တရုတ်နိုင်ငံ အနောက်တောင်ပိုင်း ကွေ့ကျိုးပြည်နယ်ရှိ ရွှမ်ဟယ်လှိုဏ်ဂူဟာ အာရှမှာ လက်ရှိအချိန်အထိ အရှည်လျားဆုံးဂူဖြစ်ပြီး အလျား ၄၀၉.၉ ကီလိုမီတာနဲ့ အနက် ၉၁၂ မီတာရှိကြောင်း တွေ့ရှိခဲ့ကာ ကမ္ဘာပေါ်မှာတတိယမြောက် အရှည်လျားဆုံးလှိုဏ်ဂူဖြစ်တယ်လို့ သုတေသီများ ပြောကြားလိုက်ပါတယ်။

Published_ 30 September 2023
#World_Nature
#တရုတ်နိုင်ငံ #ရွှမ်ဟယ်လှိုဏ်ဂူ #ကွေ့ကျိုးပြည်နယ်

၃၀ စက်တင်ဘာ ၂၀၂၃

ငြိမ်းချမ်းရေးကို ဖော်ဆောင်ရာတွင် NCA အပေါ်တွင်သာ ခိုင်ခိုင်မာမာရပ်တည် ဆောင်ရွက်သွားရမည်ဟု ယုံကြည်ပြီး NCA နှင့်ပတ်သက်၍ အထောက်အထားမဲ့၊ အဓိပ္ပါယ်မဲ့စွာ လက်လွတ်စပယ်ပြောကြားမှုများကို လက်သင့်ခံ ၍မရနိုင်ဟု KNU ဥက္ကဋ္ဌဟောင်း စောမူတူးစေးဖိုးက ဗိုလ်ချူပ်မှူးကြီးမင်းအောင်လှိုင်ကို ပြောကြားပါတယ်။

စက်တင်ဘာ ၃၀ ရက် မနက်ပိုင်းက နေပြည်တော်ရှိ ဘုရင့်နောင်ရိပ်သာတွင် နစကဥက္ကဋ္ဌ၊တပ်မတော်     ကာကွယ်ရေးဦးစီးချုပ် ဗိုလ်ချူပ်မှူးကြီးမင်းအောင်လှိုင်နှင့်ငြိမ်းချမ်းရေးကိစ္စများ   ဆွေးနွေးရာတွင်NCA စာချုပ်လက် မှတ်ရေးထိုးစဉ်ကိုယ်တိုင်လက်မှတ်ရေးထိုးခဲ့သူလည်းဖြစ်တဲ့ ကရင်တိုင်းရင်းသားခေါင်းဆောင် စောမူတူးစေးဖိုးက ပြောကြားခဲ့ခြင်းဖြစ်တယ်လို့ နစကရဲ့သတင်းထုတ်ပြန်ချက်အရသိရပါတယ်။

အမှန်တကယ် ငြိမ်းချမ်းရေးကိုလိုလားပါက အမုန်းတရားကို အခြေခံ၍ ဆောင်ရွက်၍ရမည်မဟုတ် ကြောင်း၊ မိမိအနေဖြင့် တစ်နိုင်ငံလုံးပစ်ခတ်တိုက်ခိုက်မှု ရပ်စဲရေး သဘောတူစာချုပ် (NCA) လက်မှတ်ရေးထိုးစဉ်ကတည်းကပင် ယခုအချိန်အထိ ငြိမ်းချမ်းရေးရရှိရေး ကိုသာ ခိုင်ခိုင်မာမာရပ်တည်ဆောင်ရွက်ခဲ့ပါကြောင်းလည်း စောမူတူးစေးဖိုးက ပြောပါတယ်။ယင်းအပြင် ကရင်အမျိုးသားအစည်း အရုံး(KNU)ကို ငြိမ်းချမ်းရေးလမ်းကြောင်းပေါ်သို့ မှန်မှန်ကန်ကန် ရောက်ရှိလာစေရေး စိတ်ရှည်စွာဖြင့် စောင့်ဆိုင်းပေးနေမှုအပေါ်တွင်လည်း ကျေးဇူးတင်ပါတယ်လို့ နစကဥက္ကဋ္ဌကို စောမူတူးစေးဖိုးနှင့်အဖွဲ့ကဆက်လက်ပြောဆိုတယ်လို့ သတင်းထုတ်ပြန်ချက်မှာဖော်ပြထားပါတယ်။

