Yangon Times HEALTH TIPS

ဝိတ်ချတာကို ကူညီပေးတဲ့မနက်စာ

ဝိတ်ကျဖို့ကြိုးစားနေတဲ့အခခါ မနက်စာဟာ အရေးကြီးလာပါတယ်။ ကိုယ်စားတဲ့မနက်စာဟာ ဝိတ်ချနေတဲ့ အစီအစဉ်ကို အထောက်အကူပြုရပါမယ်။ မနက်စာဘာတွေစားသင့်သလဲ။

Published_ 20 September 2023

နိုင်ငံခြားငွေဝယ်ယူရောင်းချလဲလှယ်ပေးခွင့်ရသည့်လိုင်စင်ရကုမ္ပဏီ(၁၂၃)ခုကို စက်တင်ဘာလ(၁၉)ရက်တွင် လိုင်စင်ထပ်မံ ရုပ်သိမ်းလိုက်ကြောင်းသိရသည်။

မြန်မာနိုင်ငံတော်ဗဟိုဘဏ်မှ ထုတ်ပြန်ထားသည့် အမိန့်နှင့်ညွှန်ကြားချက်များကိုလိုက်နာမှုမရှိသည့်အတွက် နိုင်ငံခြားငွေတွေဝယ်ယူရောင်းချလဲလှယ်ပေးခွင့်လိုင်စင်(Money Changer License)များကို အမှုဆောင်ကော်မတီ အစည်းအဝေးဆုံးဖြတ်ချက်အရ ရုပ်သိမ်းကြောင်း အများပြည်သူသိရှိစေရန် စက်တင်ဘာလ(၁၉)ရက်တွင် နိုင်ငံပိုင်သတင်းစာမှတစ်ဆင့်ထုတ်ပြန်လိုက်ခြင်းဖြစ်သည်။

ယခုလိုင်စင်ရုပ်သိမ်းခံရသည့် နိုင်ငံခြားငွေလဲလှယ်ခွင့်လိုင်စင်ရကုမ္ပဏီများထဲတွင် Sedona Hotel(Straits Greenfield Limited)အပါအဝင် Travel& Tourကုမ္ပဏီများ၊ဝန်ဆောင်မှုကုမ္ပဏီများလည်းပါဝင်ခဲ့သည်။

၂၀၂၃ခုနှစ် စက်တင်ဘာလ(၁၉)ရက်တွင် နိုင်ငံခြားငွေလဲလှယ်ခွင့်ရလိုင်စင်ရကုမ္ပဏီ(၁၂၃)ခုကို လိုင်စင် ထပ်မံရုပ်သိမ်းခဲ့ခြင်းဖြစ်ပြီး ၂၀၂၃ခုနှစ်ဇူလိုင်လအတွင်းနိုင်ငံခြားငွေလဲလှယ်ခွင့်ရလိုင်စင်ရကုမ္ပဏီ(၁၀)ခု ၊၂၀၂၃ခုနှစ်မတ်လတွင် နိုင်ငံပိုင်Myanmar National Ailines Co.Ltdအပါအဝင် နိုင်ငံခြားငွေလဲလှယ် ခွင့်ရလိုင်စင်ရကုမ္ပဏီ(၂၀)ခုကို လိုင်စင်ရုပ်သိမ်းခဲ့ဖူးသည့်အတွက် ၂၀၂၃ခုနှစ်အတွင်း လိုင်စင်ရုပ်သိမ်းခံရသည့် ကုမ္ပဏီစုစုပေါင်း(၁၅၃)ခုရှိပြီဖြစ်ကြောင်းသိရသည်။
Yangon_Time/tthl
#Local_News
#YMG #Yangon_Times #Yangon_Media_Group

Published_ 20 September 2023

အချိုအငန်အရသာတွေကို လူတွေ ကြိုက်နှစ်သက်တတ်တာ သဘာဝဖြစ်ပေမယ့် ဆားနဲ့ သကြား အလွန်အကျွံစားသုံးခြင်းကြောင့် နှလုံးကျန်းမာရေးအပေါ် ဘေးအန္တရာယ်ရှိနိုင်ပုံတွေကို လေ့လာချက်အများအပြား တွေ့ရှိထားပါတယ်။

