ဒေဝကဘယ်သူဟာ အရှေ့တောင်အာရှရဲ့ လက်ဝှေ့ဘုရင်ဖြစ်တယ်ဆိုတာကို ပြရမယ်လို့ကြုံးဝါး

Published_ 28 August 2023
#ခွမ်ခမာလက်ဝှေ့ကျော် #ပရွန်ဆမ်နန်နှင့်ဒေဝ
#YMG/my
#Yangon_Times

#Local_News
Published 28 August 2023

မြွေဆိပ်ဖြေဆေးအေးခဲခြောက်ကို ယခုနှစ်မှစပြီး ယခင်ထက်နှစ်ဆတိုးပြီး ဆေးအလုံးရေ ၂သိန်းကျော်ထိထုတ်လုပ်မည်ဖြစ်ကြောင်း စက်မှုဝန်ကြီးဌာန မြန်မာ့ဆေးဝါးလုပ်ငန်းစက်ရုံ(အင်းစိန်) မှ သိရသည်။

ယခင်နှစ်များတွင် တစ်နှစ်လျှင်မြွေဆိပ်ဖြေဆေးအလုံးရေ တစ်သိန်းမှတစ်သိန်းနှစ်သောင်း အထိ ထုတ်လုပ်ခဲ့ရာ ယခုသြဂုတ်လတွင် မြေဆိပ်ဖြေဆေးထုတ်လုပ်သည့်စက်သစ်တစ်လုံး ထပ်မံတပ်ဆင်လိုက်သောကြောင့် ဖြေဆေးအလုံးရေတိုးမြင့် ထုတ်လုပ်နိုင်တော့မည်ဖြစ်ကြောင်း သိရသည်။

''လက်ရှိ အသုံးပြုနေတဲ့ စက်ကတစ်နှစ်ကို အလုံးရေတစ်သိန်းကနေ တစ်သိန်းနှစ်သောင်းလောက်ပဲ ထုတ်လုပ်နိုင်တယ်။ ကျွန်တော်တို့နိုင်ငံက စိုက်ပျိုးရေးနိုင်ငံဖြစ်တယ်၊ကျေးလက်နေပြည်သူလဲများတဲ့အတွက် မြွေဆိပ်ဖြေဆေး လိုအပ်ချက်များတယ်။ ဒါကြောင့် အခုဘဏ္ဍာနှစ်မှာ မြွေဆိပ်ဖြေဆေးအေးခဲခြောက်ထုတ်လုပ်တဲ့ စက်အသစ်ကိုတပ်ဆင်ပြီး အခုနှစ်မှာမြွေဆိပ်ဖြေဆေး နှစ်သိန်းကနေ နှစ်သိန်းလေးသောင်းအထိနှစ်ဆတိုးထုတ်လုပ်ပေးသွားမှာပါ'ဟု မြန်မာ့ဆေးဝါးလုပ်ငန်းမှ တာဝန်ရှိသူကပြောသည်။

မြေဆိပ်ဖြေဆေး အေးခဲခြောက်ထုတ်လုပ်နိုင်ရန်အတွက် လိုအပ်သည့်ဆေးဝါးကုန်ကြမ်းဖြစ်သော မြွေများကိုလည်း တစ်နိုင်ငံလုံးနေရာအနှံမှ ဝယ်ယူစုဆောင်းလျက်ရှိပြီး၊ မြင်းသွေးရည်ကြည်ရရှိရန်အတွက် မြင်းအကောင် ၅၀၀ ကို မှော်ဘီရှိဆေးဝါးထုတ်လုပ်ရေးဌာနခွဲတွင် မွေးမြူထားကြောင်း သိရသည်။

#YMG/LW #Local_News #မြွေဆိပ်ဖြေဆေး
#Yangon_Times

ကုန်စည်ဝင်ရောက်မှု ပုံမှန်ရှိနေပေမယ့် သယ်ယူပို့ဆောင်ရေး စရိတ်တွေကုန်ကျမှု များလာတာကြောင့် ငါးခြောက်အမျိုးအစားလိုက် ဈေးနှုန်းတွေမြင့်လာတာဖြစ်တယ်လို့ ငါးခြောက်ပွဲရုံ ပိုင်ရှင်တစ်ဦးက အခုလိုပြောပါတယ်။