NCA စာချုပ် ချုပ်ဆိုချိန်တွင်လည်း အစိုးရ၊ လွှတ်တော်၊ တပ်မတော်နှင့် တိုင်းရင်းသား လက်နက်ကိုင် အဖွဲ့အစည်းများက ကမ္ဘာ့ကုလသမဂ္ဂအပါအဝင် နိုင်ငံတကာမှ သံတမန် များ၊ ပြည်တွင်း အသိသက်သေများ ရှေ့မှောက်၌ လက်မှတ်ရေးထိုးထားခြင်းဖြစ်ပြီး မည်သည့်အချိန်မှ ပျက်ပြယ်မှုမရှိ တည်ရှိနေမည့်ခိုင်မာသည့် တရားဝင်စာချုပ်ဖြစ်တယ်လို့လည်း စောမူတူးစေးဖိုးနှင့်အဖွဲ့က အခိုင်အမာပြောဆိုပါတယ်။ သူ့အနေနှင့်ပါတီစုံဒီမို ကရေစီ စနစ်  ကိုလက်ခံပြီး တည်ငြိမ်အေးချမ်းမှုကိုလိုလားတယ်လို့လည်းဆက်ပြောပါတယ်။

ယခုတွေ့ဆုံမှုသည် ကရင်ပြည်နယ် တည်ငြိမ်အေးချမ်းရေးနှင့် မြန်မာနိုင်ငံ တစ်နိုင်ငံလုံး အတိုင်းအတာဖြင့် ငြိမ်းချမ်းမှုရရှိရေး၏ ခြေလှမ်းသစ်တစ်ခုကို စတင်နိုင်ခဲ့ခြင်းဖြစ်သည်ဟု ယုံကြည်တယ်လို့ ဗိုလ်ချူပ်မှူးကြီးက ပြန်လည်  ပြော ဆိုပါတယ်။

တပ်မတော်အနေဖြင့် ငြိမ်းချမ်းရေးကိုဖော် ဆောင်ရာတွင် NCA နှင့် ဖွဲ့စည်းပုံအခြေခံဥပဒေအပေါ်တွင် ခိုင်ခိုင် မာမာရပ်တည်၍ ဆက်လက်ဆောင်ရွက်သွားမည်ဖြစ်ကြောင်း၊ ထို့ကြောင့် တိုင်းရင်းသားလက်နက်ကိုင် အဖွဲ့အစည်း  (EAO) များအားလုံးကို ငြိမ်းချမ်းရေးဆွေးနွေးရန် အမြဲတံခါးဖွင့်ကြိုဆိုလျက်ရှိတယ်လို့လည်း ဗိုလ်ချူပ်မှူးကြီးက ဆက်လက်ဖိတ်ခေါ်ခဲ့တယ်လို့ သတင်းထုတ်ပြန်ချက်မှာဖော်ပြထားပါတယ်။

ယင်းကဲ့သို့ဆွေးနွေးရာတွင် မိမိတို့ထံသို့လာရောက်တွေ့ဆုံညှိနှိုင်း ဆွေးနွေးနိုင်သကဲ့သို့  တပ်မတော်မှ ငြိမ်းချမ်းရေးဆွေးနွေးမှုအဖွဲ့များကို စေလွှတ်ဆွေးနွေးပေးစေလိုပါကလည်း တိုင်းစစ်ဌာနချုပ်များတွင် ဆွေးနွေးနိုင်ရေး    ဆောင်ရွက်ပေးသွားမယ်လို့ ဗိုလ်ချူပ်မှူးကြီးက ပြောပါတယ်။

ပြည်တွင်းတည်ငြိမ် အေးချမ်း ရေးအတွက် လက်နက်ကိုင်လမ်းစဉ်ကို မကျင့်သုံးဘဲ တွေ့ဆုံညှိနှိုင်း  ဆွေးနွေး ရေးကိုသာ ဆောင်ရွက်ရမည်ဖြစ်ကြောင်း၊ ငြိမ်းချမ်းရေးကို ပျက်ယွင်းစေမည့် အပြုအမူ အပြောအဆို၊ အလုပ်အကိုင် များကို လုံးဝ လက်သင့်ခံ၍ ရနိုင်မည်မဟုတ်ပါကြောင်း၊ သဘောတူညီချက်များဖြင့် ချုပ်ဆိုထားသည့် NCA လမ်း  ကြောင်းပေါ်တွင် ဆက်လက်လျှောက်လှမ်းသွားရမှာဖြစ်တယ်လို့ စောမူတူးစေးဖိုးနှင့်အဖွဲ့က ဆွေးနွေးပြောဆိုတယ်လို့   သတင်းထုတ်ပြန်ချက်အရ သိရပါတယ်။

