#World_Science
Published 24 June 2023

နိုင်ငံတကာအာကာသစခန်းမှ အာကာသယာဉ်မှူးများက ဆီးကိုပေါင်းခံပြီး အစိုဓာတ်ကိုစုပ်ယူခြင်းဖြင့် ရေကို အောင်မြင်စွာထုတ်လုပ်နိုင်ခဲ့တာကြောင့် အာကာသစူးစမ်းလေ့လာရေးမှာ ထင်ရှားတဲ့အောင်မြင်မှုတစ်ခု ရရှိခဲ့ကြပါတယ်။

အာကာသစခန်းမှ ပတ်ဝန်းကျင်ထိန်းသိမ်းမှုနှင့်သက်ကယ်စနစ်(ECLSS) ကို အသုံးပြုပြီး ဒီအောင်မြင်မှုရခဲ့တာဖြစ်ပါတယ်။

အာကာသယာဉ်မှူးများ ရှူထုတ်လိုက်တဲ့လေနဲ့ ချွေးတွေကနေ အစိုဓာတ်အပါအဝင် အညစ်အကြေးရေများကိုစုဆောင်းကာ သောက်သုံးရေထုတ်လုပ်မယ့် WPA သို့ ပို့ဆောင်ရပါတယ်။

ဒါ့အပြင် UPA ဖြင့် လေဟာနယ်ပေါင်းခံခြင်းမှတဆင့် ဆီးကနေ ရေကိုပြုလုပ်နိုင်ခဲ့ပါတယ်။

ဒါပေမဲ့ ပေါင်းခံခြင်းလုပ်ငန်းစဉ်ဟာ ရေဓာတ်အချို့ပါဝင်နေသေးတဲ့ ဆီးကိုထုတ်လုပ်နေဆဲဖြစ်ပါတယ်။

သိပ္ပံပညာရှင်တွေက အငံရည်ကနေ ရေကိုထပ်မံထုတ်ယူနိုင်မယ့် BPA နည်းပညာအသစ်ကို စမ်းသပ်နေပါတယ်။

BPA ကတော့ ဆွဲငင်အားမရှိတဲ့နေရာမှာ အညစ်အကြေးရေကနေ ထုတ်ယူနိုင်တဲ့စနစ်ဖြစ်ပါတယ်။

UPA မှထုတ်လုပ်တဲ့ရေငန်ကိုယူပြီး အထူးအမြှေးပါးနည်းပညာကို အသုံးပြုပြီးရေကိုအငွေ့ပျံစေရန် ရေငန်ကို ပူနွေးခြောက်သွေ့တဲ့လေကို မှုတ်ထုတ်လိုက်ပါတယ်။

အာကာသယာဉ်မှူးတွေ ရှူထုတ်တဲ့လေ၊ ချွေးနဲ့အတူ စိုစွတ်တဲ့လေကို ဖန်တီးကာ အာကာသရေစုဆောင်ရေးစနစ်ကနေ စုဆောင်းလိုက်တာဖြစ်ပါတယ်။

ဂျွန်ဆန်အာကာသစင်တာအဖွဲ့ဝင် 'ခရစ္စတိုဖာဘရောင်း'က သက်ကယ်စနစ်တိုးတက်ရေးမှာ ထင်ရှားတဲ့ခြေလှမ်းလှမ်းနိုင်ခဲ့တာဖြစ်ပါတယ်။

ရေအကန့်အသတ်ဖြင့်ထုတ်လုပ်ကာ အာကာသမှာ ရေပြန်လည်အသုံးချခြင်း အရေးကြီးပုံကို ရှင်းပြလိုက်ကာ ရေအလေးချိန် ၂ ပေါင်သာဆုံးရှုံးခဲ့ပြီး ကျန်တဲ့ ၉၈ ရာခိုင်နှုန်းက ဆက်လက်လည်ပတ်နေနိုင်ခဲ့ပါတယ်။

ထိုစနစ်ဖြင့်ထုတ်လုပ်လိုက်တဲ့ရေဟာ ကမ္ဘာပေါ်မှာ လူတွေသောက်သုံးတဲ့ရေထက် ပိုမိုသန့်ရှင်းကြောင်း သိပ္ပံပညာရှင်များဆိုပါတယ်။

