ အိန္ဒိယလေယာဉ်မတော်တဆမှု စုံစမ်းစစ်ဆေးရေးဗျူရို(AAIB)က ကြာသပတေးနေ့က ထုတ်ပြန်ရာမှာ နိုင်ငံတကာမီဒီယာတွေက အတည်မပြုနိုင်သေးတဲ့ အကြောင်းအရာတွေကိုပဲ ထုတ်နုတ်ဖော်ပြဖို့ ကြိုးစားနေကြောင်း ပြောထားပါတယ်။

▪️ လေယာဉ်ပျက်ကျမှုအများစုက အကြောင်းအရာအမျိုးမျိုးကြောင့် ဖြစ်ကြပြီး နိုင်ငံတကာစည်းမျဉ်းများအရ တစ်နှစ်အတွင်း နောက်ဆုံးတင်ပြချက် ထုတ်ပေးရပါတယ်။

▪️ AAIB ရဲ့ ကနဦးဖော်ပြချက်ထဲမှာ လောင်စာဆီခလုတ်တွေက လေယာဉ်စတင်ထွက်ခွာပြီး စက္ကန့်ပိုင်းအကြာမှာပဲ လောင်စာဆီဖြတ်တောက်တဲ့ အနေအထားသို့ ပြောင်းနေခဲ့တယ်လို့ ဆိုပါတယ်။

▪️ CCTV ဗီဒီယိုမှတ်တမ်းအရ အရန်လောင်စာထောက်ပံ့စက် အသုံးပြုလိုက်ရတဲ့ အခြေအနေကိုကြည့်ရင် အင်ဂျင်ပါဝါဆုံးရှုံးခဲ့တာကို ညွှန်ပြနေပါတယ်။

▪️ ဒီနောက် လေယာဉ်ဟာ တွန်းကန်အား စတင်ကျဆင်းလာပြီး အမြင့်ပေ ၆၅၀ ရောက်ပြီးနောက် နိမ့်ဆင်းလာပါတယ်။

#Source: Reuters

#World_Health
Published 18 July 2025

▪️ ကိုယ်လက်လှုပ်ရှားမှုမှန်သမျှဟာ ဦးနှောက်ကျန်းမာရေးကို စောင့်ရှောက်ကာကွယ်ပေးတဲ့ နည်းလမ်းကောင်းတွေ ဖြစ်ပါတယ်။

▪️ သုတေသီတွေက အချို့သောလှုပ်ရှားမှုတွေက ဦးနှောက်အသိဉာဏ်အတွက် အကျိုးအပြုဆုံးဖြစ်မယ့်အကြောင်း စူးစမ်းလေ့လာထားပါတယ်။

▪️ ပါဝင်စမ်းသပ်ခံသူ ၂၅၈,၀၀၀ ကျော်ထံမှ သုံးသပ်ချက် ၁၃၃ ခုကို ဆန်းစစ်ခဲ့ကြပါတယ်။

▪️ ဒီထဲကမှ ဦးနှောက်ကျန်းမာရေးအတွက် အကောင်းဆုံးလှုပ်ရှားမှု ၃ မျိုးက..

(၁) ယောဂကျင့်ခြင်း
▪️ ယောဂကျင့်ခြင်းက ခန္ဓာကိုယ်အနေအထား၊ အသက်ရှူနည်းလမ်း၊ တရားထိုင်ခြင်းတို့ ပေါင်းစပ်ထားကာ ဖိစီးမှုတွေ ရောင်ရမ်းခြင်းတွေကို လျှော့ချပေးပါတယ်။

▪️ ဦးနှောက်ရဲ့ ဆုံးဖြတ်ချက်ချတဲ့အပိုင်း၊ စီစဉ်ဆောင်ရွက်တဲ့အပိုင်း၊ စိတ်ခံစားချက် ထိန်းချုပ်အပိုင်းတို့ကို အားကောင်းစေပါတယ်။

(၂) ထိုက်ချိ
▪️ တရုတ်ကိုယ်ခံပညာသိုင်းတစ်မျိုးဖြစ်ပြီး လှုပ်ရှားမှုနှေးနှေးဖြင့် ခန္ဓာကိုယ်စွမ်းအားကို ညီမျှစေပါတယ်။

▪️ ဦးနှောက်မှတ်ဉာဏ်နဲ့ လှုပ်ရှားနိုင်စွမ်းတို့အတွက် အရေးပါတဲ့ အစိတ်အပိုင်းကို လှုံ့ဆော်ပေးပါတယ်။

(၃) လှုပ်ရှားမှုပါဝင်သော ဗီဒီယိုဂိမ်းများ
▪️ ဂိမ်းကစားတဲ့အခါ ကိုယ်လက်လှုပ်ရှားမှုပါဝင်တဲ့ ဗီဒီယိုဂိမ်းတွေက ဦးနှောက်အသိဉာဏ်ကို လှုံ့ဆော်ပေးပါတယ်။

▪️ ဂိမ်းထဲကအတိုင်း လျင်မြန်စွာ တုံ့ပြန်လှုပ်ရှားရသဖြင့် ကိုယ်လက်လှုပ်ရှားမှုမျိုးစုံ လုပ်ဆောင်ရကာ အာရုံစူးစိုက်မှု ကောင်းစေပါတယ်။

▪️ ဒီနည်လးမ်းတွေက စိတ်နှင့်ခန္ဓာကိုယ် ပူးပေါင်းဆောင်ရွက်စေခြင်း၊ အစဉ်လိုက်လုပ်သွားရမှာတွေကို မှတ်သားရခြင်း၊ ဖိစီးမှုလျှော့ချခြင်း၊ လှုပ်ရှားပါဝင်ရခြင်းတို့ ပြုလုပ်ရသဖြင့် ဦးနှောက်ကျန်းမာရေးအတွက် အရေးကြီးတဲ့လှုပ်ရှားမှုတွေ ဖြစ်ပါတယ်။

#Source: The Jerusalem Post