Published-5 October2023

လူမှုဖူလုံရေးအာမခံလုပ်သားများအတွက် ရွေ့လျားဆေးကုသယာဉ်များ အသုံးပြုကာ Provider Purchaser Split စနစ်ဖြင့် ကျန်းမာရေးဝန်ဆောင်မှုများဆောင်ရွက်လျက်ရှိရာ ပူးပေါင်းဆောင်ရွက်လိုသည့် ပုဂ္ဂလိကဆေးရုံ၊ ဆေးခန်းများကို လူမှုဖူလုံရေးအဖွဲ့က ဖိတ်ခေါ်ထားသည်။

အလုပ်သမားဝန်ကြီးဌာန၊ လူမှုဖူလုံရေးအဖွဲ့က ယနေ့ (အောက်တိုဘာလ ၄ ရက်)ထုတ် နိုင်ငံပိုင်သတင်းစာမှတဆင့် အထက်ပါကဲ့သို့ အသိပေးထုတ်ပြန်ထားပြီးလူမှုဖူလုံရေးအဖွဲ့အနေဖြင့် အကျုံးဝင်အာမခံအလုပ်သမားများ၏ ကျန်းမာရေးစောင့်ရှောက် မှုကို ပုဂ္ဂလိကကဏ္ဍဖြင့် ပူးပေါင်းဆောင်ရွက်လျက်ရှိကြောင်း သိရသည်။

ထို့ကြောင့် အဆိုပါ အာမခံအလုပ်သမားများ၏ ကျန်းမာရေးဝန်ဆောင်မှုရယူရန် ခက်ခဲသည့်နေရာဒေသများ၊ ဝန်ဆောင်မှုလိုအပ်ချက်ရှိသည့် နေရာဒေသများနှင့် အလုပ်ဌာနများအရောက် ကျန်းမာရေးစောင့်ရှောက်မှုပေးခြင်းကို ရွေ့လျားဆေးကုသယာဉ် Mobile Medical Unit အသုံးပြုကာ Provider Purchaser Split စနစ်ဖြင့် ဆောင်ရွက်နေကြောင်း သိရသည်။

ထိုသို့ဆောင်ရွက်နေရာ လူမှုဖူလုံရေးအဖွဲ့မှ ရေးဆွဲပေးသောခရီးစဉ်အား သတ်မှတ်ချက် များနှင့်အညီ ပူး‌ပေါင်းဆောင်ရွက်နိုင်သည့် ဆေးကုသခွင့်လိုင်စင်၊ ဓာတ်ခွဲခန်းလိုင်စင်ရှိသောလုပ်ငန်းအတွေ့အကြုံရှိသည့် ပုဂ္ဂလိကဆေးကုသမှုဝန်ဆောင်မှုပေးသူများအား ပူးပေါင်းဆောင်ရွက်ရန် ဖိတ်ခေါ်လျက်ရှိကြောင်း သိရသည်။

Provider Purchaser Split စနစ်ဖြင့် ပူးပေါင်းဆောင်ရွက်လိုသည့် ဆေးရုံ၊ ဆေးခန်းများသည် မြင်းခြံ ၊ ဒိုက်ဦး ၊ ကောလင်း ၊ ကသာ ၊ စစ်ကိုင်း ၊ ကလေး ၊ ဆားလင်းကြီး ၊ ဝါးခယ်မ ၊ မြန်အောင် ၊ ပုသိမ် ၊ ထုံးဘို ၊ ဘိုကလေး ၊ ဟင်္သာတ၊ ကြံခင်း ၊ မောင်းမြ၊ မော်လမြိုင်ကျွန်းမြို့နယ် နှင့် လွိုင်ကော်မြို့နယ်တို့ရှိ မြို့နယ်လူမှုဖူလုံရေးရုံးများတွင် ဆက်သွယ်လျှောက်ထားနိုင်ကြောင်း သိရသည်။
Yangon_Times/PP
#Local_News
#YMG #Yangon_Times #Yangon_Media_Group

#Published_ 05 October 2023

မွန်ပြည်နယ် ရှိ ဆံတော်ရှင် ကျိုက်ထီးရိုးစေတီ သို့ သီတင်းကျွှတ် ရုံးပိတ် ရက်များတွင် သွားရောက် ရန် ကျိူက်ထီးရိုးတောင်ပေါ်ရှိ တည်းခိုဆောင်များနှင့် ထမင်းဆိုင်များထံ အခြေနေ စုံစမ်းမှုများ သာ ရှိပြီး ကြိုတင် ဘိုကင်တင်သူ မရှိသေးကြောင်း သိရသည်။

