#Daily_News
Published_10 January 2024

၁။ ထီမတိုက်မိလို့ သိန်း(၅၀၀၀)ထီပေါက်နေသည်ကိုမသိသဖြင့် ကံထူးသူကို ခြောက်ရက်ကြာရှာဖွေခဲ့ရ၊ အခြေခံလူတန်းစား လူငယ်တစ်ဦးပေါက်ခဲ့

၂။ PNLO အခြေပြုဒေသ ဆီဆိုင်မြို့နယ်နှင့် မောက်မယ်မြို့နယ်သို့ စစ်ဘေးရှောင်လာသည့် ပြည်သူတစ်သောင်းကျော်ထိ ရှိလာဟုဆို

၃။ တစ်ပတ်တာအတွင်း စက်သုံးဆီတစ်လီတာကိုကျပ်  ၁၂၀အထိ ကျဆင်းလာ

၄။ ကမ္ဘာပေါ်တွင် ငှက်မျိုးစိတ်အများဆုံး တည်ရှိရာနိုင်ငံဖြစ်လာသည့် ပီရူးနိုင်ငံ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

Published 10 January 2024

အမေရိကန် ကာကွယ်ရေးဝန်ကြီး လွိုက်အော်စတင် ဆီးကျိတ်ကင်ဆာ ခံစားနေရတာကို အင်္ဂါနေ့မတိုင်ခင်အထိ သမ္မတဂျိုးဘိုင်ဒင် မသိရှိခဲ့ရဘူးလို့ အိမ်ဖြူတော်က ပြောကြားလိုက်ပါတယ်။

လွိုက်အော်စတင် ရောဂါခံစားနေရကြောင်းကို လူသိရှင်ကြား ထုတ်ဖော်ပြောကြားပြီး မိနစ်ပိုင်းအကြာမှာမှ ဘိုင်ဒင်က သိရှိခဲ့ရတာ ဖြစ်ပါတယ်။

အသက် ၇၀ ရှိပြီဖြစ်တဲ့ အော်စတင်ဟာ ဇန်နဝါရီ ၁ ရက်နေ့ကတည်းက ဝေါလ်တာရိဒ် အမျိုးသားစစ်ဆေးရုံမှာ တက်ရောက်နေခဲ့ရပါတယ်။

ဒါကို ပင်တဂွန်စစ်ဌာနချုပ်က ထုတ်ဖော်ပြောကြားခြင်း မရှိတာကြောင့် နောက်ကွယ်မှာ နိုင်ငံရေးပဋိပက္ခများ ရှိနေခဲ့ပါတယ်။

အော်စတင်ရဲ့ လက်ထောက် ကက်သလင်းဟစ်ခ်ကိုယ်တိုင် ရက်အနည်းငယ်ကြာတဲ့အထိ ဒီအကြောင်းကို မသိရှိရဘဲ ကာကွယ်ရေးဝန်ကြီးရဲ့ တာဝန်တွေကို လုပ်ဆောင်ပေးဖို့ ဇန်နဝါရီ ၂ ရက်နေ့က မှာကြားခံခဲ့ရပါတယ်။

‘’အော်စတင် ဆေးရုံတက်နေရတာကို ကြာသပတေးနေ့ မတိုင်ခင်အထိ ဘိုင်ဒင်မသိခဲ့ရပါဘူး။

ဆေးရုံတက်ရတဲ့ အကြောင်းအရင်းက ဆီးကျိတ်ကင်ဆာကြောင့်ဆိုတာ ဒီမနက်မတိုင်ခင်အထိ မသိခဲ့ရပါဘူး’’ လို့ အိမ်ဖြူတော်မှ ပြောရေးဆိုခွင့်ရှိသူ ဂျွန်ကာဘီက ပြောပြသွားပါတယ်။

အော်စတင်နဲ့ ဘိုင်ဒင်တို့ စနေနေ့က စကားပြောဆိုခဲ့ပေမယ့် ဆီးကျိတ်ကင်ဆာအကြောင်း ဘာကြောင့် မသိရှိရလဲဆိုတာကို သေချာမသိရပါဘူး။

အီရတ်မှာ ဦးဆောင်ပြီးတိုက်ပွဲဝင်ခဲ့တဲ့ အငြိမ်းစား ကြယ် ၄ ပွင့်ဗိုလ်ချုပ်ကြီး အော်စတင် တာဝန်ဝတ္တရားများ ပျက်ကွက်နေတဲ့ အထောက်အထားကို ရီပတ်ဘလစ်ကန်များက အခွင့်ယူပြီး တရားဝင်စုံစမ်းစစ်ဆေးမှုများ ပြုလုပ်ခဲ့ပါတယ်။