အငန်နဲ့ အချိုအများအပြားပါဝင်တဲ့ အစားအစာတွေ စားသုံးခြင်းဖြင့် နှလုံးသွေးကြောဆိုင်ရာ ရောဂါအမျိုးမျိုး ဖြစ်နိုင်ချေများစေတဲ့အပြင် ဆီးချိုရောဂါ၊ အဝလွန်ခြင်းတို့လည်း ဖြစ်စေနိုင်ပါတယ်။

ဖော်တစ်အက်စ်ကော့ဆေးရုံမှ နှလုံးအထူးကုအကြံပေး ဒေါက်တာမိုဟစ်တန်ဒန်က ဆားနဲ့သကြားဟာ ခန္ဓာကိုယ်ထဲ ဘယ်လိုများပြားစေတယ်ဆိုတာနဲ့ နှလုံးအပေါ် ဘယ်လိုသက်ရောက်စေလဲဆိုတာကို ပြောပြသွားပါတယ်။

နှလုံးအပေါ် သကြားဓာတ်ရဲ့ သက်ရောက်မှုတွေကတော့..
 
အသည်းဇီဝဖြစ်စဥ် - အသည်းမှာ သကြားအလွန်အကျွံ များပြားလာပါက  အဆီအဖြစ်သို့ ပြောင်းလဲပေးကာ အသည်းအဆီဖုံးခြင်း အဝလွန်ခြင်းတို့ ဖြစ်စေနိုင်ပြီး နှလုံးရောဂါဖြစ်နိုင်ချေကို များစေပါတယ်။
 
ကိုယ်အလေးချိန်တက်ခြင်း - အချိုဓာတ်များတဲ့ စားစရာတွေဟာ အလျင်အမြန် အစာကြေသွားတာကြောင့် တင်းတိမ်မှုမရှိဘဲ အလွန်အကျွံ စားမိသဖြင့် ကိုယ်အလေးချိန် များနိုင်ကာ နှလုံးရောဂါ ဖြစ်လာနိုင်ပါတယ်။
 
ရောင်ရမ်းခြင်းနှင့် သွေးပေါင်ချိန် - သကြားအများအပြား စားသုံးတဲ့အခါ နာတာရှည်ရောင်ရမ်းခြင်းနဲ့ သွေးပေါင်ချိန်တက်ခြင်းတို့ ဖြစ်စေနိုင်ပါတယ်။
 
ကိတ်မုန့်တွေနဲ့ မုန့်ချိုတွေမှာ ပါဝင်တဲ့ ပြည့်ဝဆီတွေမှာ မကောင်းတဲ့ ကိုလက်စ်ထရောလ်တွေ ဖြစ်ပါတယ်။

အဆိုပါ ကိုလက်စ်ထရောလ်တွေ မြင့်မားလာပါက သွေးကြောကျဥ်းရောဂါများ ဖြစ်လာစေနိုင်ပါတယ်။

သွေးကြောတွေကျဥ်းသွားပြီး နှလုံးဆီသို့ သွေးရောက်ရှိမှု နည်းသွားကာ နှလုံးရောဂါဖြစ်နိုင်ချေ များလာပါတယ်။

ဆားမှာပါဝင်တဲ့ ဆိုဒီယမ်က ခန္ဓာကိုယ်လုပ်ဆောင်ချက်တွေအတွက် အရေးပါပေမယ့် လိုအပ်တဲ့ပမာဏထက် များသွားရင်တော့ ဘေးဖြစ်တတ်ပါတယ်။

လူတစ်ဦးဟာ နေ့စဥ်ဆိုဒီယမ် ၁,၅၀၀ မီလီဂရမ်စားသုံးရန် လိုအပ်ပါတယ်။

အဆင့်ဆင့် ထုတ်ပိုးထားတဲ့ စားစရာတွေကြောင့် ဆိုဒီယမ်အများအပြား စားသုံးမိပြီး ခန္ဓာကိုယ်ထဲက ဆိုဒီယမ်ပါဝင်မှုကို လျှော့ချဖို့ အရည်အများအပြား ကျန်ရစ်နေပါတယ်။