ကရင်တိုင်းရင်းသားခေါင်းဆောင် စောမူတူးစေးဖိုးအနေဖြင့် NCA စာချုပ်ကို ကိုယ်တိုင်လက်မှတ်ရေးထိုး  ပါဝင်ခဲ့သည့် တိုင်းရင်းသားခေါင်းဆောင် တစ်ဦးဖြစ်တဲ့အတွက် မကြာမီ ကျရောက်တော့မည့် တစ်နိုင်ငံလုံး ပစ်ခတ် တိုက်ခိုက်မှုရပ်စဲရေး သဘောတူစာချုပ် (NCA)ချုပ်ဆိုမှု ၈ နှစ်မြောက် အထိမ်းအမှတ်အခမ်းအနားသို့ တက်ရောက်   ပေးနိုင်ဖို့အတွက်လည်း ဗိုလ်ချူပ်မှူးကြီးက  ဖိတ်ကြားခဲ့တယ်လို့ နစက သတင်းထုတ်ပြန်ရေးအဖွဲ့က သတင်း ထုတ်ပြန်   ထားပါတယ်။

အဆိုပါငြိမ်းချမ်းရေးတွေ့ဆုံဆွေးနွေးပွဲသို့ နစကဥက္ကဋ္ဌ၊တပ်မတော်ကာကွယ်ရေးဦးစီးချုပ်နှင့်အတူ ကာကွယ်ရေး  ဦးစီးချုပ်ရုံးမှ ဒုတိယဗိုလ်ချုပ်ကြီး ရဲဝင်းဦးနှင့် တပ်မတော်အရာရှိကြီးများ၊ အမျိုးသားစည်းလုံးညီညွတ်ရေးနှင့် ငြိမ်းချမ်း  ရေးဖော်ဆောင်မှုညှိနှိုင်းရေး ကော်မတီဥက္ကဋ္ဌဒုတိယဗိုလ်ချုပ်ကြီး ရာပြည့်တို့တက်ရောက်ကြပြီး ကရင်တိုင်းရင်းသား  ခေါင်းဆောင် စောမူတူးစေးဖိုးနှင့်အတူ ကရင်အမျိုးသားအစည်းအရုံး (KNU) ဗဟိုကော်မတီဝင်ဟောင်းဖြစ်သူ စောရော   ဂျာခင်၊ ကော့ကရိတ်ခရိုင် ဥက္ကဋ္ဌ ပဒိုရွှေမောင်း တို့ တက်ရောက်ခဲ့ကြတယ်လို့သိရှိရပါတယ်။

 Knl/ymg

#Daily_News
Published_ 30 September 2023

၁။ တစ်ပတ်အတွင်း စက်သုံးဆီ 92 တစ်လီတာကို ကျပ် ၁၀၀ ကျော်ပြန်ကျ

၂။ ရွှေတိဂုံစေတီတော်တွင် နိုင်ငံခြားသားဧည့်ဝင်ကြေးအောက်တိုဘာလ (၁)ရက်မှ စတင်တိုးကောက်မည်

၃။ ရှမ်းပြည်ထွက်ဂေါ်ဖီထုတ်ဝယ်လိုအားပြန်ရှိပေမယ့် ယခင်ထက် ၁၀ ဆ ၁ ဆသာရှိဟုဆို

၄။ အာရှတွင်အရှည်လျားဆုံးနှင့် ကမ္ဘာတွင်တတိယမြောက်အရှည်လျားဆုံးဖြစ်သည့် တရုတ်နိုင်ငံမှရွှမ်ဟယ်လှိုဏ်ဂူ .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

ရှမ်းပြည်နယ်က စိုက်ပျိုးထွက်ရှိတဲ့ ဂေါ်ဖီထုတ်ဈေးကွက်ဟာ ပြည်တွင်းဝယ်လို အား ပြန်ရှိပေမယ့် ယခင်နဲ့နှိုင်းယှဉ်ပါက ၁၀ဆ ၁ဆ သာအရောင်းဝယ်ရှိတယ်လို့ ရှမ်း
ပြည်အောင်ပန်းရှိ ကုန်သည်တွေထံက သိရပါတယ်။

Published_ 30 September 2023
#Local_News
#ရှမ်းပြည်ထွက်ဂေါ်ဖီထုတ် #ရှမ်းပြည်အောင်ပန်း
#YMG/ LW #Yangon_Times

‘အောက်တိုဘာလ(၁)ရက်မှစပြီး ရွှေတိဂုံစေတီတော်ကိုလာရောက်မယ့် နိုင်ငံခြားသားခရီးသွားတွေ အနေနဲ့ မြန်မာငွေနဲ့ဆိုရင်ကျပ်(၂၀၀၀၀)ဧည့်ဝင်ကြေးပေးရမှာဖြစ်ပြီး နိုင်ငံခြားငွေနဲ့ဆိုရင် အပြောင်းအလဲမရှိဘဲ အရင်အတိုင်း(၁၀)ဒေါ်လာပဲကျမှာဖြစ်ပါတယ်’ ရွှေတိဂုံစေတီတော်ဂေါပကအဖွဲ့ဝင်ဦးဘိုးသင်း

