Published 1 December 2023

ကလေး ၂ ယောက်အမေဟာ ရေသောက်များလွန်းခြင်းကြောင့် အသက်ဆုံးပါးသွားရပြီး သူ့ရဲ့အမျိုးသားကတော့ ဒီအတွက် ကျန်းမာရေးစောင့်ရှောက်မှုအဖွဲ့တစ်ခုကို အပြစ်တင်နေပါတယ်။

အင်္ဂလန်မှ အသက် ၄၅ နှစ်အရွယ် မစ်ရှဲလ်ဝှိုက်ဟတ်ဟာ စိတ်ဝေဒနာတစ်ခု ခံစားခဲ့ရပြီးနောက် ၂၀၂၁ မေလ ၅ ရက်နေ့မှာ နော်တင်ဂမ်ရှိုင်းယားရှိ မေးလ်ဘရွတ်ခ် စိတ်ကျန်းမာရေးဆေးရုံသို့ ပို့ဆောင်ခဲ့ပါတယ်။

ရေအလွန်အကျူး သောက်ပြီး ကိုမာဝင်သွားတာကို ဆေးဝန်ထမ်းများ နောက်ကျမှ သိခဲ့ပြီးနောက် ၂ ရက်အကြာမှာ သေဆုံးသွားခဲ့ပါတယ်။

အရေးပေါ်ကြပ်မတ်ဆောင်ကို စောစီးစွာ ခေါ်သွားပြီး အားဆေးချိတ်ထားမယ်ဆိုရင် မစ်ရှဲလ်အသက်ကို ကယ်နိုင်လောက်မယ်လို့ အမျိုးသားဖြစ်သူ မိုက်ကယ်ဝှိုက်ဟတ်က ဆိုပါတယ်။

ဝှိုက်ဟတ်မှာ ရေအလွန်အကျူး သောက်တတ်တဲ့ ရောဂါအခြေအနေတစ်ခု ရှိခဲ့ပြီး စိတ်ကျန်းမာရေး ပုံမှန်မဟုတ်သူတွေမှာ တွေ့ရတတ်ကြောင်း BMJ Best Practice ဂျာနယ်မှာ ဖော်ပြခဲ့ပါတယ်။

ဆေးရုံမှ ဆေးဝန်ထမ်းတွေက သူမမှာ ဒီလိုရောဂါရှိတာကို မသိရှိခဲ့ဘဲ အခန်းထဲမှာ သောက်ရေတွေ ရှိနေခဲ့တယ်လို့ မိုက်ကယ်က ဆိုပါတယ်။

သေဆုံးခြင်းအကြောင်းအရင်းကို ရှာဖွေရာမှာ ဝန်ထမ်းတွေက သူမကို ငြိမ်သက်အောင် ဆေးများပေးခဲ့ရာ ကိုမာဝင်သွားတာကို မသိခဲ့ကြဘူးလို့ သိရပါတယ်။

ကင်းစ်မေးလ်ဆေးရုံသို့ ခေါ်ဆောင်ပြီးနောက် ရေသောက်များရာကနေ ဆိုဒီယမ်ပမာဏ နည်းပါးသွားပြီး သေဆုံးခဲ့တာ ဖြစ်ပါတယ်။

ရေသောက်များလွန်းတဲ့အတွက် ဦးနှောက်မှာ ဖောင်းကားလာပြီး အသက်ဆုံးပါးခဲ့ရတာ ဖြစ်ပါတယ်။

အဆိုပါ နော်တင်ဂမ်ဆေးရုံက လွဲမှားချက် ၈ ချက်ကို ဝန်ခံလိုက်ကာ စိတ်ငြိမ်ဆေးပေးတဲ့အချိန် မူဝါဒအတိုင်း မလိုက်နာခြင်းနဲ့ ဝန်ထမ်းတွေဟာ မိုဘိုင်းဖုန်းတွေနဲ့ အာရုံများနေခြင်းတို့ ပါဝင်နေပါတယ်။