ဒီအတွက် သွေးပမာဏများပြားလာပြီး နှလုံးကနေ အလုပ်ပိုမိုလုပ်ရကာ သွေးပေါင်ချိန်တက်လာပြီး  သွေးကြောတွေအပေါ် ဖိအားများစေပါတယ်။

အချိန်ကြာလာတာနဲ့အမျှ သွေးတိုးရောဂါဖြစ်လာကာ နှလုံးရောဂါ၊ လေဖြတ်ခြင်း၊ ကျောက်ကပ်ပျက်စီးခြင်းတို့ ဖြစ်စေနိုင်ပါတယ်။
Source: India Today.
#World_Health
#YMG #Yangon_Times #Yangon_Media_Group

Published_ 20 September 2023

ရင်ခွင်ပိုက် ကလေးငယ်အပါဝင် မြန်မာမိသားစု (၃) ဦးအလုပ်လုပ်ရန် မလေးရှားနိုင်ငံသို့ အထောက်အထားမဲ့ဖြင့် ဝင်ရောက်ပြီး ရက်ပိုင်းအကြာတွင်  မိခင်ဖြစ်သူမှာ အသက်ရှုကြပ် နှလုံးရောဂါဖြင့် ကွယ်လွန်ခဲ့ကြောင်း မြန်မာလူမှုကူညီရေးအသင်း(မလေးရှား)မှ သိရသည်။

ရင်ခွင်ပိုက်ကလေးငယ် မောင်စွမ်းထက်ပိုင်နှင့် မိဘ(၂) ဦးဖြစ်သူ ကိုပိုင်နှင့် မချစ်ခင်တို့မှာ ပြီးခဲ့သည့်ရက်ပိုင်း အတွင်းက အသိမိတ်ဆွေများရှိသည့် မလေးရှားနိုင်ငံ၊ စလန်းကောပြည်နယ်၊ ကလန်းမြို့သို့ အလုပ်လုပ်ရန် အရဲစွန့်ကာ အထောက်အထားမဲ့ဖြင့် ဝင်ရောက်လာခဲ့ကြောင်း သိရသည်။

"မကြာသေးခင်ရက်ပိုင်းကမှ မလေးရှားနိုင်ငံကို မိသားစု ၃ဦး အရဲစွန့်ကာ ရောက်လာပြီး အသိမိတ်ဆွေအိမ်မှာ နေထိုင်ကြသူတွေ​ဖြစ်ပါတယ်။ မချစ်ခင်မှာမလေးရှားကိုလာရာလမ်းတစ်လျှောက် မှာ  မတူညီတဲ့ ရာသီဥတုနဲ့ ကြမ်းတမ်းတဲ့ ဒေသတွေကို ဖြတ်ကျော်လာရလို့ မူလတွင်ရှိတဲ့ ရောဂါအခံ အသက်ရှူကြပ် နှလုံးရောဂါနဲ့ ကွယ်လွန်ရတာပါ။"ဟု မြန်မာလူမှုကူညီရေးအသင်း (မလေးရှား)က ပြောဆိုသည်။

ကွယ်လွန်သူ မချစ်ခင်သည် အသက်၂၄ နှစ်အရွယ်သာရှိပြီး  အသက်ရှုကြပ်ခြင်း၊ နှလုံးရောဂါ ဝေဒနာခံစားခဲ့ရသော်လည်း မလေးရှားရောက်ခါစဖြစ်၍ ငွေကြေးမရှိ၊ ဆေးရုံသွားရန် အထောက်အထား မရှိ၊ ဘာသာစကား ကူပြောမည့်သူ မရှိခြင်းများကြောင့် ဆေးရုံကြီးသို့ အချိန်လွန်မှရောက်ရှိကာ စက်တင်ဘာ (၁၈) ရက်တွင် ဝေဒနာအပြင်းအထန်ခံစားရပြီး ကလန်းမြို့ဆေးရုံဝန်းထဲတွင် ကွယ်လွန်သွားခဲ့ကြောင်း သိရသည်။