လမ်းပန်းဆက်သွယ်ရေးနှင့် ကျိုက်ထီးရိုးတောင်ပေါ် အခြေနေ တို့ ကို ဖုန်းဖြင့် ဆက်သွယ်မေးမြန်း ကျသူများ အခုရက် ပိုင်းတွင် များလျက်ရှိနေကြောင်း သိရသည်။

'' ဖုန်းနဲ့တော့ လှမ်းမေးကျတယ်၊ ကားလမ်းအခြေနေတို့ ကေဘယ် ကော ဖွင့်လားတို့ တည်းခ ဘယ်လောက် လဲ တို့ မေးကျတယ်၊ဒါပေမယ့် ဘယ်နေ့ လာပါမယ် အခန်း ဘိုကင်တင်ပါတယ်ဆိုတာတော့ မရှိသေးဘူး ၊တည်းခိုခန်းတွေကတော့ အဆောင်သန့်ရှင်းရေးတွေ ပြုပြင်တာတွေတော့ လုပ်နေတယ် ''ဟု တိသာဆောင် အဆင့်မြင့်တည်းခိုခန်း မှ တာဝန်ရှိသူက ပြောသည်။

လက်ရှိတွင် ကျိူက်ထီးရိုးတောင်ပေါ်သို့ လာရောက်သည့် ဘုရားဖူး ဧည့်သည် တစ်ရက်လျှင်၅၀ မှ ၁၀၀ကြားသာ ရှိပြီး ပြည်တွင်း ဧည့်သည်သာ ပိုများ ကြောင်း သိရသည်။

ကျိုက်ထီးရိုး တောင်တတ်ကားများ မှာ နေ့စဉ် ပြေးဆွဲလျက်ရှိပြီး ကေဘယ်ကားလိုင်းများ ကိုတော့ လက်ရှိမှာ ပြေးဆွဲမှု ရပ်နားထားကာ လာမည့် သီတင်းကျွတ်ရုံးပိတ်ရက်များ တွင် ပြန်လည်ပြေးဆွဲ မည် ဖြစ်ကြောင်း သိရသည်။
Yangon_Times/LW
#Local_News
#YMG #Yangon_Times #Yangon_Media_Group

စက်သုံးဆီဈေးများ ဆက်တိုက်ကျလာပြီး ရန်ကုန်ဈေးကွက်တွင် 92 တစ်လီတာ ကျပ် ၂၀၀၀အောက်သို့ ပြန်ရောက်

ယခုအောက်တိုဘာ လဆန်းပိုင်းကစပြီး စက်သုံးဆီ ဈေးနှုန်းများနေ့စဉ် အနည်းငယ်စီပြန်ကျလာရာ အောက်တိုဘာ ၅ ရက်မှာတော့ 92 တစ်လီတာကို ရန်ကုန်ဈေးကွက် ၁၉၉၀ ကျပ် ထိ ဈေးပြန်ကျလာတယ်လို့ သိရပါတယ်။
Yangon_Times/LW
#Local_News
#Published_ 05 October 2023
#YMG #Yangon_Times #Yangon_Media_Group

ဗိုလ်တထောင်စေတီတွင် အဘိဓမ္မာအခါတော်နေ့နှင့် ဆီမီး(၉၀၀၀)ပူဇော်ပွဲပြုလုပ်မည်

‘သီတင်းကျွတ်လပြည့်နေ့ အဘိဓမ္မာအခါတော်နေ့အခမ်းအနားကို မနက်၅နာရီအချိန်မှာ အာရုဏ် ဆွမ်း(ပန်း၊ရေချမ်း၊ဆီမီး)ဆက်ကပ်လှူဒါန်းမှာ ဖြစ်ပါတယ်။ သီတင်းကျွတ်လပြည့်နေ့ ဆီမီးပူဇော်ပွဲကို ညနေ(၅) နာရီခွဲအချိန်မှာဆီမီး(၉၀၀၀)နဲ့ ထွန်းညှိပူဇော်ကျင်းပမှာဖြစ်ပြီး ရဟန်းရှင်လူပြည်သူတွေကို ကုသိုလ်ယူပူးပေါင်း ဆောင်ရွက်နိုင်တယ်’ဗိုလ်တထောင်စေတီတော်ဂေါပကအဖွဲ့
Yangon_Times/tthl
#Local_News
#Published_ 05 October 2023
#YMG #Yangon_Times #Yangon_Media_Group

