#World_Health
Published_ 18 June 2023

မက္ကဆီကိုရှိ စတော်ဘယ်ရီးခင်းတွေမှာ ပျံ့ပွားနေတဲ့ အသည်းရောင်အသားဝါ-အေရောဂါပိုးဟာ အမေရိကန်မှာ ကူးစက်ပျံ့ပွားနေပြီး ရက် ၉၀ အတွင်းမှာပင် စတော်ဘယ်ရီပြန်လည်သိမ်းဆည်းရခြင်း ၃ ကြိမ်တိုင် ဖြစ်ပွားခဲ့ပါတယ်။

Trader Joe's ၊ Costco ၊ Aldi နဲ့ အော်ရီဂွန်အခြေစိုက် Willamette Valley Fruit ကုမ္ပဏီတို့ဟာ သူတို့ရဲ့ပစ္စည်းတွေမှာ ရောဂါပိုးကူးစက်နေမှာ စိုးရိမ်ရတဲ့အတွက် ဝယ်ယူထားတဲ့စတော်ဘယ်ရီတွေကို လွှင့်ပစ်ဖို့ ဝယ်ယူသူများကို တောင်းဆိုထားပါတယ်။

ဒီလိုပြန်လည်သိမ်းဆည်းမှုများကြောင့် မက္ကဆီကိုမှာစိုက်ပျိုးတဲ့ အသီးတွေမှာ ဗိုင်းရပ်စ်က ဘယ်လောက်အထိပျံ့နှံ့နေလဲဆိုတာနဲ့ ပတ်သက်ပြီး စိုးရိမ်မှုတွေမြင့်တက်လာစေပါတယ်။

Great Value Strawberries ၊ Great Value Mixed Fruit ၊ Great Value Antioxidant Blend အမည်ဖြင့်ထုတ်လုပ်တဲ့ စတော်ဘယ်ရီတွေကို ပြည်နယ် ၃၂ ခုမှာ ဖြန့်ဝေရောင်းချခဲ့ပါတယ်။

ထိုထုတ်ကုန်များနဲ့ပတ်သက်ပြီး မတ်လအတွင်း ဗိုင်းရပ်စ်ကူးစက်မှု ၅ ကြိမ်ဖြစ်ပွားခဲ့ပါတယ်။

ဒါဟာ မနှစ်က ကမ္ဘာတဝှမ်းက ကလေးတွေမှာ အသည်းရောင်အသားဝါ-အေ ကူးစက်မှုဖြစ်ပွားခဲ့တဲ့မျိုးဗီဇကွဲနဲ့ တူညီနေပြီး ဘာဂျာကယ်လီဖိုးနီးယားမှတင်ပို့တဲ့ အော်ဂဲနစ်စတော်ဘယ်ရီတွေကနေ ဆက်စပ်နေပါတယ်။

ရောဂါပိုးကူးစက်ထားတဲ့ စားသောက်စရာတွေ စားမိပြီး ၁၅ ရက်ကနေ ရက် ၃၀ အတွင်း ကူးစက်ဖျားနာတတ်ကြောင်း FDA က ထုတ်ပြန်ထားပါတယ်။

အသည်းရောင်အသားဝါ-အေက အလွန်ကူးစက်တတ်တဲ့ အသည်းရောဂါတစ်မျိုးဖြစ်ပြီး ရောဂါကူးစက်သူရဲ့အညစ်အကြေးထံမှ ကူးစက်မိတဲ့စားစရာတွေကို စားမိတဲ့ ကာကွယ်ဆေးမထိုးထားတဲ့သူတွေမှာ အဓိကကူးစက်တတ်ပါတယ်။

ဒီရောဂါပိုးနဲ့ထိတွေ့သူတိုင်း ရောဂါလက္ခဏာမဖြစ်တတ်သလို ကူးတဲ့သူတွေမှာတော့ ရက်သတ္တပတ်အနည်းငယ်အတွင်း ပေါ်လာတတ်ပါတယ်။

များသောအားဖြင့်လက္ခဏာတွေကတော့ ပင်ပန်းနွမ်းနယ်အားနည်းခြင်း၊ ရုတ်တရက်မူးဝေခြင်း၊ ဝမ်းလျှောပျို့အန်ခြင်း၊ ဗိုက်အောင့်ခြင်း၊ ရွှံ့စေးရောင် မီးခိုရောင်လို ကျင်ကြီးသွားခြင်း၊ စားချင်စိတ်နည်းပါးခြင်း၊ ဆီးအနက်ရောင်သွားခြင်း၊ အသားဝါခြင်း၊ ယားယံခြင်းတို့ဖြစ်တတ်ပါတယ်။