ဆေးရုံဖောင်ဒေးရှင်းမှ စီအီးအို အစ်ဖ်တီမာဂျစ်က မိသားစုဝင်တွေကို တောင်းပန်ခဲ့ပါတယ်။

ဝှိုက်ဟတ်လင်မယားဟာ ငယ်စဥ်ကတည်းက ချစ်ကြိုက်ခဲ့ကြတာ ဖြစ်ပါတယ်။

နှစ်ပေါင်း ၃၀ မျှ အတူနေထိုင်ခဲ့ကြပြီး သား ၂ ယောက်မွေးဖွားရာမှာ တစ်ဦးက ဒေါင်းဆင်ဒရုန်းဝေဒနာ ရှိနေကာ မစ်ရှဲလ်က သူ့ကိုအချိန်ပြည့် ဂရုစိုက်ပေးနေခဲ့ပါတယ်။
Source: New York Post
#World_Health
#Yangon_Times # YMG_News #Yangon_Media_Group

Published_30 Nov 2023

မနက်ဖြန် ဒီဇင်ဘာလ ၁ ရက်တွင် တရုတ်-မြန်မာ နှစ်နိုင်ငံတပ်မတော်(ရေ) တို့ ရေကြောင်းလုံခြုံရေး လေ့ကျင့်မှု စတင်မည်ဖြစ်ကြောင်း နစက သတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ်‌ဇော်မင်းထွန်းက ပြောသည်။

“မြန်မာနိုင်ငံကို ချစ်ကြည်ရေးအလည်အပတ်ခရီးစဉ်နဲ့ မြန်မာ-တရုတ် ရေကြောင်းလုံခြုံရေး လေ့ကျင့်ခန်း ဆောင်ရွက်ဖို့ ရောက်ရှိနေတဲ့ တရုတ်ပြည်သူ့လွတ်မြောက်ရေးတပ်မတော် တပ်မတော်(ရေ)က အရာရှိ၊ စစ် သည်များအနေနဲ့ ဒီနေ့ မြန်မာနိုင်ငံက စစ်ရေယာဉ်တွေကို အပြန်အလှန် လေ့လာခဲ့ပါတယ်။ မနက်ဖြန် မှာတော့ မြန်မာ-တရုတ် ရေကြောင်းလေ့ကျင့်ရေးလုပ်ငန်း လေ့ကျင့်ခန်း စတင်ဆောင်ရွက်သွားမှာ ဖြစ်ပါတယ်”ဟု ယင်းက နိုဝင်ဘာလ ၃၀ ရက် ညပိုင်းတွင် ပြောသည်။

နိုဝင်ဘာလ ၂၇ ရက်က ရန်ကုန်မြို့၊ သီလဝါ ဆိပ် ကမ်းသို့ မြန်မာ-တရုတ် ရေကြောင်းလုံခြုံရေးဆိုင်ရာ လေ့ ကျင့် ခန်း ဆောင်ရွက်ရန်နှင့် ချစ်ကြည်ရေးခရီးလည်ပတ်ရန်အတွက် တရုတ်ပြည်သူ့လွတ် မြောက်ရေး တပ်မ တော်(ရေ)၊ 44th PLA Navy Escort Task Group(ETG) မှ စစ်ရေယာဉ် ၃ စင်း ရောက်ရှိလာခဲ့ကြခြင်း ဖြစ်သည်။

ယင်းသင်္ဘောများမှာ ဖျက်သင်္ဘော Zi Bo၊ ဖရီဂိတ်စစ်ရေယာဉ် Jing Zhou နှင့် ထောက်ပံ့ရေးစစ်ရေယာဉ် Qian Dao Hu တို့ဖြစ်ပြီး အဆိုပါစစ်ရေယာဉ်များတွင် အဖွဲ့ခေါင်းဆောင်အဖြစ် Senior Captain Sun Bo ဦးစီး၍ အရာရှိ၊စစ်သည်စုစုပေါင်း ၇၀၀ ဦးခန့် လိုက်ပါလာကြကြောင်း သိရသည်။

