#Local_News
Published_1 January 2024

ကြိမ်၊ ဝါးကုန်ကြမ်းများနှင့် အချောထည်ပစ္စည်းများကို အာရှနှင့်ဥရောပနိုင်ငံများသို့ တင်ပို့နေကြောင်း သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာနမှ သိရသည်။

အဆိုပါကဲ့သို့တင်ပို့ရာတွင် ကြိမ်၊ ဝါးကုန်ကြမ်းများနှင့် အချောထည်ပစ္စည်းများကို အိမ်နီးချင်းနိုင်ငံ များ၊ အာဆီယံနိုင်ငံများ၊ အာရှ၊ ဥရောပနှင့် တောင်အာဖရိကနိုင်ငံများသို့ နယ်စပ်ကုန် သွယ်ရေး လမ်းကြောင်းနှင့် ပင်လယ်ရေ ကြောင်းတို့မှတဆင့် တင်ပို့ခြင်းဖြစ်ပြီး ပြည်တွင်းမှ ထွက်ရှိသော ကြိမ်အချောထည်ပစ္စည်းများ၊ ကြိမ်လုံး၊ ဝါးခြမ်း၊ ဝါးလုံးနှင့် ဝါးဖျာ စသည့် ကြိမ်၊ ဝါးကုန် ကြမ်းများနှင့် အချောထည်ပစ္စည်းများကို ပြည်ပသို့ တင်ပို့ခြင်းဖြစ်ကြောင်း သိရသည်။

မြန်မာနိုင်ငံတွင်နှစ်စဉ် ဝါးလုံးရေ ၃၀၁ သန်းနှင့် ကြိမ်လုံးရေ ၇၇ သန်း ထုတ်လုပ်နိုင်ပြီး ဝါးနှင့် ကြိမ်အချောထည် တင်ပို့မှုမှ ပြည်ပဝင်ငွေ ရှာဖွေပေးနေကြောင်း၊ ဝါးနှင့်ကြိမ် အချောထည်ပစ္စည်းများကို ပြည်တွင်းဈေးကွက်တွင်သာမက ပြည်ပဈေးကွက်အထိ တင်ပို့၍ ပြည်တွင်းပြည်ပဝင်ငွေများ ရှာဖွေပေးနေသည့်အပြင် ဒေသခံပြည်သူများအတွက်လည်း အလုပ်အကိုင်အခွင့်အလမ်းများ ဖန်တီးပေးလျက်ရှိကြောင်းသယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးဌာန ပြည်ထောင်စုဝန်ကြီး ဦးခင်မောင်ရီက ပြောသည်။

ဧရာဝတီတိုင်းဒေသကြီး၊ ကျုံပျော်ခရိုင်၊ ရေကြည်မြို့ စိမ်းလဲ့ရေကြည်ခန်းမ၌ ကြိမ်/ဝါး အချောထည်လုပ်ငန်းရှင်များနှင့် တွေ့ဆုံစဉ် ၄ကအထက်ပါအတိုင်း ထည့်သွင်းပြောကြားခဲ့ခြင်းဖြစ်သည်။

ထို့အပြင် ကြိမ်နှင့်ဝါးအချောထည် MSME များ ယခုထက်ပို၍ ဖွံ့ဖြိုးတိုးတက်စေရေးအတွက် လုပ်ငန်းရှင်များ၏ လိုအပ်ချက်များကို ဝန်ကြီးဌာနမှ အတတ်နိုင်ဆုံးဖြည့်ဆည်း ဆောင်ရွက် ပေးမည်ဖြစ်ပြီး နည်းပညာနှင့် လူ့စွမ်းအားအရင်းအမြစ် တိုးတက်စေရေး၊ ကုန်ကြမ်းရရှိရေးနှင့် ထုတ်လုပ်ပြီးသောကုန်ချောများ တင်ပို့ရာတွင် အဆင်ပြေချောမွေ့မှုရှိစေရေးအတွက် ဌာနနှင့် လုပ်ငန်းရှင်များ ညှိနှိုင်းပေါင်းစပ်ဆောင်ရွက်သွားကြရန်လိုကြောင်းလည်း ပြောကြားခဲ့ကြောင်းသိရသည်။

#Local_News #အချောထည်ပစ္စည်း #အာရှနှင့်ဥရောပနိုင်ငံများသို့တင်ပို့ #YMG/NN #Yangon_Times