ကာကွယ်ဆေးမထိုးထားသူတွေနဲ့ အဆိုပါရောဂါမဖြစ်ဖူးသူတွေမှာ ကူးစက်နိုင်ချေအများဆုံးဖြစ်ပါတယ်။

သာမန်အားဖြင့် ကုသမှုမလိုအပ်ပေမယ့် တစ်ခါတစ်ရံတော့ ကြီးကြီးမားမားနေမကောင်းတာမျိုး ဖြစ်တတ်ပါတယ်။

ရောဂါအစပျိုးရာနေရာတွေမှာ သန့်ရှင်းမှုနည်းပါးခြင်းကြောင့် အစားအစာတွေမှာ ကူးစက်နေတတ်ပါတယ်။

မက္ကဆီကိုသို့မသွားခင်မှာ အသည်းရောင်အသားဝါ-အေကာကွယ်ဆေး ထိုးနှံရန် ရောဂါထိန်းချုပ်ကာကွယ်ရေးစင်တာက မှာကြားထားပါတယ်။

အမေရိကန်မှာ ကူးစက်ပျံ့ပွားနေခြင်းက တရားမဝင်ဆေးသုံးစွဲနေသူတွေ၊ အိမ်ခြေရာမဲ့တွေ၊ ယောက်ျားချင်းအတူနေသူတွေမှာ ကူးစက်နိုင်တယ်လို့ သတိပေးထားပါတယ်။
Source: Daily Mail
#YMG #Yangon_Media_Group

၁၈ ဇွန် ၂၀၂၃

ယူကရိန်းအနေနှင့် နေတိုးကို ဝင်ရောက်ဖို့  ရုရှားကျူးကျော်မှုရှိနေသော်ငြား အမေရိကန်က အထူးအစီအစဉ်လုပ်ပေးမှာ မဟုတ်ဘူးလို့  အမေရိကန်သမ္မတ ဂျိုးဘိုင်ဒင်က စနေနေ့ကပြောကြားခဲ့ပါတယ်။

“ သူတို့ဟာ တစ်မျိုးတည်းသောစံသတ်မှတ်ချက်တွေနှင့် ပြည့်စုံဖို့လိုတယ်။ ကျွန်တော်တို့ လွယ်ကူအောင်လုပ်ပေးမှာ  မဟုတ်ဘူး” လို့ အမေရိကန် သမ္မတက ဝါရှင်တန်မြို့တော်မှာ သတင်းထောက်တွေကိုပြောကြားခဲ့တာဖြစ်ပါတယ်။

နေတိုးခေါင်းဆောင်တွေ လာမယ့် လမှာ လစ်သူယေးနီးယားမှာ မတွေ့ဆုံခင် ဘိုင်ဒင်ရဲ့ မှတ်ချက်ပေါ်ပေါက်လာတာပါ။

အထင်ကရအဆင့်တစ်ခုအဖြစ် နေတိုးမဟာမိတ်ခေါင်းဆောင်တွေဟာ နေတိုး-ယူကရိန်းကောင်စီရဲ့ ပထမဆုံး အစည်းအဝေးကို လစ်သူယေးနီးယားနိုင်ငံ မြို့တော် ဗီလ်နီးယပ်စ်မှာ ယူကရိန်းသမ္မတ ဗိုလိုဒီမီယာ ဇီလင်စကီးနှင့်အတူ ကျင်းပပေးဖို့ရှိနေတယ်လို့ နေတိုးအကြီးအကဲ ဂျင်းစ်စတိုတင်ဘတ်က ဘရတ်ဆဲမှာ သောကြာနေ့ကပြောထားပါတယ်။

အဲဒီအစည်းအဝေးဟာ ယူကရိန်းကို လုံခြုံရေးကိစ္စအကြံပေးဆုံးဖြတ်ဖို့ အဆင့်တူနေရာတစ်ခုပေးမှာဖြစ်တယ်လို့လည်း သူကပြောပါတယ်။

နေတိုးဟာ အဲဒီထိပ်သီးအစည်းအဝေးမှာ နိုင်ငံရေးအရ ချည်နှောင်မှုကို ပိုမိုခိုင်မာအောင်လုပ်ကြမှာဖြစ်ပေမယ့် ယူကရိန်းအဖွဲ့ဝင်ဖြစ်ဖို့ကိုတော့ ဆွေးနွေးကြမှာမဟုတ်ဘူးလို့သူကဆက်ပြောပါတယ်။