Published_ 05 October 2023

စင်ကာပူတွင်ကျင်းပသည့် HALL OF FAME Singapore 2023 (HOFS Award)ပွဲကြီးတွင် မြန်မာနိုင်ငံမှ သရုပ်ဆောင်၊မော်ဒယ်ပိုင်တံခွန်The Iconic Figure of Social Media Awardဆုဆွတ်ခူးခဲ့ကြောင်းသိရသည်။

အဆိုပါပွဲသို့ နိုင်ငံတကာမှနာမည်ကြီး အနုပညာရှင်များလည်းတက်ရောက်ခဲ့ပြီး မြန်မာအနုပညာရှင်၊ ထိုင်းနိုင်ငံ အနုပညာရှင်အပါအဝင် HOFS Awardဆုရရှိခဲ့သူစုစုပေါင်း(၉)ဦးရှိခဲ့သည်။

အခမ်းအနားတွင်ပိုင်တံခွန်က‘‘ ကျွန်တော့်အနေနဲ့ဒီHOFS Awardပွဲကြီးမှာ The Iconic Figure of Social Media Award၂၀၂၃ဆုကို မြန်မာcelebityတစ်ယောက်အနေနဲ့ ပထမဦးဆုံးရရှိတဲ့အတွက် ဝမ်းသာဂုဏ်ယူမိပါတယ်။

ကျွန်တော့်ကိုဖိတ်ခေါ်တဲ့သူတွေ၊ဆုရရှိရေးအတွက်ဆောင်ရွက်ပေးသူတွေနဲ့ ကျွန်တော့်ရဲ့ ပရိတ်သတ် fanတွေ၊ မိသားစုဝင်တွေနဲ့ supportပေးသူတွေကိုကျေးဇူးတင်ပါတယ်။

သူတို့ရဲ့ အားပေးမှု၊ချစ်ခင်မှု၊voteပေးမှု တွေမရှိဘူးဆိုရင် ဒီလိုမျိုးရလာဒ်ကောင်းတွေရလာဖို့မဖြစ်နိုင်ပါဘူး။

ဒီဆုရရှိတာဟာ မြန်မာcelebityတွေဟာ အခြားနိုင်ငံသားတွေလိုပဲလုပ်ဆောင်နိုင်တယ်ဆိုတာကိုပြသနိုင်ခဲ့တာဖြစ်ပါတယ်’’ဟု ပိုင်တံခွန်က အင်္ဂလိပ်ဘာသာဖြင့် ဆုယူစဉ်ပြောကြားခဲ့သည်။
Yangon_Times/tthl
#Local_News
#Published_ 05 October 2023
#YMG #Yangon_Times #Yangon_Media_Group

Published_ 05 October 2023

တရုတ်နိုင်ငံ၊ဟန်ကျိုးမှာကျင်းပနေသည့် အာရှအားကစားပြိုင်ပွဲတွင် မြန်မာလှေလှော်အသင်း(အမျိုးသမီး)သည် ရိုးရာလှေ (နဂါးလှေ)မီတာ၅၀၀ပြိုင်ပွဲတွင်ကြေးတံဆိပ်ဆုရရှိခဲ့ကြောင်း မြန်မာနိုင်ငံလှေလှော်အဖွဲ့ချုပ် နှင့်အားကစားနှင့်လူငယ်ရေးရာဝန်ကြီးဌာနမှသိရသည်။

အဆိုပါပြိုင်ပွဲတွင် ပထမဆုတရုတ်၊ဒုတိယဆုအင်ဒိုနီးရှားနှင့် တတိယဆုကြေးတံဆိပ်ကို မြန်မာနိုင်ငံမှထိုက် ထိုက်တန်တန်ရရှိခဲ့ခြင်းဖြစ်သည်။

မြန်မာလှေလှော်အသင်းသည် အာရှအားကစားပြိုင်ပွဲတွင် ရိုးရာလှေ(နဂါးလှေ)အားကစားနည်းဖြင့် မီတာ၂၀၀အမျိုး သားပြိုင်ပွဲ၊ အမျိုးသမီးပြိုင်ပွဲ၊ မီတာ၅၀၀အမျိုးသားပြိုင်ပွဲ၊အမျိုးသမီးပြိုင်ပွဲနဲ့ မီတာ၁၀၀၀အမျိုးသားပြိုင်ပွဲ၊ အမျိုးသမီး ပြိုင်ပွဲများကို ပါဝင်ယှဉ်ပြိုင်နေခြင်းဖြစ်ပြီး မီတာ၂၀၀ပြိုင်ပွဲများတွင် စတုတ္ထနေရာဖြင့်သာကျေနပ်ရပြီးယခုမီတာ၅၀၀ပွဲမှ ကြေးတံဆိပ်ဆုရရှိခဲ့ခြင်းဖြစ်ကြောင်းသိရသည်။
Yangon_Time/tthl
#Local_News
#YMG #Yangon_Times #Yangon_Media_Group