Published_ 28 August 2023
#ငါးခြောက်အရောင်းဝယ်အလွန်အေး
#YMG/LW
#Yangon_Times

ချန်ပီယံဆုကို မြဝတီအမျိုး သမီးဘောလုံးအသင်းအနေနဲ့ သုံးကြိမ်မြောက်ဆွတ်ခူးရရှိခြင်းဖြစ်

Published_ 28 August 2023
#Myanmar Women League 2023
#အမှတ်ပေးချန်ပီယံဆု ဆွတ်ခူးရရှိ
#YMG/my
#Yangon_Times

‘နယ်ဘက်တွေမှာ ဆန်စပါးလှောင်နေကြတာဖြစ်ပြီး ဆန်စပါးတွေဟာ ကြာရှည်သို လှောင်ထားပါက ပျက်စီးတတ်တဲ့ ကုန်စည်မျိုးဖြစ်တဲ့အတွက် အဲ့ဒီလိုမလှောင်ကြဖို့ အသင်းချုပ် အနေနဲ့ထိန်းကျောင်းနေပါတယ်။လာမယ့်လထဲမှာဥပဒေအရအရေးယူတာတွေစတင်တော့မှာဖြစ်ပါတယ်’
ဦးရဲမင်းအောင်(ဥက္ကဌ၊မြန်မာနိုင်ငံဆန်စပါးအသင်းချုပ်)

Published_ 28 August 2023
#ဆန်ဈေးတက်နေ
#tthl
#Yangon_Times

အမေရိကန်နိုင်ငံ ဟာဝိုင်ယီပြည်နယ် မာဝီကျွန်းပေါ် အကြီးအကျယ်ဖျက်ဆီးခဲ့တဲ့ တောမီးကြောင့် ယနေ့အထိ လူရာ ပေါင်းများစွာ ပျောက်ဆုံးနေဆဲဖြစ်ပါတယ်။ ယခုအခါ မီးလောင်ပြင်ရဲ့ ၉၉ ရာခိုင်နှုန်းကို ရှာဖွေမှုတွေပြုလုပ်ခဲ့ပြီးပါပြီ။

ဩဂုတ်လ (၈)ရက်ကစခဲ့တဲ့ တောမီးကြောင့် လူပေါင်း ၁၁၅ဦး အနည်းဆုံး သေဆုံးခဲ့ရပါတယ်။ဒါဟာ အမေရိကန်နိုင်ငံ သမိုင်းမှာ ရာစုနှစ်တစ်စုကျော်အတွင်း အဆိုးရွားဆုံး တောမီးလောင်မှုကြီးဖြစ်ခဲ့ပါတယ်။ ပြီးတော့ ဟာဝိုင်ယီသမိုင်းမှာ အဆိုးရွားဆုံး သဘာဝဘေးအန္တရာယ်လည်းဖြစ်ပါတယ်။ Source CCTV+

#Local_News
Published 28 August 2023

ထိုင်းနိုင်ငံအတွင်း နေထိုင်ခွင့်သက်တမ်းကုန်ဆုံးနေသော်လည်း နိုင်ငံကူးလက်မှတ်၂နှစ်နှင့် အထက် ကျန်ရှိနေသူများ ကို MoU/ U-Turn စနစ်ဖြင့် ထိုင်းနိုင်ငံ အတွင်းသို့ ပြန်လည်ဝင်ရောက် အလုပ်လုပ်နိုင်ရန် ယခင်ကကဲ့သို့ ရန်ကုန်မြို့အထိ ပြန်သွားရန်မလိုပဲ မြဝတီမြို့နှင့် ကော့သောင်းမြို့များတို့တွင် One Stop Service စနစ်ဖြင့် မကြာမီ လုပ်ဆောင်ပေးမည် ဖြစ်ကြောင်း ထိုင်းနိုင်ငံ ရှိ မြန်မာနိုင်ငံသံရုံး(ဘန်ကောက်) ၏ထုတ်ပြန်ချက်အရ သိရသည်။

ထိုင်းနိုင်ငံအနေဖြင့် မြန်မာ MoU အလုပ်သမားများကို ထိုင်းနိုင်ငံအတွင်း နေထိုင်ခွင့် လေးနှစ် သာပေးထားပြီး ပြန်လည်ဝင်ရောက် အလုပ်လုပ်ကိုင်လိုပါက မြန်မာနိုင်ငံသို့ ပြန်လည် သွားရောက်ကာ MoU လုပ်ငန်းစဉ်အတိုင်း သက်ဆိုင်ရာ တရားဝင်လိုင်စင်ရ အေဂျင်စီများ ဖြင့် စာချုပ်ချုပ်ဆိုပြီး ထိုင်းနိုင်ငံသို့ ပြန်လည်ဝင်ရောက် အလုပ်လုပ်ကိုင်ခွင့်ရရှိကြောင်း သိရသည်။