နေတိုးအဖွဲဝင်ဖို့ဖိတ်ခေါ်မှာမဟုတ်ပေမယ့် ယူကရိန်းကို နေတိုးနှင့်ပိုနီးလာအောင်တော့လုပ်ကြမယ်လို့လည်း သူက ပြောပါတယ်။

နေတိုးဟာ ပြီးခဲ့တဲ့နှစ်ဖော်ဖော်ဝါရီမှာ ရုရှားတိုက်ခိုက်ကတည်းက ယူကရိန်းကို ဆယ်ဂဏန်းဘီလျံရှိတဲ့ လက်နက်တွေ ထောက်ပံ့ပေးခဲ့ပြီးဖြစ်ပါတယ်။ ဒါပေမယ့်  ယူကရိန်းကို အဖွဲ့ဝင်ပေးလိုက်ရင် စစ်ပွဲမှာ ရုရှားးနှင့်တိုက်ရိုက် ပဋိပက္ခဖြစ်လာ မှာကို အချို့သော နေတိုးအဖွဲ့ဝင်နိုင်ငံတွေက စိတ်ပူနေကြတာဖြစ်ပါတယ်။

သတင်းအရင်းအမြစ်-အေအက်ဖ်ပီ

#Russia_Ukraine

#Joe_Biden

#Yangonmediagroup

#Yangontimes

#World_Science
Published_ 18 June 2023

လူသားများအနေနဲ့ အင်္ဂါဂြိုဟ်လိုမျိုး အာကာသသို့ခရီးဝေးသွားတဲ့အခါမှာ အချို့ကောက်ပဲသီးနှံများ စိုက်ပျိုးရန်လိုပြီး အာကာသထဲမှာ အပင်များကြီးထွားပုံကို နားလည်ရန်လိုအပ်ပါတယ်။

ဒီအတွက် နာဆာ(NASA)က ၂၀၁၅ ခုနှစ်ကတည်းက အာကာသထဲမှာ ပန်းပင်များစိုက်ပျိုးခဲ့ပြီး နာဆာအာကာသယာဉ်မှူး'ရှဲလ်လင်ဂရင်'က အသက်သွင်းခဲ့တာဖြစ်ပါတယ်။

နိုင်ငံတကာအာကာသစခန်းမှာ မျိုးစေ့ချစိုက်ပျိုးထားတဲ့ ဇီနီယာအပင်ပွင့်လာတဲ့ပုံကို နာဆာက ဖော်ပြခဲ့ပါတယ်။
သိပ္ပံပညာရှင်တွေက ၁၉၇၀ ခုနှစ်များကတည်းက အာကာသအတွင်းရှိအပင်များကို လေ့လာခဲ့ပေမယ့် ဒီစမ်းသပ်ချက်ကိုတော့ ရှဲလ်လင်ဂရမ်က ၂၀၁၅ ကစတင်ခဲ့ပါတယ်။

နိုင်ငံတကာအာကာသစခန်းမှာ ဆလတ်၊ ခရမ်းချဉ်သီး၊ ငရုတ်ပင်များစိုက်ပျိုးထားပြီးဖြစ်ပြီး နောက်ထပ်အပင်များ ထပ်စိုက်ဦးမှာဖြစ်ပါတယ်။

ဒီလိုအာကာသဥယျာဉ်ကို နိုင်ငံတကာအာကာသစခန်းမှ တီထွင်ခဲ့တာဖြစ်ပြီး ကြီးထွားလာနိုင်ချေကို ဖော်ပြနေပါတယ်။

ဇီနီယာပန်းပွင့်တဲ့လုပ်ငန်းစဉ်က ဆွဲငင်အားအလွန်နည်းပါးတဲ့နေရာမှာ အပင်တွေဘယ်လိုစိုက်ပျိုးရမလဲဆိုတာကို ပိုမိုနားလည်လာစေရန် အခွင့်အလမ်းဖြစ်လာနိုင်ပါတယ်။

ဝေးလံတဲ့အာကာသတာဝန်တွေထမ်းဆောင်ရန် အာကာသယာဉ်မှူးများအတွက် လက်တွေ့လုပ်ကိုင်နိုင်ရန် ကူညီပေးနိုင်မှာဖြစ်ပါတယ်။

