#DailyNews
Published _ 30 December 2022

၁။ တရုတ်နိုင်ငံဘက်တွင် ကိုဗစ်အဖြစ်များသော်လည်း နယ်စပ်ကုန်သွယ်ရေးကို မထိခိုက်ဟုဆို

၂။ ရွှေအတုံးအခဲအရောင်းအဝယ်မရှိ ဈေးကွက်အေးနေ

၃။ အွန်လိုင်းမှရောင်းသည့် တရားမဝင်အေးခဲအသားငါးများ အစာအဆိပ်သင့်နိုင်ဟုဆို

၄။ နိုင်ငံရပ်ခြားဒေသမှာ အသတ်စားခံရမည့် ဥရုဂွေးမြင်းများကိုကယ်တင် ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group

#Local_News
Published_ 30 December 2022

ပြီးခဲ့တဲ့ ဒီဇင်ဘာလ ၂၇ ရက်ကနေ ဆွေးနွေးခဲ့တဲ့ ငြိမ်းချမ်းရေးဆွေးနွေးပွဲကာလအတွင်းမှာ ရရှိခဲ့ကြတဲ့ သဘောတူညီချက်တွေဟာ ဒီဆွေးနွေးပွဲကို မတက်ရောက်ဖြစ်တဲ့ အဖွဲ့တွေရဲ့ သဘောထားလည်း ထင်ဟတ်စေတယ်လို့ ဆွေးနွေးပွဲကို တက်ရောက်တဲ့ ရခိုင်ပြည်လွတ်မြောက်ရေးပါတီရဲ့ ဒုတိယဥက္ကဋ္ဌ ဒေါ်စောမြရာဇာလင်း က ပြောပါတယ်။

#Yangon_Media_Group

#Local_News
Published_ 30 December 2022

ရှမ်းပြည်နယ်အရှေ့ပိုင်း ကျိုင်းတုံခရိုင် မိုင်းယန်းမြို့နယ်အတွင်း ရှမ်းရိုးရာကွျှဲခတ်ပွဲကို ဒီဇင်ဘာလ ၉ ရက်(ယမန်နေ့) ကစတင်ကျင်းပပြုလုပ်လျက်ရှိကြောင်း ယင်းဒေသတွင်း သတင်းဖော်ပြချက်များအရ သိရသည်။

အဆိုပါ ကျွဲခတ်ပွဲသည် ရှမ်းတိုင်းရင်းသားများ၏ ရိုးရာဓလေ့တစ်ခုဖြစ်ပြီး၊ ရိုးရာကျွဲခတ်ပွဲကို မိုင်းလွေကျေးရွာနှင့် ယန်းခိုင်ကျေးရွာကြားရှိ ကွင်းပြင်၌ ကျင်းပနေခြင်းဖြစ်သည်။

ကျွဲခတ်ပြိုင်ပွဲဆိုသည်မှာ ယှဉ်ပြိုင်ခတ်မည့် ကျွဲနှစ်ကောင်ကို မျက်နှာချင်းဆိုင်ထား၍ ခေါင်းချင်းဆိုင် ဦးချိုဖြင့် ဝေ့ဝိုက်တိုက်ခိုက်စေကြပြီး ပြိုင်ကွင်းအတွင်း ဦးစွာထွက်ပြေးသော ကျွဲအား အရှုံးအဖြစ် သတ်မှတ်ထားရှိကြောင်း သိရသည်။

ထို့နောက် ပြိုင်ကွင်းအတွင်း ကျန်ရှိသော ကျွဲကိုအနိုင်အဖြစ် သတ်မှတ်ပြီး ကျွဲပိုင်ရှင်ကို ဆုငွေများ ပေးအပ်ချီးမြှင့်သော ရှမ်းတို့ရိုးရာ ဓလေ့တစ်ခုလည်းဖြစ်သည်။

#ymg/myn
#Yangon_Media_Group

#Local_News
Published_30 December 2022

တောင်ကိုရီးယားသမ္မတနိုင်ငံသို့ အစိုးရပြည်ပအလုပ်အကိုင်အေဂျင်စီမှတစ်ဆင့် EPS စနစ်ဖြင့် ဒီဇင်ဘာလအတွင်း မြန်မာအလုပ်သမား ၅၀၀ ကျော်ကို စေလွှတ်ခဲ့ကြောင်း ဆိုးလ်မြို့ မြန်မာသံရုံးမှ ထုတ်ပြန်ထားသည့် စာရင်းများအရသိရသည်။