''နေထိုင်ခွင့်သက်တမ်းကုန်နေတဲ့ မြန်မာ MOU လုပ်သားတွေက စာချုပ်ချုပ်တာစမတ်ကတ်(OWIC) ကတ်ရိုက်တာတွေကို ရန်ကုန်အထိလာစရာ မလိုတော့ဘူး၊ ထိုင်းနဲ့နယ်စပ်မြို့တွေ ဖြစ်တဲ့ မြဝတီနဲ့ကော့သောင်းမှာပဲ One Stop Service စနစ်နဲ့အချိန် ၃ရက်လောက်နဲ့ ထိုင်းနိုင်ငံ ထဲကိုပြန်လည်ဝင်ရောက်နိုင်မှာပါ''ဟု မြန်မာပြည်ပ အလုပ်အကိုင်ရှာဖွေရေးဝန်ဆောင်မှု လုပ်ငန်းရှင်များအဖွဲ့ချုပ် (MOEAF)မှတာဝန်ရှိသူတစ်ဦးက ပြောကြားသည်။

ယခုကဲ့သို့ ထိုင်းနိုင်ငံ လုပ်ငန်းခွင်အသီးသီးသို့ ရက်တိုတိုနှင့် ပြန်လည်ဝင်ရောက်နိုင်မည့် လုပ်ငန်းစဉ်ကို မကြာမီကာလ၌ ဆောင်ရွက်ပေးသွားမည်ဖြစ်သောကြောင့် လုပ်ငန်းခွင်၏ HR Manager များ၊ တာဝန်ရှိသူများသို့ အသိပေးထားကြရန် လိုအပ်ကြောင်း သိရသည်။

#Local_News #MoU/ U-Turn #One_Stop_Service
#YMG/LW #Yangon_Times

#Local_News
Published_ 28 August 2023

လျှပ်စစ်သုံး EVကား အသုံးပြုသူနှစ်ဦးမှဇီးရိုးမိုင်နှင့် (115) မိုင်ရှိ Charging Station များတွင် EV ကားအားသွင်းသည့် Charger(CCS2 Chargers) အသုံးပြုမရသဖြင့် စားသုံးသူရေးရာဦးစီးဌာန(DOCA)ကို တိုင်ကြားလာသောကြောင့် ဖြေရှင်းဆောင်ရွက်ပေးခဲ့ကြောင်း သိရသည်။

တိုင်ကြားသူ (၂) ဦးသည်ဇွန်လ(၃)ရက်တွင် ရန်ကုန်မှနေပြည်တော်သို့ MG ZS EVကားဖြင့်လည်း ကောင်း၊ ဇွန်လ(၄)ရက်နေ့တွင် ရန်ကုန်မှ မန္တလေးသို့ MG4 EVကားဖြင့်လည်းကောင်း အသီးသီးခရီးထွက်လာခဲ့ရာလျှပ်စစ် ကားများဖြင့်ခရီးသွားရာတွင် အားသွင်းရန်အတွက် အဓိကမိုင်တိုင်များဖြစ်သည့် (0) မိုင်နှင့် (115) မိုင်တိုင်ရှိ Charging Stationများတွင် EV ကားများဝင်ရောက်အားသွင်းရာ CCS2 Charger များမှာအသုံးပြု၍ မရဘဲ ချို့ယွင်းနေသည့်အတွက် အမြန်ဆုံးစစ်ဆေးပြင်ဆင်ပေးပါရန် Email မှတဆင့်ဇွန်(၂၇)ရက်တွင် တိုင်ကြားခဲ့ခြင်းဖြစ်သည်။