နာရေးကိစ္စအား မလေးရှားနိုင်ငံသား (၁)ဦးက မြန်မာလူမှုကူညီရေးအသင်း (မလေးရှား)ထံ ဆက်သွယ်လာခြင်းကြောင့် လိုအပ်သည့် ကိစ္စများအတွက် ကူညီပေးလျက်ရှိကြောင်း မြန်မာလူမှုကူညီရေးအသင်း (မလေးရှား)မှ သိရသည်။
Yangon-Times/PP
#Local_News
#YMG #Yangon_Times #Yangon_Media_Group

Published 20 September 2023

 ရုရှားသမ္မတ ဗလာဒီမာပူတင်နဲ့ တရုတ်သမ္မတ ရှီကျင့်ဖင်တို့ဟာ အောက်တိုဘာလအတွင်း ပေကျင်းမှာ တွေ့ဆုံဆွေးနွေးသွားမှာ ဖြစ်ကြောင်း ရုရှားဘက်က စက်တင်ဘာ ၁၉ ရက်နေ့က ပြောကြားလိုက်ပါတယ်။

ဒါဟာ ယူကရိန်းမှ ကလေးများကို ပြည်နှင်ဒဏ်ပေးလိုက်တဲ့ ဖြစ်ရပ်ကြောင့် ပူတင်ကို ဖမ်းဝရမ်းထုတ်ပြီးနောက်ပိုင်း သူ့ရဲ့ပထမဆုံး နိုင်ငံရပ်ခြားခရီးစဥ် ဖြစ်လာမှာပါ။

ရုရှားနဲ့ တရုတ်ကို သီးခြားခွဲထုတ်ဖို့ ကြိုးပမ်းနေတဲ့ အနောက်နိုင်ငံနဲ့ ရင်ဆိုင်နေရတဲ့အတွက် ထိုနှစ်နိုင်ငံအနေဖြင့် ပိုမိုလေးနက်စွာ ပူးပေါင်းဆောင်ရွက်သင့်ကြောင်း ရုရှားလုံခြုံရေးကောင်စီ အတွင်းရေးမှူးနဲ့ ပူတင်ရဲ့ အနီးကပ်မိတ်ဖက်ဖြစ်သူ နီကိုလိုင်ပက်ထရူရှက်ဗ်က ပြောပြခဲ့ပါတယ်။

ပေကျင်းမှာ တွေ့ဆုံမယ့် ဆွေးနွေးပွဲမှာ စေ့စပ်သေချာစွာ ပြောဆိုသွားမှာဖြစ်ကြောင်း ပက်ထရူရှက်ဗ်က တရုတ်ထိပ်သီးသံတမန် ဝမ်ယိနဲ့ ရုရှားမှာ တွေ့ဆုံဆွေးနွေးစဥ် ပြောကြားခဲ့ကြောင်းကို အင်တာဖက်စ်နယူးသတင်းဌာနက ဖော်ပြခဲ့ပါတယ်။

ရှီကျင့်ဖင်ရဲ့ ဖိတ်ကြားချက်ဖြင့် တတိယအကြိမ်မြောက် ရပ်ဝန်းတစ်ခု လမ်းကြောင်းတစ်သွယ်စီမံကိန်း ဖိုရမ်သို့ ပူတင်က တက်ရောက်ဦးမှာ ဖြစ်ပါတယ်။

ဒီမတိုင်ခင် ရက်ပိုင်းအလိုက ယူကရိန်းမှ ရာနဲ့ချီတဲ့ကလေးတွေကို တရားမဝင် ပြည်နှင်ဒဏ်ပေးတယ်ဆိုပြီး သံသယရှိတာကြောင့် ပူတင်ကို နိုင်ငံတကာရာဇဝတ်မှုတရားရုံး (ICC)က ဖမ်းဆီးမိန့် ထုတ်ပြန်ထားပါတယ်။

ရုရှားဘက်က အဆိုပါ စွပ်စွဲချက်များကို ငြင်းဆန်ကာ အနောက်နိုင်ငံက ICC ရှေ့နေနဲ့ တရားသူကြီးတွေထံမှာ ထိုရာဇဝတ်မှုဖွင့်ခဲ့တာဖြစ်ပြီး အဆိုပါဖမ်းဝရမ်းဟာ အနောက်တိုင်းက ပူတင်ကို ရန်လိုနေတဲ့ အထောက်အထား ဖြစ်တယ်လို့ ဆိုပါတယ်။