ယူကရိန်းနဲ့ အစ္စရေးလ်တို့မှာ စစ်ပွဲတွေဖြစ်နေတဲ့ကြားက အိမ်ဖြူတော်နဲ့ လက်ထောက်ဝန်ကြီးကပင် ရောဂါအကြောင်း မသိရှိရတာဟာ အတော်ကိုလက်မခံနိုင်စရာဖြစ်ကြောင်း လွှတ်တော်ကိုယ်စားလှယ် မိုက်ခ်ရော်ဂျာစ်က အော်စတင်ထံသို့ အင်္ဂါနေ့က စာရေးသားပေးပို့ခဲ့ပါတယ်။

အော်စတင်ဟာ ဒီဇင်ဘာ ၂၂ ရက်နေ့က ဆီးကျိတ်ကင်ဆာ ကုသမှုခံပြီးနောက် မူးဝေခြင်း၊ ဝမ်းဗိုက် တင်ပါး ခြေထောက်တို့မှာ ပြင်းထန်စွာ နာကျင်ကိုက်ခဲခြင်း ပြဿနာများ ခံစားရတာကြောင့် ဇန်နဝါရီ ၁ ရက်နေ့မှာ ဝေါလ်တာရိဒ်ဆေးရုံသို့ လူနာတင်ကားဖြင့် ခေါ်ဆောင်ခံခဲ့ရပါတယ်။

ဆီးလမ်းကြောင်း ပိုးဝင်နေတယ်လို့ တွေ့ရှိပြီးနောက် ဇန်နဝါရီ ၂ ရက်နေ့မှာ အထူးကြပ်မတ်ဆောင်သို့ ပို့ဆောင်ခဲ့ပါတယ်။

ဆက်လက်လေ့လာရာမှာ ဝမ်းဗိုက်အတွင်း အရည်များစုစည်းပြီး အူသိမ်လုပ်ဆောင်ချက်များကို ထိခိုက်စေတာဖြစ်ကြောင်း၊ ဒါဟာ အစာအိမ်မှ နှာခေါင်းသို့ ပိုက်ပြွန်ဖြင့် စစ်ထုတ်ကုသစဥ်က ကျန်ခဲ့တဲ့ အူလမ်းကြောင်း အကြွင်းအကျန်များကြောင့်လို့ ဆေးရုံက ပြောပြခဲ့ပါတယ်။

ရောဂါပိုးကူးစက်ခြင်းက ကင်းရှင်းပြီဖြစ်ကာ ပြန်လည်သက်သာမှုနှုန်းက နှောင့်နှေးနိုင်ပေမယ့် အပြည့်အဝ ကောင်းလာနိုင်တယ်လို့ မျှော်လင့်ကြောင်း ပင်တဂွန်က ထုတ်ပြန်ထားပါတယ်။

ဇန်နဝါရီ ၄ ရက်နေ့မတိုင်ခင်အထိ ကာကွယ်ရေးဝန်ကြီး ဆေးရုံတက်နေရတဲ့အကြောင်းကို ရွေးကောက်ပွဲထပ်မံ ယှဥ်ပြိုင်ရန် ကြိုးပမ်းနေတဲ့ ဘိုင်ဒင်မသိခဲ့တာနဲ့ ပတ်သက်ပြီး နိုင်ငံရေးဝေဖန်သံများ ထွက်ပေါ်နေတာကို အစိုးရက ဖုံးဖိရန်ခက်ခဲနေပါတယ်။

ဒေါ်နယ်ထရမ့် အပါအဝင် အထင်ကရ ရီပတ်ဘလစ်ကန် အချို့က အော်စတင်ကို ရာထူးမှဖယ်ရှားရန် တောင်းဆိုနေကြပါတယ်။

ဒါပေမဲ့ အငြိမ်းစား ကြယ် ၄ ပွင့်ဗိုလ်ချုပ်ကြီးဟာ ရာထူးမှနုတ်ထွက်ရန် အစီအစဥ်မရှိသလို ဘိုင်ဒင်ကလည်း သူ့ကိုမဖယ်ရှားလိုဘူးလို့ ပင်တဂွန်က ဆိုလိုက်ပါတယ်။
Source: Reuters
#World_News
#Published_ 10 January 2024
#YMG #Yangon_Times #Yangon_Media_Group #YMG_News

Published 10 January 2024

လူသားတွေက အမွှေးရနံ့တွေကို ကြိုက်နှစ်သက်ကြတာကြောင့် အမွှေးနံ့ပစ္စည်း ထုတ်လုပ်သူတွေဟာ ရေမွှေးသာမက အမျိုးမျိုးသော ရနံ့လွှတ်ပစ္စည်း၊ မွှေးရနံ့ဆီ၊ ဖယောင်းတိုင်၊ အမွှေးတိုင်စသဖြင့် ထုတ်လုပ်လာကြပါတယ်။

အမွှေးရနံ့တွေဟာ အထူးသဖြင့် သက်ကြီးရွယ်အိုတွေမှာ မှတ်ဉာဏ်ပိုင်းကို ကောင်းမွန်စေတယ်လို့ လေ့လာတွေ့ရှိထားပါတယ်။