Published_ 30 September 2023
#Local_News
#ရွှေတိဂုံ #နိုင်ငံခြားသားဧည့်ဝင်ကြေး #တိုးမြှင့်ကောက်ခံ
#tthl #Yangon_Times

ကမ္ဘာရေနံဈေးကြောင့် ဈေးမြင့်ခဲ့တဲ့ ပြည်တွင်းစက်သုံးဆီဈေးကွက်ဟာ စက်တင်ဘာ နောက်ဆုံးပတ်မှာတော့ စက်သုံးဆီ 92 တစ်လီတာကို ကျပ်၁၀၀ကျော် အထိဈေးပြန်ကျလာခဲ့ပါတယ်။

Published_ 30 September 2023
#Local_News
#စက်သုံးဆီ 92 #ကမ္ဘာရေနံဈေး
#YMG/ LW #Yangon_Times

#Local_News
Published_ 30 September 2023

နိုင်ငံ့ဝန်ထမ်းများနှင့် တပ်မတော်(ကြည်း၊ရေ၊လေ) ဝန်ထမ်းများကို အပိုထောက်ပံ့ကြေးအဖြစ် တစ်လလျှင့် ကျပ်သုံးသောင်း ချီးမြှင့်သွားမယ်လို့ နစကရဲ့သတင်းထုတ်ပြန်ချက်အရသိရပါတယ်။

နိုင်ငံတော်အတွင်းနိုင်ငံတော်၏ တာဝန်ကိုထမ်းဆောင်လျက်ရှိကြသည့် နိုင်ငံ့ဝန်ထမ်းများ၊ တပ်မတော် (ကြည်း၊ရေ၊လေ) ဝန်ထမ်းများ၏ စားဝတ်နေရေးသက်သာ ချောင်လည်မှုရှိစေရန်အတွက် လက်ရှိလစာအပြင် အပို ထောက်ပံ့ကြေးအဖြစ် တစ်ဦး လျှင် တစ်လကျပ် ၃၀၀၀၀ (သုံးသောင်း) နှုန်းဖြင့် လစဉ်ခံစားခွင်ပြုသွားမှာဖြစ်တယ်လို့ သတင်းထုတ်ပြန်ချက်မှာဖော်ပြထားပါတယ်။

အလားတူ အစိုးရဌာနများနှင့် အဖွဲ့အစည်များရှိ နေ့စားအလုပ်သမားများ၏ လုပ်ခကိုအလုပ်ချိန် တစ်နေ့ ၈ နာရီအတွက် လက်ရှိသတ်မှတ်ထားသော လုပ်ခ ကျပ် ၄,၈၀၀ (ကျပ်လေးထောင့်ရှစ်ရာတိတိ) အပေါ်တွင် အပိုထောက်ပံ့ကြေးအဖြစ် တစ်ထောင်ကျပ်တိတိထပ်မံခံစားခွင့်ပြုသွားမှာလည်းဖြစ်ပါတယ်။

အဆိုပါ အပိုထောက်ပံ့ကြေးခံစားခွင့်ပြုမည့် ကိစ္စရပ်နှင်စပ်လျဉ်း၍ စီမံကိန်းနှင့်ဘဏ္ဍာရေးဝန်ကြီးဌာနမှလည်း အမိန့်ကြေညာစာထုတ်ပြန်ထားပြီးဖြစ်တယ်လို့ သိရပါတယ်။

#Local_News #နိုင်ငံ့ဝန်ထမ်းများ #တပ်မတော်သား #အပိုထောက်ပံ့ကြေးသုံးသောင်းကျပ်
#Yangon_Times

#BreakingNews

၃၀ စက်တင်ဘာ ၂၀၂၃

နစက ဥက္ကဋ္ဌ တပ်မတော်ကာကွယ်ရေးဦးစီးချုပ်ဗိုလ်ချုပ်မှူးကြီး မင်းအောင်လှိုင်နှင့် ကရင်တိုင်းရင်းသားခေါင်းဆောင်စောမူတူးစေးဖိုးတို့ နေပြည်တော်တွင် ငြိမ်းချမ်းရေးကိစ္စများဆွေးနွေးခဲ့ကြပါတယ်။

ဗိုလ်ချုပ်မှူးကြီး မင်းအောင်လှိုင်သည် ကရင်တိုင်းရင်းသားခေါင်းဆောင် စောမူတူးစေးဖိုးဦးဆောင်သည့်အဖွဲ့အား ယနေ့နံနက်ပိုင်းတွင် နေပြည်တော်ရှိ ဘုရင့်နောင်ရိပ်သာ၊ဧည့်ခန်းမဆောင်၌ လက်ခံတွေ့ဆုံပြီး ငြိမ်းချမ်းရေး ဆိုင်ရာကိစ္စရပ်များ ဆွေးနွေးခဲ့ကြတာဖြစ်တယ်လို့ နစကရဲ့သတင်းထုတ်ပြန်ချက်အရသိရပါတယ်။