အာကာသယာဉ်မှူးများက ဆီးကိုတိုက်ရိုက်သောက်တာမဟုတ်ဘဲ စစ်ထုတ်ပြီးသား သန့်ရှင်းတဲ့ရေကိုသာ သောက်သုံးတာဖြစ်ပါတယ်။

ကြာရှည်စွာသွားရတဲ့ အာကာသခရီးလိုမျိုးမှာ ရေကအလွန်ကြီးပါတယ်။

ဦးစွာအနေနဲ့ အာကာသယာဉ်မှူးများ အသက်ရှင်ကျန်းမာနေစေရန်၊ ရေဓာတ်ရရှိရန်၊ အစားအစာ၊ တစ်ကိုယ်ရည်သန့်ရှင်းမှုတို့အတွက် ရေကမရှိမဖြစ်လိုအပ်ပါတယ်။

ဒါ့အပြင် အပင်ကြီးထွားခြင်း၊ စမ်းသပ်ချက်ပြုလုပ်ခြင်း၊ သုတေသနပြုလုပ်ခြင်း၊ စားစရာထုတ်လုပ်ခြင်းတို့အတွက်လည်း ရေက အရေးပါတဲ့ရင်းမြစ်ဖြစ်ပါတယ်။

Source: India Today #World_Science #အာကာသအတွင်းယင်းတို့၏ဆီးများမှသောက်သုံးရေထုတ်လုပ်နိုင်ခဲ့
#YMG #Yangon_Times

(၅)လအတွင်းမြွေကိုက်ခံရသူ (၁၀၀)နီးပါးဆေးရုံရောက်၊ (၅)ဦးသေဆုံး

ဆီးဖြူသီးအိမ်ထဲမှာ ထားရုံ၊ ထုံးဖြူးရုံနဲ့မြွေမဝင်တာမဟုတ်ဘူး။ မြွေမဝင်နိုင်အောင် ဖြန်းရမယ့်ဆေးတွေရှိတယ်။
(ဦးစိန်တင်၊မြွေဆရာ)
#Local_News
#Published_ 23 June 2023
#Yangon_Times

ဒုတိယအကြိမ် ဉရုချောင်းရေကြီးမှုဖြစ်ပွားပါက ကယ်ဆယ်ရေးလုပ်ငန်းများ ကြိုတင်ပြင်ဆင်ထားပြီးဖြစ်ဟုဆို

ရေကြီးရေလျှံဖြစ်ပွားလာနိုင်ချေရှိတဲ့ အပေါ် အသိပေးနှိုးဆော်တာတွေ ပြုလုပ်နေပြီး၊ ရေနစ်မြှုပ်တဲ့ နေအိမ်အတွင်းလူတွေကို ကူညီကယ်ဆယ်တာနဲ့ နောက်ဆက်တွဲ ကျန်းမာရေးစောင့်ရှောက်မှုတွေအတွက် ပြင်ဆင်ထားပြီး ဖြစ်တယ်( ကယ်ဆယ်ရေးအဖွဲ့တာဝန်ခံ)

#Local_News
#Published_ 23 June 2023
#Ymg/myn
#Yangon _Times

#Local_News
Published- 23 June 2023

စတီရီယိုခေတ်ဦးကာလနှင့် မြန်မာ့ရုပ်မြင်သံကြားထုတ်လွှင့်စကာလတွင် လူကြိုက်များထင်ရှားခဲ့သော နိုင်ငံကျော်အဆိုတော်စိမ်းမို့မို့ ကွယ်လွန်သွားကြောင်း အနုပညာ အသိုင်းအဝိုင်းက သိရသည်။

ယနေ့ ဇွန်လ ၂၃ ရက်တွင် ကွယ်လွန်သွားခဲ့ခြင်းဖြစ်ကြောင်း၊ ဂီတလောကသားများကလည်း ဝမ်းနည်းစကားများ လူမှုကွန်ရက်တွင် ရောသားပြောဆိုနေကြသည်။