ယင်းတရုတ်ပြည်သူ့လွတ်မြောက်ရေးတပ်မတော်(ရေ)မှ ချစ်ကြည်ရေးကိုယ်စားလှယ်အဖွဲ့ ကရေတပ်လေ့ ကျင့် ရေး ဌာနချုပ်နှင့် အထင်ကရနေရာများသို့ လေ့လာရေးခရီးသွားရောက်ခြင်း၊သန်လျင်တပ်နယ်ရှိ အခြေခံ ပညာ အ ထက်တန်း ကျောင်း(ဆိပ်ကြီး)တွင် ပညာ သင်ကြားနေသော ကျောင်းသားကျောင်းသူများအား စာရေး ကိရိ ယာ များ လှူဒါန်းခဲ့ကာ ရန်ကုန်မြို့ရှိ အထင်ကရနေရာများသို့ လေ့လာရေးခရီးသွားရောက် လည်ပတ်ခဲ့ကြပြီး ဖြစ်ကြောင်း သိရသည်။

အလားတူ တရုတ်ပြည်သူ့လွတ်မြောက်ရေးတပ်မတော်(ရေ)မှ အရာရှိ၊ စစ်သည်များနှင့် မြန်မာ့တပ်မတော်မှ တပ်မတော်(ရေ)မှ အရာရှိ၊စစ်သည်များနှစ်နိုင်ငံချစ်ကြည်ရေး ဘတ်စကက်ဘော အားကစားပြိုင်ပွဲကို လည်း ပြုလုပ်ခဲ့ကြောင်း သိရသည်။

ယခုအခါ တရုတ်-မြန်မာ နှစ်နိုင်ငံ၏ နယ်စပ်ဒေသများတွင် တည်ငြိမ်ရေး၊ တရားဥပဒေစိုးမိုးရေးနှင့် လုံခြုံ ရေးအတွက်လည်း နှစ်နိုင်ငံအစိုးရနှင့် လုံခြုံရေးတပ်ဖွဲ့ဝင်များအကြား နီးကပ်စွာ ပူးပေါင်း‌ဆောင်ရွက်လျက် ရှိကြောင်းလည်း သိရသည်။
Yangon_Times/PP
#Local_News
#YMG_News #Yangon_Times #Yangon_Media_Group

တရုတ်တောင်ပိုင်း ကွမ်တုံပြည်နယ် ရှန်ကျန်နဲ့ ကျုံရှန်မြို့များကြား ပင်လယ်ဖြတ်သန်းအဝေးပြေး လမ်းမကြီးစီမံကိန်းဟာ ပြီးစီးရန် ပိုမိုနီးစပ်လာပြီ ဖြစ်ပါတယ်။
 ၆.၈ ကီလိုမီတာခန့်ရှိတဲ့ ရေအောက်လိုဏ်ခေါင်းပိုက်ကြီးမှာ အင်္ဂါနေ့က နောက်ဆုံးကွန်ကရစ် လောင်းခဲ့ကာ အပြီးသတ်ရန် နီးစပ်လာပြီလို့ ကွမ်တုံပြည်နယ် ဆက်သွယ်ရေးအဖွဲ့ကုမ္ပဏီမှ ပြောကြားခဲ့ပါတယ်။
#Asia_Development
#Published 30 November 2023
#Yangon_Times #YMG_News #Yangon_Media_Group
‌

၃၀ နိုဝင်ဘာ ၂၀၂၃

မြန်မာ-တရုတ် ရေကြောင်းလုံခြုံရေးလေ့ကျင့်ခန်း စတင်ဆောင်ရွက်မည့်ကိစ္စနှင့်စစ်ရေယာဉ်များအပြန်အလှန်လေ့လာခြင်း