ဒီဇင်ဘာလ ၈ ရက်တွင် ကုန်ထုတ်လုပ်သားသစ် (၄၈) ဦး၊ CBT ကုန်ထုတ်လုပ်သား (၁၄) ဦး၊ Re-entry ကုန်ထုတ်လုပ်သား (၂၁) ဦး၊ Re-entry စိုက်ပျိုးရေးနှင့် မွေးမြူရေးလုပ်သား (၄) ဦး၊ စုစုပေါင်း (၈၇) ဦး၊ ဒီဇင်ဘာ ၁၃ ရက်တွင် ကုန်ထုတ်လုပ်သားသစ် (၁၂၆) ဦး၊ Re-Entry ကုန်ထုတ်လုပ်သား (၁၃) ဦး၊ Re-entry စိုက်ပျိုးရေးနှင့် မွေးမြူရေးလုပ်သား (၉) ဦးစုစုပေါင်း (၁၄၈) ဦး၊ ဒီဇင်ဘာ ၁၅ ရက်တွင် Re-Entry ကုန်ထုတ်လုပ်သား (၃၆) ဦး၊ ဒီဇင်ဘာ ၂၀ ရက်တွင် Regular ကုန်ထုတ်လုပ်သား(၉၀)ဦး ၊ CBT ကုန်ထုတ်လုပ်သား (၇) ဦး၊ Re-Entry ကုန်ထုတ်လုပ်သား (၁၃) ဦး၊ စုစုပေါင်း (၁၁၀) ဦး၊ ဒီဇင်ဘာ ၂၂ ရက်တွင် Re-Entry ကုန်ထုတ်လုပ်သား (၆၆) ဦး၊ Re-entry စိုက်ပျိုးရေးနှင့် မွေးမြူရေးလုပ်သား (၂) ဦး စုစုပေါင်း ၆၈ ဦး၊ ဒီဇင်ဘာ (၂၇) ရက်တွင် ကုန်ထုတ်လုပ်သားသစ် (၄၇) ဦး၊ CBT ကုန်ထုတ်လုပ်သား (၆) ဦး၊ Re-Entry ကုန်ထုတ်လုပ်သား (၂၁) ဦး၊ ဆောက်လုပ်ရေးလုပ်သားသစ် (၇၆) ဦးစုစုပေါင်း (၁၅၀) ဦး ပို့ဆောင်ပေးခဲ့ကြောင်း သိရသည်။

အစိုးရ ပြည်ပအလုပ်အကိုင် အေဂျင်စီမှတစ်ဆင့် EPS စနစ်ဖြင့် လုပ်သားစေလွှတ်မှု ဒီဇင်ဘာလ ၂၇ ရက်အထိ မြန်မာလုပ်သား ၅၉၉ ဦးကိုစေလွှတ်ခဲ့ပြီးဖြစ်ကြောင်းသိရသည်။ တောင်ကိုရီးယားအစိုးရမှ မြန်မာလုပ်သားများကို ပြန်လည်လက်ခံပြီးနောက် သြဂုတ်လတွင် ပြန်လည်စေလွှတ်ခဲ့ခြင်းဖြစ်သည်။

ယင်းအပြင် ပြီးခဲ့သည့် နိုဝင်ဘာလအတွင်း ကိုရီးယားသမ္မတနိုင်ငံသ့ိ အစိုးရပြည်ပအလုပ်အကိုင် အေဂျင်စီမှတစ်ဆင့် EPS စနစ်ဖြင့် မြန်မာလုပ်သား ၇၂၈ ဦးကို စေလွှတ်ခဲ့ကြောင်းလည်း သိရသည်။

#ymg/sth
#Yangon_Media_Group

#Local_News
Published_30 December 2022

ထိုင်းနိုင်ငံ၌ ပြစ်ဒဏ်ကျခံပြီး မြန်မာလုပ်သား ၂၀၀ ကျော်မှာ ယနေ့ ဒီဇင်ဘာလ ၃၀ ရက်တွင် ပြည်တော်ပြန်ခွင့်ရကြပြီဖြစ်ကြောင်း သိရသည်။