ယင်းတိုင်ကြားမှုနှင့် ပတ်သက်၍ စားသုံးသူရေးရာဦးစီးဌာန(ရုံးချုပ်)က ဥက္ကဌ၊ လျှပ်စစ်သုံးယာဉ်နှင့် ဆက်စပ်လုပ်ငန်းများ ရင်းနှီးမြှုပ်နှံမှုနှင့် တင်သွင်း၊ တင်ပို့၊ တပ်ဆင်၊ ထုတ်လုပ်မှုမြှင့်တင်ရေးလုပ်ငန်း ကော်မတီသို့ သက်ဆိုင်ရာကုမ္ပဏီများသို့ အမြန်ပြင်ဆင်ပေးနိုင်ရေး ညွှန်ကြားပေးနိုင်ပါရန် တင်ပြဆောင်ရွက်ခဲ့ကြောင်း၊ အဆိုပါတိုင်းကြားမှုအပေါ် စိစစ်ဆောင်ရွက်ရာ 0 မိုင်၊ ၁၁၅ မိုင်တိုင်ရှိ Charger များတွင် MG ZS Model တံဆိပ်ကားများမှာ အားသွင်းမှုမရသည့် Software စနစ်ချိုယွင်းနေခြင်းဖြစ်ပြီး သက်ဆိုင်ရာကုမ္ပဏီမှ နိုင်ငံခြားသားပညာရှင်များနှင့် ဆက်သွယ်၍ EV Chargers များ၏ Software များအား Upgrade ပြုလုပ်ပြီးဖြစ်သောကြောင့် MG ZS Model တံဆိပ်ကားများ အားသွင်းနိုင်ပြီဖြစ်ကြောင်း သိရသည်။

ယင်းအပြင် ယခုတပ်ဆင်ထားသော Charger များထက် အဆင့်မြင့်အမျိုးအစား ဖြစ်သည့် Autel Digital Power Co., Ltd မှ ထုတ်လုပ်သည့် Autel Brand 60 KW CCS2 Dual Gun Chargers (2 Units) နှင့် Autel Brand 120 KW CCS2 Dual Gun Charger (1 Units)များကို အစားထိုး လဲလှယ်နိုင်ရေး ဆောင်ရွက်နေကြောင်း၊ အစားထိုးလဲလှယ်မည့် CCS2 Autel Chargers များအား တပ်ဆင်နိုင်ရန်မှာယူ တင်သွင်းမှုဆောင်ရွက်နေစဉ် ကာလအတွင်း ယခုအသုံးပြုနေသော CCS2 Chargers များနှင့် အားသွင်းမရသော ကားများရှိလာပါက အရေးပေါ် အားသွင်းပေးနိုင် ရန် CCS2 11 KW AC Level 2 Chargers များကို 0 မိုင်၊ ၁၁၅ မိုင်နှင့် ၂၀၁ မိုင်တိုရှိ Charging Station များတွင် တပ်ဆင်ဆောင်ရွက်ပြီး ဖြစ်ကြောင်း အကြောင်းပြန်ကြားလာသည်ဟုဆိုသည်။

စားသုံးသူရေးရာ ဦးစီးဌာနမှ တာဝန်ရှိသူများက တိုင်ကြားသူများသို ဆောင်ရွက်ထားရှိမှု အခြေအနေများကို အသိပေးရှင်းလင်းပြန်ကြားခဲ့ပြီး တိုင်ကြားမှုကို ပိတ်သိမ်းဆောင်ရွက်ခဲ့ကြောင်းဖော်ပြထားသည်။

#tthl #Local_News #EV ကား #Chargerအသုံးပြုမရ #DOCA မှဖြေရှင်းဆောင်ရွက်
#Yangon_Times

#Local_News
Published 28-August- 2023

လာမည့် စက်တင်ဘာလနှင့် အောက်တိုဘာလ မိုးနှောင်းကာလအတွင်း ဧရာဝတီမြစ်အပါအဝင် မြစ်ကြီးအချို့တွင် စိုးရိမ်ရေမှတ်အထက်သို့ကျော်လွန်ရောက်ရှိနိုင်သည်ဟု မိုး/ဇလက ယနေ့ ဩဂုတ် (၂၈)ရက် နံနက်ပိုင်းတွင် အသိပေးထားသည်။

ဧရာဝတီမြစ်ရေသည် ရွှေကူ၊ ကသာ၊ ပခုက္ကူ၊ ညောင်ဦး၊ ဆိပ်သာ ဟင်္သာတ၊ ဇလွန်မြို့တို့တွင် တစ်ကြိမ်စီ၊ ချင်းတွင်းမြစ်ရေသည် ဟုမ္မလင်း၊ ဖောင်းပြင်၊ မော်လိုက်၊ ကလေးဝ၊ မင်းကင်း၊ကနီနှင့်မုံရွာတို့တွင် တစ်ကြိမ်စီခန့် စိုးရိမ်ရေမှတ်အထက်ကိုရောက်ရှိနိုင်ကြောင်း သိရသည်။