Published 05 October 2023

တူရကီတပ်တွေဟာ အီရတ်ပိုင်နယ်မြေထဲက တရားမဝင် ကာဒစ္စတန်အလုပ်သမားပါတီ (PKK) ချုပ်ကိုင်ထားတဲ့ နေရာတွေကို လေကြောင်းကနေ လက်စားချေတိုက်ခိုက်ခဲ့ကြောင်း တူရကီနိုင်ငံခြားရေးဝန်ကြီး ဟာကန်ဖိုင်ဒန်က ဗုဒ္ဓဟူးနေ့မှာ ကြေညာလိုက်ပါတယ်။

PKK  အဖွဲ့ဟာ တနင်္ဂနွေနေ့က တူရကီမြို့တော် အန်ကာရာမှာ ဗုံးတိုက်ခိုက်မှုတစ်ခု ပြုလုပ်ခဲ့တယ်လို့ ဝန်ခံထားတာ ဖြစ်ပါတယ်။

ထိုနေ့က တူရကီ ပြည်ထဲရေးဝန်ကြီးဌာနကို ပစ်မှတ်ထား တိုက်ခိုက်ခဲ့တာ ဖြစ်ပါတယ်။

တိုက်ခိုက်ရေးသမားတစ်ဦးက အသေခံဖောက်ခွဲခဲ့ပြီး လုံခြုံရေးအရာရှိ ၂ ဦး ဒဏ်ရာရရှိခဲ့ကာ နောက်တစ်ဦးကတော့ ရဲတွေနဲ့ ပစ်ခတ်စဥ် သေဆုံးသွားခဲ့ပါတယ်။

အဲဒီနောက် အာဏာပိုင်များဟာ အီရတ်နဲ့ ဆီးရီးယားကြား နယ်စပ် ကာဒစ်ရှ်လူမျိုးအများစု ရှိနေတဲ့ တူရကီအရှေ့တောင်ပိုင်းမှာ သံသယရှိသူ ဒါဇင်ခန့်ကို ဖမ်းဆီးထိန်းသိမ်းထားပါတယ်။

အီရတ်နိုင်ငံတွင်းရှိ PKK တည်ရှိတဲ့နေရာတွေကို တူရကီတိုက်လေယာဥ်များက လေကြောင်းတိုက်ခိုက်မှု ၂ ကြိမ် ပြုလုပ်ခဲ့တယ်လို့ ဖိုင်ဒန်က ရုပ်သံအစီအစဥ်မှာ ပြောကြားသွားပါတယ်။

‘’အခုအချိန်ကစပြီး အီရတ်နဲ့ ဆီးရီးယားတို့မှာရှိတဲ့ PKK ၊ YPG (PKK နဲ့ဆက်စပ်နေတဲ့ ကာဒစ်ရှ်စစ်သွေးကြွအဖွဲ့)တို့ရဲ့ အခြေခံအဆောက်အအုံတွေ၊ စက်ရုံကြီးတွေ၊ စွမ်းအင်အဆောက်အအုံတွေ အားလုံးဟာ တူရကီလုံခြုံရေးအဖွဲ့တွေရဲ့ တရားဝင်ပစ်မှတ်ဖြစ်လာပါပြီ။

အကြမ်းဖက် တိုက်ခိုက်ခံရမှုအတွက် ကျွန်တော်တို့ရဲ့ လက်နက်ကိုင်တပ်တွေက ပြတ်ပြတ်သားသား တုန့်ပြန်သွားမှာဖြစ်ပြီး PKK အဖွဲ့ နောင်တရစေရပါမယ်။

အခြားသော ကြားနေပါတီများအနေဖြင့် ထိုအဆောက်အအုံတွေထံကနေ ရှောင်ရှားနေကြဖို့ တိုက်တွန်းလိုက်ပါတယ်’’ လို့ ပြောကြားသွားပါတယ်။

တနင်္ဂနွေနေ့ တိုက်ခိုက်ခံရပြီး နာရီပိုင်းအကြာမှာပဲ တူရကီက တိုက်ခိုက်ခဲ့သလို ဗုဒ္ဓဟူးနေ့မှာလည်း ထပ်မံတိုက်ခိုက်ခဲ့ရာ PKK စစ်သွေးကြွ အများအပြားကို ရှင်းလင်းနိုင်ခဲ့ပါတယ်။

