တရုတ်နိုင်ငံမှ ရပ်ဝန်းတစ်ခုလမ်းကြောင်းတစ်သွယ် စီမံကိန်းကြီး (BRI)လက်အောက်မှ အထင်ကရ စီမံကိန်းတစ်ခုဖြစ်တဲ့ ပထမဆုံး အီဂျစ်လျှပ်စစ်မီးရထား သယ်ယူပို့ဆောင်ရေး (LRT)စနစ်ဟာ ၂၀၂၂ ဇူလိုင်လက စတင်ပြေးဆွဲနေခဲ့ပြီး ဒေသတွင်းပြည်သူများအတွက် ထိရောက်တဲ့ ပို့ဆောင်ရေးဝန်ဆောင်မှု ပေးနေပြီဖြစ်ပါတယ်။

Published_ 29 September 2023
#World_News
#အီဂျစ် #လျှပ်စစ်မီးရထားလိုင်း #LRTစနစ်စတင်ပြေးဆွဲ

#Daily_News
Published_ 29 September 2023

၁။ မြန်မာနိုင်ငံတွင် ‘ကမ္ဘာ့ပင်လယ်ရေကြောင်းနေ့’ကျင်းပ၊ ရေထုညစ်ညမ်းမှုဆိုင်ရာဥပဒေပြဋ္ဌာန်းနိုင်ရေးဆောင်ရွက်လျက်ရှိဟုဆို

၂။ ငှက်ပျောသီး ဈေးထက်ဝက်ခန့် မြင့်လာပေမယ့် ငှက်ပျောစိုက်တောင်သူတွေအတွက်အကျိုးမြတ်မရှိဟုဆို

၃။ စာသင်ကျောင်းများတွင် စားပွဲခုံအောက်ထက် ကျောင်းကွင်းပြင်ကျယ်သည် ငလျင်ဘေးအန္တရာယ်အကင်းဆုံးဖြစ်ဟုဆို

၄။ အီဂျစ်တွင်ပထမဆုံး လျှပ်စစ်မီးရထားလိုင်း LRT စနစ်စတင်ပြေးဆွဲ .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

#Local_News
Published_ 29 September 2023

ဗဟန်းမြို့နယ်၊ရွှေတောင်ကြား(၂)ရပ်ကွက်၊ အင်းယားမြိုင်လမ်းတွင်မီးလောင်ကျွမ်းမှုဖြစ်ပွားခဲ့ပြီး သက်ကြီးအမျိုးသမီး(၂)ဦးသေဆုံးခဲ့ကြောင်း စမ်းချောင်းမြို့နယ်အရန်မီးသတ်တပ်ဖွဲ့မှသိရသည်။

စက်တင်ဘာလ ၂၉ ရက်၊ မနက်ပိုင်းတွင်ဖြစ်ပွားခဲ့ခြင်းဖြစ်ပြီး မီးလောင်ကျွမ်းသည်ကိုသိရှိမှုနောက်ကျခဲ့ သလိုသော့အဆင့်ဆင့်လည်းခတ်ထားသည့်အတွက် အသက်(၆၀)ကျော်အမျိုးသမီးကြီးတစ်ဦးနှင့် အသက်(၃၅)ခန့်ရှိသောအမျိုးသမီးတစ်ဦးသေဆုံးသွားခဲ့သည်ဟု မီးသတ်တပ်ဖွဲ့မှတာဝန်ရှိသူတစ်ဦးက YMG ကို ပြောသည်။

‘အင်းလျားမြိုင်လမ်းမှ ာမီးလောင်တယ်ဆိုတာဟုတ်ပါတယ်။ Yangon Tea House ဆိုင်လောင်တာ မဟုတ်ပါဘူး။ အဲဒီ့နားကနှစ်ထပ်တိုက်နေအိမ်မီးလောင်တာပါ။ အမျိုးသမီးကြီးနှစ်ဦးသေဆုံးပါတယ်။ အဲဒီ့ရပ်ကွက်ကနေအိမ်တွေကကျယ်ဝန်းပြီး လူတွေလည်းသိပ်မသိတာလည်းပါတယ်။ သော့အဆင့်ဆင့်ခတ်ထားတာလည်းပါပါတယ်’ဟု စမ်းချောင်းမြို့နယ်အရန်မီးသတ်တပ်ဖွဲ့မှတာဝန်ရှိသူ တစ်ဦးကပြောသည်။