ထို့အပြင် ဒုဌဝတီမြစ်ရေသည် မြစ်ငယ်မြို့တွင် တစ်ကြိမ်ခန့်၊ ပဲခူးမြစ်ရေသည် ပဲခူးမြို့တွင် တစ်ကြိမ်ခန့်၊  သံလွင်မြစ်ရေသည် ဘားအံမြို့တွင်တစ်ကြိမ်ခန့်၊ သောင်းရင်မြစ်ရေသည် မြဝတီမြို့တွင်တစ်ကြိမ်ခန့်စီမြင့်တက်လာနိုင်သည်ဟု အသိပေးထားသည်။

အလားတူ ငဝန်မြစ်ရေသည် ငသိုင်းချောင်း၊ သာပေါင်း၊ ပုသိမ်မြို့တို့တွင် တစ်ကြိမ်စီခန့်နှင့် တိုးမြစ်ရေသည် မအုပင်မြို့တွင် တစ်ကြိမ်ခန့်စီ စိုးရိမ်ရေမှတ်အထက်ကိုကျော်လွန်ရောက်ရှိနိုင်ကြောင်း အသိပေးထားသည်။

#YMG/my #Local_News #စက်တင်ဘာလ #စိုးရိမ်ရေမှတ်အထက်ကို ကျော်လွန်
#Yangon_Times

#World_Politics
Published 28 August 2023

ဇင်ဘာဘွေသမ္မတ ရွေးကောက်ပွဲမှာ အမ်မာဆန်နန်ဂါဂွာက ထပ်မံအနိုင်ရခဲ့ပြီးနောက် အတိုက်အခံ ခေါင်းဆောင်က သူ့ကို အကြီးအကျယ် လိမ်လည်မှုကြီး ပြုလုပ်ခဲ့တယ်လို့ စွပ်စွဲလိုက်ရာ ပြီးခဲ့တဲ့ ရက်သတ္တပတ်က ကျင်းပခဲ့တဲ့ ရွေးကောက်ပွဲရလဒ်နဲ့ ပတ်သက်ပြီး မကျေနပ်တဲ့သူတွေ အနေနဲ့ တရားရုံးမှာ ဖြေရှင်းဖို့ နန်ဂါဂွာက တနင်္ဂနွေနေ့မှာ ပြောကြားလိုက်ပါတယ်။

အသက် ၈၀ ရှိပြီဖြစ်တဲ့ နန်ဂါဂွာက ထောက်ခံမဲရရှိမှု ၅၂.၆ ရာခိုင်နှုန်းဖြင့် ရွေးကောက်ပွဲကို အနိုင်ရရှိခဲ့ကာ အတိုက်အခံ CCC ပါတီခေါင်းဆောင် နယ်လ်ဆင်ခါမီဆာကတော့ ၄၄ ရာခိုင်နှုန်း ရရှိခဲ့ကြောင်း ရွေးကောက်ပွဲကော်မရှင်က ထုတ်ပြန်ထားပါတယ်။

CCC ပါတီက ရွေးကောက်ပွဲရလဒ်ကို လက်မခံနိုင်ဘူးလို့ ခါမီဆာက ပြောကြားခဲ့တာ ဖြစ်ပါတယ်။

အတိုက်အခံပါတီက အစိုးရအသစ်တစ်ရပ် ဖွဲ့စည်းချင်ကြောင်း ဆိုလိုက်ကာ ရွေးကောက်ပွဲရလဒ်ကို တရားရုံးမှာ ရင်ဆိုင်သွားမလား ဆိုတာကိုတော့ မဖြေကြားခဲ့ပါဘူး။

ရွေးကောက်ပွဲရလဒ် ပြောင်းလဲနိုင်ဖို့ နောက်ထပ် ၅ နှစ် စောင့်ဆိုင်းမှာမဟုတ်ဘဲ အခုချက်ချင်း ပြုလုပ်မယ်လို့ ခါမီဆာက သတင်းထောက်များနဲ့ ပါတီမှ တာဝန်ရှိသူများကို ပြောကြားလိုက်ပါတယ်။