မနှစ်က အစ္စတန်ဘူလ်မှာ လူ ၆ ယောက်သေစေခဲ့တဲ့ ဗုံးတိုက်ခိုက်မှုမှာ နောက်ကွယ်ကပါဝင်ခဲ့တယ်လို့ သံသယရှိသူ ကာဒစ်ရှ်စစ်သွေးကြွတစ်ဦးလည်း သေဆုံးခဲ့ကြောင်း ဆီးရီးယားရှိ တူရကီ ထောက်လှမ်းရေးအေးဂျင့်များက သတင်းပို့ထားပါတယ်။

သံသယရှိသူ ကာဒစ်ရှ်စစ်သွေးကြွ ၂ ဦးဟာ ဆီးရီးယားကနေ ဖြတ်သန်းဝင်ရောက်လာတယ်လို့ တူရကီ ထောက်လှမ်းရေးက အခိုင်အမာဆိုထားပေမယ့် အမေရိကန် ကျောထောက်နောက်ခံပြု ဆီးရီးယား ဒီမိုကရက်တစ်တပ် (SDF)မှ မက်ဇ်လွန်းမ်အက်ဘ်ဒီက စစ်သွေးကြွတွေဟာ ဆီးရီးယားကနေ မဖြတ်သွားဘူးလို့ ငြင်းဆိုထားပါတယ်။

တူရကီဟာ ဆီးရီးယားဘက်ကို တရားဝင် စစ်ရေးတိုက်ခိုက်မှုများ ပြုလုပ်လာနိုင်အောင် အကြောင်းပြချက်များ ရှာနေတာဖြစ်ပြီး အဆောက်အအုံ စက်ရုံတွေ၊ သယံဇာတရင်းမြစ်တွေ၊ လူနေထိုင်တဲ့မြို့တွေကို ပစ်မှတ်ထားတာဟာ စစ်ရာဇဝတ်တစ်ခု ဖြစ်တယ်လို့ ဆိုပါတယ်။

တူရကီ၊ အမေရိကန်၊ ဥရောပသမဂ္ဂတို့မှ အကြမ်းဖက် အဖွဲ့အစည်းလို့ သတ်မှတ်ထားတဲ့ PKK ဟာ ဆယ်စုနှစ်တွေကြာအောင် တူရကီကို ဖီဆန်နေတာဖြစ်ပြီး ၁၉၈၄ ခုနှစ်ကတည်းက လူပေါင်းသောင်းချီ သေဆုံးပျက်စီးစေခဲ့ပါတယ်။
Source: DW.
#World_News
#YMG #Yangon_Times #Yangon_Media_Group

Published 05 October 2023

ကင်ဆာကြောင့် သေဆုံးမှုနှုန်းကို ၅၀ ရာခိုင်နှုန်းလောက် လျှော့ချနိုင်မယ့် ပစ္စည်းထည့်သွင်းကုသနည်းအတွက် ဒေါ်လာ ၄၅ သန်းရန်ပုံငွေရရှိထားကာ ကင်ဆာကုသခြင်းက အလွန်လွယ်ကူလာတော့မှာ ဖြစ်ကြောင်း ရိုက်စ်တက္ကသိုလ်မှ သိပ္ပံပညာရှင်အဖွဲ့က ဆိုပါတယ်။

ခက်ခဲစွာကုသနေရတဲ့ ကင်ဆာကုသနည်းလမ်းများ တိုးတက်လာစေရန် ရည်ရွယ်ကာ အာရုံခံတုန့်ပြန်ဆောင်ရွက်ပေးတဲ့ ထည့်သွင်းပစ္စည်း နည်းပညာ ထုတ်လုပ်ဖန်တီးနိုင်ရန်အတွက် Advanced Research Projects Agency for Health မှ အကုန်အကျခံထားတာ ဖြစ်ပါတယ်။

ဆေးရုံကုတင်တွေမှာ အကြောဆေးသွင်းတာတွေ၊ ပစ္စည်းကိရိယာများဖြင့် စောင့်ကြည့်တာတွေ လုပ်မယ့်အစား ပစ္စည်းလေးတစ်ခုကို ထည့်သွင်းကာ ကင်ဆာကို အဆက်မပြတ် စောင့်ကြည့်နိုင်ပြီး ဆေးပမာဏကို တကယ့်လက်တွေ့ ထိန်းညှိပေးနိုင်မှာဖြစ်ကြောင်း ရိုက်စ်မှ ဇီဝအင်ဂျင်နီယာ အိုမစ်ဗီ့ရှ်က ပြောပြခဲ့ပါတယ်။