ယင်းတို့မှာ အကြောင်းအမျိုးမျိုးကြောင့် ပြစ်ဒဏ်ကျခံခဲ့ရသူများဖြစ်ပြီး ကလေးငယ် ၉ ဦး ၊ ရွှေ့ပြောင်းလုပ်သား ၂၀၀ ဦး တို့ ပါဝင်ကြောင်း ၊ ထိုင်းနိုင်ငံ ရနောင်းမြို့ကတစ်ဆင့် မြန်မာနိုင်ငံ ကော့သောင်းမြို့သို့ စက်တပ်လှေများဖြင့် ပြန်လည်ပို့ဆောင်ပေးခဲ့ကြခြင်းဖြစ်ကြောင်း မြန်မာအလုပ်သမား သံအရာရှိရုံးက သိရသည်။

"ဒီနေ့ပို့တဲ့အထဲမှာ မိန်းကလေး(ကလေး) ၃ ယောက်၊ ယောင်္ကျားလေး (ကလေး) ၆ယောက်ပါတယ်။ ပြီးတော့ အမျိုးသမီး အယောက် ၆၀ ၊ အမျိုးသား ၁၄၀ ပါ။ ထုံးစံအတိုင်းပါပဲ။ ကိုဗစ်စစ်ဆေးပြီး ကိုယ်ရေးအချက်အလက်စစ်တာတွေ အသိပညာပေးတာတွေပြုလုပ်ပြီးမှ သူတို့ကို Q စင်တာမှာ ထားပါတယ်"ဟု သံအရာရှိရုံး နှင့် နီးစပ်သူက ပြောသည်။

လက်ရှိ ဒီဇင်ဘာလအတွင်းတွင် ထိုင်းနိုင်ငံ ရနောင်းအချုပ်က မြန်မာနိုင်ငံကော့သောင်းမြို့သို့ ပြန်လည်ပို့ဆောင်ပေးခဲ့သည့် မြန်မာရွှေ့ပြောင်းလုပ်သား ၃၈၇ ဦးရှိပြီ ဖြစ်ကြောင်းလည်း သိရသည်။

#ymg/mt
#Yangon_Media_Group

#Local_News
Published_ 30 December 2022

ရန်ကုန်တိုင်း လှိုင်သာယာမြို့နယ်အတွင်းနေထိုင်သော လူငယ်ဇနီးမောင်နှံနှစ်ဦး တက္ကစီငှားစီးရာမှ အိပ်မွေ့ချခံရကာ နှစ်ရက်ကြာအဆက်အသွယ်ပြတ်တောက်နေပြီး‌နောက်၊ ယမန်နေ့ ဒီဇင်ဘာလ (၂၉)ရက် နံနက်ပိုင်းတွင် မိသားစုနှင့် ပြန်လည်တွေ့ရှိပြီဖြစ်ကြောင်း မိသားစုဝင်တစ်ဦးက YMG သို့ ပြောသည်။

အဆိုပါ ဇနီးမောင်နှံနှစ်ဦးသည် အသက် ၁၉ နှစ်အရွယ် မောင်ထက်အာကာထွန်း(ခ)ဒေါ်လာနှင့် ဇနီးဖြစ်သူ အသက် ၁၈ နှစ်အရွယ် မမြတ်သိမ်‌မွေ့ထွန်း(ခ)ဂျူးဂျူးတို့ဖြစ်ကြောင်း သိရသည်။

"အိပ်မွေ့ချခံရတယ်လို့ဘဲ ယူဆရပါတယ်။ အမှုကတော့ပိတ်သိမ်းလိုက်ပါပြီ။ ဒါနဲ့ပတ်သက်ပြီးတော့ မက်ဆေ့စ်ပေးချင်တာကတော့ လူကြီးဖြစ်ဖြစ် လူငယ်ဖြစ်ဖြစ်တက္ကစီငှားစီးတဲ့အခါ ဂရုစိုက်ကြဖို့၊ တက္ကစီသမားတိုင်း ယုတ်မာကြတာမဟုတ်ဘဲ သတိဝိရိယနဲ့ သွားကြလာကြဖို့ ကိုယ်လုံခြုံရေးအတွက် ဂရုစိုက်ကြဖို့ဘဲပြောချင်ပါတယ်"ဟု မမြတ်သိမ်‌မွေ့ထွန်း(ခ)ဂျူးဂျူး၏ ဖခင်ဖြစ်သူက သတိပေးစကားဆိုသည်။