"အန်တီနဲ့ပွဲတွေမှာ ဆုံတိုင်းအန်တီဆိုလိုက်တဲ့ သီချင်းတိုင်းက နားထဲမှာ အမြဲစွဲကျန်စေခဲ့ပါတယ်၊ အလေးစားရဆုံးနဲ့ အကြိုက်နှစ်သက်ဆုံး အနုပညာရှင်တွေထဲမှာ အန်တီပါပါတယ်၊ အမြဲတမ်းဖေးမကူညီအားပေးတတ်တဲ့ အနုပညာရှင်ကြီးတစ်ဦးပါ၊ အန်တီဆိုခဲ့တဲ့ မျက်ဝန်းစကားသီချင်းလေး ဆိုချင်လို့ပါ ခွင့်ပြုချက်တောင်းတော့ သားဆိုမယ် ဆိုရင်ပျော်တာပေါ့ သားရယ်တဲ့၊ အမြဲအမှတ်ရနေပါ့မယ် အန်တီ၊ ငြိမ်းချမ်းရာ အရပ်မှာ အေးချမ်းပါစေ"ဟု Pyae Aung Zaw က ရေးသားထားသည်။

ယင်းအပြင်တေးသံရှင် ယုဇနကလည်း "ချစ်ခင်လေးစားရပါသော အန်တီမို့ (စိမ်းမို့မို့) ဆုံးပါးသွားတဲ့အတွက် များစွာစိတ်မကောင်းဖြစ်ရပါတယ်၊ သီချင်းတွေအတူဆိုခဲ့ကြဖူးတယ်၊ ဆုံးမစကားတွေလည်းနားထောင်ခဲ့ဖူးတယ်၊ အန်တီမို့သီချင်းဆိုလိုက်တိုင်း အသံအားကောင်းကောင်းနဲ့ နားထောင်ကောင်းလွန်းလို့အားကျခဲ့ရပါတယ်၊ အမြဲအပြုံးချိုချိုလေးနဲ့ စိတ်သဘောလှတဲ့အန်တီမို့ အေးချမ်းတဲ့ဘုံဘဝသို့ရောက်ရှိပါစေ"ဟု ရေးသားထားသည်။

တေးသံရှင် ချောစုခင်ကလည်း "ချစ်ခင်လေးစား ကြိုက်နှစ်သက်ခဲ့ရသော မမို့ (စိမ်းမို့မို့) ဘဝတစ်ပါးပြောင်းရွှေ့သွားသောကြောင့် များစွာစိတ်မကောင်းဖြစ်ရပါတယ်။ သေခြင်းတရားကိုဘယ်သူမှ မလွန်ဆန်နိုင်ကြတော့ အမြဲပြုံးနေတတ်တဲ့ မမို့ကောင်းမွန်သောဘုံဘဝကိုရောက်ရှိပါစေ"ဟု ဝမ်းနည်းစကားဆိုထားသည်။

စိမ်းမိုမို့ ၏ အမည်ရင်းမှာ စမ်းယုကြည်ဖြစ်ပြီး ၁၉၈၀ ပြည့်နှစ် ကာလကသူ၏ အသံနှင့်ထူးခြားသည့်ဆိုဟန်များကြောင့် အောင်မြင်ကျော်ကြား လူသိများခဲ့သူ ဖြစ်ကြောင်း၊ လက်ရှိတွင် လူမှုကွန်ရက်တစ်ခုဖြစ်သည့် Tiktok တွင် ‌"မျက်ဝန်းစကား" "အပြုံးကို အပြီးငှားခဲ့" စသော သီချင်းများကို လူကြိုက်များသုံးစွဲနေကြကြောင်းလည်း သိရသည်။

#Local_News
#တေးသံရှင် စိမ်းမို့မိုကွယ်လွန်
Yangon_Times/BM

စွမ်းအင်သစ်သုံးကားများအတွက်ဘက်ထရီများပြန်လည်အသုံးချသုံးစွဲရေးကဏ္ဍကို တရုတ်ဆက်လက်မြှင့်တင်သွားမည်