နယ်စပ်ဒေသများတွင် တရားမဝင် ဝင်ရောက်နေထိုင်သည့် နိုင်ငံခြားသားများအား  တရုတ်နိုင်ငံသို့ ထပ်မံပြန်လည် လွှဲပြောင်းပေးခြင်းများ

နယ်စပ်ဒေသတည်ငြိမ်အေးချမ်းရေး၊ တရားဥပဒေစိုးမိုးရေး၊ လုံခြုံရေးတို့အတွက် တရုတ်-မြန်မာနှစ်နိုင်ငံ အစိုးရနှင့် လုံခြုံရေး  တပ်ဖွဲ့ဝင်များအကြား ပူးပေါင်းဆောင်ရွက်နေမှုများ

နိုင်ငံအတွင်းဖြစ်ပေါ်နေသောအခြေအနေများကို ကောလာဟလသတင်း မျိုးစုံထုတ်လွှင့်နေမှုများ

၃၀-၁၁-၂၀၂၃ ရက်နေ့ ရှမ်းပြည်နယ်(အရှေ့မြောက်ဘက်)၊ ကယားပြည်နယ်နှင့် ရခိုင်ပြည်နယ်တို့တွင် ထိတွေ့တိုက်ပွဲ ဖြစ်ပွားမှုများ

နှင့်ပတ်သက်၍ နစက သတင်းထုတ်ပြန်ရေးအဖွဲ့ခေါင်းဆောင် ဗိုလ်ချုပ်ဇော်မင်းထွန်းက ရှင်းလင်းပြောကြားခဲ့ပါတယ်။

အဆိုပါပြောကြားချက် အပြည့်အစုံကို ပြန်လည်ဖော်ပြပေးအပ်ပါတယ်။

-ymg/knl

Published_ 30 November 2023

မြန်မာနိုင်ငံအစိုးရ၏ ပန္နရသမအကြိမ် (၁၅) ကြိမ်မြောက် မဇ္စျိမဒေသ ဗုဒ္ဓဂယာ မဟာကထိန်သင်္ကန်းဆက်ကပ်လှူဒါန်းပွဲကို နိုဝင်ဘာ ၂၆ ရက်တွင် အိန္ဒိယနိုင်ငံ၊ ဘီဟာပြည်နယ်၊ ဂယာမြို့၊ မြန်မာ ဘုန်းတော်ကြီးကျောင်း၌ ကျင်းပပြုလုပ်ခဲ့ကြောင်း သိရပါတယ်။

အဆိုပါအခမ်းအနားသို့ သာသနာရေးနှင့် ယဉ်ကျေးမှုဝန်ကြီးဌာနမှ ဒုတိယ ဝန်ကြီး ဦးအေးထွန်း၊ အိန္ဒိယနိုင်ငံဆိုင်ရာ မြန်မာသံအမတ်ကြီး ဦးမိုးကျော်အောင်နှင့် မြန်မာသံရုံး၊ ကောင်စစ်ဝန်ချုပ်ရုံး၊ မြန်မာစစ်သံရုံး (ကြည်း၊ ရေ၊လေ) တို့မှ ဝန်ထမ်းများ တက်ရောက်ခဲ့ ကြပါတယ်။

အခမ်းအနားတွင် အိန္ဒိယ၌ သီတင်းသုံးကြတဲ့ မြန်မာဘုန်းတော်ကြီးကျောင်းများမှ ကျောင်းထိုင်ဆရာတော်ကြီးများ၊ သံဃာတော်များ၊ ကိုရင်များ၊ သီလရှင်များနှင့် တက္ကသိုလ် အသီးသီးတွင် ပညာသင်ကြားနေသည့် သံဃာတော်များ/သီလရှင်များအား လှူဖွယ်ဝတ္ထုနှင့် မဟာဘုံကထိန်သင်္ကန်းများ ဆက်ကပ်လှူဒါန်းပြီး နေ့ဆွမ်းဆက်ကပ် လှူဒါန်းခဲ့ကြောင်း သိရှိရပါတယ်။
ymg_mnn
#Local_News
#Yangon_Times # YMG_News #Yangon_Media_Group