ယင်းမီးလောင်ကျွမ်းမှုဖြစ်စဉ်ကို အနောက်ပိုင်းခရိုင်မီးသတ်စခန်းမှ မီးသတ်ယာဉ်(၁)စီး၊ စမ်းချောင်းမြို့ နယ်မီးသတ်စခန်းမှ မီးသတ်ယာဉ်(၂)စီး၊ လှိုင်မြိုနယ်မီးသတ်စခန်းမှ မီးသတ်ယာဉ်(၁)စီး၊ အလုံမြို့နယ် မီးသတ်စခန်းမှ မီးသတ်ယာဉ်(၁)စီး၊ ကမာရွတ်မြို့နယ်မီးသတ်စခန်းမှ မီးသတ်ယာဉ်(၁)စီး၊ ရန်ကင်း မြို့နယ်မီးသတ်စခန်းမှ မီးသတ်ယာဉ်(၁)စီးတိုဖြင့် ငြှိမ်းသတ်ပေးခဲ့ကြောင်းသိရသည်။

#tthl #Local_News #အင်းယားမြိုင်လမ်း #အမျိုးသမီး(၂)ဦးသေဆုံး #Yangon_Times

‘အားကောင်းတဲ့လေဖိအားနည်းရပ်ဝန်းအရှိန်ကြောင့် အခုရက်ပိုင်းမှာ တနင်္သာရီတိုင်း၊ရခိုင်ပြည်နယ်တို့မှာ ဒေသအလိုက်နဲ့ရန်ကုန်တိုင်း၊ ပဲခူးတိုင်း၊ ဧရာဝတီတိုင်း၊ ချင်းပြည်နယ်၊ကရင်ပြည်နယ်၊ မွန်ပြည်နယ်တို့မှာနေရာကွက်ပြီး မိုးကြီးနိုင်သလို မြန်မာ့ကမ်းရိုးတန်းတစ်လျှောက်နဲ့ကမ်းလွန်ပင်လယ်တို့မှာ မိုးသက်လေပြင်းတွေ တိုက်ခတ်နိုင်တယ်’မိုးလေဝသနှင့်ဇလဗေဒညွှန်ကြားမှုဦးစီးဌာန

Published_ 29 September 2023
#လေဖိအားနည်းရပ်ဝန်း #မြန်မာ့ကမ်းရိုးတန်း

#tthl #Yangon_Times

မကွေးတိုင်းဒေသကြီး တောင်တွင်းကြီးမြို့နယ်မှာ မိုးသည်းထန်စွာရွာပြီး တောင်ကျချောင်းရေ ဝင်ရောက်လာတာကြောင့် မြို့ပေါ်ရှိ ရပ်ကွက်များမှ အိမ်ထောင်စုတစ်သောင်းကျော် ရေဘေးသင့်ခဲ့ကာ လူအသေပျောက်လဲရှိခဲ့တယ်လို့ မြို့ပေါ်ရှိ လူမူကူညီရေးအသင်းတွေထံက သိရပါတယ်။

Published_ 29 September 2023
#Local_News
#တောင်တွင်းကြီး #ရေအနည်းငယ်ပြန်ကျ
#YMG/LW #Yangon_Times

ပြီးခဲ့တဲ့နှစ်ထက် မြေဆီလွှာဖိုးများစတဲ့ စိုက်ပျိုးကုန်ကျစရိတ်နဲ့ အလုပ်သမားခများ ဈေးမြင့်လာတဲ့အတွက် ငှက်ပျောသီးတစ်ဖီးဈေးနှုန်းဟာ ယခင်ထက်ဈေးထက်ဝက်မြင့်လာခြင်း ဖြစ်တယ်လို့ ဆိုပါတယ်။

Published_ 29 September 2023
#စိုက်ပျိုးကုန်ကျစရိတ် #ငှက်ပျောသီးတစ်ဖီးဈေးနှုန်း
#YMG/LW #Yangon_Times

‘မြန်မာနိုင်ငံအနေနဲ့ ရေထုညစ်ညမ်းမှုလျှော့ချရာမှာ အဓိကကျတဲ့ MARPOL ကွန်ဗင်းရှင်းရဲ့ နောက်ဆက်တွဲ ၁ မှ ၅အထိ လက်မှတ်ရေးထိုးခဲ့ပြီး ကွန်ဗင်းရှင်းပါ ပြဋ္ဌာန်းချက်တွေကိုရေထုညစ်ညမ်းမှုဆိုင်ရာဥပဒေအဖြစ် ပြဋ္ဌာန်းနိုင်ရေး ဆောင်ရွက်လျက်ရှိတယ်’ပို့ဆောင်ရေးနှင့် ဆက်သွယ်ရေးဝန်ကြီးဌာန ဒုတိယဝန်ကြီး