တရုတ်ပြည်မှာ စွမ်းအင်သစ်ကားများအတွက် ဘက်ထရီများ ပြန်လည်အသုံးပြုခြင်းကို အရှိန်မြှင့်တင်နေပြီလို အရာရှိတစ်ဦးက ပေကျင်းမှာပြုလုပ်တဲ့ သတင်းစာရှင်းလင်းပွဲမှာ ဗုဒ္ဓဟူးနေ့က ပြောကြားခဲ့ပါတယ်။
#Asia_Development
#Published_ 23 June 2023
#Yangon_Times

နိုင်ငံခြားငွေကြေးရောင်းဝယ်ခြင်းကို Online Trading စနစ်ဖြင့်ဆောင်ရွက်နေ၊ တစ်ဒေါ်လာ ကို ၂၉၂၀ /၂၉၂၂ ကျပ်ဗဟိဘဏ် သတ်မှတ်

AD လိုင်စင်ရဘဏ် ၆ ခုမှ ပါဝင်ဆောင်ရွက်ခဲ့ပြီး ငွေလှဲလှယ်နှုန်းမှာ ကျပ် ၂၉၂၀/၂၉၂၂ ဖြစ်ကြောင်း မြန်မာနိုင်ငံတော်ဗဟိုဘဏ်မှ ထုတ်ပြန်ထားပါသည်။

#Local_News
#Published_ 23 June 2023
#ymg/ynzw
#Yangon_Times

သွေးလွန်တုပ်ကွေးရောဂါ ယခုနှစ်တွင် ကျေးလက်၌ အဖြစ်ပိုများလာ

သွေးလွန်တုပ်ကွေးဖြစ်တဲ့ ကလေးငယ်အရေအတွက်ဟာ မွန်ပြည်နယ်က ဒုတိယအများဆုံးဖြစ်နေပါတယ်။
ကျေးလက်နေကလေးတွေက သွေးလွန်တုပ်ကွေးပိုဖြစ်နေပါတယ်။ (ဒေါက်တာနန္ဒဝင်း၊
မွန်ပြည်နယ်၊ ပြည်သူ့ကျန်းမာရေးဦးစီးဌာနမှူး)
#Local_News
Published 23 June 2023
#ymg/tthl
#Yangon_Time

#Daily_News
Published_ 23 June 2023

၁။ မြို့ပြရောဂါဖြစ်သည့် သွေးလွန်တုပ်ကွေးရောဂါ ယခုနှစ်တွင်ကျေးလက်၌အဖြစ်ပိုများလာ

၂။ နိုင်ငံခြားငွေကြေးရောင်းဝယ်ခြင်းကို Online Trading စနစ်ဖြင့်ဆောင်ရွက်နေ၊ တစ်ဒေါ်လာ ကို ၂၉၂၀/၂၉၂၂ကျပ် ဗဟ်ိုဘဏ် သတ်မှတ်

၃။ ဒုတိယအကြိမ် ဉရုချောင်းရေကြီးမှုဖြစ်ပွားပါက ကယ်ဆယ်ရေးလုပ်ငန်းများ ကြိုတင်ပြင်ဆင်ထားပြီးဖြစ်ဟုဆို

၄။ စွမ်းအင်သစ်သုံးကားများအတွက် ဘက်ထရီများပြန်လည်အသုံးချသုံးစွဲရေးကဏ္ဍကို တရုတ်ဆက်လက်မြှင့်တင်သွားမည် .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Time #Daily_News #YMG

#Local_News
Published_23 June 2023

ရှမ်းပြည်နယ်(တောင်ပိုင်း)၊ ရွာငံမြို့နယ်တွင် ဇွန်လ ၂၁ ရက်နေ့ နံနက်အစောပိုင်းက ၁၂ဘီးကားပေါ်၌ နွားချေးများဖုံးပြီး တရားမဝင် သယ်ဆောင်လာသည့် ငွေကျပ်သိန်း ၄၂၀၀ ကျော်တန်ဖိုးရှိ ထိန်းချုပ်ဓာတုပစ္စည်း(ကဖင်း) ၁ တန်ကျော် သိမ်းဆည်းရမိကြောင်း မြန်မာနိုင်ငံရဲတပ်ဖွဲ့မှ သိရသည်။

မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် ရှမ်းပြည်နယ်(တောင်ပိုင်း)၊ ရွာငံမြို့နယ်၊ မြို့ကြီးရှာဖွေစစ်ဆေးရေးစခန်းတွင် ဟံမြင့်မိုရ်ဘက်မှ ရွာငံဘက်သို့ အောင်ကိုကိုဦး မောင်းနှင်ပြီး ဟေမာန်သိန်းလိုက်ပါလာသည့် NISSAN ၁၂ ဘီး မော်တော်ယာဉ်ကို သတင်းအရရှာဖွေရာ အခုလိုဖမ်းဆီးရမိခဲ့ခြင်းဖြစ်ကြောင်း ရဲတပ်ဖွဲ့ရဲ့ ထုတ်ပြန်ချက်မှာဖော်ပြထားသည်။

အဆိုပါ တရားမဝင်သယ်ဆောင်လာသည့် ထိန်းချုပ်ဓာတုပစ္စည်း(ကဖင်း) ၁ တန်ကျော်၏ ဒေသကာလတန်ဖိုးမှာ မြန်မာငွေကျပ်သိန်း ၄၂၀၀ ကျော်တန်ဖိုးရှိပြီး စစ်ဆေး ဖော်ထုတ်ချက်အရ အဆိုပါ ထိန်းချုပ်ဓာတုပစ္စည်း(ကဖင်း)များအား မန္တလေးတိုင်းဒေသကြီးမှ ရှမ်းပြည်နယ်သို့ သယ်ဆောင်ခြင်းဖြစ်ကြောင်း သိရသည်။

ပြစ်မူကျူးလွန်သူများကို ဥပဒေအရအရေးယူထားရှိပြီး ကွင်းဆက်ပြစ်မှုကျူးလွန် သူများအား ဆက်လက်စစ်ဆေးဖော်ထုတ်လျက်ရှိ​ကြောင်း မြန်မာနိုင်ငံရဲတပ်ဖွဲ့မှ ထုတ်ပြန်ထားသည်။

#ymg/ynzw #Local_News #သိန်း၄၂၀၀ကျော်တန်ဖိုးရှိဓာတုပစ္စည်း(ကဖင်း) ၁ တန်ကျော်ဖမ်းဆီး
#Yangon_Time

#Local_News
Published-23 June 2023

မလေးရှားနိုင်ငံတွင် အလုပ်လုပ်နေသူ မြန်မာအမျိုးသား ၁ ဦး လုပ်ငန်းခွင် စက်ရုံထဲတွင် အသက်ရှူကြပ်၍သေဆုံးခဲ့ကြောင်း နှလုံးလှပရဟိတလူငယ်များသွေးလှူရှင်အဖွဲ့ (ကွာလာလမ်ပူ-မလေးရှား)မှ သိရသည်။

ကွယ်လွန်သူအမျိုးသား (ဦးအောင်ဝင်း)မှာ အသက် ၅၁ နှစ်အရွယ်ရှိပြီး အဆုတ်ရောဂါဖြင့်အသက်ရှူကြပ်၍ ၎င်းလုပ်ကိုင်နေသည့်စက်ရုံထဲတွင် သေဆုံးခဲ့သဖြင့် ကွယ်လွန်သူ၏ မိတ်ဆွေများမှ နှလုံးလှပရဟိတအဖွဲ့ကို​ အကူအညီတောင်းခံလာခဲ့ကြောင်း သိရသည်။

"ကွယ်လွန်သူရဲ့နောက်ဆုံးခရီးကို ဇွန်လ ၂၂ရက် ကြာသပတေးနေ့ မွန်းလွဲ ၁နာရီက ကွာလာလမ်ပူ-ချဲရတ်သုသာန်ကို ​ကွယ်လွန်သူရဲ့ မိတ်ဆွေသူငယ်ချင်း‌တွေနဲ့ အတူ ကျွန်တော်တို့ နှလုံးလှအဖွဲ့က ကုသိုလ်ယူ ပို့ဆောင်သဂြိုလ်ပေးခဲ့ကြပါတယ်"ဟု နှလုံးလှပရဟိတအဖွဲ့မှ တာဝန်ရှိသူပြောကြားထားသည်။