#Daily_News
Published_ 29 November 2023

၁။ မြေပဲစိုက်တောင်သူများ အဆင်ပြေစေဖို့ ပွဲခမယူ ပေါက်ဈေးအတိုင်းပေးဝယ်ပြီး ပြန်ရောင်းချပြီးပါက အမြတ်ငွေ၏ ၂၀ရာခိုင်နှုန်း ပြန်ပေးမည်ဟုဆို

၂။ အကယ်ဒမီဆုပေးပွဲအတွက် အကယ်ဒမီရွှေကြိုမောင်မယ်အဖြစ် ပါဝင်လိုသူများ ဒီဇင်ဘာ ၁ရက်မှ စတင်ပြီး လျှောက်ထားနိုင်ပြီဟုဆို

၃။ မိုးကြက်သွန်နီ ထွက်ရှိချိန် မြင်းခြံကြက်သွန်နီများ ထိုင်းသို့ အနည်းငယ်တင်ပို့နေပြီး ပြည်တွင်းအဓိကသုံးစွဲ

၄။ ကွမ်တုံပြည်နယ် ရှန်ကျန်နှင့် ကျုံရှန်မြို့ကြား ပင်လယ်ဖြတ်သန်း အဝေးပြေးလမ်းမစီမံကိန်းကြီး ပြီးစီးရန်နီးစပ်လာ ... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG_News #Yangon_Media_Group

၃၀ နိုဝင်ဘာ ၂၀၂၃

မြန်မာနိုင်ငံရဲ့ ငြိမ်းချမ်းရေးဖွံ့ဖြိုးတိုးတက်မှု ရှေ့သို့တက်လှမ်းနိုင်ဖို့အတွက် တရုတ်နိုင်ငံက ခိုင်မာစွာထောက်ခံအားပေးပြီး တရုတ်နိုင်ငံနှင့်မြန်မာနိုင်ငံအကြား စိတ်ဝမ်းကွဲပြားအောင် ဆောင်ရွက်တဲ့ မည်သည့်လုပ်ဆောင်မှုတွေဖြစ်စေ အသေအချာ ကျရှုံးလိမ့်မယ်လို့ တရုတ်နိုင်ငံကပြောပါတယ်။ နိုဝင်ဘာ ၂၉ ရက်ကဘေဂျင်းမှာပြုလုပ်ခဲ့တဲ့ သတင်းစာရှင်းလင်းပွဲမှာ တရုတ်ပြည်သူ့သမ္မတနိုင်ငံ နိုင်ငံခြားရေးဝန်ကြီးဌာန ပြောရေးဆိုခွင့်ရပုဂ္ဂိုလ် ဝမ်ဝင်ပင်က ယခုလိုပြောကြားခဲ့ခြင်း ဖြစ်ပါတယ်။

မြန်မာနိုင်ငံမြောက်ပိုင်းအခြေအနေနှင့်ပတ်သက်လို့ မေးခွန်းများမေးမြန်းမှုအပေါ် ဝမ်ကဖြေကြားခဲ့တာပါ။