အဲဒီ ငြိမ်းချမ်းရေးတွေ့ဆုံဆွေးနွေးပွဲသို့ ဗိုလ်ချုပ်မှူးကြီးမင်းအောင်လှိုင်နှင့်အတူ  ကာကွယ်ရေးဦးစီးချုပ်ရုံးမှ ဒုတိယဗိုလ်ချုပ်ကြီး ရဲဝင်းဦးနှင့် တပ်မတော် အရာရှိကြီးများ၊ အမျိုးသားစည်းလုံးညီညွတ်ရေးနှင့်ငြိမ်းချမ်းရေးဖော်ဆောင်မှု ညှိနှိုင်းရေး ကော်မတီဥက္ကဋ္ဌ ဒုတိယဗိုလ်ချုပ်ကြီး ရာပြည့်တို့တက်ရောက်ကြပြီး ကရင်တိုင်းရင်းသားခေါင်းဆောင် စောမူတူးစေးဖိုး နှင့်အတူ ကရင်အမျိုးသားအစည်းအရုံး . (KNU) ဗဟိုကော်မတီဝင်ဟောင်းဖြစ်သူ .. စောရောဂျာခင်၊ ကော့ကရိတ်ခရိုင် ဥက္ကဋ္ဌ ပဒိုရွှေမောင်း တို့ တက်ရောက်ကြခဲ့ကြကြောင်း သတင်းထုတ်ပြန်ချက်မှာဖော်ပြထားပါတယ်။

#World_News
Published 30 September 2023

အမေရိကန်ရှိ အစိုးရယန္တရားများ ရပ်ဆိုင်းတော့မယ့်အကြောင်း အစိုးရက အလုပ်သမားများကို အသိပေးလိုက်ပြီဖြစ်ပြီး ကွန်ဂရက်လွှတ်တော်မှ နောက်ဆုံးသဘောတူညီချက် မရသရွေ့ သန်းနဲ့ချီတဲ့ အစိုးရဝန်ထမ်းများနဲ့ စစ်မှုထမ်းများဟာ အိမ်ပြန်ပို့ခံရခြင်း ဒါမှမဟုတ် လစာမရဘဲ အလုပ်လုပ်ရခြင်းတို့ ကြုံတွေ့လာနိုင်ပါတယ်။

သဘောတူညီချက် မရခဲ့ဘူးဆိုရင် အစိုးရရန်ပုံငွေအများစုဟာ စနေနေ့ ညသန်းခေါင်ယံမှာ သက်တမ်းကုန်ဆုံးမှာ ဖြစ်ပြီး အစစအရာရာအတွက် အခက်အခဲများ ကြုံတွေ့လာနိုင်ကာ ယန္တရားရပ်ဆိုင်းမှု ရှည်ကြာလာပါက အမေရိကန်စီးပွားရေးကို ပိုမိုထိခိုက်လာစေမှာ ဖြစ်ပါတယ်။

ဒါတွေဟာ သဘောထားတင်းမာနေတဲ့ ရီပတ်ဘလစ်ကန် အနည်းစုကြောင့် ကွဲလွဲမှုတွေ ပေါ်ပေါက်လာတာ ဖြစ်ပါတယ်။

ယန္တရားရပ်ဆိုင်းမည်ဖြစ်တာကြောင့် ကြိုတင်ပြင်ဆင်ထားကြရန် အချို့အစိုးရဝန်ထမ်းတွေကို အသိပေးထားတယ်လို့ AFP က ဖော်ပြလိုက်ပါတယ်။

အစိုးရဌာနတိုင်းနီးပါး လည်ပတ်မှုရပ်ဆိုင်းတော့မှာ ဖြစ်တာကြောင့် ဝန်ထမ်းလျှော့ချမှာ ဖြစ်ပေမယ့် အဓိကလုပ်ငန်းများကတော့ ဆက်လက်လည်ပတ်နေမှာ ဖြစ်တယ်လို့ ကျန်းမာရေးနှင့် ပြည်သူ့ဝန်ဆောင်မှုဌာနမှ ဝန်ထမ်းတစ်ဦးရရှိတဲ့ အသိပေးစာမှာ ဖော်ပြထားပါတယ်။