၃ လက်မခန့်သာရှိတဲ့ ပစ္စည်းလေးက ကိုယ်ခံအားကုသဆေးတွေကို သတ်မှတ်ထားတဲ့ အချိန်အတိုင်း ပြည့်မီအောင် ပေးစွမ်းနိုင်မှာဖြစ်ပြီး ကြိုးမဲ့စနစ်ဖြင့် ထိန်းချုပ်နိုင်မှာ ဖြစ်ပါတယ်။

ထည့်သွင်းပစ္စည်းကို အချိန်တိုအတွင်းသာ အသုံးပြုနိုင်ရန်နဲ့ ရက် ၆၀ လောက်ဖြင့် ကင်ဆာကို အမြစ်ပြတ်ကုသနိုင်ရန် သိပ္ပံပညာရှင်များ မျှော်မှန်းထားကြပါတယ်။

ဒီနည်းပညာက ကိုယ်တွင်းအင်္ဂါကင်ဆာမျိုးတွေမှာပါ ကျယ်ပြန့်စွာ အသုံးပြုနိုင်မှာဖြစ်ပါတယ်။

ထည့်သွင်းပစ္စည်းရဲ့ ထိရောက်မှုကို မျိုးဥအိမ်ကင်ဆာ ပြန်လည်ဖြစ်ပွားခြင်းမှာ ပထမဆုံးစမ်းသပ်သွားမှာ ဖြစ်ပြီး လူသားဖြင့် စမ်းသပ်မှုတွေကို ၅ နှစ်အတွင်း ပြုလုပ်သွားမှာ ဖြစ်ပါတယ်။

ပြီးခဲ့တဲ့နှစ်က ထိုပစ္စည်းကို ကြွက်များဖြင့်စမ်းသပ်ခဲ့ရာမှာ သားဥအိမ်ကင်ဆာနဲ့ အူမကြီးကင်ဆာ နောက်ပိုင်းအဆင့်တွေကို ၆ ရက်အတွင်း ပျောက်ကင်းစေခဲ့ပါတယ်။
Source: New York Post.
#World_Health
#YMG #Yangon_Times #Yangon_Media_Group

Published_ 05 October 2023

တာတွေမြို့နယ် ကျောက်မြောင်း အထက်ရပ်ကွက်၊ သြဘာလမ်းနှင့် ဒဂုံသီရိလမ်းထောင့်ရှိ 1 Stop Mart ဆိုင် ကို အောက်တိုဘာ ၄ရက် ညနေ ပိုင်းက အသက် မပြည့်သေးသည့် လူငယ်လေးဦး မှ ဓါးပြတိုက်မှု ဖြစ်ပွားခဲ့ကြောင်း အနီးနားရှိ ပြည်သူတွေထံ က သိရသည်။

အဆိုပါ လူငယ် လေးယောက် သည် အောက်တိုဘာ ၄ ရက် ညနေ ၆ နာရီ ၁၅ မိနစ်အချိန် ခန့်တွင် ဓားများ ကိုင်ဆောင်လာပြီး ဆိုင်အတွင်း သို့ ဝင်ရောက် လုယက်ရာတွင် 1 Stop Mart Control Center က ရဲစခန်းဆီ ဖုန်းဆက်အကြောင်းကြားတာကြောင့် လုံခြုံရေးတပ်ဖွဲ့ ရောက်ရှိလာချိန် တွင်ဆိုင်ဝန်ထမ်းအမျိုးသမီး များ ကို လည်ပင်းဓားထောက်ဓားစာခံ ပြုလုပ်ပြီး လွတ်မြောက်ရန် ကြိုးပမ်း သော်လည်း လုံခြုံရေးတပ်ဖွဲ့နဲ့ ပြည်သူအချို့ က ဝိုင်းဝန်း ဖမ်းဆီးပေးတာကြောင့် သုံးဦး ကို ဖမ်းဆီး ရမိခဲ့ကြောင်း သိရသည်။

'' သြဘာလမ်း က 1 Stop Mart မှာ ဓါးပြ တိုက် ခံရတာ ဟုတ်တယ်၊အခု ဓါးပြတိုက်တဲ့ ကောင်လေးတွေပဲ အဲ့ ဆိုင် ကို ပထမ တစ်ခေါက်က လာပြီး ဆိုင်က ပစ္စည်းတွေ ယူသွားတယ်၊အဲ့တုန်းက မမိ လိုက်ဘူး၊အခု ဒုတိယ တစ်ခေါက်မှာ ဖမ်းမိတာပါ၊ဝန်ထမ်း အစ်မကတော့ ထိခိုက်ဒဏ်ရာ ကြီးကြီးမားမား ရတာ တော့ မရှိဘူး၊ ကျောက်မြောင်းက 1 Stop Mart မှာ ခိုးတဲ့ သူတွေလည်း မကြာခဏ မိတယ်''ဟု ကျောက်မြောင်း ကျားကွက်သစ်လမ်းရှိ 1 Stop Mart ဆိုင်မှ ဝန်ထမ်းတစ်ဦး က ပြောသည်။