Published_ 29 September 2023
#‘ကမ္ဘာ့ပင်လယ်ရေကြောင်းနေ့’ #မြန်မာသင်္ဘောသား
#tthl #Yangon_Times

#Local_News
Published 29 Setember 2023

ထိုင်းနိုင်ငံ၊ ပထုံဌာနီခရိုင်၊ ထန်ဘူရီမြို့နယ်၊ လန်စ်ကျေးရွာအနီး လန်စစ်-နခွန်းနာယုတ်လမ်းမပေါ်တွင် အလုပ်လုပ်ကိုင်ရန် တရားမဝင် ဝင်ရောက်လာသည့် မြန်မာနိုင်ငံသား ၁၈ ဦး ဖမ်းဆီးခံခဲ့ရကြောင်း ထိုင်းသတင်းဌာနများ၏ ဖေါ်ပြချက် အရသိရသည်။

ထိုင်းရဲတပ်ဖွဲ့ဝင်များက လန်စစ်-နခွန်းနာယုတ် လမ်းမပေါ်ကြီးပေါ်၌ စက်တင်ဘာ ၂၇ ရက်ညနေပိုင်းက လုံခြုံ ရေးတာဝန်ယူဆောင်ရွက်နေစဉ် မသင်္ကာဖွယ်ရာ အိမ်စီးကားတစ်စီးအား ရပ်တန့်စစ်ဆေးခဲ့ရာ ကားပေါ်၌ တရားမဝင်ဝင်ရောက်လာသည့် မြန်မာနိုင်ငံသား ၁၈ ဦးအား တွေ့ရှိသဖြင့် ဖမ်းဆီးခဲ့ခြင်းဖြစ်ကြောင်း သိရသည်။

စစ်ဆေးချက်အရ ဖမ်းဆီးခံရသူ မြန်မာနိုင်ငံသား ၁၈ ဦးသည် ဘန်ကောက်မြို့၌ အလုပ်လုပ်ကိုင်ရန် ထိုင်း-မြန်မာနယ်စပ်၊ ကရင်ပြည်နယ်မှတဆင့် တာ့က်ခရိုင်၊ ဝမ်ကျောက်မြို့နယ်ဘက်သို့ တရားမဝင် နယ်စပ်ဖြတ်ကျော်ကာ ဝင် ရောက်လာခဲ့ခြင်းဖြစ်ပြီး ပွဲစားအဖြစ် တစ်ဦးလျင် ဘတ်ငွေ ၁၅၀၀၀ မှ ၂၅၀၀၀ စီ ပေးချေးခဲ့ရကြောင်း သိရသည်။

မြန်မာအလုပ်သမားများအား ကားဖြင့်ခေါ်ဆောင်လာသူ ထိုင်းနိုင်ငံသား ယာဉ်မောင်နှင့် ဖမ်းဆီးရမိသူ ၁၈ ဦးအား ထိုင်းနိုင်ငံဥပဒေအရအရေးယူနိုင်ရန် သက်ဆိုင်ရာရဲစခန်းသို့ ခေါ်ဆောင်သွားခဲ့ကြောင်းသိရသည်။

#Local_News #ထိုင်းနိုင်ငံ #ပထုံဌာနီခရိုင် #YMG/LW #Yangon_Times

#World_News
Published 29 September 2023

အမေရိကန်သမ္မတ ဂျိုးဘိုင်ဒင်အနေနဲ့ သူ့သားဖြစ်သူ ဟန်တာဘိုင်ဒင်ရဲ့ စီးပွားရေးကိစ္စများအကြောင်း လိမ်လည်ထွက်ဆိုခဲ့တယ်ဆိုတဲ့ သက်သေမရှိ စွပ်စွဲချက်များနဲ့ ပတ်သက်ပြီး အောက်လွှတ်တော် ရီပတ်ဘလစ်ကန်အမတ်များက စက်တင်ဘာ ၂၈ ရက်နေ့မှာ ဂျိုးဘိုင်ဒင်အား စွပ်စွဲပြစ်တင်ချက် စုံစမ်းစစ်ဆေးခြင်း ကြားနာမှုများ စတင်ပြုလုပ်ခဲ့ပါတယ်။