#Local_News
Published_1 January 2024

၂၀၂၄ခုနှစ်သည် တရုတ်ရိုးရာဗေဒင်အရ နဂါးနှစ်ဖြစ်ပြီး ၂၀၂၄ခုနှစ်အတွင်း ကံဇာတာအထူး ကောင်းမွန်မည့်နေ့နာမ်(၃)ခု၊တရုတ်မွေးနှစ်(၃)ခုရှိကြောင်းသိရသည်။

မြန်မာလိုတွက်ချက်မှုအရ ၂၀၂၄ခုနှစ်မှာ တနင်္ဂနွေ၊ ကြာသပတေး၊ သောကြာသားသမီးများ ကံဇာတာ ပိုမိုကောင်းမွန်မည်ဖြစ်ပြီး တရုတ်ဗေဒင်တွက်ချက်မှု အရ မျောက်နှစ်၊ကြက်နှစ်၊ဝက်နှစ်မွေးဖွားသူများကတော့ အခြားနှစ်မွေးဖွားသူများထက် ကံဇာတာအလွန်ကောင်းမွန်နေမည်ဖြစ်သည်ဟု ဖုန်းရွှေနှင့်တားရော့ ဗေဒင်ဆရာ ၊ဆရာဟိန်းလတ်ကပြောသည်။

အခြားနေ့နာမ်နှင့်အခြားမွေးနှစ်များအနေဖြင့်လည်း နဂါးနှစ်ဖြစ်သည့်အတွက် ကံဇာတာ အညံ့သိပ်မရှိဘဲ ကံဇာတာ အားနည်းခြင်းအနည်းငယ်သာရှိနိုင်ပြီး ကုသိုလ်ယတြာများအနေဖြင့် မိမိတို့ကိုးကွယ်ရာ ဘာသာအလိုက် အလှူအတန်းများပြုလုပ်ခြင်း၊မသန်စွမ်းများ၊နားမကြားသောကလေးငယ်များ၊ နွမ်းပါးသူများနှင့်နာမကျန်းဖြစ်နေသူများကိုလှူဒါန်းပြီး ကုသိုလ်ယတြာပြုနိုင်မည်ဖြစ်သည်။

၂၀၂၄ခုနှစ်အတွက် ကံဇာတာအထူးကောင်းမွန်စေမည့် အဆောင်အနေဖြင့် သလင်းကျောက်ကို ဆောင်ထားနိုင်ကြောင်း သိရသည်။

#Local_News #မြန်မာနေ့နမ်(၃)ခု #တရုတ်မွေးနှစ်(၃)ခုရှိ #tthl #Yangon_Times

#Local_News
Published_ 1 January 2024

ကချင်ပြည်နယ်၊ မြစ်ကြီးနားမြို့နယ် အာလမ်ကျေးရွာအုပ်စု အူဗျစ်ကျေးရွာအနီး၌ ဒီဇင်ဘာ ၂၉ ရက်က တရားမဝင်ပစ္စည်းများ ဖမ်းဆီးရမိခဲ့ကြောင်း သိရပါတယ်။

မြစ်ကြီးနားမြို့နယ် အာလမ်ကျေးရွာအုပ်စု အူဗျစ်ကျေးရွာအနီး၌ တရားမဝင် ရွှေတူးဖော်ရာတွင် အသုံးပြုသည့် မြေသယ်ယာဉ် ၁၁ စီး၊ မီးခံသေတ္တာနှစ်လုံး အပါအဝင် ဆက်စပ်ပစ္စည်းငါးမျိုး (စုစုပေါင်း ခန့်မှန်းတန်ဖိုးငွေကျပ် ၅၅၈၀၀၉၀၀၀) ကို ဖမ်းဆီးရမိခဲ့ ပြီး မြန်မာ့သတ္တုတွင်းဥပဒေနှင့်အညီ အရေးယူဆောင်ရွက်လျက်ရှိတယ်လို့ ဆိုပါတယ်။