အိပ်ခန်းထဲမှာ မွှေးရနံ့သင်းပျံ့အောင် ထားခြင်းဖြင့် ဒီမန်ရှာရောဂါဖြစ်နိုင်ခြေ သိသိသာသာ ကျဆင်းစေပါတယ်။

ကယ်လီဖိုးနီးယားတက္ကသိုလ်မှ စမ်းသပ်ချက်ပြုလုပ်ရာမှာ အသက်ကြီးပိုင်းတွေကို ညတိုင်း ၂ နာရီကြာအောင် အိပ်ခန်းထဲမှာ မွေးရနံ့သင်းပျံ့စေခြင်းဖြင့် ဦးနှောက်အသိဉာဏ် စွမ်းဆောင်ရည် ၂၂၆ ရာခိုင်နှုန်း မြင့်တက်သွားတာကို တွေ့ရှိခဲ့ကြပါတယ်။

အသက် ၆၀ မှ ၈၅ နှစ်ကြား မှတ်ဉာဏ်ချို့ယွင်းမှု မရှိခဲ့တဲ့ လူကြီး ၄၃ ဦးကို စမ်းသပ်ရာမှာ အနံ့ ၇ မျိုးပါတဲ့ မွှေးရနံ့တွေကို အသုံးပြုခဲ့ပါတယ်။

အယောက် ၂၀ ကို အနံ့အပြည့်ပါတဲ့ ပစ္စည်းဖြင့် အိပ်စက်စေခဲ့ပြီး ကျန်တဲ့ ၂၃ ယောက်ကိုတော့ အနံ့အနည်းငယ်ဖြင့်သာ စမ်းသပ်ခဲ့ပါတယ်။

၆ လအကြာမှာ အနံ့အပြည့်ရှုသွင်းရတဲ့ သူတွေဟာ ကျန်တဲ့သူတွေထက် မှတ်ဉာဏ်ပိုင်းနဲ့ ဦးနှောက်ပိုင်းဆိုင်ရာ စွမ်းဆောင်ရည်တွေမှာ သာလွန်နေခဲ့ပြီး အိပ်စက်ရာမှာလည်း ပိုမိုကောင်းမွန်နေခဲ့ပါတယ်။

ဒါကြောင့် မွှေးရနံ့တွေကို အပေါ်ယံရှုမိရုံသာ အသုံးပြုမယ်ဆိုရင် မှတ်ဉာဏ်စွမ်းအားကို တိုးတက်စေပြီး လူကြီးတွေမှာ ဒီမန်ရှာဖြစ်နိုင်ခြေကို ကာကွယ်ပေးတယ်လို့ လေ့လာချက်မှာ သုံးသပ်ထားပါတယ်။
Source: WION.
#World_Health
#Published_ 10 January 2024
#YMG #Yangon_Times #Yangon_Media_Group #YMG_News

Published 10 January 2024 

အီရတ်ဝန်ကြီးချုပ် မိုဟာမက်ရှီယာအယ်လ်ဆူဒန်နီ ကတိပြုထားတဲ့အတိုင်း အီရတ်နိုင်ငံကနေ အမေရိကန်ဦးဆောင်တဲ့ ပူးပေါင်းတပ်ဖွဲများကို အမှန်တကယ်ဖယ်ရှားလိုက်ပါက အမေရိကန်တို့အတွက် တောက်လျှောက်သက်ရောက်မှုတွေ ရှိလာနိုင်တယ်လို့ အာရေးဗီးယား ကျွမ်းကျင်သူတစ်ဦးက စနေနေ့မှာ ပြောကြားလိုက်ပါတယ်။
#World_Military
#Published_ 09 January 2024
#YMG #Yangon_Times #Yangon_Media_Group #YMG_News

#Daily_News
Published_9 January 2024

၁။ ရွှေတုံးရွှေခဲများကို အွန်လိုင်းမှ ဘဏ်စနစ်ဖြင့်ရောင်းချရန် ဆော့ဝဲလ်များရေးဆွဲနေ၊ တစ်ရွေးစ၊ နှစ်ရွေးစ စတင်ရောင်းချနေပြီဟုဆို

၂။ ပြည်တွင်းစားဆန်‌ ချောဈေးငြိမ်နေသော်လည်း  ပြည်ပပို့ ဆန်ကြမ်းတစ်အိတ်ကျပ် လေးထောင်ဝန်းကျင်အထိ မြင့်တက်လာ

၃။ မျှင် ဖမ်းစီးရရှိမှု များသော်လည်း အခြားကုန်ကျစရိတ်များကြောင့် ယခုနှစ် မျှင်ငါးပိဈေးမြင့်တတ်

၄။ အီရတ်မှ အမေရိကန်တပ်များကို ဖယ်ရှားနိုင်ပါက ဆီးရီးယားတွင်လည်း အလားတူ သက်ရောက်လာနိုင်ဟု အာရေးဗီးယား လေ့လာရေးပညာရှင်သုံးသပ် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group