စောင့်ကြည့်ရေးအဖွဲ့  ၂  ဖွဲ့ရဲ့ ပြောကြားချက်အရ ရွေးကောက်ပွဲရလဒ်များကို အတည်ပြုစစ်ဆေးခြင်း မပြုနိုင်စေရန် ရဲတွေက အချက်အလက် စင်တာများကို ဝင်စီးပြီး ဝန်ထမ်းတွေနဲ့ လုပ်အားပေးများကို ဖမ်းဆီးသွားတယ်လို့ သိရပါတယ်။

ဒီဖြစ်ရပ်က ရွေးကောက်ပွဲဖြစ်စဥ်ကြီး တစ်ခုလုံးအပေါ် အရိပ်မည်းကြီး ထင်စေကြောင်း ရွေးကောက်ပွဲ သတင်းရင်းမြစ်စင်တာနဲ့ ဇင်ဘာဘွေ ရွေးကောက်ပွဲ အထောက်အပံ့ကွန်ရက်တို့မှ ထုတ်ပြန်ထားပါတယ်။

ဒေသတွင်းအဖွဲ့အစည်း SADC နဲ့ အာဖရိကသမဂ္ဂတို့မှ စောင့်ကြည့်ရေးများကလည်း ရွေးကောက်ပွဲဖြစ်ရပ်ကို ဝေဖန်လိုက်ပါတယ်။

ဒီရွေးကောက်ပွဲဟာ ဆယ်စုနှစ် ၄ ခုကျော်ကြာအောင် အာဏာရနေခဲ့တဲ့ ZANU-PF ပါတီကို အလွန်အလေးပေးသလိုဖြစ်နေကြောင်း လေ့လာဆန်းစစ်သူများနဲ့ စောင့်ကြည့်ရေးများက ဆိုလိုက်ပါတယ်။

ZANU-PF ပါတီကတော့ သူတို့ဟာ မမျှမတဖြစ်လောက်အောင် အားသာချက်မျိုး ရှိမနေကြောင်းနဲ့ ရွေးကောက်ပွဲရလဒ်ကို လွှမ်းမိုးရန် ကြိုးပမ်းတာမျိုး မရှိကြောင်း ငြင်းဆိုလိုက်ပါတယ်။

နန်ဂါဂွာဟာ ၂၀၁၇ ခုနှစ်က ပထမအကြိမ် သမ္မတဖြစ်လာခဲ့ကာ သူ့လက်ထက်မှာ ငွေကြေးဖောင်းပွခြင်း၊ တိုင်းပြည်ငွေကြေးပြတ်လပ်ခြင်း၊ အလုပ်လက်မဲ့ အလွန်များပြားခြင်းတို့ ဖြစ်ပေါ်ခဲ့ပါတယ်။

ZANU-PF မှ ပြောရေးဆိုခွင့်ရှိသူ ခရစ္စတိုဖာမူစွမ်ဂွာက ဖွဲ့စည်းပုံအခြေခံဥပဒေကို ပြင်ဆင်ရန် ကြိုးပမ်းနေမယ့်အစား အစိုးရအုပ်ချုပ်မှုပိုင်းကိုပဲ အာရုံစိုက်သွားမှာဖြစ်ကြောင်း တနင်္ဂနွေနေ့က သတင်းထောက်များကို ပြောကြားလိုက်ပါတယ်။

Source: Reuters
#World_Politics #ဇင်ဘာဘွေ #အတိုက်အခံခေါင်းဆောင်

၂၈ ဩဂုတ် ၂၀၂၃

အိန္ဒိယနိုင်ငံအတိုင်းပဲ မြန်မာနိုင်ငံက ဆန်တင်ပို့မှု နှစ်လတာရပ်ဆိုင်းမယ်ဆိုတဲ့အတွက် ကမ္ဘာ့ဆန်ဈေးနှုန်း  ဆက်လက် မြင့်တက်သွားပြီး ထိုင်းဆန်ဈေးနှုန်းဟာ တစ်တန်ကို ဘတ်ငွေ ၁၂၀၀၀ အထိ တက်သွားတယ်လို့ နေရှင်းသတင်းစာ  ရဲ့သတင်းအရ သိရပါတယ်။