ဖမ်းဆီးရမိသူများမှာ တာမွေ မြို့နယ်ထဲမှ ဖြစ်ပြီး သီဟဝင်း (၁၅ နှစ်)၊ ကောင်းခန့်ဖြိုး (၁၅ နှစ်)နဲ့ လမင်းအောင် (၁၅ နှစ်) တို့ သုံးဦးဖြစ်ကာ တစ်ဦးကထွက်ပြေးလွတ်မြောက်လျက်ရှိကြောင် သိရသည်။

အဆိုပါ ဓါးပြ တိုက်ခံ ရမှု နှင့် ပက်သက်ပြီး သက်ဆိုင်ရာမှ စစ်ဆေးမှုများ ပြုလုပ်လျက်ရှိကာ ထွက်ပြေး လွတ်မြောက်သွားသူ ကိုလဲ လိုက်လံ ရှာဖွေဖမ်းဆီးနိုင်ရန် ဆောင်ရွက်နေကြောင်း သိရသည်။
Yangon Time/LW
#Local_News
#YMG #Yangon_Times #Yangon_Media_Group

Published_ 05 October 2023

မြန်မာ့လက်ရွေးစင်ဘောလုံးအသင်းသည် မကာအိုလက်ရွေးစင်အသင်းနှင့် ယှဉ်ပြိုင်ကစားမည့် ကမ္ဘာ့ဖလား ခြေစစ်ပွဲစဉ်(ပထမအဆင့်) အတွက် စုစည်းလေ့ကျင့်မှု များကို လာမည့် အောက်တိုဘာ (၇) ရက်တွင် စတင်ပြုလုပ်မည်ဖြစ်ကြောင်း မြန်မာနိုင်ငံ ဘောလုံးအဖွဲ့ချုပ်က ထုတ်ပြန်ထားပါတယ်။

နည်းပြချုပ် မိုက်ကယ်၏ ပဏာမလက်ရွေးစင်အသင်းလူစာရင်းသည် ပြီးခဲ့သည့် စက်တင်ဘာလအတွင်း ယှဉ်ပြိုင်ကစားခဲ့သည့် နီပေါအသင်း နှင့် နိုင်ငံတကာ ခြေစမ်းပွဲ စဉ်မှ လူစာရင်းကို အခြေခံရွေးချယ်ထားပြီး အာရှအားကစားပြိုင်ပွဲဝင်ရောက် ယှဉ်ပြိုင်ခဲ့ သည့် ယူ-၂၄ အသင်းမှ လူငယ်ကစားသမားများနှင့် ပေါင်းစပ်ဖွဲ့စည်းထားပါတယ်။

မြန်မာနေရှင်နယ်လိဂ်တွင် ခြေစွမ်းပြသနေတဲ့ ဟံသာဝတီယူနိုက်တက်တိုက်စစ်မှူး အောင်မြတ်သူ လည်း ပဏာမလက်ရွေးစင်လူစာရင်းတွင် ပါဝင်လာခဲ့ပါတယ်။

2026 FIFA World Cup qualification ကမ္ဘာ့ဖလားခြေစစ်ပွဲ ပထမအဆင့် ပွဲစဉ်အဖြစ် မြန်မာ့လက်ရွေးစင်အသင်းနှင့် မကာအို လက်ရွေးစင်အသင်းတို့သည် အောက်တိုဘာ ၁၂ ရက် (အိမ်ကွင်း) နှင့် အောက်တိုဘာ ၁၇ရက် (အဝေးကွင်း) တို့တွင် ယှဉ်ပြိုင်ကစားကြမှာ ဖြစ်ပါတယ်။
ygm_mnn
#local_sport
#YMG #Yangon_Media_Group

Published 05 October 2023

ခြေချောင်းများကြားနဲ့ နားရွက်အနောက်တို့ကို ပွတ်တိုက်ဆေးကြောခြင်းဖြင့် ထိုနေရာတဝိုက်ရှိ အရေပြားကို ကျန်းမာစေကြောင်း ဂျော့ဂျ်ဝါရှင်တန်တက္ကသိုလ်မှ လေ့လာစမ်းသပ်ခဲ့ပါတယ်။