ပြီးခဲ့တဲ့နှစ် ဖေဖော်ဝါရီလ ယူကရိန်းကို ရုရှားတို့ အင်ပြည့်အားပြည့် တိုက်ခိုက်ခဲ့ရာမှာ ဒုတိယကမ္ဘာစစ်နောက်ပိုင်း ဥရောပမှာ အသေအပျောက်အများဆုံး စစ်ပွဲတွေထဲက တစ်ခုဖြစ်ခဲ့ပြီး ၁၉၆၂ ကျူးဘားဒုံးကျည်ကိစ္စနောက်ပိုင်း ရုရှားနဲ့ အနောက်နိုင်ငံတို့ကြား အကြီးမားဆုံး ထိပ်တိုက်ရင်ဆိုင်နေရတာ ဖြစ်ပါတယ်။

ပူတင်က ရှီကျင့်ဖင်ဘက်ကို အားကိုးလာကာ ရှီကျင့်ဖင်ကလည်း ပူတင်ဘေးကနေ ရပ်တည်နေပါတယ်။

တရုတ်-ရုရှား ကုန်သွယ်ရေးက ယူကရိန်းစစ်ပွဲဖြစ်ကတည်းက မြင့်တက်နေပြီး ဒဏ်ခတ်ပိတ်ဆို့မှုများကြောင့် အနောက်နိုင်ငံများသို့ ရေနံမရောင်းရတော့တဲ့ ရုရှားဟာ တရုတ်အပါအဝင် အာရှအင်အားကြီးနိုင်ငံများထံ ရေနံအမြောက်အများ ရောင်းချထားပါတယ်။

ယူကရိန်းစစ်မတိုင်ခင် ၂၀၂၂ ဖေဖော်ဝါရီလက ပူတင်ဟာ တရုတ်သို့ နောက်ဆုံးခရီးသွားရောက်ခဲ့ဖူးပြီး နှစ်နိုင်ငံကြား အကန့်အသတ်မရှိ မိတ်ဖက်ဆက်ဆံရေး ထူထောင်မယ်လို့ ကြေညာခဲ့ပေမယ့် စစ်ဘက်ဆိုင်ရာ မဟာမိတ်ဖွဲ့တာ မဟုတ်ဘူးလို့တော့ ဆိုခဲ့ပါတယ်။

ယူကရိန်းကိစ္စနှင့် ပတ်သက်ပြီး တရုတ်က ရှုတ်ချခြင်း မပြုလုပ်သလို ကျူးကျော်တယ်လို့လည်း မသုံးနှုံးထားပါဘူး။

CIA ညွှန်ကြားရေးမှူး ဝီလျံဘန်းစ်က ယခုနှစ်အစောပိုင်းက ပြောကြားရာမှာ ရုရှားက တရုတ်ကို ပိုပိုပြီးတော့ မှီခိုလာရကာ စီးပွားရေးဘက်မှာ ကိုလိုနီပြုခံလာရမယ့် အန္တရာယ်ရှိနေတယ်လို့ ဆိုခဲ့ပါတယ်။
Source: CNA.
#World_News
#YMG #Yangon_Times #Yangon_Media_Group

Published_ 20 September 2023

ခွေးမျိုးစိတ်နဲ့ မြေခွေးမျိုးစိတ်တို့ ရောယှက်ပေါက်ဖွားလာခဲ့တဲ့ ကမ္ဘာ့ပထမဆုံး ခွေးနှင့်မြေခွေးမျိုးစပ် သတ္တဝါကို ဘရာဇီးလ်မှာ လေ့လာတွေ့ရှိထားပါတယ်။

၂၀၂၁ မှာ ထိုသတ္တဝါဟာ ကားမတော်တဆဖြစ်ပြီးနောက် ရီယိုဂရန်ဒီဒိုဆူလ်ရှိ ဆေးရုံသို့ အရေးပေါ် ရောက်ရှိခဲ့ပါတယ်။