ကွယ်လွန်သူသည် မြန်မာနိုင်ငံ၊ ရန်ကုန်တိုင်း​ဒေသကြီး၊ ဒဂုံမြို့နယ်၊ (၁၆ )ရပ်ကွက် မနော်ဟရီလမ်းမှဖြစ်ကြောင်းနှလုံးလှပရဟိတလူငယ်များသွေးလှူရှင်အဖွဲ့ ( ကွာလာလမ်ပူ-မလေးရှား )က သိရသည်။

#Local_News #လုပ်ငန်းခွင်စက်ရုံတွင် အသက်ရှူကြပ်၍သေဆုံး
#Yangon_Times/BM

#Local_News
Published_ 23 June 2023

ဆီးဂိမ်းပြိုင်ပွဲများ၌ ဗိုဗီနမ်အားကစားနည်းဖြင့် ရွှေတံဆိပ်ဆုများရရှိခဲ့ပြီး ဦးခေါင်း၌ ဝေဒနာခံစားနေရသည့် အားကစားမယ် မပပဝင်းအား ဆေးကုသမှု ခံယူနိုင်ရန် ဇွန် ၂၂ ရက် နံနက်ပိုင်းက ရန်ကုန်မြို့ရှိ တပ်မတော်ဆေးရုံ ခုတင် (၁၀၀၀) သို့ ပို့ဆောင်ပေးခဲ့ကြောင်း သိရပါတယ်။

မပပဝင်းသည် ဦးခေါင်းဝေဒနာကို ၂၀၁၄ ခုနှစ် (၃) ကြိမ်မြောက် အရှေ့တောင် အာရှဗိုဗီနမ်ပြိုင်ပွဲအတွက် စခန်းဝင်နေချိန်၌ စတင်ခံစားခဲ့ရခြင်းဖြစ်ကာ ပြိုင်ပွဲအပြီးတွင် အဆက်အသွယ်ပြတ်တောက်သွားခဲ့တာ ဖြစ်ပါတယ်။

ထို့ပြင် မပပဝင်း၏ ခင်ပွန်း ဦးသီဟမှာ ဒလမြို့နယ်ထွေအုပ်ရုံး၌ ယာဉ်မောင်း အဖြစ် တာဝန်ထမ်းဆောင်နေစဥ် အရက်အလွန်အကျွံသောက်သုံးပြီး ဇွန် ၁၇ ရက်ကကြိုးဆွဲချ သေဆုံးခဲ့ကာ မပပဝင်းမှာလည်း လက်ရှိအချိန်တွင် ဦးခေါင်းဝေဒနာ ခံစားနေရဆဲ ဖြစ်ကြောင်း သိရပါတယ်။

ထို့ကြောင့် ဇွန် ၂၂ ရက် နံနက်ပိုင်းတွင် ရန်ကုန်တိုင်း အားကစားနှင့် ကာယပညာ ဦးစီးဌာနမှတာဝန်ရှိသူများက မပပဝင်းထံသွားရောက်တွေ့ဆုံ၍ တပ်မတော်ဆေးရုံ ခုတင်(၁၀၀၀)၌ ဆေးကုသမှုခံယူနိုင်ရန် လူနာ တင်ကားဖြင့်သွားရောက် ခေါ်ဆောင်၍ ပို့ဆောင်ပေးခဲ့ကြကြောင်း သိရပါတယ်။

မပပဝင်းသည် ၂၀၁၃ ခုနှစ် မြန်မာနိုင်ငံတွင် အိမ်ရှင်နိုင်ငံအဖြစ် လက်ခံကျင်းပခဲ့တဲ့ (၂၇) ကြိမ်မြောက် အရှေ့တောင်အာရှအားကစားပြိုင်ပွဲ၏ ဗိုဗီနမ်အားကစားနည်းဖြင့် နှစ်ယောက်တွဲ(အပြ) အတွဲလိုက်ပြိုင်ပွဲတွင် ရွှေတံဆိပ်ဆု၊ ၂၀၁၃ ခုနှစ် (၂)ကြိမ်မြောက် အရှေ့တောင်အာရှဗိုဗီနမ်ပြိုင်ပွဲတွင် ကြေးတံဆိပ်(၁)ခု၊ အရှေ့တောင်အာရှအကြို အားကစားပြိုင်ပွဲတွင် ရွှေတံဆိပ်(၁)ခုနှင့် ၂၀၁၄ ခုနှစ် (၃)ကြိမ်မြောက် အရှေ့တောင်အာရှ ဗိုဗီနမ်ပြိုင်ပွဲတွင် ရွှေတံဆိပ်(၁)ခုတို့ရရှိခဲ့သူ ဖြစ်ပါတယ်။