ယင်းဖြစ်စဉ်သည် အိပ်ငွေ့ချခံရကာ လုယက်ခံရခြင်းဖြစ်သည်ဟု အများကသုံးသပ်နေကြပြီး၊ ငှားစီးခဲ့သည့် တက္ကစီယာဉ်နှင့်ပတ်သက်သည့်အချက်အလက်အား ကာယကံရှင်နှစ်ဦးက မမှတ်မိသည့်အတွက် စုံစမ်းဖော်ထုတ်၍ မရရှိကြောင်း သိရသည်။

ဖြစ်စဉ်မှ အမျိုးသမီးငယ်တွင် ဝတ်ဆင်ထားသောနားကပ်တစ်ရံ၊ လက်စွပ်တစ်ကွင်း၊ ဖီခြူးလက်ပတ်တစ်ခု၊ ဖုန်းတစ်လုံနှင့် ငွေသားလေးသိန်းခန့် စုစုပေါင်းတန်ဖိုး သိန်း ၂၀ နီးပါး ယူဆောင်ခြင်းခံရကာ တစ်စုံတရာထိခိုက်ဒဏ်ရာရရှိခြင်းမရှိကြောင်း ဆိုသည်။

ဖြစ်စဉ် ဖြစ်ပွားပုံမှာ ၎င်းတို့ ဇနီးမောင်နှံနှစ်ဦးသည် ဒီဇင်ဘာ ၂၇ ရက် မွန်းလွဲပိုင်းအချိန်၌ မြောက်ဥက္ကလာပမြို့နယ်ရှိ မမြတ်သိမ်မွေ့ထွန်း(ခ)
ဂျူးဂျူး၏ မိဘအိမ်သို့ လှိုင်သာယာ မီးခွက်ဈေးအနီးမှ လမ်းပေါ်သွားလာနေသည့် တက္ကစီတစ်စီးကိုငှား၍ သွားရောက်ခဲ့ကြောင်း၊ လမ်း‌ခုလပ်တစ်နေရာအရောက်တွင် ဇနီးဖြစ်သူမှာ ခေါင်းမူးသည်ဟုဆိုကာ ကနဦးအိပ်ပျော်သွားကြောင်း၊ ထို့နောက် အမျိုးသားဖြစ်သူက တက္ကစီသမားနှင့် စကားပြောနေစဉ် ထပ်မံအိပ်ပျော်ခဲ့ကြောင်း ဆိုသည်။

ထို့နောက် ယင်းနေ့ ညနေပိုင်းအချိန်၌ ပြန်လည်နိုးလာစဉ် ၎င်းတို့နှစ်ဦးမှာ အဝေးပြေးလမ်းမတစ်နေရာရှိ ခြုံစပ်တစ်ခုတွင်ရောက်ရှိနေကြောင်း၊ ယင်းနေရာအနီးမှ ဖြတ်သန်းသွားလာသော ယာဉ်များကို အကူအညီတောင်းခံခဲ့‌သော်လည်းရပ်မပေးသဖြင့် အနီးရှိစေတီငယ်တစ်ခုရင်ပြင်တွင် နှစ်ညကြာ အိပ်စက်ခဲ့ရကြောင်း၊ ထို့နောက် ၎င်းတို့ဇနီးမောင်နှံ နှစ်ဦးမှာ အကူအညီတောင်းခံရန် လမ်းလျောက်ထွက်လာခဲ့ပြီး မှော်ဘီ၊ မြောင်းတကာ ဆောက်လုပ်ရေးမှတ်တိုင်အနီးရှိ ဈေးဆိုင်ပိုင်ရှင်တစ်ဦးနှင့်တွေ့ဆုံအကူအညီတောင်းခံရာမှ မိသားစုနှင့်အဆက်အသွယ်ပြန်လည်ရရှိခဲ့ခြင်းဖြစ်သည်။

#ymg/myn
#Yangon_Media_Group