အဆိုပါဓာတ်ပုံကြောင့် သိပ္ပံပညာဝါသနာရှင်များအတွက် စိတ်လှုပ်ရှားစရာဖြစ်ခဲ့ပြီး အများအပြားမှတ်ချက်ပေးခဲ့ကြပါတယ်။
Source: WION
#YMG #Yangon_Media_Group

#Local News
Published_ 17 June 2023

မိုးရာသီမှာ ပြည်တွင်းဘုရားဖူးခရီးစဉ်တွေအနေနဲ့ ပုဂံ၊တောင်ကြီး၊အင်လေး၊ပင်းတယခရီးစဉ်တွေကို သွားလာသူအများဆုံးဖြစ်နေတယ်လို့ ပြည်တွင်းဘုရားဖူးခရီးသွားလုပ်ငန်းတွေထံမှ သိရပါတယ်။

#Local News #မိုးရာသီတွင်ပြည်တွင်းဘုရားဖူးခရီးစဉ်များ #ပုဂံ၊တောင်ကြီး၊အင်းလေ
#YMG #Yangon_Media_Group

#Local_News
Published_17 June 2023

မြန်မာနိုင်ငံမှာ အွန်လိုင်းသုံးစွဲသူတွေကြားမှာ ဆိုက်ဘာပြစ်မှုတွေအနေနဲ့ အွန်လိုင်းကနေ အသရေဖျက်မှု(၂၄၈၅)မှု၊
လိမ်လည်မှု(၅၂၆)မှုဖြစ်ပွားခဲ့တယ်လို့ စားသုံးရေးရာဦးစီးဌာနရဲ့ ဖော်ပြချက်အရ သိရပါတယ်။

#Local_News #မြန်မာနိုင်ငံဆိုက်ဘာပြစ်မှုများ #အွန်လိုင်းမှအသရေဖျက်မှု
#YMG #Yangon_Media_Group

#World_Legacy
Published_ 17 June 2023

စပိန်နိုင်ငံရဲ့ အယ်ဘူလီစားသောက်ဆိုင်ဟာ လွန်ခဲ့တဲ့ဆယ်စုနှစ်ကျော်ခန့်က မပိတ်သိမ်းခင်မှာ ကမ္ဘာ့အကောင်းဆုံးစားသောက်ဆိုင်အဖြစ် အကြိမ်ကြိမ်မဲပေးခံခဲ့ရပြီး အခုအခါမှာ အချက်အပြုတ်ပြောင်းလဲရေးကို ရည်ညွှန်းမယ့်ပြတိုက်အဖြစ် ပြန်လည်ဖွင့်လှစ်ရန် စီစဉ်ထားပါတယ်။

#World_Legacy #ကမ္ဘာ့အကောင်းဆုံးစားသောက်ဆိုင် #စပိန်စားသောက်ဆိုင် #ပြတိုက်အဖြစ်ပြန်လည်ဖွင့်လှစ်
#YMG #Yangon_Media_Group

#Health_Matters
Published_ 17 June 2023

- အဲဒီအမည်မသိ အမျိုးမသိသေးတဲ့ ကပ်ရောဂါဆိုးကို ဘယ်လိုကြိုတင်ကာကွယ်နိုင်ကြမလဲဆရာ
...??

#Health_Matters #အမည်မသိအမျိုးမသိကပ်ရောဂါဆိုး #ဘယ်လိုကြိုတင်ပြင်ဆင်ကြမလဲ
#Dr.KML #YMG #Yangon_Media_Group

#Local_News
Published_ 17 June 2023

လာမယ့်ဇွန်လ၂၅ရက်ဟာ အပြည်ပြည်ဆိုင်ရာ သင်္ဘောသားများနေ့ဖြစ်ပြီး မြန်မာနိုင်ငံမှာ အပြည်ပြည်ဆိုင်ရာသင်္ဘောသားနေ့ (Day of the Seafarer) အထိမ်းအမှတ် အခမ်းအနားကျင်းပသွားဖို့ ရှိတယ်လို့ သိရပါတယ်။

#Local_News #အပြည်ပြည်ဆိုင်ရာသင်္ဘောသားနေ့ #ရန်ကုန်မြို့ ၌ကျင်းမည်
#YMG #Yangon_Media_Group

#Health_Matters
Published_ 17 June 2023

- ကပ်ရောဂါဆိုးဟာ ယခုလက်ရှိဖြစ်နေတဲ့ကိုဗစ်နှင့် အရင်ဖြစ်ခဲ့တာတွေထက် ပိုဆိုးမယ်လို့ပြောနေကြပါတယ်။ ဘယ်လောက် အထိဆိုးနိုင်သလဲဆရာ ...??