အရေးပေါ်ဖြစ်လာနိုင်တဲ့ အစီအစဥ်များကိုလည်း ပြင်ဆင်ဖော်ပြလိုက်ကာ ကြိုတင်အကြောင်းကြားခံရတဲ့ ဝန်ထမ်းတွေဟာ ယာယီအလုပ်နားနေရမှာ ဖြစ်ပြီး ရပ်ဆိုင်းမှုပြီးမြောက်ပြီးနောက် နစ်နာကြေး ရရှိမှာဖြစ်တယ်လို့ အသိပေးစာမှာ ဖော်ပြထားပါတယ်။

အစိုးရယန္တရားရပ်ဆိုင်းတဲ့အခါ သန်းနဲ့ချီတဲ့ အစိုးရဝန်ထမ်းတွေဟာ လစာမရရှိဘဲ အလုပ်နားနေရမှာဖြစ်ပြီး စစ်ဘက်ဆိုင်ရာ အမှုထမ်းတွေနဲ့ မရှိမဖြစ်လိုအပ်တဲ့ အခြားဝန်ထမ်းတွေကတော့ လစာမရဘဲ အလုပ်ဆက်လုပ်နေရမှာ ဖြစ်ပါတယ်။

လုံခြုံရေးအစောင့်တွေလိုမျိုး နေရာတွေက ကိစ္စမရှိပေမယ့် လစာမရတဲ့သူတွေကတော့ တဖြည်းဖြည်းနဲ့ အလုပ်မလာတော့ဘဲ အချို့ကဏ္ဍကြီးတွေ ထိခိုက်လာမှာ ဖြစ်ပါတယ်။

ဒါ့အပြင် ဖက်ဒရယ်လေကြောင်းစီမံအုပ်ချုပ်ရေး (FAA)ဟာ လုပ်ပိုင်ခွင့် ပြန်လည်အပ်နှံခြင်း ကိစ္စနဲ့ပတ်သက်ပြီး ခေါင်းခဲနေရပါတယ်။

အခုအချိန်က အစိုးရယန္တရားများ ရပ်ဆိုင်းရန် သင့်လျော်တဲ့အချိန် မဟုတ်ကြောင်း၊ အကျိုးဆက်အနေနဲ့ ပျက်စီးရန်အန္တရာယ် ရှိနေကြောင်း သယ်ယူပို့ဆောင်ရေးဝန်ကြီး ပီ့တ်ဘွတ်တီဂျက်က ဗုဒ္ဓဟူးနေ့က ရှင်းလင်းပွဲမှာ ပြောကြားခဲ့ပါတယ်။

ယန္တရားရပ်ဆိုင်းမှုဖြစ်ပေါ်ပါက ဖက်ဒရယ်အရေးပေါ် စီမံခန့်ခွဲရေးအေဂျင်စီရဲ့ သဘာဝဘေးအန္တရာယ် ကယ်ဆယ်ရေးအတွက် ရန်ပုံငွေ မလုံလောက်မှု ဖြစ်ပေါ်လာနိုင်ကာ တိုင်းပြည်အနှံ့ရှိ ရေရှည်ပြန်လည်ဖော်ဆောင်ရေး စီမံကိန်း ၂ ထောင်နီးပါး နှောင့်နှေးသွားနိုင်တယ်လို့ အိမ်ဖြူတော်က သတိပေးထုတ်ပြန်လိုက်ပါတယ်။

အထက်လွှတ်တော် လူများစုခေါင်းဆောင် ချက်ခ်ရှူမာက အောက်လွှတ်တော်ဥက္ကဌ မက်ကာသီဟာ လက်ယာစွန်းရောက် လက်တစ်ဆုပ်စာရဲ့ ဆန္ဒတွေကို ဦးစားပေးရွေးချယ်ခဲ့တယ်လို့ စွပ်စွဲလိုက်ပါတယ်။

ယန္တရားအလုံးစုံ ရပ်ဆိုင်းရပါက ထိုကာလအတွင်း အစိုးရဝန်ထမ်းပေါင်း ၁.၈ သန်းနီးပါးဟာ လစာရရှိမှာမဟုတ်ဘူးလို့ အမေရိကန်အစိုးရဝန်ထမ်း ဖက်ဒရေးရှင်းသမဂ္ဂက ခန့်မှန်းလိုက်ပါတယ်။

#World_News #အမေရိကန်အစိုးရ #အစိုးရဝန်ထမ်းများကိုအသိပေး #Source: Bangkok Post

“ဒီစာများသည် မမှန်ပါဘူး အတုများဖြစ်ပါတယ်။

ဒီလိုသတင်းတုတွေဟာ စီးပွားရေးအရ၊ နိုင်ငံရေးအရ ထိုးနှက်မှုကို အချိန်ကိုက်လုပ်ဆောင်နေကြခြင်းဖြစ်တယ်”