ဘိုင်ဒင်ကို စုံစမ်းစစ်ဆေးခြင်း အကြောင်းအရာထဲမှာ သူ့မိသားစုထံ နိုင်ငံခြားမှ ငွေပေးချေမှုများ ရှိခဲ့တယ်လို့ ဖော်ပြထားပေမယ့် အဲဒီကနေ ကိုယ်ကျိုးစီးပွားအတွက် အကျိုးအမြတ် ရခဲ့တယ်ဆိုတဲ့ အထောက်အထားတော့ မတွေ့ရှိထားပါဘူး။

ဘိုင်ဒင်မိသားစုဝင်တွေက ရပိုင်ခွင့်တွေ ရောင်းချနေတယ်ဆိုကာ ဟန်တာရဲ့ နိုင်ငံခြား စီးပွားရေးလုပ်ငန်းများအကြောင်းကို စုစည်းဖော်ပြထားတဲ့ ရီပတ်ဘလစ်ကန်များရဲ့ အထောက်အထား သုံးသပ်ချက်များကို အောက်လွှတ်တော် ကြီးကြပ်ရေးကော်မတီမှ ကနဦးစွဲချက်ကြားနာခဲ့တာ ဖြစ်ကြောင်း ရိုက်တာသတင်းဌာနက ဖော်ပြခဲ့ပါတယ်။

အမေရိကန်ပြည်သူတွေက ဒီလိုအကျင့်ပျက်မှုကို တာဝန်ယူဖြေရှင်းပေးဖို့ အလိုရှိနေကြကြောင်း၊ သမ္မတက သူ့မိသားစုဝင်တွေရဲ့ စီးပွားရေးများအကြောင်း လိမ်လည်ခဲ့ကာ အလုပ်တာဝန်တွေကနေ ပိုင်းခြားထားခြင်းမရှိကြောင်း အောက်လွှတ်တော် ကြီးကြပ်ရေးကော်မတီ ဥက္ကဌ ဂျိမ်းစ်ကိုမာက ပြောကြားလိုက်ပါတယ်။

၂၀၀၉ ခုနှစ်မှ ၂၀၁၇ ခုနှစ်အတွင်း ဘာရက်အိုဘားမား အုပ်ချုပ်စဥ် ဘိုင်ဒင်က ဒုသမ္မတအဖြစ် ရှိစဥ်အခါက ယင်းလက်ကိုင်ပြုခဲ့တဲ့ မူဝါဒလမ်းစဥ်တွေကနေ ဘိုင်ဒင်တို့မိသားစု အကျိုးအမြတ်ရရှိခဲ့တယ်လို့ ရီပတ်ဘလစ်ကန် ခေါင်းဆောင်များက စွပ်စွဲလိုက်ပါတယ်။

ဒါ့အပြင် မိသားစုရဲ့ ဘဏ္ဍာရေးကိစ္စများ စုံစမ်းစစ်ဆေးရေး တစ်စိတ်တစ်ပိုင်းအဖြစ် ဟန်တာနဲ့ သမ္မတအစ်ကိုဖြစ်သူ ဖရန့်တို့ရဲ့ ဘဏ်မှတ်တမ်းများအတွက်လည်း ကော်မတီဥက္ကဌက ဆင့်ခေါ်စာ ထုတ်ပြန်ခဲ့ပါတယ်။

ကြာသပတေးနေ့က ကြားနာမှုမှာ ဒီမိုကရက်အဖွဲ့ဝင်တွေနဲ့ အခြားပုဂ္ဂိုလ်သက်သေတို့က ဘိုင်ဒင်ဟာ နိုင်ငံခြားမှ ငွေကြေးလက်ခံရယူခြင်း မရှိသလို ဒုသမ္မတအဖြစ် တာဝန်ထမ်းဆောင်စဥ်ကလည်း မဟုတ်မမှန်တဲ့ လုပ်ရပ်မျိုး ပြုလုပ်တဲ့ အထောက်အထား မရှိခဲ့ဘူးလို့ ဆိုကြပါတယ်။