#Health_Matters #အမည်မသိအမျိုးမသိကပ်ရောဂါဆိုး #ဘယ်လိုကြိုတင်ပြင်ဆင်ကြမလဲ
#Dr.KML #YMG #Yangon_Media_Group

#Daily_News
Published_ 17 June 2023

၁။ အပြည်ပြည်ဆိုင်ရာ သင်္ဘောသားနေ့ အခမ်း အနားရန်ကုန်မြို့ ၌ကျင်းမည်

၂။ မြန်မာနိုင်ငံတွင် ဆိုက်ဘာပြစ်မှုများအဖြစ် အွန်လိုင်းမှ အသရေဖျက်မှု (၂၄၈၅)မှု၊ လိမ်လည်မှု(၅၂၆)မှု ဖြစ်ပွားခဲ့

၃။ မိုးရာသီတွင် ပြည်တွင်းဘုရားဖူးခရီးစဉ်များအဖြစ် ပုဂံ၊ တောင်ကြီး၊ အင်းလေးသို့ သွားလာသူအများဆုံးဖြစ်ဟု ဆို

၄။ ကမ္ဘာ့အကောင်းဆုံး စားသောက်ဆိုင်အဖြစ် သတ်မှတ်ခံခဲ့ရသည့် စပိန်စားသောက်ဆိုင်အား ပြတိုက်အဖြစ် ပြန်လည်ဖွင့်လှစ် .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Media_Group #Daily_News #YMG

#Health_Matters
Published_ 17 June 2023

- နောက်လာနိုင်တဲ့ ကပ်ရောဂါဆိုးက ဘယ်လိုပုံစံမျိုးဖြစ်နိုင်သလဲဆရာ ...??

#Health_Matters #အမည်မသိအမျိုးမသိကပ်ရောဂါဆိုး #ဘယ်လိုကြိုတင်ပြင်ဆင်ကြမလဲ
#Dr.KML #YMG #Yangon_Media_Group

#Local_News
Published_ 17 June2023

ရန်ကုန်တိုင်းေးသကြီး ၊ လှိုင်သာယာမြို့နယ်၊ FMI အိမ်ရာအတွင်း အိမ်အကူအမျိုးသမီး တစ်ဦး အသတ်ခံခဲ့ရသည့် အမှုတွင် အိမ်ဆေးသုတ်အလုပ်သမားတစ်ဦးကို သံသယဖြင့် ရဲတပ်ဖွဲ့က ဖမ်းဆီးထားကြောင်း သိရသည်။

ပြီးခဲ့သည့် ဇွန်လ ၁၂ ရက် ညနေပိုင်းက လှိုင်သာယာမြို့နယ် FMI Orchid O-Lot တွင် အဆိုပါ အိမ်အကူအမျိုးသမီးမှာ ဦးခေါင်းကို တူဖြင့် ထု၍ အသတ်ခံခဲ့ရခြင်းလည်း ဖြစ်သည်။

အဆိုပါ သံသယ ကြောင့် အဖမ်းခံထားရသူမှာ အိမ်အကူ အလုပ်လုပ်နေသော အိမ်၌ ဆေးသုတ်အလုပ်ကို လုပ်ကိုင်ခဲ့ဖူးသူ ဖြစ်ကြောင်း၊အိမ်အကူအမျိုးသမီး သေဆုံးသည့်နေ့က ယင်းအမျိုးသားမှာ အခင်းဖြစ်ရာနေအိမ်သို့ ရောက်ရှိခဲ့သည်ဆိုသည့် အထောက်အားများဖြင့် ရဲတပ်ဖွဲ့က ဖမ်းဆီးထားခြင်း ဖြစ်ကြောင်း သိရသည်။

အိမ်အကူအမျိုးသမီး သေဆုံးခဲ့သည့် နေအိမ်တွင် ပစ္စည်းများလည်း ပျောက်ဆုံးနေခြင်း ဖြစ်ကြောင်း ၊လက်ရှိတွင် ရဲတပ်ဖွဲ့က စစ်ဆေးမှုများပြုလုပ်နေကြောင်း သိရသည်။
ymg/BM
#YMG #Yangon_Media_Group