ဗိုလ်ချုပ်ဇော်မင်းထွန်း

၅၀ ကျပ်တန်နှင့် ၁၀၀ ကျပ်တန် ငွေစက္ကူများ ရုပ်သိမ်းကြောင်း အမိန့်ကြော်ငြာစာများသည်  လုပ်ကြံထားသည့် အမိန့်ကြော်ငြာစာအတုများသာဖြစ်​ကြောင်း  နစက သတင်းပြန်ကြားရေးအဖွဲ့ခေါင်းဆောင် ဗိုလ်ချုပ် ဇော်မင်းထွန်း အတည်ပြုပြောကြားပါတယ်။

#Local_News
Published_ 30 September 2023

၅၀ ကျပ်တန်နှင့် ၁၀၀ ကျပ်တန်များရုပ်သိမ်းခြင်းဟူ၍ ဆိုရှယ်မီဒီယာပေ့ချ်အချို့တွင် ရေးသားနေကြသည်မှာ သတင်းတုသတင်းမှားများသာဖြစ်ကြောင်း နစက၏သတင်းထုတ်ပြန်ရေးအဖွဲ့မှထုတ်ပြန်‌ဖြေရှင်းလိုက်ကြောင်း သိရသည်။

လူမှုကွန်ရက်ပေါ်တွင်ပျံနှံ့လာသည့် မြန်မာနိုင်ငံအတွင်းလက်ရှိသုံးစွဲလျက်ရှိသည့် ၅၀ ကျပ်တန်နှင့် ၁၀၀ ကျပ်တန်များအား ရုတ်သိမ်းလိုက်ကြောင်း စက်တင်ဘာ(၂၉)ရက်ရက်စွဲဖြင့် ဗဟိုဘဏ်မှထုတ်ပြန်သည်ဟု အမိန့်ကြေညာစာအတုထွက်ပေါ်ခဲ့သည်။

 အဆိုပါ ထုတ်ပြန်ချက် အမိန့်ကြေညာစာများသည် သတင်းတုသတင်းမှားများသာ ဖြစ်ကြောင်း၊ယင်းကိစ္စနှင့်ပတ်သက်၍ ဗဟိုဘဏ်မှလည်း ဆက်လက်ထုတ်ပြန်ပေးသွားမည်ဖြစ် ကြောင်း နစက ၏သတင်းထုတ်ပြန်ရေးအဖွဲ့မှ ထုတ်ပြန်လိုက်ခြင်းဖြစ်သည်။

ထုတ်ပြန်ချက်အတု၌ (၅၀)ကျပ်တန်၊ (၁၀၀) ကျပ်တန်များအား စက်တင်ဘာ (၂၉ )ရက်နံနက်( ၆ )နာရီမှစတင်၍ ရုတ်သိမ်းလိုက်သည်ဟု ဗဟိုဘဏ်၏ အမိန့်ကြော်ငြာစာအမှတ်(၂၇/ ၂၀၂၃)ဖြင့် ဗဟိုဘဏ်ဥပဒေပုဒ်မ ၄၀ နှင့် ၄၁ တို့အရအပ်နှင်းထားသော လုပ်ပိုင်ခွင့်ကိုကျင့်သုံး၍ ထုတ်ပြန်ခြင်းဖြစ်သည်ဟု ရေးသားထားကြောင်းသိရသည်။

#Local_News #၅၀ကျပ်တန်နှင့်၁၀၀ကျပ်တန် #ဆိုရှယ်မီဒီယာပေ့ချ်အချို့ #နစကမှထုတ်ပြန်ဖြေရှင်း #tthl #Yangon_Times

#World_Health
Published 30 September 2023

ကော်ဖီသောက်ခြင်းဖြင့် မနက်ခင်းမှာ နိုးကြားမှုကို ပေးစွမ်းနိုင်သလို အစာခြေစနစ်ကိုလည်း လှုံ့ဆော်ပေးတဲ့အပြင် အစာခြေနှုန်း၊ အစားအစာများမှ အာဟာရဓာတ်များ စုပ်ယူမှုကိုလည်း သက်ရောက်နေပါတယ်။

ဒါ့အပြင် ကဖင်းဓာတ်ဟာ အချို့ဆေးဝါးတွေနဲ့ အပြန်အလှန်သက်ရောက်မှုရှိပြီး ဆေးဝါးစုပ်ယူနိုင်စွမ်းကို သက်ရောက်စေပါတယ်။

 
(၁) စိတ်ကျရောဂါသက်သာဆေးများ

ယခုဆယ်စုနှစ်များအတွင်း အဆိုပါဆေးဝါးများကို အများအပြား သုံးစွဲလာကြပြီး ကော်ဖီက ဒီဆေးတွေရဲ့ စုပ်ယူနိုင်စွမ်းနဲ့ ထိရောက်မှုအပေါ် သက်ရောက်နေတာကို သိရှိထားဖို့ အရေးကြီးပါတယ်။