တကယ်လို့ သမ္မတကို စွပ်စွဲဖို့အတွက် အောက်လွှတ်တော် ရီပတ်ဘလစ်ကန်တွေမှာ မဲဆန္ဒအလုံအလောက် ရခဲ့ရင်တောင် အထက်လွှတ်တော်က ဘိုင်ဒင်ကို သမ္မတရာထူးမှ ဖယ်ရှားဖို့ဆိုတာ ဖြစ်နိုင်ချေအလွန်နည်းပါးကြောင်း ရိုက်တာက သုံးသပ်ထားပါတယ်။

#World_News #ဟန်တာဘိုင်ဒင် #အောက်လွှတ်တော်ရီပတ်ဘလစ်ကန် #Source: WION

#Local_News
Published_ 29 September 2023

မန္တလေးတိုင်းဒေသကြီး၊ ညောင်ဦးမြို့၊ တောင်ဇင်းနယ်မြေ၊ လျှော်ပင်ကျေးရွာအနီးတွင် Light Truck ယာဉ်တစ်စီးသည် ရေကျော်ချောင်းအား ဖြတ်ကူးစဉ် ရေစီးနှင့်အတူ မျောပါသွားခဲ့ကြောင်း မြန်မာနိုင်ငံမီးသတ်တပ်ဖွဲ့၏ ထုတ်ပြန်ချက်အရ သိရသည်။

စက်တင်ဘာ ၂၉ ရက် နံနက် ၈နာရီ ၃၀ မိနစ်ခန့်က Light Truck ယာဉ်(၁)စီးသည် ရေကျော်ချောင်းအား ဖြတ်ကူးစဉ် ရေစီးနှင့်အတူမျောပါခဲ့ပြီး အမျိုးသားနှစ်ဦး၏ ရုပ်အလောင်းများတွေ့ရှိကြောင်း သတင်းရရှိသဖြင့် ညောင်ဦးခရိုင်မီးသတ်စခန်းနှင့် ညောင်ဦးမြို့နယ်မီးသတ်စခန်းမှရှာဖွေကယ်ဆယ်ရေးတပ်ဖွဲ့ဝင်များ၊ တောင်ဇင်းနယ်မြေမီးသတ်စခန်းမှ ရှာဖွေကယ်ဆယ်ရေးတပ်ဖွဲ့ဝင်များက သွားရောက်ခဲ့ကြောင်း သိရသည်။

ချောင်းအတွင်းနစ်မြုပ်နေသော Light Truckယာဉ်အား ပြန်လည်ဆယ်ယူနိုင်ရေးဆောင်ရွက်ခဲ့ပြီး သေဆုံးနေသည့် အမျိုးသားနှစ်ဦး၏ ရုပ်အလောင်းကိုညောင်ဦးမြို့ ဂရုဏာရှင်နာရေးအခမဲ့ကူညီမှုအသင်းယာဉ်ဖြင့် ခုတင် ၂၀၀ ဆံ့ ညောင်ဦးခရိုင်ပြည်သူ့ဆေးရုံကြီးသို့ ကူညီပို့ဆောင်ပေးခဲ့ကြောင်း သိရသည်။

#YMG/LW #Local_News #ရေစီးနှင့်အတူမျောပါ #အမျိုးသားနှစ်ဦးသေဆုံး #Yangon_Times

#World_Health
Published 29 September 2023

ကင်ဆာဝေဒနာရှင်များအတွက် မျိုးဗီဇဆက်စပ်စမ်းသပ်နည်းများကို အခြေခံကာ တစ်ဦးချင်း ကင်ဆာကုသနည်းလမ်းများ မြှင့်တင်ပေးမယ့် ပူးပေါင်းဆောင်ရွက်မှု သဘောတူညီချက်ကို ရို့ချ်အစ္စရေးလ် ဆေးဘက်ဆိုင်ရာကုမ္ပဏီဖြစ်တဲ့ ဟာဒါဆာ ဆေးဘက်ဆိုင်ရာ တက္ကသိုလ်စင်တာမှ လက်မှတ်ရေးထိုးလိုက်ပါတယ်။

ဒါဟာ အစ္စရေးလ်မှာ ပထမဆုံးပူးပေါင်းမှုပုံစံ ဖြစ်လာမှာပါ။

မော်လီကျူးနဲ့ ဇီဝအချက်အလက်ဆိုင်ရာ နည်းပညာများကို အခြေခံကာ ကင်ဆာလူနာတွေအနေနဲ့ မျိုးဗီဇဆက်စပ်စမ်းသပ်နည်း ပူးပေါင်းဆောင်ရွက်ချက် ပုံစံများကို ရွေးချယ်ကုသနိုင်မှာဖြစ်ပြီး ကုမ္ပဏီများအနေနဲ့ ကင်ဆာအဆင့်တိုင်းမှာ တိကျတဲ့ကုသမှုများ လုပ်ဆောင်နိုင်မှာ ဖြစ်ပါတယ်။