“ တရုတ်နိုင်ငံနှင့် မြန်မာနိုင်ငံတို့ဟာ ရင်းနှီးချစ်ကြည်တဲ့ အိမ်နီးချင်းတွေဖြစ်ကြပါတယ်။ တရုတ်နိုင်ငံဟာ မြန်မာနိုင်ငံရဲ့ အချုပ်အခြာအာဏာနှင့် နယ်မြေတည်တံခိုင်မြဲမှုကို အမြဲလေးစားပါတယ်။  မြန်မာနိုင်ငံအနေနှင့် တည်ငြိမ်မှုနှင့် အမျိုးသား ဖွံ့ဖြိုးတိုးတက်မှုတွေကို ရယူခံစားနိုင်ဖို့ လှိုက်လှိုက်လှဲလှဲဆန္ဒပြုပါတယ်။ပြီးတော့  ငြိမ်းချမ်းရေးလုပ်ငန်းစဉ်တွေတိုးတက်ဖို့ လည်း ခိုင်မာစွာထောက်ခံအားပေးပါတယ်။ တရုတ်နှင့်မြန်မာ နှစ်နိုင်ငံအကြားမှာရှိတဲ့ ပေါက်ဖော်ချစ်ကြည်ရေးကို ဖဲကြဉ် အောင် ပြီးတော့ နှစ်နိုင်ငံရဲ့ ချစ်ကြည်ရင်းနှီးတဲ့ ဆက်ဆံရေးကို အဟန့်အတားဖြစ်အောင်ဆောင်ရွက်တဲ့ မည်သည့် လုပ်ဆောင်မှုမျိုး မဆို ရေပန်းစားမှာမဟုတ်တဲ့အပြင် အဆုံးမှာ ကျရှုံးသွားမှာပဲဖြစ်တယ်Ó လို့ ဝမ်ကပြောကြားခဲ့ပါတယ်။

Source CCTV_

' မိုးကြက်သွန်နီထွက်ရှိချိန် မြင်းခြံဒေသက ထွက်ရှိတဲ့ ကြက်သွန်နီ‌တွေကို ထိုင်းနိုင်ငံကို အနည်းငယ်သာ တင်ပို့နေပြီး ပြည်တွင်းမှာ‌ဘဲ အဓိက သုံးစွဲနေတယ်လို့ မြင်းခြံကုန်စည်ဒိုင်ကနေ သိရပါတယ်။'
Yangon_Times/NN
#Local_News
#Published 30 November 2023
#Yangon_Times #YMG_News #Yangon_Media_Group
‌

‘ရွှေကြိုမောင်မယ်အဖြစ် လျှောက်လိုသူတွေအနေနဲ့ ဒီဇင်ဘာ၁ရက်မှ၁၅ရက်အထိ လျှောက်ထားနိုင်၊ လာမယ့်ဒီဇင်ဘာ၃၁ရက်မှာ အသက်(၁၆)နှစ်ပြည့်ပြီး (၂၅)နှစ်မကျော်လွန်သူ၊ အပျို၊ လူပျိုဖြစ်ရမှာဖြစ်ပြီး အမျိုးသား အရပ်၅ပေ၆မှ ၆ပေ၊ အမျိုးသမီးအရပ်၅ပေ၂မှ၅ပေ၈ရှိသူ၊ ကျန်းမာရေးကောင်းမွန်သူ၊ အကျင့်စာရိတ္တကောင်းမွန်သူနဲ့ ကိုယ်ခန္ဓာ အချိုးအစားပြေပြစ်သူတွေဖြစ်ရမှာဖြစ်တယ်’ မြန်မာနိုင်ငံရုပ်ရှင်အစည်းအရုံး
Yangon_Times/tthl
#Local_News
#Published 30 November 2023
#Yangon_Times #YMG_News #Yangon_Media_Group

မြေပဲစိုက် တောင်သူတွေ အဆင်ပြေစေဖို့အတွက် မြေပဲအတောင့် ၀ယ်ယူရာမှာ ပွဲခမယူဘဲ ပြင်ပပေါက်ဈေးအတိုင်း ၀ယ်ယူသိုလှောင်ပေးထားပြီး မြေပဲဆံအဖြစ် ပြန်လည်ရောင်းချ ပြီးပါကလည်း အမြတ်ငွေရဲ့ ၂၀ရာခိုင်နှုန်း ကို ပြန်လည်ပေးသွားမှာ ဖြစ်တယ်လို့ မကွေးတိုင်းတောင်သူဖွံဖြိုးရေး အဖွဲထံက သိရပါတယ်။
Yangon_Times/LW
#Local_News
#Published 30 November 2023
#Yangon_Times #YMG_News #Yangon_Media_Group