ဖလူဗိုဇမင်းလို ဆေးမျိုးဆိုရင် ကဖင်းဓာတ်ကို ပိုမိုတုန့်ပြန်စေကာ အိပ်မပျော်ခြင်း၊ နှလုံးခုန်မြန်ခြင်းတို့ကို ပိုဆိုးစေတတ်ပါတယ်။

ဒါကြောင့် စိတ်ကျရောဂါသက်သာဆေးများကို ကော်ဖီနဲ့ အနည်းဆုံး ၁နာရီခြားပြီး သောက်သုံးသင့်ပါတယ်။

 
(၂) သွေးပေါင်ချိန်ထိန်းဆေးများ

သွေးကျဆေးတွေဟာ နှလုံးခုန်နှုန်းကျစေပြီး နှလုံးမှ သွေးညှစ်ထုတ်အားကို လျော့ကျစေပါတယ်။

အမ်လိုဒီပင်းလို ဆေးကို ကော်ဖီနဲ့ တွဲဖက်သောက်သုံးပါက ဆေးစုပ်ယူနိုင်စွမ်းကို လျော့ကျစေပြီး အာနိသင်ကိုပါ ယုတ်လျော့စေပါတယ်။

 
(၃) ပန်းနာရင်ကြပ်ဆေးများ

ရင်ကြပ်ဝေဒနာကြောင့် အမိုင်နိုဖိုင်လင်း၊ သီယိုဖိုင်လင်းလို ဆေးတွေ အသုံးပြုနေရသူတွေအတွက် ဆေးရဲ့အလုပ်လုပ်ပုံကို နားလည်ထားဖို့ လိုအပ်ပါတယ်။

ထိုဆေးတွေမှာ အသက်ရှူလမ်းကြောင်းကို ကျယ်စေကာ အသက်ရှူရလွယ်ကူစေတဲ့ စတီးရွိုက်တွေ ပါဝင်ပေမယ့် ခေါင်းကိုက်ခြင်း၊ ကဏာမငြိမ်ခြင်း၊ ဗိုက်အောင့်ခြင်း၊ မအီမသာဖြစ်ခြင်းတို့ ဖြစ်စေတတ်ပါတယ်။

ကော်ဖီနဲ့ အချို့သော အချိုရည်သောက်ခြင်းဖြင့် ထိုဘေးထွက်ဆိုးကျိုးတွေကို ပိုမိုဆိုးရွားစေကာ ဆေးစုပ်ယူနိုင်စွမ်းကို ကျဆင်းစေနိုင်ပါတယ်။

 
(၄) ဆီးချိုကုသမှုများ

ကဖင်းဓာတ်ပါဝင်တဲ့ သောက်စရာတွေကြောင့် အင်ဆူလင်နဲ့ သွေးတွင်းသကြားဓာတ်ကို မြင့်မားစေနိုင်ပါတယ်။

ဒါကြောင့် ကော်ဖီသောက်တဲ့အခါ သကြားဓာတ် ထိန်းချုပ်ရန် ခက်ခဲလာပြီး ဆီးချိုရောဂါလက္ခဏာများ ပိုမိုဆိုးရွားလာတတ်ပါတယ်။

ဒါ့အပြင် ကော်ဖီထဲမှာ နို့ထည့်သောက်သုံးခြင်းကလည်း သွေးတွင်းသကြားဓာတ်ကို ပိုမိုမြင့်တက်စေပြီး ဆီးချိုသက်သာဆေးဝါးများရဲ့ အာနိသင်ကို လျော့ကျစေနိုင်ပါတယ်။

 
(၅) အအေးမိဖျားနာပျောက်ဆေးဝါးများ

အအေးမိခြင်း ဖျားနာခြင်းတို့အတွက် သောက်သုံးရတဲ့ဆေးတွေဟာ စတီးရွိုက်၊ ဆူဒိုအက်ဖက်ဒရင်း ဟိုက်ဒရိုကလိုရိုက်တို့လို အရာတွေပါဝင်ပြီး ဗဟိုအာရုံကြောစနစ် လှုပ်ရှားမှုကို မြင့်မားစေပါတယ်။

ထိုဆေးတွေကို ကော်ဖီနဲ့ သောက်သုံးမိရင် ဆေးတွေရဲ့ အာနိသင်ကို မြှင့်တင်ပေးပြီး ကဏာမငြိမ်ခြင်း၊ မအီမသာဖြစ်ခြင်း၊ အိပ်မပျော်ခြင်းတို့ကို ပိုမိုဆိုးရွားစေနိုင်ပါတယ်။

#World_Health #ကော်ဖီ #ဆေးဝါး(၅)မျိုး #Source:_The_Jerusalem_Post