လူ့အရေပြားပေါ်မှာ နေထိုင်တဲ့ အဏုဇီဝပိုးမွှားများက ခြောက်သွေ့၊ စိုစွတ်၊ အဆီပြန်တဲ့ အရေပြားနေရာတွေမှာ ကွဲပြားစွာ အသက်ရှင်နေထိုင်ကြပါတယ်။

အရေပြားဆိုတဲ့ အင်္ဂါက ခန္ဓာကိုယ်ကို ရုပ်ပိုင်းဆိုင်ရာအရ ကာကွယ်ပေးသလို ရောဂါခုခံရာတံတိုင်းအဖြစ်လည်း လုပ်ဆောင်ပါတယ်။

ထိခိုက်ဒဏ်ရာတွေနဲ့ ပိုးမွှားကူးစက်မှုတို့ကို လျှော့ချပေးတဲ့အပြင် ရေဓာတ်ဆုံးရှုံးမှုမှ ကာကွယ်ပေးခြင်း၊ အပူချိန်ထိန်းညှိပေးခြင်း၊ ဗိုက်တာမင်ဒီ ထုတ်လုပ်ခြင်းတို့လည်း ဆောင်ရွက်ပေးပါတယ်။

သက်ကြီးရွယ်အို အဖိုးအဖွားတွေက နားရွက်အနောက်နေရာတွေ၊ ခြေချောင်းကြားတွေ၊ ချက်နေရာတို့ကို ပွတ်တိုက်ပေးဖို့ ပြောကြားလေ့ရှိကြပါတယ်။

ဒါဟာ ထိရောက်မှုရှိမရှိ သိရှိနိုင်ရန် ကွန်ပျူတာဆိုင်ရာ ဇီဝတက္ကသိုလ်မှ ညွှန်ကြားရေးမှူး ပရော်ဖက်ဆာ ကိသ်ခရန်ဒေါလ်နဲ့ အဖွဲ့က ကျောင်းသားကျောင်းသူများဖြင့် စမ်းသပ်ခဲ့ကြပါတယ်။

ဘွဲ့ရဘွဲ့ကြို ကျောင်းသား ၁၂၉ ဦးတို့ကို ထိုခန္ဓာကိုယ်နေရာများကနေ တို့ဖတ်စယူခိုင်းခဲ့တဲ့အပြင် ခြေသလုံးနဲ့ လက်တို့မှလည်း တို့ဖတ်စယူခိုင်းခဲ့ပါတယ်။

လက်ဖျံနဲ့ ခြေသလုံးတို့ဟာ ရေချိုးတဲ့အချိန်မှာ ပွတ်တိုက်မှု ပိုများတာကြောင့် ထိုနေရာများမှ အဏုဇီဝသက်ရှိပိုးမွှားများဟာ ပိုမိုကျန်းမာနေပါတယ်။

အဏုဇီဝသက်ရှိတွေက ကျန်းမာမှုမရှိဘဲ ပျက်စီးတဲ့ဘက် ရောက်လာတယ်ဆိုရင် အရေပြားရောဂါများ ဖြစ်လာနိုင်ပါတယ်။

သေချာစွာ ဆေးကြောသန့်ရှင်းခြင်းဖြင့် အရေပြားပေါ်မှ ပိုးမွှားများ ကျန်းမာလာနိုင်ကာ မိမိရဲ့ အရေပြားကျန်းမာရေးလည်း တိုးတက်လာနိုင်မယ်လို့ ခရန်ဒေါလ်က အကြံပြုခဲ့ပါတယ်။

ဒီသုတေသနက အရေပြားပေါ်မှ အဏုဇီဝသက်ရှိတွေကို လေ့လာတာ ပထမဆုံးဖြစ်ကြောင်းလည်း ပြောပြသွားပါတယ်။  
Source: The Jerusalem Post
#World_Health
#YMG #Yangon_Times #Yangon_Media_Group

စာအုပ်ပေါင်း  ၅ ထောင်ကျော် စုစည်းတင်ပြထားတဲ့ ကမ္ဘာ့အကြီးဆုံး ရေပေါ်စာအုပ်အရောင်းပွဲကို ကင်ညာဆိပ်ကမ်းမြို့ မွမ်ဘာဆာမှာ ပြီးခဲ့တဲ့ ရက်သတ္တပတ် ၇ ပတ်လုံး ကမ်းကပ်ပြသထားပြီး စာပေဝါသနာရှင်များ အတွက်တော့ လေ့လာသင်ယူရန် အခွင့်အလမ်းကောင်း ဖြစ်နေပါတယ်။
#World_Literature
#Published_ 4 October 2023
#YMG #Yangon_Times #Yangon_Media_Group