ထိုသတ္တဝါရဲ့ ထူးခြားတဲ့ ပုံပန်းသဏ္ဍာန်တွေ၊ တောရိုင်းတိရိစ္ဆာန်လည်းမဟုတ် အိမ်မွေးတိရိစ္ဆာန်နဲ့လည်း မတူညီတာကြောင့် တိရိစ္ဆာန်အထူးကုတွေလည်း အံ့အားသင့်ခဲ့ရပါတယ်။

မည်းနက်ချွန်ထက်တဲ့ နားရွက်ရှိပြီး ပုံမှန်မဟုတ်တဲ့ အပြုအမူမျိုးတွေ့ရကြောင်း၊ ခွေးလိုလည်း မဟုတ်သလို ကိုင်တွယ်ကြည့်တဲ့အခါမှာလည်း တောရိုင်းတစ်ကောင်လို ရန်လိုတဲ့အပြုအမူ မတွေ့ရကြောင်း ကွန်ဆာဗေးရှင်းနစ်တစ်ဦးဖြစ်တဲ့ ဖလေဗီယာဖယ်ရာရီက The Telegraph ကို ပြောပြခဲ့ပါတယ်။

ထိုသတ္တဝါရဲ့ မျိုးရိုးဗီဇ ဖွဲ့စည်းပုံကို သိရှိရဖို့ သုတေသီများက စမ်းသပ်မှုများ  ပြုလုပ်ခဲ့ပါတယ်။

ဒီနောက် တောင်အမေရိက မျိုးနွယ်ဝင် မြေခွေးတစ်ကောင်နဲ့ အမျိုးအမည်မသိ ခွေးတစ်ကောင်တို့ မျိုးစပ်ထားတာ ဖြစ်တယ်ဆိုတဲ့ တွေ့ရှိချက်ကို Animals ဂျာနယ်မှာ ပြီးခဲ့တဲ့လက ဖော်ပြခဲ့ပါတယ်။

ဒါဟာ အဆိုပါ မျိုးနွယ်နှစ်ခုကြား ပထမဆုံးမျိုးစပ်ပေါက်ဖွားခြင်းအဖြစ် မှတ်တမ်းတင်ခဲ့ပါတယ်။

ဒေါ့ဇင်မ်လို့ အမျိုးအမည်ပေးထားတဲ့ ထိုသတ္တဝါဟာ ယခုနှစ်အစောပိုင်းကပဲ မဖော်ပြထားတဲ့ အကြောင်းအရင်းများကြောင့် အသက်ဆုံးပါးသွားပါပြီ။

သဘာဝကြောင့်ပဲဖြစ်ဖြစ် လူသားတွေလုပ်ရပ်ကြောင့်ပဲဖြစ်ဖြစ် ဒီလိုမျိုး မျိုးစပ်ပေါက်ဖွားခြင်းတွေဟာ တိရိစ္ဆာန်မျိုးစိတ်တွေမှာ ၁၀ ရာခိုင်နှုန်းလောက် ဖြစ်လေ့ရှိပြီး အထူးသဖြင့် အလွန်နီးစပ်တဲ့ မျိုးစိတ်တွေကြား ဖြစ်တတ်ပါတယ်။

လူသားတွေ ပြုလုပ်ထားတဲ့ မျိုးစပ်တွေထဲမှာ ဥပမာအားဖြင့် မြင်းနဲ့ မြည်းမျိုးစပ်၊ ခြင်္သေ့နဲ့ ကျားမျိုးစပ်တို့ ပါဝင်နေပါတယ်။

ဒီလိုမျိုးစပ်သတ္တဝါတွေမှာ မျိုးစိတ်နှစ်ခုကြား ရောဂါကူးစက်ပျံ့ပွားခြင်း ဖြစ်နိုင်တာကြောင့် တောရိုင်းအကောင်ရေပမာဏ ထိခိုက်နိုင်တဲ့ အန္တရာယ် ရှိတာကိုလည်း သတိပြုရမှာပါ။