#ygm_mnn #Local_News #ဆီးဂိမ်းရွှေတံဆိပ်ဆုရှင် မပပဝင်း #ဆေးကုသမှုခံယူနိုင်ရန်ဆေးရုံသို့ပို့ဆောင်
#Yangon_Time

#World_Health
Published 23 June 2023

နှလုံးနဲ့ ဦးနှောက်ကျန်းမာရေးအပေါ် အရက်ရဲ့ဆိုးကျိုးသက်ရောက်မှုတွေအကြောင်း လေ့လာချက်အများအပြား တွေ့ရှိထားပါတယ်။

ဒါ့အပြင် အလွန်အကျွံသောက်သုံးခြင်းဖြင့် ကြွက်သားများ အလျင်အမြန်ကျုံ့သွားနိုင်တယ်လို့လည်း အိစ်အန်ဂလီယာတက္ကသိုလ်က လေ့လာတွေ့ရှိထားပါတယ်။

အရက်အများအပြားသောက်သုံးခြင်းကလည်း အရိုးငြမ်းကြွက်သားကို ထိခိုက်စေပြီး အရွယ်မတိုင်ခင်ရင့်ရော်ခြင်း ပိုဖြစ်စေနိုင်ပါတယ်။

ယူကေရှိ လူသန်းတဝက်ထံမှ ကျန်းမာရေးနဲ့ နေထိုင်မှုပုံစံအချက်အလက်များကို စုဆောင်းကာ အသက် ၃၇ နှစ်မှ ၇၃ နှစ်ကြား လူပေါင်း ၂ သိန်းနီးပါးကို လေ့လာခဲ့ပါတယ်။

သူတို့ရဲ့ခန္ဓာကိုယ်အချိုးအစား၊ အခြားအကြောင်းအရာများနဲ့ ယှဉ်ကြည့်တဲ့အခါ အနည်းအကျဉ်းသာသောက်တတ်သူတွေထက်စာရင် အရက်အလွန်အကျွံသောက်သူတွေက ကြွက်သားပမာဏနည်းပါးသွားတာ တွေ့ရှိရတယ်လို့ နိုဝစ်ချ်ဆေးတက္ကသိုလ်မှ ဒေါက်တာ'ဂျိန်းစကင်နာ'က ပြောကြားခဲ့ပါတယ်။

တစ်နေ့ကို ၁၀ ခွက်နဲ့အထက် သောက်သုံးသူတွေမှာ ဒီလိုပြဿနာမျိုး ဖြစ်လာကြောင်း တွေ့ခဲ့ကြပါတယ်။

အရက်သောက်သုံးခြင်းနဲ့ ကြွက်သားထုထည်တို့နဲ့ပတ်သက်ပြီး လူတွေမှာတစ်ချိန်တည်းမှာပဲ တိုင်းတာစမ်းသပ်ရာမှာ တိုက်ရိုက်ဆက်စပ်နေတာမျိုးတော့ သေချာမသိရဘူးလို့ ဒေါက်တာကဆိုပါတယ်။

အသက်ကြီးလာတာနဲ့အမျှ ကြွက်သားဆုံးရှုံးလာခြင်းကြောင့် အားနည်းယိုင်ယဲ့လာခြင်းက အသက်အရွယ်အလတ်ပိုင်းနဲ့ အကြီးပိုင်းတွေမှာ အရက်အလွန်အကျွံသောက်သုံးခြင်းကို ရှောင်ရှားဖို့ နောက်ထပ်အကြောင်းအရင်း ဖြစ်လာပါတယ်။

#Source: India Today #World_Health #အရက်အလွန်အကျွံသောက်ခြင်းသည်ကြွက်သားများကိုလျင်မြန်စွာကျုံ့သွားစေ #Yangon_Times