အိန္ဒိယနိုင်ငံဟာ ဇူလိုင် ၂၀ရက်ကစပြီး ဆန်အများစုကို ပြည်ပတင်ပို့မှုရပ်ဆိုင်းခဲ့ပါတယ်။ အဲဒါကြောင့် အခြားသော ဆန်တင်ပို့နေတဲ့ နိုင်ငံတွေကလည်း အလားတူလုပ်လာကြမှာကို စိုးရိမ်ပူပန်မှုတွေရှိခဲ့ကြပြီး ကမ္ဘာ့ဆန်ဈေးကွက်ကို မတည်မငြိမ်စေခဲ့ပါတယ်။ နိုင်ငံတော်တော်များများက အိန္ဒိယနိုင်ငံကို ဆန်ကို ခွဲတမ်းနှင့်ရောင်းချပေးဖို့ မေတ္တာရပ်ခံတာ တွေလည်းရှိနေပါတယ်လို့ နေရှင်းသတင်းမှာဖော်ပြထားပါတယ်။

အိန္ဒိယဟာ ကမ္ဘာပေါ်မှာ အကြီးမားဆုံး ဆန်တင်ပို့တဲ့နိုင်ငံဖြစ်ပြီး ကမ္ဘာ့ဆန်ကုန်သွယ်မှုရဲ့ ၄၀ ရာခိုင်နှုန်းခန့်အထိ နေရာ ယူထားပါတယ်။ အဲဒါကြောင့် ကမ္ဘာ့ဆန်ဈေးနှုန်းအပေါ် အကြီးအကျယ်ရိုက်ခတ်နေတာဖြစ်ပါတယ်။ အခြားသော ဆန်တင်ပို့တဲ့ အဓိကနိုင်ငံတွေက ထိုင်း၊ဗီယက်နမ်၊ပါကစ္စတန်နှင့် အမေရိကန်တို့ဖြစ်ကြပြီး အိန္ဒိယရဲ့ ဆန်တင်ပို့မှု အစိတ်အပိုင်းတစ်ခုပိတ်ပင်မှုကြောင့် အဲဒီနိုင်ငံတွေအပေါ်လည်း ရိုက်ခတ်မှုတွေရှိလာနေတာပါ။

ထိုင်းနိုင်ငံ ဆန်ပို့ကုန်လုပ်ငန်းရှင်များအသင်းရဲ့ ဂုဏ်ထူးဆောင် ဥက္ကဋ္ဌ ချိူကီယတ်အိုဖတ်စ်ဝန်ဆီက “ လက်ရှိ ဆန်ဈေးနှုန်းအခြေအနေဟာ ရောင်းသူတွေကို ဈေးနှုန်းအတိအကျနှင့်ရောင်းဖို့ စိန်ခေါ်သလိုဖြစ်နေတယ်” လို့ ပြောပါ တယ်။ အဲဒီလိုဖြစ်နေရတဲ့အထဲ မြန်မာနိုင်ငံက ထပ်မံပြီး ဆန်တင်ပို့မှု ပိတ်ပင်တာကြောင့် ပိုမသေမချာအခြေအနေ ဖြစ်သွားရတယ်လို့ ပြောပါတယ်။

ကုန်သည်တွေဟာ အိန္ဒိယအနေနှင့် ဘယ်နိုင်ငံတွေကိုဆန်ရောင်းမယ်လို့ဆုံးဖြတ်လဲဆိုတာ အနီးကပ်စောင့်ကြည့်နေကြ ပါတယ်။ ဘာဖြစ်လို့လဲဆိုတော့ အဲဒါက ကမ္ဘာ့ဆန်ဈေးအပေါ်ရိုက်ခတ်မှုရှိမှာကြောင့်ဖြစ်ပါတယ်။

ကမ္ဘာပေါ်မှာ တတိယဆန်တင်ပို့မှုအများဆုံး ဗီယက်နမ်နိုင်ငံကတော့ သူတို့အနေနှင့် ဆန်ပြည်ပတင်ပို့မှုကို ရပ်ဆိုင်းမှာ မဟုတ်ဘူးလို့ပြောပါတယ်။ ဒါပေမယ့် အခြားသော ဆန်တင်ပို့တဲ့နိုင်ငံတွေ ဘာလုပ်မယ်ဆိုတာတွေကြည့်နေရ တာကြောင့် ဈေးကွက်မသေချာမှုတွေက ဆက်ရှိနေဦးမှာဖြစ်တယ်လို့ သူကဆက်ပြောပါတယ်။