၃၀ နိုဝင်ဘာ ၂၀၂၃

နှစ်ဆယ်ရာစုရဲ့ အငြင်းပွားဖွယ်ရာအကောင်းဆုံးအမေရိကန်တွေထဲကတစ်ဦးဖြစ်ခဲ့တဲ့ နိုင်ငံခြားရေးဝန်ကြီးဟောင်း ဟင်နရီကစ်ဆင်ဂျာ ဟာ  ယနေ့ နိုဝင်ဘာ ၃၀ရက်နေ့မှာ ကွန်နက်တီကပ်မှာ ကွယ်လွန်သွားပါတယ်။  ကစ်ဆင်ဂျာကွယ်လွန်ကြောင်းကို Kissinger Associates က သတင်းထုတ်ပြန်ကြေညာခဲ့ပါတယ်။

သူ့ရဲ့ အမွေအနှစ်တွေအဖြစ် ဗီယက်နမ်စစ်ပွဲမှာ အမေရိကန်ရဲ့ရက်စက်မှုတွေကြောင့် လူသန်းပေါင်းများစွာ သေဆုံးခဲ့ရတာနှင့် ပြည်သူချင်းဆက်ဆံထိတွေ့မှုတွေမှ တစ်ဆင့် ဝါရှင်တန်နှင့်ဘေဂျင်းဆက်ဆံရေးကို တည်ထောင်နိုင်တဲ့အရည်အချင်းတွေအကြား ရောယှက်ကျန်ရစ်ခဲ့ပါတယ်။

ကစ်ဆင်ဂျာဟာ ကွန်နက်တီကပ်က သူ့နေအိမ်မှာကွယ်လွန်ခဲ့တာဖြစ်တယ်လို့ သတင်းထုတ်ပြန်ချက်မှာ ဖော်ပြထားပါတယ်။ သူဟာ ၁၉၇၃ခုနှစ်က ဗီယက်နမ်စစ်ပွဲ စစ်ပြေငြိမ်းဖို့ စေ့စပ်ညှိနှိုင်းခဲ့တဲ့အတွက် ငြိမ်းချမ်းရေးနိုဘယ်ဆုကိုရရှိခဲ့ပါတယ်။

ကစ်ဆင်ဂျာဟာ ပြီးခဲ့တဲ့လပိုင်းများအတွင်း အတော်လေးကို တက်တက်ကြွကြွလှုပ်ရှားခဲ့ပါတယ်။ သူဟာ အိမ်ဖြူတော်မှာ အစည်းအဝေးတွေတက်ခဲ့ပါတယ်။ ၂၀၂၃ခုနှစ် ဇူလိုင်လတုန်းက သူဟာ တရုတ်သမ္မတ ရှီကျင့်ဖျင်ကိုတွေ့ဆုံဖို့ ဘေဂျင်းကို မျှော်လင့် မထားတဲ့ ခရီးတစ်ခုသွားရောက်ခဲ့ပါတယ်။

ပညာရှင်ကနေ သံတမန်ဖြစ်လာတဲ့သူဟာ ဂျွန်အက်ဖ်ကနေဒီကနေ ယခုလက်ရှိသမ္မတ ဂျိုးဘ်ိုင်ဒင်အထိ အမေရိကန်သမ္မတ ဒါဇင်ခန့်ကို အကြံပေးခဲ့ပါတယ်။

ကစ်ဆင်ဂျာဟာ အမေရိကန်ပြည်ထောင်စုကို ခိုလှုံလာခဲ့တဲ့ ဂျာမန်-ဂျူး ဒုက္ခသည်တစ်ဦးလည်းဖြစ်ခဲ့ပါတယ်။