ဒါပေမဲ့ လူသားများဆောင်ရွက်ထားတဲ့ မျိုးစပ်သတ္တဝါအများစုဟာ မျိုးမပွားနိုင်ကြပါဘူး။
Source: WION
#World_Animal
#YMG #Yangon_Times

လာမယ့်နှစ် ဖေဖော်ဝါရီလ ဘရာဇီးလ်နိုင်ငံ ရီယိုဒီဂျနေရိုမှာ ပြုလုပ်မယ့် ဆမ်ဘာကာနီဗယ်ပွဲတော်မှာ ပါဝင်မယ့်သူတွေက ပြင်ဆင်နေကြပြီ ဖြစ်ပါတယ်။

ဆက်လက်ဖွင့်လှစ်နေဆဲ သက်တမ်းအရင့်ဆုံး ဆမ်ဘာကျောင်းကြီးဖြစ်တဲ့ ပေါ်တယ်လာက မြို့တော်စီတန်းလှည့်လည်ပွဲ အားလုံးမှာ ပါဝင်မယ့် တစ်ဦးတည်းသောကျောင်း ဖြစ်နေပါတယ်။
#World_Event
#Published_ 19 September 2023
#YMG #Yangon_Times #Yangon_Media_Group

#Daily_News
Published_ 19 September 2023

၁။ စားအုန်းဆီများကို လက်လီဈေးကျပ်၄၆၀၀နှုန်းဖြင့် ရောင်းချပေးထား၊ ရန်ကုန်ဈေးကွက်တွင် ကျပ်၅၀၀၀အောက်သာ ရောင်းသင့်ဟုဆို

၂။ သယ်ယူစရိတ်နှင့် အလုပ်သမားခ ပိုပေးလာရပေမယ့် ဈေးကွက်အနေထားအရ အုန်းသီးဈေးမြင့်ရောင်းလို့မရ

၃။ မုတ်သုန်အားကောင်းပြီး လေဖိအားနည်းရပ်ဝန်း ဖြစ်ပေါ်နိုင်သဖြင့် ရန်ကုန်တိုင်းအပါအဝင်ဒေသ(၅)ခုတွင် မိုးကြီးမည်

၄။ လာမည့်နှစ် ဆမ်ဘာပွဲတော်ကျင်းပရန် ရီယိုဒီဂျနေရိုတွင် ပြင်ဆင်မှုများစတင်ပြုလုပ် .... အစရှိတဲ့ သတင်းတွေကို တင်ဆက်ပေးသွားမှာ ဖြစ်ပါတယ်။

#Yangon_Times #Daily_News #YMG

ရာသီဥတုအနေထားအရ ပဲခူးမြစ်ရေ ဆက်လက်မြင့်တတ်နိုင်တာကြောင့် အသင့်အနေထားနဲ့စောင့်ကြည့်နေ

ပဲခူးမြစ်ရေတတ်တာ တပတ်ခန့် ကြာတဲ့အထိ ရေပြန်မကျဘဲ စိုးရိမ်ရေမှတ်မှာ ဆက်ရှိနေတာ ကြောင့် ရေကြီးနစ်မြုပ်မှုဒဏ် ခံနေရတဲ့ မြို့ပေါ် ရပ်ကွက်အချို့မှ ပြည်သူတွေအခက်ခဲ ဖြစ်နေတယ်လို့ လူမှုကူညီရေး အသင်းတွေထံက သိရပါတယ်။
Yangon_Times/tthl
#Local_News
#Published_ 19 September 2023
#YMG #Yangon_Times #Yangon_Media_Group

မိုးတွင်း အရိုးကျိုးသက်ကြီးရွယ်အိုနှင့် ကလေးလူနာများကို ဆေးရုံပို့ဆောင်ပေးရမှု များနေ

‘ရန်ကုန်မှာ သက်ကြီးရွယ်အိုတွေ ရေချိုးခန်း၊အိမ်သာမှာ ချော်လဲလို့ ဆေးရုံပို့ဆောင်ပေးနေရတာများတဲ့ အတွက်နေအိမ်တွေမှာရှိတဲ့ သက်ကြီးရွယ်အိုတွေကို ချော်မလဲအောင် အရိုးမကျိုးအောင် ဂရုစိုက်ကြဖို့လိုတယ်လို့ ဆိုပါတယ်’’ စမ်းချောင်းမြို့နယ် အရန်မီးသတ်တပ်ဖွဲ့မှ တာဝန်ရှိသူတစ်ဦး
Yangon_Times/tthl
#Local_News
#Published_ 19 September 2023
#YMG #Yangon_Times #Yangon_Media_Group