ဒီလိုပေါင်းစပ်ခြင်းနည်းလမ်းကို အသုံးပြုကာ ကင်ဆာရောဂါကို အဆင့်မြင့်အဆန်းသစ်ဆုံး စမ်းသပ်ချက်များဖြင့် လူနာတွေအတွက် ဆောင်ရွက်ပေးနိုင်မှာ ဖြစ်ပါတယ်။

သဘောတူညီချက်များအရ ထိုနည်းလမ်းစမ်းသပ်ချက်များဖြင့် ဟာဒါဆာမှလူနာတွေကို ပိုမိုတိကျတဲ့ ကင်ဆာရှာဖွေရေးစမ်းသပ်မှုများ ပြုလုပ်မှာဖြစ်ပြီး နိုင်ငံခြားဓာတ်ခွဲခန်းများသို့ ပို့ဆောင်မှာဖြစ်ပါတယ်။

လူနာတစ်ဦးချင်းအတွက် မျိုးဗီဇစမ်းသပ်နည်းဖြင့် ကင်ဆာအကျိတ်ရဲ့ သဘောသဘာဝကို သိရှိစေနိုင်ကာ အတိကျဆုံးကုသမှု ပေးနိုင်မှာဖြစ်ပါတယ်။

လူနာစောင့်ရှောက်မှု ပိုမိုမြင့်မားရေးအတွက် AI အခြေပြုပစ္စည်းကိရိယာများလည်း ပိုမိုထုတ်လုပ်လာနိုင်မှာ ဖြစ်ပါတယ်။

ဆေးဘက်ဆိုင်ရာ အားသာချက်များအပြင် ကင်ဆာထိန်းချုပ်ရေးအတွက် အဆင့်မြင့်သိပ္ပံနည်းပညာများနဲ့ သုတေသနများမှာလည်း သိသိသာသာ တိုးတက်စေမှာ ဖြစ်ပါတယ်။

ကင်ဆာလူနာများကို အကောင်းဆုံး မော်လီကျူး အခြေခံနည်းလမ်းများဖြင့် ကုသခွင့်ရတဲ့အတွက် ဂုဏ်ယူရကြောင်း၊ လူနာများကို ကုသရာမှာ တိုးတက်လာမယ်လို့ ယုံကြည်နေကြောင်း ဟာဒါဆာကင်ဆာတက္ကသိုလ်မှ ညွှန်ကြားရေးမှူး ပရော်ဖက်ဆာ အာရွန်ပိုပေ့ါဗ်ဇာက ပြောကြားသွားပါတယ်။

မျိုးဗီဇပြောင်းလဲချက်များအပေါ် အခြေခံကာ ကင်ဆာလူနာတစ်ဦးကို အချိန်မှန် ကုသနည်းမှန်မှန်ဖြင့် ကုသပေးနိုင်မှာဖြစ်ကာ မလိုအပ်တဲ့ ကုသမှုတွေ ရှောင်ရှားနိုင်မှာလည်း ဖြစ်ပါတယ်။

#World_Health #မျိုးဗီဇဆက်စပ်နည်းလမ်း #ကင်ဆာလူနာ
#Source:_The_Jerusalem_Post

#World_Health
Published 28 September 2023

အိတ်စ်ရောဂါ (Disease X)လို့ WHO မှ အမည်ပေးထားတဲ့ရောဂါဟာ ကိုဗစ်၁၉ရောဂါထက် ပိုမိုအသက်အန္တရာယ်များနိုင်တဲ့ ကပ်ရောဂါကြီး ဖြစ်စေနိုင်တယ်လို့ ဗြိတိန်ကျန်းမာရေး ပညာရှင်တစ်ဦးက ပြောကြားလိုက်ပါတယ်။

အဆိုပါဗိုင်းရပ်စ်အသစ်ဟာ ၁၉၁၉ - ၁၉၂၀ အတွင်းက စပိန်တုပ်ကွေးလိုမျိုး ထိခိုက်စေလိမ့်မယ်လို့ ၂၀၂၀ မေလမှ ဒီဇင်ဘာလအထိ ဗြိတိန်ကာကွယ်ဆေးအဖွဲ့မှာ ဥက္ကဌအဖြစ် ထမ်းဆောင်ခဲ့တဲ့ ကေတီဘင်ဂမ်က ဆိုခဲ့ပါတယ်။