ဒီဇင်ဘာ ၃၀ ရက်တွင် တောင်ငူခရိုင်အတွင်း၌ တရားမဝင်ကျွန်းသစ် ၀ ဒသမ ၂၉ တန် (ခန့်မှန်းတန်ဖိုး ငွေကျပ် ၁၉၁၄၀၀)၊ ဒီဇင်ဘာ ၃၁ ရက်တွင် ပြည်ခရိုင်အတွင်း၌ တရားမဝင်ကျွန်းသစ် ၂ ဒသမ ၈၁၅ တန်နှင့် အခြားသစ် ၀ ဒသမ ၃၉၇ တန် (ခန့်မှန်း တန်ဖိုးငွေကျပ် ၁၀၅၂၆၂၀)၊ စုစုပေါင်းခန့်မှန်း တန်ဖိုးငွေကျပ် ၁၂၄၄၀၂၀ ကို ဖမ်းဆီးရမိ ခဲ့ပြီး သစ်တောဥပဒေ နှင့်အညီ အရေးယူ ဆောင်ရွက်လျက်နေတယ်လို့ သိရပါတယ်။

ဒီဇင်ဘာ ၂၉၊ ၃၀ နှင့် ၃၁ ရက်တိုတွင် ဖမ်းဆီးရမိမှု စုစုပေါင်းမှာ အမှုတွဲသုံးမှု (ခန့်မှန်းတန်ဖိုးငွေကျပ် ၅၅၉၂၅၃၀၂၀) ဖြစ်ကြောင်း တရားမဝင် ကုန်သွယ်မှု တိုက်ဖျက်ရေး ဦးဆောင်ကော်မတီမှ သတင်းထုတ်ပြန်ထားပါတယ်။

#Local_News #မြေသယ်ယာဉ်များ ဖမ်းဆီးရမိ #ymg_mnn #Yangon_Media_Group

‘၂၀၂၃ခုနှစ်မှာ စားသောက်ဆိုင်လုပ်ငန်းတွေခက်ခက်ခဲခဲရပ်တည်ခဲ့ရတာဖြစ်ပြီး ၂၀၂၄ခုနှစ်မှာတော့ ပြည်တွင်းစားသုံးသူဈေးကွက်ကို အဓိကထားရောင်းချနေတဲ့ စားသောက်ဆိုင်လုပ်ငန်းတွေ ပိုမိုအဆင်ပြေနိုင်ပြီးနိုင်ငံခြားသားTouristကို အဓိကထားရောင်းတဲ့ စားသောက်ဆိုင်တွေတော့ ရုန်းကန်ရဦးမယ်’
မြန်မာနိုင်ငံစားသောက်ဆိုင်လုပ်ငန်းရှင်များအသင်း(ဗဟို)ဥက္ကဌဦးနေလင်း
#Local_News
Published_1 January 2024
#ပြည်တွင်းစားသုံးသူကိုအဓိကရောင်း #စားသောက်ဆိုင်လုပ်ငန်းများ
#tthl #Yangon_Times

'စည်ပင်သာယာအနေနဲ့ ပြခန်း၁၈ခန်း၊ပြိုင်ပွဲက ၁၅မျိုး၊ စိုက်ပျိုးရေးက ပြခန်း၁၅ခန်း၊ ဟင်းသီးဟင်းရွက်နဲ့သစ်သီးဝလံ၉မျိုးပါဝင်ပြသပါတယ်။‌ နယ်စုံက လာပြိုင်ကြပါတယ်။'
#Local_News
Published_1 January 2024
#ဟင်းသီးဟင်းရွက်သစ်သီးဝလံ #ပြခန်းပေါင်း၃၀ကျော်ပါဝင်ပြသ
#YMG/NN #Yangon_Times

စားသုံးသူရဲ့စားလေ့စားထပေါ်မူတည်ပြီး ဈေးကွက်လိုအပ်ချက် ဖြစ်လာတာပါ၊ကျွန်တော်တို့ မြန်မာလူမျိုးတွေကျတော့ ကောက်ရိုးမှိုတို့ ကြွက်နားရွက် မှိုတို့လို စားလေ့စားထရှိတာ စားသုံးကျပြီး နို့စိမ်းမှိုကတော့ မှိုမျိုးအသစ်ဖြစ်တဲ့ အတွက် မစားရဲတာ စားရဲတာ ပေါ်မူတည်ပြီး ဈေးကွက်ကျဉ်းနေသေးတာပါ။ စီးပွားဖြစ် ရောင်းချတာမျိုး မတွေ့ရပင်မယ့် ဟိုတယ်တွေမှာတော့ များသောအားဖြင့် သုံးတဲ့အနေထားတွေ့ရပါတယ်။
#Local_News
Published_1 January 2024
#နို့စိမ်းမှို #စားသုံးမှုနည်း
#YMG/LW #Yangon_Times