Published_ 19 September 2023

ကိုရီးယားကုမ္ပဏီ(၂၀၀)ခန့်ပါဝင်မည့်‘ကိုရီးယားအစားအစာပြပွဲ’မြန်မာတွင် လာရောက်ကျင်းပရန်ရှိကြောင်း ကုန်သည်စက်မှုအသင်းချုပ်မှသိရသည်။

ယင်းကဲ့သို့ ‘ကိုးရီးယားအစားအစာပြပွဲ’မြန်မာနိုင်ငံတွင်ကျင်းပနိုင်ရန် CMS KOREAမှ ကိုယ်စားလှယ်နှင့် အဖွဲ့ဝင်များသည် စက်တင်ဘာလ ၁၈ရက်တွင်ကုန်သည်စက်မှုအသင်းချုပ်မှတာဝန်ရှိသူများနှင့်တွေ့ဆုံဆွေး နွေးခဲ့သည်ဟုဆိုသည်။

အဆိုပါပြပွဲကို၂၀၂၄ခုနှစ် မတ်လ(၂၄)ရက်တွင် ကုန်သည်စက်မှုအသင်းချုပ်နှင့်ပူးပေါင်းပြီး ကိုရီးယားအစားအစာ ပြပွဲကိုကျင်းပပြုလုပ်သွားမည်ဖြစ်ပြီး ယခုနှစ်ဒီဇင်ဘာလတွင် ကိုရီးယားနိုင်ငံ၊ Chungjiမြို့ ၊ပြည်နယ်အစိုးရ ကိုယ်စားလှယ်များဦးဆောင်ကာ ကုန်သည်စက်မှုအသင်းချုပ်တာဝန်ရှိသူများနှင့်ပြပွဲကျင်းပနိုင်ရေးတွေ့ဆုံ ဆွေးနွေးကြမည်ဖြစ်သည်။

ပြပွဲကို ကိုရီးယားကုမ္ပဏီ(၂၀၀)ခန့်ဖိတ်ခေါ်ကျင်းပသွားမည်ဖြစ်ကြောင်း၊ယခုလာရောက်တွေ့ဆုံမှုသည် အစား အစာပြပွဲကိုကျင်းပရန်အတွက်ပမာဏလာရောက်ဆွေးနွေးခြင်းဖြစ်ကြောင်းနှင့် ကိုရီးယားအစားအစာပြပွဲ ကျင်းပနိုင်အောင် သက်ဆိုင်ရာဌာနများ၊အဖွဲ့အစည်းများနှင့်ချိတ်ဆက်ဆောင်ရွက်နိုင်ရေးဆွေးနွေးခဲ့ကြောင်း ဖော်ပြထားသည်။
Yangon_Times/tthl
#Local_News
#YMG #Yangon_Times #Yangon_Media_Group

အခုရက်ပိုင်းအတွင်း ရန်ကုန်အပါအဝင် ဒေသ(၅)ခုတွင် မိုးကြီးမည်

‘မုတ်သုန်အားကောင်းပြီး လေဖိအားနည်းရပ်ဝန်းလည်း ဖြစ်ပေါ်နိုင်လို့ လာမယ့်နှစ်ရက်အတွင်း ရန်ကုန်တိုင်း၊ ဧရာဝတီတိုင်း၊ ကချင်ပြည်နယ်၊ ချင်းပြည်နယ်နဲ့ ရခိုင်ပြည်နယ်တို့မှာ နေရာကွက်ပြီး မိုးကြီးနိုင်ပါတယ်’မိုးလေဝသနှင့် ဇလဗေဒညွှန်ကြားမှုဦးစီးဌာန
Yangon_Times/tthl
#Local_News
#Published_ 19 September 2023
#YMG #Yangon_Times #Yangon_Media_Group