ထိုရောဂါဟာ ဗိုင်းရပ်စ်၊ ဘက်တီးရီးယား၊ မှိုတစ်ခုခုကြောင့် ဖြစ်နိုင်ပြီး ကုသရာနည်းလမ်း မရှိသေးဘူးလို့ WHO က ဆိုပါတယ်။

စပိန်တုပ်ကွေးတုန်းက လူသန်း ၅၀ ခန့်သေဆုံးခဲ့ကာ ယခုလက်ရှိ တည်ရှိနေပြီးသားဖြစ်နေတဲ့ ဗိုင်းရပ်စ်ကြောင့် အလားတူ သေဆုံးသူပမာဏ ရှိလာနိုင်တယ်လို့ မစ္စဘင်ဂမ်က ထုတ်ဖော်ပြောကြားလိုက်ပါတယ်။

အိတ်စ်ရောဂါရဲ့ ခြိမ်းခြောက်မှုကို ကာကွယ်ဖို့ဆိုရင် တစ်ကမ္ဘာလုံးအနေနဲ့ ကာကွယ်ဆေး အမြောက်အများ ပြင်ဆင်ထားရန်နဲ့ အချိန်မီပေးပို့နိုင်ရန် ပြင်ဆင်ထားဖို့ လိုအပ်ပါတယ်လို့ Daily Mail ထံ ပြောကြားခဲ့ပါတယ်။

ဗိုင်းရပ်စ်မျိုးနွယ်ဝင် ၂၅ မျိုး တွေ့ရှိထားပေမယ့် တစ်မျိုးကနေ တစ်မျိုးကူးပြောင်းနိုင်တဲ့ မျိုးကွဲဗိုင်းရပ်စ်ပေါင်း တစ်သန်းကျော် ကျန်ရှိနေနိုင်ပါသေးတယ်။

ကိုဗစ်ရောဂါကြောင့် ကမ္ဘာတဝှမ်းမှာ သန်း ၂၀ ကျော်သေဆုံးခဲ့တယ် ဆိုပေမယ့် ကံကောင်းတယ်လို့ ပြောရမှာဖြစ်ကြောင်း၊ လူအများစုက ကိုဗစ်ရောဂါမှ ပြန်လည်သက်သာလာကြကြောင်း၊ အိတ်စ်ရောဂါကတော့ ဝက်သက်လို ကူးစက်မှုနှုန်းမြန်ဆန်ပြီး အီဘိုလာလိုမျိုး အသက်အန္တရာယ်ရှိကြောင်း၊ တစ်နေရာရာမှာ ဗိုင်းရပ်စ်ကပွားနေကာ တစ်ချိန်ချိန်မှာ တစ်စုံတစ်ယောက်ကနေ စတင်ဖျားနာလာနိုင်ကြောင်း ရှင်းပြသွားပါတယ်။

ရောဂါပျံ့ပွားမှုတွေ များပြားလာရခြင်း အကြောင်းအရင်းတွေက ယနေ့ခေတ်မှာ နေထိုင်ရခြင်းရဲ့ ပေးဆပ်မှုတစ်ခု ဖြစ်လာရခြင်း၊ ပြောင်းလဲလာတဲ့ ကမ္ဘာ့ယဥ်ကျေးမှုထုံးတမ်းနဲ့ ပိုမိုဆက်စပ်လာရခြင်း၊ မြို့ကြီးပြကြီးတွေမှာ လူတွေပိုပိုများလာပြီး ထိတွေ့မှုပိုမိုများပြားလာရခြင်း တို့ကြောင့် ဖြစ်နေပါတယ်။

ရောဂါအိတ်စ်လို့ အမည်ပေးရခြင်းက လူသားတွေမှာ ရောဂါဖြစ်စေနိုင်တယ်လို့ မသိရသေးတဲ့ ရောဂါပိုးတစ်ခုကြောင့် နိုင်ငံတကာမှာ ကပ်ရောဂါဖြစ်ပွားနိုင်တာကြောင့် ဖြစ်ပါတယ်။

#World_Health #(Disease X)ကပ်ဘေး #လူသန်း၅၀ခန့်သေဆုံး #Source: NDTV