ဒါပေမယ့် ထိုင်းနိုင်ငံက တစ်နှစ်ကို ဆန်တန်ချိန်(၈)သန်းတင်ပို့မယ်ဆိုတဲ့ ရည်ရွယ်ချက်ကတော့ ဆက်ရှိနေဦးမှာဖြစ်တယ် လို့သူကပြောပါတယ်။ဒါပေမယ့် အဓိကဆန်တင်သွင်းနေတဲ့ ဖိလစ်ပိုင်နှင့်အင်ဒိုနီးရှားလိုနိုင်ငံတွေက အိန္ဒိယကနေ ဆန် ဝယ်လို့ရသွားရင် ထိုင်းဆန်တင်ပို့မှုဟာ မှန်းသလောက်ဖြစ်မလာနိုင်ဘူးလို့ သူကပြောပါတယ်။

Source: The Nation

Published 28 August 2023

ညဆိုင်းအလုပ်လုပ်ရသူတွေဟာ နေ့ဘက်အလုပ်လုပ်ရတဲ့ သူတွေနဲ့ယှဉ်ရင် မှတ်ဉာဏ်ဆုံးရှုံးနိုင်ချေ ပိုများနိုင်ကြောင်း လေ့လာချက်အသစ်တစ်ခုမှာ တွေ့ရှိထားပါတယ်။

မနက်ခင်း ၉ နာရီကနေ ညနေ ၅ နာရီကြား ပြင်ပအချိန်တွေမှာ အလုပ်လုပ်ရတဲ့သူတွေက ရှင်းလင်းစွာ မတွေးတောနိုင်ခြင်း၊ ဦးနှောက်ယိုယွင်းခြင်း၊ အပြုအမူ ပြောင်းလဲခြင်းစတဲ့ အသိဉာဏ်ချို့ယွင်းမှုများ ပိုမိုဖြစ်နိုင်ချေများကြောင်း ကနေဒါ ယော့ခ်တက္ကသိုလ်မှ သုတေသီများက တွေ့ရှိခဲ့ပါတယ်။

သက်လတ်ပိုင်းတွေနဲ့ သက်ကြီးပိုင်းတွေမှာ ညပိုင်းအလုပ်လုပ်ခြင်းကြောင့် မှတ်ဉာဏ်ချို့ယွင်းမှု ဖြစ်နိုင်ချေ ၇၉ ရာခိုင်နှုန်း ပိုများနေပါတယ်။

ပုံမှန်အလုပ်လုပ်ချိန်အတိုင်း လုပ်ရတဲ့သူတွေကတော့ သူတို့ရဲ့အတွေး၊ စိတ်ခံစားချက်၊ လုပ်ရပ်များကို ထိန်းချုပ်ဖို့ ခက်ခဲတာကို တွေ့ရှိရပါတယ်။

လူ ၅ ဦးမှာ ၁ ယောက်က အလုပ်ချိန် အဆိုင်းပြောင်းလဲရတာမျိုး ကြုံတွေ့ဖူးပါတယ်။

ခန္ဓာကိုယ်အတွင်းမှာလည်း ၂၄ နာရီစက်ဝန်းအတိုင်း ဆဲလ်တွေက နေ့ညလည်ပတ်နေရာ ပြင်ပအချိန်နဲ့အလိုက် နေ့စဥ်ပြန်လည် စတင်လည်ပတ်လေ့ရှိပေမယ့် နေရောင်ခြည်ထိတွေ့မှု နည်းလွန်းခြင်း များလွန်းခြင်းအပေါ် မူတည်ပြီး အပြောင်းအလဲ ဖြစ်နိုင်ပါတယ်။

လူတစ်ယောက်ရဲ့ ခန္ဓာကိုယ်တွင်း နေ့ညလည်ပတ်မှုဟာ အိပ်စက်ခြင်းစက်ဝန်း၊ ဟော်မုန်းလုပ်ဆောင်မှု၊ ခန္ဓာကိုယ်အပူချိန် လည်ပတ်မှု၊ စားသောက်မှု၊ အစာချေဖျက်မှု စတဲ့ ခန္ဓာကိုယ်တွင်း လုပ်ဆောင်ချက်များအတွက် အချိန်သတ်မှတ်ချက်လို ဖြစ်နေပါတယ်။

အရွယ်ရောက်ပြီးသား လူတစ်ယောက်ဟာ တစ်ညကို အနည်းဆုံး အိပ်ချိန် ၇ နာရီရှိသင့်ပါတယ်။

ခန္ဓာကိုယ် နေ့ညလည်ပတ်မှုနဲ့ သွေဖည်လာပါက အခြားကျန်းမာရေး ဆိုးကျိုးတွေလည်း ရှိလာနိုင်ပါတယ်။
Source: New York Post
#World_Health
#YMG #Yangon_Times