Source WION

Published 30 November 2023

အဆင့်ဆင့်ထုပ်ပိုး ထုတ်လုပ်ထားတဲ့ အစားအစာတွေဟာ အမေရိကန် လူနေမှုဘဝပုံစံ တစ်ခုဖြစ်ပြီး အမေရိကန် စားနပ်ရိက္ခာ လည်ပတ်မှုမှာ ၇၃ ရာခိုင်နှုန်းခန့် ပတ်သက်နေကာ ထိုအစားအစာတွေကနေ နေ့စဥ်ကယ်လိုရီ ၆၀ ရာခိုင်နှုန်းကျော် ရရှိနေတယ်လို့ လေ့လာမှုတစ်ခုမှာ တွေ့ရှိရပါတယ်။

ထိုလေ့လာမှုကနေ အဆင့်ဆင့်ထုပ်ပိုး ထုတ်လုပ်ထားတဲ့ စားစရာတွေနဲ့ ကင်ဆာဖြစ်နိုင်ခြေတို့ ဆက်စပ်နေတဲ့ အထောက်အထားတွေ တွေ့ရှိထားကြောင်း ကမ္ဘာ့ကင်ဆာသုတေသနရန်ပုံငွေအဖွဲ့မှ လက်ထောက်ညွှန်ကြားရေးမှူး ဒေါက်တာ ဟယ်လန်ခရော့ကာက ပြောပြသွားပါတယ်။

အဆိုပါ အစားအစာမျိုးကို ၁၀ ရာခိုင်နှုန်း ပိုမိုစားသုံးတဲ့သူတွေဟာ ဦးခေါင်းနဲ့ လည်ပင်းကင်ဆာ ဖြစ်နိုင်ခြေ ၂၃ ရာခိုင်နှုန်း ပိုများနေပါတယ်။

ဒါ့အပြင် အစာရေမျိုကင်ဆာ ဖြစ်နိုင်ခြေကလည်း ၂၄ ရာခိုင်နှုန်းပိုများနေပါတယ်။

ကင်ဆာဖြစ်နိုင်ခြေ များပြားစေသလို အဝလွန်ခြင်းနဲ့လည်း သက်ဆိုင်တာကို အံ့အားသင့်ဖွယ် တွေ့ရှိထားပါတယ်။

ထိုစားစရာတွေဟာ ဝယ်ယူရလွယ်ကူပြီး ဈေးသက်သာကာ အရသာရှိတာကြောင့် ပိုမိုစားသုံးဖြစ်ပြီး ကယ်လိုရီပိုများစေကြောင်း ဘရစ္စတိုလ်တက္ကသိုလ်မှ ဘွဲ့လွန်ကျောင်းသား ဖာနန်ဒါမိုရဲလက်စ်ဘားစတိန်းက ပြောပြသွားပါတယ်။

ကင်ဆာဖြစ်နိုင်ခြေများရတဲ့ အကြောင်းအရင်းတွေက ထိုစားစရာတွေမှာ ပါဝင်တဲ့ စွဲလမ်းစေတဲ့အရာများ၊ သကြားမဟုတ်တဲ့ အချိုဓာတ်ပစ္စည်းများ၊ တာရှည်ခံပစ္စည်းများကြောင့် ဖြစ်ပါတယ်။

ဒီလိုမျိုး အဆင့်ဆင့်ထုပ်ပိုး ထုတ်လုပ်ထားတဲ့ စားစရာများနဲ့ ကင်ဆာဖြစ်နိုင်ခြေ များခြင်းတို့ကြား ဆက်စပ်မှုများကြောင့် ကျန်းမာရေးနဲ့ ညီညွတ်တဲ့ အသီးအရွက်များ စားသုံးဖို့ ထောက်ပံ့အားပေးကြရမှာဖြစ်ကြောင်း ခရော့ကာက ပြောပြသွားပါတယ်။
Source: New York Post
#World_Health
#Published 30 November 2023
#Yangon_Times #YMG_News #Yangon_Media_Group